Today, be it major nations or global platforms, the confidence in India is stronger than ever: PM
The speed of development of a Viksit Bharat is remarkable: PMMany aspirational districts have now transformed into inspirational districts of the nation: PMBanking the unbanked, Securing the unsecured and Funding the unfunded has been our strategy: PMWe have transformed the fear of business into the ease of doing business: PMIndia missed the first three industrial revolutions but is ready to move forward with the world in the fourth: PMIn India's journey towards becoming a Viksit Bharat, our government sees the private sector as a key partner: PM25 crore Indians have risen out of poverty in just 10 years: PMশ্রী বিনীত জেনজী, ইন্দস্ত্রীগী লুচিংবশিং, CEOশিং, অমসুং সিনিয়র দিগনিতরীশিং, নুপী অমসুং নুপাশিং! ময়াম পুম্নমকপু খুরুমজরি....
ঐহাক্না ET নাউ সম্মিৎতা অকোনবা ওইনা লাকখিবা মতমদা, মীখল পাংথোক্নবা থৌরাং তৌখিবা মতম ওইখি। অমসুং মতম অদুদা ঐহাক্না নোলুকপগা লোয়ননা হায়খি মদুদি ঐখোয়গী অহুমশুবা তর্মদা ভারতনা অনৌবা খোঙজেল অমদা য়াংনা থবক তৌরগনি। ঙসি অসিগুম্বা খোঙজেল অসি উবা ফংলিবা অসিদা ঐহাক নুংঙাইবা ফাওই অমসুং লৈবাক অসিনা মসিদা মতেং পাংলি। অনৌবা সরকার শেম্লবা মতুংদা, BJP-NDAনা লৈবাক অসিগী রাজ্য কয়াদা মীয়ামগী য়াইফ পাউজেল লেপ্পা লৈতনা ফংলি! জুন থাদা, ওরিশাগী মীয়াম্না দিবেলপ ইন্দিয়াগী ৱারেপ অদুদা শাহৌ পীখি, অদুদগী হরিয়ানাগী মীয়াম্না শৌগৎখি অমসুং হৌজিক্তি দিল্লীগী মীয়াম্না ঐখোয়দা মপুং ফানা শৌগৎলি। মসি লৈবাক অসিগী মীয়াম্না মতৌ করম্না চাউখৎলবা ভারতকী পান্দমগীদমক খোংজেল য়াংনা চংশিল্লিবা অসিগী অয়াবা অমনি।
মরুপশিং,
অদোম্না হায়খিবা অদুগুম্না ঐহাক্না অমেরিকা অমসুং ফ্রান্সতা চৎখিবা ঐহাক্কী খোঙচৎদগী ঙরাং নুমিদাং হল্লকপদা ঙাইরি। ঙসি মালেমগী অচৌবা লৈবাকশিংনা, মালেমগী অচৌবা প্লেৎফোর্মশিংনা ভারত্তা থাজবা থম্মি, মসি মমাংদা অমুক্তা ওইখিদ্রি। পরিস্তা পাংথোক্কখিবা AI এক্সন সম্মিৎ মনুংদা খন্ন-নৈনখিবশিংদসু মসিগী মমি তাখি। ঙসি ভারত অসি মালেমগী তুংলমচৎকা মরী লৈনবা খন্ন-নৈনবশিংদা মরু ওইনা লৌরি, অমসুং খরদদি মসিনসু লমজিংলি। ঐহাক্না করিগুম্বা মতমদা খল্লি করিগুম্বা ইরৈবাকশিংনা ঐখোয়বু 2014দা থৌজালবীরমদ্রবদি ভারত্তা অনৌবা অওনবা অমা পুরকপা ঙমলম্লোই, মসি ওইথোক্কনি হায়না ঐহাক্না থাজবা ঙমদে, মসিদা নখোয়নসু থাজবা ঙমলোই, চুম্না শুম হায়বনি। অসিগুম্বা অহোংবা কয়া অমা থোক্লমগদ্রা? হিন্দী খঙবা মীওইশিংনা ঐনা হায়রিবশিং অদু খুদক্তা খঙগনি। মমাংদসু লৈবাক অসিনা মাংলোমদা চংশিল্লি। কংগ্রেসকী চাউখৎপগী খোঙজেল অমসুং কংগ্রেসকী শেঞ্জা-থুমজাগী খোঙজেল অনিমক লৈবাক অসিনা উবা ফংখি। মদু মখা চত্থরবদি করি থোক্লমগনি? লৈবাক অসিগী মরুওইবা মতম অমা মাংলমগনি। 