“স্পোর্তস্তা মাইথিবা হায়বা লৈতে, থোইবা নত্ত্রগা তমশিনবা খক্তা লৈগনি”
“নখোয়গী মাইপাকপনা লৈবাক পুম্বদা ইথিল পীখি অমসুং প্রজাশিংদা চাউথোকচবগী ইহুল অমসু পোকহনখি”“হৌজিক মতম অসিদা স্পোর্তস অসি শিনফম অমা ওইনসু লৌনরক্লি”“দিব্যাঙ্গ অমনা স্পোর্তস্তা থোইবা হায়বা অসি স্পোর্তসকী ওইনা ইথিল পীনবা ৱাফম ওইবা খক্তা নত্তনা পুন্সিগী ওইনসু ইথিল পীনীংঙাই ওইবা ৱাফম অমা ওইরি”“মমাংগী এপ্রোচ অসি ‘এথলেৎ ফোর দি গভর্নমেন্ত’ ওইরম্বা অদু হৌজিক্তি ‘গভর্মেন্ত ফোর দি এথলেৎস’ ওইহল্লে”“সরকারগী এপ্রোচ অসি ঙসিদি এথলেৎ-সেন্ত্রিক ওইরে”“পোতেন্সিএল প্লস প্লেৎফোর্ম অসি পরফোর্মেন্সকা মান্নৈ। পোতেন্সিএলনা মথৌ তাবা প্লেৎফোর্ম ফংলবা মতমদা পরফোর্মেন্সতা শাহৌ পী”“নখোয়না তোর্নামেন্ত খুদিংদা শরুক য়াবা হায়বা অসি মীওইবগী মঙলানশিংনা থোইবনি”মরুপশিং,
ঐহাক্তি অদোমগা উন্নবগী মরম থিদুনা লৈরিবনি, অদোমগা করম কান্দা উন্নগনি হায়না ঙাইজরিবনি। অদোমগী এক্সপেরিএন্সকী মতাংদা তানীংলিবনি, অদুগা অদোম্না লাকপসি শক্তি অমা, ইনর্জী অমা পুদুনা লাকপা ঐহাক্না মতম পুম্বদা উরি। মসিমক্না অচৌবা ইথিল অমা অদুমা ওইজৈ। অদুনা, ঐহাক্না অদোমগী মরক্তা লাক্লিবসি থবক অমখক তৌগে হায়না লাক্লিবনি – মদুদি, অদোম্বু থাগৎপা অসিনি। অদোম পুম্নমক ভারতকী মপান্দা লৈরুই, চাইনাদা শান্নবা চৎলুই। অদুবু, ঐহাকসু অদোমগা লোয়নদুনা লৈখি হায়বসি অদোম্না খঙলমদবা য়াই। অদোম্না হোৎনবা, অদোমগী থাজবা খুদিংমক ঐহাক্না মফমসিদগী থেংনরিবনি। অদোম্না লৈবাক্কী মিংচৎ পুরকপগী মওং-মতৌ খুদিংমক মশক থোকপা থৌওং ঙাক্তনি। অদুনা, ঐহাক্না অদোমগী কোচ, ইমুংবু থাগৎলিবমখৈ তাগনি। মসিগুম্বা পুৱারী ওইরবা মায় পাকপা অসিগীদমক্তা ঐহাক্না লৈবাক মীয়ামগী মাইকৈদগী অদোম্বু ইকায় খুম্নবগা লোয়ননা থম্মোই শেংনা থাগৎচরি।
মরুপশিং,
