“Like Ease of Doing Business and Ease of Living, Ease of Justice is equally important in Amrit Yatra of the country”
“In the last eight years, work has been done at a fast pace to strengthen the judicial infrastructure of the country”“Our judicial system is committed to the ancient Indian values of justice and is also ready to match the realities of the 21st century”সুপ্রীম কোর্তকী চীফ জস্তিস, জস্তিস এন.ভি. রামানা, জস্তিস য়ু.ইয়ু. ললিত, জস্তিস দি. ৱাই. চন্দ্রচুর; কেন্দ্র সরকারগী মনুংদা লৈরিবা ঐহাক্কী মরুপ অমসুং লো মন্ত্রী, শ্রী কিরেন রিজিজু, ঐখোয়গী মরুপ এম.ও.এস., শ্রী এস.পি. সিংহ বাঘেলজী, সুপ্রীম কোর্তকী জজশিং, হাই কোর্তকী জজশিং, দিস্ত্রিক্ত লিগেল সর্ভিসেস ওথোরিতী (দি.এল.এস.এ.)গী চেয়রমেন অমসুং সেক্রেতরীশিং, ইকায় খুম্ননীংঙাই ওইরবা ইবেম্মা অমসুং ইবুংঙোশিং!
ভারতকী জুদিসিএল সীস্তেম্বু লুচিংলিবা অদোমগী মরক্তা লৈবসি মতম পুম্বদা য়াম্না নুংঙাইবা মতোউ ওই, অদুবু ৱা ঙাঙবদি খিত্তং লুই। ঙসিগী থৌরমসিদি দিস্ত্রিক্ত লিগেল সর্ভিস ওথোরিতীগী চেয়রমেন অমসুং সেক্রেতরীশিংগী খ্বাইদগী অহানবা লৈবাক্কী মীফম্নি অমসুং ঐহাক্না মসি য়াম্না অফবা হৌদোকপা অমনি, হায়বদি মসিনা মখা তানা চত্থগনি হায়না ঐহাক্না খল্লি। থৌরম অসিগীদমক্তা অদোম্না খল্লিবা মতম অসি য়াম্না চুনবা ওইবগা লোয়ননা পুৱারীগসু য়াম্না মরী লৈনহল্লি।
ঙসিদগী নুমিৎ খরনিগী মনুংদা, লৈবাক অসিনা নীংতম্বগী চহি ৭৫ মপুং ফারগনি। মসিদি ঐখোয়গী নীংতম্বগী ‘অমৃত কাল’নি। হৌজিক্কী মতমসিদা ভারতপু মথংগী চহি ২৫দা অনৌবা অৱাংবা থাক্তা পুখৎকদবা ৱারেপ লৌবগী মতম্নি। কারবার তৌবা লাইহনবা অমসুং পুন্সি মহিং নুংঙাইহনবগুম্বা, অচুম্বা ৱায়েল ফংবদা লাইহনবা হায়বসিসু লৈবাক্কী অমৃত য়াত্রা অসিদা মান্ননা মরু ওই। নেস্নেল লিগেল সর্ভিসেস ওথোরিতী অমসুং দিস্ত্রিক্ত লিগেল সর্ভিসেস ওথোরিতী খুদিংনা মসিদা অচৌবা থৌদাং য়াবা য়াই। ঐহাক্না ললিতজী অমসুং অদোম খুদিংবু থৌরম অসিগীদমক্তা থাগৎচরি অমসুং য়াইফ পাউজেলসু পীজরি।
মরূপশিং,
অচুম্বা ৱায়েলগী মতাংদা, ঐখোয়গী লৈবাক অসিদা মতৌ অসুম্না হায়নৈঃ
অঙ্গেন গান্ত্র নয়নেন ৱকন্ত্রা, নয়ায়েন রাজ্য লবনেন ভোজ্যম।।
মসিনা হায়বদি, তোঙানবা কয়াৎ খুদিংমক হকচাংগীদমক্তা মরু ওইবনা, শম্না হায়রবদা মায়গীদমক্তা মিৎ, চিঞ্জাক্কীদমক্তা থুম, অদুনা অচুম্বা ৱায়েল পীবা হায়বসিসু লৈবাক অমগী ওইনা য়াম্না মরু ওই। অদোম খুদিংমক সংবিধানগী মতাংদা খঙ-হৈরবা ঙাক্তনি! ঐখোয়গী সংবিধানগী আর্তিকল ৩৯এ., মসিনা দাইরেক্তিব প্রিন্সিপল ওফ স্তেত পোলিসীগী মখাদসু লাকই, অসিনা লিগেল এদতা অহেনবা মরু ওইবা পীরি। মীয়াম্না লৈবাক্কী মফমদা থম্লিবা থাজবা অসিদগী ঐহাক্না মসিগী মরু ওইবা উবা ফংই।
