লৌউশিংউ অমসুং লৌমীশিংগী য়াইফ থৌরাং মন্ত্রালয় শ্রীমান শিবরাজ সিংহ চৌহন, ইন্তর্নেসনেল কনফরেন্স ওব এগ্রিকলচরেল একনোমিক্সকী প্রেজিদেন্ত দা. মতিন কাইম, নিতি আয়োগকী মেম্বর শ্রী রমেশজি, ভারত অমসুং অতৈ লৈবাকশিংদগী লৌউশিংউগী সাইন্তিস্তশিং, রিসর্চকা মরী লৈনবা তোঙান-তোঙানবা য়ুনিভর্সিতীশিংদগী ঐখোয়গী মরুপ মপাংশিং, লৌউশিংউগা মরী লৈনবা অখঙ অহৈ অমসুং স্তেকহোল্দরশিং, লেঙবিরক্লিবা পুম্নমক্কী মফমদা আই.সি.এ.ই.গী কনফরেন্স অসি চহি ৬৫গী মতুংদা ভারত্তা পাঙথোকপসিদা ঐহাক্কী নুংঙাইবা ফোংদোকচরি। নখোয়না মালেমগী মফম কয়াদগী ভারত্তা লেঙবীরক্লি। ভারতকী লৌমী মিলিয়ন ১২০গী মহুৎ শিন্দুনা ঐহাক্না তরাম্না ওকচরি। ভারতকী নুপী লৌমী মিলিয়ন ৩০গী মহুৎ শিন্দুনা ঐহাক্না তরাম্না ওকচরি। লৈবাক অসিগী শা শন লোইরিবা লৌমী মিলিয়ন ৮০গী মহুৎ শিন্দুনা ঐহাক্না তরাম্না ওকচরি। অদোম্না শা শন মিলিয়ন ৫৫০ লৈবা লৈবাক অমদা লৈরি। লৌউশিংউগী লম ভারত, শা শন নুংশিজবা ভারততা তরাম্না ওকচরি।
মরুপশিং, লৌউশিংউ অমসুং চীঞ্জাক্কী হীরমদা য়াম্না লিরবা লৈবাক অমা, য়াম্না লিরবা থাজবা লৈবা লৈবাক অমনি ভারত হায়বসি। অমসুং ভারতকী লৌউশিংউদা চৎনরোল, সাইন্স, অমসুং লোজিক হায়বসি য়াম্না মরুওইবা অমনি। ঙসিদি মালেম অসিনা চীঞ্জাক অমসুং ন্যুত্রিসন্দা মরুওইবা মীৎয়েং থম্নরক্লি। অদুবু চহি লিশিং কয়াগী মমাংদাজ, ঐখোয়গী অইবা ময়েকশিংদা থম্বীরম্মি – অন্নম হি ভুতানম জ্যেস্থম, তসমত সররোশধম উচ্যাতে। হায়বদি, চীঞ্জাক হায়বসিনা পোৎলম খুদিংমক্তগী খ্বাইদগী ফৈ, মরম অসিননি চীঞ্জাকপু হীদক লাংথক অমসুং মখোয়গী হৌরকফম খুদিংমক্কী মশক অমা ওইনা লৌনরম্লিবসি। আয়ুর্বেদদা ঐখোয়গী চীঞ্জাকশিং অসিবু হিদাক লাংথক্কী মগুন চেনবা অমা ওইনা শীজিন্নবগী মপুং ফাবা সাইন্স লৈ। অসিগুম্বা মহৌশাগী লৌশিং পথাপ অসিনা ভারতকী খুন্নাইরোলগী পুন্সিগী শরুক অমা ওইদুনা লাক্লি।
মরুপশিং,
পুন্সি অমসুং চীঞ্জাক্কা মরী লৈননা চহি কয়াগী মমাংদা ভারতকী লৌশিং পুক্কৈ লৈজরম্মি। লৌউশিংউ হায়বসি ভারত্তা অসিগুম্বা লৌশিং অসিদা য়ুম্ফম ওইদুনা চাউখৎলম্মি। কৃশি পরশার হায়বা লাইরিক অসি চহি লিশিং ২ রোমদগী মীওইবগী পুৱারীগী লন অমা ওইদুনা লাক্লি। মসি সাইন্তিফিক ফার্মিংগী মপুং ফাবা অইবা অমনি, মসিগী ত্রান্সলেত তৌরবা ভর্জনসু হৌজিক্তি ফংলে। হায়রিবা লাইরিক অসিদা, গ্রহ অমসুং থৱান্মিচাকশিংনা