স্পোর্ত অসি মতম পুম্বদা য়াম্না চাংদম্ননীংঙাই ওই হায়বা অদোমদি ময়েক শেংনা খঙলবনি। অদোম্না মশান্না খুদিংদা অতোপ্পা শান্নরোই অমগা চাংয়েংনৈ, য়াম্না কন্না মাইয়োক্নৈ। চাংয়েংনবগী মতৌ অসি অদোমগী নুংদসু পাংথোক্লি হায়বা ঐহাক খঙই। অদোম্না নুমিৎ খুদিংগী ইশাগা চাংয়েংনৈ । ইশামক্কা মাইয়োক্নবা, ঙম্নবা অমসুং ইশাবু হঞ্জিন-হঞ্জিন্ননা খঙহনবগী মথৌসু তাই। হয়েং অয়ুক্তি হৌগৎলরোই হায়না করিগুম্বা মতমদা খনবসু য়াওরমগনি, অদুবু করম্বা ইনর্জীনো খঙদবা অমনা মথন্নতা হৌদোকপা, চেলহনবগী মতৌ থেংনরমগনি। ত্রেনিং তৌনিংদ্রে হায়রগসু তৌদবা য়াদে, অতোপ্পনা ত্রেনিং সেন্তরদগী ময়ুমদা হন্নখ্রবসু, শাংথনা লৈথহৌদুনা অতোপ্পদগী হেন্না হুমাং তাহনবা, হোৎনবগী মথৌসু তাদবা নত্তে। সনা অসিদি তক্লিবমখৈ লংবা হেল্লি হায়নবা লৈরিবদুনি। অদুগা, গেম্স অসিদা শরুক য়ানবা খল্লবশিংগী মরক্তগী, কয়া অমনা মায় পাক্লগা হল্লকই, কয়া অমনা অনৌবা পরা তমদুনা হল্লকই, কনা অমত্তনা মায়থীরগা লাক্তে। ঐহাক্কী ওইনদি য়াম্না চনবা ৱাহন্থোক অমখক লৈ। শান্নবদা শুপ্নগী ৱাফম অনিখক লৈ। মায় পাকপা, নত্ত্রগা অনৌবা পরা তম্বা, মসিদা মায়থীবা হায়বা লৈতে। ঐহাক্না অদোমগা ৱারি শারিঙৈদা, মীওই খরনা হন্দক্কী মতাংসিদা অৱাৎপা অমদি লৈখ্রে, মথংদদি নীংথিনা পাংথোক্লগে হায়নবা য়াওই। মসিনা হায়বদি, মখোয়না করিগুম্বা খরা তম্লগা লাক্লবনি, মশাদা থাজবা অমা পুদুনা লাক্লবনি। গেম্স অসিগীদমক্তা মীওই কয়া চৎখিবনি, অহানবা ওইনা চৎপসু য়াওদবা নত্তে। অদুবু, মীওই করোর 140গী মরক্তগী সেলেক্সন তৌরকপা, মসিমক্না অদোমগী মায় পাকপা অমা ওইরিবনি।
অদোম্না শিংনবা কয়াগা মাইয়োক্নদুনা ইশাগী পাঙ্গল য়াম্না কনখৎহল্লবনি। মসিদি অদোমগী গ্রুপকী রিজল্ত মনুং চনবা মশিং নত্তে, মসিগীদমক্তা লৈবাক্না চাউথোকচরিবনি। অনৌবা থাজবা অমনা লৈবাকপু থনহল্লিবনি। অদোম্না হান্নগী রেকোর্দ খক্তমক থুগায়বা নত্তে, মশান্না খরদদি, ফজরবা রেকোর্দ কয়া থমখ্রে, অদুগা মথংগী গেম্স অনি অহুম ফাওবদি রেকোর্দ অসি কনা অমত্তনা থুগায়বা ঙম্লোইদবা ফিভম ফাওবা শেম্লবনি। অদোম্না মেদল 111 পুদুনা য়ুমদা হল্লক্লে, মসি অপীকপা মশিং নত্তে। ঐহাক্না করিগুম্বা অমা নীংশিংলক্লে, ঐহাক্না রাজনীতিদা নৌনা খোঙদারকপা মতমদনি। পার্তীগী থবক থৌরম শিন-লাঙবগী থৌদাং পায়বা মতম্নি। ঐখোয়না গুজরাতকী লোক সভা মীখলদা সিত 