Quoteভারত ৬জি. ভিজন দোক্যুমেন্ত পুথোকখ্রে অমসুং ৬জি. আর. অমসুং দি. তেস্ত বেদ হৌদোকখ্রে
Quote“কোল বিফোর য়ু দিগ” এপ হৌদোকখ্রে
Quoteমশাগী শেন্মিৎলোন চাউখৎহন্নবগীদমক্তা দিজিতেল ত্রান্সফোর্মেসন পাংথোক্নবা হোৎনবগী মতাংদা অতোপ্পা লৈবাকশিংনা ভারতপু রোল মোদেল ওইনা য়েংনরিঃ আই.তি.য়ু. সেক্রেতরী জেনেরেল
Quote“ভারতকী মরু ওইবা মপাঙ্গল অনি লৈ – থাজবা অমসুং পাক চাউনা থবক তৌবগী মতৌ। ঐখোয়না থাজবা অমসুং পাক চাউবগী মতৌ লৈতনা কাচিন কোয়া খুদিংদা তেক্নোলোজী য়ৌহনবা ঙম্লোই”
Quote“ভারতকী তেলিকোম তেক্নোলোজী অসিদি শক্তী লৈবগী মতৌ খক্তা নত্তনা, অতোপ্পবু মপাঙ্গল হাপ্পগী পাম্বৈ অমসু ওইরি”
Quote“ভারতনা দিজিতেল রিভোল্যুসনগী মথংগী খোঙথাংগী মাইকৈদা খোঙজেল য়াঙনা চঙশিল্লি”
Quote“ঙসি পুথোকখ্রিবা ভিজন দোক্যুমেন্ত অসিনা মথংগী চহি খরদা ৬জি. শিজিন্নবা হৌবগী মরু ওইবা ফম্বাক অমা ওইগনি”
Quote“ভারতনা ৫জি.গী শক্তীগা লোয়ননা মালেম পুম্বগী থবক তৌবগী চৎনবী হোংদোক্নবগীদমক্তা অতোপ্পা লৈবাক কয়াগা লোয়ননা হোৎনমিন্নরি”
Quote“আই.তি.য়ু.গী ৱর্ল্স তেলিকম্ম্যুনিকেসন স্তেন্দর্দাইজেসন এসেমব্লী অসি মথংগী চহিগী ওক্তোবরদা নই দিল্লীদা পাংথোক্কনি”
Quote“হন্দক্কী দিকেদ অসিদি

কেন্দ্রগী মন্ত্রী-মন্দলগী ঐহাক্কী মরুপ, দা. এস জয়শঙ্কর, শ্রী অশ্বিনি বৈশ্নো, শ্রী দেবুসিংহ চৌহান আই.তি.য়ু.গী সেক্রেতরী জেনরেল, অতোপ্পা দিগনিতরীশিং, নুপী অমদি নুপাশিং!

ঙসি অসি য়াম্না অখন্নবা, য়াম্না শেংলবা নুমিৎ অমনি। ঙসিদগী ‘হিন্দুগী কেলেন্দর’গী চহি হৌরি। ইরৈবাকচা পুম্নমক্তা ঐহাক্না য়াইফরবা বিক্রম সম্বৎ ২০৮০গী য়াইফ পাউজেল পীজরি। ঐখোয়গী অচৌবা লৈবাক অসিদা চহিচা কয়াগী তোঙান-তোঙানবা কেলেন্দরশিং চৎনদুনা লাকখি। কোল্লম মতমগী মলয়ালম কেলেন্দর লৈ চহি চা কয়া ভারত্তা তাংগী লৌশিং পীরিবা তমিল কেলেন্দর লৈ। বিক্রম সম্বৎ অসি চহি ২০৮০দগী চৎনরক্লি। গ্রেগোরিয়ন কেলেন্দরদা কুমজা অসি ২০২৩ ওইরি অদুবু মসিদগী বিক্রম সম্বৎনা চহি ৫৭ ঙনখৎলি। অনৌবা চহিগী অহৌবা নুমিৎ অসি তেলিকোম, আই.সি.তি. অমসুং মরী লৈনবা ইন্নোভেসনশিংগী মতাংদা ভারত্তা অচৌবা অহৌবা অমা ওইরি। ঙসি এরিয়া ওফিস অমসুং ইন্নোভেসন সেন্তর খক্তা নত্তনা ইন্তর্নেস্নেল তেলিকম্ম্যুনিকেসন য়ুনিয়ন (আই.তি.য়ু.)গী এরিয়া ওফিসসু মফম অসিদা শাখি। মসিগা লোয়ননা ঙসি ৬জিগী তেস্ত-বেদসু শঙ্গাখি। ঐখোয়গী তেক্নোলোজীগা মরী লৈনবা বিজন দোক্যুমেন্তসু পুথোকখি। মসিগা লোয়ননা দিজিতেল ইন্দিয়াদা অনৌবা ইনোৎ অমা হাপ্পগা লোয়ননা মসিনা খা এসিয়া অমসুং গ্লোবেল সাউথকী অনৌবা সোল্যুসনশিং, অনৌবা ইন্নোভেসনশিং পুরক্লগনি। মসিনা ঐখোয়গী একাদেমিয়া, ঐখোয়গী ইন্নোভেতরশিং – স্তার্তঅপশিং, ঐখোয়গী ইন্দস্ত্রীগীদমক অনৌবা খুদোংচাবশিং পীরগনি।

