PM launches Pradhan Mantri Gram Sadak Yojana (PMGSY) - III
“The next 25 years are very crucial for 130 crore Indians”“Himachal today realizes the strength of the double-engine government which has doubled the pace of development in the state”“A Maha Yagya of rapid development is going on in the hilly areas, in the inaccessible areas”“Your (people’s) order is supreme for me. You are my high command”“Such works of development take place only when the service spirit is strong”“Only the double-engine government recognizes the power of spirituality and tourism”ভারত ইমানা য়াইফরে,
ভারত ইমানা য়াইফরে!
শিবরী মহারাজেরী, অদোমগী শেংলবা লমদম অসিদা, চহি লিশিং কবা শুরবা, অরিবা চৎনবীশিং অমসং হেরিতেজ অসিদা ঐহাক্না ময়ামগী মরক্তা ঙসি লাকপা ফংজবা অসিদা য়াম্না নুংঙাইবা পোকই।
অহানবদা ঐহাক্না চম্বাগী মীয়ামদা ঙাকপীনবা হায়জরি মরমদি হন্দক্তি ঐহাক্না মফম অসিদা লাকপদা য়াম্না থেংনখ্রে, মরক্তা চহি খরা হৌখ্রে। অদুবু ঙসি ঐহাক্না মফম অসিদা লাকপগী অমসুং ময়ামগী থৌজালশিং ফংজবগী খুদোংচাবা অমা ফংজরি।
নুমিৎ নিনিগী মমাংদা ঐহাক্না উজ্জৈন্দা মহাকালগী সহরদা চৎলুই অমসুং ঙসি ঐহাক্না মনিমহেশকী লমজিং মখাদা লমজিং ফংজখি। ঙসি ঐহাক্না পুৱারী ওইরবা মফম অসিদা ঐহাক্না লাকপদা হৌখ্রবা মতমশিং নীংশিংবা হায়বা অসি য়াম্না মহৌশানি। ঐহাক্কী মরুপশিং অমসুং রাজমাহগী মদরাগা লোয়ননা মফম অসিদা লৈখিবা অদু তশেংনা য়াম্না নুংঙাইবা মীকুপ অমা ওইখি।
চম্বানা ঐঙোন্দা মীনুংশি অমসুং থৌজাল কয়া পীবিখি। মরম অসিনা থা খরগী মমাংদা মিঞ্জর মেলা মনুংদা ওজাগী শিনফমদা লৈবা মরুপ অমনা চিথী অমা ইরকখি অমসুং ঐঙোন্দা চম্বাগা মরী লৈনবা ৱাফম কয়া ফোঙদোরকখি। হায়রিবা ৱাফমশিং অদু ঐহাক্না মন কী বাত্তা লৈবাক অসিদা অমসুং মালেমদা পাউদমজখি। অদুনা ঙসি মফম অসিদগী চম্বা য়াওনা হিমাচল প্রদেশকী মনুং হঞ্জিনবা মফমশিংদা লম্বীশিং শেম্বা অমসুং থবক পীরিবা পাৱর প্রোজেক্তশিংবু খুদোল ওইনা তম্বা ফংজবা অসিদা ঐহাক্না য়াম্না নুংঙাইবা পোকই।
ঐহাক্না নখোয়গী নরক্তা হিংবা ফংজখিবা মতমদা ঐহাক্না তোইনা হায় মদুদি ঐখোয়না চীংগী ঈশিং অমসুং চীংগী নহারোল অসি চীংদা কান্নফম লৈতে হায়বা ৱাফম অসি মুত্থৎনবা হোৎনসি। হৌজিক মফম অসিগী ঈশিং অসি নখোয়দা কান্নবা পীরগনি অমসুং মফম অসিগী নহারোলশিংনা চাউখৎ খোঙচৎ অসি মাংদা পুরগনি। নখোয়গী পুন্সিবু নুংঙাইহনগদৌরিবা প্রোজেক্তশিং অসিগীদমক ময়ামদা নুংঙাইবা ফোঙদোকচরি!
