"অহুমশুবা তার্মগী লৈঙাক অমনা বজেত থম্বদা লৈবাক অসিনা চাউথোকচনিংঙাই ওইবা থৌরম অমা ওইনা লৈবাক অসিনা উরে"
"বজেত অসিনা হৌজিক লৈরিবা লৈঙাক অসিগী মথংগী চহি মঙাগী মায়কৈ লেপকনি অমসুং মসিনা ২০৪৭ ফাওবদা ভিক্সিত ভারত ফংনবগী মঙলানগী অচৌবা য়ুম্ফম অমা থোল্লগনি""দল খক্তগী ওইবা রাজনিতীদগী কাখৎলক্তুনা পার্লিয়ামেন্তকী লেমজনিংঙাই ওইরবা ফম্বাক অসিবু শীজিন্নদুনা লৈবাকসিগীদমক অচেৎপা ফিরেপ অমা লেপ্পু"২০২৯ ফাওবদি, তৌগদবা থবকশিং অসি লৈবাক অসিগী, লাইরবশিংগী, লৌমীশিংগী, নুপী অমসুং নহাশিংদা থমগনি""খল্লবা লৈঙাক অমবু অমসুং মদুগী প্রধান মন্ত্রীবু মচীন মেনবা হায়বসি গনতন্ত্রদা চৎনদে""ইহান হানবা ওইনা কারকপা মেম্বরশিংবু মমাংদা থোকহন্দুনা মখোয়গী ৱাখল্লোন থমহনগদবনি""হাউস অসি রাজনিতী দলশিংগী নত্তে, হাউস অসি লৈবাক অসিগীনি। মসিনা পার্লিয়ামেন্তরিয়ানশিংবু সেবা তৌহনগদবা নত্তে, লৈবাক অসিগী করোর ১৪০গী মীয়ামগী সেবা তৌগদবনি"ঙসি অসি সাৱনগী অহানবা নীংথৌকাবা নুমিৎনি। য়াইফরবা নুমিৎ অসিদা মরু ওইবা সেসন অমা হৌরি, অমসুং সাৱনগী অহানবা নীংথৌকাবা নুমিৎ অসিদা ইরৈবাকচাশিংদা ঐহাক্না য়াইফ পাউজেল পীজরি।
ঙসি পার্লিয়ামেন্তকী নোংজু মীফমসু হৌরি। পার্লিয়ামেন্তকী মীফম অসি পোজিতিব, কন্সত্রক্তিব ওইহন্নবা অমসুং লৈবাক মীয়ামগী মঙলানশিং মংফাওহন্নবা মপাঙ্গল কনবা য়ুম্ফম অমা শেম্নবা লৈবাক অসিনা মীৎয়েং থম্মি।
মরুপশিং,
মসি ভারতকী দেমোক্রেসীগী চাউথোকচনীংঙাই ওইবা খোঙচৎকী মরুওইবা মাইলস্তোন অমনি হায়না ঐনা উরি। পর্সনেল ওইনা, চহি 60 রোমগী মতুংদা সরকার অমা অহুমশুবা ওইনা হল্লকপা অমসুং অহুমশুবা তর্মগী অহানবা বজেৎ পুথোকপগী খুদোংচাবা ফংজবা অসি ঐহাক্কী অমসুং ঐখোয়গী মরূপ পুম্নমক্কী ওইনা চাউথোকচনীংঙাই ওইবা ৱাফম অমনি। লৈবাক অসিনা মসিবু ভারতকী গনতন্ত্রগী শিংথানীংঙাই ওইবা খোঙচৎকী য়াম্না শিংথানীংঙাই ওইবা থৌরম অমা ওইনা উরি। মসি বজেৎ সেসননি। ঐহাক্না লৈবাক মীয়ামদা পীরিবা গেরেন্তীশিং অদু তপ্না তপ্না থবক ওইনা পাঙথোক্নবা পান্দম থমদুনা ঐখোয়না মাংলোমদা চংশিল্লি। মসিগী বজেৎ অসি অমৃতকালগী মরু ওইবা বজেৎ অমনি। ঐখোয়না চহি মঙাগী খুদোংচাবা অমা ফংলে অমসুং ঙসিগী বজেৎ অসিনা চহি মঙা অসিগীদমক ঐখোয়গী থবকশিংগী মায়কৈসু লেপকনি। অমসুং মসিগী বজেৎ অসি 2047দা ঐখোয়না নিংতম্বা ফংবা চহি 100 মপুং ফারকপা