“ভারতকী থাগী খোঙচৎ সাইন্স অমসুং উদোগ অনিমক্কী মাইপাকপনি”
“ বি-২০গী পান্দম-রাইজ হায়বসিদা ‘আই’না ইন্নোবেসন হায়বনি। ইন্নোবেসনগা লোয়ননা, ঐনা মসিদা অতোপ্পা ‘আই’ অমা উরি- ইনক্লুসিপনেস”“শেন থাদবদা ঐখোয়না দরকার ওইরিবা অসি ‘অমনা অমবু থাজনবনি’”“তুংদা মালেমগী চাউখৎপা অসি তুংগী ললোন-ইতিক্কী মখা পোল্লি”“মতিক চাবা অমসুং থাজবা য়াবা মালেমগী সপ্লাই চেন অমা শেমগৎপদা ভারতনা মরুওইবা মফম অমা কল্লি”“তুংকোইনা চৎনহনবা হায়বসি খুদোংচাবা অমনি অমসুং ললোন-ইতিক্কী নমুনা অমনি”“অফবা গ্রহ অমা ওইনবা থবকশিংদা মীৎয়েং থম্বা ললোন-ইতিক্কী গ্রিন ক্রেদিৎকী ঙাক্লৌ অমা ভারতনা শেম-শারে”“মীয়াম পোৎ-চৈ লৈবা ঙম্বগী শক্তি হেনগৎহন্নবা ললোন-ইতিকশিংনা মীৎয়েং চঙগদবনি অমসুং মীওই অয়াম্বনা মশাগীতা খনবা থৌওংশিংনা মীওই খুদিংমক মাঙহনগনি”“ঐখোয়না ‘ইন্তরনেসনেল কঞ্জুমর কিয়ার দে’গী সিস্তেম অমগী মতাংদা খনগদবনি। মসিনা ললোন-ইতিকশিং অমসুং কঞ্জুমরশিংগী মরক্তা থাজনবা হেনগৎহনগনি”“ক্রিপতোকরেন্সিশিংগী মতাংদা অপুনবা থবক অমা পায়খৎপা দরকার ওইরে”“ কাংলোন চুম্বা এ.আই য়োকখৎনবা মালেমগী ললোন-ইতিক্কী কাংবু অমসুং সরকারশিং পুহরাওবা ফোঙদোক্লিবা অসি ঙসিগী বি-২০গী পান্দম দাইত্ব লৌবা, খুমাঙচাউশিনবা, অনৌবা পাংথোকপা, তুংকোইনা চৎনবা থবক পায়খৎপা অমসুং মান্নবা অসিগীদমক্নি। মীফম অসি মীওইবা খুন্নাইগীদমক্নি অমসুং ‘মালেম অমা, ইমুং অমা অমসুং তুংলমচৎ অমগী’ মতাংদনি।নুপী অমদি নুপাশিং,
দিস্তিঙ্গুইশ দেলিগেৎশিং,
খুরুমজরি।
ভারত্তা তরাম্না ওকচরি!
