ভিক্সিৎ ভারতকী পান্দমগী মাইকৈদা চংশিন্নবা ঐখোয়গী ফিরেপ অসি য়াম্না ময়েক শেংই: পি.এম.
পুন্না ঐখোয়না লৌমীশিং অসি চাউখৎপা অমসুং শক্তি লৈবা ভারত অমা শেমগৎনবা মাইকৈদা থবক তৌরি: পি.এম.ঐখোয়না লৌউ-শিংউ অসি চাউখৎপগী অহানবা ইঞ্জিন ওইনা লৌদুনা লৌমীশিংদা ইকাই খুম্নবা থাক অমা পীরি: পি.এম.ঐখোয়না অচৌবা পান্দম অনিদা অমুক্তংদা থবক পাইখৎলি – এগ্রিকলচর সেক্তর খুমাং চাউশিনহনবা অমসুং ঐখোয়গী খুঙ্গংশিং চাউখৎহনবা: পি.এম.ঐখোয়না বজেৎতা ‘পি.এম. ধন ধান্য কৃশি য়োজনা’ লাউথোকখি, মসিগী মখাদা লৈবাক অসিগী লৌউ-শিংউগী পোত্থোক পুথোকপা খ্বাইদগী তাবা জিলা 100 চাউখৎহনবদা মীৎয়েং থমগনি: পি.এম.ঙসি মীয়াম্না মচি ওইবা চিঞ্জাক্কী মরমদা য়াম্না খঙনরে; মরম অসিদা হোর্তিকলচর, দাইরী অমসুং ফিসরী প্রদক্তশিংগী দিমান্দ হেনগৎলক্লিবা অসি য়েংলগা সেক্তরশিং অসিদা ইনভেস্তমেন্ত য়াম্না তৌরি; উহৈ অমসুং মনা-মশিংগী পোত্থোক হেনগৎহন্নবা প্রোগ্রাম কয়া পাইখৎলি: পি.এম.ঐখোয়না বিহারদা মখানা বোর্দ শেম্নবা লাউথোকখ্রে: পি.এম.ঐখোয়গী সরকারনা খুঙ্গংগী ইকনোমী চাউখৎহন্নবা লেপ্পী: পি.এম.খুরুমজরি!
বজেৎকী মতুংদা, বজেৎকা মরী লৈনবা ৱেবিনারদা অদোম্না শরুক য়াবা অসি য়াম্না মরু ওই। প্রোগ্রাম অসিদা শরুক য়াবগীদমক্তা ময়াম পুম্নমকপু থাগৎচরি। চহি অসিগী বজেৎ অসি ঐখোয়গী সরকারগী অহুমশুবা তর্মগী অহানবা মপুং ফাবা বজেৎনি। মসিগী বজেৎ অসিনা ঐখোয়গী পোলিসীশিংদা মখা তানা চৎথবগী মওং উৎলি, মসিদা নত্তনা চাউখৎলবা ভারত অমগী মীৎয়েংদা অনৌবা পাকথোক চাউথোকপগী মওংসু উৎলি। বজেৎ অসি শেম-শারিঙৈদা স্তেকহোল্দর পুম্নমক্না পীখিবা ইনপুতশিং অমসুং সজেসনশিং অদু য়াম্না কান্নখি। হৌজিক্তি মসিগী বজেৎ অসি হেন্না মঙফাওনহনবদা, খ্বাইদগী ফবা অমসুং অথুবা মতমদা ফল ফংহনবদা, ৱারেপশিং অমসুং পোলিসী পুম্নমক মঙফাওনহনবদা, অদোমগী থৌদাং অসি মখা তানা হেনগৎলে।
মরুপশিং,
ভারতনা চাউখৎলবা ভারত অমগী পান্দমদা চংশিনবগী ৱারেপ অসি য়াম্না ময়েক শেংই। ঐখোয় পুম্নমক্না লৌমীশিংনা চাউখৎপা অমসুং শক্তি লৈরবা ভারত অমা শেমগৎনবা পুন্না হোৎনরি। ঐখোয়গী হোৎনরিবশিং অসি লৌমী অমত্তবু নাথৈবা তৌদনবা অমসুং লৌমী খুদিংমকপু মাংলোমদা চংশিন্নবা পুক্নিং থৌগৎপনি। চাউখৎপগী অহানবা ইঞ্জিন ওইনা লৌউ-শিংউবু লৌদুনা ঐখোয়না ঐখোয়গী অন্নদাতাশিংদা চাউথোকচবগী মফম অমা পীরি। ঐখোয়না মরুওইবা পান্দম অনিগী মায়কৈদা পুন্না চংশিল্লি। অহানবদা, লৌউ-শিংউগী সেক্তর চাউখৎহনবা অমসুং অনিশুবদা, ঐখোয়গী খুঙ্গংশিং চাউখৎহনবা।