2014দা, কংগ্রেস সরকারনা 2044 ফাওবদা, হায়বদি 2014দা ভারতপু 11শুবা খ্বাইদগী চাউবা ইকোনোমীদগী 2044 ফাওবদা ভারতপু অহুমশুবা খ্বাইদগী চাউবা ইকোনোমী ওইহন্নবা পান্দম থমদুনা থবক তৌরি। 2044 হায়বদি চহি 30গী মতম ওইগনি। মসিদি... কংগ্রেসকী চাউখৎপগী খোঙজেল অমসুং চাউখৎলবা ভারতকী চাউখৎপগী খোঙজেল অসি অদোম্না উরি। দিকেদ অমা খক্তদা, ভারত অসি খ্বাইদগী চাউবা শেন্মিৎলোন মঙাগী মনুংদা অমা ওইখ্রে। অমসুং মরুপশিং, ঐহাক্না মপুং ফানা থৌদাং লৌদুনা হায়জরি মদুদি হৌজিত্তি লাক্কদৌরিবা চহি খরসিদা ভারত অসি মালেমগী খ্বাইদগী চাউবা ইকোনোমীগী অহুমশুবা মফমদা ওইরকপা উরগনি। নহা ওইরিবা লৈবাক অমনা মসিগী খোঙজেল অসি মথৌ তাই অমসুং ঙসিদি ভারতনা খোঙজেল অসিগা লোয়ননা চংশিল্লি।
মরুপশিং,
মমাংগী লৈঙাকশিংনা রিফোর্মশিং তৌখিদে, অমসুং মসিবু ঐখোয়না কাউরোইদবনি। ETশিংনা মীশিংবু মসিগী মতাংদা নিংশিংহল্লি, ঐহাক্না অদোমদা নিংশিংহনবা পাম্মি। নীংশিংলিবা রিফোর্মশিং অসি কনভিক্সন নত্তে কম্পলজন্না ওইগনি। ঙসি ভারতনা পায়খৎলিবা রিফোর্মশিং অসি থাজবদগী পায়খৎলি। মখোয়গী মরক্তা ৱাখল্লোন অমা লাকখি মদুদি, হৌজিক কনা কনা কন্না হোৎনগনি, রিফোর্মশিংগী তঙাইফদবা করি লৈবগে, হৌজিক মীয়াম্না ঐখোয়দা ফম পাইহল্লে, নখোয় নশামক্না নুংঙাইথোকই, চহি 5 হৌহনখ্রগনি, মীখল লাকপদা ঐখোয়না উগনি। অচৌবা রিফোর্মশিংগা লোয়ননা লৈবাক অসিদা কয়া য়াম্না হোংদোকপা য়াবগে হায়বগী মতাংদা খন্ন-নৈনবা অমত্তা তৌরমদে। অদোমশিং অসি বিজিনেস মালেমগী মীওইশিংনি, অদোম্না কালক্যুলেৎ অমসুং খনবা খক্তমক নত্তে, অদোম্না অদোমগী স্ত্রেতেজী অমুক হন্না য়েংশিনবা তাই। নহাক্না অরিবা চৎনবীশিং থাদোক্তুনা চৎলি। মতম অমদা শেন্দোং লৈরম্বা পোৎলমশিংদসু অদোম্না থাদোকখি। করিগুম্বা পোৎলম অমবু ওবসোলিৎ ওইরবা পোৎলুম পুদুনা ইন্দস্ত্রী অমত্তনা চৎপা ঙম্লোই, মদু থাদোক্কদবনি। মহৌশানা, ভারতকী লৈঙাকশিংগী ওইনদি, মীনাই-নাইথাং ওইবগী চৈথেং মখাদা হিংবগী হৈনবী অমা শেমগৎলকখি। মরম অদুনা, নীংতম্বগী মতুংদা ফাওবা, ব্রিতিশকী মতমগী থবকশিং অসি মখা চত্থখি। হৌজিক ঐখোয়না মহৌশানা ঙাংই অমসুং তাই অমসুং করিগুম্বা মতমদা মসি য়াম্না মরু ওইবা মন্ত্র, য়াম্না শিংথানিংঙাই ওইবা মন্ত্রগুম্না ফাওই, ঐখোয়না অসুম্না হায়, জাস্তিস দেলে ইস জস্তিস দিনাইদ, ঐখোয়না অসিগুম্বা ৱাফমশিং অসি মতম শাংনা তাদুনা লাকখি, অদুবু মসি করম্না ফগৎহনগদগে হায়বগী মতাংদা থবক অমত্তা পায়খৎখিদে। মতমগী মতুং ইন্না, ঐখোয়না হায়রিবা পোৎলমশিং অসি য়াম্না হৈনরকখি, মদুদি