নম: পর্বতি পাতয়ে… হর হর মহাদেব !
য়ু.পিগী চীফ মিনিস্তর য়োগী অদিত্যনাথ, দিপুতি চীফ মিনিস্তর কেযব প্রাসাদ মৌরয়া, গুজরাত লেজিসলেতিপ এশেমব্লিগী স্পিকর অমসুং বনাস দাইরিগী চিয়ারমেন অমসুং সঙ্কর ভাই চৌধুরি, রাজ্যগী মন্ত্রীমন্দলগী মেম্বরশিং, লৌমীশিংদা খুদোল পীনবা শরুক য়ারিবা এম.এল.এশিং, অতোপ্পা শক্নাইরবশিং অমসুং বেনারসকী ঐগী ইমুং-মনুংগী মীওইশিং।
বাবা সিবগী শেংলবা মফম অসিদা ঐখোয়না ময়াম পুম্নমক ইকায়খুম্নবা উৎচরি।
ঐগী কাসিগী মীয়ামগী হরাও-তয়াম্বা অসিনা নিংথম থা অসিগী মৈশা ফাওবা হেনগৎহল্লে। অহানবদা ঐখোয় ৱাকৎ অমা থেংনখি… কাসিগী মীয়ামদগী। ৱাকৎ অদু কদাইদা চৎখ্রে। বরানসিগী মীয়ামগী মফমদা দেব দীপাবলী থৌরমদা থাউমৈ মশিং খ্বায়দগী হেন্না থানবগী জিনেস ৱর্ল্দ রেকোর্দ শেমখিবনি।
থবক খুদিংমক ফজনা পাংথোক্লবসু করিগী ঐনা ৱাকৎলিবনো হায়বা অদোম খল্লমগনি। চহি অনিগী মমাঙদা ঐনা মফম অসিদা লাকপদা অদোম্না দেব দিৱালিগী রেকোর্দশু থুগায়খিবা অদুগীদমক ঐনা ৱাকৎলিবনি। হৌজিক ঐ সংসদকী মেম্বর অমা ওইরুবনা অদোমনা কন্না হোৎনখিবা অদু য়েংনবা ঐ মফম অসিদা লাকপা ঙমখিদবা অদুগীদমক ঐনা ৱাকৎলিবনি। নীংথিরবা থৌরমদু হকথেংননা য়েংননবা মহাক মশামক শরুক য়াবা ঙমখিদ্রবসু, মপান লৈবাক্কী মীথুংশিং অমদি লমকোয়বশিং য়াওনা বরানসীদা চৎখিবা মীওইশিংনা থাগৎলকপশিং ঐ য়েংখি অমদি বরানসী অমদি মসিগী মীওইশিংবু থাগৎনরকপদা ঐ চাওথোকচবা ফাওখি। কাসিগী মীয়ামগী থবকশিং থাগৎনরকপা উবদা ঐঙোন্দা তশেংনা চাওথোকচবা পোকখি। প্রভু মহাদেবকী লমদমসিগী থৌগল তৌবা হায়বসি কৈদৌঙৈদা মতোল লোমবা নাইদে হায়না মহাক্না মখা তাখি।
ঐগী ইমুং-মনুংগী মীওইশিং,
কাসিনা নুংঙাই য়াইফরগা য়ু.পি.সু নুংঙাই য়াইফগদৌরিবনি, অমদি য়ু.পি.না নুংঙাই য়াইফরগা লৈবাকসিসু নুংঙাই য়াইফগদৌরিবনি। হায়রিবা থাজবা অসিমক চাউরাক্না লুপা করোর ২০,০০০ লোমগী চাউখৎ থৌরাংগী প্রোজেক্তশিং শঙ্গাবা অমদি উরেপ উয়ুং তম্বা মতমদা ৱাখলদা ফাওই। বরানসীগী খুঙ্গংশিংদা পীরিবা ঈশিং, বি.ঐচ.