পুনে ম্যুনিসিপাল কোর্পোরেসন মনুংদা ছত্রপতি শিবাজী মহারাজকী মীতম মাইখুম হাংদোকখ্রে
তোঙান-তোঙানবা চাউখৎ-থৌরাংগী প্রোজেক্তশিংগী উরেপ-উয়ুং তমখ্রে, আর.কে. লক্ষ্মন আর্ত গেলরী-ম্যুজিয়ম শঙ্গাখ্রে“ঐখোয় পুম্নমক্কী থমোয়দা লৈরিবা, শিবাজী মহারাজকী মীতম অসিনা হৌগৎলক্লিবা মীরোন্দা লৈবাকনীংবগী ৱাখল্লোন পোকহল্লগনি”“পুনেনা এজুকেসন, রিসর্চ অমসুং দিবেলপমেন্ত, আই.তি. অমসুং ওতোমোবাইলগী লমশিংদা মশাগী মশক তাকপা লেপ্তনা হেনগৎলক্লি। অসিগুম্বা ফীভম অমদা পুনেগী মীয়ামগীদমক মোদর্ন ফেসিলিতীশিং য়াম্না মথৌ তাই অমসুং সরকারনা মসি খঙলদুনা পুনে মীয়ামগী মথৌ তাবা অসি থুংহন্নবা হোৎনরি”“মেত্রো অসিনা পুনেদা মোবিলিতীদা খুদোংচাহল্লগনি, পোলুসন অমসুং জেমশিংদগী কোকহল্লগনি, পুনে মীয়ামগী ইজ ওফ লিবিং হেনগৎহল্লগনি”“ঙসিগী য়াংনা খুমাং চাউশিল্লিবা ভারত অসিদা ঐখোয়না খোঙজেল অমসুং স্কেলদা মীৎয়েং চংবা তাই। মরম অসিনা ঐখোয়গী সরকারনা পি.এম.-গতিশক্তি নেস্নেল মাস্তর প্লান শেমখি”“মোদর্নিতীগা লোয়ননা পুনেগী অরিবা চৎনবী অমসুং মহারাস্ত্রগী মীংচৎ অসিবু অর্বান প্লান্নিংদা চপ চানা মফম পীরি”ছত্রপতি শিবাজী মহারাজ, মহাত্মা জ্যোতিবা ফুলে, শবিত্রীবাই ফুলে, মহর্সি কর্বর অমসুং অতোপ্পে তেলেন্ত লৈবা লিতরেরী আর্তিস অমসুং সোসিএল ৱার্করশিং লৈবনা শেংদোক্লবা পুনেদা লৈরিবা ঐহাক্কী ইচিল-ইনাওশিংবু খুরুমজরি!
মহারাস্ত্রগী রাজ্যপাল, শ্রী ভগত সিংহ কোশ্যারি, কেন্দ্রগী মন্ত্রী-মন্দলদা ঐহাক্কী মরুপ ওইরিবা কেন্দ্রগী মন্ত্রী শ্রী রামদাস অথাৱালে, উপ মুখ্য মন্ত্রী শ্রী অজিৎ পাৱর, মহারাস্ত্র সরকারগী অতোপ্পা মন্ত্রীশিং, হান্নগী মুখ্য মন্ত্রী শ্রী দেবেন্দ্র ফদনবীস, পার্লিয়ামেন্তদা ঐহাক্কা থবক তৌমিন্নরিবা শ্রী প্রকাশ জাবদেকর, অতোপ্পা এম.পি.শিং, লেজিস্লেচরশিং, পুনেগী মেয়র মুরলিধর মোল, পিম্পরি চিঞ্চৱদকী মেয়র শ্রীমরি মাই ধোরে, মফম অসিদা তিনবীরিবা দিগ্নিতরীশিং, নুপী অমদি নুপা!
