বিহারগী রাজ্যপাল শ্রী ফাগু চৌহানজী, বিহারগী মুখ্যমন্ত্রী নীতীশকুমারজী,কেন্দ্রগী মন্ত্রীমন্দলদা লৈবিরিবা ঐহাক্কী মরূপ শ্রী পীয়ুষ গোয়লজী, শ্রী রবিশঙ্কর প্রসাদজী, শ্রী গিরিরাজ সিংহজী, শ্রী নিত্যানন্দ রায়জী সুশ্রী চৌধরীজী, বিহারগী উপ-মুখ্যমন্ত্রী সুশীল কুমার মোদীজী, অতৈ মন্ত্রীশিং, এম.পি.শিং অমসুং এম.এল.এ.শিং অমসুং তেক্নোলোজীগী থোংদা শম্নরিবা বিহারগী ইচিল-ইনাওশিং!
মরূপশিং, ঙসি বিহারদা রেল কনেক্তিবিতীগী লমদা অনৌবা পুৱারী শেমখ্রে, মহাসেতু অমসুং কিউল থোংমক্তদা রেলগী চত্থোক-চৎশিন, রেলৱে ইলেক্ত্রিফিকেসন, রেলৱেদা মেক ইন ইন্দিয়া অসি খুমাং চাউশিলহনবা অনৌবা থবক থোরকহল্লক্লিবা প্রোজেক দর্জন অমা ঙসি লোঞ্চ তৌখ্রে অমদি হৌদোকখ্রে। লুপা করোর লিশিং অমরোম চংগদবা প্রোজেক্তশিং অসিদগী বিহারগী রেল নেৎৱর্ক অসি মপাঙ্গল লৈহনবদা নত্তনা নোংচুপ বঙ্গাল অমসুং নোংপোকথংবা ভারতকী রেল কনেক্তিভিতী অসিসু হেন্না মপাঙ্গল কনখৎহল্লগনি। বিহার য়াওনা নোংপোকথংবা ভারতকী রেলদা চৎলিবা মীওই করোর কয়াদা অনৌবা অমদি মতমসিগী ওইবা খুদোংচাবশিং ফংবগীদমক্তা অদোম পুম্নমক্কী মফমদা নুংঙাইবা ফোংদোকচরি।
মরূপশিং, বিহারদা গঙ্গাজী ওইরো, কোসী ওইরো, সোন ওইরো, তুরেলশিং অসি পাকথোরকপনা মরম ওইদুনা বিহারগী শরুক কয়াদা লৈরিবা মীশিংনা অমগা-অমগা শম্নহন্দ্রে। বিহারগী শরুক খুদিংমক্তা অচৌবা খুদোংচাদবা অমা ওইহল্লে, তুরেলগী মরম্না লম্বি শাংনা চৎহনগদৌরে। নীতীশজীনা রেল মন্ত্রী ওইবিরিঙৈগী মতমদা, পাসৱানজীনা রেল মন্ত্রী ওইবিরিঙৈগী মতমদা মখোয়নসু মসিগী খুদোংচাদবা অসি কোকহন্নবা য়াম্না কন্না হোৎনবিখি। অদুদগী মতম শাংনা থবক তৌদনা লৈরকখিবা মতাং অমা য়াওকখ্রে। মসিদা বিহারগী, বিহারগী মীওই করোর-করোরগী খুদোংচাদবা অসি কোকহন্নবা ৱাশক্কা লোয়ননা ঐখোয় মাংজিল থানা চংশিল্লক্লি। হৌখিবা চহি ৫-৬জা খুদোংচাদবশিং অসি অমগী মথংদা অমা ফহন্নবা থুনা য়াংনা খোংথাংশিং থাংজিল্লকখি। মরূপশিং, চহি ৪গী মমাংদা অৱাংথংবা অমসুং খাথংবা বিহার শম্নহনবা মহাসেতু অনি, পতনাদা অমা মুঙ্গেরদা অমা হৌদোকখ্রে।
রেলগী থোং অনি অসি লৈহনখিবদগী অৱাংথবা অমদি খা খাথংবা বিহারদা মীশিংনা চত্থোক-চৎশিন তৌবদা হেন্না লায়হল্লে, মরুওইনা চহি কয়াদগী চাউখৎপা ফংলক্তবা অৱাংথংবা বিহারগী অনৌবা খোংজেল ফংলে। ঙসি মিথিলা অমসুং কোসীগী মফমশিং অসি শম্নহনবা থোং অচৌবা অমদি সুপৌল-আসনপুর কুপহা রেল লম্বি অসিসু বিহারগী মীশিংগী থৌগলগীদমক্তা কত্থোকচরি।