মরুপশিং,
ঐখোয়গী লৈবাক পুম্বনা নুংঙাইবা ফোঙদোক্লিঙৈ চৈরক অসিদা বিজিনেস লীদরশিংনা ভারত্তা লাকপীরি। ভারত্তা চহি খুদিংগী পাঙথোকপা শাংলবা হরাও কুহ্মৈগী পন্থা অসি হন্দক্তি ঙন্না য়ৌরক্লে। হরাও কুহ্মৈগী পান্থাদা ঐখোয়গী খুন্নাইনা নুংঙাইবা ফোঙদোকই অমসুং ঐখোয়গী বিজিনেসসু চাউখৎলি। অমসুং হন্দক্তি মসি ওগস্ত 23দগী হৌখি। অমসুং মসিগী নুংঙাইবা ফোঙদোকপা অসি চন্দ্রয়ান্না থা য়ৌখিবগীনি। ঐখোয়গী স্পেস এজেন্সী ‘ISRO’না ভারতকী লুনর মিসন মাইপাকহনবদা অচৌবা থৌদাং লৌখি। মসিগা লোয়ননা ঐখোয়গী ভারতকী ইন্দস্ত্রীনসু মসিদা চাউনা শরুক তমখি। চন্দ্রয়ানদা শীজিন্নখিবা কম্পোনেন্ত কয়া মখোয়গী মথৌ তাবগী মতুং ইন্না ঐখোয়গী ইন্দস্ত্রী, ঐখোয়গী প্রাইবেৎ কম্পনীশিং, ঐখোয়গী MSMEশিংনা শেম-শাখি অমসুং মতম চানা ফংহনখি। হায়বদি মসিগী মাইপাকপা অসিদি সাইন্স অমসুং ইন্দস্ত্রী অনিমক্কীনি। অমসুং হন্দক্তি ভারতকা লোয়ননা মালেম পুম্বনা নুংঙাইবা ফোঙদোক্লিবা অসিসু মরু ওই। মসিগী নুংঙাইবা ফোঙদোকপা অসি থৌদাং লৈনা স্পেস প্রোগ্রাম অমা পাঙথোকপগীনি। মসিগী নুংঙাইবা ফোঙদোকপা অসি লৈবাক্কী চাউখৎ খোঙচৎ খোঙজেল য়াংশিনহনবগীনি। মসিগী নুংঙাইবা ফোঙদোকপা অসি ইন্নোবেসনগীনি। মসিগী নুংঙাইবা ফোঙদোকপা অসি স্পেস তেক্নোলোজীগী খুত্থাংদা সস্তেনেবিলিতী অমসুং ইক্বেলিতী পুরকপগীনি। মসিনা B20 সম্মিৎকী থিম ওইরি – R.A.I.S.E. – মসি রেস্পোন্সিবিলিতী, এসেলরেসন, ইন্নোবেসন, সস্তেনেবিলিতী অমসুং ইক্বেলিতীনি। অমসুং মসি হ্যুমেনিতীগী, মসি ৱান আর্থ, ৱান ফেমিলী, ৱেন ফ্যুচরগীনি।
মরুপশিং,
অমরোমদা B-20গী থিম- RAISEতা য়াওরিবা I অসিনা ইন্নোবেসন তাক্লি। ইন্নোবেসনগা লোয়ননা ঐহাক্না অতোপ্পা I অমগা উবা ফংই। অমসুং I অদুদি ইনক্লুসিবনেসনি। ঐখোয়না চপ মান্নবা বিজনগা লোয়ননা G20গী পর্মিনেন্ত মেম্বরশিপতা অফ্রিকন য়ুনিয়ন য়াওহন্নবা বর্তনসু তৌখি। অফ্রিকাগী ইকনোমিক দিবেলপমেন্ত B-20গী মরু ওইবা মীৎয়েং চংলিবা লম অমা ওইনসু থমখি। ভারতনা থাজৈ মদুদি ফোরম অসিনা মাগী এপ্রোচতা হেন্না ইনক্লুসিব ওইরিবা মখৈ মাগী শাফু অসি চাউনা পীবা ঙমগনি। মসিগা লোয়ননা ঐখোয়না গ্লোবেল ইকনোমিক চেলেঞ্জশিং হেন্দল তৌবদা, গ্রোথপু সস্তেনেবল ওইহনবদা অমসুং মসিদা লৌরকপা ৱারেপশিং ইমপ্লিমেন্ত তৌবদা মাইপাকপা ঙমগনি।
