PM urges IIT Guwahati to establish a Center for disaster management and risk reduction
NEP 2020 will establish India as a major global education destination: PMখুরুমজরি!
থৌরম অসিদা ঐখোয়গা লোয়ননা য়াওমিন্নরিবা লৈবাক এসিগী এজুকেসন মন্ত্রী শ্রী রমেশ পোখরিয়াল নিশঙ্কজী, আসামগী মুখ্যমন্ত্রী শ্রী সর্বানন্দ সোনৱালজী, কেবিনেত্তা লৈবিরিবা ঐহাক্কী খোংবুরোই এজুকেসনগী রাজ্য মন্ত্রী শ্রী সঞ্জয় ধোত্রেজীস বোর্দ ওফ গবর্নেন্সকী চেয়র্মেন দা. রাজীব মোদীজী, সিনেৎকী মেম্বরশিং, কনভোকেসন অসিদা শক্নাইরবা লেংবিরকপশিং, ফেকল্তী মেম্বরশিং অমসুং ঐহাক্কী নুংশিরবা স্তাফ অমসুং মহৈরোয়শিং.
ঙসি ঐহাক্না আই.আই.তি. গুৱাহতীগী কুন নিথোইশুবা কনভোকেসন অসিদা অদোম পুম্নমক্কা শরুক য়ামিন্নবা ফংবা অসিদা ঐহাক নুংঙাইবা ফাওজৈ। কনভোকেসন অসি মহৈরোয় খুদিংমক্কী পুন্সিগী খ্বাইদগী মরুওইবা নুমিৎ অমনি, অদুবু হন্দক্কী কনভোকেসন অসিদা শরুক য়ারিবা মহৈরোয়শিং অসিগীদমক্তদি য়াম্না তোঙানবা মওংগী খং-উবগী মওং অমনি। তমথিরবা লায়চৎ অসিগী মতমদা কনভোকেসনগী মওং-মতৌ অসি য়াম্না হোলে, হান্নগী ফীভম অদু ওইরম্লগসু ময়ামগী মরক্তা ঐহাক অদুম্মক য়াওরমগনি। অদুম ওইজরগসু মসিগী মিৎকুপ, অসিসু অদুক্কী মতিক মরুওই, মমল নাইবা নুমিৎ অমনি। ঐহাক্না অদোম নহা ওইরিবা মরূপশিং পুম্নমক্কী মফমদা য়াম্না নুংঙাইবা ফোংদোকচরি। মখোয়গী তুংগী পুন্সিগীদমক্তা কন্না হোৎনরিবা অসিগীদমক্তা য়াইফ-পাউজেল পীজরি।
মরূপশিং, ঐখোয়গীসিদা হায়নৈ-গ্যানম-বিগ্যান সহিতম্ য়ত্ গ্যাত্ব মোক্ষ্যতে অশুভাতে। হায়বদি- গ্যান্না খুদোংচাদবশিং খুদিংমক্তগী, অৱাবশিংদগী কোকহন্নবা পাম্বৈনি হায়বনি। মসিগী ৱাখল্লোন, থৌগল অসি পুদুনা করিগুম্বা খরা তৌবা ঙম্নবা মসিগী পাঙ্গল অসিনা ঐখোয়গী লৈবাকসিগী চহি লিশিং কয়াগী খোংচৎ অসি লেংদনা হিংদুনা থম্লিবনি। মসিগী ঐখোয়গী ৱাখল্লোন অসি আই.আই.তি.শিংগুম্বা ঐখোয়গী মহৈ লোয়শঙশিংনা মখা তানা থবক চত্থহল্লিবা অসি ঐখোয়গী চাউথোকচনিংঙাইনি। অদোম পুপম্নমক্নসু মসিগী ৱাখল্লোন অসি ফাউবিরমগনি। অদোম্না মফমসিদা লাকখিবা মতমদা অদুদগী অহোংবা কয়া অমা পুবিরক্লম্লগনি, অদোমগী ৱাখল খনবগী মওং অদু য়াম্না পাক-চাউথোক্লম্লগনি। আই.আই.তি. গুৱাহতীদা অদোমগী পুন্সিগী কোংচৎ অসি হৌরকখিবা মতমদুদগী হৌজিফাওবদা অদোমগী মীতিক-মীরৌ লৈবগী মওং অদু উবা ফংবিরম্লগনি। মসিগী মহৈ লোয়শঙ অসিগী, অদোমগী প্রোফেসরশিংনা অদোমগীদমক্তা খ্বাইদগী মমল লৈরবা খুদোল অমা পীবিরে।