ঐখোয়না অহোংবা অদু উবা ঙমখিদে। অমসুং ঐখোয়গী অসিগুম্বা ইকোসিস্তেম অসিসু লৈ, মফম অসিদা মরুপ-মপাং খরসু লৈরম্বা য়াই, মখোয়না অফবা ৱাফমশিং খন্ন-নৈনবগী অয়াবা পীদে। মখোয়না মসিবু থিংনবা হোৎনবদা শক্তি থাদখি। অদুগা দিমোক্রেসীদা, অফবা পোৎলমশিংগী মতাংদা খন্ন-নৈনবা, ব্রেন স্তোরমিং তৌবা, মসিসু দিমোক্রেসীগী মপাঙ্গলগীদমক্তা চপ মান্ননা মরু ওই। অদুবু করিগুম্বা নহাক্না করিগুম্বা নেগেতিব ওইবা ৱাফম অমা হায়রবদি, নেগেতিবিতী শন্দোক্লবদি, মদু দেমোক্রেসী ওইগনি হায়বা ৱাখল্লোন অমা লৈরে। করিগুম্বা পোজিতিব ওইবা ৱাফমশিং হায়রবদি, গনতন্ত্র অসি মপাঙ্গল হন্থরে হায়না ফোংদোক্কনি। অসিগুম্বা ৱাখল্লোন অসিদগী থাদোকপা অসি য়াম্না মরু ওই। ঐহাক্না অদোমদা খুদম খরা পীজগে।
মরুপশিং,
মতম খরগী মমাংদা ভারত্তা শীজিন্নরম্বা পেনাল কোদশিং অসি ইং 1860দা শেমখিবনি। লৈবাক অসিনা ইং 1860দা নীংতম্বা ফংখি অদুবু ঐখোয়না মসি নীংশিংখিদে মরমদি ঐখোয়না মীনাই-নাইথাংগী ৱাখল্লোনদা হিংবদা হৈনরমখি। মখোয়গী পান্দমদি, ইং 1860দা শেমখিবা আইনশিং অসিগী পান্দমদি ভারতকী প্রজাশিংদা চৈরাক পীনবা ভারত্তা মীনাই-নাইথাংগী ৱাখল্লোন মপাঙ্গল কনখৎহন্নবনি। চৈরাক পীবা অসি মরুওইনা লৌরিবা সিস্তেম অমদা অচুম্বা ৱায়েল অসি করম্না ফংগনি? মরম অদুনা, সিস্তেম অসিগী মতুং ইন্না, অচুম্বা ৱায়েল ফংনবগীদমক চহি কয়া অমা চঙখি। ঐখোয়না য়াম্না চাউবা অহোংবা অমা পুরক্লে, ঐখোয়না য়াম্না কন্না হোৎনখি, মসি অসুম্না থোকখিদে, মীওইবগী পুং লাখ কয়া অমা চংখি অমসুং ঐখোয়না ইন্দিয়ন জুদিসিএল কোদ পুথোকখি, ইন্দিয়ন পার্লিয়ামেন্তনা মসি খঙলে, হৌজিকসু মসিগী জুদিসিএল কোদ অসি চৎনরকপা থা 7-8 খক্তা ঙাইরি, অদুবু অহোংবা অসি ময়েক শেংনা উবা ফংলে। পাইচেদা নত্তে, করিগুম্বা নহাক্না মীয়ামগী মরক্তা চৎলবদি, নহাক্না অহোংবা অদু উগনি। জুদিসিএল কোদ অসি ইমপ্লিমেন্ত তৌরবা মতুংদা করি অহোংবশিং লাকখিবগে হায়বদু ঐহাক্না অদোমদা তাকচগে। ত্রিপল মর্দরগী কেস অমদা, FIR থারকপদগী ৱারোইশিন পুরকপদা নুমিৎ 14 খক্তমক চংখি, মদুদা মরাল লৈবশিংবু পুন্সি চুপ্পগী ওইনা কৈশুমশঙদা থাজিনখি। মফম অমদা, অঙাং অমা হাৎপগী কেস অমা নুমিৎ 20গী মনুংদা লোইশিনখি। গুজরাত্তা গেং রেপকী কেস অমদা, কেস অসি ওক্তোবর 9দা রেজিস্তর তৌখি, চার্জশিৎ অসি ওক্তোবর 26দা ফাইল তৌখি। অমসুং ঙসি ফেব্রুৱারী 15দা, কোর্তনা এক্যুজ ওইরিবা মীওইশিং অদু চৈরাক ফংহনখি। অন্ধ্র প্রদেশতা, থা মঙাগী অঙাং অমগী মায়োক্তা চত্থখিবা ক্রাইম অমগীদমক কোর্তনা এক্যুজ ওইরিবা মীওই অমদা চহি 25গী জেলগী চৈরাক পীখ্রে। দিজিতেল ইভিদেন্সনা মসিগী কেস অসিদা অচৌবা থৌদাং অমা লৌখি। অতোপ্পা কেস অমদা, ই-প্রিজন মোদ্যুল অসিনা রেপ অমসুং মর্দরগী মরাল লৈরিবশিং থিদোকপদা অচৌবা মতেং পাংখি। অসিগুম্বা মওংদা, স্তেৎ অমদা রেপ অমসুং মর্দরকী কেস অমা থোকখি অমসুং মরাল লৈবা মীওই অদু ক্রাইম অমগীদমক অতোপ্পা স্তেৎ অমদা জেলদা লৈরম্বা অদু খুদক্তা খঙখি। মসিগী মতুংদা, মহাকপু ফাজিনবদা মতম য়াম্না চংখিদে। ঙসিদি মীওই কয়া অমনা অচুম্বা ৱায়েল ফংলিবা অসিগুম্লবা থৌদোক কয়া ঐহাক্না মশীং থীবা ঙম্মী।