ইচিল-ইনাওশিং,
মতম খরগী মমাংদা ভারতনা মাগী নীংতম নুমিৎকী চহি ৭৫ মপুং ফাখি। ঐখোয়না হৌজিক লৈরিবা তানফম অসি চাউখৎ থৌরাংগী মীৎয়েংদগী য়াম্না মরু ওই। মরম অসিনা মফম অসিদগী ঐখোয়না খুমাং চাউশিনবা তাই, মদুসু কনাগুম্বা অমত্তা খল্লুদবা মওং অমদা। ভারতকী আজাদী কা অমৃত মহোৎসব হৌখ্রে মসিদা ঐখোয়না চাউখৎপা ভারতকী ফিরেপ অমা থুংহন্নবা হোৎনবা তাই। ভারত মচা খুদিংমক্কী ফিরেপ হৌজিক্তি থুংহল্লগনি। লাক্কদৌরিবা থা খরা অসিদা হিমাচল শেমখিবগী চহু ৭৫সু মপুং ফারগনি। হায়বদি লৈবাক অসিনা নীংতম্বগী চহি ১০০ মপুং ফাবা মতমদা হিমাচলসু শেমখিবগী চহি ১০০ মপুং ফারগনি। মরম অসিনা মথংগী চহি ২৫গী নুমিৎ খুদিং, মীকুপ খুদিং ঐখোয় পুম্নমক্কী, ইরৈবাকচা পুম্নমক্কী অমসুং মরু ওইনা হিমাচলগী মীয়ামগী ওইনা য়াম্না মরু ওই।
মরুপশিং,
ঙসি ঐহাক্না দিকেদ কয়া তুংহন্দুনা য়েংলুবা মতমদা মসিদগী ফংবা এক্সপরিয়েন্সনা করি হায়রি? ঐখোয়না শান্তাজী, ধুমলজীনা মফম অসিদা মখোয়গী পুন্সি মাংহনখিবা উবা ফংখি। হিমাচলগী অপীকপা হীরম খুদিংমক্কীদমক, হিমাচলগী হকশিংগীদমক মুখ্য মন্ত্রীনা মাগী ভারতিয় জনতা পার্তীগী ৱার্করশিংনা দিল্লীদা পুদুনা হায়জবা, য়ানীংদবা ফোঙদোকপগী মতম অদু ওইদ্রে। করিগুম্বা মতমদা ইলেক্ত্রিসিতীগী হক, করিগুম্বদা ঈশিংগী, করিগুম্বা চাউখৎ-থৌরাংদা ওইরবসু দিল্লীদা তাবীখিদে, হিমাচলগী দিমান্দশিং, হিমাচলগী ফাইলশিং অসি থবক্তা ওন্থোকপা ঙমদনা লৈখি। মরম অসিনা চম্বাগুম্বা মহৌশা, কলচর অমসুং লাইনিংগী মগুল লৈরবা মফমশিং অসি চাউখৎ খোঙচৎতা শোত্থনা লৈখি। চহি ৭৫গী মতুংদা ঐহাক্না এস্পিরেস্নেল দিস্ত্রিক্ত ওইনা মীৎয়েং চংবা তাখি মরমদি ঐহাক্না মসিগী মতিক-ময়াইগী মরমদা খঙখি মরুপশিং।
মফম অসিদা লৈরিবা মীয়াম্না খুদোংচাবশিং ফংদবনা মরম ওইদুনা মখোয়গী পুন্সিদা অৱাবা মায়োক্নখি। মপালদগী লাকপা লমকোইবশিংনা মফম অসিদা করম্না য়ৌরক্কনি? অমসুং ঐখোয়না চম্বাগীগী ঈশৈ নীংশিবদা জয়রমজীনা হায় -
জম্মু এ দী রাহে, চম্বা কিতনা অক দুর,
