হৌজিক মরূপশিং পুম্নমক্কা ৱারী শানবগী তাঞ্জা ফংজবসি য়াম্না নুংঙাইজৈ অমসুং শহরদা চাউখৎ-থৌরাংগী পাংথোক্লিবা থবকশিং চত্থরিবশিং, সরকারনা লৌরিবা ৱারেপ অসিনা বারানসীগী মীশিংনসু কান্নবা ফংলি। অদুগা তৌরিবশিং অসিগী মরুমদা বাবা বিশ্বনাথমক্কী থৌজালননি অমদি মরম অসিনা ঙসি ঐহাক্না ভর্চুএল ওইনা লাক্লবসু ঐখোয়গী কাশীগী চৎনবীশিং অদু পাংথোক্তনা মখা চত্থবা য়ারোই। মরম অসিনা হৌজিক ঐহাক্কা লোয়ননা থৌরম অসিদা শম্নরিবশিংনা অমত্তা ওইনা লাউমিন্নসি- হর হর মহাদেব! ধনতেরস, দীপাৱলী, অন্নকুত, গোবর্ধন পুজা অউর দালা ছথ ক আপ সব লোগন কে বহুত বধাই হো! ইমা ইবেম্মা অন্নপুর্ন্না অদোম পুম্নমকপু খুঞ্জাউ-লৈচাউহল্লসনু! বজারেন অসি হেন্না মশক মঙাল লৈহন্নবা থৌনিজরি। ঐহাক্কী কাশীগী লৈরক-খুল্লকশিং অসি লৈরাংশিংনা থল্লবা লৈকোল ওইহন্নবা অমদি বারানসীগী শারীশিংগী লল্লোন-ইতিক তৌবা অসি হেন্না মশক থোকহল্লসনু। কোরোনা সে লড়তে হুএ ভী হমার কিসান ভাইন খেতী পর খুব দিহলন। বনারস হী নহি পুরে পুর্বাঞ্চল মে অগহনী ফসল অঅচ্ছী হো, ই খবর মিল হো। কিসানন কা পরিশ্রম স্বতঃ কে লিএ নাহি বল্কি পূরে দেশ কে কাম আৱৈলা। আপ অন্ন দেৱতা লোগন কা বহুত অভিনন্দন হৌ। থৌরম অসিদা ঐহাক্কা লোয়ননা য়াওবিরিবা উত্তর প্রদেশকী মমিং চৎলবা মুখ্য মন্ত্রী শ্রীমান য়োগী আদিত্যনাথজী, উপ-মুখ্যমন্ত্রী শ্রী কেশব প্রসাধ মৌর্যজী, য়ু.পি. সরকারগী মন্ত্রীশিং, এম.এল.এ.শিং, বারানসীগী খনগৎলক্লবা মীয়ামগী মীহুৎশিং, বনারসগী ঐহাক্কী ইচিল-ইনাউশিং!
কাশীবু মহাদেবনা লেপ্তনা থৌজানবিরী। ইমা ইবেম্মা গঙ্গাগুম্না লেপ্তনা খুমাং চাউশিল্লি। কোরোনাগী লুরবা তানফম অসিদসু কাশীগী মশক-মওং অসি হেন্না ফগৎলক্লি। কোরোনাগী মায়োক্তা বনারসনা ইচং থৌনা লান্থেংনরি, লুরবা তানফম অসিদা মীয়ামগী অপুনবা শক্তম অসি করিনো হায়বা তাক্লিবা অসি য়াম্না থাগৎনিংঙাইনি। হৌজিক ঙসিগী পুংফম অসিদা বনারস চাউখৎনবগা মরি লৈনবা লুপা করোর লিশিং কয়াগী প্রোজেক্তশিং মায়খুম হাংদোকখ্রে অমদি উরেপ-উয়ুং তমখ্রে।
কাশীদা অনৌবা থবক কয়া তৌবা হৌরিবা, অরিবা ৱাশক কয়া অমা মপুং ফাবা ঙমখ্রিবা অসি মহাদেবগী থৌজালনামক্না ওইথোকপা ঙমহল্লিবনি। হায়বদি মায়কৈ অমদা ফরেপ-উয়ুং তম্বা মতমদা অতোপ্পা মায়কৈ অমদা মাইখুম হাংদোক্লি। ঙসিসু লুপা করোর ২২০রোমগী স্কীম ১৬ মাইখুম হাংদোকপগা লোয়ননা লুপা করোর ৪০০গী স্কীম ১৪গী থবক তৌবা হৌরে।
