“মসি ভারতকী মতমনি”
“২১শুবা চহিচাগী দিকেদতা ভারতকী মাংদা লৈরিবা মতম অসি মমাংদা অমুক্তা ওইখিদ্রি”“২০২৩গী অহানবা নুমিৎ ৭৫গী মাইপাকপশিং অসি ভারতকী মতম ওইরে হায়বগী মমি অমনি”“ভারতকী নাৎ অমসুং সোফ পাৱরগীদমক মালেমনা অমুক্তা ওইখিদ্রিবা মওংদা মীৎয়েং চংনরক্লি ”“করিগুম্বা লৈবাক অসিনা মাংদা চংশিনগে হায়রবদি মতম চুপ্পদা দাইনামিজম অমসুং অচৌবা ৱারেপশিং লৌবগী শক্তি লৈবা তাই”“ঙসি, ইরৈবাকচাশিংনা সরকারনা মখোয়গীদমক খল্লি হায়বগী থাজবা পোক্লে”“ঐখোয়না গভর্নান্সতা হ্যুমেন তচ অমা হাপখি”“ঙসি ভারতনা মাইপাক্লিবা খুদিংমক্কী মরম অসি ঐখোয়গী দেমোক্রেসী, ঐখোয়গী ইন্সতিত্যুসনশিংগী শক্তিননি”“ঐখোয়না ‘সবকা প্রয়াস’কা লোয়ননা ইন্দিয়া মোমেন্তবু শক্তি পীরগনি অমসুং আজাদী কা অমৃত মহোৎসবতা চাউখৎপা ভারতকী খোঙচৎতা শক্তি পীরগনি”ইন্দিয়া তুদে কনক্লেবকা মরী লৈনবা দিগনিতরী পুম্নমকপু খুরুমজরি। দিজিতেল মেদিয়মগী খুত্থাংদা ঐখোয়গা লোয়ননা কন্নেক্ত তৌরিবা ভারত অমসুং মপানগী ভ্যুৱর অমসুং রীদর পুম্নমকপু থাগৎচরি। কনক্লেব অসিগী থিম – দি ইন্দিয়া মোমেন্ত হায়বা অসিনা ওইরিবা অসি উবা ফংজবদা ঐহাক্না নুংঙাইবা পোকই। ঙসি মালেমগী খ্বাইদগী ফবা ইকনোমিস্তশিং, এনলাইস্তশিং অমসুং থিঙ্করশিংনা হায়রি মসি ভারতকী মতমনি হায়রি। অদুবু ইন্দিয়া তুদে গ্রুপনা মসিগী ওপতিমিজন অসি উৎপা মতমদা হেন্না অখন্নবা ওইহল্লি। থা ২০গী মমাংদা লাল কিলাদগী ঐহাক্না ৱা ঙাংখিবদা হায়খি “মসি পুংফম অদুনি অমসুং মসি চপ চারবা পুংফমনি। অদুবু মফম অসি য়ৌরকপদা থা ২০ চংখি। মসিদসু ৱাখল্লোনদি চপ মান্নৈ – মসি ভারতকী মতমনি।
মরুপশিং,
লৈবাক অমা হেক্তগী চাউখৎ-খোঙচৎকী লম্বীদা থেংনরিবা তোঙান-তোঙানবা শীংনবশিং অমসুং তাঙ্ককশিং থেংনৈ। ঙসি ভারতকী মাংদা ২১শুবা চহিচাগী দিকেদকী মতম অসিদা লৈরিবা তানফম অসি মমাংদা অমুক্তা ওইখিদ্রি। দিকেদ খরগী মমাংদা চাউখৎখ্রবা লৈবাক কয়াগী মাংদা লৈরমখিবা ফীভমশিং অদুদি য়াম্না খেন্নখি। অমরোমদা মখোয়না মশাগা অথোই-অহেন তানরি, মখোয়দা গ্লোবেল কম্পিতিসনগী অৱাৎপা লৈ। অদুবু ভারতনা মাংদা চংশিল্লিবা ফীভম অসি, শীংনবশিং অসি য়াম্না খেন্নৈ, য়াম্না পাক চাউই, মখল কয়ানা থল্লি। ঙসি মালেমগী শীংনবা কয়া লৈ, চহি ১০০দা থোকপা অচৌবা লাইচৎ, মালেমগী ক্রাইসিস, থা কয়া চুপ্না চত্থরক্লিবা লৈবাক অনিগী লান, মালেম পুম্বগী সপ্লাই চেনদা অকাইবা থোক্লিবা অসি য়েংলগা ফীভম অসি ভারতকী মতমনি হায়না ৱারী শাবা অসি অচম্বা নত্তে।