ফীভম অদু তাক্নবগীদমক মসিনা য়ারে। হায়বদি মফম অসিদা য়াম্না লাক্নীংলবসু মফম অসি য়ৌরকপা অরাইবা ওইদে। অমসুং জয়রামজীনা দিব্যা, কেরলাগী মচানুপী অসিনা, দেবিকানা এক ভারত শ্রেস্থা ভারতকী মঙলান করম্না মঙফাওনখিবগে পাউদমখি। হিমাচল অমুক্তা উদ্রিবা, হিন্দী লোলগা মরী অমত্তা লৈনদবা নুপীমচা অমনা চম্বাগী ঈশৈবু মপুক ফানা কত্থোকপগা লোয়ননা শকপা মতমদা ঐখোয়না চম্বাগী মপাঙ্গল অদু খঙবা ঙম্মি। অমসুং মহাক্কী মচানুপী দেবিকাবু অদুক্কী মতিক থাগৎপনা এক ভারত শ্রেস্থা ভারতকী পাউজেল লৈবাক শিনবা থুংবদা শন্দোকখি। মসি উবদা চম্বাগী মীয়ামদা এক ভারত-শ্রেস্থা ভারতকী ইথিল পোকখি, মসি উবদা ঐহাক্না অঙকপা পোকখি।
মরুপশিং,
ঙসি হিমাচলদা দবল ইঞ্জিন সরকারগী শক্তি লৈরে। চাউখৎ-থৌরাংগী খোঙজেল শরুক অনি থোক্না য়াঙখৎহল্লিবা দবল ইঞ্জিন সরকারগী ঙসি মপাঙ্গল খঙলে। থবক্কী পোৎলুম অমসুং স্ত্রেস য়াম্না লৈতবা, অদুবু রাজনিতীগী কান্নবা য়াম্না লৈবা মফম খক্তদা মমাংগী সরকারনা মিৎয়েং চঙলম্মি। মসিনা মরম ওইরগা, মনুং হঞ্জিনবা অমসুং ত্রাইবেলগী মফমশিংনা চাউখৎপা ঙম্লমদ্রিবনি। মফমশিং অসিদনা খ্বাইদগী তঙাই ফদ্রিবনি অদুবু মফম অসিদা করি ফীভমদা লৈরম্বগে? লম্বী, মৈ নত্ত্রগা ঈশিং ওইরো, মসিগুম্বা লমদমগী মীয়াম্না খ্বাইদগী অকোনবদা খুদোংচাবশিং অসি অদুবু দবল ইঞ্জিন সরকারগী থবক তৌবগী মতৌদি অতোপ্পদগী তোঙাল্লি। মীয়ামগী পুন্সি মহিং নুংঙাইহনবদা ঐখোয়না মীৎয়েং চংই। মসিনা মরম ওইরগা, ঐখোয়না ত্রাইবেল অমসুং চিংগী লমদমশিংদা অহেনবা অমসুং অচৌবা মীৎয়েং চঙলিবনি।
মরুপশিং,
মমাংঙৈদা চীংশিংদা মীওই খরা খক্তনা গ্যাস কন্নেক্সনশিং ফংলমখি। ঐহাক্না নীংশিংলি মদুদি ঐখোয়গী ধুমালজীনা মুখ্য মন্ত্রী ওইরিঙৈ মতমদা মহাক্না অহিং চুপ্পা করম্না য়ুমশিংদা মৈ য়ৌহনসিগে হায়না খনখি। থৌরাংশিং তৌখি। ঐখোয়না সমস্যাশিং অসি কোকহন্নবা লাকখি। অদুবু দবল ইঞ্জিন সরকারনা য়ুমথোং য়ুমথোংদা মসি য়ৌহনখি।
মশাগী য়ুমশিংদা তোতি ঈশিং য়ৌহনবা পাম্বা মীওইশিংনা মসি অচৌবা ইনাক খুনবা মীওইশিংগী খক্তনি হায়না খল্লমখি, মখোয়দা রাজনিতীগী শখ্তি লৈ, শেল লৈ হায়না থাজনখি অদুনা মখোয়গী য়ুমদা তোতি য়ৌবা ঙমখি – অসুম্না তৌরমখি মতম অদুদা। অদুবু ঙসিদি চম্বা, লাহৌল স্পীতি অমসুং কিন্নৌরনা হর ঘর জল অভিয়ানগী মখাদা হিমাচলদা অহানবা ওইনা তোতি ঈশিংগী কবরেজ ১০০% য়ৌবা ঙমখিবা ওইখি।