মরূপশিং, চহি মরিফুমঙারোমদগী য়ুহার হাবা অমনা য়াম্না শাথিনা অমাং-অতা থোকহনবনা মিথিলা অমসুং কোসী অসি তোখাই-তোখাইনা মচেৎ-মচেৎ তাহনখি। কোরোনানচিংবা মালেমগী ওইবা লায়চৎখ অসিনা মফম অনি অসি অমুক্কা হন্না শমজিন্ননবগী ঙসি তাঞ্জা অসি অফবনি। মসিগী থবক অসি অতোপ্পা রাজ্যশিংদগী ময়ুমদা হল্লকপা শিন্মী মরূপশিংনা য়াম্না মতেং পাংবিদুনা অরোইবগী থাক্তা লৈরে হায়না ঐঙোন্দা খংহল্লকখি। মসিগী থোং অচৌবা অমসুং প্রোজেক্ত অসি নোল্লুক্নিংঙাইগী মশক ওইরবা অতলজী অমসুং নীতীশ বাবুজীগী দ্রীম প্রোজেক্তনি। ২০০৩দা নীতীশজীনা রেল মন্ত্রী ওইরিঙৈদা অমসুং নোল্লুক্নিংঙাইগী মশক ওইরবা অতল জী প্রধানমন্ত্রী ওইবিরিঙৈদা অনৌবা কোসী রেল লাইনগী প্রোজেক্ত অসিগী ৱাখল্লোন অসি শাগৎখি। মসিগী পান্দমদি মিথিলা অমসুং কোসীগী মফমশিংদা লৈরিবা মীশিংগী অৱাবশিং অসি কোকহনবনি। মসিগী ৱাখল্লোন অসিগা লোয়ননা অতলজীনা মসিগী প্রোজেক্ত অসি উরেপ-উয়ুং তমখি। মথংগী চহিদা অতলজী অসি লৈখিদ্রে অমসুং মসিগী মতুংদগী কোসী রেল লাইন প্রোজেক্তকী খোংজেল অসি অদুম্মক তপথখ্রে। করিগুম্বা মিথীলাগী মতাংদা খনবা তারবদি , বিহারগী মীশিংগী অৱাবশিংগীসু খনবিরম্লবদি কোসী রেল লাইন প্রোজেক্ত অসি থুনা য়াংনা থবক পাংথোক্লমগদবনি। মতম অদুদা রেল মন্ত্রালয় অসি কনানা পায়বনো, কনাগী সরকার লৈরমখ, মসিগী মতাংদা শন্দোক্না খংবা পামদে। অদুবু অচুম্বদি হান্নগী অদুগুম্বা খোংজেলদা থবক চত্থরম্বা অদুগুম্না ২০০৪গী মতুংদসু চত্থরম্বা তারবদি ঙসিগী নুমিৎ অসি করম্বা নুমিত্তা লাক্লমগদবনো, চহি কয়া চংলমগদবনো, চহি কয়া চংলমগদবনো হায়বদু খংবা ঙম্লম্লোই, কনানা খংবনো মীরোল অমা হৌখিবসু য়াই। অদুবু চপ চানা লেপ্পা অমদি নীতীশজীগুম্বা মতেং পাগনবা মী লৈরগদি ওইবা ঙম্লোইদবা করিবু লৈখিগনি। লৈবাক থিংনবগীদমক্তা মতমসিগী ওইবা তেক্নোলোজী শিজিন্নদুনা সুপোল-আসনপুর কুপহা লম্বিগী থবক মপুং ফাহনখ্রে। ইং কুমজা ২০১৭দা য়াম্না শাথিবা ঈশিং-ঈচাও থোকখিবদা নংখিবা অমাং-অতাশিং অদু হন্দক মেনখৎপা ঙমখ্রে।
হৌজিক্তি কোসীগী অচৌবা থোং অমসুং সুপোল-আসনপুর কুপহা লম্বি অসি বিাৃহারগী মীশিংগী থৌগল তৌনবা লৈরে।