মসি অনৌবা পুৱারী অমনি অমদি ঐখোয় পুম্নমক্না উবা ফংলি। ঙসি মালেম পুম্বনা ভারত্তা থাজবা থম্মি। ঙসি ভারতনা মালেমগী খ্বাইদগী খোঙজেল য়াংবা ইকনোমী ওইরি। ঙসি ভারতনা মালেমগী মকোক থোংবা স্মার্তফোন দেতা কঞ্জুমর ওইরি। ঙসি ভারতনা গ্লোবেল ফিনতেক এদোপ্সন রেৎতা মকোক্তা লৈ। ঙসি ভারতনা মালেমগী অনিশুবা খ্বাইদগী চাউবা মোবাইল মেন্যুফেকচর্র ওইরি। ঙসি ভারতনা মালেমগী অহুমশুবা খ্বাইদগী চাউবা স্তার্ত-অপ ইকোসিস্তেম ওইরি।
অসিগুম্বা ৱাফম কয়া খন্নখ্রে। অদুবু অরিবা ৱাফমশিংগী মতাংদা খন্নসি, কনাগুম্বা অমনা মথৌ তারবদি মহাক্না মদু পুথোক্কনি। অদুবু ঐহাক্না হৌজিক ওইরিবা অসিগী মতাংদা ২০২৩দা ৱারী শাবা পাম্মি। ২০২৩গী নুমিৎ ৭৫ হৌখ্রে। ঙসি ঐহাক্না নুমিৎ ৭৫নিগী মতাংদা হায়জনীংই। নুমিৎ ৭৫নি অসিদা ভারতকী পুৱারী ওইরবা গ্রীন বজেৎ লোঞ্চ তৌখি, কর্নাতকাগী শিবমোগাদা অনৌবা এয়রপোর্ত শঙ্গাখি, মুম্বাই মেত্রোগী মথংগী ফেস শঙ্গাখি, মালেমগী খ্বাইদগী শাংবা রিভর ক্রুজকী খোঙচৎ লোইশিনখি, বেঙ্গলোর-মৈসুরু এক্সপ্রেসৱে শঙ্গাখি, দিল্লী-মুম্বাই এক্সপ্রেসৱেগী সেক্সন অমা শঙ্গাখি, মুম্বাইদগী বিশাখপত্নম ফাওবগী ভন্দে ভারত ত্রেনশিং লমথাখি, আই.আই.তি. ধারৱার কেম্পস শঙ্গাখি অমসুং লৈবাক অসিনা অন্দমান অমসুং নিকোবর ইথৎ ২১বু পরমবির চক্র এৱার্দী ২১গী মমিং লৌদুনা থোনখি।
মরুপশিং,
নুমিৎ ৭৫গী মনুংদা ভারতনা ভারতনা ই-২০ ফ্যুল লোঞ্চ তৌখি। নুমিৎ ৭৫গী মনুংদা তুমকুরুদা এসিয়াগী খ্বাইদগী এদভান্স ওইবা হেলিকোপ্তর মেন্যুফেকচরিং ফেসিলিতী শঙ্গাখি। এয়র ইন্দিয়ানা খ্বাইদগী য়াম্বা এভিএসন ওর্দর তৌবা ঙমখি। হৌখিবা নুমিৎ ৭৫ অসিদা ভারত্তা ই-সঞ্জীবনি এপকী খুত্থাংদা তেলিকনসল্তেসন করোর ১০গী পন্দুপ য়ৌবা ঙমখি, অনৌবা তোতি ঈশিংগী কন্নেক্সন করোর ৮ পীখি, য়ু.পি.-উত্তরাখন্দদা রেল নেৎৱার্কশিং চাদা ১০০ ইলেক্ত্রিফিকেসন তৌবা ঙমখি।
মরুপশিং,