জিলাশিং অসিগীদমক মমাংগী সরকারশিংনা মনুং হঞ্জিনবা অমসুং চিংগী লমদমশিং ওইবনা চাউখৎ-থৌরাং পাইখৎপা য়াদে হায়না হায়রমখি। ঈশিং ফংহনবনা ইচে-ইচলশিংদা খুদোংচাবা পীবা খক্তা নত্তনা নৌনা পোকলকপা অঙাংশিংগী পুন্সি অসি অফবা থক্নবা ঈশিংনা কনবা ঙম্মি। মতৌ অসুম্না মীরোনবী নত্ত্রগা অপীকপা অঙাংশিং ওইরবসু তীকা থাবগী মতাংদা খুদোংচাদবা কয়া মায়োক্নরমখি। ঙসি খুঙ্গংগী হেল্থ সেন্তর খুদিংমক্তা মখল খুদিংমক্কী ভেক্সিনশিং ফংলে। আশা অমসুং অঙ্গনৱাদীগী ইচিল-ইনাওশিংনা য়ুমথোং য়ুমথোংদা চৎতুনা কান্নবা ফংহল্লি। মাতৃবন্দনা য়োজনাগী মখাদা মীরোনবীশিংদা লুপা লিশিং কয়া ফংহল্লি।
ঙসি আয়ুশ্মান ভারত স্কিমগী মখাদা লুপা লাখ ৫গী লেম্না লায়েং ফংহল্লি। স্কিম অসিগী খ্বাইদগী য়াম্বা বেনিফিসরিশিং অসি হোস্পিতালদা চৎপা ঙম্লরোইদবা মীওইশিংনা ওইরি। অমসুং অনাবা ফনা কল্লবসু মখোয়গী অনাবা খাংজিল্লিবা ইমা অমসুং ইচে-ইচলশিংনি মখোয়গী ইমুংদা মখোয় নারে হায়বা খঙহনদে। মখোয়না য়ুম অদুগী মীপুম খুদিংমক্কী শেবা অদুমক তৌই। করিগুম্বা মখোয়গী অঙাংশিং, ইমুং মনুংনা খঙলকপা তারবদি হোস্পিতালদা পুগে হায়রক্কনি হায়বগী পোৎলুম পুখি। হোস্পিতাল হায়বা অসি শেল চংই, চাদিং ৱাংই মখোয়গী অঙাংশিংনা শেল তোল্লক্কনি অদুনা অঙাংশিংদা অৱাবা পীদনবা অনাবা খাংজিল্লগে হায়না খনখি। ইমা অমদি ইচে-ইচলশিং নখোয়গী নচানুপানা নখোয়গী অৱাবা খঙদনা কনানা খঙগনি? অমসুং মসিনা মরম ওইদুনা আয়ুশ্মান ভারত স্কিমগী মখাদা ইমুংশিংনা লুপা লাখ মঙা ফাওবগী লেম্না লায়েং ফংখি, মসিগীদমক শিল লাংখি।
মরুপশিং,
লম্বী নীংথিনা লৈতবনা মরম ওইদুনা মফম অসিদা মহৈ তম্বা হায়বা অসি অৱাবগী মশক ওইখি। ইচানুপী কয়া য়াম্না লাপ্না খোঙনা চৎপা তাবনা মরম ওইদুনা স্কুলশিংদগী তান্থোরকখি। মরম অসিনা ঙসি ঐখোয়না অফবা দিস্পেন্সরীশিং খুঙ্গংশিংগা নক্ননা শারি, ৱেলনেস সেন্তর শারি অদুগা নাকল অমদনা জিলা অসিদা মেদিকেল কোলেজশিং হাংলি।
ঐখোয়না তীকা থাবগী খোঙজং চংশিনবা মতমদা ঐহাক্না হিমাচলগী তুরিজমদা মখল অমত্তগী অপনবা পীদনবা ঐহাক্কী থমোয়দা খনখি অদুনা অহানবদা হিমাচলগী তীকা থাবগী থবক অসি খোঙজেল য়াংনা হেনগৎহনখি। অমসুং হিমাচলনা মপুং ফানা তীকা থাদোকপা ঙম্বা অহানবা রাজ্য ওইখি। অমসুং মসিগীদমক জয়রামজী অমসুং মহাক্কী সরকারবু অয়ুক নুমিদাং খাইদনা নখোয়গী পুন্সি কন্নবা হোৎনখিবগীদমক ঐহাক্না থাগৎপা ফোঙদোকচরি।