|

মরুপশিং,

ঙসি ভারতনা জি-২০ প্রিসাইদ তৌরি, রিজনেল দিভাইদ হন্থহনবা হায়বা অসিনা মাগী মরু ওইবশিংগী মনুংদা অমা ওইরি। চয়োল খরগী মমাংদা ভারতনা গ্লোবেল সাউথ সম্মিৎ পাঙথোকখি। গ্লোবেল সাউথকী অখন্নবা মথৌ তাবশিং অসি য়েংলগা তেক্নোলোজী, দিজাইন অমসুং স্তেন্দর্দশিংগী থৌদাং য়াম্না মরু ওই। গ্লোবেল সাউথনা হৌজিক তেক্নোলোজী দিভাইদ লৈহনদনবা থবক পাইখৎলি। গ্লোবেল সাউথতা য়ুনিভর্সেল কন্নেক্তিবিতী শেমগৎনবা মসিনা ভারতকী খোঙথাংশিংদা ইথিল অমদি ইনোৎ হাপ্লগনি হায়না ঐহাক্না থাজৈ। মসিনা খা এসিয়া লৈবাকশিংদা লৈরিবা আই.সি.তি. সেক্তরদা কোওপরেসন অমসুং কোল্লাবোরেসন মপাঙ্গল কনখৎহল্লগনি অমসুং থৌরম অসিদা মপালদি মীথুংলেন কয়ানা মফম অসিদা লাক্তুনা শরুক য়ারি। ঐহাক্না পুম্নমকপু থাগৎচরি।

মরুপশিং,

ঐখোয়না তেক্নোলোজিকেল দিভাইদ লৈহনদনবা মতাংদা ৱারী শাবা মতমদা ভারত্তা আশা তৌবা হায়বসি মহৌশানি। ভারতকী মতিক-ময়াই, ভারতকী ইন্নোভেসন সেন্তর, ভারতকী ইনফ্রাস্ত্রকচর, ভারতকী স্কিল অমসুং ইন্নোভেতিব মেনপাৱর, ভারতকী চুনরবা পোলিসী এনভাইর্নমেন্ত, পুম্নমক অসিনা আশা অসিগী য়ুম্ফম থোনখি। মসিগা লোয়ননা ভারতকী অচৌবা শক্তি অনি অদুদি থাজবা অমসুং স্কেলনি। থাজবা অমদি স্কেল য়াওদনা ঐখোয়না তেক্নোলোজীবু কাচিন কোয়া শিনবা থুংনা য়ৌহনবা ঙমলোই অমসুং হৌজিক মতমগী তেক্নোলোজীদা থাজবা হায়বা অসি প্রি-কন্দিসন ওইরি। ঙসি মালেম পুম্বনা মাইকৈ অসিদা ভারতনা থাংজিল্লিবা খোঙথাংশিংগী মতাংদা ঙাংনরি। ঙসি ভারত অসি মোবাইল ফোন করোর ১০০ লৈবগা লোয়ননা মালেমগী খ্বাইদগী কন্নেক্তেদ দেমোক্রেসী ওইরি। অহোংবা স্মার্তফোন অমসুং অহোংবা ইন্তর্নেৎ দেতানা ভারতকী দিজিতেলগী লম ইনোৎ হাপখি। ঙসি ভারত্তা থা খুদিংদা য়ু.পি.আই.গী দিজিতেল পেমেন্ত করোর ৮০০ হেন্না তৌরি। ঙসি ভারত্তা ই-ওথেন্তিকেসন করোর ৭ হেন্না নুমিৎ খুদিংগী তৌরি। ভারতকী কোৱিন প্লেৎফোর্মগী খুত্থাংদা লৈবাক অসিদা ভেক্সিন দোজ করোর ২২০ হেন্না হাপখি। হৌখিবা চহি খরা অসিদা ভারতনা দাইরেক্ত বেনিফিৎ ত্রান্সফরগী খুত্থাংদা মাগী প্রজাশিংগী বেঙ্ক একাউন্তশিংদা হকথেংননা লুপা করোর লাখ ২৮ হেন্না থাখি। জন ধন য়োজনাগী খুত্থাংদা অমেরিকাগী অপুনবা মীশিংদগী হেন্না মীওই কয়ানা বেঙ্ক একাউন্তশিং হাংখি। অমসুং মখোয়বু য়ুনিক দিজিতেল আইদেন্তিতী হায়বদি আধারগী খুত্থাংদা ওথেন্তিকেৎ তৌখি অমসুং মোবাইলগী খুত্থাংদা মীওই করোর ১০০ হেন্না কন্নেক্ত তৌখি। জন ধন – আধার – মোবাইল - জে.এ.এম., ত্রিনিতীগী শক্তি অসি মালেমগী নৈন্নবা হীরম অমা ওইরি।