মরুপশিং,
পি.এম. কিসান নিধি য়োজনা অসি চহি 6গী মমাংদা পায়খৎখিবনি। স্কিম অসিগী মখাদা হৌজিক ফাওবদা লৌমীশিংনা লুপা করোর লাখ 4 ফংখ্রে। মসিগী শেনফম অসি চাউরাক্না লৌমী করোর 11গী একাউন্তশিংদা হকথেংননা ত্রান্সফর তৌখ্রে। চহিগী ওইনা লুপা লিশিং 6গী শেলগী তেংবাং অসিগা লোয়ননা, খুঙ্গংগী শেন্মিৎলোন অসি মপাঙ্গল কনখৎলক্লি। স্কিম অসিগী কান্নবা অসি লৈবাক শিনবা থুংনা লৈরিবা লৌমীশিংদা ফংহন্নবা ঐখোয়না লৌমী-কেন্দ্রিক দিজিতেল ইনফ্রাস্ত্রকচর অমা শেম্লে। হায়বদি, কত লৈতবা কম্পনী অসিদা মিদ্দলমেন অমত্তা য়াওদনা নৎত্রগা লীকেজকী মফম লৈতে। অদোমগুম্বা এক্সপর্তশিং অমসুং ভিজনরী মীশিংনা মতেং পাংমিন্নরবদি স্কিম অসি অথুবা মতমদা মায় পাকপা ঙমগনি অমসুং হেন্না ফবা মহৈশিং ফংলগনি হায়বসি মসিগী খুদম অমনি। অদোমগী তেংবাংগা লোয়ননা, স্কিম অমহেক্তবু মপুং ফানা অমসুং ত্রান্সপরেন্সীগা লোয়ননা পায়খৎপা ঙমগনি। মসিগী মতাংদা অদোমগী মতেং অমসুং অদোমগী থৌনা ফরবা মতেং পুম্নমকপু ঐহাক্না থাগৎচরি। হৌজিক ঐখোয়না চহি অসিগী বজেৎকী লাউথোকখিবা অদু অথুবা মতমদা থবক ওইনা পাংথোক্নবা পুন্না হোৎনমিন্নবা মথৌ তাই। মসিদসু ঐখোয়না হান্নগুম্না অদোমগী মতেং পাংগনি, অদুবু ঐখোয়না সেক্তর খুদিংমক্তা হেন্না তেংবাং পীনবা অমসুং হেন্না মপুং ফানা তেংবাং পীনবা মথৌ তাই।
মরুপশিং,
অদোম্না হৌজিক খঙলি, ঙসি ভারতকী লৌউ-শিংউগী পোত্থোক অসি রেকোর্দকী থাক্তা লৈরে। চহি 10-11গী মমাংদা চাউরাক্না তন মিলিয়ন 265 ওইরম্বা লৌউ-শিংউগী পোত্থোক অসি হৌজিক্তি তন মিলিয়ন 330 হেনখ্রে। মতৌ অসুম্না, হোর্তিকলচরগা মরী লৈনবা পোত্থোকসু তন মিলিয়ন 350 হেনগৎখ্রে। মসি ঐখোয়গী সরকারগী সিদ তু মার্কেৎ এপ্রোচকী মহৈনি। লৌউ-শিংউগী রিফোর্মশিং, লৌমীশিংবু শক্তি লৈহনবা অমসুং মপাঙ্গল কনবা ভেল্যু চেন অসিনা মসি ওইথোকহল্লে। হৌজিক ঐখোয়না লৈবাক অসিগী লৌউ-শিংউগী পোতেন্সিএল মপুং ফানা শীজিন্নদুনা হেন্না চাউবা পান্দমশিং ফংবা তাই। মসিগী মাইকৈ অসিদা ঐখোয়না বজেৎ অসিদা পি.