“সস্তেনেবল গ্রোথ অসি সস্তেনেবল ইনর্জীগী সোর্সশিংগী খুত্থাংদা খক্তা ওইথোক্কনি”
“ভারতনা মশাগীদমক থমজবা পান্দম অমা হেক্তা ওইরবসু ঐহাক্না মখোয় অদু শীংনবা ওইনা লৌবগী মহুৎ খুদোংচাবা ওইনা লৌই”“বজেৎতা হায়-ইফিসিএন্সী সোলর মোদ্যুল মেন্যুফেকচর তৌনবা লুপা করোর লিশিং ১৯.৫ লাউথোকখি অসিনা সোলর মোদ্যুলশিং অমসুং মরী লৈনবা প্রদক্তশিংগী মেন্যুফেকচরিং অমসুং আর.এন্দদি.গীদমক ভারতপু গ্লোবেল হব অমা ওইহনবদা মতেং পাংলগনি”“চহি অসিগী বজেৎতা বেত্তরী স্বেপ্পিং পোলিসী অমসুং ইন্তর-ওপরেবিলিতী স্তেন্দর্দশিংগী মতাংদা প্রোবিজনশিংসু শেমখি। মসিনা ভারত্তা ইলেক্ত্রিক ভেহিকলশিং শীজিন্নবদা থেংনবা খুদোংচাদবা অদু হন্থহল্লগনি”“বজেৎ অসিদা ইনর্জী স্তোরেজকী থেংনরিবা শীংনবা অসি চাউনা মীৎয়েং চংখি”“মালেম্না নেচরেল রিসোর্স মখল পুম্নমক্তা হন্থরকপা উবা ফংলি। অসিগুম্বা ফীভম অমদা সর্ক্যুলর ইকনোমী অসি য়াম্না মরু ওই অমসুং মসি ঐখোয়গী পুন্সিগী শোইফদ্রবা শরুক অমা ঐখোয়না ওইহনবা তাই”খুরুমজরি!
‘ইনর্জী ফোর সস্তেনেবল গ্রোথ’ হায়বসি ঐখোয়গী অরিবা চৎনবী অদুনা ফাওহল্লকপা ৱাখল্লোন অমনি অমসুং তুংগীদমক্তা অনীংবা-অপাম্বশিং অদুবু ফংনবগী ,এবেল অমনি। ভারতকী ক্লিয়র ভিজন অমা লৈ মদুদি সস্তেনেবল গ্রোথ অসি সস্তেনবেল ইনর্জীগী সোর্সশিংগী খুত্থাংদা খক্তমক ওইথোকপা ঙমগনি। গ্লাসগোদা ঐহাক্না ২০৭০ ফাওবদা নেৎ জিরো ফাওবগী থাক্তা য়ৌহনগনি হায়না ৱাশকখি।
ঐহাক্না কোপ-২৬দা, লাইফস্তাইল ফোর এনভাইরনমেন্তকী বিজন অসিবু পুখত্তুনা সস্তেনেবল লাইফস্তালবু য়োকখৎনবা এল.আই.এফ.ই. মিসনগী মতাংদা হায়খি। ঐখোয়না ইন্তর্নেস্নেল সোলর এলাইন্সগুম্বা গ্লোবল কোলাবোরেশন অসিবু লুচিংলি। নন-ফোসিল ইনর্জী কেপাসিতীগী মতাংদা ঐখোয়গী তার্গেত অসি ৫০০ গিগা ৱাতনি। ২০৩০ ফাওবদা ঐখোয়গী ইনস্তালদ ইনর্জী কেপাসিতীগী চাদা ৫০দি নন-ফোসিল ইনর্জীদগী ফংগদৌরিবনি। ভারতনা মশাগীদমক্তা সেত তৌখিবা তার্গেত পুম্নমক অদুবু ঐহাক্না চেলেঞ্জ অমগুম্না উদে, ওপোর্চুনিতী অমগুম্না উই। মসিগী বিজন অসিদা ভারতনা হৌখিবা চহি কয়াদগী চত্থদুনা লাক্লি অমসুং হন্দক্কী বজেত্তা মসিবু পোলিসী লেভেলদা অমসুং মাংদা পুখৎখ্রে।
