Quote“ভারতকী পুৱারীদা মীরত অসি সহর অমখক নত্তনা চৎন-লোনচৎ অমসুং থৌনাগী শীংথানীংঙাই ওইরবা মফম অমনি”
Quote“লৈবাক অসিদা স্পোর্তস অসি অৱাংবা থাক্তা পুখৎনবা নহারোলশিংনা স্পোর্তসতা থাজবা থম্বা হায়বসি তঙাই ফদে অমসুং স্পোর্তস হায়বসি প্রোফেসন অমা ওইনা লৌবদা পুক্নিং থৌগৎকদবনি। মসি ঐহাক্কী ৱারেপনি অমসুং ঐহাক্কী মংলান্নি”
Quote“খুঙ্গংশিং অমসুং অপীকবা সহরশিংদা স্পোর্তিং ইনফ্রাস্ত্রকচর ফংহনবদগী মসিগী মফমশিং অসিদগী শান্নরোইশিং মশিং য়াম্না থোরক্লি”
Quote“রিসোর্সশিং অমসুং অনৌবা হীরমশিংগা লোয়ননা পুখৎলক্লিবা স্পোর্তিং ইকো-সিস্তেম অসিনা অনৌবা খুদোংচাবা কয়ামরুম ফংহল্লি। মসিনা স্পোর্তস অসি অচুম্বা খোঙথাংনি হায়না ৱারেপ লৌবদা খুনাইদা থাজবা পীরগনি”
Quote“মীরত অসি ভোকেল ফোর লোকল ওইবা খক্তা নত্তনা লোকলবু মালেমগী থাক্তা পুখৎলি”
Quote“ঐখোয়গী পান্দমদি তশেং তশেংবনি। নহারোলশিংনা রোল মেদেলশিং ওইবা খক্তমক নত্তনা মখোয়গী রোল মোদেলশিং অদুসু মশক খংগদবনি”

ভারত মাতা কী জয়।

ভারত মাতা কী জয়।

য়ু.পি.গী রাজ্যপাল শ্রীমতী অনন্দিবেন পতেলজী, মীয়াম্না পাম্নরবা অমসুং ইচং থৌরবা মফম অসিগী মুখ্য মন্ত্রী শ্রী জোগী অদিত্যনাথজী, উপ মুখ্য মন্ত্রী কেশব প্রসাদ মৌরিয়াজী, কেন্দ্রগী মন্ত্রী মন্দলদা ঐহাক্কা পুন্না লৈমিন্নরিবা শ্রী সঞ্জীব বলিয়ানজী, ভি.কে. সিংহজী, মন্ত্রী শ্রী দিনেশ কাতিকজী, শ্রী উপেন্দ্র তিৱারিজী, শ্রী কাপিল দেব আগর্ৱালজী, পার্লিয়ামেন্ততা ঐহাক্কা পুন্না লৈমিন্নরিবা, শ্রী সত্যপাল সিংহজী, রাজেন্দ্র আগর্ৱালজী বিজয়পাল সিংহ তোমরজী, শ্রীমতী কান্তা কর্দমজী, এম.এল.এ. ভাই সোমেন্দ্র তোমরজী, সঙ্গীৎ সোমজী, জিতেন্দ্র সতৱালজী, সত্য প্রকাশ আগর্ৱালজী, মীরতকী জিলা পরিশদ প্রসিদেন্ত গৌরব চৌধরীজী, মুজফফরনগর জিলা পরিশদ প্রসিদেন্ত ভীরপালজী, মীরত-মুজফফরনগরগী মীহুৎ খুদিংমক অমসুং অরাপ্পা মফমদগী লেংবীরক্লিবা ঐহাক্কী নুংশিজরবা ইচিল ইনাও খুদিংমক ২০২২গী য়াইফ-পাউজেল পীজরি।

চহি হৌবা অসিদা মীরত্তা লাকপা অসি ঐহাক্কী ওইনা য়াম্না মরুওইনা লৌজৈ। ভারতকী পুৱারীদা মীরত অসি সহর অমখক নত্তনা চৎন-লোনচৎ অমসুং থৌনাগী শীংথানীংঙাই ওইরবা মফম অমনি। রাময়ন অমসুং মহাভারত মতমদগী জেন তীর্থকরশিং অমসুং পঞ্জ-প্যারশিংগী মরক্তা অমা ওইরিবা ভাই ধরম সিংহ ফাওবদা মীরতনা লৈবাক অসিগী থাজবদা থৌনা হাপলি।

মসিগী মফম অসিনা ইন্দস ভেলি সিভিলাইজেসন্দগী লৈবাক অসিগী অআনবা নীংতম ইহৌ ফাওবদা ভারতকী থৌনা অসি মালেমদা শক্তাকখি। ১৮৫৭দা বাবা ঔঘরনাথ লাইশঙদগী হৌরকখিবা নীংতম্বগী খোলাও অমসুং ‘দিল্লী চলো’গী খোলাওনা মীনাই নাইথাংগী অমম্বা মরক্তা লৈবাক অসিদা মৈরি ওইনা থোরকখি। মসিগী ইথিল অসিগা লোয়ননা মাংলোমদা চংশিন্দুনা ঐখোয়না নীংতমখি অমসুং ঐখোয়গী নীংতম্বগী অমৃত মহোসব চাউথোকচবগা লোয়ননা পাংথোক্লি। মফম অসিদা লাক্ত্রিঙৈদা বাবা ঔঘরনাথ লাইশঙদা চৎপা ফংবগী খুদোংচাবা অমা ফংজবসি ঐহাক্কী লাইবক ফবনি। ম্যুজিয়ম ওফ ফ্রীদম, অমর জৱান জ্যোতি অমসুং বাবা ঔঘর নাথজীগী লাইশঙগী ৱাখল্লোন অদু উবা ফংবদা ঐহাক্কী থমোয়দা নুংঙাইবা ফাওই।