লৌউশিংউদা পীবা শাফুশিং, লৈচিল মখল, নোংজুগী চাং অমসুং চুগদবগী মাংজৌননা তাকপা, নোং লোকপগী পাম্বৈ, ওর্গানিক ওইবা হার, শা শনগী চেকশিন থৌরাং, মরু মরাং মতৌ করম্না ঙাক শেনবা, মখোয়বু লোক্তুনা তুংশিনবগী পাম্বৈশিং হায়রিবা হীরমশিং অসি লাইরিক অসিদা কুপ্না শুগাইনা তাক্লি। অসিগুম্বা লিগেসি অসিবু মাংজিল থানা পুখৎলদুনা, লৌউশিংউগা মরী লৈনবা এজুকেসন অমসুং রিসর্চ ভারত্তা শেম্লম্মি। ইন্দিয়ন কাউন্সিল ওব এগ্রিকলচরেল রিসর্চকী রিসর্চ ইন্সতিত্যুত চাম্মা হেন্না লৈজোই। লৌউশিংউ অমসুং মসিগা মরী লৈনবা হীরমশিং নৈননবগীদমক ভারত্তা কোলেজ ৫০০ হেন্না লৈ। লৌমীশিংদা অনৌবা তেক্নোলোজী শীজিন্নহন্নবা হোৎনবগা মরেং পাংনবা কৃশি বিগ্যান কেন্দ্র ৭০০ হেন্না ভারত্তা লোই।
মরুপশিং,
ভারতকী লৌউশিংউদা অখন্নবা মশক অমা লৈজরি। ভারত্তা, ঙসি ফাওবা, ঐখোয়না কুম তরুক্কী ৱাখল কোক্তা থমদুনা পুম্নমক মাংজৌননা থৌরাং তৌই। ঐখোয়দা এগ্রো ক্লাইমেতিক জোন তরামঙাগী হৈশিংবা লৈ। করিগুম্বা নখোয়না ভারত্তা কিলোমিতর চাম্মরোম চৎপা খুদিংগী লৌউশিংউগী মশক হোংগনি। তম্পাক্তা লৌউশিংউ তৌবগী মওং, হিমালয়গী লৌউশিংউ, লৈকংলাদা পায়খৎপা, অকঙবা লৈকংলাদা চত্থবগী মওংশিং অসি খেন্নৈ, ঈশিং মরাং কায়না ফংদবা মফমগী লৌউশিংউ, অমসুং কোস্তেল বেল্ত্তা চত্থবা লৌউশিংউগী মওং অসি খেন্নৈ। অসিগুম্বা মান্নদবা মওং অসিনা ভারতপু মালেমগী চীঞ্জাক্কী সেক্যুরিতীগী আসা অমা পীবা ঙমহল্লি।
মরুপশিং,
আই.সি.এ.ই.না মফম অসিদা পাঙথোকখিবা মতমদুদা ভারত্তি নীংতম্বা ফংবদা ঙাইরি। মতম অদু ভারতকী লৌউশিংউগীদমক ফুদ সেক্যুরিতীদা য়াম্না ৱাবা মতম ওইখি। ঙসিদি, ভারত অসি লেম পানা লৈবা লৈবাক অমা ওইরে। ঙসিদি ভারতনা শঙ্গোম, হৱাই চেঙৱাই অমসুং মরু মরাং খ্বাইদগী য়াম্না পুথোকপা লৈবাক ওইরে। ভারতনা চীঞ্জাক, উহৈ, মনা মশীং, লশিং, চিনি, চা, ফার্ম তৌবগী ঙা খ্বাইদগী য়াম্না পুথোকপদা অনিশুবা লৈবাক ওইরি। ভারতকী চীঞ্জাক্কী সেক্যুরিতী অসি মালেম্না নুংনাংলম্বা হীরম অমা ওইরম্মি। ঙসিদি, ভারতনা মালেমগী ফুদ সেক্যুরিতী, মালেমগী ন্যুত্রিসনেল সেক্যুরিতীগী পাম্বৈ পুথোক্নবা হোৎনরে। মরম অসিনা ভারতকী খঙ হৈবগী চাং অসি 'চীঞ্জাক্কী পথাপ হোংদোক্নবা হোৎনবা' হায়বসিগী মরমদা খন্ননৈনবদা য়াম্না মরুওইরে। মসিনা গ্লোবেল সাউথতা হেন্না মরুওইনা চাউনা কান্নবা পীগনি।
মরুপশিং,