ঐহাক্না চাউখৎ-থৌরাংগী থবকশিং অসিগীদমক্তা বারানসীগী মীশিংগী মফমদা য়াম্না নুংঙাইবা ফোংদোকচরি। কাশীদা, উত্তর প্রদেশতা লেপ্পা লৈতনা, চোকথবা তৌদনা চত্থরিবা চাউখৎপগী থবকশিং অসিগী ক্রেদিৎ অসি মুখ্যমন্ত্রী শ্রীমান য়োগী অদিত্যনাথজী অমসুং মহাক্কী তীম্না ফংফম থোকই, মিনিস্তর কাউন্সিলগী মীহুৎশিংনা, খনগৎলক্লবা মীয়ামগী মীহুৎশিংনা, সরকারগী মেছিনরীগা মরি লৈনরিবাশিং পুম্নমক্না মসিগী মায় পাকপা অসিগীদমক্তা ক্রেদিৎ অসি ফংফম থোকই। য়োগীজী অমসুং মহাক্কী তীম্না মীয়ামগী সেবা অসি অমত্তা ওইনা চুংশিন্নদুনা হোৎনরিবশিং অসিগীদমক্তা য়াম্না নুংঙাইবা ফোংদোকচরি অমদি য়াইফ-পাউজেল পীজরি।
মরূপশিং,
বনারস মে শহর ৱ দেহাত কে ই বিকাস য়োজনা মে ভী হৌ, সংস্কৃতী ভী অঊর সড়ক, বিজলী, পানী ভী। হরদম প্রয়াস য়হী হোলা কি আপন কাশী কে হর শখ্স কে ভাৱনাওং কে অনুরুপ হী বিকাস ক পহিয়া আগে বঢৈ।
মরম অসিনা ঙসি বনারস অসিনা মতৌ করম্না মতম অমত্তদা হিরম খুদিংমক্তা, মায়কৈ খুদিংমক্তা থুনা-য়াংনা খুমাং চাউশিল্লিবা অসিমক মশানা অদুম্মক মসিগী খুদম অদুম্মক ওইজরবনি। ইমা ইবেম্মা গঙ্গাবু লু-নান্না থম্নবদগী হৌরগা হেল্থ সর্ভিসফাওবা, লম্বী অমসুং ইনফ্রাস্ত্রকচরদগী হৌরগা তুরিজমফাওবা, মৈদগী হৌরগা নহা ওইরিবশিংগী শান্ন-খোৎনবফাওবা অমসুং লৌমীদগী হৌরগা খুঙ্গং-লাইরবফাওবা, লম খুদিংমক্তা বনারস অসি চাউখৎনববা তৌবদা খোংজেল হেনগৎলি। ঙসি গঙ্গা এক্সন প্লান প্রোজেক্তকী মখাদা সীৱেজ ত্রীতমেন্ত প্লান্ত অসি অমুক নৌনা শেমজিন্নবগী থবক অসি লোইশিনখ্রে। মসিগী লোয়ননা শাহী নালাদগী হৌরগা অতৈ সীৱেজ অসি গঙ্গাদা তাবা অসি থিংনবগীদমক্তা দাইভর্জন লাইনসু উরেপ-উয়ুং তমখ্রে। লুপা করোর ৩৫দগী হেনবগী মমল ওইগদবা থোংনাউশিংসু তোর্ব্বান্দা দেকোরেসন হাপ্লি। মফমসিদা সি.এন.জি.দগী হি থাদুনা গঙ্গা মোৎশিনবা অসি হন্থহল্লগনি। মতৌ অসিগুম্না দশাশ্বমেধ তোর্রব্বান্দা তুরিস্ত প্লাজা অসিসু তুংদা লাক্কদৌরিবা নুমিৎশিংদা তুরিস্তশিংদা খুদোংচাবা অমসুং পুক্নিং চিংশিন্নবগী মরম ওইরগনি। মসিনা তোর্ব্বান অসিগী ফজবা অসিসু হেনগৎহল্লগনি, সিস্তেমশিংসু হেনগৎলগনি। মফম অসিগী ওইবা অপিক-অপিকপা লল্লোন-ইতিক অসি প্লাজা অসি শাবদগী হেন্না খুদোং চাহল্লগনি অমদি কস্তমরশিং হেনগৎলগনি।