মরূপশিং, ঐহাক্না ময়েক শেংনা থাজৈ।লৈবাক অসিগী তুংদা লাক্কদৌরিবা মতম অসি ঙসি নহা ওইরিবশিংনা খল্লিবা মওং অসিনি। অদোমগী মংলানশিংনা ভারতকী অশেংবা শক্তম শেমগদৌরিবনি। মরম অসিনা মতম অসি তুংগীদমক শেম-শানবনি, হৌজিক্তগী হৌনা তুংগী পুন্সি শেম্নবনি। শেন্মিৎলোন অমসুং খুন্নাই অসিদা অহোংবা পুরক্লিবা অসি, মতমগী মওংদা অহোংবা পুরক্লি, ভারতকী সাইন্,স অমসুং তেক্নোলোজীগী মওং অসি কয়া অমা হোংদোকপগী মথৌ তাই। আই.আই.তি. গুৱাহতীনা মসিগী থবক অসি হান্নদগী হৌনা পায়খৎলম্বা হৌবা অসিদা ঐহাক নুংঙাইবা ফাওই। ই-মোবিলিতীদা চহি অনিগী রিসর্স প্রোগ্রাম অসি হৌদোক্লিবা অসি আই.আই.তি. গুৱাহতীনা হান্নদগী হৌনা আই.আই.তি. হায়না ঐঙোন্দা পাও পীরকখি। আই.আই.তি. গুৱাহতীনা বি. তেক্কী থাক্কী প্রোগ্রামশিংদা সাইন্স অমসুং ইঞ্জিনিয়রশিং অসি পুনশিন্নবদা মকোক থংলি হায়নসু পাও পীরকখি।ইন্তর-দিসিপ্লিনরীগী প্রোগ্রামশিং অসিনা ঐখোয়গী এজুকেসন অসি পুংথুং থুংবা অমদি তুংগী ওইনা কান্নবা মওং ওইহনগনি হায়বসি থাজৈ। অদুগা মতৌ অসিগুম্না তুংগী পুন্সিগী ওইবা মওং অসিগা লোয়ননা ইন্সতিত্যুৎ অসি মমাং থানা চংশিনবদা মদুগী মদুগী মহৈদুসু হৌজিক উবা ফংই।
আই.আই.তি. গুৱাহতীনা লায়চৎ অসিগী মতমদা ভাইরেল ত্রেন্সপোর্ত মেদিয়া, ভাইরেল আর.এন.এ. এক্সত্রেক্সন কিৎ অমসুং আর.তি-পি.সি.আরয়গুম্বা কোবিদ-১৯গা মরি লৈনবা কিৎশিং অসি পুথোক্তুনা মসি খুদম অসি উবা ফংহল্লি। তমথিরবা লায়চৎসিগী মতমসিদা একাদমিক সেসনশিং পাংথোকপা, রিসর্চকী থবকশিং মখা চত্থবা হায়বসি য়াম্না অৱাবা অমনি হায়বসি ঐহাক নিংথিনা খংই। অদুমকপু অদোম্না মায় পাকপা অসি ফংবিরি। অদোমগী হোৎনবা কনবা অসিগীদমক, লৈবাক অসি মীপান তাংদনা হিংবা ঙম্নবগী মায়কৈদা অদোম্না থৌদাং লৌবিরিবসিগীদমক্তা অদোমগী মফমদা নুংঙাইবা ফোংদোকচরি।
