“মরম অসিনা ঐখোয়না মখোয়গী অনিংবা, অপাম্বশিং থুংহন্নবা নেক্স জেনরেসন ইনফ্রাস্ত্রকচর শেমগৎতুনা খ্বাইদগী লায়রবা অমসুং খ্বাইদগী শোত্থরবশিংগী তঙাইফদবশিং থুংহন্নবা অচেৎপা ফিরেপ অমা অদুমক লৌরি”
“ইনফ্রাস্ত্রকচর অমা হেক্তা শেমগৎপা মতমদা মীয়ামবু মরু ওইনা লৌগদবনি। অমসুং ঐখোয়না ভারত্তা তৌরিবা অসি মসিমক্নি”“করিগুম্বা ঐখোয়না ইনফ্রাস্ত্রকচর অসি মপাঙ্গল কনহল্লবদি, ঐখোয়না খুদোংথিবশিং অসি ঐখোয় খক্তগী নত্তনা তুংগী মীরোল কয়াগীসু ঙকথোকপা ঙমগনি”এক্সেলেন্সীশিং,
এক্সপর্তশিং, একাদেমিকশিং, বিজনেস লীদরশিং, পোলিসী মেকরশিং, আমসুং মালামগী মফম কয়াদগী লাক্লিবা ঐগী নুংশিরবা মরুপশিং,
খুরুমজরি!
ইন্তর্নেস্নেল কনফরেন্স ওন দিজাস্তর রেজিলিয়েন্ত ইনফ্রাস্ত্রকচরগী মরিশুবা এদিশন অসিদা নখোয় ময়ামগী মরক্তা য়াওবা ফংবা অসিদা ঐহাক্না য়াম্না নুংঙাইবা ফাওই। অহানবদা ঐখোয়না নিংশিংগদবা অমনা সস্তেন্নেবল দেবেলপমেন্ত গোলশিংগী অচেৎপা ৱাশক্তি কনাগুম্বা অমত্তা শোত্থদুনা লৈহন্দবা হায়বসিনি। মরম অদুনা, ঐখোয়না মখোয়গী অনিংবা, অপাম্বশিং অদু মনিং থুংহন্নবা নেক্স জেনরেশনগী ইনফ্রাস্ত্রকচর শাদুনা খ্বাইদগী হেন্না লাইরবা অমসুং শোত্থরবশিং অদুগী তঙাইফদবশিং অদুবু মনিং থুংহন্নবা অচেৎপা ফিরেপ অমা অদুমক লৌরি। অমসুং ইনফ্রাস্ত্রকচর অসি কেপিতল এসেতশিং শেমগৎপা অমসুং ইনভেস্তমেন্ততা তুং কোইনগী ওইবা রিতর্নশিং ফংনবা খক্কি নত্তে। মসি মশিংগীদমক্তা নত্তে। মসি শেলগীদমক্তা নত্তে। মসি মীশিংগীদমক্তনি। মসি মখোয়দা ক্বালিতী লৈবা, থাজবা য়াবা অমসুং সস্তেনবেল সর্ভিসশিং চপ মান্নবা মওং অমদা ফংহনবনি। ইনফ্রাস্ত্রকচর চাউখৎপগী ৱারী অমহেক্তদা মী অসিনা মপুং ওইবা ওইগদবনি। অমসুং অদুমক্নি ঐখোয়না ভারত্তা তৌরিবসি। ভারত্তা ফন্দামেন্তেল সার্বিসশিংগী প্রোভিজন এজুকেশন্দগীনা হকশেল ফাওবা, থক্নবা ঈশিংদগীনা সেনিতেশন ফাওবা, ইলেক্ত্রিসিতীদগীনা ত্রান্সপোর্ত ফাওবা, অমসুং ময়াম অমা হেনগৎলকপগী লোইন-লোইননা ঐখোয়না মহৌশাগী ওইবা অইং-অশাদা লাক্লিবা অহোংবা অসিসু হকথেংননা য়েংশিল্লি। মরম অদুনা সি.ও.পি.-২৬তা ঐখোয়না চাউখৎ-থৌরাংগী মতাংদা হোৎনরিবশিং অসিগা চপ মান্ননা ২০৭০ ফাওবদা ‘নেত জিরো’ ফংবা ঙম্নবা অচেৎপা ফিরেপ অমা লৌরি।