মরুপশিং,
হায়নবা লৈ খুদোংথিব অমা হেক্তা লাকপদা, অচৌবা ক্রাইসিস অমা লাকপদা মদুনা ঐখোয়না পরা খরা তম্বীরবা মতুংদা চৎখি। চহি অনি-অহুমগী মমাংদা মালেমগী খ্বাইদগী চাউবা লাইচৎ, চহি 100দা থেংনবা খ্বাইদগী চাউবা লাইচৎ থেংনখি। ক্রাইসিস অসিনা মালেমগী লৈবাক খুদিংদা, খুন্নাই খুদিংদা, বিজিনেস হাউস খুদিংদা, কোর্পোরেৎ এন্তিতী খুদিংদা পরা অমা তম্বিখি। পরা অদুদি ঐখোয়না খ্বাইদগী ইনভেস্ত তৌগদবা অসি ম্যুচুএল ত্রস্তনি। মালেমদা লৈরম্বা ম্যুচুএল ত্রস্ত অদু কোরোনানা থুগাইখি। অমসুং থাজনদবনা থল্লবা ফীভম অসিদা নখোয়গী মাংদা মপুং ফানা অৱাবা খঙনা, মীনুংশিগা লোয়ননা থাজবগী ফিরাল পাইদুনা লেপ্পীবা লৈবাক অদু ভারতনি। চহি 100দা থোকপা খ্বাইদগী চাউবা ক্রাইসিস্তা ভারতনা মালেমদা পীখিবা খুদোল অসি বিশ্বাস, থাজবা, ম্যুচুএল ত্রস্তনি।
কোরোনাগী মতমদা মালেমনা মথৌ তারকপদা ভারতনা মালেমগী ফার্মাসী ওইদুনা লৈবাক 150 হেনবদা হীদাক-লাংথকশিং পীখি। মালেমনা কোরোনা ভেক্সিন মথৌ তারকপদা ভারতনা ভেক্সিন পুথোকপা হেনগৎহন্দুনা মীওই কয়াগী পুন্সি কনবা ঙমখি। ভারতকী দেমোক্রেতিক ভেল্যুশিং অসি ভারতকী এক্সন, ভারতকী রেস্পোন্সতা ময়েক শেংনা উবা ফংখি। ভারতকী দেমোক্রেতিক ভেল্যু অসি লৈবাক্কী সহর 50 হেনবদা পাঙথোকখিবা G-20 মীফমশিংদা মমি তাখি। অমসুং মসিনা মরম ওইরগা ভারত্তা লোয়ননা নখোয়না পার্তনরশিপ তৌবা য়াম্না মরু ওই। ঙসি ভারতনা মালেমদা খ্বাইদগী নৌবা তেলেন্ত ওইরি। ঙসি ভারতনা ‘ইন্দস্ত্রী 4.0’গী চহিচাদা দিজিতেল রিভোল্যুসনগী ফেস ওইরি। ভারতকা মরুপ ওইবগী মরী হেন্না চেৎলিবা মখৈ নাকল অনিমক্না হেন্না চাউখৎপা ঙমগনি। ময়াম্না খঙলে, বিজিনেসশিংনা তৌবা ঙম্বনা নুংঙাই য়াইফবদা, অপনবশিংনা খুদোংচাবশসিংদা, অনীংবা-অপাম্বশিংনা মাইপাকপদা ওন্থোকপা ঙম্মি। পীকপা নত্ত্রগা চাউবা, গ্লোবেল নত্ত্রগা লোকেল ওইরবসু বিজিনেসনা মীপুম খুদিংমক্কী য়াইফবা পুরকপা ঙমগনি। মরম অসিনা গ্লোবেল গ্রোথকী তুংলমচৎ অসি বিজিনেসকী তুংলমচৎকী মখা পোল্লি।
মরুপশিং,