মরূপশিং, ঙসি কোসী অচৌবা থোং অসি লৈনা-লৈনা সুপোল-আসনপুরগী মরক্তা ত্রেন সর্ভিস অসি হৌহন্দুনা অররিয়া অমসুং সহরসা জিলাগী মীশিংদসু য়াম্না কান্নহল্লগনি। মসিদা নত্তনা অৱাং-নোংপোক্কী মরূপশিংনা খনবা য়াবা রেলগী লম্বি ফংলগনি। কোসী অমসুং মিথিলাগী ওইনা অচৌবা থোংগী খুোদংচাবগী পাম্বৈ ওইরি, অদুগা মসিগী মফমশিং অসিদা লল্োন-ইতিক তৌবা, ইন্দস্ত্রী-থবক্তসু খুমাং চাউশিলহল্লগনি।
মরূপশিং, বিহারগী মীশিংনা হৌজিক নির্মলাদগী সরায়গঢ় ফাওবগী রেলগী লম্বিগী খোংচৎ অসি কিলোমিতর ৩০০মুক শাংই হায়বসি খবিরি। মসিগীদমক্তা দরভঙ্গাদগী সমস্তিপুর-খগড়িয়া-মানসী-সহরসা, হায়রিবা লম্বিশিং অসি ফাওদুনা চৎপা তাই। হৌজিক্তি বিহারগী মীশিংনা কিলোমিতর ৩০০গী খোংচৎ চৎকদবা নুমিৎ অদু কুইররোই। কিলোমিতর ৩০০গী খোংচৎ অসি শুপ্নতগী পুং ২২ খক্তমক চংলগনি, হায়বদি খোংচৎসু তেল্লগনি অদুগা মতমসু চংলরোই অমসুং বিহারগী মীশিংগী লনসু কল্লগনি।
মরূপশিং, কোসী অচৌবা থোং অসিদগী কিউল তুরেল অসিদা অনৌবা রেল ইলেক্ত্রোনিক ইন্তর-লোক্কিংগী খুদোংচাবা অসি হৌহনবদগী খুদোংচাবা অমদি খোংজেল অসি হেন্না খোংজেল য়াংহল্লগনি। থোং অসি শাবনা ঝাঝাদগী পন্দিৎ দীন দয়াল উপাধ্যায় জঙ্কশনফাওবগী মেন লাইন্দা, পুংদা কিলোমিতর চামা-চামগা কুনমঙা চেনবা ত্রেন চৎপা ঙম্লগনি হৌজিক। ইলেক্ত্রোনিক ইন্তরলোক্কিং অসি চৎহনবদগী হাৱড়া-দিল্লী মেন লাইন্দা রেল চত্থোক-চৎশিন তৌবদা লাইরগনি, কান্নদবদা থেংথবা অদু লৈহল্লরোই অমসুং অমসুং রেলগী খোংচৎ অসি হেন্না তেক্ত-কাইদবা ওইহল্লগনি।
মরূপশিং, হৌখিবা চহি ৬সিদা ইন্দিয়ন রেল অসি অনৌবা ভারতকী শাগৎচবা ৱাখল্লোনশিং অমসুং আত্মনির্ভর ভারতকী শাগৎচবা ৱাখল্লোন অসিগী মশক-মওং শেম্নবা হোৎনরক্লি। ঙসি ইন্দিয়ন রেল অসি হান্নদগী হেন্না লু-নাল্লে। ঙসি ব্রোদগেজ রেল নেতৱর্ক অসি মী লৈতবা গেৎশিংদগী নান্থোকহন্দুনা হান্নদগী হেন্না শোই-ঙামদনিংঙাই ওইহনখ্রে।
ঙসি ইন্দিয়ন রেলগী খোংজেল অসি হেন্না য়ংখৎহনখ্রে। ঙসি মীপাল তাংদবা অমদ মতমসিগা চান্নবা মওংগী সিম্বোল ওইরিবা বন্দে ভারতকুম্বা ভারত্তা শাবা ত্রেনশিং অসি রেল নেৎৱর্ক্কী শরুক ওইশিল্লক্লি। ঙসি লৈবাক অসিগী শম্নদবা শরুকশিংদা রেল নেৎৱর্ক অসিগা শম্ননবা রেলগী লম্বি অসি পাকথোকহন্নবা অমসুং ইলেক্ত্রিফিকেসনগী থবকসু য়াংনা পাকথোক-চাউথোক্লি।