নুমিৎ ৭৫নিগী মনুংংদা কুনো নেস্নেল পার্কতা চীতা ১২গী অনৌবা বেৎচ অমা থুংখি, ভারতকী নুপীগী অন্দর-১৯ তীমনা য়ু১৯ ত২০ ৱর্ল্দ কপ থোইখি, অমসুং ওস্কার অনি ফংবা লৈবাক অসিনা চাউথোকচবা পোকখি।
মরুপশিং,
নুমিৎ ৭৫নি অসিদা জি২০ মীফমদা শরুক য়ানবা ভারত্তা মীরমগী দিপ্লোমেৎশিং অমসুং তোঙান-তোঙানবা ওর্গনাইজেসনশিংগী মীহুৎশিংনা শরুক য়াখি। নুমিৎ ৭৫নি অসিদা জি২০গী মরু ওইবা মীফম ২৮ পাঙথোকখি হায়বদি নুমিৎ হুমনি খুদিংগী মীফম অমা পাঙথোকই। চৈরক অসিদা ইনর্জী সম্মিৎ পাঙথোক্লি, ঙসিমকসু গ্লোবেল মিল্লেৎস কনফরেন্স পাঙথোক্লি। বেঙ্গলুরুগী এরো ইন্দিয়া সম্মিৎতা লৈবাক চা কয়ানা শরুক য়াখি। নুমিৎ ৭৫নি অসিদা তর্কীগী মতেং পাংনবা ভারতনা ‘ওপরেসন দোস্ত’ হৌদোকখি। পুং খরগী মমাংদা ইন্দো-বাংলাদেশ গ্যাস পাইপলাইন শঙ্গাখি। নুমিৎ ৭৫নিগী লিস্ত অসি য়াম্না শাংই, ৱারী লীবদা মতম কোন্নরোই। মসি ভারতকী মতম ওইবগী মমি ওইবনা ঐহাক্না নুমিৎ ৭৫নিগূ মরমদা খরা হায়জবনি।
মরুপশিং,
ঙসি নাকল অমরোমদা ভারতনা লম্বী, রেলৱে হীথাংফম অমসুং এয়রপোর্তশিংগুম্বা ফিজিকেল ইনফ্রাস্ত্রকচর শেমগৎলি অমরোমদা মালেমনা ভারতকী নাৎ অমসুং সোফ পাৱরদা অমুক্তা ওইখিদ্রিবা মওংদা মীৎয়েং চংলক্লি। ঙসি য়োগ অসি মালেম শিনবা থুংবদা মশক খঙনরক্লি। ঙসি আয়ুর্বেদতা মীৎয়েং চংনরক্লি অমসুং ভারতকী অচা-অথক্তা মীৎয়েং চংনরক্লি। ভারতকী ফিল্ম অমদি ঈশৈ নোংমাইনা অনৌবা ইনর্জীগা লোয়ননা মীয়ামগী পুক্নিং চীংশিল্লি। ভারতকী মিল্লেৎস – শ্রী অন্ন অসি মালেম শিনবা থুংবদা য়ৌরি। ইন্তর্নেস্নেল সোলর এলাইন্স নত্ত্রগা কোলিজন ফোর দিজাস্তর রেজিলিএন্ত ইনফ্রাস্ত্রকচর ওইরবসু ‘মালেমগী য়াইফনবা’ মাইকৈদা ভারতকী ৱাখল্লোন অমসুং মতিক ময়াই অসি মালেম্না শক খঙনরি। মরম অসিনা ঙসি মালেমনা হায়রি – মসি ভারতকী মতমনি।
নখোয় পুম্নমক্না হন্দক ৱাফম অমা খঙখি। পুম্নমক অসিগী মলতিপ্লায়র ইফেক্ত লৈ। ঐহাক্না অপীকপা ৱাফম অমদা নখোয়গী পুক্নিং চীংশিল্লি। হৌজিক মতম অসিদা লৈবাক অয়াম্বদা ঐহাক্না চৎপা মতমদা নত্ত্রগা মখোয়না ভারত্তা লাকপা মতমদা নত্ত্রগা কনাগুম্বনা ভারত্তা লাকপা মতমদা লৈবাক খুদিংমকনা মখোয় মশানা ভারতকী অরিবা মুর্তীশিং পীথোরক্লি। হৌজিক মখোয়না ইকাই খুম্নফম থোকই খঙলে।