|

ইচিল ইনাওশিং,

মীরত অমসুং মসিগী অকোইবদা লৈরিবা মফমশিংনা নীতম্লবা ভারত্তা অনৌবা লম্বেল অমা পীবদা লৌরিবা শীংথানীংঙাই ওইরবা থৌদাং অদুবু ফোঙদোকখি। মফম অসিদা লৈরিবা মীওইশিংনা লৈবাক অসি ঙাকপদা ঙমখৈদা থৱাই থারি অমসুং শান্নবুংদা লৈবাক অসিগী মীংচৎ পুরক্তুনা লাইবাক নীংবগী মৈররা অদু মতম চুপ্পদা মুৎহন্দনা থম্লি। নুপুরনা চৌধরী চরন সিংহজী শক্লোন লৌদুনা লৈবাক অসিদা ভিজনরী লীদরশীপকী থৌদাং লৌখি।

ইচিল ইনাওশিং,

মীরত অসি লৈবাক অসিগী মমিং লৈরবা মচানুপা অমা ওইরিবা মেজর ধ্যান চান্দজীগী হৌরকফমনি। থা খরগী মমাংদা কেন্দ্র সরকারনা লৈবাক অসিগী শান্ন-খোৎনবগী খ্বাইদগী চাউবা এৱার্দ অদু স্পোর্তিং আইকন অসিগী মমিং লৌদুনা থোনখি। মীরতকী স্পোর্তস য়ুনিভর্সিতী অসি মেজর ধ্যান চান্দদা কত্থোকচরে। অদুগা মসিগী য়ুনিভর্সিতী অসিগী মমিং অসি মেজর ধ্যান চান্দজীগা মরী লৈনবনা মহাক্কী থৌনা অদুনা ইথিল পীরি অদুগা মহাক্কী মমিংদা মেসেজ অমসু য়াওরি। মহাক্কী মমিংদা য়াওরিবা ‘ধ্যান’ হায়বা ৱাহৈ অসিনা পুক্নিং চংবা য়াওদনা কৈদৌনুংদা মাই পাকপা ঙম্লোই হায়বা তাক্লি। নহা ওইরিবা মীওইশিংনা ধ্যান চান্দগা মরী লৈনবা য়ুনিভর্সিতী অসিদা পুক্নিং চংনা থবক তৌদুনা লৈবাক অসিগী মীংচৎ পুরক্লগনি হায়না ঐহাক্না চেৎনা থাজবা থম্মি।

য়ু.পি.দা অহানবা স্পোর্তস য়ুনিভর্সিতী অমা ফংবগী উত্তর প্রদেশকী নহারোলশিংবু ঐহাক্না থাগৎপা ফোঙদোকচরি। লুপা করোর ৭০০ চংনা শাগদৌরিবা মতম চুনরবা য়ুনিভর্সিতী অসি মালেমগী খ্বাইদগী ফবা স্পোর্তস য়ুনিভর্সিতিশিংগী মরক্তা অমা ওইরগনি। মফম অসিনা নহাশিংনা স্পোর্তসকা মরী লৈনবা ইন্তরনেস্নেল ফেসিলিতীশিং ফংবতা নত্তনা স্পোর্তস অসি কেরিয়র অমা ওইনা লৌনবা মথৌ তাবা স্কিলশিংসু শেমগৎকনি। মফম অসিগী চহি খুদিংগী ইচানুপা অমসুং ইচানুপী ১,০০০ হেনবনা খ্বাইদগী ফবা শান্নরোইশিং ওইনা থোরক্কনি। হায়বসি নীতম লান্মীশিংগী সহর অসিনা শান্নরোইশিংগী সহর অমা ওইদুনা মসিগী আইদেন্তিতীগী মপাঙ্গল কনখৎহল্লগনি।

মরুপশিং,

মমাংগী সরকারশিংগী মতমদা ক্রিমিনেল অমসুং মাফিয়াশিংনা য়ু.পি.দা মখোয়গী ‘গেম্স’ শান্নরম্মি। মমাংদদি আইনগী ৱাংমদা লম লৌশিনবগা মরী লৈননা তোর্নামেন্তশিং পাংথোক্লম্মি অমসুং ইচানুপীশিংবু তাথী তাওইনা তৌবীবা মীওইশিং মনীংতম্না চৎলম্মি। মীরত অমসুং মসিগী অকোইবদা লৈরিবা মীওইশিংনা মীয়ামগী ময়ুম মৈ থাখিবা অদু কৈদৌনুংদা কাউরোই অমসুং মমাংগী সরকারশিংনা মসিগী ‘গেম্স’ অসিদা শরুক য়ারম্মি। মমাংগী সরকারগী ‘গেম্স’কী ফলনা মরম ওইরগা মীয়াম্না মখোয়গী মপা মপুগী লম থাদোক্তুনা চেন্নরম্মি।

মফম অসিদা মমাংদা করম্বা মখলগী গেম্স শান্নরম্বগে অমসুং অদুগুম্বা ক্রিমিনেলশিং অদুগা জোগী সরকারগা হৌজিক্তি ‘জেল-জেল’ শান্নরে। চহি মঙাগী মমাংদা মীরতকী ইচানুপীশিংনা নুমিৎ তাখ্রবা মতুংদা মখোয়গী ময়ুমদগী মপান থোকপা কিনরম্মি। ঙসিদি মীরতকী ইচানুপীশিংনা লৈবাক পুম্বগী মীংচৎ পুরক্লি। মীরতকী সোতিগঞ্জ বজার (হুরানবা কারশিংগী মমিং চৎপা)দা শান্নরম্বা ‘গেম’ অদু হৌজিক লোইশিল্লক্কদৌরে। হৌজিক্তি অশেংবা মশান্না অদু য়ু.পি.দা প্রমোত তৌরে অমসুং য়ু.পি.গী নহারোলশিংনা শান্ন-খোৎনবগী মালেমদা মখোয়গী স্কিল উৎথোক্নবা তাঞ্জা অমা ফংলে।