হৌজিক লৈবাক অসিনা নীংখা তমখিবগী চহি ৭৪ শুরপগী আজাদী কা অমৃত মহোৎসব পাঙথোক্লি। পুনেনা ভারতকী নীংতম ইহৌগী পুৱারীদা শরুক তমখি। লোকমান্য তিলক, চাপেকর মচিল-মনাও, গোপাল গনেশ অগরকর, সেনাপতি বাপৎ, গোপাল কৃষ্ণ দেশমুখ, আর.জি. ভন্দারকর অমসুং মহাদেব গোবিন্দ রানাদে অসিগুম্বা লমদম অসিগী নীংতম লান্মীশিংদা ঐহাক্না ইকাই খুম্নবা উৎচরি।
ঙসি মহারাস্ত্রগী চাউখৎ-থৌরাংগীদমক কত্থোকখিবা রামভাও মহালগীজীগী লৈখিদবগী কুমওনসু তারি। ঙসি ঐহাক্না বাবা সাহেব পুর্নদরেবুসু ইকাই খুম্নবা উৎচরি। মীকুপ খরগী মমাংদা ঐহাক্না ছত্তরপতি শিবাজী মহারাজকী অচৌবা মীতম অমা মাইখুম হাংদোকপা ফংজখি। ঐখোয় পুম্নমক্কী থমোয়দা লৈরিবা, শিবাজী মহারাজকী মীতম অসিনা হৌগৎলক্লিবা মীরোন্দা লৈবাকনীংবগী ৱাখল্লোন পোকহল্লগনি।
ঙসি পুনেগী চাউখৎ-থৌরাংগা মরী লৈনবা অতোপ্পা প্রোজেক্ত কয়া শঙ্গাখি অমসুং উরেপ-উয়ুংসু তমখি। পুনে মেত্রোগী উরেপ-উয়ুং তম্নবা ঐহাকপু বর্তন তৌবীরকখিবা ঐহাক্কী য়াম্না লাইবক ফবনি অমসুং হৌজিক অদোমদা ঐঙোন্দা মসি শঙ্গানবা খুদোংচাবা পীবীরি। মমাংদা উরেপ-উয়ুং তমখ্রবসু মদু করম্বা মতমদা শঙ্গাগনি হায়বা ঙমখিদে।
মরুপশিং,
থৌরম অসি য়াম্না মরু ওই মরমদি মসিনা থৌরাংশিং মতম চানা লোইশিল্লি হায়বগী পাউজেলসু পীরি। ঙসি লুপা করোর ১১০ চংনা মুলা-মুথা তুরেল অসি পোলুসন ফ্রী ওইনবা প্রোজেক্ত অমা পাইখৎখ্রে। ঙসি পুনদা ই-বস লৈরে, ই-বসকী দিপোৎ বানেরদা শঙ্গাখ্রে। অমসুং পুম্নমক অসিগা লোয়ননা ঐহাক্না উশাজীবু থাগৎপা ফোঙদোকচরি, ঙসি ঙসি পুনেদা লৈরিবা পুন্সি কয়াদা অফবা খুদোল অমা পীরি। পুনেদা আর.কে. লক্ষ্মনজীদা কত্থোক্লবা নীংথিজরবা আর্ত গেলরী ম্যুজিয়ম অমসু হাংলে। ঐহাক্না উশাজী অমসুং মহাক্কী অপুনবা ইমুং-মনুংদা য়াইফ পাউজেল পীজরি। মহাক্না থৱায় য়াওবা, ৱাখল চেৎপা অমসুং অয়ুক নুমিদাং খাইদনা থবক তৌবনা লোইশিনবা ঙমখি, ঐহাক্না থমোয় শেংনা থাগৎপা ফোঙদোকচরি। ঙসি ঐহাক্না পুনে মীয়ামবু থবক তৌবদা উৎখিবা সর্ভিস অদুগীদমক থাগৎচরি অমসুং মেয়র সাহেবান অমদি মহাক্কী তীমবি খোঙজেল য়াংনা চাউখৎ-থৌরাংগী থবকশিং তৌবগীদমক্তসু থাগৎচরি।
ইচিল-ইনাওশিং,