12দা মীখল মাইয়োক্নখিবনি, সিত 12 ফংবসু ঙমখি। মদুদগী ঐহাক দিল্লীদা চৎখি, অমসুং অঙকপা থৌদোক অমা থেংনখি। ঐহাকপু নেতা অতল বিহারী বাজপায়না কোনশিন্দুনা তরিনিথোই অসি করিনো হংলকখি। তরানিথোইদা তরানিথোই ফংবা হায়বসিগী ৱাহন্থোক করিনো খঙবরা হংলকখি। মহাক্না হায়খি, লৈবাক শিনবা থুংবদা তরানিথোই অমুক ফাওবা কাখিদ্রি, অদুগা, অদোম্না রাজ্য অমখক্তদগী তরানিথোই কাহনখ্রবা। ঐহাক্না ৱাফম অসি অতলজীনা হায়্রক্ত্রিবা ফাওবদি করিমত্তা খঞ্জিল্লুদে। ঐহাক ঙসি, অদোমগীদমক্তা হায়রগে। মসিগী 111 অসি শুপ্নগী 111 নত্তে। মসিদি মীওই করোর 140গী মঙলান্নি। ভারতনা ইং 2014গী পেরা এসিয়ন গেম্সতা লৌখিবা মেদল মশিংগী শরুক 3দগীসু হন্দক্না হেল্লিবনি। ইং 2014গা চাংদম্নবদা, ঐখোয়না গোল্দ মেদল মশিং অসি চাউরাক্না শরুক 10 হেন্না ফংলিবনি। ইং 2014দা ঐখোয়না পুম্নমক্কী ওইনা 15শুবা থাক্তা লৈখি, অদুবু অদোম পুম্নমক্না লৈবাক অসিবু মকোক থোংবা মঙাগী মনুং চলহনখি। লৈবাক অসিনা হৌখিবা চহি মাপন্দা মালেমগী অচৌবা শেন্মিৎলোন তরাগী মনুংদা মঙাশুবা থাক্তা য়ৌখ্রে। অদোম্নসু লৈবাকপু মঙাশুবা থাক্তা থম্লে। মসিদি অদোমগী হোৎনজমনগী মহৈনি, মসিমক্না অদোম্বু পুম্নমক্না থাগৎনফম থোক্লিবনি।
মরুপশিং,
হৌখিবা থা খরসিদি, ভারতকী শান্ন-খোৎনবগী লমদা য়াম্না য়াইফবা মতম অমা ওইখি। মসিদা লাক্লিবা অদোমগী মায় পাকপশিংনা অমুক্কা হেন্না ফজহল্লে। ওগস্ত থাদা বুদাপেস্ততা পাংথোকপা ৱর্ল্দ এথলেতিক্স চেম্পিয়নশিপ্তা গোল্দ মেদল ফংখি। ভারতকী নুপাগী দবল্স বেদমিন্তন তীম্না এসিয়ন গেম্সতা অহানবা গোল্দ মেদল ফংখি। ভারতকী অহানবা নুপী দবল্স পুংবানা এসিয়ন গেম্সতা তেবল তেন্নিসকী গোল্দ লৌখি। ভারতকী নুপাগী বেদমিন্তন তীম্না ইং 2022দা থোমাস কপ্তা পুৱারী শেমখি। ঐখোয়গী এথলেতিক্স তীম্না এসিয়ন গেম্সতা হৌজিক ফাওবগী খ্বাইদগী পুৱারী ওইরবা পরফোর্মেন্স উৎখি, গোল্দ 28কা লোয়ননা পুন্না মেদল 107 ফংখি। অদুগা, এসিয়ন পেরা গেম্সতা হৌজিক ফাওবগী ওইবা খ্বাইদগী ফজবা পরফোর্মেন্স উৎখি।
মরুপশিং,