মরুপশিং,
হন্দক্কী চহি অসিগী বজেত্তা সোলর ইনর্জীগী মাইকৈদা হাই-এফিসিয়েন্সী সোলর মোদ্যুল মেন্যুফেকচরিংগীদমক্তা লুপা করোর ১৯,৫০০গী শেন্থং অমা লাউথোকখ্রে। মসিনা সোলর মোদ্যুলশিং অমসুং মসিগা মরী লৈনবা প্রোদকশিংগী মেন্যুফেকচরিং অমসুং আর.অমসুং দি.দা ভারত অসিবু গ্লোবল হব অমা ওইহনবদা মতেং ওইগনি।
মরুপশিং,
ঐখোয়না নেস্নেল হাইদ্রোজেন মিসনগী মতাংদসু লাউথোকখ্রে। ভারত্তা মরাং কাইনা লৈরিবা রিন্যুৱেবল ইনর্জী পাৱরগী মওংদা ইনহেরেন্ত এদভান্তেজ অমা লৈ। মসিনা মরম ওইরগা মালেমদা ভারতপু গ্রীন হাইদ্রোজেনগী হব ওইহনবা ঙমগনি। হাইদ্রজেন ইকো-সীস্তেম ফর্তিলাইজর, রিফাইনরীজ অমসুং ত্রান্সপোর্তেশন সেক্তরগা ইন্তের্কনেক্তেদ ওই। ভারতকী লৈরিবা মতিক অদু ফুদোক্তুনা শিজিন্নবা ঙম্নবা প্রাইভেত সেক্তরনা ইন্নোভেশনশিং য়োকখৎকদবা হিরম অমনি।
মরুপশিং,
রিন্যুৱেবল ইনর্জীগা লোইননা ইনর্জী স্তোরেজকী মতাংদা য়াম্না চাউবা চেলঞ্জ অমা লৈ। মসিগীসু সোল্যুশনশিং থিনবগীদমক্তা বজেত্তা স্তোরেজ কেপাসিতীদা গ্রোথ লেংদনা লৈহন্নবগীদমক্তা য়াম্না চাউনা প্রায়োরিতী থম্মি। হন্দক্কী চহিগী বজেত্তা বেতরী স্বেপ্পিং পোলিসী অমসুং ইন্তর ওপরেবিলিতী স্তেন্দার্দশিংগী মতাংদসু প্রোভিজন পীরি। মসিনা ভারত্তা ইলেক্ত্রিক ভেহিকল শিজিন্নবদা থেংনবা অৱাবশিং অদু হন্থহনগনি। প্লগ-ইন চার্জিংদা মতম য়াম্না চংঙি অমসুং শেল য়াম্না তিংঙি। মরম ইলেক্ত্রিক ভেহিকলগী মমলদা ৪০-৫০- পর্সেন্ততি বেতরীগী মমল ওই। মরম অদুনা স্বাপিং তৌবনা ইলেক্ত্রিক ভেহিকলগী অপফ্রন্ত কোস্ত অদু হন্থরগনি। অসিগা চপ মান্ননা মোবাইলগী বেতররী ওইগেরা, নত্রগা সোলর পাৱর স্তোরেজ, মসিগী লমশিং ওইথোকপা য়াবা ময়াম অমা লৈ। ঐনা খনবদা মসিগী মতাংদসু ঐখোয় পুন্না থবক তৌবা য়াগনি।
মরুপশিং,