মসি ইরাই লাইনা পাকথোকপা ঙমখিবা নত্তে। ঙসিগী ইন্দিয়া মোমেন্তগী অখন্নবা ৱাফম অসি মসিদা ৱাশক পরফোর্মেন্স হাপচিনখি। মফম অসিদা অহল ওইরবা মীওই কয়া ফম্মি। ২০১৪গী মমাংদা নখোয়না হেদলাইনশিং ইখি, পাখি অমসুং রিপোর্ত তৌখি। অমসুং মতম অদুদা করিনা হেদলাইন ওইখি? অয়াম্বনা সেক্তর কয়ামরুমদা লৈরিবা লুপা করোর কয়াগী স্কেমশিং অমদি লম্বীদা মীয়াম্না মসিগী মায়োক্তা য়ানীংদবা ফোঙদোকপগী মতাংদা ওইখি অদুবু ঙসিগী হেদলাইনশিং অসিদি শেঞ্জা থুমজা তৌরুবগী কেসশিংনা মরম ওইদুনা মীওইশিং অদু লম্বীদা পুথোরকপগী মতাংদা ওইরি। মিদিয়ানা মমাংদা স্কেমশিং অসি কবর তৌদুনা তি.আর.পি. য়াম্না তানখি অমসুং হৌজিকনা শেঞ্জা-থুমজা তৌবা মীওইশিংগী মায়োক্তা এক্সন লৌখৎপগী পাউশিং কবর তৌনবা খুদোংচাবা ফংলি অমসুং মসিনা মখোয়গী তি.আর.পি. হেনগৎহনখি।
মরুপশিং,
মমাংদা সহরশিংদা বোম পোখাইবগী অমসুং নেক্সলাইৎকী থৌদোকশিং থোকপগী হেদলাইনশিং য়াওরমখিবা অদু নীংশিংখি অদুবু ঙসিদি শান্তি অমদি চাউখৎপগী পাউশিংনা থল্লে। মমাংদা অকোইবগী ফীভমগী নমাদা অচৌবা ইনফ্রাস্ত্রকচর প্রোজেক্তশিং লেপখিবগী পাউশিং য়াওরমখিবা অদু নীংশিংখি অদুবু ঙসিদি অনৌবা হায়ৱে অমদি এক্সপ্রেসৱেশিং শাবগা লোয়ননা অকোইবগী ফীভমগা মরী লৈনবা অফবা পাউশিং ঙাক্তা ঙাইরে। লাইবক থীবা ত্রেন এক্সিদেন্তশিংগী পাউশিং অসি মমাংদা তোইনা থেংনরমখি অদু হৌজিক্তি মোদর্ন ত্রেনশিং পুথোকপগী হেদলাইনশিংনা মরম ওইদুনা হন্থরে। মহাক্না এয়র ইন্দিয়া স্কেমশিং অমসুং লায়রবশিংগী মতাংদা পল্লদুনা ঙসিদি মালেমগী খ্বাইদগী চাউবা এয়রক্রাফ দীলনা হেদলাইনশিং ওইরি। ইন্দিয়া মোমেন্তনা ৱাশক অমসুং পরফোর্মেন্সকী অওনবা অসি পুরকখিবনি।
মরুপশিং লৈবাক অসিনা মশাদা থাজবা পোকপা অমসুং অখাং কনবনা থনবা অমসুং মীরৈবাকশিংনা ভারতকী মরমদা থাজবা পোক্লিবা মতম অসিদা ভারতপু ইকাই পীনবগী মতাংদা ফত্তবা ৱারী কয়া শারি অমসুং ভারতকী মোরেল থীহন্নবা হোৎনরি। কনাগুম্বা অমগী য়াইফবা থবক তৌবা মতমদা অমুবা তিকা নম্বা অসি চৎনরি। অদুনা ঙসিগী য়াইফরবা থৌরম অসিদা মীওই কয়ানা অমুবা তিকা নম্বগী থৌদাং লৌরি।
মরুপশিং,