লৈবাক্কী মীচম অমনা মহাকপু কনানা তাবীনবা লৈত্রবসু, কোর্তকী থোঙদি মহাক্কীদমক্তা লাউনা হাংদুনা লৈরি হায়না মহাক্না থাজৈ। জস্তিস্তা অসুম্না থাজবা থম্লিবা অসিনা লৈবাক অসিনা লৈবাক মীয়ামগী হকপু মতম পুম্বদা ঙাক শেন্দুনা থম্বীরি হায়বা খনহল্লি। মখা তারকপা ওইনা, খ্বাইদগী অশোনবা মীওই অমসু অচুম্বা ৱায়েল ফংবা ঙমহন্নবগীদমক্তা লৈবাক অসিনা নেস্নেল লিগেল সর্ভিস ওথোরিতী শেম্লিবনি। ঐখোয়গী দিস্ত্রিক্ত লিগেল সর্ভিস ওথোরিতীশিং অসিদি ঐখোয়গী লিগেল এদ সীস্তেমগী বিলদিং ব্লোক্নি।
মরূপশিং,
জুদিসিএল সীস্তেমগী খুদোংচাবা ফংবসি খুন্নাই অমগী য়াম্না মরু ওইবা ৱাফম অমনি, মসিগা মান্ননা জস্তিস দেলিভরীসু মরু ওই। জুদিসিএল ইনফ্রাস্ত্রকচরনা হীরম অসিদা অচৌবা থৌদাং য়ারি। মমাংগী চহি ৮দা, লৈবাক্কী জুদিসিএল ইনফ্রাস্ত্রকচর মপাঙ্গল হেনগৎহন্নবা থবক কয়া পাংথোকখ্রে। জুদিসিএল ইনফ্রাস্ত্রকচরবু মতমগা চুনহন্নবা চাউরাকপা লুপা করোর ৯০০০ চাদিং তৌখ্রে। লৈবাক্কী কোর্ত হোল মশিং হেনগৎহনখ্রে। জুদিসিএল ইনফ্রাস্ত্রকচর শেমগৎপদা য়াম্না থুনা মায় পাকপনা জস্তিস দেলিভরীদসু খোঙজেল লৈহনগনি।
মরূপশিং,
ঙসিদি, মালেম অসিনা মমাংদা অমুক্তা উখিদ্রিবা দিজিতেলগী ইহৌ অমা উরি। অদুগা, ভারতনা ইহৌ অসিগী ময়োলদা লৈরক্লি। চহি খরগী মমাংদা, লৈবাক অসিদা ভিম-য়ু.পি.আই. অমসুং দিজিতেল পেমেন্ত শক্তাকখিবদা, মীওই খরনা মসিগী কান্নবদি য়াম্না অকক্নগনি খনখি। অদুবু, ঐখোয়না খুঙ্গং খুদিংদা দিজিতেল পেমেন্ত পাংথোকপা ঙসিদি উরে। মালেম পুম্বদা পাংথোক্লিবা অপুনবা দিজিতেল রীএল তাইম পেমেন্তকী শরুক ৪০%দি ভারত মথন্তদা পাংথোক্লি। স্ত্রীত ভেন্দরদগী হৌরগা খ্বাইদগী লাইরবা মীওইগী পুন্সিদা দিজিতেল পেমেন্তনা মহৌশাগী থবক ওইরে। ইন্নোভেসন অমসুং এদাপ্তেসনগী মহৌশাগী ওইবা মতিক অসি লৈবাক অসিদা লৈরিবা অসিনা, জস্তিস দেলিভরীদা তেক্নোলোজী শিজিন্নবগী হৌজিক্কী মতমদগী হেন্না ফবা মতম লৈররোই। লৈবাক্কী জুদিসিএল সীস্তেম্না সুপ্রীম কোর্তকী পাউতাক মখাদা মাইকৈ অসিদা চঙশিল্লিবা অসিদা ঐহাক্না নুংঙাইবা ফাওই। ই-কোর্ত মিসনগী মখাদা, লৈবাক অসিদা ভর্চুএল কোর্তকী চৎনবী হৌদোকখ্রে। ত্রাফিক্কী কাঙলোন থুগাইবগুম্বগী ক্রাইমগীদমক্তা পুং ২৪ চলায়বা কোর্তনা মথৌ পাংথোকপা হৌনখ্রে। মীয়ামগী হেন্না খুদোংচানবগীদমক্তা কোরতশিংদা ভিদিও কনফরেন্সিংগী ইনফ্রাস্ত্রকচরশিংসু লৈহনখ্রে। লৈবাক অসিদা কেস করোর অমা হেন্না ভিদিও কনফরেন্সিংগী খুত্থাংদা হিয়ারিং তৌখ্রে হায়না ঐহাক্কী ইফমদা পাউদমলকখ্রে। হাই কোর্ত অমসুং সুপ্রীম কোর্ত্তা চাউরাক্বা কেস লাখ ৬০ তাখ্রে। কোরোনাগী মনুংদা ঐখোয়না মহুত শিন্নবা লৌখৎখিবা খোঙথাংনা হৌজিক পথাপ অসিগী শরুক ওইরে। মসিনা “ ঐখোয়গী জুদিসিএল সীস্তেম্না ভারতকী অরিবা মতমগী অচুম্বা ৱায়েলগী ভেল্যুদা খোঙফম চেৎলি অমসুং ২১শুবা চহি-চাগী তসেংবা ফিভমশিংগা চুনহন্নবা শেম-শাবসু লোইরে” হায়বগী খুদম্নি। মসিগী মহৈদি অদোম খুদিংগীনি। অদোম্না হীরম অসিগা মরী লৈননা হোৎনবগীদমক্তা ঐহাক্না থাগৎচরি।