য়ু. ত্রোমা সেন্তরগী ক্রিতিকেল কেয়র য়ুনিৎ, লম্বী-থোং, রেল লম্বী, এয়রপোর্ত, ইলেক্ত্রিসিতী, সোলার ইনর্জী, গঙ্গা ঘাৎ অমদি তোঙান তোঙানবা অতৈ সেক্তরশিংগী চাউখৎ-থৌরাংগী থবকশিং পায়খৎলে। মখোয় অসিনা লমদম অসিগী চাওখৎ লমজেলদা খোঙজেল হাপকদৌরিবনি। ঙরাং ঐনা কাসি-কন্যাকুমারী তামিল সঙ্গমম ত্রেন লমথাখি অমদি ঙসি বরানসি-নই দিল্লী বন্দে ভারত এক্সপ্রেস, অমদি দোহরিঘাত-মাউ মেমু ত্রেনশিং লমথারে। লাইন অসি লৈবদগী বধালগঞ্জ, হাতা, গোলা-গাগাহা অমসুং দোহরিঘাতকী মীয়াম কান্নবা ফংলগনি। চাওখৎ থৌরাংগী প্রোজেক্তশিং অসিগীদমক মীপুম খুদিংমক্কী মফমদা ঐনা নুংঙাইবা ফোঙদোকচরি।
ঐগী ইমুং-মনুংগী মীওইশিং,
লৈবাক পুম্বগা লোয়ননা কাসিনা চাওখৎপা ভারত অমগীদমক খোঙফম চেৎনা লেপ্লি। বিক্সিত ভারত সংকল্প যাত্রা খুঙ্গং লিশিং কয়া, সহর লিশিং কয়া য়ৌরে। মীওই করোর কয়া যাত্রা অসিদা শরুক য়ারে। কাসিদা ঐ যাত্রা অসি শরুক য়ানবগী খুদোংচাবা অমা ফংলে। ভি.বি.এস.ৱাই. ভেনশিংবু মীয়াম্না ‘মোদীগী গরেন্তীগী গারী’ হায়না কৌনরি। লৈঙাক্না মীয়ামগী মফমদা য়ৌনবা চৎপনি, মীয়াম্না লৈঙাক্কী মফমদা লাকপা নত্তে। লৈঙাক্না লৈঙাক্কী স্কীমশিং ফংবা য়ারবা মীপুম খুদিংমক্তা কান্নবা ফংহন্নবা পান্দম থম্লি। মমাঙদা কান্নবা ফংদনা লৈরম্বা বেনিফিসরী লিশিং কয়া, বরেনসিদা ভি.বি.এস.ৱাই. ভেনশিংগা মরী শম্নহল্লে। মোদীগী গরেন্তীগী গারী অসি সুপর হিত ওইরে।
কনাগুম্বা অমা অয়ুস্মান কার্দ, ফ্রী রেসন কার্দ, পক্কাগী য়ুম, তোতীগী ঈশিং কন্নেক্সন, অমদি উজ্জ্বলা গ্যাস কন্নেক্সনগী কান্নবশিং ফংলে। বেনিফিসরিশিং চিৎথহৌদনবা অমসুং মীওই খুদিংমক মখোয়গী হকশিং ফংনবা ঐখোয়না হোৎনরি। ভি.বি.এস.ৱাই.না অতৈদগী হেন্না মীয়ামদা থাজবা পীবা ঙম্লে। স্কিমশিংগী কান্নবা ফংলবশিং হৌজিক মখোয়গী পুন্সি হেন্না য়াইফরে হায়বগী থাজবা লৈরে। ফংহৌদ্রিবশিংনা মখোয়শু শোইদনা স্কিমশিংগী কান্নবশিং ফংগনি হায়বগী থাজবা লৈরে। থাজবা অসিনা ভারতবু ২০৪৭ ফাওবদা চাওখৎপা লৈবাক অমা ওইহন্নবগী ফিরেপ্পু হেন্না মপাঙ্গল কনহল্লে।
মীয়াম্না কান্নবশিং ফংবা মতমদা ঐশু কান্নবা ফংখি। নুমিৎ নিনিগী মমাংদগী ঐ যাত্রা অসি শরুক য়াদুনা লাক্লি অমসুং সহর অসিগী মীয়ামগা ঐগা উনরে। ঙরাং ঐনা স্কুলগী মহৈরোয়শিং উনবগী খুদোংচাবা অমা ফংখি। অঙকপা মওংদা অঙ্গনৱাদি অঙাংশিংনা ঈশৈ শক্তুনা ঐখোয় তরাম্না ওকখি। অঙ্গনৱাদীগী অঙাংশিংদা উবা ফংলিবা মশাবু থাজজবগী মতৌদা থম্মোয় পেনবা পোকখি। ঐখোয়গী ভি.বি.এস.ৱাই. খোঙচত্ত বেনিফিসরী অমদি লাখপতি দিদী অমা ওইরিবা শ্রীমী চন্দা দেবীগী ৱারী ঙসি ঐনা তারে। ঐনা ৱাহং খর হংখি অমসুং ৱাহংশিংগী পাউখুম পীখি। অদোম মিল্লিয়ন্নরি দিদি অমা ওইরে হায়না ঐনা হায়খি অমসুং মহাক্না হায়খি সার, মসি ঐগী ৱা ঙাংনবগী খুদোংচাবা অমনি, ঐখোয়গী কাংবুগী নুপী ৩-৪ মিল্লিয়ন্নরিশিং ওইরে। ঐঙোন্দা শক্তি য়াম্না পীরে অমসুং যাত্রা অসিনা ঐগী মরুপশিং থৌনা হাপ্লে।