মরুপশিং,
ইনফ্রাস্ত্রকচর চাউখৎহনবনা য়াম্না শিংথানিংঙাই ওইবা মওদা মীওইবগী মতিক অদু ফুদোকহনবা ঙমগনি। অদুবু ঐখোয়না এখোয়গী ইনফ্রাস্ত্রকচরবুদি লাইনা খক লৌরোইদবনি। মসিগী সীস্তেমশিং অসিদা ক্লাইমেত চেঞ্জ য়াওনা খঙনরবা অমসুং খঙনদবা শিংনবশিং লৈ। ঐখোয়না ২০১৯দা সি.আর.দি.আই. হৌদোকপা মতমদা, মসি ঐখোয়না ইশানা থেংনরকপশিং অদুদা য়ুমফম ওইখি অমসুং তঙাইফদশিং অদু ফাওখি। ঈশিং-ঈচাউদা থোং য়াওখিবা মতমদা, সাইক্লোনগী অকনবা নুংশিৎনা পাৱর লাইন তৎপা মতমদা, লামৈনা কম্যুনিকেশন তাৱরদা অমাং-অতা থোকহনবা মতমদা, মসিনা হকথেংননা মী লিশিং কয়া অমগী পুনশী অমসুং মখোয়গী হিংননবগী লম্বিদা অকাইবা পী। অসিগুম্বা ইনফ্রাস্ত্রকচরদা অমাং-অতা থোকহনবা অসিনা মরম ওইরগা চহী কবা অমা শোকহনবা য়াই, অমসুং মী মিলিয়ন কয়া অমদা অকাইবা পীরগনি। মরম অদুনা ঐখোয়গী মাংদা লৈরিবা শিংনবা অসি ময়েক শেংলে। মতম অসিগী অনৌবা তেক্নোলোজী ৱাখল-লৌশিং অসিনা তুং কোইনা চৎকদবা অরিংবা ইনফ্রাস্ত্রকচর শেম্বা ঙমগদ্রা? মসিগী শিংনবশিং অসি মশক খঙবনা মরম ওইরগা সি.আর.দি.আই. অসি শেমগৎখিবনিমসিগী কোলিশণ অসিনা চাউথোরক্তুনা অমসুং মালেম শিনবা থুংনদগী পাক শন্না সপোর্ত তৌরকপগী ৱাফম অসিনা মসিবু ঐখোয় পুম্নমক্কা মরী লৈনবা ৱাফম্নি হায়বদু ময়েক শেংনা তাক্লি।
মরুপশিং,
চহি অনি মখাইগী তেল্লবা মতম অসিদা, সি.দি.আর.আই.না মরু ওইবা অনৌবা খোংথাংশিং লৌখৎখি অমসুং বাম্না মমল য়াম্লবা কন্ত্রিব্যুশনশিং তৌখি। মমাং চহিগী সি.ও.পি.-১৬দা হৌদোকখিবা ‘ইনফ্রাস্ত্রকচর ফোর রেজিলিয়েন্ত আইলেন্দ স্তেতস’কী মতাংদা অনৌবা খোংথাংশিং অসি অপিকপা ঈথৎকী লৈবাকশিংগা লোইননা থবক তৌমিন্ননবা লৌখিবা ঐখোয়গী অচেৎপা ফিরেপ অদুবু ময়েক শেংনা ফোংদোক্লি। পাৱর সীস্তেমগী রেজিলিয়েন্স হেন্না কনখৎহন্নবগী মতাংদা সি.