পুনে অসি মাগী কলচর, স্পিরিচুএল অমসুং পেত্রিতিক কন্সিয়সনেসকীদমক খঙনৈ। অমসুং মসিগা ইরোইননা পুনেনা এজুকেসন, রিসর্চ অমসুং দিবেলপমেন্ত, আই.তি. অমসুং ওতোমোবাইলগী লমশিংদা মশাগী মশক তাকপা লেপ্তনা হেনগৎলক্লি। অসিগুম্বা ফীভম অমদা পুনেগী মীয়ামগীদমক মোদর্ন ফেসিলিতীশিং য়াম্না মথৌ তাই অমসুং সরকারনা মসি খঙলদুনা পুনে মীয়ামগী মথৌ তাবা অসি থুংহন্নবা হোৎনরি। মীকুপ খরগী মমাংদা ঐহাক্না গরৱারেদগী আনন্দনগর ফাওবা পুনে মেত্রোদা চৎখি। মেত্রো অসিনা পুনেদা মোবিলিতীদা খুদোংচাহল্লগনি, পোলুসন অমসুং জেমশিংদগী কোকহল্লগনি, পুনে মীয়ামগী ইজ ওফ লিবিং হেনগৎহল্লগনি। চহি ৫-৬কী মমাংদা ঐখোয়গী দিবেন্দ্রজীনা মফম অসিদা মুখ্য মন্ত্রী ওইরিঙৈ মতমদা মহাক্না প্রোজেক্ত অসিগীদমক দিল্লীদা তোইনা লাকখি, মহাক্না প্রোজেক্ত অসিগীদমক য়াম্না থৱায় য়াওখি। খোঙথাংশিং অসিগীদমক ঐহাক্না থাগৎলি।
মরুপশিং,
কোরোনাগী লাইচৎ মনুং ওইজরবসু সেক্সন অসি ঙসিদি সর্ভিস তৌনবা শাবা লোইরে। পুনে মেত্রোগী ওপরেসনগীদমক সোলর পাৱর চাউনা শীজিন্নখি। মসিনা চহি খুদিংগী কার্বোন দাইওক্সাইদ তন লিশিং ২০ থাদোকপা লেপহল্লগনি। ঐহাক্না প্রোজেক্ত অসিগা মরী লৈনবা মীওই পুম্নমক মরু ওইনা শিন্মীশিংদা থমোয় শেংনা তৌবীমল খঙবা উৎচরি। অদোম্না শরুক তম্লিবা অসিনা পুনেদা থবক তৌরিবশিং, মফম অসিগী মহৈরোয়শিং, মীচম মীয়ামদা চাউনা মতেং ওইরগনি।
মরুপশিং,
ঐখোয়গী লৈবাক্তা অর্বানাইজেসন কয়াম খোঙজেল য়াংনা খুমাং চাউশিনবগে হায়বা ময়াম্না খঙনরি। ২০৩০ ফাওবদা ঐখোয়গী অর্বান পোপুলেসন অসি মিলিয়ন ৬০০ হেল্লগনি। শহরশিংদা মীশিং হেনগৎলকপা অসিনা খুদোংচাবা অমসুং শীংনবা অনিমক পুরক্লি। অকক্নবা চাং অমগী মনুংদা খক্তা শহরশিংদা ফ্লাইওভর শাবা য়াই, মীশিং হেনগৎলকপগা লোয়ননা ফ্লাইওভর কয়া শাবা ঙমগনি? মদু কদায়দা শাগনি? লম্বী কয়া পাকথোকহনগনি? মদু কদায়দা শাগনি? অসিগুম্বা ফিভম অসিদা লম্বী অমা খক্তা লৈ – মাস ত্রান্সপোর্তেসন। মাস ত্রান্সপোর্তেসনগী সিস্তেমশিং হেন্না হেন্না শাবা অসিনি। মরম অসিনা ঙসি ঐখোয়গী সরকারনা মাস ত্রান্সপোর্তেসনগী পাম্বৈশিংদা মরু ওইনা মেত্রো কন্নেক্তিবিতীদা অখন্নবা মীৎয়েং চংলি।
২০১৪ ফাওবদা লৈবাক অসিগী দিল্লী-এন.সি.আর.দা কক্তা মেত্রোগী থবক পাকশন্না চত্থখি। শহর খরক্তদা মেত্রো সর্ভিসশিং লৈরমখি অদুবু ঙসিদি শহর ২৪ হেনবদা মেত্রো সর্ভিসশিংগী কান্নবা ফংহনখ্রে নত্ত্রগা কান্নবা ফংগদৌরে। মহারাস্ত্রদা করিগুম্বা ঐখোয়না মুম্বাই, থানে, নাগপুর অমসুং পিমপ্রি চিঞ্চৱাদ পুনে অসি য়েংলবদি মসিগী এক্সপান্সন অসিগী অচৌবা শিয়র অমা উবা। পুনেগী মীয়ামদা মরু ওইনা খুদোংচাবা ফংলবা মীওইশিংদা মেত্রো অমসুং অতোপ্পা পব্লিক ত্রান্সপোর্ত শীজিন্নবগী হৈনবী থম্নবা ঐহাক্না হায়জরি।
ইচিল-ইনাওশিং,