ঙসি দবল ইঞ্জিন সরকারগী খোঙথাংনা খুঙ্গং খুদিংমক্তা কোইলাস থাবা লম্বী খোঙজেল য়াংনা য়ৌহন্নবা হোৎনখি। য়েংবীয়ু, ২০১৪গী মমাংদা চহি ৮দা হিমাচলদা খুঙ্গংগী লম্বী কিমি লিশিং ৭ শেমখি। কিমি লিশিং তরেৎ শেম্বদা লুপা করোর লিশিং ১৮ চাদিং তৌখি। হৌজিক ঐখোয়না নীংতম্বা ফংলবা মতুংদা হৌখিবা চহি ৮ অসিদা কিমি লিশিং ১২ শাংবা খুঙ্গংগী লম্বী শেমখি মসিদা লুপা করোর লিশিং ৫ চংখি, ঐহাক্না নখোয়গী পুন্সিদা অহোংবা পুরক্নবা কন্না হোৎনখি মরম অসিনা মমাংদগী শরুক অনি হেন্না লম্বী শেমখি।
অহানবা ওইনা হিমাচলগী খুঙ্গং কয়াদা লম্বী শেমদুনা ফাওনহনখি। ঙসি হৌদোক্লিবা স্কিম অসিনা খুঙ্গংশিংদা কিমি ৩,০০০গী অনৌবা লম্বীশিং শেম্লগনি। চম্বাগী অমসুং অতোপ্পা ত্রাইবেলগী মফমশিংগী খুঙ্গংশিংনা মসিদগী চাউনা কান্নবা ফংগনি। চম্বাগী মফম কয়ানা অতল তন্নেলদগী কান্নবা কয়া ফংখি। মসিনা মরম ওইদুনা মফমশিং অসি চহি চুপ্পা লৈবাক্কী অতোপ্পা মফমশিংগী ফাওনহল্লগনি। মতৌ অসুম্না বজেৎতা লাউথোকখিবা কেন্দ্র সরকারগী স্পেসিএল মাউন্তেন রেঞ্জ স্কিম অদোম্না উবা ফংলমগনি। মসিগী মখাদা রোপৱে নেৎৱার্ক অমা চম্বা য়াওনা কাঙ্গরা, বিলাসপুর, সিরনৌর, কূল্লু জিলাশিং অসিদা শারি। মসিনা লমদম অসিগী মীয়াম অমসুং লমকোইবশিংদা চাউনা কান্নবা ফংহল্লগনি।
ইচিল-ইনাওশিং,
হৌখিবা চহি নিপান্দা নখোয়না ঐঙোন্দা নখোয়গী পাউখোলোই ওইনা থৌজালখিবা অদুনা ঐহাক্না হিমাচলদা প্রোজেক্ত কয়া খুদোল তমজবগী খুদোংচাবা ফংজরি অমসুং মসিদা ঐহাক্না অপেনবা পোকই। হৌজিক জয়রামজীনা দিল্লীদা লাকপদা, মমাংদা মীয়াম্না করিগীদমক চৎলমখি, মখোয়না করিগুম্বা অমা হায়জনবা অমসুং করিগুম্বা অমা তৌহন্নবা এপ্লিকেসন পুদুনা চৎখি, দিল্লীদগী ফীভম অসি অসুম তৌরমখি। ঙসি করিগুম্বা হিমাচলগী মুখ্য মন্ত্রীনা ঐহাক্কী ইনাক্তা লাকপা মতমদা মহাক্না চম্বাদগী রুমাল, চম্বাদগী খুদোল ওইনা পুদুনা লাকই। অমসুং মসিগা লোয়ননা মোদীজী ঙসি ঐহাক্না নুংঙাইবা পাউ পুজরকই মদুদগী প্রোজেক্ত অদু লোইশিনখ্রে, ঐখোয়না অনৌবা প্রোজেক্ত অমা হৌরে হায়না পাউদমখি।
হৌজিক হিমাচলগী মীয়াম্না মখোয়গী হকশিংগীদমক হায়জবগী মথৌ তাদ্রে, হৌজিক দিল্লীদা মখোয়গী হকশিং ফোঙদোক্লি অমসুং ঐখোয়দা ওর্দরশিং পীরি। অমসুং মখোয় অসি মীয়ামগী পাউখোলোইনি। নখোয়গী ওর্দর ফংজবা অসি ঐহাক্কী লাইবক ফবনি। মীয়ামগী শেবা তৌবগী নুংঙাইবা অসি তোঙাল্লি, মসিদগী ফংবা মপাঙ্গল অসি অখন্নৈ।