মরুপশিং,
অসিগুম্বা অচৌবা রিফোর্ম অমা প্রোপর্তী রাইতকী লমদা থোকখ্রে। য়ুনাইতেদ নেসন্সকী স্তদী অমদা, লৈবাক অমগী মীয়ামগী প্রোপর্তী রাইৎস লৈতবসি অচৌবা শিংনবনি হায়না লৌনখি। মালেমগী লৈবাক কয়াদা, মীওই করোর কয়াদা লোগী ওইবা প্রোপর্তী দোক্যুমেন্ত লৈতে। অদুম ওইনমক, প্রোপর্তী রাইৎস লৈবা মীওইশিংনা লাইরবশিং হন্থহনবদা মতেং পাংই। মমাংগী সরকারশিংনা হায়রিবা মওংশিং অসি খঙলমদে, অদুগা কনানা মসিগীদমক কোক শাগনি, কনানা কন্না হোৎনগনি, করিগুম্বা অসিগুম্বা থবক অসি ETগী হেদলাইন ওইদ্রবদি কনানা তৌগনি, অসিগুম্বা থৌওংগা লোয়ননা লৈবাক অমা চলাইবা নৎত্রগা শেমগৎপা নত্তে অমসুং মসিনা মরম ওইদুনা ঐখোয়না স্বামিত্ব য়োজনা হৌদোকখিবনি। স্বামিত্বা য়োজনাগী মখাদা লৈবাক অসিগী খুঙ্গং লাখ 3 হেনবদা দ্রোন সর্ভে তৌখি। মীওই করোর 2.25 হেনবদা প্রোপর্তী কার্দশিং পীখ্রে। ঙসি ঐহাক্না ETদা হেদলাইন অমা পীজরি, ETগীদমক্তা স্বামিত্বা ইবা খরা অরুবা অমনি, অদুবু অদুম ওইনমক মসি হৈনবী অমা ওইরক্লগনি।
স্বামিত্বা য়োজনাগী খুত্থাংদা, লৈবাক অসিগী খুঙ্গংগী লমশিংদা লুপা করোর লাখ 100গী প্রোপর্তীগী মমল লৈরে। হায়বদি, লুপা করোর লাখ 100গী লম অসি খুঙ্গংশিংদা মমাংদসু লৈরম্মি, লায়রবশিংদসু লৈরম্মি। অদুবু মসি শেন্মিৎলোন চাউখৎনবা শীজিন্নবা য়ারমদে। প্রোপর্তী রাইৎস লৈতবনা মরম ওইদুনা খুঙ্গংগী মীওইশিংনা বেঙ্কতগী লোন লৌবা ঙমখিদে। হৌজিক মসিগী প্রোব্লেম অসি মতম পুম্বগী ওইনা মুত্থৎখ্রে। ঙসিদি, লৈবাক শীনবা থুংনা অসিগুম্বা পাউশিং লাক্লি মদুদি স্বামিত্বা য়োজনাগী প্রোপর্তী কার্দকী খুত্থাংদা করম্না মীয়াম্না কান্নবা ফংলি। নুমিৎ খরনিগী মমাংদা, ঐহাক্না রাজস্থানগী ইচল অমগা ৱারী শানখি। ইচল অদুনা স্বামিত্ব য়োজনাগী মখাদা প্রোপর্তী কার্দ অমা ফংলে। মহাক্কী ইমুংনা চহি 20গী মমাংদগী অপিকপা য়ুম অমদা লৈরকখি। মখোয়না প্রোপর্তী কার্দ ফংবগা লোয়ননা বেঙ্কতগী চাউরাক্না লুপা লাখ 8গী লোন অমা ফংখি। মখোয়না পেপরশিং ফংলবা মতুংদা লুপা লাখ 8গী লোন অমা ফংখি। শেনফম অসিগা লোয়ননা, ঐগী ইচানুপীনা দুকান অমা হাংদোকখি, হৌজিক্তি মদুদগী ফংলিবা শেন্দোংগা লোয়ননা, ইমুং অদু হৌজিক্তি মখোয়গী অঙাংশিংগী হায়র এজুকেসনগী শেনফম পীবা ঙম্লে। হায়বদি, অহোংবা করম্না লাকপগে হায়বা অদু য়েংবীয়ু। অতোপ্পা রাজ্য অমদা, খুঙ্গং অমদা লৈবা মীওই অমনা লুপা লাখ 2গী লোন