ভারতনা মীখা পোনবগী চহিচানা মরম ওইদুনা মতম শাংনা লায়রবগী চৈথেং নংখিবা উবা ফংখি। ভারতকী লাইরবশিংনা অথুবদা লায়রবা কোকহনবা পাম্মি। মহাক্না মহাক্কী হৌরক্লিবা মীতোলশিংগী পুন্সিগা লোয়ননা মহাক্কী পুন্সিদা অহোংবা পুরকপা পাম্মি। মহাক্না নোংমদা চরা অনি খক্তা চারগা লোইশিনবা পামদ্রি।
সরকারশিংগী খোঙথাংশিংগী ফলশিং অসি মখোয়গী মতিক-ময়াই অমসুং ৱাখল তাবা মতৌদা য়ুম্ফম ওই। হৌজিক পাল্লিবা সরকার অসিনা অনৌবা ফলশিং পাম্মি মরম অসিনা স্পীদ অমসুং স্কেল হেনগৎহনখি। হৌজিক রেকোর্দ ওইবা খোঙজেলদা তোইলেৎ করোর ১১ হেন্না শাখিবা, বেঙ্কিং সিস্তেমদা মীওই করোর ৪৮ হাপচিনখিবা, অমসুং পক্কা য়ুমশিংগীদমক শেল বেনিফিসরীগী বেঙ্ক একাউন্তদা হকথেংননা থাখি। য়ুম অমা শাবগী অপুনবা থৌওং অসি মখা তানা মোনিতর তৌখি অমসুং ওনর দ্রিবন স্কিম পাইখৎতুনা মাংদাচংশিলজলি। অমসুং মপুনা শাহৌ পীরিবা মতমদা স্কেম লৈরোই মরমদি মহাক্না অফবা য়ুম শান্নীংগনি।
হৌখিবা চহি ৯দা য়ুম করোর ৩ হেন্না শাখি অমদি লায়রবশিংদা খুৎশিন্নখি। হায়বদি মালেমদা লৈবাক কয়া লৈ, ঐখোয়না লৈবাক পুম্ববু অনৌবা অমা ওইহল্লি। অয়াম্বনা নুপীশিংগী মমিংদা লন-থুম অসি লৈতে। দুকান লৈরবসু নুপাগী মমিংদা লৈ। করিগুম্বা কার লৈরবসু নুপাগী মমিংদা লৈ। লম লৈরবসু নুপাগী মমিংদা লৈ। অদুবু লায়রবশিংদা সরকারনা পীখিবা য়ুমশিং অসিগী মনুংদা য়ুম করোর ২.৫দি অপুনবা মমিংদা লৈ, মদুদা নুপীশিংনা য়ুমশিং অসিগী মপু ওইবগী হকশিং ফংখি অমসুং ইন্দিয়া মোমেন্ত অসি লায়রবা নুপীশিংদা শক্তি পীরকা মতমদা খুমাং চাউশিনগনি।
ইন্দিয়া মোমেন্ত পুরকখিবা লৈবাক অসিদা অহোংবা কয়া লৈখি। অহোংবশিং অসিদগী খরদি মেদিয়াদা ফাওবা খন্নদে। মালেম পুম্বগী মাংদা খ্বাইদগী চাউবা শীংনবা অসি – প্রোপর্তী রাইৎশিংনি হায়বা নখোয় খঙলব্রা। ৱার্ল্দ বেঙ্ক রিপোর্ত অসি পল্লদুনা হায় মসিনা মালেমগী মীশিংগী চাদা ৩০না মখোয়গী লন-থুম অসি আইন্না য়াবা মওংদা রেজিস্তর তৌই। হায়বদি মালেমগী মীশিংগী ৭০%না মখোয়গী লন-থুমগী আইন্না য়াবা চেচাং পাইদে।