২১শুবা চহিচাগী ভারত অসিদা ঐখোয়গী শহরশিং মোদর্নাইজ তৌবা অমসুং মদুদা অনৌবা ফেসিলিতীশিং হাপচিনবা তাই। তুংলমচৎকী ভারতকী শহরগীদমক খল্লগা ঐখোয়গী সরকারনা প্রোজেক্ত কয়ামরুম পাইখৎলি। ঐখোয়গী সরকারনা গ্রীন ত্রান্সপোর্ত, ইলেক্ত্রিক বসশিং, ইলেক্ত্রিক কারশিং অমসুং ইলেক্ত্রিক তু হ্বীলর হেন্না ফংহন্নবা হোৎনরি। শহর খুদিংমক্তা স্মার্ত মোবিলিতী লৈবদা মীয়াম্না ত্রান্সপোর্ত ফেসিলিতীশিংগীদমক সিঙ্গল কার্দ শীজিন্নৈ। ফেসিলিতী স্মার্ত ওইনবা শহর খুদিংমক্তা ইন্তিগ্রেতেদ কম্মান্দ এন্দ কন্ত্রোল সেন্তর লৈহনবা তাই। শহর খুদিংমক্তা সর্ক্যুলর ইকনোমী মপাঙ্গল কনখৎহন্নবা মোদৱেস্ত মেনেজমেন্ত সিস্তেম অমা থম্বা তাই। শহর খুদিংমক ৱাতর প্লস ওইহন্নবা মোদর্ন সিৱেজ ত্রীৎমেন্ত প্লান্তশিং মরাং কাইনা লৈহনবা তাই, ৱাতর সোর্সেসশিং কঞ্জর্ভেসন তৌনবা নীংথিনা শিল-লাংবা তাই। শহরশিং অসিদা গোবরধন অমসুং বাইওগ্যাস প্লান্তশিং থমদুনা ৱেস্ততগী ৱেল্থ ওন্থোক্কদবনি। শহরশিং অসিদা এল.ই.দি. বল্ব অসিগুম্বা ইনর্জী ইফিসিএন্সী ওইবা খোঙথাংশিং পাইখৎোনা হোলমার্ক ওইহনগদবনি। অমৃত মিসন অমসুং রেরা লো অসিনা অর্বান লেন্দস্কেপতা অনৌবা পাঙ্গল হাপ্পি।
শহরশিংদা থক্নবা ঈশিং অমসুং দ্রেনেজ কন্দিসনশিং ফগৎহন্নবা ঐখোয়না অমৃত মিসনগী মখাদা তোঙান-তোঙানবা থৌরাংশিং পাইখৎখি। ঐখোয়না মিদল ক্লাস ইমুং মনুংশিংনা লো অসি লৈত্রিঙৈদা অৱাবা থেংনরম্বা, শেল পীরবদু চহি কয়া ঙাইরবসু য়ুম অমা ফংখিদে হায়রিবা অসি ঐখোয়না রেরাগুম্বা লো শেমদুনা কোকহনখি। সমস্য পুম্নমক অসিগী সোল্যুসননি হায়না চেদা পীখিবা অদু য়ুম ফংবা নত্তে অৱাবা পীবনি। অমরোমদা ঐখোয়গী মিদল ক্লাস ইমুংশিংনা মখোয়না তুংশিনখিবা শেলনা য়ুম অমা শাবা পামখিবা অদু য়ুম শাদ্রিঙৈ মমাংদগী মীনমবীরে হায়না ফাওখি। মিদল ক্লাসকী ইমুংশিংবু ঙাকশেল পীনবা রেআ লো অসি অফবা ওইখি।
ইচিল-ইনাওশিং,
পুনংগী গ্রী ফ্যুএলগী সেন্তর ওইবগী মীংচৎ অদু হেন্না হেনগৎহনখি। ঐখোয়না পোলুসন থোকহনদনবা, কউদ ওইলদা মীপাল তাংদনবা অমসুং লৌমীশিংগী ইনকম হেনগৎহন্নবা বাইওফ্যুএলদা, ইথানোলদা মীৎয়েং চংলি। ইথানোল ব্লেন্দিং ফেসিলিতীশিং পুনেদা চাউনা লিংখৎখি। মসিগা লোয়ননা মফম অসিদা লৈরিবা চু থাবা লৌমীশিংনা অচৌবা মতেং ফংখি। ঙসি ম্যুনিসিপাল কোর্পোরেসন্না পুনেবু লুনানবা অমসুং ফজবা শহর অমা ওইনবা থবক কয়া পাইখৎপা হৌখ্রে। পুনেবু তোইনা থোকপা ইচাও অমসুং পুলুসনশিংদগী ঙাকথোকপদা মসিগী লুপা করোর কয়া চংবা প্রোজেক্তশিং অসিনা কান্নবা পীরগনি। কেন্দ্র সরকারনা পুনে ম্যুনিসিপাল কোর্পোরেসন্দা মুলা-মুথা তুরেল লুনান্না থম্নবা অমসুং ফজহন্নবা মপুং ফানা মতেং পীরি। করিগুম্বা তুরেল শেংদোক্লবদি শহরগী মীয়ামগী অৱাবা কোক্কনি মখোয়না অনৌবা ইনর্জী ফংগনি।