|

মরুপশিং,

তেলিকোম তেক্নোলোজী অসি ভারতকীদমক শক্তি লৈবগী মতৌ খক্তা নত্তে মসি শক্তি পীনবা মিসন অমসু ওইরি। ঙসি দিজিতেল তেক্নোলোজী অসি ভারত্তা য়ুনিভর্সেল ওইরি অমসুং পুম্নমক্তা এক্সেসিবল ওইরি। দিজিতেল ইনক্লুজন অসি হৌখিবা চহি খরাং ভারত্তা চাউনা পাঙথোক্লি। করিগুম্বা ঐখোয়না ব্রোদবেন্দ কন্নেক্তিবিতীগী মতাংদা  ৱারী শাবা তারবদি ২০১৪গী মমাংদা ভারত্তা য়ুজর মিলিয়ন ৬০ লৈরমখি। ঙসি ব্রোদবেন্দ য়ু্জরগী মশিং মিলিয়ন ৮০০ হেল্লে। ২০১৪গী মমাংদা ভারতকী ইন্তর্নেৎ কন্নেক্সনশিংগী মশিং মিলিয়ন ২৫০ ওইরমখি, ঙসিদি করোর ৮৫ হেল্লে।

মরুপশিং,

হৌজিক ভারতকী খুঙ্গংশিংদা লৈরিবা ইন্তর্নেৎ য়ুজরশিংগী মশিংনা সহরশিংদা লৈরিবা ইন্তর্নেৎ য়ুজরশিংগী মশিংদগী হেল্লি। মসি লৈবাক্কী কাচিন কোয়া শিনবা থুংবদা করম্না দিজিতেল পাৱর লাকপগে হায়বগী খুদম অমনি। হৌখিবা চহি ৯দা সরকার অমদি প্রাইবেৎ সেক্তরনা পুন্না ভারত্তা ওপ্তিকেল ফাইবর কিলোমিতর মিলিয়ন ২.৫ তীংখি। মসিদা গ্রাম পঞ্চায়ৎ লাখ ২রোম ওপ্তিকেল ফাইবরনা কন্নেক্ত তৌখি। ঙসি লৈবাক শিনবা থুংবদা লৈরিবা খুঙ্গংশিংদা দিজিতেল সর্ভিসেসশিং কম্মন সর্ভিস সেন্তর লাখ ৫ হেনবনা ফংহল্লি। মসিগী কান্নবা অসিনা ঙসি ঐখোয়গী দিজিতেল ইকনোমী অসি লৈবাক্কী অপুনবা ইকনোমীদগী শরুক অনি তঙ্খাই হেন্না খোঙজেল য়াংনা খুমাং চাউশিল্লি।