এম. ধন ধান্য কৃশি য়োজনা লাউথোক্লে। মসি ঐহাক্কীদমক্তা য়াম্না মরু ওইবা স্কিম অমনি। মসিগী মখাদা, লৈবাক অসিদা লৌউ-শিংউগী পোত্থোক য়াম্না হন্থবা জিলা 100গী চাউখৎ-থৌরাংদা মীৎয়েং থমগনি। চাউখৎ-থৌরাংগী পেরামিতর কয়াদা এস্পিরেস্নেল দিস্ত্রিক্ত প্রোগ্রামগী মহৈশিং অদোম পুম্নমক্না উখ্রে। হায়রিবা দিস্ত্রিক্তশিং অসিনা কোলাবোরেসন, গবর্নান্স অমসুং অফবা কম্পিতিসন, অমসুং কনভর্জেন্সকী কান্নবা কয়া অমা ফংলি। ঐহাক্না অদোম পুম্নমকপু অসিগুম্বা জিলাশিং অসিদগী ফংলকপা মহৈশিং অদু নৈননবা অমসুং মখোয়গী মহৈশিং অদুদগী তমহন্নবা অমসুং হায়রিবা জিলা 100 অসিদা পি.এম. ধন ধান্য কৃশি য়োজনা অসি য়াম্না থুনা মাংলোমদা পুখৎনবা হায়জরি। মসিনা জিলা 100 অসিদা লৈরিবা লৌমীশিংগী শেন্থোক হেনগৎহনবদা মতেং পাংগনি।
মরুপশিং,
হৌখিবা চহি খরা অসিদা, ঐখোয়গী হোৎনবশিংগী মতুং ইন্না, লৈবাক অসিদা পলসকী পোত্থোক হেনগৎলক্লি। মসিগীদমক ঐহাক্না লৌমীশিংবুসু থাগৎপা ফোংদোকচরি। অদুম ওইনমক, ঐখোয়গী দোমেস্তিক কঞ্জ্যুম্পসনগী 20%দি মপানগী লৈবাকশিংদগী পুশিল্লকপদা মখা পোল্লি। মসিনা তাক্লিবদি ঐখোয়না ঐখোয়গী পলসকী পোত্থোক হেনগৎহনগদবনি। ঐখোয়না গ্রাম অমসুং মুংদা মশা-মরোমদোম লেপচবা ঙম্লে। অদুম ওইনমক ঐখোয়না তুর, ওরাদ অমসুং মাসোরগী পোত্থোক হেনগৎহন্নবা হেন্না থুনা থবক পায়খৎকদবনি। পলস থুনা পুথোক্নবা, হেন্না ফবা মরুশিং মরাং কায়না ফংহনবা অমসুং হাইব্রিদ মখলশিং প্রমোৎ তৌবা মথৌ তাই। মসিগীদমক্তা, অদোম পুম্নমক্না ক্লাইমেৎ চেঞ্জ, মার্কেত অনসর্তেনিতী, অমসুং মমল অকা-অকুম তৌবা অসিনচিংবা শিংনবশিং কোকহন্নবা মীৎয়েং থমগদবনি।
মরুপশিং,
হৌখিবা চহি তরা অসিদা, ICARনা ব্রিদিং প্রোগ্রামদা অনৌবা খুৎলাইশিং অমসুং খ্বাইদগী নৌবা তেক্নোলোজীশিং শীজিন্নখি। মসিনা মরম ওইদুনা 2014 অমসুং 2024গী মরক্তা সিরিএলশিং, ওইল সীদশিং, পলসশিং, ফোদ্দরশিং, চু য়াওনা তোঙান তোঙানবা মহৈ-মরোংশিংদা অনৌবা মখল 2900 হেন্না পুথোকপা ঙম্লে। ঐখোয়গী লৈবাক অসিগী লৌমীশিংনা অনৌবা মখলশিং অসি মমল হোংনা ফংহনগদবনি। লৌমীশিংগী মহৈ-মরোংশিং অসি ৱেদরগী ফীভম হোংলকপনা শোকহল্লোইদবনি হায়নসু ঐখোয়না থাজবা পীগদবনি। অদোম্না খঙনরবনি মদুদি মসিগী বজেৎ অসিদা, পোত্থোক লৈবা মরুশিংগীদমক নেস্নেল মিসন অমা