মরুপশিং,

ঐখোয়গী লৈবাক্তা হায়নবা অমা লৈ: महाजनो येन गताः स पंथाः

হায়বদি মমিং লৈরবা মীওইশিংনা চৎখিবা লম্বেল অদু ঐখোবগী লম্বেলনি। অদুবু ভারত অসি অওনবা পুরক্লে; হৌজিক ঐখোয় ২১শুবা চহিচাদা লৈরে। অদুগা মসিগী ২১শুবা চহিচাগী অনৌবা ভারত অসিদা খ্বাদিগী মরুওইবা থৌদাংশিং অদু নহারোলশিংনা পাংথোক্কদবনি। মরম অদুনা মন্ত্র অসি হৌজিক হোংদোক্লে। ২১শুবা চহিচাগী মন্ত্রদি युवा जनो येन गताः स पंथाःনি।

নহারোলশিংনা চৎলিবা লম্বেল অদু লৈবাক অসিগী লম্বেলনি। নহারোলশিংনা চৎপা খুদিং পন্থুংফম্না মথন্তনা তুং ইল্লক্কনি। নহাশিং অসি অনৌবা ভারতকী য়ুম্বী; নহাশিং অসি অনৌবা ভারতকী এক্সপান্সন্নি। নহাশিং অসি অনৌবা ভারতপু শেমগৎকদবনি; নহাশিং অসি অনৌবা ভারতকী লুচিংবসুনি। ঙসিগী ঐখোয়গী নহাশিংনা মমাংঙৈদগী লৈরক্লবা চৎনবী অমসুং মোর্দরনিতীগী ৱাখল্লোন লৈ। মরম অদুনা নহাশিং অসিনা চৎকদবা মাইকৈদা ভারতসু চৎকনি। অদুগা ভারতনা চৎপা মাইকৈদা মালেম অসিসু চৎলগনি।

ইচিল ইনাওশিং,

শান্ন-খোৎনবগী লমদা ঐখোয়গী নহারোলশিং অসি হান্ননা কম্পিতেন্ত ওইরে অমসুং মখোয়গী কন্না হোৎনবগী চাংদা অৱাৎপা লৈতে। ঐখোয়গী লৈবাক্তা স্পোর্তস কলচর অসি য়াম্না চাউখৎলি। ঐখোয়গী খুঙ্গংশিংদা পাংথোকপা হরাউ কুহ্মৈশিংদা শান্ন-খোৎনবা হায়বসি য়াম্না মরুওইবা শরুক অমনি। মাইপাকপগী মনা ওইনা ঘী কোক্তা অমা অমসুং লদ্দু মহাউ তংনবা মীরত্তা কনানা রেস্তলিংগী বাউতশিং শান্ননীংদবগে? অদুবু স্পোর্তস অমসুং শান্নরোইশিংগী মাইকৈদা লৈরম্বা এতিচুদ অসি মমাংদা পাল্লম্বা সরকারশিংনা মরম ওইরগা য়াম্না তোঙাল্লম্মি হায়বসিসু অচুম্বনি। মমাংদদি নহা অমনা মশাবু শান্নরোই অমনি হায়না শক্তাক্লদুনা মহাক্কী মশান্না অদু পল্লুদুনা মহাক্না ফংজরকপা মনশিংগী মতাংদা ফোঙদোকপা মতমদা অতোপ্পশিংদগী করি পাউখুম ফংবগে? মখোয়না ‘নহাক শান্নৈ হায়বসি অফনি অদুবু নহাক করি তৌরিবগে? হায়না হংলম্মি। স্পোর্তসতা কনাগুম্বা অমত্তনা ইকাই খুম্নরমদে।

|

কনাগুম্বা অমনা মহাক অসি শান্নরোই অমনি হায়না খুঙ্গং অমদা মশক তাকপা মতমদা মহাক অসি আর্মি নত্ত্রগা পুলিসতা থবক অমা ফংনবা শন্নরিবা ওইগনি হায়না মীয়াম্না হায়নৈ। হায়বদি স্পোর্তসতা থম্লম্বা মীৎয়েং অসি য়াম্না লিমিতেদ ওইরম্মি। মমাংগী সরকারশিংনা মসিগী নহারোলশিংগী অসিগী তৌবা ঙম্বদা মীৎয়েং চংবীরমদে। সমাজ অসিনা স্পোর্তসতা থম্লিবা মিৎয়েং অসি হোংদোকহনবা হায়বসি সরকারগী থৌদাংনি। অদুবু মসিগী ওন্ন-তৈনবদা লৈবাক অসিদা স্পোর্তসতা থৌশাদবা পোকহল্লি। মসিগী ফল ওইনা মীনাই নাইথাংগী মতমদা মেজর ধ্যান চান্দগুম্বা তেলেন্তশিংনা হোকীদা ভারতকী মীংচৎ পুরক্লবসু ঐখোয়না মদুগী মেদলশিং অদু চহি দিকেদ কয়া ঙাইবা তাখি।