মরূপশিং, রেলৱে অসি অনৌবা মওংদা শেম্নবগী অচৌবা থৌরাং অসিনা বিহার অমসুং অপুম্বা নোংপোকথংবা লৈবাক্তা য়াম্না কান্নবা ফংহল্লি। হৌখিবা চহি খরসিদা মেক ইন ইন্দিয়া অসি খুমাং চাউশিলহন্নবগীদমক্তা মধেপুরাগী ইলেক্ত্রিক লোকো ফেক্তরী অমসুং মঢ়ৌরাদা দীজল লোকো ত্রেন অসি লৈহনখ্রে। প্রোজেক্তশিং অসিদগী বিহারদা চাউরাক্না লুপা করোর লিশিং অমরোম ইনভেস্ত তৌখ্রে। ঙসি বিহারদা হোসপাৱর লিশিং ১২গী খ্বাইদগী মপাঙ্গল কনবা ইলেক্ত্রিসিতীগী ইঞ্জিন ওইরক্লি হায়বসি তাবদা বিহারদা লৈরিবা মীশিংনা য়াম্না চাউথোকচনিংঙাই ওইগনি। বরৌনীদা ইলেক্ত্রিক্কী ইঞ্জিনগী থবক শিন্দোক-শিঞ্জিন তৌনবা বিহারদা অহানবা লোকো লম্বিগী থবকসু হৌখ্রে।
বিহারগী ওইনা অচৌবা ৱাফম অমা ওইরিবদি ঙসি বিহারদা রেলগী নেতৱর্ক্কী শরুক ৯৯% রোমদা ইলেক্ত্রিফিকেসন তৌখ্রে। হৌখিবা চহি ৬তা বিহারদা কিলোমিতর লিশিং ৩ হেনবা রেলগী লম্বিদা ইলেক্ত্রিফিকেসন তৌখ্রে। ঙসি মসিদা প্রোজেক্ত ৫ অমসু হাপচিনখ্রে।
মরূপশিং, বিহারদা ওইরিবা ফীভম অসিদা রেলৱে অসিদা মীশিংনা চত্থোক-চৎশিন তৌনবগী অচৌবা পাম্বৈ লৈরগনি।মসিদা বিহারদা রেলৱেকী ফীভম অসি ফগৎহন্নবা, কেন্দ্র সরকারগী খ্বাইদগী মরুওইনা তৌগদবা থবকশিং অদুগী মরক্তা অমা ওইরি। ঙসি বিহারদা য়াংনা রেলৱেনেৎৱর্ককী থবক চত্থরি, মসিগীদমক্তা অচুম্বা অমা হায়বা পামজগনি। ২০১৪গী মমাংদা চহি ৫সিদা চাউরাক্না কিলোমিতর চহুমগা কুনমঙা শাংবা রেল লাইনগী কমিশন তৌখি। অরাইবা ৱাহৈদা হায়রগদি চহি ৫সিদা বিহারদা শুপ্নতগী কিলোমিতর চহুমগা কুনমঙা শাংবা অনৌবা রেল লাইন হৌদোকখি। অদুবু ২০১৪গী মতুংদা চহি ৫সিদা বিহারদা চাউরাক্না কিলোমিতর ৭০০ শাংবা রেল লাইনগী কমিশন তৌখ্রে। হায়বদি শরুক অনি শাংবা অনৌবা রেল লাইন হৌখ্রে। হৌজিক চাউরাক্না কিলোমিতর ১০০০রোম শাংবা অনৌবা রেল লাইনশিং শেম্বগী থবক য়াংনা চত্থরি। ঙসি হাজীপুর-ঘোসৱর-বৈশালীগী অনৌবা রেল লাইন লৈহনবদগী বৈশালী সিতী, দিল্লী অমসুং পতনাতা চুমদ্রিং চৎপা কৃরেল সর্ভিসসু শম্নহল্লগনি। মসিগী সর্ভিস অসিদগী বৈশালীদা চত্থোক-চৎশিন অসি য়াম্না মপাঙ্গল কনখৎহল্লগনি অমসুং নহা ওইরিবা মরূপশিংদা অনৌবা থবক ফংহল্লগনি। মতৌ অসিগুম্না ইস্লামপুর-নতেসরগী অনৌবা রেল লাইন অসিদগী মীয়াম্নসু য়াম্না কান্নগনি। মরুওইনা বুদ্ধগী ৱাখল্লোন অসি ইনবা গাংবুদা অনৌবা খুদোংচাবা ফংহনবদা লায়হল্লগনি। মরূপশিং, ঙসি