মালেম অসি কোবিদ-19গী মমাং অমসুং কোবিদ-19গী মতুংদা চাউনা অহোংবা লাকখি। হীরম কয়াদা হোংদোকপা য়াররোইদবা অহোংবা ঐখোয়না উবা ফংখি। হৌজিক্কী ওইনা মালেমনা মমাংদা উখিবা মওং অদুগুম্না গ্লোবেল সপ্লাই চেনশিংদা য়েংবা ঙম্লরোই। মমাংদা গ্লোবেল সপ্লাই চেন অসি ইফিসিএন্ত ওইরবসি করি অমত্তা ৱানীংঙাই লৈতে হায়নরম্মি। অদুবু অসিগুম্বা সপ্লাই চেন অসি মালেমনা খ্বাইদগী মথৌ তারকপা মতমদা লেপখিদ্রিবা ফাওবা ইফিসিএন্ত ওই হায়গনি। মরম অসিনা ঙসি মালেমনা ৱাহং অসিগী পাউখুম থীরি, মরুপশিং ঐহাক্না নখোয়দা থাজবা পীরি মদুদি মসিগী সোল্যুসন অসি ভারতনি। ভারতনা ইফিসিএন্ত ওইবা অমসুং থাজবা য়াবা গ্লোবেল সপ্লাই চেন অমা শেম্নবা মরু ওইবা মফম অমা ওইরি। অমসুং গ্লোবেল বিজিনেসশিং অসিগীদমক ঐখোয়না পুন্না থৌদাং লৌদুনা মাংদা চংশিনবা তাই।
মরুপশিং,
বিজিনেস 20 অসি G20 লৈবাকশিংগী মরক্তা দিবেৎ অমসুং দাইলোগ তৌনবগী অচৌবা ফোরম অমা ওইরকপদা ঐহাক্না নুংঙাইবা পোকই। মরম অসিনা ঐখোয়না ফম্পাক অসিদা মালেমগী শীংনবশিংগী সোল্যুসনশিং খন্ননবদা সস্তেনেবিলিতী অসি য়াম্না মরু ওইবা তোপিক অমনি। ঐখোয়না সস্তেনেবিলিতীগী ৱাফম অসি রুল অমসুং রিগ্যুলেসনশিংদা খক্তা নত্তনা নুমিৎ খুদিংগী, পুন্সিগী শরুক অমা ওইহনগদবনি। গ্লোবেল বিজিনেসনা মসিদা খোঙথাং অমা থাংজিন্নবা ঐহাক্না রিক্বেস্ত তৌজরি। সস্তেনেবিলিতী অসিমক খুদোংচাবা অমসুং বিজিনেস মোদেল অমনি। হৌজিক ঐহাক্না নখোয়দা খুদম অমা পীজগে মসিনা মিল্লেৎকী খুদম অসি নখোয়দা হেন্না খঙহনবা ঙমগনি। UNনা চহি অসিবু ইন্তর্নেস্নেল ইয়র ওফ মিল্লেৎস হায়না পালন তৌরি। মিল্লেৎস অসি সুপরফুদ অমনি অমসুং এনভাইর্নমেন্ত ফ্রেন্দলী ওই অমসুং অপীকপা লৌমীশিংবু সপ্পোর্ত তৌই। অমসুং মসিনা ফুদ প্রোসেসিং বিজিনেসশিংদা তৌবা ঙম্বা য়াম্না লৈ। হায়বদি লাইফস্তাইল অমসুং ইকনোমী অসি হীরম খুদিংমক্তা ৱিন-ৱিন মোদেল অমা ওইরি। মতৌ অসুম্না ঐখোয়না সর্ক্যুলর ইকনোমীদা য়েংলি। মসিদা বিজিনেসকী অচৌবা ওইথোকপা য়াবশিং লৈ। ভারত্তা ঐখোয়না গ্রীন ইনর্জীদা চাউনা মীৎয়েং থম্মি। ভারতনা সোলর ইনর্জী কেপাসিতীদা মাইপাকপা ঙম্মি অসি ঐখোয়না গ্রীন হাইদ্রোজেন সেক্তরসু অমুক তৌবা তাই। ভারতনা মালেমবু মাগা পুন্না চৎমিন্ননবা খোঙথাং পাইখৎলি অমসুং খোঙথাং অসি ইন্তর্নেস্নেল সোলর এলায়েন্সতা উবা ফংই।
মরুপশিং,