|

মরুপশিং,

নন-দিজিতেল সেক্তরশিংনা দিজিতেল ইন্দিয়াদগী শক্তি ফংলি অমসুং মসিগী খুদম অসি পি.এম. গতিশক্তি নেস্নেল মাস্তর প্লান্না ওইরি। লৈবাক অসিদা শারিবা মখল পুম্নমক্কী ইনফ্রাস্ত্রকচরগা মরী লৈনবা দেতা লেয়রশিং সিঙ্গল প্লেৎফোর্ম অমগী মখাদা পুশিল্লি। মফম অমদা ইনফ্রাস্ত্রকচর দিবেলপমেন্তগা মরী লৈনবা রিসোর্স খুদিংমক্কী মতাংদা ই-পাউ ফংহনবা, স্তেকহোল্দর খুদিংমক্তা রিএল তাইল ইনফোর্মেসন পীবা হায়বা অসিনা মসিগী পান্দমনি। ঙসি ‘কোল বিফোর য়ু দিগ’ হায়বা এপ অমা লোঞ্চ তৌরিবা অসিনা মসিগী ৱাখল্লোন অসিগী এক্সতেন্সন অমনি অমসুং মসিনা পোলিতিকেল ফিল্দদা খক্তা শীজিন্নগদবা নত্তে। নখোয়না খঙই মদুদি তোঙান-তোঙানবা প্রোজেক্তশিংগীদক তৌথোকপগী থবকশিংনা তেলিকোম নেৎৱার্ক্তা অমাং অতা থোকহল্লি। অনৌবা এপ অসিগা লোয়ননা তৌথোক্লিবা এজেন্সীশিং অমসুং অন্দরগ্রাউন্দ এসেৎশিং লৈরিবা বিভাগশিংগী মরক্তা কোওর্দিনেসন লৈহনবা হেনগৎহল্লগনি। মসিনা মাংবগী চাং অমসুং মীয়াম্না মায়োক্নবা সমস্যাশিং হন্থহল্লগনি।

মরুপশিং,

ঙসি ভারতনা দিজিতেল রিভোল্যুসনগী মথংগী তাঙ্কক্তা খোঙজেল য়াংনা খুমাং চাউশিল্লি। ঙসি ভারত অসি মালেমগী খোঙজেল য়াংনা ৫জি রোল আউৎ তৌরিবা লৈবাক ওইরি। শুপ্নগী নুমিৎ ১২০গী মনুংদা সহর ১২৫ হেনবদা ৫জি রোল আউৎ তৌখি। ঙসি ৫জি সর্ভিসনা লৈবাক্কী জিলা ৩৫০ হেন্না য়ৌশিনখি। মসি খক্তা নত্তনা ঙসি ঐখোয়না ৫জি রোল আউৎ তৌখিবগী থা ৬ খক্তগী মতুংদা ৬জিগী মতাংদা ৱারী শারি মসিনা ভারতকী কনফিদেন্স অদু উৎলি। ঙসি ঐখোয়গী বিজন দোক্যুমেন্ত উৎখি। মসিনা মথংগী চহি খরাদা ৬জি রোল আউৎ তৌনবা অচৌবা য়ুম্ফম থোল্লগনি।

|

মরুপশিং,

ভারত্তা তেলিকোম তেক্নোলোজী মায় পাক্না শেমগৎখিবা অসিনা মালেমগী লৈবাক কয়াগী পুক্নিং চিংশিল্লি। ভারত অসি ৪জি.গী মমাংদদি তেলিকোম তেক্নোলোজী শিজিন্নবখক ওইবা লৈবাক অমা ওইরম্মি, অদুবু ঙসিদি, লৈবাক অসিনা মালেমগী ওইনা তেলিকোম তেক্নোলোজী এক্সপোর্ত তৌবা খ্বাইদগী চাউবা লৈবাক অমা ওইবগী মাইকৈদা চঙশিল্লি। ভারতনা ৫জি.গী শক্তীগা লোয়ননা মালেম পুম্বগী থবক তৌবগী চৎনবী হোংদোক্নবগীদমক্তা অতোপ্পা লৈবাক কয়াগা লোয়ননা হোৎনমিন্নরি, মসিনা ৫জি.গা মরী লৈনবা খুদোংচাবা, ব্যুজিনেস মোদেল অমসুং থবক পীবা ঙম্বগী মতিক ফংবদা মশক থোক্না তেংবাংগনি। মসিগী অনৌবা লেব ১০০ অসিনা ভারতকী তোপ-তোপ্পা তঙাই ফদবগী মতুং ইন্না ৫জি. এপ্লিকেসন শাবদা তেংবাংগনি। ৫জি. স্মার্ত ক্লাসরুম, লৌউবা, ইন্তেল্লিজেন্ত ত্রান্সপোর্ত সীস্তেম নত্ত্রগা হেল্থকেয়র এপ্লিকেসন ওইরো, ভারতনা মাইকৈ খুদিংদা খোঙজেল য়াঙনা চঙশিল্লি। ভারতকী ৫জি. স্তেন্দর্দ অসি মালেমগী ৫জি. সীস্তেমগী শরুক অমা ওইরে। ভারতনা তুংগী মতমগী তেক্নোলোজীগী স্তেন্দর্দ শেম্নবগীদমক্তা আই.তি.য়ু.গা নক্ননা থবক তৌমিন্নগনি। নৌনা হাংদোক্লবা ভারতকী আই.তি.য়ু. এরিয়া ওফিস অসিনা ৬জি.গী চুনবা ইনভাইরনমেন্ত শেমগৎপদা তেংবাংগনি। আই.তি.য়ু.গী ৱর্ল্স তেলিকম্ম্যুনিকেসন স্তেন্দর্দাইজেসন এসেমব্লী অসি মথংগী চহিগী ওক্তোবরদা নই দিল্লীদা পাংথোক্কনি অমসুং মালেম শিনবা থুংবগী মীহুৎশিংনা মসিগীদমক্তা ভারত্তা লাক্কনি হায়না লাউথোকপদা নুংঙাইবা ফাওই। ঐখোয়না মালেমগী খ্বাইদগী লায়রবশিংগী মরক্তা লায়রবশিংদা চাউনা কান্নগদবা করিগুম্বা খরা তৌবা তাই।