মালেমগী মরুপ মপাং অমা ওইনা, ভারতনা মীওইবা খুনাইগী নুংঙাই য়াইফবনা পুম্নমক্কী মমাং থানা থম্লি। জি-২০ মীফমগী মনুংদা, ভারতনা 'মালেম অমা, ইমুং অমা, অমসুং তুংলমচৎ অমা' হায়বা মঙলান অসি মাঙজিল থানা পুখৎখি। ভারতনা মিসন লাইফ, হায়বা অকোইববু ঙাক শেন্দুনা থম্বা ঙম্বা পুন্সি মহিং অমা শেমগৎনবগী লাইৱা পীখি। ভারতনা 'মালেম অমা, হকশেল অমা' হায়বা থৌরাং অসিসু হৌদোকখি। ঐখোয়না মীওইবগী হকশেল, শা ঙা অমসুং পাম্বীশিংগী হকশেল অসি তোখাই তোখাইনা য়েংবা ঙমদে। ঙসি থেংনরিবা তুংকোইনা চৎপা য়াবা লৌউশিংউ অমসুং চীঞ্জাক্কী পথাপতা থেংনরিবা শীংনবশিং অসি 'মালেম অমা, ইমুং অমা, তুংলমচৎ অমা' হায়বা লম্বী অসিদা শুপচিন্দুনা য়েংলবা মতুংদা থেংনবা ঙমগনি।
মরুপশিং,
লৌউশিংউ হায়বসিনা ঐখোয়গী শেন্মিৎলোনগী পোলিসীগী ময়োলদা লৈ। মফম অসিদা, ইমুং চাদা মরিফু তরারোম্না লম খজিক্তমক লৈজৈ। হায়রিবা অপীকপা লৌমীশিং অসিনা ভারতকী ফুদ সেক্যুরিতীগী খ্বাইদগী চাউবা পাঙ্গল ওইরি। হায়রিবা ফিভম অসিমক এসিয়াগী চাউখৎলক্লিবা লৈবাকশিংদা থেংনরি। মরম অসিনা, ভারতকী মওং অসি লৈবাক কয়াদা কান্নবা ফংবা য়াই। খুদম ওইনা, তুংকোইনা চৎপা য়াবা লৌউশিংউগী পথাপ অসিনি। ভারত্তা, ঐখোয়না লৌফম চাউনা কেমিকেল য়াওদবা মহৌশাগী মওংদা লৌউশিংউ তৌনবগী থবক পায়খৎলি। ঐখোয়না হীরম অসিগী মতাংদা ফজবা ফল কয়া উবা ফংখ্রে। চহি অসিগী বজেত্তসু, তুং কোইনা চৎপা অমসুং অইং অশাগী ফিভম হঞ্জিলহনগদবা মওংদা লৌউশিংউ চত্থনবা মীৎয়েং চাউনা থম্লি। ঐখোয়না লৈখোয়গী লৌমীশিংবু শৌগৎনবা মপুং ফাবা ইকোসিস্তেম অমা শেমগৎলি। ভারতনা অইং অশাগী ফিভম হনজিলহনবা ঙম্বা মহৈ মরোংশিংগী রিসর্চ অমসুং দিবেলপমেন্ততা থবক কয়া পায়খৎলি। হৌখিবা চহি ১০ রোম অসিদা, ঐখোয়না ঐখোয়গী লৌমীশিংদা ক্লাইমেত রেজিলিএন্ত ওইবা মখল লিশিং অমা চমাপনলোম ঐখোয়গী লৌমীশিংদা পীখ্রে। ভারতকী লৌমীশিং অসিনা মসিদগী কান্নবা কয়া ফংনরি। মহৌশাগী পথাপকা চাংদম্নবদা ঐখোয়দা ঈশিং চাদা ২৫ তানা চঙবা ফৌ মখল খরা লৈ। হন্দক্তা, চাকহাও অসি সুপরফুদ অমা ওইনা হৌগৎলক্লি। মনিপুর, অসম, অমসুং মেঘালয়গী চাকহাও অসি মসিদা য়াওরিবা হিদাক লাংথক্কী ওইবা মগুন কয়ানা মরম ওইদুনা পাম্নবা হেল্লক্লি। ভারতনা মালেমগী খুন্নাইগা লোইননা অসিগুম্বা এক্সপিরিএন্স অসি লান্থোকপা পামজৈ।
মরুপশিং,