প্রোপর্তী রাইৎশিং ফংদবা অসি মালেমগী চাউখৎ খোঙচৎতা অচৌবা শীংনবা অমা ওইনা লৌই। চাউখৎলবা লৈবাক কয়ানা মসিগী শীংনবা অসি মায়োক্নরি। অদুবু ঙসি ভারতনা মসিদসু মাংজিল থারি। চহি অনি মখাইগী মমাংদা হৌদোকখিবা ভারতকী পি.এম.-স্বামিত্ব য়োজনানা দ্রোন তেক্নোলোজীগী মতেংগা লোয়ননা লেন্দ মেপ্পিংগী থবক তৌরি। হৌজিক ফাওবদা ভারকী খুঙ্গং লাখ অনিগা লিশিং কুনথ্রা মরিদা দ্রোন সর্ভে লোইশিনখি অমসুং প্রোপর্তী কার্দ করোর অমগা লাখ কুন-নিথোইদা খুৎশিন্নখি। অপুনবা প্রোসেস অসিগী অতোপ্পা কান্নবা অমসু লৈ। খুঙ্গংগী মীয়াম্না মখোয়না খুঙ্গংদগী চৎথোকপা তারবদি মখোয়গী য়ুম নত্ত্রগা লম অসি মাংখিগনি হায়বগী অকিবা পোকপসু হন্থখি।
অসিগুম্বা মখোল থোক্তবা রিভোল্যুসনশিং অসি ঙসি ভারত্তা লাক্লি অমসুং মসিনা ইন্দিয়া মোমেন্তগী য়ুম্ফম থোল্লি। অতোপ্পা খুদম অমনি লৌমীশিংদা পীখিবা মতেংনি। অহানবা মীখলশিংগী য়েংলগা লৌমীশিংগী লোন কোকপীনবা লাউথোকখি। অদুবু লৌমী করোর বেঙ্ক একাউন্ত অমত্তা পাইরমখিদে। মখোয়না অতোপ্পা সোর্সশিংদগী লোনশিং লৌরমখি। ঐখোয়না ফীভম অসিদা অহোংবা পুরকখি। হৌজিক ফাওবদা ভারতকী অপীকপা লৌমী করোর ১১দা কান্নবা ফংহন্দুনা পি.এম. কিসান সম্মান নিধিদগী লৌমীশিংগী বেঙ্ক একাইন্তশিংদা হকথেংননা লুপা করোর লাখ অনি মখাই ত্রান্সফর তৌখি।
মরুপশিং,
পোলিসীগী ৱারেপশিং লৌবদা পন্দুনা লৈবা অমসুং স্তেতস ক্বা অসি লৈবাক্কী চাউখৎ খোঙজেলদা অচৌবা অপনবা অমনি। ঐখোয়গী লৈবাক্তা চৎনদ্রবা ৱাখল্লোন অমসুং এপ্রোচ অমসুং ইমুং খরা খক্তগী অপনবশিংনা মরম ওইদুনা ভারত্তা মতম শাংনা খুমাং চাউশিনবা ঙমদনা লৈরমখি। করিগুম্বা লৈবাক অমনা মাংদা চংশিনগে হায়রবদি মসি মতম চুপ্পদা দাইনামিজম লৈবা অমসুং অচৌবা ৱারেপ লৌবগী শক্তি লৈবা তাই। করিগুম্বা লৈবাক অসিনা খুমাং চাউশিনগে হায়রবদি অনৌবা চাংয়েং তৌবগী মতিক ময়াই অমদি এক্সপরিমেন্তেল ওইবা ৱাখল্লোন চেনবা তাই, ইরৈবাকচাশিংগী মতিক ময়াইশিং অমসুং তেলেন্তশিংদা থাজবা থম্বা তাই অমসুং পুম্নমক অসিগী মথক্তা পান্দমশিং অসি ফংনবা মীয়ামগী থৌজাল অমদি শরুক য়াবা চংই।
সমস্যাশিংগী সোল্যুসনশিং অসি সরকার অমসুং শক্তিগী খুত্থাংদা খক্তা থীদোকপনা অকক্নবা ফলশিং ফংহল্লি অদুবু ইরৈবাকচা করোর ১৩০গী শক্তি অসি মোবিলাইজ তৌরবা মতমদা মীপুম খুদিংমক্না হোৎনরবদা লৈবাক্কী মাংদা সমস্যা অমত্তা লৈরোই। লৈবাক্কী মীয়ামনা মাগী সরকারদা থাজবা অসি মরু ওই অমসুং ঙসিদি প্রজাশিংনা সরকারনা মখোয়গীদমক খল্লি হায়না থজবা পোক্লিবা অসিদা ঐহাক্না অপেনবা পোকই