মালেমদা হোকী অসি নেচরেল ফিল্দগী এস্ত্রোতর্ফতা হোংখ্রে অদুবু ঐখোয়দি নেচরেল ফিল্দদা অদুমক লৈরি। ঐখোয়না মীকপ থোরকপা মতম অদুদদি মতম য়াম্না হৌজিনখ্রে। মসিগী মথক্তা নেপোতিজম অমসুং করপ্সন্না মমৈদগী মকোক ফাওবা, ত্রেনিংদগী তীম খনবা ফাওবা লৈরম্লে, থাক খুদিংমক্তা হন্থনা য়েংবীবা অমসুং ত্রান্সপেরেন্সীনা মফম অমত্তদা লৈরমদ্রে। মরুপশিং, হোকী অসিদি শুপ্নগী খুদম্নি মসিগী ৱারী অসিদি অতোপ্পা মশান্না খুদিংমক্তা লৈরম্মি। লৈবাক অসিদা লৈরম্বা মমাংগী সরকারশিং অসিনা হোংলক্লিবা তেক্নোলোজী, দিমান্দ অমসুং স্কিলশিং অসিগী খ্বাইদগী চুনরবা ইকোসিস্তেম অমা শেমগৎলমদে।

মরুপশিং,

লৈবাক অসিগী নহারোলশিংদা লৈরিবা মশিং থীঙমদ্রবা তেলেন্তশিং অসি সরকারনা মীৎয়েং চংবীদবনা মরম ওইরগা নমশিন্দুনা থম্বীরম্মি। ২০১৪গী মতুংদা মদুগী তেলেন্ত অদু ফুদোরক্নবা থাক খুদিংমক্তা ঐখোয়না অহোংবা পুরকখি। ঐখোয়গী সরকারনা শান্নরোইশিংগী পোতেন্সিএল হেনগৎহন্নবা তুল মরী পীরি। হৌখিবা চহি খরা অসিদা রিসোর্সশিং, ত্রেনিংগী মতমগা চুনরবা ফেসিলিতীশিং, ইন্তরনেস্নেল এক্সপোজর অমসুং সেলেক্সনদা ত্রান্সপেরেন্সী হায়রিবা খুলাই মরি অসি ভারতকী শান্নরোইশিংদা ফংহল্লি। ঐখোয়না স্পোর্তস অসি ফিতনেস অমসুং এম্প্লোইমেন্তগা মরী লৈনহল্লে। তার্গেত ওলিম্পিক্স পোদিয়ম (তি.ও.পি.এস.) অসি অসিগুম্বা খোঙথাং অমনি।

ঙসিদি সরকার অসিনা মকোকথোংবা শান্নরোইশিংদা মখোয়গী মচি ওইবা চিঞ্জাক, ফিতনেস অমসুং ত্রেনিংদা লুপা মিলিয়ন কয়া চাদিং তৌরি। খেলো ইন্দিয়া অভিয়ান্না তেলেন্তশিং ঙন্না খংদোক্লি অমসুং মখোয়বু মালেমদা থাক্তা পুখৎনবা মতেং খুদিংমক ফংহল্লি। মসিগী হোৎনখিবশিং অসিগী মহৈনা ভারতকী শান্নরোই অমনা ঙসি মালেমগী এরেনা অমদা চংবা মতমদা মহাক্কী পর্ফোর্মেন্স অদু মালেম্না থাগৎনরি। হন্দক্তা পাংথোকখীবা ওলিম্পিক্স অমসুং পেরা ওলিম্পিক্সতা ভারতনা পীখীবা পর্ফোর্মেন্স অদু ঐখোয়না উরে। হন্দক্তা পাংথোকখীবা ওলিম্পিক্সতা ঐহাক্কী লৈবাক অসিগী ইচানুপা অমসুং ইচানুপিশিংনা পুৱারীদা অমুক্তা থোক্ত্রিবা থবক অদু পাংথোক্তুনা উহনখ্রে। ভারত অসি শান্ন-খোৎনবগী লমদা নৌনা ফাওগৎলক্লে হায়না লৈবাক পুম্বনা ঙাংনখিবা মেদল কয়ামরুম পুরকখি।

ইচিল ইনাওশিং,

ঙসিদি উত্তর প্রদেশ অমসুং উত্তরাখন্দগী অপীকপা খুঙ্গং অমসুং সহরশিংদা লৈবা অচম্বা ইমুং মনুংশিংদগী ইচানুপা অমসুং ইচানুপীশিংনা ভারতকী মহুৎ শিন্দুনা শরুক য়াবা ঐখোয়না উরে। ঐখোয়গী ইচানুপা অমসুং ইচানুপীশিংনা ইনাক খুনবা ইমুং মনুংগী নহারোলশিংনা শরুক য়াবা ঙম্বা ইভেন্তশিংদা ফাওবা শরুক য়ানবা মাংলোমদা চংশিল্লি। মফম অসিদগী শান্নরোই কয়ামরুম্না ওলিম্পিক্স অমসুং পেরালিম্পিক্সতা লৈবাক অসিগী মহুৎ শিন্দুনা শরুক য়াখ্রে। মসি খুঙ্গং খুদিংমক্তা সরকার অসিনা শেমগৎলিবা মতমগা চুনরবা স্পোর্তস ইনফ্রাস্ত্রকচরশিং অসিগী ফলননি। মমাংদদি অফবা স্তেদিয়মশিং অসি অচৌবা সহরশিংদা খক্তা লৈরম্মি; ঙসিদি মসিগী ফেসিলিতীশিং অসি খুঙ্গংদা লৈরিবা শান্নরোইশিংদসু ফংহল্লে।