মরূপশিং,
ইমা ইবেম্মা গঙ্গাগীদমক্তা হোৎনরিবশিং, অচেৎপা ৱাশকশিং অসি কাশীগীসু ৱাশক্নি, অমদি কাশীগীদমক্তা অনৌবা থবক কয়া পাংথোক্নবগী লম্বিসুনি। তপ্না-তপ্না মফমসিগী তোর্ব্বানশিংগী শক্তমসি হোংলক্লি। কোরোনাগী চৈথেং অসি হন্থরক্লবকান্দা তুরিস্তশিংগী মশিং অসি হেন্না হেনগৎলক্লবদি, অদু ওইরবদি বারানসীগী হেন্না ফজবা ইমেজ পুদুনা মফমসিদগী চৎখিগনি। গঙ্গাগী তোর্ব্বানশিং লু-নান্না থম্নবা অমদি ফজহন্নবা তৌবগা লোয়ন-লোয়ননা সারনাথকী অনৌবা মশক-মওংসু নিংথিজরক্লি। ঙসি মাইখুম হাংদোকখ্রিবা লাইত অমসুং সাউন্দগী থৌরম অসিনা সারনাথকী অঙকপা মওং হেন্না হেনগৎহল্লগনি।
ইচিল-ইনাওশিং,
কাশীদা য়াম্না খুদোংচাহন্দ্রিবা অসি মফমসিদা তিংলিবা তারাশিংসিনি। ঙসি কাশীগী চাউরবা মফমসিদা মৈগী তারাশিং তিংলরোই। তারাশিংসি লৈনুংদা তিংনবগী থাক অমা মপুং ফাখ্রে। কেন্ত স্তেসন্দগী লহুরাবীর, ভোজবীরদগী মহাবীর লাইশঙফাওবা, কোর্ত চৌরাহদগী ভোজূবীর তিরাহফাওবা, অসিগুম্বা রুৎ ৭তা হৌজিক মৈগী তারাশিং তিংলরোই। মসিদা নত্তনা স্মার্ত এল.ই.দি. লাইৎশিংনা লৈরকশিং হেন্না ঙালহল্লগনি অমদি ফজবসু হেনগৎহল্লগনি।
মরূপশিং,
বারানসীগী কনেক্তিবিতী অসি মতম পুম্নমক্তা সরকারগী ওইনা খ্বাইদগী হেন্না মরুওইদুনা লাক্লি। কাশীদা লৈরিবা মীওইশিং অমসুং কাশীদা লাক্লিবা তুরিস্ত খুদিংমক, লাই নিংবা খুদিংমক লম্বি চিনবনা মরম ওইদুনা মতম মাংদনবগীদমক্তা অনৌবা ইনফ্রাস্ত্রকচর শেম্নবা তৌরি। বারানসীদা ঙসি এয়রপোর্ততা খুদোংচাবশিং হেনগৎলক্লি। বাবতপুরদগী শহর শম্নহল্লিবা লম্বীসিসু হৌজিক বারানসীগী অনৌবা শক্তম অমা ওইরি। ঙসি এয়রপোর্ত অসিদা পেসেঞ্জর বোর্দিংগী থোং ২ মায়খুম হাংদোক্লবা মতুংদা খুদোংচাবশিং অসি হেন্না পাকথোক-চাউথোকহল্লগনি। মসিগী পাকথোক-চাউথোকনবা অসি মরু ওইরিবা অসিগী মরমদি চহি ৬কী মমাংদা অদোম্না ঐহাকপু সেবা তৌজনবগী তাঞ্জা অসি পীখিবা মতমদা নুমিৎ খুদিংগী বনারসতগী নুতিগী ফ্লাইৎ ১২ পাইরম্বদু ঙসিদি শরুক ৪ হেন্না হায়বদি নুমিৎ খুদিংগী ফ্লাইৎ ৪৮ পাইরগনি। হায়বদি বারানসীদা খুদোংচাবশিং অসি হেনগৎলকপা উবদা বারানসীদা লাক্কদৌরিবা মী মশিংসু হেনগৎলগনি।