|

মরুপশিং,

তেলিকোম অমসুং দিইজিতেল মোদেল অসি স্মুথ, সেক্যুর, ত্রান্সপরেন্ত অমসুং থাজবা য়াবা অমদি তেস্ত তৌরবা ওইরি। খা এসিয়াগী অফবা মরী লৈনবা লৈবাকশিংনা মসিগী কান্নবা লৌবা য়াগনি। ঐহাক্না থাজৈ মসিদা আই.তি.য়ু.গী মসিগুম্বা সেন্তর অসিনা মরু ওইবা থৌদাং য়াগনি। ঐহাক্না মরু ওইবা থৌরম অসিদা মালেমগী লৈবাক কয়াদগী লাক্লিবা দিগনিতরীশিংবু অমুক হন্না তরাম্না ওকচবগা লোয়ননা পুম্নমক্তা য়াইফ মঙ্গোল পীজরি।

হন্না-হন্না থাগৎচরি!

  • कृष्ण सिंह राजपुरोहित भाजपा विधान सभा गुड़ामा लानी November 21, 2024

    जय श्री राम 🚩 वन्दे मातरम् जय भाजपा विजय भाजपा
  • दिग्विजय सिंह राना September 20, 2024

    हर हर महादेव
  • Rasiya July 29, 2024

    Great venture!
  • JBL SRIVASTAVA May 27, 2024

    मोदी जी 400 पार
  • Vaishali Tangsale February 12, 2024

    🙏🏻🙏🏻✌️❤️❤️
  • ज्योती चंद्रकांत मारकडे February 11, 2024

    जय हो
  • ज्योती चंद्रकांत मारकडे February 11, 2024

    जय हो
  • Pt Deepak Rajauriya jila updhyachchh bjp fzd December 23, 2023

    जय
  • Shalini Srivastava September 22, 2023

    कृपया योग सभी स्कूलो मे अनिवार्य किया जाय स्वस्थ जीवन उज्ज्वल भविष्य का पथ है प्रधान मंत्री जी की ओजस्विता समस्त संसार को प्रकाशित कर रही है
  • Shalini Srivastava September 22, 2023

    हार्दिक बधाई एवं शुभकामनाऐ 🙏💐🚩🇮🇳
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
Raj Kapoor’s Iconic Lantern Donated To PM Museum In Tribute To Cinematic Icon

Media Coverage

Raj Kapoor’s Iconic Lantern Donated To PM Museum In Tribute To Cinematic Icon
NM on the go

Nm on the go

Always be the first to hear from the PM. Get the App Now!
...
Prime Minister Narendra Modi to participate in the Post-Budget Webinar on "Agriculture and Rural Prosperity"
February 28, 2025
QuoteWebinar will foster collaboration to translate the vision of this year’s Budget into actionable outcomes

Prime Minister Shri Narendra Modi will participate in the Post-Budget Webinar on "Agriculture and Rural Prosperity" on 1st March, at around 12:30 PM via video conferencing. He will also address the gathering on the occasion.

The webinar aims to bring together key stakeholders for a focused discussion on strategizing the effective implementation of this year’s Budget announcements. With a strong emphasis on agricultural growth and rural prosperity, the session will foster collaboration to translate the Budget’s vision into actionable outcomes. The webinar will engage private sector experts, industry representatives, and subject matter specialists to align efforts and drive impactful implementation.