সস্তেনেবিলিতীগীদমক্তা ইনর্জী প্রোদক্সনগা লোইন-লোইননা ইনর্জী সেভিংসু য়াম্না তঙাইফদে। ঐনা খনবদা ঐখোয়গী লৈবাক অসিদা খ্বাদগী হেন্না ইনর্জী এফিসিয়েন্ত ওইবা এ./সি., খ্বাইদগী হেন্না ইনর্জী এফিসিয়েন্ত ওইবা হীতর, গীজর, ওভন করম্না শাগনি হায়বসিগী মতাংদা ময়াম অমা তৌবগী মথৌ তাই। মৈ য়াম্না হেন্না শিজিন্নববা মফমদা ইলেক্ত্রিক এফিসিয়েন্ত প্রোদক্তশিং পুথোকপা হায়বসি ঐখোয় পুম্নক্কী ওইনা খ্বাইদগী হেন্না মরু ওইনা লৌগদবনি।
ঐহাক্না নখোয়দা খুদম অমা পীগে। ২০১৪দা ঐখোয়গী সরকার অসিনা পানবা মতমদা, লৈবাক অসিদা এল.ই.দি. বল্বকী মমল অসি লুপা ৩০০-৪০০ ওইরম্মি। ঐখোয়গী সরকার অসিনা বল্বকী প্রোদক্সন হেনগৎহন্দুনা মসিগী মমল অসি লুপা ৭০-৮০দা হন্থহল্লে। উজালা য়োজনাগী মতুং ইন্না ঐখোয়না লৈবাক অসিদা চাউরাক্না এল.ই.দি. বল্ব করোর ৩৭ য়েন্থোকখি। মসিদা চাউরাক্না ফোর্তী ঐত থাউজন্দ মিলিয়ন কিলোৱাত অৱরগী মৈ লেমখি। ঐখোয়গী লাইরবা অমসুং ময়াই ওইরপ লৈবা ইমুংশিংগী চহি অমদা চাউরাক্না লুপা করোর লিশিং ২০গী মৈ কনবা ঙমখি। অমসুং চহি খুদিংগী চাউরাক্না তন করোর ৪গী কার্বন ইমিসন হন্থরকখ্রে। ঐখোয়না হান্নাদগী শিজিন্নরকপা স্ত্রীত লাইতশিংদুসু স্মার্ত এল.ই.দি. বল্বন করোর ১২৫না শিন্দোকখ্রে, মদুদসু ঐখোয়গী লোকেল বোদীশিং, মুনিসিপালিতীশিং, মুনিসিপাল কোর্পোরেশন অমসুং পঞ্চায়তশিংদা লৈরিবা স্ত্রীত লাইতশিং অদুবু এল.ই.দি. বল্বশিংনা শিন্দোক্তুনা চহি অমদা লুপা করোর লিশিং ৬কী মৈগী বিল কনবা ঙমখি। মসিদসু মৈ কনথোকপা ঙমখি অমসুং চাউরাক্না তন লাখ ৫০গী কাইর্বন ইমিসন হন্থহনখি। নখোয়না খন্থদুনা য়েংঙু মসিগী স্কীম অমখক অসিনা এনভাইরনমেন্তবু কয়া চাউনা কনবা ঙমখি।
মরুপশিং,
কোল গ্যাসিফিকেশন অসি ঐখোয়না কোইলাগী মহুৎ অমনি হায়না লৌবা য়াই। হন্দক্কী চহিগী বজেত্তা কোল গ্যাসিফিকেশনগীদমক্তা পাইলোত প্রোজেক্ত ৪ থমখি, মসিদআ তেক্নিকেল অমসুং ফাইনান্সিয়েল ভায়েবিলিতীবু হেন্না মপাঙ্গল কনখৎহল্লগনি। অমসুং মসিদা ইন্নোভেশনগী মথৌ তাই। অমসুং ঐহাক্না পাম্লি মদুদি মসিগী লমসিদা শরুক য়ারিবা মীশিংদা ভারতকী মথৌ তারিবশিং অদুগী মতুং ইন্না কোল গ্যাসিফিকেশনদা ইন্নোভেশন করম্না পুরক্কনি হায়বসিগী মতাংদা ঐখোয়না হোৎনগদবনি।