ইচিল-ইনাওশিং,
বারানসীদা শেমগৎলিবা অনৌবা ইনফ্রাস্ত্রকচর অসিনা মফমসিদা লৈরিবা মীশিং অমদি মফম অসিদা লাক্কদৌরিবা মী মখল অনিমক্কী ওইনা পুন্সি মহিং অসি লাইহল্লগনি। এয়রপোর্তকা মরি লৈনবা কনেক্তিভিতীগা লোয়ননা রিং-রোদ ওইরো, মহমুরগঞ্জ-মন্দুৱাহীদ ফ্লাই ওফর ওইরো, এন.ঐচ.-৫৬ অসি পাকথোকহনবা ওইরো. বনারস অসি ঙসি রোদ ইনফ্রাস্ত্রকচরসু শেমজিন-শাজিনবা উবা ফংলি। শহরগী মনুংদা অমসুং মনাক নকপা মফমশিংদসু লম্বীশিংগী মশক অসি হোংলে।ঙসিসু বারানসীদা তোঙান-তোঙানবা মফমশিংদা লম্বী শেম্বগী থবকশিং হৌদোকখ্রে। নেস্নেল হাইৱে, ফুলৱরিয়া- লহতারা মার্গ, বরুনা তুরেল অমসুং থোং ৩ অমদি লম্বি কয়া অমা শেম্বগী থবকশিং অসিসু লাক্কদৌরিবা মতম অসিদা য়াম্না থুনা লোইরগনি। –
রোদৱেশিংগী নেতৱর্ক অসিগা লোয়ন-লোয়ননা বনারস অসি হৌজিক ৱাতরৱেগী কনেক্তিভিতীদসু মোদেল অমা ওইশিল্লক্লি। ঐখোয়গী বনারস অসিদা ঙসি লৈবাক অসিগী অহানবা ইনলেন্দ ৱাতর পোর্ত ওইরে।
ইচিল-ইনাওশিং,
হৌখিবা চহি ৬তগী বারানসীদা হেল্থ ইনফ্রাস্ত্রকচরদসু হান্না অমুক্তা তৌখিদ্রিবা মওংদা থবক পাংথোকখ্রে।
ঙসি কাশীসি য়ু.পি.খক্তা নত্তনা পুর্বাঞ্চলপুম্বগী ওইনা হকশেলগী খুদোংচাবশিংগী হব ওইশিল্লক্লি। ঙসি রামনগরদা লাল বহাদুর শাস্ত্রী হোসপিতাল অসি অনৌবা মওংদা শেমদোকপগা মরি লৈনবা থবকশিং মায়খুম হাংদোক্তুনা কাশীগী ওইবা মসিগী থৌদাং অসি হেন্না চাউথোক্লে। রামনগরগী হোসপিতালদা হৌজিক মেকানাইজ লোন্দ্রী, সিস্তেমেতিক ওইরবা রেজিস্ত্রেসন কাউন্তর অমসুং এম্প্লোয়ীশিংগীদমক্তা ক্বাতরনচিংবা খুদোংচাবশিং ফংহল্লগনি। হোমী ভাভা কেন্সর হোসপিতাল অমসুং পন্দিত মহামনা মালৱীয় কেন্সর হোসপিতালগুম্লবা চাউর-চাউরবা কেন্সর ইন্সতিত্যুৎনা হান্নদগী হৌনা মফমসিদা সর্ভিস ফংহল্লি। মতৌ অসিগুম্না ই.এস.আই.সি. হোসপিতাল অমসুং বি.ঐচ.য়ু. সুপর স্পিসিএলিতী হোসপিতাল অসিসু মফম অসিগী লাইরবদগী লাইরবা মরূপশিংদা, মীরোল্লবীশিংদা অফবা হেল্থ ফেসিলিতীশিং ফংহল্লি।
মরূপশিং,