মরুপশিং,
ঙসি অমুক্তংদা হিমালচনা ফংলিবা চাউখৎ-থৌরাংগী থবকশিংগী খুদোল অসি মমাংগী সরকারগী মতমদা কনাগুম্বা অমত্তনা আশা তৌখিদে। হৌখিবা চহি ৮দা চীংগী মফমশিং, মনুং হঞ্জিনবা মফমশিংদা, লৈবাক অসিগী ত্রাইবেলগী মফমশিংদা খোঙজেল য়াংনা চাউখৎ থৌরাং পাইখৎলি। হিমাচলগী চম্বানা মসিগী কান্নবা ফংলি, পাঙ্গী-ভরমৌরনা কান্নবা ফংলো, ছোতা-বরা ভঙ্গাল, গিরিপার, কিন্নৌর অমসুং লাহৌল-স্পীতিনা মসিগী কান্নবা ফংলি।
মমাং চহিদা চম্বা অসি চাউখৎ-থৌরাংদা ফগৎলকপনা মরম ওইরগা লৈবাক অসিগী এস্পিরেস্নেল দিস্ত্রিক্ত ১০০ হেনবগী মনুংদা অনিশুবা তাখি। ঐহাক্না চম্বাবু, চম্বাদা লৈরিবা সরকারগী কর্মচারীশিংবু অখন্ননা থাগৎপা ফোঙদোকচরি। মখোয়না শীংথানীংঙাই ওইবা থবক অমা লৈবাক মীয়ামগী মমাংদা তৌখি। মতম খরগী মমাংদা ঐখোয়গী সরকারনা অতোপ্পা মরু ওইবা ৱারেপ অমগা লৌখি। সিরমৌরগী গিরিপারদা লৈরিবা হাতি ফুরুপতা ত্রাইবেল স্তেতস পীনবা লৌখিবা ৱারেপ অসিনা ঐখোয়গী সরকারনা ত্রাইবেল মীয়ামগী চাউখৎনবা অদুমক্কী মতিক মীৎয়েং চংই তাকখি।
মরুপশিং,
মতম শাংনা দিল্লী অমসুং হিমাচলদা সরকার পাইরম্বশিংনা মনুং হঞ্জিনবা মফমশিং অসি মীখলগী মতমদা খক্তা নীংশিংখি। অদুবু দবল ইঞ্জিন সরকারনা অয়ুক নুমিদাং, পুং ২৪, নুমিৎ তরেৎ চুপ্না নখোয়গী শেবা তৌখি। কোরোনাগী অৱাবা তাবা মতমদা নখোয়না অৱাবা মায়োক্নদনবা ঐখোয়গী অঙম্বা থাক্তা হোৎনখি।
ঙসো খুঙ্গংগী ইমুংশিং, লায়রবা ইমুংশিংদা লেম্না রাসন ফংহল্লি। মমাংগী চহি অমা মখায়দগী সরকার অসিনা লৈবাক্কী মীওই করোর ৮০ হেনবদা হৱাই-চেংৱাই লেম্না পীবগী থৌওংদা মালেম্না ভারত্তা ঙক্না য়েংনরি। ভারত সরকারনা কনাগুম্বা অমগী চাকশঙগী মৈ মুৎতনবা হোৎনখিবা, লায়রবা ইমুংনা চরা হেনদনবা লেম্না চেং-হৱাই ফংহনখি।
ইচিল-ইনাওশিং,
মতম চানা মীপুম খুদিংমক তীকা থাদোক্নবা খোঙজেল য়াংনা শিল-লাংখি। হিমাচলদসু মরু ওইবা মীৎয়েং চংখি। অমসুং মসিগীদমক ঐহাক্না অঙ্গনৱাদী ৱার্কর, আশাশিং, হকশেল বিভাগকী কর্মচারীশিংবু থাগৎপা ফোঙদোকচরি। জয়রামজীগী লুচিং মখাদা হিমাচলনা কোবিদকী তীকা থাদোকপদা লৈবাক অসিগী অহানবা ওইখি।