মরুপশিং,

ঐখোয়না অনৌবা ৱার্ক কলচর দিবেলপ তৌনবা হোৎনবা মতমদা, মসিদা পোৎ অহুম মথৌ তাই – এসোসিয়েশন, এপ্রোচ অমসুং রিসোর্স! স্পোর্তসকা ঐখোয়গা লৈনরিবা মরী অসি চহি চা কয়া শুরবনি। অদুবু স্পোর্তসকা ঐখোয়গা লৈনরিবা মরী অসিনা স্পোর্তসকী কলচর অমা শাগৎপদা চৎনবা ঙম্লোই। ঐখোয়না অনৌবা এপ্রোচ অমা মথৌ তাগনি। নহাশিংদা থাজহনবা অমা মথৌ তাই অমসুং স্পোর্তসপু প্রোফেসন অমা ওইহন্নবা পুক্নিং থৌগৎপা মথৌ তাই। মসি ঐগী অচেৎপা ৱারেপ অমসুং মঙলান্নি! ঐনা ঐখোয়গী নহাশিং অসিনা স্পোর্তসপু অতোপ্পা প্রোফেসনশিংগুম্না খলহনবা পাম্মি। ঐখোয়না মসিমদি খঙজিনবা মথৌ তাই মদুদি স্পোর্তস শান্নবা খুদিংমক ৱার্লদ নম্বর ৱান ওইগনি হায়বা লৈতে। স্পোর্তসকী ইকোসীস্তেম অসিনা শেম-শাবা লোইরবা মতমদা, তৌবা য়াবা কয়া অমা লৈগনি, স্পোর্তস মেনেজমেন্তগীনা স্পোর্তস রাইরিং অমসুং স্পোর্তস সাইকোলোজী ফাওবা। নহাশিংনা স্পোর্তস শান্নবা হায়বসি য়াম্না চুম্বা ৱারেপ্নি হায়বগী ৱাখল্লোন অসি তপ্না-তপ্না মসিগী খুনাই অসিদা ফাওবা হৌরক্কনি। মসিগুম্বা ইকোসীস্তেম অসি শেম্নবা রিসোর্সশিং মথৌ তাই। ঐখোয়না মথৌ তাবা রিসোর্সশিং অমসুং ইনফ্রস্ত্রকচর দিবেলপ তৌবা মতমদা, স্পোর্তস কলচর অসি মপাঙ্গল কনবা হৌরকই। করিগুম্বা স্পোর্তসকীদমক্তা মথৌতাবা রিসোর্সশিং লৈরবদি, স্পোর্তস কলচর অসিসু লৈবাক অসিদা মওং-মরিং নাইরক্কনি অমসুং চাউথোরক্কনি।

মরম অদুনা, অসিগুম্বা স্পর্তস য়ুনিভর্সিতীশিং অসি ঙসিদি বাম্না মরু ওইরে। মসিগী স্পোর্তস য়ুনিভর্সিতীশিং অসিনা স্পোর্তস কলচর চাউখৎহন্নবগীদমক্তা নর্সরীশিং ওইনা মথৌ তৌই। মরম অদুনা, ঐখোয়গী সরকারনা লৈবাক অসি নিং-খা তম্লবা মতুং চহি হুমদ্রাগী মতুংদা ২০১৮দা মনিপুরদা অহানবা স্পোর্তস য়ুনিভর্সিতী লিংখৎখি। হৌখিবা চহি তরেত অসিদা স্পোর্তস এজুকেশন অমসুং স্কিলশিংগা মরী লৈনবা ইন্সতিত্যুশন কয়া অমা লৈবাক শিনবা থুংনা মোদর্নাইজ তৌখ্রে। অমসুং ঙসি লৈবাক অসিনা মেজর ধ্যান চন্দ স্পোর্তস য়ুনিভর্সিতীগী মওংদা স্পোর্তসতা হায়র এজুকেশনগী য়াম্না ফরবা ইন্সতিত্যুত অমসু ফংলে।

মরুপশিং,

ঐখোয়না স্পোর্তসকী মালেমগী মতাংদা খঙজিনগদবা অমনা। অমসুং মীরুতকী মীয়াম্না হেন্না ফজনা খঙই। স্পোর্তসকা মরী লৈনবা সার্বিসশিং অমসুং পোৎলমশিং অসিগী মমল অসি গ্লোবেল মার্কেত্তা লুপা বিলিয়ন কয়া অমগী ওই। মীরুত্তগী স্পোর্তস পোৎলম কয়া অমা মালেমগী লৈবাক ১০০ হেন্নদা এক্সপোর্ত তৌরি। মীরুত অসি ভোকেল ফোর লোকেল ওইবদা নত্তনা লোকেলবু গ্লোবেলদসু ওন্থোকই। অসিগুম্বা স্পোর্তস ক্লস্তর কয়া অমসু ঙসিদি লৈবাক শিনবা থুংনা দিবেলপ তৌরক্লি। মসিগী পান্দমদি লৈবাক অসিবু স্পোর্তসকী পোৎলমশিং অমসুং ইক্যুইপমেন্ত পুথোকপদা সেল্ফ-সুফিসিয়েন্ত ওইহন্নবি।

স্পোর্তস অসি ইমপ্লিমেন্ত তৌরক্লিবা অনৌবা নেস্নেল এজিকেশন পোলিসীদা য়াম্না মরু ওইহল্লি। স্পোর্তস অসি সাইন্স, কমর্স, মেথমেতিক্স, জিয়োগ্রাফী, নত্রগা অতোপ্পা হিরম কয়া অমগা মান্নবা কাংলুপ্তা থম্লি। হান্নদি স্পোর্তস অসি এক্সত্রা করিকুলর এক্তিবিতী অমা ওইনা লৌরম্মি, অদুবু হৌজিক্তি স্পোর্তস অসি স্কুলশিংদা সবজেক্ত অমা ওইরগনি। মসি অতোপ্পা সবজেক্তশিংগা চপ মান্ননা মরু ওইগনি।