বনারস অসিদা ঙসি মায়কৈ মরীমক্তা চাউখৎলক্লিবা অসিদা, সেক্তর খুদিংমক্তা চাউখৎলক্লিবা অসিনা পুর্বাঞ্চলখক্তা নত্তনা ভারতপুম্বনা কান্নরি। হৌজিক পুর্বাঞ্চলগী মীশিংগী মথৌ তাবা মচা-মচাশিংগীদমক্তা দিল্লী অমসুং বুম্বাইদা কোয়চৎ-চৎনবগী মথৌ তাররোই। বনারস অমসুং পুর্বাঞ্চলগী লৌমীশিংগী ওইনদি স্তোরেজদগী হৌরগা ত্রান্সপোর্তফাওবগী খুদোংচাবা কয়া অমা শেমগৎ-শাগৎখ্রে। ইন্তর্নেস্নেল রাইস ইন্সতিত্যুৎকী সেন্তর ওইরো, মিল্ক প্রোসেসিং প্লান্ত ওইরো পেরিশেবল কার্গো সেন্তর শাবা ওইরো, অসিগুম্বা খুদোংচাবশিংসিনা লৌমীশিংদা য়াম্না কান্নহল্লি। কুমসি অহানবা ওইনা বারানসীগী মফমশিংদা উহৈ, এঞ্জাং-মাপী অমসুং ফৌ-চেং অসি মীরৈবাক্তা থাখ্রিবা অসিসু ঐখোয়গীদমক্তা চাউথোকচনিংঙাইগী ৱাফম অমনি। লৌমীশিংগীদমক্তা শারিবা স্তোরেজগী খুদোংচাবশিং অসি পাকথোক-চাউথোক্লদুনা ঙসি কপসেথীদা মেত্রিক তোন ১০০গী স্তোরেজগী কেপাসিতীগী গোদাউনগী মাইখুমসু হাংদোকখ্রে। মসিদা নত্তনা জন্সাদসু মল্তী-পর্পজ মরুগী গোদাউন অমসুং দিস্সেমিনেসন সেন্তর শাখ্রে।
ইচিল-ইনাওশিং,
খুঙ্গং-লাইরবা অমসুং লৌমী অসি আত্মনির্ভর ভারত অভিয়ানগী খ্বাইদগী অচৌবা য়ুম্বিসুনি অমদি খ্বাইদগী অচৌবা বেনিফিসিয়রীসুনি। হন্দক্তা তৌখিবা এগ্রীকলচরেল রিফোর্ম অসিনা লৌমীশিংদা চুমদ্রিংনা কান্নবা ফংহল্লগনি, কৈথেলগা মখোয়গগী কনেক্তিবিতী অসি শোইদনা ফগৎহল্লগনি। লৌমীশিংগী মিংদা, লৌমীশিংগী হোৎনজমল অদু খপ্লিবা মরক্তা হাইবা মীশিং অমসুং দলালীশিং অসি হৌজিক অসিদগী তান্থোক্লগনি। মসিনা চুমদ্রিং কান্নগদৌরিবা অসি উত্তর প্রদেশকী, পূর্বাঞ্চলগী के, বারানসীগী লৌমী খুদিংমক্ননি।
মরূপশিং,
লৌমীগুম্না স্ত্রীৎ ভেন্দরশিং, থেলা চিংলিবা মরূপশিংগীদমক্তসু য়াম্না অচৌবা য়াম্না পান্দম থম্নিংঙাই ওইবা স্কীম অমা হৌদোকখ্রে। ঙসি প্রধান মন্ত্রী স্বনিধী য়োজনাদগী স্ত্রীৎ ভেন্দর ওইরিবা ইচিল-ইনাওশিংনা লাইনা লোন ফংলি। কোরোনাগী মরম্না মখোয়দা খুদোংচাদবশিং নংহল্লিবা অদু কোকহন্নবা, মখোয়গী থবক অদু অমুক হন্না হৌহনবা ঙম্নবগীদমক্তা লুপা লিশিং ১০গী লোনগী মতেং পীরি। মতৌ অসিগুম্না খুঙ্গংদা লৈরিবা মীশিংনা, খুঙ্গংগী লম, ৱায়েল-পথাপকী ওইবা অধিকার ফংহন্নবগীদমক্তা ‘স্বামিত্ব য়োজনা’ হৌদোকখ্রে।