ঙসিগী মতমদদি, ঈশিং ফংদবগী অৱাবা অমসুং অইং অশা হোংলকপনা মচি ওইবা চীঞ্জাক অসিসু য়াম্না চাউবা শীংনবা অমা ওইরক্লে। ভারত্তা মসি কোকহন্নবা পাম্বৈসু লৈ। ভারতনা মালেমদা খ্বাইদগী চাউবা মিলেত পুথোকপা লৈবাক অমা ওইরি। মালেম্না মখোয়বু সুপরফুদ হায়না কৌনরি অমসুং মখোয়দা শ্রী অনাগী মমিং পীরি। হায়রিবসি ঈশিং য়ামদনা খ্বাইদগী য়াম্না পুথোক্নবগী নিয়মদা পায়খৎলি। ভারতকী তোঙান-তোঙানবা সুপরফুদশিংনা মালেমগী মচি ওইবা চীঞ্জাক্কী সমশ্যা কোকহন্নবগী অচৌবা থৌদাং লৌবা য়াই। ভারতনা মালেমদা ঐখোয়দা লৈরিবা সুপরফুদকী চেঙফু অসিবু লান্থোকপা পাম্লি। অদুগা, মমাং চহিদা, ভারতকী থৌরাংগা লোইননা, মালেম পুম্বনা মিলেতকী অন্তর্জাতিগী চহি হায়না পালনসু তৌখি।
মরুপশিং,
হৌখিবা চহি তরারোম অসিদা, ঐখোয়না লৌমীশিংবু অনৌবা মতমগা চুনবা তেক্নোলোজীগা শম্নহন্নবা থৌরাং কয়া পায়খৎলি। ঙসিদি, লৌমী অমনা সোইল হেল্থ কার্দকা লোইননা মহাক্না করি থারগা চুনগদগে হায়বদু খঙবা ঙমজরে। মখোয়না নুংশা মঙালগা লোইননা ঈশিং চিংখৎপা ঙমজরে অমসুং শীজিন্নদবা লমশিংদা নুংশা মঙাল লোক্তুনা শেল তানবা ঙমজরে। মখোয়না কিসান ক্রেদিত কার্দ শীজিন্নদুনা মহাক্কী পোত্থোকশিং অদু ই-নাম, ভারতকী দিজিতেল এগ্রিকলচরেল মার্কেতকী খুত্থাংদা য়োনবা ঙমজরে। মখোয়না প্রধান মন্ত্রী ফসল বিমা য়োজনাগী খুত্থাংদা মখোয়গী মহৈ মরোংশিং অদুগী শোইদা ঙামদনবা হোৎনজরি। লৌমীশিংদগীনা এগ্রিতেক স্তার্ত অপ ফাওবা, মহৌশাগী ফার্মিংদগীনা ফার্ম স্তে ফাওবা, অমসুং ফার্মদগী তেবল সিস্তেম ফাওবদা লৌউশিংউ অমসুং মসিগা মরী লৈনবা সেক্তরশিংনা লেপ্পা লৈতনা ভারত্তা ফোর্মেলাইজ তৌবা হেল্লক্লি। হৌখিবা চহি তরারোম অসি খক্তদা, ঐখোয়না মাইক্রো ইরিগেসনগা লোইননা লৌউশিংউগী হেক্তর লাখ মরিফু তরারাওবা শম্নরে। ঐখোয়গী ইথানোল ব্লেন্দিং প্রোগ্রাম অসিসু লৌউশিংউ অমসুং অকোইবা অনিমক্তা কান্নবা পীরি। ঐখোয়না চাদা ২০ পেত্রোলদা ইথানোল য়ান্নবা পান্দম থম্লি।
মরুপশিং,
ভারত্তা, ঐখোয়না লৌউশিংউগী হীরমদা তেক্নোলোজী মপুং ফানা শীজিন্ননবা হোৎনরি। প্রধান মন্ত্রী কিসান সম্মান নিধিগী খুত্থাংদা, অমুক্তং নম্বদা, সেকেন্দ ৩০গী মনুংদা লৌমী করোর ১০গী বেঙ্ক একাউন্ততা শেল থারি। ঐখোয়না দিজিতেল ক্রোপ সর্ভেগী দিজিতেল পব্লিক ইনফ্রাস্ত্রকচর শেম্লি। ঐখোয়গী লৌমীশিংনা খুদক্তা ঈ পাউ ফংলি অমসুং মখোয়না দেতানা পীবা ৱারেপশিং লৌবা ঙম্লগনি। লৌমী করোর কয়া ঐখোয়গী থৌরাং অসিনা কান্নবা