মরুপশিং,

য়ু.পি.গী নহাশিংদা লৈরিবা তেলেন্ত অসি অদুক্কী মতিক য়ামখ্রে মদুদি অতিয়া অসি ফাওবা পিক্কনি। মরম অদুনা ইঞ্জিন অনিগী সরকার অসিনা য়ু.পি.দা য়ুনিভর্সিতী কয়া অমা লিংখৎলগনি। গোরাখপুরদা মহায়িগী গুরু গোরাখনাথ আয়ুশ য়ুনিভর্সিতী, প্রয়াগরাজদা দা. রাজেন্দ্র প্রসাদ য়ুনিভর্সিতী ওফ লো, লখনৌদা স্তএত ইন্সতিত্যুত ওফ ফোরেন্সিক সাইন্স, আলিগরদা রাজা মহেন্দ্র প্রতাপ সিং স্তেত য়ুনিভর্সিতী, সাআরানপুর মা শাকুম্বরি য়ুনিভর্সিতী অমসুং হৌজিক্না মীরুত্তা মেজর ধ্যান চন্দ স্পোর্তস য়ুনিভর্সিতী। ঐখোয়না পাম্লিবসি য়াম্না ময়েক শেংঙি মদুদি ঐখোয়গী নহাশিংনা রোল মোদেলশিং অমা ওইবদা নত্তনা মখোয়না মখোয়গী রোল মোদেলশিংবুসু মশক খঙদোকপদুবুনি।

মরুপশিং,

সরকারগী থৌদাং অসি অহল-লমনশিংগুম্বনি। অফবা হায়বসি য়োকখৎকদবনি অদুগা অমরোমদনা অশোইবা হায়বশিসু ‘নুপামচাশিংদা শোইখিবা য়াওই’ হায়দুনা লৈথোক্তুনসু চৎলোইদবনি। ঙসি য়োগী জিগী সরকার অসিনা মশিং য়াম্লবা নহাশিংদা সরকারগী থবক ফংহল্লি। আই.তি.আই.দগী ত্রেনিং লোইরবা নহা লিশিং কয়া অমা অচৌবা কমপনীশিংদা থবক পীরি। নহা মিলিয়ন কয়া অমা নেস্নেল অপ্রেন্তিসশিপ স্কীম নত্রগা প্রধান মন্ত্রী কোশল য়োজনাগী মখাদা কান্নবা পীখ্রে। য়ু.পি. সরকার অসিনসু অতল জিগী মপোক কুমওনদা মহৈরোইশিংদা তেব্লেতশিং অমসুং স্মার্তফোনশিং পীনবা কেমপেন হৌখ্রে।

মরুপশিং,

কেন্দ্র সরকারগী অতোপ্পা স্কীমশিংগী মতাংদা খংজিনবা হায়বসি য়ু.পি.গী নহাশিংগীদমক্তা য়াম্না মরু ওই। স্কীম অদুদি স্বমিত্বা য়োজনানি। মসিগী স্কীম অসিগী মখাদা কেন্দ্র সরকারনা ‘ঘরাউনি’ পীরি, মসি খুঙ্গংগী লমশিংদা লৈবা মীশিংদা প্রোপর্তীগী ওনরশিপকা মরী লৈনবা আইনগী ওইবা চে-চাংনি। ‘ঘরাউনি’ অসিগী মতেংনা খুঙ্গংগী নহাশিংনা মখোয়গী বিজনেস হৌদোক্নবগীদমক্তা বেঙ্কশিংদগী লোনশিং লৌবা য়াগনি। মসিনা হাউসৱাইফশিং, লাইরবশিং, নম্থদুনা লৈরবা কাংলুপশিং, নাথৈদুনা থম্বীরবা কাংলুপশিং, তোল্লবা কাংলুপশিং অমসুং সোসাইতীগী সেক্সন খুদিংমকপু মখোয়গী ময়ুম অদুবু আইননা য়াদবা মওংদা লৌশিনবদগী অৱাবা কোকহল্লগনি। য়োগী জিগী সরকার অসিনা ওনরশিপ স্কীম অসিবু য়াম্না য়াংনা খুমাং চাউশিনবা অসিদা ঐহাক য়াম্না হরাওই। য়ু.পপি.গী জিলা ৭৫দা ইমুং লাখ ২৩ হেন্না ‘ঘরাউনি’ অসি ফংহনখ্রে। য়োগী জিগী সরকার অসিনা ইলেক্সনগী মতুংদা মসিগী কেমপেন অসি হেন্না কনখৎহল্লগনি।

ইচিল ইনাওশিং,

লমদম অসিগী নহা অয়াম্বা খুঙ্গংগী লমশিংদা লৈ। ঐখোয়গী সরকার অসিনসু খুঙ্গং ইকোনোমী ফগৎহন্নবা লেপ্পা লৈতনা কন্না হোৎনরি। ঙরাং খক্তদা, প্রধান মন্ত্রীগী কিসান সম্মান নিধিগী খুত্থাংদা বু.পি. লৌমী লাখ কয়া অমগী বেঙ্ক একাউন্তশিংদা লুপা করোর কয়া অমা ত্রান্সফর তৌখ্রে। মসিনা লমদম অসিগী অপিকপা লৌমীশিংদসু কান্নহল্লি।