দি.আর.আই.গী থবকশিং অদুনা সাইক্লোন মনুংদা মৈ মুৎপগী মতম হন্থহন্দুনা কোস্তেল ইন্দিয়াদা লৈবা কম্যুনিতীশিংদা কান্নহনখ্রে। মসিগী থবক অসিনা মথংগী ফেজ য়ৌবা মতমদা মসিনা চহি খুদিংগী ত্রোপিকেল সাইক্লোনশিং মায়োক্নরিবা মী মিলিয়ন ১৩০দা কান্নবা পীবা ঙম্লগনি। রেজিলিয়েন্ত এয়রপোর্তশিংগী মতাংদা সি.আর.দি.আই.গী থবক অসি মালেম পুম্বদা লৈরিবা ঐয়রপোর্ত ১৫০বু নৈনবনি। মসিনা গ্লোবল কেনক্তিবিতীগী রেজিলিয়েন্সতা কন্ত্রিব্যুত তৌবগী পোতেন্সিয়েল লৈ। সি.আর.দি.আই.না লুচিংবা ‘গ্লোবল এসেসমেন্ত ওফ দিজাস্তর রেজিলিয়েন্স ওফ ইনফ্রাস্ত্রকচর সীস্তেমস’ অসিনা য়াম্না মরু ওইগদা গ্লোবল নোলেজ অমা শেম্বদা মতেং পাংগনি। মেম্বর স্তেতশিংদগী সি.আর.দি.আই. ফেলোশিংনা হেন্না চাউথোকহনবা য়াবা সোল্যুশনশিং পুথোরক্লি। মখোয়না কমিত্তেদ প্রোফেস্নেলশিংগী গ্লোবল নেতৱার্ক অমা শেম্লি মসিনা ঐখোয়গী ইনফ্রাস্ত্রকচর সীস্তেমশিংগীদমক্তা অরিংবা তুংগী লম্বি অমা শেম্বদা মতেং পাংলি।
মরুপশিং,
ঐখোয়গী তুংগী লম্বিবু রেজিলিয়েন্ত ওইহন্নবা, ঐখোয়না ‘রসজিলিয়েন্ত ইনফ্রাস্ত্রকচর ত্রাঞ্জিশন’গী মাইকৈদা থবক তৌগদবনি, হায়রিবা অসিনা মসিগী কনফরেন্স অসিগী মরু ওইবা ফোকসনি। রেজিলিয়েন্ত ইনফ্রাস্ত্রকচর অসিনা ঐখোয়না পাক শন্না পাংথোরক্লিবা থবকশিং অদুগী মরু ওইবা হীরম অমা ওইবা য়াই। করিগুম্বা ঐখোয়না ইনফ্রাস্ত্রকচর অসি রেজিলিয়েন্ত ওইহল্লবদি, ঐখোয়না ইশাগীদমক্তা খুদোংথিবদগী কনবদা নত্তনা তুংগী মীরোলশিংগীদমক্তা খুদোংথিবদগী কল্লগনি। মসি ঐখোয়না মঙফাওনহনগদবা পুম্নমক্কী ওইবা মঙলান অমসুং ভিজন্নি। ঐহাক্না লোইশিনদ্রিঙৈগী মমাংদা, মসিগী কনফরেন্স অসিবু শিনমিন্নবগীদমক্তা সি.দি.আর.আই. অমসুং য়ুনাইতেদ স্তেতসকী সরকারবু থাগ৭পা ফোংদোক্লি।
মসিগী থৌরম অসিবু শিনমিন্নখিবা পার্তনর পুম্নমক্তা ঐহাক্না য়াইফ-পাউজেল পীজরি। ঐহাক্না নখোয় পুম্নমক্তা মাইপাকপা অমসুং খন্ন-নৈনবা অসিদগী কান্নবা পুরকপা ওইরসনু হায়না য়াইফ-পাউজেল পীরি।
থাগৎচরি।
য়াম্না থাগৎচরি।