লৈবাক অসিদা পোৎপুবা গারী অমসুং পেসেঞ্জর গারী অনিমক অসি তোঙান-তোঙানবা ত্রেন ওইহন্নবা অচৌবা সিস্তেম হায়বদি হেদিকেতেদ ফ্রেৎ কোরিদোরদসু য়াংনা থবক চত্থরি। মসিদগী বিহারদা কিলোমিতর চনি য়াংখৈ শাংবা য়াম্না থুনা সাবা লোইশিল্লগদবা দেদিকেতেদ ফ্রন্ত কোরিদোর শারি। মসিগী সিস্তেম অসিদগী ত্রেনশিং থেংথবগী খুদোংচাদবা লৈরম্বশিং অদুসু হন্থহল্লগনি অমসুং অমসুং পোৎশিং হোনবগী মতমসু য়াম্না তানা চংলগনি।
মরূপশিং, কোরোনাগী লুরবা তানফম অসিদা রেলৱেনা তৌরিবা থবক, রেলৱেগী থবক তৌরিবা অসিগীদমক্তা ঐহাক্না ইন্দিয়ন রেলগী থৌমী লাক্ষ কয়াবু, মখোয়গী মরূপশিংবু অখন্নবা মওংদা থাগৎচরি। লৈবাক অসিগী শিন্মী লাক্ষ কয়াদা শ্রমিক স্পিসিএল ত্রেনশিংদগী তেক্ত-কাইদনা ময়ুম য়ৌহন্নবগীদমক্তা রেলৱেনা অহিং-নুংথিল খংদনা হোৎনখি। মফমদুগী ওইবা থাক্তা শিন্মীশিংদা থবক পংহনবদা অচৌবা থৌদাং লৌরি। কোরোনাগী মতম অসিদা ইন্দিয়ন রেলগী পেসেঞ্জর সর্ভিস অসি মতম খরগী ওইনা লেপখ্রগসু রেল অসি শোইহন-ঙামহন্দনবা অমদি অনৌবা মতমগী ওইবা মওংদা ওইহন্নবগী থবকসু য়াম্না য়াংনা চত্থরি।
লৈবাক অসিগী অহানবা লৌমীগী রেল, হায়বদি ত্রেক্তা চেন্দুনা কোল্দ স্তোরেজসু বিহার অমসুং মহারাস্ত্রগী মরক্তা কোরোনাগী মতম অসিদা চেলহনবা হৌখ্রে।
মরূপশিং, মসিগী থৌরম অসি রেলৱেগী ওইরবসু রেলৱেগা লোয়ননা মীয়ামগী পুন্সি অদু লায়হন্নবা অমসুং হেন্না ফগৎহন্নবা হোৎনবগী থৌরম্নি। মরম অদুনা খন্ননিংঙাই ওইরবা বিহারগী মীশিংগী হকশেলগা মরি লৈনবা হিরম অমা অদোমদা থমজগে। নীতীশজীগী সরকার অসি শেমদ্রিঙৈফাওবদা বিহারদা মেদিকেল কোলেজ অসি অমা-অনিদং লৈরমখি। মসিনা বিহারদা অনাবসিং লায়েংবদা য়াম্না অৱাবা ওইখি অদুগা বিহারগী লাইরিক নিংথিনা হৈরবা নহা ওইরিবশিংদা মেদিকেল তম্নবা অতোপ্পা রাজ্যশিংদা চৎপা তাখিরম্মি। ঙসি বিহারদা মেদিকেল কোলেজ ১৫ হেন্না লৈরে।
নুমিৎ খরনিগী মমাংদা অনৌবা এম্স অমগী অয়াবসু পীরকখ্রে।
মসিগী অনৌবা এম্স অসি দরভঙ্গাদা শাগনি। অনৌবা এম্সসিদা ফমুং ৭৫০ লৈবা অনৌবা হোসপিতাল শাগনি, এম.বি.বি.এস.কী সীৎ ১০০ অমদি নর্সিংগী সীৎ ৬০সু লৈগনি। দরভঙ্গাদা শাগদৌরিবা এম্স অসিনা অনৌবা থবক লিশিং-লিশিংসু লৈহল্লক্লগনি
মরূপশিং, লৈবাক অসিগী লৌমীশিংগী য়াইফনবগী মায়কৈদা লৌউ-শিংউ অসি ফগৎহন্নবা ঙরাং লৈবাক্কী ওইনা য়াম্না অথোইবা নুমিৎ অমা ওইখি। ঙরাং বিশ্বকর্মগী নুমিত্তা লোকসভাদা অনৌবা পুৱারীগী ওইবা এগ্রীকলচরেল রিফোর্ম বীল পাস তৌখ্রে।