ঐগী ইমুং-মনুংগী মীওইশিং,
কাসি হিংবদা লাইহন্নবা ঐখোয়গী সরকারনা হোৎনরি। খুঙ্গংশিং নত্ত্রগা সহরশিং ওইগেরা, মফমশিং লম্বী-থোং ফজনা শেমগৎলে। ঙসি উরেপ-উয়ুং তম্লিবা অমসুং শঙ্গারিবা প্রোজেকশিং অসিনা মখা তানা কাসিগী চাউখৎ-থৌরাং য়াংখৎহল্লগনি। অকোয়গী খুঙ্গংশিং শম্নবা লম্বী কয়া লৈরে। সিবপুর-ফুলৱারিয়া-লাহারতারা লম্বী অমসুং লৈকং-থোং শেমগৎপা অসিনা মতম অমসুং থাউ অনিমক কনবা ঙম্লগনি। মসিগী প্রোজেক অসিনা সহরগী খা থংবা শরুক্তগী বাবাতপুর এয়রপোর্ততা চৎপশিংদা চাউনা মতেং পাংলগনি।
ঐগী ইমুং-মনুংগী মীওইশিং,
লাইনিংগী মফম অমা ওইনা কাসিনা মমিং চৎপনি অমদি তুরিজমসু নোংম-নোংমগী চাওখৎলক্লি। কাসি বিস্বানাথ ধাম নৌনা শেমজিনখিবা মতুংদা মফমসিদা লাই নিংজবা মীওই করোর ১৩ হেনবনা খুরুম্বা লাকখিবগা লোয়ননা তুরিজম্না অনৌবা থবক কয়াসু শেমগৎলি। মপান লৈবাকশিংদা চৎনবা থৌরাং তৌদ্রিঙৈগী মমাঙদা লমদমসিগী মফম ১৫ চৎননবা ঐনা রেদ ফোর্ত ৱাফম অসি ফোঙদোকখ্রে। মীয়াম্না লমদমসিগী ওইবা তুরিজমদা থৱায় য়াওনরকপা উবদা অপেনবা পোকই। লমকোয়বা মীওইশিং সহর অসিদা লাকপদা মখোয়না করিগুম্বা খর পীরমগনি। মীয়াম্না শিঙ্গাপুর নত্ত্রগা দুবাইদা চৎনবা খনবগী মহুত্তা হৌজিক মখোয়গী লৈবাক য়েংবা চৎপা অদু ঐনা পাম্মী। মপান লৈবাকশিংদা চাদিং তৌগদবা শেনফম অদু হৌজিক মখোয় মশাগী লৈবাক্তা চাদিং তৌরে।
ইনাওশিং অমসুং ইচলশিং,
তুরিজম চাউখৎলকপা মতমদা, মীওই খুদিংমক কান্নবা ফংই। লমকোয়বা মীওইশিং বরানসতা লাকপা মতমদা, হোতেলশিং শেন তাল্লি। লমকোয়বা মীওইশিং বরানসতা লাকপদা তুর-তেক্সি ওপরেতরশিং, ঐখোয়গী হিহোনবশিং, রিক্সো থৌবশিং, অচৌবা অমসুং অপীকপা দুকান ফম্বশিং কান্নবা ফংলে। গাদৌলিয়াদগী লঙ্কা ফাওবগী লমকোয়বা মশিং হেনগৎলকপরা নত্ত্রগা হেনগৎলক্তবরা ঐঙোন্দা হায়বীয়ু।