কোরোনা মতুংগী মালেমগী হৌজিক মতম অসিদা ঐখোয়না মীপুম খুদিংমক মখোয়গী হকশেলদা হেন্না মীৎয়েং চংনবা উবা ফংই। হেল্থ কন্সিয়সনেস অসি দাইনিং তেবলদা হেক্তমক উবা ফংই, ঐখোয়না করিগুম্বা অমা লৈবা, করিগুম্বা অমা চাবা, করিগুম্বা অমা তৌবা মতমদা মদুনা ঐখোয়গী হকশেলদা করম্না অকাইবা পীবা য়াবগে হায়বা ঐখোয়না য়েংই। মীপুম খুদিংমক্না মসিনা অৱাবা থোকহল্লোইদ্রা য়েংই। ঐখোয়না ঙসিগীদমক ৱাদে অদুবু তুংদা মদুনা করি থোকহল্লকদগে ওইনা খল্লি। ঐহাক্না থাঐ চপ মান্নবা ৱাখল্লোন অসি বিজিনেস অমসুং সোসাইতীগী প্লানেৎকসু মরী লৈননা খনবা তাই। ঐহাক্কী হকশেলগী মরমদা খনবা অদুগুম্না করিগুম্বা নুমিৎ খুদিংগী খনবা তারবদি, পৃহ অসিনা নুমিৎ খুদিংগী পুন্সিদা করি থোকহল্লক্কনি, মাগী হকশেলদা করি ওইরক্কনি হায়বা খনবা হায়বা অসি ঐখোয়গী থৌদাং ওইগদবনি। ৱারেপ খুদিংমক লৌদ্রিঙৈ মমাংদা মদুনা ঐখোয়গী পৃথিবীদা করি থোকহনগনি খনবা তাই। মসিগী ৱাখল্লোন অসি মিসন LiFE হায়বদি লাইফস্তাইল ফোর এনভাইর্নমেন্তদা য়াওরি। মসিগী মরম অসি মালেমদা প্রো-প্লানেৎ পিপলকী গ্রুপ অমা শেম্বনি, ইহৌ অমা হৌবনি। নুমিৎ খুদিংগী পুন্সি মহিংগী ৱারেপনা বিজিনেস ৱর্ল্দদা শোইদনা শাফু অমা পীরি। লাইফস্তাইল অমসুং বিজিনেস অনিমক্না প্রো-প্লানেৎ ওইরকপা মতমদা সমস্যা কয়ামরুম হন্থরক্কনি। ঐখোয়গী পুন্সি অমসুং ঐখোয়গী বিজিনেস অসি এনভাইর্নমেন্তগী মতুং ইন্না করম্না এদাপ্ত তৌগদগে হায়বদা মীৎবেং চংবা তাই। ভারতনা বিজিনেসকীদমক গ্রীন ক্রেদিৎকী ফ্রেমৱার্ক অমা শেমখ্রে। ঐখোয়না নুমিৎ কয়ানি কার্বোন ক্রেদিৎতা ইনবোলব তৌখি অমসুং মীওই খরনা কার্বোন ক্রেদিৎ এনজোই তৌরি। ঐহাক্না মালেমগী মাংদা গ্রীন ক্রেদিৎকী ৱাফম পুখৎখি। গ্রীন ক্রেদিৎনা ‘প্লানেৎ পোজিতিব’ এক্সনশিংদা মীৎয়েং চংখি। ঐহাক্না গ্লোবেল বিজিনেসতা নৌনা চংলক্লিবশিংদা মসিদা য়াওশিন্নবা অমসুং মসিবু গ্লোবেল মুফমেন্ত ওইহন্নবা হায়জরি।
মরুপশিং,
ঐখোয়া বিজিনেসকী ত্রেদিস্নেল এপ্রোচকী মতাংদসু খন্নবা তাই। ঐখোয়গী প্রদক্ত, ঐখোয়গী ব্রান্দ, ঐখোয়গী সেলদা খক্তা মীৎয়েং চংবনা ওইবা য়ারোই। বিজিনেস অমা ওইনা ঐখোয়না তুং কোইনা কান্নবা পীগদবা ইকোসিস্তেম অমা শেম্বদা মীৎয়েং চংগদবনি। হৌখিবা চহি খরা অসিদা ভারত্তা ইমপ্লিমেন্ত তৌখিবা পোলিসীশিংনা মরম ওইরগা শুপ্নগী নুমিৎ 5গী মনুংদা মীওই করোর 13.5 হেন্না লাইরবা কোকহনবা