অনৌবা বীলশিং অসিনা ঐখোয়গী চেং-চাক পীনবিরিবা লৌমীশিংদা পুনশিল্লিবা কয়া লৌথোকখ্রে, মখোয়বু মনিং তমহনখ্রে। মসিগী রিফোর্মেসনশিংসিনা লৌমীশিংনা মশাগী পোত্থোকশিং য়োনবদা ওপ্সন হেন্না ফংলগনি অমদি হেন্না খুদোংচাবা ফংলগনি। ঐহাক্না লৈবাক অসিগী মীয়াম পুম্বদা বীলশিং অসি পাস তৌবগীদমক নুংঙাইবা ফোংদোকচরি। । লৌমী অমসুং কস্তমরশিংগী মরক্তা শেল চাবা মী লৈবা, লৌমীশিংনা তাঞ্জবা শেলগী শরুকশিং লৌখিবা
মসিদগী কন্ননবগীদমক্তা মসিগী বীল অসি পুরকপা য়াম্না মথৌ তাখি। মসিগী বীল অসি লৌমীশিংগীদমক্তা ঙাক-শেন্নবগী কবচ ওইদুনা লাক্লি। অদুবু চহি খরদগী মীওই খরনা অৱাবা পীরি, লৈবাক অসিদা পাল্লি, মখোয়শিংনা লৌমীশিংদা হিরম অসিগী মতমাংদা চমম্নহন্নবা হোৎনরি, লৌমীশিংদা ওইদবা ঙাংলি।
মরূপশিং, মীখলগী মতমদা লৌমীশিংগী মথম্মোয় শুম্নবা চাউর-চাউরবা ৱা ঙাংখি, ইদুনা হায়খি, মশাগী লাউথোকপগী চেদা হাপ্লমখি অমসুং মীখলগী মতুংদা কাওখিরম্মি। অদুবু ঙসি এন.দি.এ. সরকারনা মদুগীশিং পাংথোকপা মতমদা, ঐখোয়গী সরকারনা লৌমীশিংদা কত্থোকপা মতমসিদা চমম্নহন্নবা ৱাফম কয়া অমা শন্দোক্লি। এ.পি.এম.সি. এক্ত অসিদা মীওই কয়ানা রাজনিতী তৌরি, এগ্রীকলচর মার্কেৎকী থৌরাংশিংদা পুরকপা অওনবদু য়ান্নিংদবা ফোংদোক্লক্লি, মসিগী অওনবসি মীওইশিংসিনা লাউথোকপগী চেদফাওবা ইখি।
অদুবু এন.দি.এ. সরকারনা অওনবা অসি থবক ওইনা পাংথোক্তুনা উৎলবা মতমসিদা মসিগী মায়োক্তা লেপ্লরি, অরানবা ৱা শন্দোকপদা, চমম্নবা ৱা শন্দোকপগী থবক তোরক্লি। শুপ্নতগী মায়োক্তা লৈনবগী মায়োক্তা লৈবা থবক তৌনবগী খুদম অসি অমগী মথংদা অমা থোরক্লি। অদুবু মখোয়শিংনা লৌমী অসি অদুক্কী মতিক মিৎ-না শিংই হায়বসি কাউরে। মখোয়শিংনা লৌমীশিংনা ফংগদৌরিবা অনৌবা খুদোংচাবা অসি পাম্নদ্রি। লৈবাক অসিগা লৌমীনা মখোয়গী শেন চারিবশিংগীদমক্তা করিগী মীচং চংলিবশিংদু কনানো হায়বদু উরি।