মসিগী মরম অমসু ঐহাক্না হায়জনীংই। অমসুং মদুদি গুদ গভর্নান্সতা হ্যুমেন তচ অমসুং সেন্সিতিবিতী লৈ। ঐখোয়না গভর্নান্সতা হ্যুমেন তচ অমা পীখি অমসুং মদুতদা অচৌবা ইম্পেক্ত উবা ফংগনি। দিকেদ কয়া ঐখোয়গী মঙখৈগী খুঙ্গংশিং অসি অরোইবা খুঙ্গংশিং ওইনা লৌরমখি। ঐখোয়না মখোয়দা অহানবা খুঙ্গংনি হায়বগী থাজবা পোকহল্লিবা অমসুং রিজন অসিগী চাউখৎ-থৌরাংদা মীৎয়েং চংলিবা বাইব্রেন্ত ভিলেজ স্কিম লৈরে। ঙসি সরকারগী ওফিসিএলশিং অমসুং মন্ত্রীশিংনা খুঙ্গংশিং অসিদা চৎলি, মফম অসিদা মীয়ামগা উন্নরি, মফম অসিদা মতম শাংনা লৈরি।
অৱাং নোংপোক্কী মীয়াম্না থমোয় অমদি দিল্লীগী মরক্তা লৈরিবা লাপ্নবা অসি য়াম্না শাংই হায়না লৌনরমখি। মসিদসু ঐখোয়না হ্যুমেন তচকা লোয়ননা লিঙ্ক তৌখি। কেন্দ্র সরকারগী মন্ত্রীশিং, অরুনজীনা হায়খিবা অদুগুম্না চাং নাইনা অৱাং নোংপোক্তা চৎলি। মখোয়না কোনুংদা চৎতনা মনুং হঞ্জিনবা মফমদা চৎলি। ঐহাক্না অৱাং নোংপোক্তা ৫০রক চৎখি।
মরুপশিং,
সেন্সিতিবিতী অসিনা অৱাং নোংপোক্কী অরাপ্পা হন্থহনবা খক্তা নত্তনা মফম অসিদা শান্তি পুরকপদা মতেং চাউনা পাংখি। য়ুক্রেন লান মনুংদা সরকারগী থবক তৌবগী মওং অদু নীংশিংবীয়ু। লৈবাক অসিগী ইমুং লিশিং কয়ানা ৱাখল ৱাখি। ঐখোয়না ইমুং লিশিং ১৪গা কন্নেক্ত তৌখি অমসুং য়ুম খুদিংমক্তা সরকারগী মীহুৎ অমা থাখি। ঐখোয়না মখোয়দা অৱাবা তানফমদা সরকারনা মখোয়গীদমক লেপ্পি হায়না থাজবা পোকহনখি। থবক অমা তৌবা মতমদা অপনবা কয়া লৈ হায়বা ঐখোয়না খঙই। অমসুং ঐখোয়না অহানবদা তৌবা অসি ইমুংশিং অদুগী মনাক্তা চৎপা অমসুং ফম্মিনবনি। মখোয়গা চাং নাইনা পাউ ফাওনবনি। মরম অসিনা লৈবাক্কী মীয়াম্না ৱাখল লৈতাখি, মখোয়গী অঙাং হয়েংদি য়ৌরক্লগনি ফাওখি।
ইন্দিয়া মোমেন্তনা অসিগুম্বা হ্যুমেন সেন্সিবিলিতীশিংনা থনবা গভর্নান্সতগী ইনর্জী ফংলি। করিগুম্বা গভর্নান্সতা হ্যুমেন তচ য়াওরমদবা তারবদি কোরোনাগী মায়োক্তা অসিগুম্বা অচৌবা লান শোক্নবদা লৈবাক অসিনা মাইপাকপা ঙম্লমলোই।
মরুপশিং,