ঙমখি। লাইরবা কোকহন্দুনা নিও মিদল ক্লাসতা চংলকপা মীওই কয়া লৈ অমসুং মখোয়না খ্বাইদগী চাউবা কঞ্জুমরশিং ওইরি হায়না ঐহাক্না থাজৈ মরমদি মখোয়দা অনৌবা অনীংবা অপাম্বা কয়া লৈ। নিও মিদল ক্লাসনা ভারতকী গ্রোথতা শাহৌ পীরি। হায়বদি লাইরবগীদমক সরকারনা পাইখৎপা থবক্কী নেৎ বেনিফিসরী অসি ঐখোয়গী মিদল ক্লাস লোয়ননা MSMEশিংনা ওইরি। য়েংবীয়ু, প্রো-পোর গভর্নান্সতা মীৎয়েং চংদুনা লাক্কদৌরিবা চহি 5-7 অসিদা অচৌবা মিদল ক্লাস অমা শেম্লগনি। মরম অসিনা বিজিনেস খুদিংমক মীওই কয়া কয়াদা খুদোংচাবা ফংহল্লি অমসুং মিদল ক্লাসতা লৈবগী শক্তি হেনগৎলকপগা ইরোইননা মসিনা বিজিনেসতা অচৌবা শাফু অমা হকথেংননা পীরি। অমসুং ঐখোয়না অনিমক্তা থোং মান্ননা করম্না মীৎয়েং চংগনি। করিগুম্বা ঐখোয়গী মীৎয়েং অসি সেল্ফ-সেন্ত্রিক ওইবা তারবদি ঐখোয়না ইশাগী লোয়ননা মালেমগীদমক য়াইফনবা তৌবা ওইথোক্লোই হায়না খল্লি। মসিগী শীংনবা অসি ঐখোয়না ক্রিতিকেল মেতরিএলশিং, অতাংবা পৃথিবীগী ধাতুশিংদা মায়োক্নরি। মসি মফম খরদা মরাং কাইনা ফংবা অমসুং মতম খরদনা ফংবা অদুবু অপুনবা মীওইবা খুন্নাইনা মথৌ তাবা পোৎশকশিংনি। মসি লৈরিবা খুদিংক্না করিগুম্বা মালেমগী থৌদাং অসি খঙদ্রবদি মসিনা কোলোনিএলিজমগী অনৌবা মোদেল অমা পুথোরক্কনি অমসুং ঐহাক্না মসিগী অকিবা অসিগী চেকশিনৱা থমজরি।
মরুপশিং,
প্রদ্যুসর অমসুং কঞ্জুমরশিংগী ইন্তরেস্তশিংদা খল কাইদনা লৈরবদা প্রোফিতেবল মার্কেৎ অমা তুং কোইনা লৈহনাব ঙমগনি। মসি লৈবাক্কী ওইনসু এপ্লাই তৌই। অতোপ্পা লৈবাকশিংবু মার্কেৎ ওইনা খক্তা য়েংবনা অফবা পুরকলোই। মসিনা পোৎ পুথোক্লিবা লৈবাকশিংদা অথুবদা নত্ত্রগা তুংদা শোইদনা অকাইবা লাক্কনি। মীওই খুদিংমক চপ মান্নবা মপাং ওইনা উবনা মাংদা চংশিনবা ঙমহনগনি। মফম অসিদা গ্লোবেল বিজিনেস লীদর কয়া য়াওরি। বিজিনেসশিং হেন্না কঞ্জুমর-সেন্ত্রিক করম্না ওইহনগদগে হায়বদা ঐখোয়না মীৎয়েং চংবা য়াদব্রা? কঞ্জুমরশসিং অসি মীওই অমা নত্ত্রগা লৈবাক অমা ওইবা য়াই। মখোয়গী ইন্তরেস্তশিং অদুসু ঐখোয়না খঙবা তাই। মসিগীদমক চহিগী ওইবা কেম্পেন অমা পাঙথোকপা য়ারোইদ্রা? চহি খুদিংগী গ্লোবেল বিজিনেসশিংনা অমত্তা ওইনা পুন্না কঞ্জুমরশিং অমসুং মখোয়গী মার্কেৎশিংগী য়াইফনবা থবক তৌনবা ৱাশকপা য়ারোইদ্রা?