প্রধান মন্ত্রীনা স্মার্ত সিতী মিসনগী মখাদা হাংদোক্লিবা য়ুনিফাইদ তুরিস্ত পাস সিস্তেম অমদি ময়োল্লম অসিগী মরমদা মীয়ামদা খঙহন্নবা ‘কাসি’ কৌবা তুরিস্ত ৱেবসাইত হাংদোকখিবা য়াওনা তুরিজম চাওখৎহন্নবা পায়খৎলিবা থবকশিং মীয়ামদা থমখি। মহাক্না গঙ্গা ঘাত নৌনা শেমগৎপা, মোদর্ন বস সেল্তর, এয়রপোর্ত অমদি রেলৱে স্তেসনশিংদা শেমগৎলিবা ফেসিলিতীশিংগী মতাঙদসু পনখি।
মরুপশিং,
কাসিদা করি য়েংবা য়াবা লৈবগে, মমিং চৎপা থকফম-চাফম কদাইদা, হরাও-কুম্মৈগী মফম অমসুং পুৱারিগী মফমশিং কদাইদা লৈবগে হায়বা লৈবাক মনুং অমসুং মালেম শীনবা থুংনা খঙহনবা বরানসী-কাসি তুরিস্ত ৱেবসাইত হাংদোক্লে। গোদাউলিয়া চাত নত্ত্রগা রামনাগরগী লসিগী মরমদা ই-পাউ খুদিংমক কাসি ৱেবসাইত্তা হৌজিক ফংলগনি।
মরুপশিং,
হৌজিক ঘাত কয়া নৌনা শেমজিনবগী থবকশিং হৌরে। মোদর্ন বস সেল্তর, এয়রপোর্ত অমদি রেলৱে স্তেসনশিংদা শেমগৎলিবা অসিনা বরানসীদা কোইবা লাকপশিংদা নুংঙাইবা হেনগৎহল্লগনি।
ঐগী ইমুং-মনুংগী মীওইশিং,
ঙসিদি কাসি য়াওনা লৈবাক অসিদা রেল কন্নেক্তিবিগী অচৌবা নুমিৎ অমনি। লৈবাক অসিদা রেলৱেজগী খোঙজেল য়াংখৎহন্নবা অচৌবা ইহৌ অমা চৎথরিবা অসি অদোম খঙলে। দেদিকেতেদ ইস্তর্ন অমদি ৱেস্তর্ন ফ্রৈত কোরিদোরনা রেলৱেজগী অনৌবা শক্তমশিং উবা ফংলগনি। ঙসি নিউ পন্দীত দীনদয়াল উপধ্যায় নগর-নিৎ ভাউপুর শঙ্গারে। মসিনা ভারতকী নোংপোক থংবা শরুক্তগী য়ু.পি ফাওবা কোয়লা অমসুং অতোপ্পা রো মেতরিয়েলশিং পুরকপদা লাইহল্লগনি। মসিনা কাসি লমদমগী উদোগশিংদগী পুথোকপা পোৎলমশিং মপান্দা থাদোকপদসু য়াম্না চাউনা মতেং পাংলগনি।
মরুপশিং,
ঙসি লমদমসিগী ফেক্তরীদা শাবা ১০০০০শুবা রেলৱে ইঞ্জিন কম্মিসন তৌরে। মসিনা মেক ইন ইন্দিয়া, মেক ফোর দি ৱার্ল্দকী ঐখোয়গী থাজবা অমুক হন্না ফগৎহল্লে। দবল ইঞ্জিন সরকারগী থবকশিংনা য়ু.পিদা সোলার ইনর্জিগী থবকশিং য়াংনা চাউখৎলে। চিত্রকুতকী মেগাৱাত ৮০০গী সোলার পৱার পার্ক অসি য়ু.পি.দা থাজনিংঙাই ওইবা মৈ পীননবা ঐখোয়গী ফিরেপকী খুদম অমনি। মসিনা নক্নবা খুঙ্গংশিংদা থবক ফংনবগী খুদোংচাবা কয়া পীগনি অমসুং চাউখৎপা য়াংখৎহনগনি। সোলার ইনর্জিগা লোয়ননা, নোংপোক থংবা য়ু.পিগী দিওরাই অমদি মির্জাপুরদা শাগৎকদৌরিবা ফেসিলিতীশিংনা পেত্রোল, দিজল, বাইও-সি.এন.জি. অমদি ইথানোল প্রোসেসিংগী মতাঙদা স্তেত অসিগী পেত্রোলিয়ম পোত্থোকশিংগী মথৌ তাবশিং ফংহনগনি
ঐগী ইমুং-মনুংগী মীওইশিং,