অদোমগী মসিগুম্বা পরফোর্মেন্স উরুবদা লৈবাক পুম্বনা থৱাই নুংঙাইখি। ৱাফম অমনা, গেম্স অমদা শান্নরোই অমনা মেদল পুদুনা লাকপা খুদিংদা, শান্ন-খোৎনবগী মালেম, শান্নরোই, অনৌবা শান্নরোই, মখোয় পুম্নমক্কী অচৌবা ইথিল অমা ওইনরিবনি। থাজবা লাকপগী ফিভম শেম্লিবনি। অদুবু, দিব্যাং অমনা মায় পাক্তুনা লাক্লবদি, শান্ন-খোৎনবা খক্তা নত্তনা, পুন্সিগী কাঙলুপ খুদিংগী ইথিল ওইরিবনি। অৱাবা মাইয়োক্নবা মীওই খুদিংনা মখোয়গী মায় পাকপা উবদা পাঙ্গল অমা লাক্লিবনি, মপু ইবুংঙোনা ঐখোয়গী ইফমদা পুম্নমক পীবিরি, অদুবু, মখোয়না অৱাৎপা লৈনা-লৈনা অশুক চাউবা মায় পাকপা ফংলি, অদুগা ঐনা মসিদা ৱারে হায়দুনা লৈথোক্লি, মসি য়াদে হায়বগী ইথিল পীরিবনি। হৌগত্তুনা মশাগী থৌগল পাংথোকহল্লিবনি। অদুনা অদোম্না মায় পাকপা মতমদা, মদুনা মীওই কয়াগী ইথিল ওইরিবনি। অদোমগী ইথিল অসিদি শান্ন-খোৎনবা খক্তা অকক্নবা লৈতে, পুন্সিগী কাঙলুপ খুদিংগী মীওইদা ইথিল পীরিবনি। মসিগুম্বা অথোইবা থবক অমা অদোম্না পাংথোক্লিবনি, মরুপশিং।
মরুপশিং,
মসিনা স্পোর্তিং কলচর অমসুং স্পোর্তিং সোসাইতী অমগী মতৌগা লোয়ননা ভারতনা নুমিৎ খুদিংগী চাউখৎলকপগী ফিভম ঐখোয়না উরি। তুংলমচত্তা চঙশিন্নবা থৌনা হাপ্পগী মরম অমসু লৈ। ঐখোয়না হৌজিক ইং 2030দা য়ুথ ওলিম্পিক্স অমসুং ইং 2036তা ওলিম্পিক্স গেম্সকী য়ুম্বু ওইবা ঙম্নবা হোৎনরি।
মরুপশিং,
শান্ন-খোৎনবদা অশম্বা হায়বা লৈতে হায়বা অদোম খঙলে। শান্নরোই অমনা হোৎনগদবা পুম্নমক অসি ঐখোয়না হোৎনরুবা য়াবা নত্তে, মখোয় মশানা হোৎনজগদবনি। মরী লৈনবা থবক খুদিংমক শান্নরোইশিংনা শিন লাঙবা তাবনি। মসিদা মহুত শিনবা কনামত্তা য়ারোই, মখোয় মশাগী হোৎনজমন ওইগদবনি। শান্নবগী প্রেসন খুদিংসু শান্নরোইনা পুই। অদোমগী খাঙবা কনবা অমসুং হোৎনবা কনবা হায়বসি য়াম্না মরু ওই। মীওই খুদিংনা মশাগী মতিক মগুন শিজিন্নদুনা অচৌবা থবক কয়া পাংথোকপা ঙম্মি। মসিদা মখোয়বু তেংবাংবীরবদি, মখোয়না মায় পাকপা ঙম্বগী শরুক য়াম্না হেনগনি। ইমুং, লুপ, খুন্নাই অমসুং অতোপ্পা তেংবাংবা ঙম্বা ইকোসীস্তেমশিংনা শান্নরোইশিংবু মায় পাকপগী থাক হেনগৎহন্নবা পুক্নিং থৌগৎলি। মমাংগী মতমদা, অঙাং