মরুপশিং,
শেবা তৌনীংবগী ইথিলনা মপাঙ্গল কনবা মতমদা চাউখৎ-থৌরাংগী মসিগুম্বা খোঙথাংনা ওইথোকই। চীংগী অমসুং ত্রাইবেল মফমশিংদা থবক ফংদবা অসি অচৌবা সমস্যা অমনি। মরম অসিনা ঐখোয়না মফম অসিদা মীয়ামবু শক্তি লৈহল্লি। ত্রাইবেল লমদমশিংগী ঈশিং অমসুং উমংগী লন অসি মমল নাইদে। চম্বা অসি হাইদ্রো-ইলেক্ত্রিসিতী শাবা হৌখিবা মফমশিংগী মনুংদা অমা ওইরি।
ঙসি উরেপ উয়ুং তম্লিবা প্রোজেক্ত অসিনা মৈ পুথোকপগী মতাংদা লৈরিবা চম্বা অমসুং হিমাচল প্রদেশকী শরুক হেনগৎহনগনি। মফমসিদগী পুথোকপা মৈদগী চম্বা অমসুং হিমাচল প্রদেশনা লুপা করোর চাম্মা কয়া তানগনি অমসুং লমদমসিগী নহাশিংনা থবক্কী খুদোংচাবা কয়াসু ফংগনি। মমাংগী চহিদা, মসিগুম্বা হাইদ্রো-ইলেক্ত্রিক প্রোজেক্ত ৪ শঙ্গাবা অমসুং উরেপ উয়ুং তম্বগী খুদোংচাবা ঐহাক্না ফংজখি। নুমিৎ খরনিগী মমাংদা বিলাসপুরদা হাংদোকখিবা হাইদ্রো ইঞ্জিনিয়রিং কোলেজনা হিমাচলগী নহাশিংদা কান্নবা য়াম্না পীগনি।
মরুপশিং,
হোর্তিকলচর, এনিমেল হসবেন্দরী অমসুং ক্রাফ অমদি আর্তকী হীরমদা হিমাচল প্রদেশকী মপাঙ্গল লৈ। লোকেল সেল্ফ হেল্প গ্রুপশিংবু চম্বাগী চুখ, রাজমা মাদ্রা, চম্বা চপ্পাল, চম্বা থাল অমসুং পঙ্গি কি থাঙ্গীগুম্বা লোকেলগী লৈ কয়াবু মমিং চৎহন্নবা হোৎনরি। পোত্থোকশিং অসিবু মহাক্না লৈবাক্কী হেরিতেজনি। সেল্ফ হেল্প গ্রুপশিংগা মরী লৈনরিবা নুপীশিংবু লোকেল পোত্থোক মমিং চৎহন্নবা সরকারনা পায়খৎপা খোঙথাং কয়াদা তেংবাংবগীদমক্তা থাগৎচরি হায়বদি ভোকেল ফোর লোকেলগী খুত্থাংদা। পোত্থোকশিং অসি ৱান দিস্ত্রিক্ত ৱান প্রদক্ত স্কিমগী মখাদা চাউখৎহল্লি অমসুং পোত্থোকশিং অসিবু মীরমগী দিগ্নিতরীশিংদা খুদোলপোৎ ওইনা পীনবা হোৎনরি। মসিনা মরম ওইরগা, হিমাচল প্রদেশকী মমিংনা মালেম শিনবা থুংবদা য়ৌবা ঙমগনি অমসুং মীওই মশিং য়াম্বনা হিমাচলদা শাবা পোত্থোকশিংগী মতাংদা হেন্না খঙবা ঙমগনি। ঐহাক্না কনাগুম্বা অমদা মেমেন্তো পীবা পাম্লবদি ঐহাক্না হিমাচলগী খুঙ্গংদগী শাবা পোৎ ওইনা পী।
ইচিল-ইনাওশিং,