হৌনবা লাউথোকখ্রে। প্রোগ্রাম অসিদা য়াওরিবা প্রাইবেৎ সেক্তরগী মীওইশিংদা ঐনা অখন্ননা হায়জনীংবদি হায়রিবা মরুশিং অসি শন্দোকপদা অকনবা মীৎয়েং থমগদবনি। হায়রিবা মরুশিং অসি অপীকপা লৌমীশিংদা য়ৌহন্নবগীদমক, মখোয় অসি সিদ চেনগী শরুক অমা ওইহনগদবনি, অমসুং মসি করম্না ওইহনগদগে হায়বসি ঐখোয়না খন্নগদবনি।
মরুপশিং,
ঙসিদি ন্যুত্রিসনগী মতাংদা মীয়াম্না য়াম্না খঙনরে হায়বসি অদোম্না উবা ফংলি। মরম অদুনা, হোর্তিকলচর, দাইরী অমসুং ফিসরীগী পোত্থোকশিংদা হেনগৎলক্লিবা দিমান্দ অসি য়েংলগা, সেক্তরশিং অসিদা ইনবেস্তমেন্ত কয়া অমা তৌখ্রে। উহৈ অমসুং মনা-মশিংগী পোত্থোক হেনগৎহন্নবা প্রোগ্রাম কয়া অমা পায়খৎলি। বিহারদা মখানা বোর্দ শেম্নবা লাউথোকখ্রে। ঐহাক্না স্তেকহোল্দর পুম্নমকপু মখল কয়াগী ন্যুত্রিসনেল ওইবা চিঞ্জাকশিং শন্দোক্নবা অনৌবা পাম্বৈশিং পুথোক্নবা হায়জরি। অসিগুম্বা ন্যুত্রিসনেল ওইবা চিঞ্জাক অসি লৈবাক অসিগী মফম খুদিংমক্তা অমসুং মালেমগী কৈথেলদা য়ৌহনগদবনি।
মরুপশিং,
2019দা ঐখোয়না পি.এম. মতস্য সমপদা য়োজনা হৌদোকখি। মসিনা সেক্তর অসিগী ভেল্যু চেন মপাঙ্গল কনখৎহন্নবা, ইনফ্রাস্ত্রকচর শেমগৎনবা অমসুং মোদর্নাইজ তৌনবা মরু ওইবা খোংথাং অমা ওইখি। মসিনা ফিসরীগী লমদা পোত্থোক পুথোকপা, প্রদক্তিবিতী অমসুং পোস্ত-হার্বেস্ত মেনেজমেন্ত ফগৎহনবদা মতেং পাংখি। হৌখিবা চহিশিংদা, স্কীম কয়াগী খুত্থাংদা সেক্তর অসিদা ইনবেস্তমেন্তসু হেনগৎলকখি, মসিগী মহৈশিং ঙসি ঐখোয়গী মাংদা লৈরে। ঙসি ঙাগী পোত্থোক অসি শরুক অনি হেনগৎলে, ঐখোয়গী এক্সপোর্তসু শরুক অনি হেনগৎলে। ঐখোয়গী হোৎনবা অসি ইন্দিয়ন এক্সক্লুসিব ইকনোমিক জোন অমসুং ওপন সীদগী সস্তেনেবল ফিসরীজ প্রমোৎ তৌবনি। মসিগীদমক এক্সন প্লান অমা শেমগনি। ঐহাক্না অদোম পুম্নমকপু সেক্তর অসিদা ইজ ওফ দুইং বিজিনেস প্রমোৎ তৌনবা ৱাখল্লোনশিং খন্ননবা অমসুং মদুদা অথুবা মতমদা থবক পায়খৎপা হৌনবা হায়জরি। মসিগা লোয়ননা ঐখোয়না ঐখোয়গী ত্রেদিস্নেল ফিসরমেনশিংগী কান্নবশিংসু ঙাকথোক্কদবনি।
মরুপশিং,