পীরগনি, মখোয়গী শেন্মিৎলোনগী ফিভম ফগৎহল্লগনি। লৈঙাক অসিনা লম দিজিতাইজ তৌনবা অচৌবা কেম্পেন অমা চত্থরি। লৌমীশিংদা মখোয়গী লমগী দিজিতেল আইদেন্তিফিকেসন নম্বর অমা পীগনি। ঐখোয়না লৌউশিংউদা দ্রোন শীজিন্নবা হেনগৎনবা হোৎনরি। দ্রোন শীজিন্নদুনা পায়খৎপা লৌউশিংউগী কমান্দ অসি ঐখোয়গী দ্রোন সিস্তর ওইরিবী নুপীশিংদা পীরি। খোঙথাং পুম্নমক অসিদগী ভারতকী লৌমীশিংনা কান্নবা ফংজবদা অত্তনা মালেমগী ফুদ সেক্যুরিতীদা মপাঙ্গল হেনগৎহল্লগনি।
মরুপশিং,
লাক্কদবা নুমিত ৫নিরোম অসিদা, নখোয় খুদিংমক্না মফম অসিদা ফোংনা খন্ননৈনবা কয়া চত্থরগনি। ঐহাক্না নুপী অমসুং নহা কয়া মশীং য়াম্না শরুক য়াবা উবদা অদুক্কী মতীক পেঞ্জৈ। মীপুম খুদিংমক্না নখোয়গী ৱাখল্লোনশিংদা মীৎয়েং থম্নগনি। ঐহাক্না থাজৈ মদুদি কনফরেন্স অসিনা মালেম পুম্ববু তুংকোইনা চৎপা য়াবা এগ্রি ফুদ সিস্তেম অমগা শম্নহনবা ঙম্লগনি। ঐখোয়না অমনা অমদগী তম্নগনি অমসুং অমনা অমবু তাকপীগনি।
মরুপশিং,
নখোয় খুদিংমক লৌউশিংউগা মরী লৈনরিবা মীওইশিংনি, অদুনা ঐহাক্না নখোয়গা লোইননা ৱারী ৱাতাই শানবা পামজৈ। মালেমদা লৌমীগী মীতম অমা লৈরমগদ্রা হায়বসি ঐহাক খঙদে। ঐখোয়না মালেমদা স্তেত্যু ওব লিবর্তীনা খ্বাইদগী ৱাংবা মীতম্নি হায়না তাখ্রে। অদুবু ভারতকী নীংতম ঈহৌদা লৌমীশিংবু শক্তি পীবীরম্বা, লৌমীশিংবু নীংতম ঈহৌদা চিংশিনবীরম্বা থৌনা ফবা মীওই অদুগী মীতম্না মালেমদা খ্বাইদগী ৱাংবা ওইদুনা ভারত্তা লৈরে হায়বসি তাবদা লৌউশিংউদগী লাকপা মীওইশিংনা হরাওজগনি। মসিগী অৱাংবসি স্তেত্যু ওব লিবর্তীগীদগী শরুক অনি হেন্না ৱাংই। অমসুং অসিগুম্বা মীতম অসিগী অনিশুবা মশক অমা হায়রবদি, ভারতকী খুঙ্গং লাখ তরুক্তগী লৌমীশিংনা মখোয়না লৌবুক্তা শীজিন্নবা য়োৎচৈ অমমমতা ওইরবসু ঐখোয়দা খুদোল তমজগে হায়না হায়বীরকখি। খুঙ্গং লাখ তরুক্তগী লৌ উবদা শীজিন্নবা য়োৎশিং পুরক্তুনা য়ৈওবা মতুংদা মালেমগী খ্বাইদগী ৱাংবা লৌমীশিংগী লুচিংবগী মীতম অসি শাবদা শীজিন্নখি। ঐহাক্না চপ চানা থাজৈ মদুদি লৈবাক অসিগী লৌমী অমগী মচা অমদা চপ চাবা ইকাইখুম্নবা উৎলে হায়না থাজৈ অমসুং মসি মালেমগী অতৈ মফম অমদা থেংনখিদ্রি। ঐহাক্না থাজৈ মদুদি, নখোয়না মফম অসিদা লাক্লবনিনা, মালেমগী খ্বাইদগী ৱাংবা মীতম স্তেত্যু ওব য়ূনিতী উবদা অদুক্কী মতীক পুক্নিং শুমহৎকনি। অমুক্কা হন্না পুম্নমকপু য়াইফ পাউজেল পীজরি।
থাগৎচরি!