অসিগা চপ মান্ননা সরকার অসিনা মিসন মোদতা ইথানোল ব্লেন্দিংবুসু প্রোমোত তৌরি। হন্দক্কী বজেত অসিদা অনব্লেন্দে ফ্যুয়েলদা এক্ত্রা দিফরেন্সিয়েল এক্সাইজ দ্যুতীগী প্রোভিজন পীখ্রে। ঐখোয়না ঐখোয়গী সুগর মিলশিং অমসুং দিস্তিলরিশিংবু অমুক্কসু হেন্না মোদর্ন ওইহনবগী মথৌ তাই। মসিদসু তেক্নোলোজী অপগ্রেদেশনগী মথৌ তাই। মসিগীদমক্তা ঐখোয়না পোতাশ অমসুং কমপ্রেস্দ বায়ো-গ্যাসগুম্বা বাই-প্রোদক্তশিংসু য়াম্না হেন্না ফংবা ঙমগদবা অসিগূম্বা মখলগী দিস্তিলিং প্রোসেসশিংদা থবক তৌবগী মথৌ তাই।
চয়োওল খরগী মমাংদা ঐহাক্না বরানসিদা অমসুং নুমিৎ খরনিগী মমাংদা ইন্দোরদা গোবর্ধন প্লান্তশিং শঙ্গাখি। লাক্কদবা চহি ২অসিদা লৈবাক অসিদা অসিগুম্বা গোবর্ধন প্লান্ত ৫০০ নত্রগা ১০০০, প্রাইভেত সেক্তরশিংগী খুত্থাংদা লিংখৎপা ঙম্লোইদ্রা। ইন্দস্ত্রীদা অসিগুম্বা পোজিবিলিতীশিং অসিবু য়ুতিলাইজ তৌনবগীদমক্তা ইন্নোভেতিব ইনভেস্তমেন্তশিং তৌবগী তঙাইফদে হায়না ঐহাক্না খল্লি।
মরুপশিং,
ঐখোয়গী ইনর্জি দিমান্দ লেপ্তনা হেনগৎলক্কদৌরি। মরম অদুনা, রিন্যুৱেবল ইনর্জীগী মাইকৈদা ত্রাঞ্জিশন তৌবনা ভারতকীদমক্তা য়াম্না মরু ওই। ভারত্তা য়ুম করোর ২৪-২৫ লৈ হায়না পারি। ঐখোয়না ক্লীন-কুকিংবু করম্না মাংদা পুখৎকনি। ঐনা খনবদা, ঐখোয়গী স্তার্তঅপকী মীশিংনা মসিগী থবক অসি য়াম্না লাইনা পুখৎপা ঙমগনি। নখোয়গীদমক্তা সোলরগী স্তোবকী লমদসু য়াম্না চাউবা মার্কেত লৈ, হায়রিবা অসি ক্লীন-কুকিং মুভমেন্তকীদমক্তা য়াম্না তঙাইফদে। নখৌয়না উরমগনি, গুজরাত্তা মাইপাকপা চাংয়েং অমা তৌখি, মসিদা কেনেলশিংগী মথক্তা ঐখোয়না সোলর পেনেলশিং থমখি, মসিনা লমগী অচংবা মমল হন্থহল্লে, ঈশিং চংবা হন্থহল্লে, মৈ পুথোকএ, হায়বদি মল্তিপল বেনিফিত ফংলে। অসিগা চপ মান্নবা চাংয়েং হৌজিক্তি লৈবাক অসিগী তোঙান-তোঙানবা মফমশিংদা তুরেলগী মথক্তা অমসুং পাতশিংদসু পাংথোক্লি। ঐখোয়না মসিবুসু হেন্না য়োকখৎকদবনি।