লৌখি। মহাক্কী প্রোপর্তী কার্দ উৎতুনা বেঙ্কতগী লুপা লাখ 4.5 লৌখি। লোন অদুগা লোয়ননা মহাক্না কার অমা লৈখি অমসুং ত্রান্সপোর্তেসনগী বিজিনেস অমা হৌখি। অতোপ্পা খুঙ্গং অমদা, মীওই অমনা মহাক্কী প্রোপর্তী কার্দতা লোন লৌখি অমসুং মহাক্কী লমদা মোদর্ন ইরিগেসন ফেসিলিতীশিং শাখি। অসিগুম্বা খুদম কয়া অমা লৈরি, মসিনা খুঙ্গংশিংদা লৈরিবা লাইরবশিংগীদমক্তা শেন্থোক ফংনবগী অনৌবা পাম্বৈশিং শেমগৎলি। মসিদি রিফোর্ম, পর্ফোর্ম, ত্রান্সফোর্মেসনগী অশেংবা ৱারীশিংনি, অমসুং মখোয় অসি পাউচে অমসুং TV চেনেলশিংগী হেদলাইনশিংদা য়াওদে।
মরুপশিং,
নীংতম্লবা মতুংদা, ঐখোয়গী লৈবাক অসিদা সরকারশিংনা চাউখৎপা পুরকপা ঙমদবা জিলা কয়া লৈখি। অমসুং মসি মখোয়গী লৈঙাক লৈতবগী মরম ওইরি। বজেৎ শেমখি, মসিসু লাউথোকখি, সেনসেক্সকী রিপোর্তশিংসু ফোঙখি, মসি হেনগৎলকখি নত্রগা হন্থরকখি। তৌগদবা অসিদি হায়রিবা জিলাশিং অসিদা মীৎয়েং থম্বা অসিনি। অদুবু হায়রিবা জিলাশিং অসি শোত্থরবা জিলাশিংনি হায়না লেবেল তৌখি অমসুং মখোয় মশাগী পাম্বৈগী মতুং ইন্না চৎপা য়াহনখি। কনা অমত্তনা হায়রিবা জিলাশিং অসিদা শেমগৎনবা শেম-শাবা লৈতে। লৈঙাক্কী ওফিসর অমা মফম অসিদা ত্রান্সফর তৌখ্রবসু, মহাকপু পনিশমেন্ত পোস্তিং অমদা থাবনি হায়না লৌনৈ।
মরুপশিং,
ঐহাক্না অসিগুম্বা নেগেতিব ওইবা অকোয়বগী ফিভম অসিবু শিংনবা অমা ওইনা লৌখি অমসুং এপ্রোচ পুম্নমক হোংদোকখি। ঐখোয়না লৈবাক অসিগী জিলা 100 হেন্না মশক খঙদোক্লে, মখোয়শিং অসি মতম অমদা শোত্থরবা জিলাশিং হায়না খঙনরম্মি। ঐহাক্না হায়খি মদুদি মসি এস্পিরেস্নেল দিস্ত্রিক্তশিংনি। মখোয়শিং অসি শোত্থবা নত্তে। মফম অদুদা লৈবাক্কী নহা ওইরিবা ওফিসরশিংদা ঐখোয়না থবক পীবা হৌখি। ঐখোয়না মাইক্রো লেভেলদা গবর্নান্স ফগৎহন্নবা হোৎনবা হৌখি। ঐখোয়না হায়রিবা জিলাশিং অসিনা শোত্থরিবা ইন্দিকেতরশিংদা থবক তৌখি। অদুদগী, মিসন মোদতা, কেম্পশিং লিংখৎতুনা, ঐখোয়না মফম অসিদা সরকারগী মরুওইবা স্কিমশিং পায়খৎলি। ঙসিদি, মসিগী এস্পিরেস্নেল দিস্ত্রিক্তশিং অসি লৈবাক অসিগী এন্সপিরেস্নেল দিস্ত্রিক্তশিং ওইরক্লি।
2018দা, ঐহাক্না অসামগী এস্পিরেস্নেল জিলাশিং, মমাংগী সরকারনা শোত্থরবা হায়না কৌরম্বা জিলাশিং অদু পনখি। অসামগী বরপেতা জিলাদা, ইলিমেন্তরী স্কুলশিংগী চাদা 26 খক্তদা মহৈরোয়গা ওজাগী চাং অসি চাদা 26 খক্তনি। ঙসিদি, জিলা অদুদা লৈরিবা স্কুল 100গী মনুংদা ত্রেনিংগী মথৌ তাবশিংগী মতুং ইন্না মহৈরোয়গা ওজাগী চাংদা লৈরে। বিহারগী বেগুসরাই জিলাদা, মীরোনবী নুপীগী মশীংনা সপ্লিমেন্ত ন্যুত্রিসন লৌবগী চাং অসি চাদা 21 খক্তমক ওইখি। বজেৎ লৈতে হায়বদু নত্তে, বজেৎ লৈ, চাদা 21 খক্তনি। অদুগা, য়ু.পি.