মরূপশিং, মীপাল তাংদনা হিংবা ঙম্বা ভারত ওইহন্নবগীদমক্তা ঐখোয়গী এজুকেসন সিস্তেমসিগী চাউরবা থৌদাং লৈ হায়বসি অদোম্না তোইদোক-হেন্দোক্না হেন্না খংবিরবা ৱাফম্নি। হৌকিবা নুমিৎ খরনিসিদা অদোম্না নেস্নেল এজুকেসন পোলিসীগী মতাংদা কয়া অমা পাবিরম্লগনি, কয়া অমা নৈনবিরম্লগনি। নেস্নেল এজুকেসন পোলিসী অসি ঐখোয়গী ২১শুবা চহি চা অসিগী অদোমগুম্বা নহা ওইরিবশিংগীদমক্তনি। মালেম অসিগী মকোক থংগদৌরিবা নহা ওইরিবশিংদুগীনি, , সাইন্স অমসুং তেক্নোলোজীদা ভারত অসি মালেমগী মকোক থংবা ওইহনগদৌরিবনি। মসিদা নত্তনা মসিগী এজুকেসন পোলিসী অসিদা মহৈরোয়শিংনা পামখিবশিংগী লিস্তা খ্বাইদগী মকোক থংখিবশিংসু য়াওরি।
মরূপশিং, অদোমগী এজুকেসনগী খোংচত্তা মহৈ তম্বা অমদি পরিক্ষা থাবা অসি ঐখোয়গী মহৈরোয়শিংগী ওইনা পোৎলুম ওইদনবা, মহৈরোয়শিংনা মশাগী অপাম্বা সবজেক্তশিং খন্দুনা তম্বা ঙম্নবনি। মসিগীদমক্তা নেস্নেল এজুকেসন পোলিসী অসি হিরম কয়াগী ওইহনখ্রে, হিরমশিং ফ্লেক্সিবিলিতী ওইহনখ্রে, থোং কয়াদগী চংবা য়ানবগী খুদোংচাবা পীখ্রে। অদুগা খ্বাইদগী মরুওইবা ৱাফম্না নেস্নেল এজুকেসন পোলিসীনা এজুকেসন অসি তেক্নোলোজীগা শমজিন্নহল্লগনি। হায়বদি মহৈরোয়শিংনা, তেক্নোলোজী অসি ঐখোয়গী মহৈরোয়শিং ৱাখল খনবগী মপুং ওইবা শরুক ওইরগনি হায়বদি মহৈরোয়শিং তেক্নোলোজীগী মতাংদা তম্লগনি অমসুং তেক্নোলোজীগী থোংদগী তম্লগনি। এজুকেসনসিদা আর্তিফিসিএল ইন্তলিজেন্স অসি শিজিন্ননবা, ওনলাইন্দা তম্বা হেনগৎনবা নেস্নেল এজুকেসন পোলিসী অসিদা মসিগী লম্বি য়াৎখ্রে।
তাকপা ্মসুং তম্বদগী হৌরগা এদেমিনিস্ত্রেসন অমসুং এসেসমেন্তফাওবা তেক্নোলোজীগী থৌদাং ওইহন্নবগীদমক্তা নেস্নেল এজুকেসন তেক্নোলোজীগী ফোরমসু শেম্লি। ঐখোয়গী নহা ওইরিবাশিংনা তেক্নোলোজীদগী তম্নবসু তাকপিনবসু অনৌবা তেক্নোলোজী অমা ইনোভেৎ তৌগদবা ইকো-সিস্তেমগী মায়কৈরোমদা চংশিল্লক্লে। আই.আই.তি.গী মরূপশিংগী ওইনা মপান নাইদবা থবক কয়া অমনি। অনৌবা সোফ্তৱেয়র, অনৌবা দিভাইসশিং অমসুং গেজেৎশিংগী এজুকেসনগী লম্বি অমদা অনৌবা য়াওলদা ওন্থোক্নবগী মতাংদা অদোম্না খনগদবনি। মসি অদোমগীদমক্তা খুদোংচাবা অমনি, অদোমগী ক্বাইদগী পবা অদু পুথোরক্নবা, সিজিন্ননবনি।
মরূপশিং, লৈবাক লৈবাকসিদা রিসর্চ তৌবগী মওং অসি ফগৎহনবগীদমক্তা এন.ই.পি.দা নেস্নেল রিসর্চ ফাউন্দেসন অমগী ৱাফমসু পুখৎখ্রে।