অতোপ্পা থবক অমানা য়ুমদা তৌবা য়াগনি। য়ুমদা হিঙ্গোল লৈবা মফমদা, নত্রগা বেলকোনীদা, ঐখোয়না গার্দেনিংগী কন্সেপ্তকুম্না য়ুম খুদিংগী সোলর ত্রী অমা থম্বা হায়বা অনৌবা কন্সেপ্ত অমা দেবেলপ তৌবা য়াই, মসিনা য়ুম অদুগী ১—১৫ পর্সেন্ত, মৈগী ২০ পরসেন্ত মসিগী সোলর ত্রী অসিনা মতেং পাংবা ঙমগনি। অমসুং য়ুম অদুবুসু সোলর ত্রী লৈবা ইমুংনি হায়না খঙনরগনি, হায়বদি এনভাইরনমেন্তকী মতাংদা য়াম্না খনবা মলৈবাকমচাশিংগী ইমুংনি হায়না খঙনগনি। ঐখোয়না খুনাই অসিদা অখন্না ক্রেদিবল সোসাইতী অমা ওইনা দেবেলপ তৌবা তৌবা ঙমগনি। অমসুং মসিবু য়াম্না ইজিলী অমসুং ব্যুতিফুলসু ওইহনবা ঙমগনি। অদুনা সোলর ত্রীগী কন্সেপ অসি, ঐহাক্না কন্সত্রক্সনগী লমদা থবক তৌরিবশিং, বিল্দরশিং অমসুং অর্কিতেকচরশিংদসু ঐখোয়না য়ুম শাবা মতমদা অনৌবা মওং অমা হাপচিনবা য়াব্রা হায়না হায়নিংঙি।
ঐখোয়গী লৈবাক অসিদা মাইক্রো হাইদল প্রোদক্তশিংসু য়াম্না মরাং কাইনা ফংঙি। উত্তরাখন্দ-হিমাচলদা ‘ঘরাত’ কৌবা ৱাতরহ্বীল ময়াম অমা লৈ। মাইক্রো হাইদেল প্রোদক্তশিংদা হেন্না রিসর্চ তৌদুনা ঐখোয়না মসি শিজিন্নদুনা করম্না মৈ হেন্না পুথোকপা য়াগদগে হায়বসিগী মতাংদা ঐখোয়না থবক তৌগদবনি। মালেম অসিদা মহৌশাগী ওইবা পোত্থোকশিং, নেচরেল রিসোর্সশিংগী শোর্তেজ লৈরক্লি। অসিগুম্বা মতম অসিদা সার্কুলর ইকোনোমী অসি মতম অসিগী তঙাইফদবনি অমসুং অসিবু পুনশিগী থাদোক্নবা অবদ্রবা শরুক অমা ওহনবা তাবনি। ঐখোয়গীদমক্তদি হিরম খুদিংমক্তা ইন্নোভেশন য়াম্না মরু ওই, অনৌবা প্রোদক্তশিং বাম্না মথৌ তাই, অমসুং ঐহাক্না লৈবাক অসিগী প্রিআভেত সেক্তরদা থাজবা পীরি মদুদি সরকারনা নখোয়না হোৎনবশীংদা নখোয়গীদমক্তা লেংদনা লৈগনি।
ঐখোয়না পুন্না হোৎনমিন্নদুনা মসিগী মাইকৈ অসিদা ঐখোয়গী পান্দম অদু ফংবদা নত্তনা মীওইবা খুনাই অসিগীদমক্তা অনৌবা লম্বি অমা পীগদৌরিবনি।
মরুপশিং,