গী চান্দৌলি জিলাতা, মসি চাদা 14 ওইখি। ঙসিদি জিলা অনিমক্তা 100% ওইখ্রে। মসিগা মান্ননা, অঙাংশিংগী চাদা 100 বেক্সিনেসনগী কেম্পেনদা, জিলা কয়ানা অফবা থবকশিং পাংথোক্লি। য়ু.পি.গী শ্রাবস্তিদা ঐখোয়না 49%দগী 86%দা হেনগৎলে, অমসুং তামিল নাদুগী রামনাথপুরমদা ঐখোয়না 67%দগী 93%দা হেনগৎলে। অসিগুম্বা মায় পাকপশিং অসি য়েংলগা, হৌজিক ঐখোয়গী এক্সপরিমেন্ত অসি য়াম্না মায় পাক্লে, গ্রাস রুত লেভেলদা অহোংবা পুরক্নবা হোৎনরিবা অসি মায় পাক্লে, মরম অদুনা মমাংদা ঐখোয়না এস্পিরেস্নেল দিস্ত্রিক্ত 100বু এস্পিরেস্নেল ব্লোকশিং ওইনা লাউথোক্লে, অমসুং ঐখোয়না মফমশিং অসিদা য়াম্না থুনা অমসুং মীৎয়েং চঙনা থবক তৌরি। ভারতকী ব্লোক 500দা তঙাই ফদবা অহোংবশিং লাক্কনি, হায়বদি লৈবাক অসিগী পেরামিতর পুম্নমক হোংলগনি হায়বসি অদোম্না খনবা য়াই।
মরুপশিং,
ইন্দস্ত্রীগী মকোক থোংবা মীওই কয়া অমা মফম অসিদা লৈরি। অদোম্না চহি তরাগী খুজিং কয়া অমা উখ্রে, অদোম্না চহি তরাগী খুজিং কয়াদগী ললোন-ইতিক তৌরি। ভারত্তা বিজিনেসকী ফিভম করম্না ওইগদগে হায়বদু অদোমগী অপাম্বগী লিস্ততা য়াওরম্মি। ঐখোয়না চহি 10গী মমাংদা লৈরম্বা অদুগা ঙসি ঐখোয়না লৈরিবসি করিনো খল্লু? চহি তরাগী মমাংদা, ভারতকী বেঙ্কশিংনা অচৌবা অৱাবা অমা মায়োক্নখি। ঐখোয়গী বেঙ্কিং সিস্তেম অসি শোন্না লৈরমখি। ভারত মচা করোর কয়া বেঙ্কিং সিস্তেমগী মপান্দা লৈখি। অদুগা হন্দক্তা ভিনিৎ জীনা জন ধন একাউন্তগী মতাংদা খন্নখি। ভারত অসি মালেমগী লৈবাকশিংগী মরক্তা ক্রেদিৎ ফংবদা খ্বাইদগী অৱাবা ওইবা লৈবাক অমনি।
মরুপশিং,
ঐখোয়না বেঙ্কিং সেক্তরবু মপাঙ্গল কনখৎহন্নবা তোঙান তোঙানবা থাক্তা পুন্না থবক তৌমিন্নখি। বেঙ্ককী খুদোংচাবা লৈতবশিংদা বেঙ্কিং ফংহনবা, খুদোংচাবা লৈতবশিংদা শেন্থং পীবা, শেল থুমগী খুদোংচাবা লৈতবশিংদা শেল থাদবা অসি ঐখোয়গী থৌরাংনি। চহি 10গী মমাংদা, লৈবাক অসিদা বেঙ্ককী ব্রাঞ্চ লৈত্রবদি, ফাইনান্সিএল ইনক্লুজন অসি করম্না ফংলগনি হায়বগী ৱাফম থমখি। ঙসিদি, লৈবাক অসিগী খুঙ্গং খুদিংমক্কী কিলোমীতর 5গী রেদিয়স মনুংদা বেঙ্ক ব্রাঞ্চ অমা নৎত্রগা বেঙ্কিং কোরেসপোন্দেন্ত অমা লৈরে। ক্রেদিৎকী খুদোংচাবা হেনগৎলকপগী খুদম অমা হায়রগদি মুদ্রা য়োজনা অসিনি। হান্নগী বেঙ্ক সিস্তেমগী মখাদা লোন ফংলমদবা মীওইশিংদা চাউরাক্না লুপা করোর লাখ 32 ফংহনখ্রে। মসি য়াম্না চাউবা অহোংবা অমনি। ঙসিদি MSMEশিংগীদমক লোন লৌবা য়াম্না লায়থোক্লে। ঙসিদি ঐখোয়না লম্বীদা পোৎ য়োল্লিবশিং ফাওবা লায়না শেল থাদবা ঙমহল্লে। লৌমীশিংদা পীবা লোনগী শেনফমসু শরুক অনি হেনগৎলে। ঐখোয়না লোন মশিং য়াম্না পীরি, অচৌবা শেনফমদা লোনশিং পীরি অমসুং মসিগা লোয়ননা ঐখোয়গী বেঙ্কশিংগী শেন্দোংসু হেনগৎলক্লি। চহি 10গী মমাংদা, ইকোনোমিক তাইম্স খক্তনা বেঙ্কশিংদা রেকোর্দ ওইবা স্কেমগী পাউশিং