ভারতনা ঙসি ফংলিবা খুদিংমক ঐখোয়গী দেমোক্রেসীগী শক্তি, ঐখোয়গী ইন্সতিত্যুসনশিংগী শক্তিননি। ঙসিদি ভারত্তা দেমোক্রেতিক ওইবা মওংদা খনখিবা সরকার অসিনা অচৌবা ৱারেপ কয়ামরুম লৌরে হায়বসি মালেম পুম্বনা উরে। অদুনা ভারতনা মালেমদা দেমোক্রেসী অসি ফংহনবা য়াই হায়বসি উৎলে। হৌখিবা চহিশিংদা ভারতনা অনৌবা ইন্সতিত্যুসন কয়ামরুম শেমখ্রে। ইন্তরনেস্নেল সোলর এলাইন্স অসি ভারতকী লুচিং মখাদা শেমখিবনি। কোলিতিওন ফোর দিজাস্তর রেসিলেন্ত ইনফ্রাস্ত্রকচর সি.দি.আর.আই. অসি ভারতকী লুচিং মখাদা শেমখিবনি। ঙসিদি তুংগী লম্বী য়াৎপদা নিতি আয়োগনা অচৌবা থৌদাং লৌরি। লৈবাক অসিদা কোরপোরেত গভর্নান্স মপাঙ্গল কনখৎহনবদা নেস্নেল কম্পনী লো ত্রিবুনেল (এন.সি.এল.তি.)না মরুওইবা থৌদাং লৌরি। জি.এস.তি.কাউন্সিলনা মরম ওইদুনা হৌজিক চৎনরিবা তেক্স সিস্তেম অসি শেমখিবনি।
ভারত্তা দেমোক্রেতিক ওইবা মওংদা মীয়াম্না নোংম-নোংমগী শরুক য়াওবা হেনগৎলক্লিবা অসি মালেম পুম্বনা য়েংলি। কোরোনা মনুংদা ফাওবা লৈবাক অসিদা মীখল কয়ামরুম মাইপাক্না পাংথোকখি, মসি ঐখোয়গী ইন্সতিত্যুসনশিংগী মাইপাকপা অমনি। মালেমগী লাইচৎ মনুং অসিদা ঙসিদি ভারতকী শেন্মীৎলন অসি মপাঙ্গল কল্লে, বেঙ্কিং সিস্তেম অসি মপাঙ্গল কল্লে। মসি ঐখোয়গী ইন্সতিত্যুসনশিংগী মপাঙ্গল অদুনি। ঐখোয়না কোরোনাগী ভেক্সিন অসি মফম খুদিংমক্তা পাকশন্না য়ৌহনখ্রে, ঐখোয়ন দোজ করোর ২২০ হেন্না কাপখ্রে, মসি ঐখোয়গী ইন্সতিত্যুসনশিংগী মপাঙ্গলনি। ঐহাক্না মসি ঐখোয়গী দেমোক্রেসীগী মাই পাকপা অমনি হায়না থাজৈ অমসুং মসিগী দেমোক্রেতিক ইন্সতিত্যুসনশিং অসিনা মরম ওইদুনা পুরক্লিবা মাই পাকপা অসিনা মীওই খরগী তিংখং ওইরে, মরম অদুনা ঐখোয়দা য়েংশিনবা হৌরে। অদুম ওইনমক মসিগী য়েংশিল্লিবা চৈরক অসিদা ভারতনা মাগী পান্দমশিং ফংনবা মাইকৈদা চংশিল্লি, অমসুং পান্দমশিং অসি ফংগনি।
মরুপশিং,
ভারতকী থৌদাং অসিনা মালেমগী থৌদাং ওইরকপা মতমদা ভারতকী মিদিয়া অসি মালেমগী থাক্তা থৌদাং লৌগদবনি। ঐখোয়না ভারতকী ‘সব কা সাথ” হায়রিবা খোংথাং অসি মপাঙ্গল কনখৎহনগদবনি। চাউখৎলবা ভারত অমগী খোংচৎ অসি মপাঙ্গল কনখৎহনবা অসি নিংতমবগী মহৈ অমনি। অমুক্কা হন্না ঐহাক্না অরুনজি, ইন্দিয়া তুদে গ্রুপপু ঐহাকপু মফম অসিদা লাকপগী খুদোংচাবা অমা ফংহনবগী থাগৎপা ফোঙদোকচরি অমসুং ২০২৪গী চেপাও অমা পীবিবগীদমক থাগৎপা ফোঙদোকচরি।
থাগৎচরি!