নুপী, নহা, লৌমী অমদি লায়রবা মীওইশিং মপাঙ্গল হাপ্পা হায়বসি চাওখৎপা ভারত অমা পুরকপদা তঙায় ফদনা চঙদ্রবা য়াদ্রবা ঙাক্তনি। ঐগী ইফমদদি ফুরুপ হায়বসি মখোয়শিং মরিসিখক্তনি, অমদি মখোয়বু মপাঙ্গল কলহনবা হায়বসি লৈবাকসিবু মপাঙ্গল কলহনবনি। থাজবা অসিগা লোয়ননা লৈঙাক অসিনা লৌমীশিংগী য়াইফনবগী লমদা মীৎয়েঙ চঙলি। লৌমীশিংগী বেঙ্ক একাউন্তশিংদা লুপা করোর ৩০,০০০ থাজিনখিবা পি.এম. কিসান সম্মান নিধী, কিসান ক্রেদিৎ কার্দ, মহৌশাগী লৌউ পথাপ্তা মীৎয়েঙ চঙবা, অমদি হার চাইবদা লায়হনগদবা কিসান দ্রোন্নচিংবা স্কীমশিং অসিনা মীয়ামদা কান্নবা পীরে। সেল্ফ-হেল্প গ্রুপশিংগী নুপীশিংদা ত্রেনিং পীগদৌরিবা নমো দ্রোন দিদী প্রোগ্রাম অসিনা দ্রোনশিংগী তাইবংদা মঙাল অমা পীরগনি।
মরুপশিং,
অদোমগী থবকশিংনা মরম ওইদুনা, অমুল হায়নসু খঙনবা অনৌবা বনাস দাইরি প্লান্ত অমা বরানসতা য়াংনা শেমগৎলি অমসুং বনস দেরীনা লুপা করোর ৫০০ হেন্না শেল থাদরি অমদি শঙ্গোম থোকপা শা-শনশিংগী মশিং হেনগৎহন্নবা কেম্পেন চত্থরি। নৌনা পায়খৎলক্কদৌরিবা বনস দেরী অসি বনারসকী লৌমীশিংগী থৌজাল অমা ওইরগনি। হায়খি। বনস দেরী প্লান্তশিং হান্নদগী লখ্নৌ অমদি কানপুরদা মথৌ তৌদুনা লৈরি। চহি অসিদা, বনস দেরীনা য়ু.পি.গী খুঙ্গং লিশিং ৪ হেনবগী লৌমীশিংদা লুপা করোর লিশিং অমা হেনবগী শেনফম ফংহনখ্রে। ঙসিগী থৌরমসিদা, বনস দেরীনা য়ু.পি.গী শঙ্গোম থোকপা শা-শন লোইরিবা লৌমীশিংগী একাউন্ততা লুপা করোর ১০০ হেনবগী শেনফম দিভিদেন্ত ওইনা থাজিনখ্রে। মসিগী কান্নবা ফংলবা লৌমীশিং ঐনা নুংঙাইবা ফোঙদোকচরি।
ঐগী ইমুং-মনুংগী মীওইশিং,
বরানসিদা পায়খৎলিবা চাওখৎ থৌরাংগী থবকশিংনা লমদম পুম্বসিবু চাওখৎপগী অনৌবা পন্দোল লোমহল্লগনি। পুর্বাঞ্চলগী মফম অসি মমাঙদা নাথৈবিদুনা থম্লম্লবসু, মোদীনা হৌজিক্তি মহাদেবকী থৌজালগা লোয়ননা মীয়ামগী থৌগল তৌরি। থা খরগী মনুংদা জেনেরেল মীখল লাক্লগনি। মোদীনা অহুমশুবা তর্মদা ভারতবু মালেমগী অহুমশুবা খ্বায়দগী চাউবা শেন্মিৎলোন ওইহনগনি হায়না ৱাশকখিবনি। ঙসি ঐনা লৈবাক্কী মফমদা পীরিবা থাজবা অসি, ময়াম পুম্নমক্না ঙমহনবনি, ঐগী কাসিগী ইমুংশিংনা ঙমহনবনি। অদোম্না মতম পুম্বদা ঐগা লোয়ননা লেপ্পিরি, ঐগী খোঙফমবু চেৎহল্লি।
ময়াম পুম্নমক অমুক হন্না অদোমগী খুৎ থাংগৎপীয়ু অমসুং অমুক হন্না লাউমিন্নসি। নম: পর্বতি পাতয়ে… হর হর মহাদেব !
পুম্নমক থাগৎচরি।