ফোঙই। ইদিতোরিএলশিং অসি NPAগী রেকোর্দকী মতাংদা খন্ন-নৈনবগীদমক ফোংদোক্লম্মি। অদোমগী ঙসিগী পাউচেদা করি ফোঙলি? এপ্রিলদগী দিসেম্বর ফাওবদা, সরকারগী বেঙ্কশিংনা রেকোর্দ ওইনা লুপা করোর 1,000 হেন্না ফংখি। লুপা করোর লাখ 1.25গী শেনফম ওইগনি। মরুপশিং, হোংখিবা অসি হেদলাইনশিং খক্তা নত্তে। সিস্তেম অসি হোংখ্রে, মসিদা মরুওইনা ঐখোয়গী বেঙ্কিং রিফোর্মশিং য়াওরি। মসিনা ঐখোয়গী শেন্মিৎলোনগী য়ুম্ফমশিং অসি কয়া য়াম্না মপাঙ্গল কনখৎলিবগে হায়বদু উৎলি।
মরুপশিং,
হৌখিবা চহি তরা অসিদা, ঐখোয়না ললোন-ইতিক তৌবগী অকিবা অসি ইজ ওদ দুইং বিজিনেসতা ওন্থোকখ্রে। GSTনা মরম ওইদুনা, লৈবাক অসিদা শেমখিবা সিঙ্গল লার্জ মার্কেতকী সিস্তেম অসিনা ইন্দস্ত্রীদা কান্নবা কয়া ফংহল্লি। হৌখিবা চহি তরা অসিদা, ইনফ্রাস্ত্রকচরদা মমাংদা অমুক্তা ওইখিদ্রিবা চাউখৎপা অমা উবা ফংখি। মসিনা মরম ওইদুনা, লৈবাক অসিদা লোজিস্তিক্সকী শেনফম হন্থরক্লি, ইফিসিএন্সী হেনগৎলক্লি। ঐখোয়না কমপ্লাইএন্সী কয়া মুত্থৎখ্রে অমসুং হৌজিক্তি জনবিশ্বস 2.0গা লোয়ননা ঐখোয়না কমপ্লাইএন্সশিং হেন্না হন্থহল্লে। লৈঙাক অসিনা খুন্নাইদা লৈঙাক্না খুৎ থিংজিনবা হন্থহন্নবা দিরেগুলেসন কম্মিসন অমা শেম্লগনি, অমসুং মসি ঐহাক্কী থাজবনি।
মরুপশিং,
ঙসিগী ভারত্তা ঐখোয়না অতোপ্পা অচৌবা অহোংবা অমা উবা ফংলি। অহোংবা অসি তুংলমচৎকী শেম-শাবগা মরী লৈনৈ। মালেমদা অহানবা ইন্দস্ত্রিএল রিভোলুসন হৌরকপা মতমদা, ভারত্তা মীনাই-নাইথাংগী য়োৎলিং অসি হেন্না চেৎশিল্লকখি। অনিশুবা ইন্দস্ত্রিএল রিভোলুসনগী মতমদা, মালেমদা অনৌবা ইনভেন্সনশিং অমসুং অনৌবা ফেক্তরীশিং লিংখৎপা মতমদা, ভারত্তা লোকেল ইন্দস্ত্রীশিং মাংখি। রো মেতরিএল অসি ভারতকী মপান্দা পুথোকখি। নীংতম্বগী মতুংদা ফাওবা, ফিভম অসি য়াম্না হোংখিদে। মালেম অসিনা কম্প্যুতরগী অহোংবা পুরক্নবা হোৎনরিঙৈদা ভারত্তা মীওই অমনা কম্প্যুতর অমা লৈনবা লাইসেন্স লৌবা মথৌ তাখি। ভারতনা অহানবা ইন্দস্ত্রীএল রিভোলুসন অহুমদগী কান্নবা কয়া লৌবা ঙমখিদ্রবসু, মরিশুবা ইন্দস্ত্রীএল রিভোলুসন অসিদা ভারতনা মালেমগা লোয়ননা চৎমিন্নবা শেম-শারি।
মরুপশিং,
ঐখোয়গী সরকারনা প্রাইবেৎ সেক্তরবু চাউখৎলবা ভারত অমগী মাইকৈদা চংশিল্লিবা খোঙচৎ অসিদা য়াম্না মরু ওইবা পার্তনর অমা ওইনা লৌরি। সরকারনা স্পেস সেক্তরগুম্বা প্রাইবেৎ সেক্তরগীদমক অনৌবা সেক্তর কয়া হাংদোক্লে। ঙসি, নহা কয়া অমসুং স্তার্ত অপ কয়া অমনা স্পেস সেক্তরদা অচৌবা থৌদাং লৌরি। মসিগা মান্ননা, দ্রোন সেক্তর অসি মতম খরগী মমাং ফাওবদা মীয়ামগীদমক্তা থিংজিনখি। ঙসিদি, সেক্তর অসিদা নহারোলশিংগীদমক্তা খুদোংচাবা কয়া অমা উবা ফংলে। কম্মর্সিএল কোল মাইনিংগী লম অসি প্রাইবেৎ ফার্মশিংগীদমক হাংদোক্লে। ওক্সনশিং অসি প্রাইবেৎ কম্পনীশিংগীদমক