অমনা শান্ন-খোৎনবদা থৱাই য়াওরকপা উবা মতমদা, মমা-মপানা মহৈ তম্মু, হয়েং করি চাগে হায়রিনো হায়না মখোয়গী শান্নবগী মঙলান্দা অয়েৎপা পীরম্মি। হৌজিক্তি, লৈবাক্কী শান্নরোই কয়ানা মেদল কয়া পুদুনা লাক্লিবা অসিনা খুন্নাইদা অওনবা অমা লাক্লে। শান্ন-খোৎনবদা পুক্নিং থৌগৎনরে।
মরুপশিং,
মতমদুদা, স্পোর্ত্তা লৈবা মীওইশিংবু সেত্তল তৌরে হায়না খন্নরমদে। সেত্তল তৌনবা করি তৌগে খল্লিবনো হায়না মহাক্কী মফমদা হংনরম্বনি। হৌজিক্তি, স্পোর্ত অসিবু প্রোফেসন অমা অইনা লৌবা হৌনরে।
মরুপশিং,
সরকারগী মতাংদা ৱারি শাবা মতমদা, শান্নরোইশিং খুদিংমক সরকারগী মখাদা লৈবনি খন্নরম্মি। অদুবু, হৌজিক্তি সরকার অসি শান্নরোইশিংগীনি হায়না খন্নরে। সরকার অমসুং পোলিসী শেম্বশিংনা লৈমায়দা তসেংনা থোক্লিবা ফিভমশিংগা হকথেংননা মরী লৈনরবা, সরকারনা শান্নরোইশিংগী অনিংবা অপাম্বা খঙলবা, সরকারনা শান্নরোইশিংনা মাইয়োক্নবা শিংনবশিং খঙলবা, মসিগী হকথেংনবা মহৈ অসি ঐখোয়না সরকারগী পোলিসী খুদিংদা উবা ফংলকই। মখোয়গী থবক তৌবগী মওংদসু উবা ফংলকই। লৈবাক অসিদা অফবা শান্নরোই কয়া মমাংদগী লৈরক্লি, অদুবু মখোয়বু নীংথিনা তেংবাংবা পোলিসী লৈরমদে। অফবা কোচিং পীনবা খুদোংচাবা লৈরমদে, মতমগা চুনবা ইনফ্রাস্ত্রকচর লৈরমদে, তঙাই ফদবা শেলগী তেংবাং পীরমদে, মসিদবু, ঐখোয়গী শান্নরোইশিংনা লৈবাক্কী মিংচৎ করম্না পুরক্কদৌরিবনো? হৌখিবা চহি 9 অসিদা, সরকার অসিনা হান্নগী ৱাখল্লোন অমসুং পথাপশিংদগী মপান থোক্লকখ্রে। ঙসিদি, লৈবাক অসিদা চহিদা লুপা করোর মরি মঙা থাদদুনা শেমগৎপা শান্নরোই কয়া লৈরে। সরকারগী থৌওংনা শান্নরোইশিংদা মরু ওইবা পীরকপা মতমদা, এথলেতশিংগী অয়েৎপা অপনবা মাঙখিবা হৌরকই, খুদোংচাবা শেমগৎলকই। পোতেন্সিএল+প্লেতফোর্ম = পরফোর্মেন্স হায়নবা লৈ। পোতেন্সিএলগা চুনবা প্লেতফোর্ম লৈরকপা মতমদা, পরফোর্মেন্সতা হেন্না ফগৎলকপা হৌরকই। শান্নরোইশিংগীদমক্তা লৈরিবা ‘খেলো ইন্দিয়া’গুম্বা প্লেতফোর্ম্না শান্নরোইশিংবু গ্রাস-রুত লেবেলদগী মশক খঙদোক্তুনা মখোয়বু তেংবাংবগী লম্বী হাংদোক্লে। তোপ্স ইনিসিএতিবনা ঐখোয়বু শান্নরোইশিংদা