মরুপশিং,

মমাংদা শক্তি পাইরম্বা অদুনা নখোয়বু মতম শাংদুনা ঙাইহন্দুনা লৈহখি অমসুং চুগী মমল অদু ইন্সতোলমেন্তদা ওইনা পীখি। চু থাবা লৌমীশিংনা হৌখিবা সরকার অনিগী মতমদা ফংখিদবা শেনফম অদু য়োগী জিগী সরকারগী মখাদা ফংখি। নখোয়না ঐঙোন্দগী হেন্না খঙই মদুদি মমাংগী সরকারগী মতমদা সুগর মিলশিং অদু লেম্না পীবা য়াবা মমলদা য়োন্থোকখি। নখোয় খঙই নত্রগা খঙদে? সুগর মিলশিং অদু য়োনখি নত্রগা য়োনখিদে? স্কেম অদু থোকখি নত্রগা থোকখিদে? মিলশিংনা য়োগী জিগী সরকারগী মতমদা লোনবা থেংনদে, হৌজিক্তি মখোয়শিং অদু হেন্না চাউথোক্লে অমসুং অনৌবা মিলশিং হাংদোক্লে। হৌজিক্তি য়ু.পি.সু চুদগী শুংবা ইথানোলগী প্রোদক্সনদা য়াম্না য়াংনা হেনগৎলক্লি। হৌখিবা চহি মরি মখাইদা য়ু.পি.দগী চাউরাক্না লুপা করোর ১২,০০গী ওইগদবা ইথানোল লৈখি। সরকার অসিনা এগ্রিকলচরেল ইনফ্রাস্ত্রকচর অমসুং ফুদ প্রোসেসিং ইন্দস্ত্রীশিং য়াম্না য়াংনা হেনগৎলক্লি। ঙসি, রুরেল ইনফ্রস্ত্রকচর , স্তোরেজ ফেসিলিতীশিং অমসুং কোল্দ স্তোরেজতা লুপা করোর লাখ অমা শিজিন্নখ্রে।

 

ইচিল ইনাওশিং,

ইঞ্জিন অনি পানবা সরকার অসিনা নহাশিংগী পাঙ্গল কনখৎহন্নবা অমসুং মসিগা লোইননা লমদম অসিগী মপাঙ্গল কনখৎহন্নবা কন্না হোৎনরি। মীরুতকী ‘রেবদি-গাজক’, হেন্দলুম, ব্রাস বেন্দ অমসুং জেৱেলরী অসি লমদম অসিগী চাউথোকচনিংঙাইনি। মফম অসিদা অচৌবা ইন্দস্ত্রিশিংগী বেস শেম্নবা অমসুং লৌউ-শিংউগী পোত্থোকশিংগীদমক্তা অনৌবা মার্কেতশিং থম্নবা মীরুত অমসুং মুজাফরনাগরদা স্মোল অমসুং মাইক্রো ইন্দস্ত্রীশিং মখাতানা চাউথোকহন্নবগীদমক্তা থবক কয়া অমা হোৎনরি। মরম অদুনা লমদম অসিবু লৈবাক অসিগী খ্বাইদগী চাউখৎপা অমসুং খ্বাইদগী কনেক্তেদ ওইবা মফম অমা ওইনবা কন্না হোৎনরি। দিল্লী-মীরুত এক্সপ্রেসৱেনা মরম ওইরগা, দিল্লী য়ৌবদা পুং অমা খক্তমক চংলে। নুমিৎ খরনিগী মমাংদা হৌদোকখিবা গঙ্গা এক্সপ্রেৱেগী থবক অদুসু মীরুত্তগী হৌরগনি। মীরুতকী কনেক্তিবিতী অসিনা মীরুতপু য়ু.পি.গী অতোপ্পা সহরশিংগা মরী থম্বাদা মতেং পাংগনি। লৈবাক অসিগী অহানবা রিজনেল রেপিদ রেল ত্রাঞ্জিত সীস্তেম অদুসু মীরুত অমসুং লৈবাক অসিগী কেপিতলগা কনেক্ত তৌরগনি। মীরুত অসি মেত্রো অমসুং হাই স্পীদ রেপিদ রেল অনিমক পুন্না চেনবা লৈবাক অসিগী অহানবা সিতী ওইগদৌরিবনি। মমাংগী সরকারগী লাউথোকখিবা অমা খক্তমক ওইনা তাদুনা লৈরমবা, মীরুতকী আই.তি.পার্ক, অদুসু থবক ওইনা হৌদোকখ্রে।

মরুপশিং,

মসিগী অনিথোক্না কান্নবা, অনি থোক্না য়াংখৎপা অসি ইঞ্জিন অনি পানবা সরকার অমগী মশক্নি। মসিগী শক্লোন অসিবু মখাতানা হেন্না কনখৎহল্লগনি। নোংচুপ থংবা উত্তর প্রদেশকী মীয়াম্না খঙই মদুদি য়োগী জিনা লখনৌদা অমসুং ঐহাক্না দিল্লীদা লৈবা হায়বসি খুৎনা তিংথোকপদা লাম্বা ফংবা মফম্নি। চাউখৎ-থৌরাংগী খোংজেল অসি হেন্না য়াংখৎহন্দবা য়াদে। ঐখোয়না অনৌবা ইথিলগা লোইননা অনৌবা চহি অসিদা খুমাং চাউশিল্লগনি। ঐগী নহা ওইরিবা কোমরেদশিং, ঙসি ভারত পুম্বনা মীরুতকী পাঙ্গল উরিবনি, নোংচুপ থংবা উত্তর প্রদেশকী পাঙ্গল, নহাশিংগী পাঙ্গল. মসিগী পাঙ্গল অসি লৈবাক অসিগী পাঙ্গলনি অমসুং ঐখোয়না অনৌবা ৱাখল্লোনগা লোইননা মসিগী পাঙ্গল অসিবু মখাতানা য়োকখৎপগী মথৌ তাই। মেজর ধ্যান চন্দ য়ুনিভর্সিতীগীদমক্তা নখোয়দা অমুক্কসু হন্না নুংঙাইবা ফোংদোক্লি।

ভারত মাতা কি, জয়! ভারত মাতা কি, জয়!