মরূপশিং, মসিগীশিং অসিনা অম.এস.পি.গী মতাংদা অচৌ-অচৌবা ৱা কয়া অমা ঙাংখি। অদুবু কৈদৌনুংদসু মখোয়গী ৱাশক অদু মপুং ফাখিদে। লৌমীশিংনা শকপা ৱাশক অসি মপুং ফাহল্লিবা অসি হৌজিক পাল্লিবা সরকার অসিননি। সরকারনা এম.পি.এস. অসিদগী লৌমীশিংদা করিসু কান্নবা ফংহল্লোই হায়না লান্না শন্দোক্লি। সরকারনা লৌমীশিংদগী চেং-গেহুনচিংবশিং অসি লৈবিরোই হায়না শন্দোক্লিবা অসিসু ভাপনা শাজিনবনি। মসি পুম্লান লানবনি, অরানবনি, লৌমীশিংদা নমথাক তৌবনি। ঐখোয়গী সরকারনা লৌমীশিংদা এন.পি.এস.তগী চান্নবা মমল ফংহন্নবা ৱাশক্লি। সরকারগী ওইনা লৈবদসু হান্নগুম মখা চত্থগনি। হান্নসুওইখি, ঙসিসু ওইখিনি, তুংদসু ওইখিনি। মী অমনা মশাগী পোত্থোক অদু মালেম অসিগী পামজবা মফম অমদা হেক্তা য়োনবা য়ারনি। অদুবু শুপ্নতগী লৌমী ইচিল-ইনাওশিংদা মসিগী হক অসি খংহনখিরমদে। হৌজিক অনৌবা থৌরাং অসি চৎনরকপনা মরম ওইদুনা লৌমীনা মশাগী মহৈ-মরোং অদু লৈবাক অসিগী কৈথেল অমদা হেক্তা য়োনবা য়ারগনি, অপাম্বা মমলদা য়োনবা য়ারগনি। মসি ঐখোয়গী কোর্পোরেতিক্স, ফার্মর্স প্রদক্ত ওর্গনাইজেসন-এফ.পি.ও.শিং অমসুং বিহারদা থবক পাংথোক্লিবা সেল্ফৃহেল্প গ্রুপশিংগীদমক্তা ফরবা তাঞ্জা অমা পুদুনা লাক্লে।
মরূপশিং, নীতীশজীসু মসিগী থৌরম অসিদা য়াওবিরি। এ.পি.এম.সি. এক্ত অসিনা – লৌমীশিং করি মাংজবগে হায়না নিথিনা খংবিরি। মসিগী মরম অসিনা বিহারগী মুখ্যমন্ত্রী ওইরক্লবা মতুংদা হৌরকপগী চহিদা নীতীশজীনা বিহারদা মসিগী ৱায়েল-পথাপ অসি লৌথোকখি। বিহারনা পাংথোকপা থবক অদুগী লম্বিদা লৈবাক অসিনা চৎলি।
মরূপশিং, লৌমীশিংগীদমক্তা এন.দি.এ.না চহি তরুকসিদা তৌরকখিবা থবকশিং অসিগুম হান্না কনা অমত্তনা তৌখিদ্রি। লৌমীশিংদা খুদোংচাদবা ওইহল্লগনি খনবা খুদোংচাদবা অসি লৈহন্দনবা সরকারনা লেপ্তনা হোৎনরি। লৈবাক অসিগী লৌমীশিংনা মরু লৈবদা, হার লৈবদা, মথৌ তাবা মচা-মচাশিং মপুং ফাহনবদা কনামত্তনা শেন পুদনবগদমক্তা প্রধানমন্ত্রী কৃষিল কল্যান য়োজনা হৌদোকখি। য়োজনা অসিদগী হৌজিক ফাওবা লৈবাক অসিগী লৌমী করোর ১০গী একাউন্তা করোর লাক্ষ অমা চুমদ্রিংনা হাপখ্রে। মরক্তা শেন চাবা মী লৈত্রে। লৌমীশিংদা ঈশিংগী অৱাবা লৈহন্দনবা চহি কয়াদগী পন্দুনা লৈরক্লবা ইরিগেসন প্রোজেক্তশিং মপুং রপানা লোইশিল্লে। মসিগীদমক্তা প্রধানমন্ত্রী ফার্মর্স ইরিগেসন স্কীমদা লুপা করোর লাক্ষ অমরোম চাদিং তৌখ্রে। সাংনা পরেং লেপ্নখিবা, লৌমীশিংদা খরখক্তমক অদুগা ফেক্তরীশিংদা য়াম্না হেন্না য়ৌনরমখিবা অসি য়ুরিয়ানি, অদুগা নীমগী কোতিং অসি চাদা ১০০ তৌরি। ঙসি লৈবাক অসিদা অচৌবা থাক্তা কোল্দ স্তোরেজগী নেৎৱর্ক অসি শেমগৎলি, ফুদ প্রোসেসিংগা মরি লৈনবা