ঐহাক্না মসিমসু হায়রি মদুদি অনম্বনা বজেত শেমদ্রিঙৈগী মমাংদা য়াম্না খন্ন-নৈনবা পাংথোকই। ঐখোয়গী তি.ভি. চেনেলশিং অমসুং অতোপ্পা মীদিয়াশিংনা মসিদা য়াম্না বিজী ওই, মসিদা য়াম্না ফজান খন্ন-নৈনৈ অমসুং মসিনা বজেত শেম্বদা কান্নহল্লি। বজেত শেম্বদা য়াম্না ফবা ইদিয়াশিং ফংঙি। অদুবু হৌজিক্তি ঐখোয়না ফোকস তৌরে (বজেত অসি ইমপ্লিমেন্ত তৌবদা), বজেত শেম্লবনিনা, বজেত্তা অহোংবা অমত্তা তৌররোই। পার্লিয়ামেন্তকী মরলনি, পর্লিয়ামেন্তনা লেপকদবনি। বজেত ইমপ্লিমেন্ত তৌনবগীদমক্তা ঐপ্রিলদগী ঐখোয়দা থা অনিগী মতম ফংঙি। মসিগী থা অনি অসি ঐখোয়না বজেত ইমপ্লিমেন্তেশনগী রোদমেপতা মিৎয়েং থম্বদা করম্না শিজিন্নগনি অমসুং প্রোপ[ওজলশিং অসিবু খ্বাদগী এন্না ফবা মওংদা করম্না শিজিন্নগনি।
সরকারনা খনবগী মওং অমসুং ফীল্দদা থবক তৌরিবা বিজনেসকী জগতকী মওংগা য়াম্না খেৎনৈ। অসিগী সেমিনার অসিদা মদুগী খেৎনবা অদুবু য়ারিবমখৈ হন্থহন্নবা হোৎনগদবনি। স্তেকহোল্দরশিংগী থিংকিং প্রোসেস অমসুং সরকারদা ৱারেপ লৌরিবশিং অদুগী থিংকিং প্রোসেসকী মরক্তা চয়েৎনবা অমত্তা লৈরোইদবনি। অমসুং মসিদা গেপসু অমত্তা লৈরোইদবনি। করিগুম্বা অসুম্না তৌবা তারবদি পোৎ খুদিংমক য়াম্না থুনা পাংথোক্কনি। করিগুম্বা মতমদা ফাইলদা করেক্ত তৌবদা থা ৬-৬,৮-৮ চংঙি, বজেতকী মতম ওইনা লোইশিনখি।
ঐখোয়না মসিগী অশোইবশিং অসি থোকহন্দবা পাম্লি। অমসুং মরম অদুনা ঐখোয়না শিল্লিবা ৱাবিনার অসিদা, ঐখোয়না সরকারগী মাইকৈদগী নখোয়দা লৌশিংপীনবগীদমক্তা তৌবা নত্তে। ঐখোয়না বজেত করিনো হায়বা তাক্নবগীদমক্তা তৌবা নত্তে, ঐখোয়দগী হেন্না নখোয়না খঙলিবনি। ঐখোয়না নখোয়দগী তানবগীদমক্তা শিল্লিবনি অমসুং তাবা পাম্লিবদুসু বজেতকী মতাংদা ওইবা সজেসনশিং অদুবু নত্তে, ঐখোয়না পাম্লিবদি শেমখ্রবা বজেত অদুবু করম্না থবক ওইনা পাংথোক্কদগে, য়াম্না য়াংনা করম্না পাংথোক্কনি, খ্বাদগী হেনবা আউৎকমগা লোইননা ঐখোয়না করম্না অসিবু মাংদা পুখত্তুনা চৎকনি। মসিদা মরম চাদনা থেংথহল্লোইদবনি, মরম অদুনা য়াম্না য়াংনা পাংথোকপা ঙম্নবগীদমক্তা ঐহাক্না নখোয়গি মাইকৈদগী কঙ্ক্রীত প্রেক্তিকেল একজাম্পলশিং অমসুং সজেসনশিং পীদুনা অসিগী ৱেবিনার অসিবু মাইপাকপা ওইহনবা পাম্লি।
ঐহাক্না নখোয় ময়ামবু য়াইফবা ওইরসনু হায়দুনা য়াইফ-পাউজেল পীরি। হন্না-হন্না থাগৎচরি।