বন্দে মাতরম! বন্দে মাতরম!

 

  • Reena chaurasia September 03, 2024

    बीजेपी
  • Pradhuman Singh Tomar July 09, 2024

    BJP 235
  • krishangopal sharma Bjp July 08, 2024

    नमो नमो 🙏 जय भाजपा 🙏
  • krishangopal sharma Bjp July 08, 2024

    नमो नमो 🙏 जय भाजपा 🙏
  • krishangopal sharma Bjp July 08, 2024

    नमो नमो 🙏 जय भाजपा 🙏
  • बबिता श्रीवास्तव June 08, 2024

    जय हिंद जय भारत
  • nischay kadia March 08, 2024

    ram ji
  • MLA Devyani Pharande February 17, 2024

    नमो नमो नमो
  • Vaishali Tangsale February 16, 2024

    🙏🏻🙏🏻
  • Babla sengupta December 23, 2023

    Babla sengupta
Explore More
২৭.০৪.২০২৫ দা শন্দোকখিবা মন কি বাতকী ১২১শুবা তাঙ্কক্ত প্রধান মন্ত্রীনা ফোঙদোকখিবা ৱারোল

Popular Speeches

২৭.০৪.২০২৫ দা শন্দোকখিবা মন কি বাতকী ১২১শুবা তাঙ্কক্ত প্রধান মন্ত্রীনা ফোঙদোকখিবা ৱারোল
‘Bharat looks bhavya': Gaganyatri Shubhanshu Shukla’s space mission inspires a nation

Media Coverage

‘Bharat looks bhavya': Gaganyatri Shubhanshu Shukla’s space mission inspires a nation
NM on the go

Nm on the go

Always be the first to hear from the PM. Get the App Now!
...
PM Modi’s remarks at the BRICS session: Environment, COP-30, and Global Health
July 07, 2025

Your Highness,
Excellencies,

I am glad that under the chairmanship of Brazil, BRICS has given high priority to important issues like environment and health security. These subjects are not only interconnected but are also extremely important for the bright future of humanity.

Friends,

This year, COP-30 is being held in Brazil, making discussions on the environment in BRICS both relevant and timely. Climate change and environmental safety have always been top priorities for India. For us, it's not just about energy, it's about maintaining a balance between life and nature. While some see it as just numbers, in India, it's part of our daily life and traditions. In our culture, the Earth is respected as a mother. That’s why, when Mother Earth needs us, we always respond. We are transforming our mindset, our behaviour, and our lifestyle.

Guided by the spirit of "People, Planet, and Progress”, India has launched several key initiatives — such as Mission LiFE (Lifestyle for Environment), 'Ek Ped Maa Ke Naam' (A Tree in the Name of Mother), the International Solar Alliance, the Coalition for Disaster Resilient Infrastructure, the Green Hydrogen Mission, the Global Biofuels Alliance, and the Big Cats Alliance.

During India’s G20 Presidency, we placed strong emphasis on sustainable development and bridging the gap between the Global North and South. With this objective, we achieved consensus among all countries on the Green Development Pact. To encourage environment-friendly actions, we also launched the Green Credits Initiative.

Despite being the world’s fastest-growing major economy, India is the first country to achieve its Paris commitments ahead of schedule. We are also making rapid progress toward our goal of achieving Net Zero by 2070. In the past decade, India has witnessed a remarkable 4000% increase in its installed capacity of solar energy. Through these efforts, we are laying a strong foundation for a sustainable and green future.

Friends,

For India, climate justice is not just a choice, it is a moral obligation. India firmly believes that without technology transfer and affordable financing for countries in need, climate action will remain confined to climate talk. Bridging the gap between climate ambition and climate financing is a special and significant responsibility of developed countries. We take along all nations, especially those facing food, fuel, fertilizer, and financial crises due to various global challenges.

These countries should have the same confidence that developed countries have in shaping their future. Sustainable and inclusive development of humanity cannot be achieved as long as double standards persist. The "Framework Declaration on Climate Finance” being released today is a commendable step in this direction. India fully supports this initiative.

Friends,

The health of the planet and the health of humanity are deeply intertwined. The COVID-19 pandemic taught us that viruses do not require visas, and solutions cannot be chosen based on passports. Shared challenges can only be addressed through collective efforts.

Guided by the mantra of 'One Earth, One Health,' India has expanded cooperation with all countries. Today, India is home to the world’s largest health insurance scheme "Ayushman Bharat”, which has become a lifeline for over 500 million people. An ecosystem for traditional medicine systems such as Ayurveda, Yoga, Unani, and Siddha has been established. Through Digital Health initiatives, we are delivering healthcare services to an increasing number of people across the remotest corners of the country. We would be happy to share India’s successful experiences in all these areas.

I am pleased that BRICS has also placed special emphasis on enhancing cooperation in the area of health. The BRICS Vaccine R&D Centre, launched in 2022, is a significant step in this direction. The Leader’s Statement on "BRICS Partnership for Elimination of Socially Determined Diseases” being issued today shall serve as new inspiration for strengthening our collaboration.

Friends,

I extend my sincere gratitude to all participants for today’s critical and constructive discussions. Under India’s BRICS chairmanship next year, we will continue to work closely on all key issues. Our goal will be to redefine BRICS as Building Resilience and Innovation for Cooperation and Sustainability. Just as we brought inclusivity to our G-20 Presidency and placed the concerns of the Global South at the forefront of the agenda, similarly, during our Presidency of BRICS, we will advance this forum with a people-centric approach and the spirit of ‘Humanity First.’

Once again, I extend my heartfelt congratulations to President Lula on this successful BRICS Summit.

Thank you very much.