ইন্দস্ত্রীশিংদা ইনভেস্ত য়াম্না তৌরি, লুপা করোর লাক্ষ অমা চংবা এগ্রীকলচর ইনফ্রাস্ত্রকচর ফন্দ শেম্লি। লৌমীশিংগী শা-শনশিং অসি অনাবগী কন্নবা লৈবাকপুম্বগী ওইবা কেম্পেনসু পাংথোকহল্লি। ঙা য়োকপা অসি শৌগৎনবা, খোইহী লোকপা অসি খুমাং চাওশিলহন্নবা , শঙ্গোমগী পোত্থোক হেন্না পুথোক্তুনা লৌমীশিংগী চাগা হেনগৎহন্নবগী অতোপ্পা ওপ্সনশিংগীদমক্তা সরকারনা লেপ্তনা থবক তৌরি।
মরূপশিং, ঐহাক্না ঙসি লৈবাক অসিগী লৌমীশিংদা ময়েক শেংনা পাউজেল অসি পীবা পাম্মি। অদোম্না করিগুম্বা মখল অমত্তগী অরানবা ৱাফমগী লাংদা থুবিরুগনু।
মীওইশিং অসিদগী লৌমীশিংনা চেকশিন্না লৈবিগদবনি।
লৈবাক অসিদা চহি কয়া পাল্লম্লগা ঙসি লৌমীশিংদা অরানবা ৱা ঙাংলিবা মীশিং অসিদগী চেকশিনবিয়ু। লৌমীশিংনা মশাগী পোত্থোক অদু লৈবাক অসিগী মফম অমদা হেক্তা য়োনবদা, মীওই অমদা হেক্তা য়োনবগী মনিং তম্বা অদু ফংহনবা হায়বসি য়াম্না পুৱারীগী ওইবা খোংথাংনি। ২১শুবা চহি চাদা ভারতকী লৌমীনা, অপুনবশিং অসি লৈহন্দনা, অপনবা লৈতনা লৌ উরগনি, য়োন্নিংবা মফমদা য়োল্লগনি
কনাগুম্বা মরক্তা লৈরগা শেন চাবশিংনা হাইজিল্লকপা ঙম্লরোই অমদি মশাগী পোত্থোক, মসাগী চাগাসু হেনগৎহল্লগনি। মসি লৈবাক অসিগী মথৌ তাবনি অমসু মতম অসিগীসু মথৌ তাবনি।
মরূপশিং, লৌমী ওইরো নুপীশিং ওইরো, নহারোলশিং ওইরো, লৈবাক অসি চাউখৎহনবা অসি ঐকোয় খুদিংমক্কী ইথৌদাংনি। ঙসি প্রোজেক্তশিং কত্থোক্লিবা অসিসু মসিগী ইথৌদাং অসিগী সরুক অমনি। ঙসি প্রোজেক্তশিং লোঞ্চ তৌরিবা অমদি হৌদোক্লিবা অসিদগী বিহারগী মীশিং, নহারোলশিং, নুপীশিংনা য়াম্না কান্নহল্লগনি হায়না থাজৈ। মরূপশিং, কোরোনাগী তানফম অসিদা য়াম্না চেকশিন্না লৈবিয়ু। চেকশিন্দবনা অদোম অমদি অদোমগী মীশিংদা অমাংবা ওইহনগনি। মরম অসিনা বিহারগী মীশিংদা, লৈবাক অসিগী মীশিংদা হন্না হন্না হায়জগে। মাস্ক অসি শোইদনা উপ্পিয়ু, গজ অনি লাপ্ননা লৈবিয়ু, মীয়াম তিবা মফমদা চৎপিদনবা হোৎনবিয়ু, মী তিন্দনবা হোৎনবিয়ু, লায়না ঙাকথোক্নবগী পাঙ্গল হেনগৎহনবিয়ু. ইম্যুনিতী হেনগৎহনবগীদমক্তা অখাবা মহি থকপিয়ু, অসাবা ঈশিং থকপিয়ু। , লেপ্তনা হকচাং চেকশিন্না থম্বিয়ু। মিৎকুপ-নাহুম শিংনা লৈবিয়ু. তেকর্ত-কাইদনা লৈবিয়ু, হকচাং ফনা লৈবিয়ু। অদোমগী ইমুং নাদনা লৈবা ওইরসনু, মসি হায়জবগা লোয়য়ননা অদোম পুম্নমকপু থাগৎচরি।