মখোয়গী পরফোর্মেন্স ফগৎহনবদা তেংবাংলি হায়বসি অদোমগী মরক্তগী অয়াম্বা মীওইনা খঙলমগনি। পেরা এথলেতশিংবু তেংবাংনবগীদমক্তা ঐখোয়না গ্বালিয়রদা দিসএবিলিতী স্পোর্ত ত্রেনিং সেন্তর হাংদোক্লে। গুজরাতকী মতাংদা খঙবা মীওইশিংনা, মসিগুম্বা মালেমদা খোঙদাবগী মালেমগী খ্বাইদগী অহানবা থৌওং গুজরাত্তা হৌখ্রবনি। মসিগী মতুংদা, মপুং ফাবা কলচর অমা তপ্না তপ্না শেমগৎপা ঙমখ্রবনি। অদোমগী মরক্তগী, অয়াম্বা মীওইশিংনা ত্রেনিং লৌনবগীদমক্তা গান্ধীনগরগী ইন্সতিত্যুত অসিদা চৎলি। মসিনা হায়বদি, ইন্সতিত্যুসন অমা থোক্লকপা মতমদা, মখোয়গী তোঔবা ঙম্বগী মতিক অসি হান্না খঙলমদে। অদুবু, স্পিরিচুএল প্রেক্তিস লেপ্তনা চত্থরক্লবদি, লৈবাক্না মদুগী পাঙ্গল খঙবা হৌরকই। মসিগুম্বা খুদোংচাবশিং অসিনা, লৈবাক অসিনা অদোমগুম্বা ৱিন্নর কয়া পুথোকপা ঙমগনি হায়বসিদা ঐহাক্না মপুং ফানা থাজৈ।
মরুপশিং,
ঐহাক্নসু হান্ননা হায়খ্রে, অদোমগী গ্রুপ্তগী মীওই 300 হেনবনা মায়থীবা নত্তে। ঐহাক্কী মন্ত্র অদু ঐহাক অমুক্কা হন্না হায়জগে, খরা অমনা মায় পাক্লগা লাকই, খরা অমনা পারা তমদুনা লাকই। মেদলদগী হেন্দোক্তুনা ইশাগী অমসুং ইশাগী লেগাসীদা ইয়েংবীয়ু, খ্বাইদগী মরু ওইবা ৱাফমদি মদুদা লৈরিবনি। অদোম্না শিংনবা কয়া মাইয়োক্নখিবা, মদুদগী মায় পাক্না থোক্লকপা ঙম্নবগীদমক্তা ইশাগী পাঙ্গল উত্থোকখিবা, মদুমক্না অদোমগী মশক নাইবা থৌদাংনি। অদোমগী মরক্তগী, য়াম্লবা মীওইশিংনা অপীকপা শহর, অচম্বা পুন্সি অমসুং খুদোংচাদবা ফিভমশিংদগী লাকপা য়াওরি। খরা অমদি, পোকপদগী হৌনা খুদোংচাদবা মাইয়োক্নবসু য়াওরি, অথাপ্পা খুঙ্গংদা লৈবসু য়াওরি, খুদোংথীবা অমা থোকপদগী পুন্সিবু হোংহনখিবসু য়াওদবা নত্তে। অদুবু, অদোম্না নীংহন্নবা লৈখিদে। অদোমগী মায় পাকপশিংবু সোসিএল মীদিয়াদা য়েংসি। অদোম্না ফংলিবা মিংচৎ অসিগুম্না অতোপ্পা শান্নরোই অমত্তনা ফংবা নত্তে। শান্নবা করিনো খঙদবা মীওইসু অদোম্বু য়েংলি। অঙাংশিংনা হায়নরি, মহাক্কী মশাদা নুংঙাইতবা অশোইবা লৈরবসু, মখোয়না অশুক য়াম্না চাউরবা থবক পাংথোক্লিবনো? মীয়াম্নসু মসিবু য়েংলি, মখোয়না