মরুপশিং,
মালেমদা লৈরিবা বিজিনেস পুম্নমক্না কঞ্জুমরশিংদা কত্থোকপা নুমিৎ অমা লেপথোক্নবা ৱারেপ পুন্না লৌবা য়ারোইদ্রা? য়েংঙু লাইবক থীবদি ঐখোয়না কঞ্জুমর রাইৎসকী মতাংদা ঙাংনরি, মালেমনসু কঞ্জুমর রাইৎস দে পালন তৌরি। কঞ্জুমর রাইৎস দে পাঙথোক্নবা মালেমদা কমপলজন অমা পীরিবা অসিগী মহুৎ ঐখোয়না মসিগী সাইকল অসি কার্বোন ক্রেদিৎতগী গ্রীন ক্রেদিৎতা ওন্থোকপা য়ারোইদ্রা? ঐখোয়না কঞ্জুমর কিয়রগী মরমদা ঙাংনবদা মাংজিল থাবা য়ারোইদ্রা? ঐখোয়না কঞ্জুমর কিয়র দে পালন তৌবা হৌবদা মতমদা অচৌবা পোজিতিব সিগনেলশিংগা লোয়ননা এনভাইর্নমেন্তদা অহোংবা পুরক্কনি। মরুপশিং করিগুম্বা কঞ্জুমর কিয়র দে অসি মরু ওইরবদু রাইৎশিংগা মরী লৈনবা সমস্যাশিং অসিসু শোইদনা কোকহনবা ঙমগনি। মরম অসিনা ইন্তর্নেস্নেল কঞ্জুমর কিয়র দে পাঙথোক্নবা ময়ামদা ঐহাক্না খন্থবীনবা হায়জরি। মসিনা বিজিনেস অমসুং কঞ্জুমরগী মরক্তা থাজবা হেন্না হেনগৎহনগনি। অমসুং ঐখোয়না কঞ্জুমরশিংবু জিওগ্রাফী অমগী মনুংদা লৈবা রিতেল কঞ্জুমরশিং ওইনা খক্তা উবতা নত্তনা লৈবাক অতোপ্পশিংগীসু, গ্লোবেল ত্রেদ, গ্লোবেল গুদস অমসুং সর্ভিসেসকী রিতেল কঞ্জুমরশিং ওইনসু উগদবনি।
মরুপশিং,
ঙসি মালেমগী অচৌবা বিজিনেস লীদরশিংনা মফম অসিদা পুনবা মতমদা ঐখোয়গী মাংদা অচৌবা ৱাহংশিং লাক্লি। বিজিনেস অমসুং হ্যুমেনিতীগী তুংলমচৎ অসি ৱাহংশিং অসিগী পাউখুমশিংনা লেপকনি। অমসুং মখোয়গী পাউখুম পীনবা ম্যুচুএল কোওপরেসন পীবা মথৌ তাই। ক্লাইমেৎ চেঞ্জ, ইনর্জী সেক্তর ক্রাইসিস, ফুদ সপ্লাই চেনদা খল কাইরকপা, ৱাতর সেক্যুরিতী, সাইবর সেক্যুরিতীগী তোপিক ওইরবসু অসিগুম্বা তোপিক কয়ানা বিজিনেসতা অচৌবা শাফু পীবা ঙম্মি। মসি থেংননবা ঐখোয়না অপুনবগী খোঙথাংশিং পাইখৎপা তাই। মতম হৌখিবগা লোয়ননা অসিগুম্বা হীরমশিং অসি ঐখোয়দা হাপচিনখি মসিগী মরমদা কনাগুম্বা অমত্তনা চহি 10-15গী মমাংদা খনখিবা লৈতে। হৌজিক ক্রিপ্তোকরেন্সীশিংগা মরী লৈনবা শীংনবা লৈ। ৱাফম অসিদা হেন্না হেন্না ইন্তিগ্রেতেদ এপ্রোচ অমা মথৌ তাই। ঐহাক্না খঙই মদুদি গ্লোবেল ফ্রেমৱার্ক অমা মসিগীদমক শেম্বা তাই, মসি স্তেকহোল্দর পুম্নমক্না য়েংশিনগদবনি।