মরূপশিং,
মীচম মীয়ামদা অচুম্বা ৱায়েল ফংহন্নবগীদমক্তা নেস্নেল লিগেল সর্ভিসেস ওথোরিতী অমসুং দিস্ত্রিক্ত লিগেল সর্ভিসেস ওথোরিতী মসিগুম্বা তেক্নোলোজীগী মতিক য়ারিবমখৈ য়াম্না শিজিন্নফম থোকই। মীচম মীয়াম অমনা মশাগী হক, মথৌদাং, সংবিধানগী মওং-মতৌ, কাঙলোন অমসুং পাম্বৈশিং শোইদনা খঙহন্নবা হোৎনবদা তেক্নোলোজীনা অচৌবা থৌদাং য়াবা য়াই। মমাংগী চহিদা, ইকায় খুম্ননীংঙাই ওইরবা রাস্ত্রপতিনা লিগেল লিতরেসী অমসুং এৱিয়র্নেসকীদমক্তা পেন ইন্দিয়া আউতরিচ কেম্পেন হৌদোকখি। দিস্ত্রিক্ত লিগেল সর্ভিসেস ওথোরিতীনা হীরম অসিদা অচৌবা থৌদাং য়াখি। মসিগী মমাংদসু, ইং ২০১৭তা প্রো বোনো লিগেল সর্ভিস প্রোগ্রাম হৌদোকখ্রবনি। মসিগী মখাদা, লিগেল সর্ভিসশিংবু মীচম মীয়ামগী মফমদা মোবাইল অমসুং ৱেব এপকী খুত্থাংদা ফংহনখি। করিগুম্বা ওথোরিতীশিং অসিনা অহেনবা খোংথাং থাংদুনা হোৎনরিবশিং অসিদা নেক্স জেন তেক্নোলোজী শিজিন্নবা মতমদা, মীয়াম্না হেন্না কান্নবা ফংগনি।
মরূপশিং,
নীংতম্বগী ৭৫শুবা চহি অসিদি ঐখোয়না ইশাগী থৌদাং পাংথোকপা মতম্নি। হৌজিক ফাওবদা লাইথোক্তুনা লাক্লিবা হীরমশিংদা ঐখোয়না হৌজিক থবক তৌবা তারে। লৈবাক্কী অন্দর-ত্রাইএল ফাদোকশিংগা মরী লৈনবা হ্যুমেনিতরিয়নগী হীরম কয়াদা সুপ্রীম কোর্তনা মীওইবগী ৱাখল খঙবগী থৌওং কয়ারক হন্না পাংথোকখি। লিগেল এদ ঙাইদুনা জেলদা চহি কয়া লৈরক্লবা ফাদোক মশিং কয়া অমা লৈ। ফাদোকশিংদা লিগেল এদ পীবগী থৌদাং ঐখোয়গী দিস্ত্রিক্ত লিগেল সর্ভিস ওথোরিতীনা লৌখৎপা য়াই। ঙসি মফমসিদা, লৈবাক পুম্বগী মফমশিংদগী জজ কয়া অমা লাকপীরি। অন্দর্ত্রাইএল রিভিয়ু কম্মিতীগী চেয়রপর্সন ওইনা, মখোয়বু থাদোকপগী থৌওং পাংথোকসি। এন.এ.এল.এস.এ.বু হীরম অসিগা মরী লৈননা কেম্পেন পায়খৎলে হায়না ঐহাক্না তাজরে। মসিগীদমক্তা অদোম্বু ঐহাক্না থাগৎচরি অমসুং অদোম্না কেম্পেন অসিবু লিগেল এদকী খুত্থাংদা মায় পাকহনগনি হায়না ঐহাক্না থাজরি। বার কাউন্সিলনসু কেম্পেন অসিদা উকিল মশিং হেন্না য়াওহন্নবা পুক্নিং থৌগৎপীয়ু হায়না ঐহাক্না থমজরি।
মরূপশিং,
ঐখোয় পুন্না হোৎনমিন্নবা কয়ানা লৈবাক অসিগী ৱারেপ কয়াবু ‘অমৃত কাল’ অসিদা অনৌবা মাইকৈ পীগনি হায়না ঐহাক্না থাজবা থম্লি। অদোমগী মরক্তা পুনবগী খুদোংচাবা ফংবসিদা ঐহাক্না অদোম্বুসু থাগৎলি। থৌরম অসিদা থাজবা কয়া থম্লিবা অসিগী তুং ইন্না নুমিৎ নিনি চঙনা মনুং হুৎনা খন্ন-নৈনগদৌরিবা অসিনা অচৌবা মহৈ কয়া পুরক্কনি হায়না ঐহাক্না থাজৈ।
অদোমগী মফমদা অচৌবা থাজবগা লোয়ননা পুম্নমকপু থাগৎচরি!