অঙাংশিংদসু তাকপীরি। লৈবাক্কী মফম খুদিংদা মখোয়না অদোমগী ৱারি শানরি। অদোমগী মায় পাকপশিংনা মখোয়গী থম্মোইনুংদা অনৌবা থাজবা অমা শেমগৎলি। মখোয়না অচৌবা ইথিল অদোমদগী ফংলি। মখোয়সু অদোমগুম্না অচৌবা মীওই ওইবা পাম্নরি। অদোম্না তুর্নামেন্তশিংদা শরুক য়াবা খুদিংনা মীওইবগী মঙলানগী মায় পাকপা ওইরি। মসিনা অদোমগী খ্বাইদগী চাউবা লেগাসীনি।
অদোম্না লৈবাক্কী মিংচৎ পুরক্নবা লেপ্তনা হোৎনগনি হায়বসি ৱাফম অসিমক্না ঐহাক্কী ইফমদা থাজহল্লি। ঐখোয়গী সরকার, লৈবাক অসি অদোমগীদমক্তা লেপ্লি। অপাম্বগী পাঙ্গল য়াম্না লৈবনি মরুপশিং। অদোম্না কান্নদবা ৱাখল্লোনগা লোয়ননা চৎলবদি, অদোম্না মালেমসিদা করিসু ফংবা ঙম্লোই। মফমসিদগী রোহতাক ফাওবা চৎনবা হায়বদা, বস ফংগদরা, ত্রেন ফংগদরা, হল্লকপদা করম্না লাক্কনি হায়না খনবা মীওই কয়া থেংনগনি। অদুগা মীওইও খরনা করম্না খল্লি, রোহতাক চৎকদবনি, ফরে, নুমিদাংদা চৎলুগে হায়না করিগুম্বা খনবা তৌদনা, পাংথোকফম থোকপা পাংথোকই। অদুবু, ৱাখল খনবগী পাঙ্গলসু লৈ। চাম্মা লানবা হায়বসি হেক্তা ঙম্বা নত্তে। মসিগীদমক্তা মুন্না খন্দুনা, কন্না হোৎনদুনা, থাজবগা লোয়ননা ৱাখল চেৎনা থোক্লকই। হন্দক্তি 100 লাল্লগে, মদু ফংদ্রিফাওবা হোৎনগনি খন্না থোক্লকপদগী ঐখোয়না 111 য়ৌখিবনি। মরুপশিং, শেন্মিৎলোনগী তরাশুবা থাক্তদগী মঙাশুবা থাক্তা লাকখ্রিবা অসি ঐখোয়নি অদুগা হন্দক্কী দিকেদ অসিদা অসিদা ঐখোয়না অহুমশুবা থাক্তা লৈরগনি। মসি ঐহাক্কী ত্রেক রেকোর্দনা মরম ওইরগা হায়রিবনি। ঐহাক্না ৱাফম অসিদা য়ুম্ফম ওইদুনা, ঐখোয়না ইং 2047 ফাওবদা চাউখৎপা ভারত অমা ওইরগনি হায়রিবনি। ঐহাক্কী দিব্যাং মরুপশিংনা মশাগী মঙলান মঙফাওনহনবা ঙম্লবদি, মীওই করোর 140গী মপাঙ্গলনা মঙলান অমত্তা চিত্থহন্দুনা ফংহনগনি হায়বসি ঐহাক্কী থাজবনি।
মরুপশিং,
ঐহাক্না অদোম্বু থম্মোইনুংদগী থাগৎচরি, য়াইফ পাউজেল কয়াসু পীজরি। অদুবু, ঐখোয়না তাঞ্জাসিদা লেপকদবা নত্তে, ৱারেপ কয়া লৌসি, ইশাদা থাজবা হেনগৎহনসি, অয়ুক খুদিংবু অনৌবা অয়ুক্নি খন্দুনা পন্থুংফমদা চঙশিনসি।
পুম্নমকপু হন্না হন্না থাগৎচরি।