এন.আর.এফ. রিসর্চ ফন্দিংসিগী মতাংদা ফন্দিং এজেন্সীশিং পুম্নমক্তা খুৎশম্নরগনি অমদি সাইন্স ওইরো, হ্যুমেনিতিজ ওইরো, দিসিপ্লিন খুদিংমক্কীমক্তা ফন্দ পীরগনি। প্রেক্তিকেলগী স্কোপ লৈগদবা, মখোয়শিং মশক খংবিগদবা অমদি থবক পাংথোকপা স্কোপসু লৈগদবা মঙম লৈবা রিসর্চ ওইগনি। মসিগীদমক্তা সরকারগী এজেন্সীশিং অমসুং ইন্দস্ত্রীশিংনা তেংবাংনদুনা অমদি নক্না মরি শেমগৎকনি। ঙসিগী কনভোসেকনসিদা নহা ওইরিবা মরূপ ৩০০মুক্তা পি.ঐচ.-দি.গী মনা পীরগনি হায়বসিদা ঐহাক নুংঙাই, অদুগা মসি য়াম্না পোজিতিব ওইবা মতম্নি। অদোম পুম্নমক্না মসি লেপ্তনা রিসর্চ অসি অদোমগী হৈনবী অমা ওইরগনি, অদোমগী ৱাখল খনবগী শরুক ওইদুনা লৈরগনি হায়বা ঐহাক্না থাজৈ।
মরূপশিং, ঐখোয় খুদিংমক্না গ্যানগীদমক্তা পনখৈ অমত্তা লৈতে হায়বা খংলে। নেস্নেল এজুকেসন পোলিসী অসিনা লৈবাকসিগী এজুকেসন সেক্তর অসি চাউখৎহন্নবা হায়রি। মীরৈবাক্কী য়ুনিবর্সিতীশিংগী কেম্পস অসি লৈবাকসিদা হাংবা অমদি ঐখোয়গী মহৈরোয়শিংনা মফমসিদগী গ্লোবেল এক্সপোজর তৌবা ফংহনবনা ঐখোয়গী পান্দম্নি। ভারত অমসুং গ্লোবেল ইন্সতিত্যুসনশিংগী মরক্তা রিসর্চকী তেংবাংনবা অমসুং একচেঞ্জ প্রোগ্রামশিং অদু হেনগৎহনগনি। ফোরেন য়ুনিভর্সিতীশিংদা ঐখোয়গী মহৈরোয়শিংনা ক্রেদিৎশিং ফংলগনি, মখোয় অদুসু লৈবাক অসিগী মহৈ লোয়শঙশিংদা মশিং থানবা ঙম্লগনি। মসিদা নত্তনা স্নেল এজুকেসন পোলিসী ভারত অসি গ্লোবেল এজুকেসনগী পন্থুংগী মওংদা শেমগৎলগনি। ঐখোয়গী থাক ৱাংনা থবক পাংথোক্লিবা মহৈ লোয়শঙশিং অসি মীরৈবাক্তসু কেম্পস লৈহন্নবা পুক্নিং থৌগৎকনি। আই.আই.তি. গুৱাহতীগী ৱাংমদসু শন্দোক্তুনা মিৎয়েং অসিদা মরুওইবা থৌদাং লৌগনি। অৱাং-নোংপোক্কী লমশিংসি ভারতকী এক্ত ইস্ত পোলিসীগী সেন্তরসু ওইরি। মফমসিদা সাউথ ইস্ত এসিয়াগা ভারতকা মরি থম্নবগী গেৎৱেসু ওইরি লৈবাকশিংসিগী মরিগী মরুওইবা য়ুম্ফম অসি নাৎ, কম্মর্স, কনেক্তিবিতী অমসুং কেপাসিতী ওইরি।
হৌজিক এজুকেসনসি অনৌবা মেদিয়ম অমা ওইরক্কদৌরে। আই.আই.তি. গুৱাহতী অসি মসিগী অচৌবা সেন্তর অমা ওইরকপা য়াই। মসিদগী অৱাং-নোংপোক অসি অনৌবা শক্তম অমসু ফংবা ঙম্লগনি অমসুং মফমসিদা অনৌবা খুদোংচাবসু থোরকহল্লগনি। ঙসি অৱাং-নোংপোক অসিগী চাউখৎপগী কোংজেল অসি য়াংখৎনবা মফমসিদা রেলৱেজ, হাইৱেশিং, এয়রৱেজ অমসুং ৱাতরৱেজগী ইনফ্রাস্ত্রকচর অসি শেম্লক্লি। মসিনা অপুনবা অৱাং-নোংপোক্কী ওইনা অনৌবা-অনৌবা খুদোংচাবশিং থোরকহল্লগনি। আই.আই.তি. গুৱাহতী চাউখৎহনবাব হায়বসি মসিগী থবকশিং অসি চাউখৎহনবদা অচৌবা থৌদাং লৌগনি।