দবল ইঞ্জিন সরকার অসিদি মশাগী কলচর, হেরিতেজ অমসুং লাইনীংবু ইকায় খুম্নবা সরকারনি। চম্বা য়াওনা হিমাচল প্রদেশ অপুনবা অসি লাইনীং অমসুং হেরিতেজকী লমদম্নি। নাকল অমরোমদা শেংলবা মনিমহেশ ধাম লৈরি, ভরমৌরদা চৌরাসি মন্দির লৈ। মনিমহেশ য়াত্রা নত্ত্রগা শ্রিখন্দ মহাদেকী য়া্ত্রা ওইরবসু শিমলা, কিন্নৌর, কূল্লু ফাওদুনা চৎলি। মসি মালেম পুম্বদা লৈরিবা ভোলেনাথকী ভক্তাশিংগী য়াম্না মরু ওই। হৌজিক্তা জয়রামজীনা হায়খি, দশেরাগী নুমিৎতা কুল্লুদা পাংথোকপা দশেরা কুহ্মৈদা য়াওবা ফংজখি। ঐহাক্না মিঞ্জর মেলা পাঙথোক্লিবা লমদমদা লাকপগী খুদোংচাবা ঙসি ফংজরে।
হিমাচল প্রদেশতা নাকল অমদা হেরিতেজ লৈ অদুগা নাকল অমদনা দালহাউজী অমসুং খজিয়ারগুম্বা লমকোইবশিংগী মফমশিং লৈ। মখোয়না চাউখৎপা হিমাচলগী মপাঙ্গল ওইরগনি। মসি দবল ইঞ্জিন সরকারখক্তনা পাঙ্গল অসি মশক খঙই। হিমাচল প্রদেশনা ৱারেপ লৌরে অমসুং অরিবা চৎনবী হোংদোক্তুনা অনৌবা চৎনবী অমা হৌদোক্লগনি।
মরুপশিং,
ঐহাক্না মফম অসিদা য়ৌবা মতমদা ঐহাক্না পুম্নমক য়েংখি। ঐহাক্না হিমাচলগী মরমদা মুন্না খঙই, ঐহাক্না লম্বী অমসুং লৈকাই খুদিংমক খঙই। করিগুম্বা নখোয়না হিমাচলদা অচৌবা রেল্লী অমা পাঙথোকপা তারবদি নখোয়গী মীৎ অদু পীনা থনগনি। ঐহাক্না মুখ্য মন্ত্রীদা হংখি রাজ্য পুম্বগী রেলী শিনবরা হায়না। মহাক্না চম্বা জিলাদগী মীয়াম পুম্বা থোরকপনি রেল্লী নত্তে হায়না পাউখুম পীরকখি।
মরুপশিং,
মসি রেল্লী নত্তে, ঐহাক্না উরিবা অসি হিমাচলগী অফবা তুংলমচৎ অদুনি। মফম, অসিদা ঐহাক্না রেল্লীগীদমক লাকপা নত্তে ঐহাক্না হিমাচলগী তুংগী মতিক-ময়াই অদু উবা ফংলি অমসুং নখোয়গী শক্তিশিং অসিগী পুজারি ঐহাক্নি। নখোয়গী ফিরেপশিংগীদমক ঐহাক্না চীংজাওগুম্বা লেপ্পি। মরুপশিং ঐহাক্না নখোয়গীদমক লাকপনি। নখোয়দা থাজবা পীবা লাকপনি নখোয়গীদমক ঐহাক্না লেপকনি। হেন্না চাউবা কয়া তৌনবগী নুমিৎশিং লাকখিগনি। অসিগুম্বা কুহ্মৈগী মতমশিংদা ইমা অমদি ইচে-ইচলশিং থাদোক্তুনা চৎকদৌরিবা অসি নুংঙাইতে। ইমা অমদি ইচে-ইচলশিংনা ঐহাকপু থৌজাল পীনবা লাকপীরি, মসিদগী হেন্না নুংঙাইবা পুন্সিদা করি লৈরিগদগে?
ঐহাক্না চাউখৎ-থৌরাংগী প্রোজেক্তশিং অসিগীদমক অমসুং হৌজিক দিল্লীদা লমথাখিবা ভন্দে ভারত ত্রেনগীদমক মীপুম খুদিংমক্তা নুংঙাইবা ফোঙদোকচরি, ময়ামদা থাগৎপা ফোঙদোকচরি অমদি য়াইফ মঙ্গোল পীজরি।
খুৎ অনিমক থাংগৎতুনা ঐহাক্কা লোয়ননা হায়বীয়ু -
ভারত ইমানা য়াইফরে!
ভারত ইমানা য়াইফরে!
ভারত ইমানা য়াইফরে!
হন্না-হন্না থাগৎচরি!