শহরশিংদা লৈরিবা মীওইশিংদা ঐহাক্না চহি অমদা তাং লেপতুনা অমসুং চাং নাইনা রিভর ফেস্তিবেল পাঙথোক্নবা হায়জরি। তুরেলগী মরু ওইবশিং অমসুং মরু ওইবা লাইফলাইনশিং অসিগী কান্নবা অমদি মসি কন্নবগী মরমদা অনৌবা এৱের্নেস পীনবা অসিগুম্বা উরেল মনাক্তা লৈবা শহরশিংদা রিভর ফেস্তিবেলশিং তৌগদবনি। ঐখোয়না ঈশিং মরিক অমগী মরু ওইবা অদু খঙবা তাই।
মরুপশিং,
লৈবাক অমা হেক্তদা মোদর্ন ইনফ্রাস্ত্রকচরগী চাউখৎ-থৌরাংদা খ্বাইদগী মরু ওইবা ৱাফম অসি স্পীদ অমসুং স্কেলনি। অদুবু দিকেদ কয়া ঐখোয়না প্রোজেক্তশিং লোইশিনবদা মতম শাংনা চংবা অদুগুম্বা সিস্তেমশিংদা লৈরমখি। মসিগী অতনবা মতৌ অসিনা লৈবাক অসিগী চাউখৎ-থৌরাংদা অকাইবা ওইহল্লি। ঙসিগী য়াংনা খুমাং চাউশিল্লিবা ভারত অসিদা ঐখোয়না খোঙজেল অমসুং স্কেলদা মীৎয়েং চংবা তাই। মরম অসিনা ঐখোয়গী সরকারনা পি.এম.-গতিশক্তি নেস্নেল মাস্তর প্লান শেমখি। ঐখোয়না অয়াম্বা মতমদা প্রোজেক্তশিং অসি থিন্থবগী মরম অসি তোঙান-তোঙানবা বিভাগশিং, তোঙান-তোঙানবা মন্ত্রালয়শিং অমসুং সরকারশিংগী মরক্তা কোওর্দিনেসন ৱাৎপা অসিনা ওইখি। মসিনা মরম ওইরগা প্রোজেক্ত অদুনা চহি কয়া লৈরগা লোইরকপা মতমদদি মদু মতমগা চুনবা ওইদে অমসুং কান্নবা লৈতে।
পি.এম. গতিশক্তি নেস্নেল মাস্তর প্লান্না কন্ত্রাদিক্সন পুম্নমক লৌথোক্লগনি। করিগুম্বা থবক অমা তৌবদা স্তেকহোল্দর পুম্নমক্না ই-পাউ মপুং ফানা ফাওনদুনা অমসুং নীংথিনা মতেং পীনদুনা ইন্তিগ্রেতেদ ওইবা মীৎয়েং অমা চংবা ঙমহনগনি মসিনা ঐখোয়গী প্রোজেক্তশিং মতম চানা লোইশিনবা ঙমগনি। মসিনা মরম ওইরগা মীয়ামগী সমস্যাশিং হন্থহনগনি লৈবাক অসিগী শেল অদু মাংহল্লোই অমসুং মীয়ামদা খুদোংচাবা থুনা ফংহনবা ঙমগনি।
ইচিল-ইনাওশিং,
মোদর্নিতীগা লোয়ননা পুনেগী অরিবা চৎনবী অমসুং মহারাস্ত্রগী মীংচৎ অসিবু অর্বান প্লান্নিংদা চপ চানা মফম পীরিবা অসিদা ঐহাক্না চাউথোকচবা পোকই। লমদম অসি সন্ত জ্ঞানেশবর অমসুং সন্ত তুকারমগুম্বা ইথিল পীরিবা ঋসিশিংগী লমদমনি। ঐহাক্না থা খরগী মমাংদা শীসন্ত জ্ঞানেশ্বর মহারাজ পালখি মার্গ অমসুং সন্ত তুকারাম মহারাজক পালখী মার্গকী উরেপ-উয়ুং তম্বা ফংজখি। মাগী পুৱারী, চাউখৎ-থৌরাংগী খোঙচৎ অসিদা মোদর্নিতী মখা তানা অসিগুম্বা য়াওবদা চাউথোকচবা পোকপগা লোয়ননা ঐহাক্না পুনেগী প্রজাশিংদা নুংঙাইবা ফোঙদোকচরি!
হন্না-হন্না থাগৎচরি !