মরূপশিং, ঙসি মসিগী কনভোকেসন অসিগী মতুংদা মহৈরোয় কয়া অমা মফম অসিদা লৈহৌগনি অমদি কয়া অমা মফমসিদী চৎখিগনি। আই.আই.তি. গুৱাহতীগী অতৈ মহৈরোয়শিংনসু মতমসিদা ঐহাক্কী ৱা অসি তারি। ঙসিগী অখন্নবা নুমিৎ অসিদাকরিগুম্বা ৱাফম খরা হায়জগে, ৱাপম খরা থমজগে। মরূপশিং, অদোমগী পুন্সিদা মফম অসিগী থৌদাংসু লৈরি, অদুগা অদোম্না তাবি-উবিদুনা খংবিরি। মফমসিগী শিংনবশিং অসি মফম অসিদা পাংথোকপা য়ারিবশিং অসি অদোমগী রিসর্চকা মতৌ করম্না মরি লৈনহনগনি হায়বসি অদোম্না খনবা তাবনি। খুদম ওইনা সোলর ইনর্জী, ৱিন্দ ইনর্জী, বাইও-মাস অমসুং হাইদ্রো-ইলেক্ত্রিক ইনর্জীদসু মফম অসিদা তৌবা য়াবা কয়া অমা লৈ। মফমসিদা চেং, চা মনা, ৱাগুম্বা কয়া মরাং কাইনা পীক থন্না লন কয়া অমা লৈরিবা অসি তুরিজম ইন্দস্ত্রী অসি ঐখোয়গী ইনোবেসন অসি ফগৎহনবা য়াবরা?
মরূপশিং, মফমসিগী বাইও-দাইভর্সিতীসিসু অমসুং মপান নাইদবা হান্নদগী ইপা-ইপুগী হাক্তক্তগী লৈরক্লবা গ্যানশিং অমসুং মতিক-ময়াইশিংসুনি! মসিগী ইপা-ইপুগী হাক্তক্তগী লৈরক্লবা মতিক-ময়াইশিং অসিগী, গ্যান অসিগী অমসুং মফম অসিগা সাইন্স অমসুং তেক্নোলোজী অসি অনৌবা মওংদা ওন্থোক্নবা অসিসু ইপা-ইপুগী হাক্ততগী লৈরক্লি। মীরোল মনা অতোপ্পা মরোল অমদা গ্যান অসি পীরি, অদুগা মথং-মথং ফংলি। মসিবু ঐখোয়না অনৌবা তেক্নোলোজীগা মরি লৈনহনবা য়াগদরা ? ঐখোয়না মসিগী ফ্যুজন অসিদগী অনৌবা তেক্নোলোজী শেমগৎপা য়াবরা? ঐখোয় অনৌবা অমসুং সাইন্তিফিক ওইবা প্রোসেস অমদগী নাৎকী ওইবা গ্যানশিং, হৈথোই-শিংথোইবশিং, থাজনবশিং অসি রিচ এন্দ কত্তিং এদ্জ প্রোফেস্নেল দিভেলপমেন্ত প্রোগ্রামশিংদা শেম-শাবা য়াই হায়না লৌই। আই.আই.তি. গুৱাহতীনা মসিদা অচৌবা তৌদাং লৌবিনবা অমসুং ইন্দিয়ন নোলেজ সিস্তেমশিংগী সেন্তর অমা ওইহন্নবা ৱাফম থমজরি। মসিদগী অৱাং-নোংপোক লমশিংনা লৈবাক অমসুং মালেম অসিদা অসিগুম্বা কয়া অমা পীবা ঙমগনি, মমল নাইদ্রবা কয়া অমা।