আর্তিফিসিএল ইন্তেলিজেন্সকী মতাংদা মান্নবা এপ্রোচ অমা মথৌ তাই। ঙসি মালেমনা AIগী মতাংদা চাউনা মীৎয়েং থম্নরক্লি। মীৎয়েং চংনরক্লিঙৈ চৈরক অসিদা ইথিকেল কন্সিদরেসন খরসু লৈরি। স্কিলিং অমসুং রি-স্কিলিংগী মতাংদা অলগোরিথম বায়স অমসুং খুন্নাইদা পীরিবা শাফুগী মতাংদা সমস্যা থোরক্লি। ঐখোয়না সমস্যাশিং অসি পুন্না কোকহনবা তাই। গ্লোবেল বিজিনেস কম্ম্যুনিতীশিং অমসুং সরকারশিংনা পুন্না ইথিকেল AI এক্সপান্দশিংগী তৌবা ঙমহনগদবনি। ঐকোয়না তোঙান-তোঙানবা সেক্তরশিংদা লাকপা য়াবা অকাইবশিং খঙগদবনি। মীকুপ খুদিং অপনবা অদুমক উবা ফংই অমসুং ঐখোয়না মদু খন্থরগা, কালক্যুলেৎ তৌরগা, অপনবগী পাক চাউবা অদু হেন্না শাথিরকই। সমস্যা অসি গ্লোবেল ফ্রেমৱার্ক্কী মখাদা কোকহনবা তাই। অমসুং মরুপশিং অসিগুম্বা শীংনবশিংনা ঐখোয়গী মাংদা লাকপা হন্দক্না অহানবা নত্তে। এভিএসন সেক্তরনা খুমাং চাউশিল্লকপদা, ফাইনান্সিএল সেক্তরনা খুমাং চাউশিল্লকদা মালেমনা অসিগুম্বা ফ্রেমৱার্কশিং শেমখি। মরম অসিনা ঙসি ঐহাক্না B-2-দা অসিগুম্বা অনৌবা হীরমশিংদা ব্রেনস্তোর্ম তৌনবা হায়জনীংই।
মরুপশিং,
বিজিনেসশিং অসি ঙমখৈশিং ৱাংমা লান্না মাইপাকপা ঙমখি। হৌজিক বিজিনেসশিং অসি বোত্তমলাইনগী ৱাংমদা পুবা মতম ওইরে। মসি সপ্লাই চেন রেসিলিয়েন্স অমসুং সস্তেনেবিলিতীদা মীৎয়েং চংলবা মতমদতা ওইথোকপা ঙমগনি। ঐহাক্না থাজৈ মদুদি B20 সম্মিৎনা অপুনবগী অওনবা অমা পুরক্নবা লম্বী য়াৎকনি। ঐখোয়না নীংশিংসি মদুদি কন্নেক্তেদ ৱর্ল্দ অমা হায়বা অসি তেক্নোলোজীগী খুত্থাংদা শম্নবা খক্তা নত্তে। মসি অপুনবা সোসিএল প্লেৎফোর্মশিংগী ৱাফম খক্তা নত্তে অদুবু মসি অপুনবা থৌদাং, অপুনবা গৃহ, অপুনবগী য়াইফবা অমসুং অপুনবগী তুংলমচৎ অমগী মতাংদসু ওইরি।
থাগৎচরি!
হন্না-হন্না থাগৎচরি!