খুঙ্গংশিংদা য়ুম-নুংগী মতাংদা য়েৎনরম্বশিং, করিগুম্বাকান্দা হাৎন-শুনবফাওবা তৌনরম্মি। খুঙ্গংদগী লুহোং-খোংদোংবগী মপান্দা চৎলুরগা হল্লকপা মতমদা মফম অদু কনাগুম্বা অমনা লৌশিল্লমখি। মসিগী খুদোংথিবশিং অসিদগী কোক্নবগীদমক্তা স্বামিত্ব য়োজনাদগী ফংবা প্রোপর্তী কার্দসি লৈরবা মতুংদগীদি অসিগুম্বা খুদোংচাদবশিংসি থোরকহল্লরোই। হৌজিক খুঙ্গংদা য়ুম নত্রগা লমগী প্রোপর্তী কার্দ অসি লৈবা মরম্না বেঙ্কতগী লোন ফংবসু লাইরগনি। মসিগী লোয়ননা লান্না খোপচিনবগী থবক অসি লৈহল্লরোই। পুর্বাঞ্চলদা, বনারসদা মসিগী স্কীম অসিনা য়াম্না কান্নবা ফংহল্লগনি।
মরূপশিং,
ঐখোয়গী শাস্ত্রশিংদা হায়রম্মি- 'কাশ্যাম হি কাশতে কাশী, কাশী সর্ব প্রকাশিকা'। হায়বদি, কাশী অসি কাশী অসিমক্না মঙাল নাইহল্লি অমসুং কাশী অসিনা পুম্নমকপু মঙাল নাইহল্লি। মরম অসিনা ঙসি চাউখৎ-থৌরাংগী মঙাল শন্দোরক্লিবা, হোংলক্লিবা পুম্নমক অসি কাশী অমসুং কাশীদা লৈরিবা মীশিংনা থৌজালবিবদগীনি।, অমদি মহাদেবগী থৌজালবু ফংলবদি চাউরবদগী চাউরবা থবকশিং লাইনা পাংথোকপা য়াহল্লি। কাশীগী থৌজালনা গঙ্গা অসি অসিগুম্না তরং-তরং চেন্থদুনা লৈগনি, লেপ্পা লৈতনা চেন্থগনি হায়বা ঐহাক্না থাজৈ। মসিগী য়াইফ-পাওজেলশিং অসিগা লোয়ননা অদোম পুম্নমকপু অমুক্কা হন্না দীপাবলীগীদমক্তা, গোবর্ধন পুজাগীদমক্তা অমসুং ভৈয়া দুজগীদমক্তা নুংঙাইবা ফোংদোকচরি। অদুগা ঐহাক্না অদোমদা ৱাফম অমগসু হায়জগে। হৌজিক্কাল অসি ‘ভোকেল ফোর লোকেল’গা লোয়ননা, #Local4Diwaliগী লাইশোন অসি মায়কৈ মরীমক্তা নিল্লে হায়বসি অদোম্না উবিরি। ঐহাক্না বারানসীগী মীশিংদসু অমদি ইরৈচাশিংদসু হায়জগদবe ৱাফমদি লোকেল ফোর দীৱীলী অসি য়াম্না নিংথিনা শৌগৎপীয়ু, য়াম্না শন্দোকপীনবা হায়জরি। কয়াদা নিংথিরবা, ঐখোয়গী শক্তম অসি করিনো হায়বসি লাপ্ল-লাপ্লবা মফমফাওবা য়ৌহল্লগনি। মসিনা মফম অসিগী ওইবশিংগী শক্তম অসি হেনগৎকনি, পোৎ শিরিবা মীশিংগী ওইনসু, মখোয়গী দীৱালী অসি হেন্না ঙালহল্লগনি। মরম অসিনা ঐহাক্না ইরৈচাশিংদা হায়জগদবদি দীৱালীগী মমাংদা হন্না-হন্না হায়জগদবদি ভোকেল ফোর লোকেল ওইনবগীদমক্তা দীৱালী অসি লোকেলগা লোয়ননা পাংথোক্নবা হায়জরি। শেন্মিৎলোনগী ফীভমপুম্বদা অনৌবা মসিগী ৱাখল অসি লাক্লগনি, অনৌবা গ্যান লাক্লগনি হায়বা অদোম খংবীয়ু। ঐহাক্কী ইরৈচাশিংগী হুমাংগী মনম চেল্লিবা পোৎশিং, ঐহাক্কী লৈবাক্কী নহা ওইরিবশিংগী ৱাখল-লৌশিংগী পাঙ্গলগী মশক তাক্লিবশিং ওইরিবা, ঐহাক্কী লৈবাক