লিবরেলাইজ তৌখ্রে। লৈবাক অসিগী রিন্যুএবল ইনর্জীগী মায়পাকপদা ঐখোয়গী প্রাইবেৎ সেক্তরগী য়াম্না মরু ওইবা থৌদাং লৈ। অমসুং হেন্না ইফিসিএন্সী লৈহন্নবা হৌজিক ঐখোয়না পাৱর দিস্ত্রিব্যুসন সেক্তরদা প্রাইবেৎ সেক্তরবুসু প্রমোৎ তৌরি। ঐখোয়গী বজেৎ অসিদা চাউনা অহোংবা অমা লাক্লে। ঐখোয়না, হায়বদি, কনাগুম্বা অমত্তনা মসি ঙল্লিঙৈদা হায়বগী থৌনা লৈখিদে। ঐখোয়না ন্যুক্লিয়র সেক্তরদা প্রাইবেৎ পার্তিসিপেসনগীদমক থোংসু হাংদোক্লে।
মরুপশিং,
ঙসিদি, ঐখোয়গী রাজনিতী অসিসু পর্ফোমেন্স ওরিয়েন্তেদ ওইরে। হৌজিক ভারতকী প্রজাশিংনা মসি ময়েক শেংনা হায়খ্রে – গ্রাউন্দগা কন্নেক্তেদ ওইনা লৈদুনা অমসুং গ্রাউন্দদা ফলশিং পুরকপা মীওই খক্তনা হিংবা ঙমগনি। মীয়ামগী প্রোব্লেমশিংদা সরকারনা সেন্সিতিব ওইবা অসি য়াম্না মরু ওই, মসি মসিগী অহানবা মথৌ তাবনি। ঐখোয়গী মমাংদা পোলিসী শেম্বগী থৌদাং লৌরম্বা মীওইশিং অদুদি অরোইবদা সেন্সিতিবিতী উবা ফংলম্মি। ৱিলপাৱর অসি অরোইবদা উবা ফংখি। ঐখোয়গী সরকারনা মীয়ামগী অৱাবা অদু খঙখি অমসুং মখোয়শিং অদুদা পুক্নিং চিংশিন্দুনা লোইশিন্নবা মথৌ তাবা খোঙথাংশিং লৌখৎখি। ঙসিদি, মালেমগী স্তদী কয়ানা উৎলি মদুদি হৌখিবা চহি তরা অসিদা লৈবাক মীয়ামদা ফংহনখিবা মরুওইবা খুদোংচাবশিং অসিনা মরম ওইদুনা, মখোয়বু মপাঙ্গল কনখৎহনখিবা মওংদা, ভারত মচা করোর 25না চহি 10 খক্তদা লায়বদগী থোরকপা ঙমখ্রে অসিগুম্বা অচৌবা কাঙলুপ অসি নিও-মিদ্দল ক্লাসকী শরুক অমা ওইখি। নিও-মিদ্দল ক্লাস অসিনা হৌজিক্কী ওইনা মখোয়গী অহানবা তু-হ্বীলর, মখোয়গী অহানবা কার, মখোয়গী অহানবা য়ুম লৈনবা মঙলান শাগৎলি। মিদ্দল ক্লাসপু মতেং পাংনবা, চহি অসিগী বজেৎতা ঐখোয়না জিরো তেক্সকী লিমিৎ অসি লাখ 7দগী লাখ 12দা হেনগৎহনখ্রে। মসিগী ৱারেপ অসিনা মিদ্দল ক্লাস পুম্নমকপু মপাঙ্গল কনখৎহল্লগনি অমসুং লৈবাক অসিদা ইকোনোমিক এক্তিবিতীসু হেনগৎহল্লগনি। মসি প্রো-এক্তিব ওইবা অমসুং ৱাখল লৈরবা সরকার অমনা মরম ওইদুনা ওইথোকপা ঙমখি।
মরুপশিং,
চাউখৎলবা ভারত অমগী অশেংবা য়ুম্ফমদি থাজবা, থাজবা অসিনি। প্রজা খুদিংমক, সরকার খুদিংমক, বিজিনেস লিদর খুদিংমক্না মসিগী ইলিমেন্ত অসি লৈবা য়াম্না মরু ওই। প্রজাশিংগী মরক্তা থাজবা হেনগৎহন্নবা সরকারনা মপুং ফানা হোৎনরি। ঐখোয়না ইন্নোবেতরশিংবু মখোয়গী ৱাখল্লোনশিংবু ইনক্যুবেৎ তৌবা ঙম্বা অকোয়বগী ফিভম অমা লৈহন্নবগী থাজবা পীরি। পোলিসীশিং অসি স্তেবল অমসুং সপ্পোর্তিব ওইদুনা লৈহনগনি হায়নসু ঐখোয়না বিজিনেসশিংদা থাজবা পীরি। ঐনা থাজৈ মদুদি ET নাউ সম্মিৎ মসিগী থাজবা অসি হেন্না মপাঙ্গল কনখৎহল্লগনি। ৱাহৈশিং অসিগা লোয়ননা ঐহাক্না অমুক হন্না ময়াম পুম্নমকপু য়াইফ-পাউজেল পীজদুনা ঐহাক্কী ৱারোল লোইশিনজরি। অদোমবু হন্না-হন্না থাগৎচরি।