মরূপশিং, অসাম অমসুং অৱাং-নোংপোক্কী লৈবাক্কী মফম অসি পাংথোকপা য়াবা কয়া অমনা পীক থনবা মফম্নি। অদুবু মফম অসি ঈশিং-ইচাও, য়ু হাবা, লৈবাক কিন্থবা অমসুং ইন্দস্ত্রীদজগী অমাং-অতা থোকহনবা কয়াসিনা য়োমশিন্দুনা লৈ। মসিগী অমাং-অতাশিং অসিদগী নান্থোক্নবা রাজ্যশিং অসিগী ফাঙ্গল-থৌনা অমদি হোৎনবা কয়া চংই। মসিগীশিং অসি কোকহন্নবা থাক ৱাংবা তেক্নোলোজীগী ঙাক্লৌ অমসুং তেংবাংগী মথৌ তাই। ঐহাক্না আই.আই.তি. গুৱাহাতীদা সেন্তর ফোর দিজাস্তর মেনেজেন্ত এন্দ রিস্ক রিদক্সন অসি হাংবিনবসুং হায়জরি। মসিগী সেন্তর অসি মফমসিগী অমাং-অতা থোকপদগী নান্থোকহন্নবা খংহন-হৈহনগনি অদুগা অমাং-অতা থোকপশিং অসি খুদোংচাবদা ওন্থোক্কনি। আই.আই.তি. গুৱাহতী অমসুং আই.আই.তি.গী মহৈরোয়শিংনা মমাং থানা চংসিন্দুনা ৱাশক অসি মপুং ফানা পাংথোকপা ঙমগনি হায়বা ঐহাক্না থাজৈ।
মরূপশিং, মফমসিগী ৱাথোকশিংদা মাই ওনশিনবগা লোয়ননা ঐখোয়গী মিৎয়েং অসি গ্লোবেল তেক্নোলোজীগী অচৌবা কেনভাসতসু শেমগদবনি। খুদম ওইনা ঐখোয়গী রিসর্চ অমসুং তেক্নোলোজীদা অইংবা মফমশিং থিবা য়াবরা? অসিগুম্বা লমশিং অসিদা হেন্না মাই ওনশিনবগী মথৌ তাই, ঐখোয়না মখোয়সিবু মশক খংদোক্নবা অমসুং হান্না মরুওইনা লৌহনবা য়াবরা?
মরূপশিং, মালেম অসিগী মফম অমদা হেক্তা চউপা মতমদা অদোম্না অদোম্বু আই.আই.তি.গী মহৈরোয়নি হায়জবদা চাউথোকচগনি। অদুবু ঐহাক্না অদোমগী মাই পাকপা, অদোমগী থৌদাং অসি আই.আই.তি. গুৱাহতীগী মহৈরোয়নি হায়বদা হেন্না চাউথোক্না হায়নবা তৌগনি হায়বসি ঐহাক্না থাজৈ। অদোম্না আই.আই.তি. গুৱাহতীগী, অদোমগী প্রোফেসরশিংদা মসিগী গুরু দক্ষিনা অসি শোইদনা পীগনি হায়বসি ঐহাক্না থাজৈ। লৈবাকপুম্বগী মীওই করোর ১৩০না অদোমদা থাজবা থম্লি। অদোম অসিগুম্না অদুম্মক মাই পাক্নবা, মীপাল তাংদনা হিংবা ঙম্বা ভারতকী মায় পাকপগী লময়ানবা অমা ওইবিয়ু, অনৌবা মায় পাকপা কয়া ফংবিয়ু। পুন্সিদা শাগৎচবা মংলান কয়া অদু ৱাশক ওইহনবিয়ু, ৱাশক অদু য়াম্না নিংথিনা হোৎনদুনা খ্বাইদগী মতোন লোম্না মায় পাকপা ফংবিয়ু পাংথোকপা ঙম্বা ওইবিয়ু অমসুং মতম পুম্নমক্তা অনৌবা মায় পাকপশিং ফংবা ঙম্বিয়ু। য়াইফ পাউজেল কয়া অসিগা লোয়ননা অদোম অমদি অদোমগী ইমুং-মনুংনা হকচাং ফনা লৈনবা, কোরোনাগী মতম অসিদা খ্বাইদগী মরুওইবশিং অদুগী মতাংদা অদোমসু খনবিয়ু, অদোমগী ইমুংগী খনবিয়ু, অদোমগী মনাক নকপদা লৈরিবশিং অদুগী খনবিয়ু, ইশানসু চেকশিঞ্জগনি, ইমুংবুসু চেকশিনগনি। ময়াম পুম্ববু নাদ-য়েক্তনা লৈনবদা মতেং পাংবিয়ু, ইশাসু নাদ-য়েক্তনা লৈবা ওইবিয়ু।
ৱাখল্লোন অসিগা লোয়ননা য়াইফ-পাউজেল পীজরি। হন্না-হন্না থাগৎচরি।