অসিগী ইমুং কয়াগী অনৌবা পুক্নিং-থৱাই য়াওবগা লোয়ননা অনৌবা ৱাশক্কা লোয়নবা থবকশিং পাকথোক-শন্দোকহনবদা পাঙ্গল হাপ্লিবা পোৎশিং পীরি। মখোয় পুম্নমক অসিগীদমক্তা হিন্দুস্তানী অমা ওইনা ইরৈচাশিংগী মফমদা ঐহাক্কী ইথৌদাং লৌফম থোকই। লাকপীরো মসিগী ৱাখল্লোনশিং অসিগা লোয়ননা ভোকেল ফোর লোকেল ওইরসি। দীৱালী অসি লোকেলনা ওইহনসি অমসুং থাউমৈখক্তা নত্তনা মীওই খরগী ওইনদি লোকেল হায়বদি থাউমৈ লৌবদা নত্তনা পোৎ খুদিংমক্নি। ঐখোয়গী লৈবাক্তা শুংশা শাবা ওইথোক্ত্রবা পোৎশিংগী ওইনদি মপান্দগী লৌবা তাবনি। ঐহাক্না মসিমসু হায়জগনি মদুদি অদোমগী য়ুমগী মপান্দা পুরকখিবা পোৎশিং পুম্নমক হুন্দোকপীখ্রো, গঙ্গাদা লংথবিখ্রো হায়না ঐহাক্না হায়গদবা নত্তে, ঐহাক্না মসি হায়জরোই। ঐহাক্না পামজরিবদি ঐহাক্না লৈবাক অসিগী হুমাং তানা থবক শুরিবশিং, মশাগী ৱাখল-লৌশিং, পাঙ্গল, মতিক-ময়াইনা করিগুম্বা খরা পাংথোকপা ঙম্নবা হোৎনজরিবা ঐহাক্কী লৈবাক অসিগী নহা ওইরিবশিংগী মখুৎ পায়দুনা লমজিংবিবা হায়বসি ঐখোয়গী ইথৌদাংনি। মখোয়গী পোৎশিং অদু লৌবিরবদি মখোয়গী থৌনা হেনগৎলি। য়েংবিয়ু অদোম্না অসুম .উনা-উনা থাজবনা থল্লবা পুম্নৌ-নৌবা মীরোল অমা শেম্লগনি হিন্দুস্তান অসি অনৌবা পন্দোল অমদা পুখৎপা ঙমগদবগী পাঙ্গল-থৌনাগী মওং ওইনা হাপচিল্লক্লগনি অদুনা মরম অসিনা ঐহাক্না অমুক্কা হন্না কাশীদা লৈবিরিবা মীশিংগী মফমদা ৱা হায়জবা মতমদা দীৱালীগী য়াইফ-পাউজেলগী লোয়ননা কাশীদগী ঐহাক্না নিজখিবা মতমদা কাশীনা পেনবমখৈ পীবিরিবা অসি থম্মোই শেংনা পীবিরি অদবু ঐহাক্না নিজরিবা অসি ইশাগী ওইনা কৈদৌনুংদা নিজখিদে, ঐহাক্কীদি করিসু মথৌ তাদ্রে অদোম্না অমত্তা ৱাৎহনবিদ্রে, অদুবু ঐহাক্না কাশী গী মথৌ তাবা খুদিংমক্কীদমক্তা, কাশীদা শাগদৌরিবা পোৎ খুদিংমক্কী ইশৈ শকচরি, য়ুম-য়ুম খুদিং য়ৌহন্নবা হোৎনরি। ঐহাক্কী লৈবাক্কী পোৎ খুদিংমক্কী ওইনা মসিগী খুদোংচাবা ফংনবা ঐহাক্না হায়জরি। অমুক্কা হন্না ঐহাক্না কাশীদা লৈবিরিবশিংদা খুরুমজরদুনা কাশী বিশ্বনাথজীগী খুয়াদা ইকোক নোন্না, কাল ভৈরবপু খুরুমজদুনা, ইমা ইবেম্মা অন্নপুর্নবু খুরুমজদুনা খুরুমজদুনা অদোম পুম্নমকপু লাক্কদৌরিবা কুহ্মৈশিংসিগীদমক্তা হন্না-হন্না য়াইফ-পাউজেল পীজরি।
হন্না-হন্না থাগৎচরি!