ঐখোয়গী সরকারনা খুঙ্গংগী শেন্মিৎলোন চাউখৎহন্নবা হোৎনরি। প্রধান মন্ত্রী আৱাস য়োজনা-গ্রামিনগী মখাদা লায়রবা মীওই করোর কয়াদা য়ুমশিং পীরক্লি। স্বামীতৱ য়োজনাগী খুত্থাংদা প্রোপর্তী ওনরশিংনা 'রেকোর্দ ওফ রাইৎস' ফংলে। ঐখোয়না সেল্ফ হেল্প গ্রুপশিংগী শেন্মিৎলোনগী মপাঙ্গল হেনগৎহনখ্রে অমসুং মখোয়দা মতেং পীনবা হেনগৎহনখ্রে। অপীকপা লৌমীশিং অমসুং ললোন-ইতিক তৌবশিংনা প্রধান মন্ত্রী গ্রাম সরক য়োজনাগী কান্নবা ফংলি। ঐখোয়না লাখপতি দিদি করোর 3 পুথোক্নবা পান্দম থম্লি। ঐখোয়গী হোৎনরিবশিং অসিনা মরম ওইদুনা, নুপীমচা করোর 1.25 হেন্না লাখপতি দিদি ওইখ্রে। হায়রিবা বজেৎ অসিদা খুঙ্গংগী চাউখৎপা অমসুং চাউখৎ-থৌরাংগী প্রোগ্রামশিং লাউথোকখিবা অসিনা অনৌবা থবক ফংহন্নবগী খুদোংচাবা কয়া অমা লৈহল্লে। স্কিলিং অমসুং তেক্নোলোজীদা শেল থাদবনা অনৌবা খুদোংচাবশিং পীরি। হৌজিক পায়খৎলিবা স্কিমশিং অসি মতৌ করম্না হেন্না ইফেক্তিব ওইহনগদগে হায়বগী মতাংদা নখোয় পুম্নমক্না হীরমশিং অসি খন্ন-নৈনগদবনি। মসিগী মাইকৈ অসিদা অদোমগী ৱাখল্লোন অমসুং তেংবাং অসিনা অফবা মহৈ অমা পীরগনি। ঐখোয় পুম্নমক্কী থৌদাং লৌদুনা, খুঙ্গংশিং, খুঙ্গংগী ইমুংশিং মপাঙ্গল কনখৎহল্লগনি। অমসুং ঐহাক্না থাজবা থম্লি মদুদি ৱেবিনার অসিনা বজেৎ অসি য়ারিবমখৈ থুনা, য়ারিবমখৈ অতেনবা মতমদা অমসুং খ্বাইদগী ফবা মওংদা ইমপ্লিমেন্ত তৌবগী মতাংদা তশেংনা ওইগনি, অমসুং মদুসু অদোম পুম্নমক্কী কোওপরেসন অমসুং সজেসনশিংগা লোয়ননা ওইগনি। হৌজিক ৱেবিনার অসিদা অনৌবা বজেৎ অমা শেম্বগী মতাংদা খন্ন-নৈনবা ওইরোইদবনি। হৌজিক মসিগী বজেৎ অসি শেম্লে, হৌজিক মসিগী স্কিম অসি লাক্লে। হৌজিক ঐখোয়গী মীৎয়েং পুম্নমক্না থবক ওইনা ওন্থোকপদা য়ুম্ফম ওইগদবনি। থবক পায়খৎপদা করি অৱাবা লৈবগে, অশোয়বা করি লৈবগে, করম্বা মখলগী অহোংবশিং মথৌ তাবগে হায়বদু ঐখোয়না পুক্নিং চংগদবনি। মতৌ অসুম্না ৱেবিনার অসিনা মহৈ য়ানগনি। মদু নত্রবদি, ঐখোয়না ঙসি চহি অমগী মতুংদা লাক্কদৌরিবা বজেৎ অদুগী মতাংদা খন্ন-নৈনরবদি, হৌজিক থোক্লিবা অসিদগী ঐখোয়না কান্নবা ফংলোই। অমসুং মরম অসিনা ঐহাক্না অদোম পুম্নমকপু হায়জরি মদুদি লাক্লিবা বজেৎ অসিগা লোয়ননা ঐখোয়না চহি অমগী মনুংদা পান্দমশিং অসি ফংহনগদবনি, অমসুং মসিদা, সরকার খক্তনা নত্তনা, সেক্তর অসিগী স্তেকহোল্দর পুম্নমক্না মাইকৈ অমখক্তদা, ৱাখল্লোন অমখক্তদা, পান্দম অমখক্তদা চংশিনগদবনি। মসিগী অপাম্বা অসিগা লোয়ননা, ঐহাক্না অদোম পুম্নমকপু হন্না-হন্না থাগৎচরি।