মতমদা চাউখৎলবা ভারত অমগী ঐখোয়গী মঙলান অদু মপুং ফাহন্নবগীদমক মপাঙ্গল কনবা য়ুম্ফম অমা ওইগদবা বজেৎ অমগা লোয়ননা লৈবাক অসিগী মমাংদা থোরক্কনি। অচৌবা শেন্মিৎলোন লৈবা লৈবাকশিংগী মরক্তা ভারতনা খোঙজেল য়াংনা চাউখৎলক্লিবা লৈবাক অমা ওইরিবা অসি লৈবাক অসিগী প্রজা খুদিংমক্না চাউথোকচবা পোক্কনি। ঐখোয়না মাংলোমদা চংশিল্লি, হৌখিবা চহি অহুম অসিদা চাদা 8গী চাংদা লেপ্তনা হেনগৎলক্লি। ঙসিদি, ভারতকী পোজিতিব ওইবা মীৎয়েং, ইনভেস্তমেন্ত অমসুং পর্ফোমেন্স অসি খুদোংচাবগী অৱাংবা থাক্তা লৈরে। মসিমক ভারতকী চাউখৎ-থৌরাংগী খোঙচৎতা মরুওইবা মাইলস্তোন অমনি।
মরুপশিং,
ঐহাক্না লৈবাক অসিগী এম.পি. পুম্নমকপু, মখোয়গী পার্তীগী এফিলিয়েসন য়েংদনা, হায়জবা পাম্মি মদুদি হৌখিবা জনুৱারীদগী হৌরগা, ঐখোয়না লান্থেংনবগী মথৌ তাবা লানফম খুদিংমক ঐখোয়গী অরৈবা মপাঙ্গলগা লোয়ননা থেংনখি, অমসুং ঐখোয়না মীয়ামদা হায়গদবসু, ঐখোয়না মখোয়দা হায়খি। খরনা লম্বী তাক্নবা হোৎনখি, খরনা লান্না লমজিংনবা হোৎনখি। অদুবু হৌজিক হায়রিবা মতম অসি লোইরে, লৈবাক মীয়াম্না মখোয়গী ৱারেপ পীখ্রে। হৌজিক্তি মসি মীখলদা শরুক য়াখিবা এম.পি. পুম্নমক্কী থৌদাংনি, মসি পোলিতিকেল পার্তী পুম্নমক্কী অখন্নবা থৌদাংনি মদুদি ঐখোয়না পার্তীগীদমক লান্থেংনখ্রে, হৌজিক লাক্কদৌরিবা চহি মঙা অসিদা ঐখোয়না লৈবাক অসিগীদমক লান্থেংনগদবনি, ঐখোয়না লৈবাক অসিগীদমক লান্থেংনগদবনি, ঐখোয়না হেন্না ইকাই খুম্নবা উৎতুনা লান্থেংনগদবনি। ঐহাক্না পোলিতিকেল পার্তী পুম্নমক্তা হায়জবা পাম্মি মদুদি ঐখোয়বু পার্তী পোলিতিকেলগী ৱাংমদা পুখৎতুনা লাক্কদৌরিবা চহ মরি, চহি মরি অমসুং তংখাইগী মতম অসিদা লৈবাক অসিগীদমক্তা ঐখোয় ইশামকপু কত্থোক্তুনা পার্লিয়ামেন্তকী অসিগুম্বা শীংথানীংঙাই ওইরবা প্লেৎফোর্ম অসি শীজিন্নবা য়াহনবীয়ু।
2029গী জনুৱারীগী মতুংদা, মীখল পাঙথোক্কদৌরিবা চহি অদুগী মতুংদা, অদোম্না ফিল্দদা চৎতুনা হাউস অসিসু শীজিন্নবা য়াগনি। থা তরুক অদুদা নহাক্না শান্নবা পাম্লিবা গেমশিংদু শান্নৌ। অদুবু মদুগী মমাংদা, ঐখোয়না লৈবাক অসিগী লায়রবশিং, লৌমীশিং, নহাশিং অমসুং নুপীশিংগী শক্তি লৈহন্নবগীদমক মীয়ামগী শরুক য়াবগী খোঙজং অমা চংশিন্দুনা 2047কী মঙলান অদু মংফাওনহন্নবা হোৎনগদবনি। ঙসি, ঐহাক্না য়াম্না নুংঙাইতবা ফাওদুনা হায়জরি মদুদি 2014গী মতুংদা, এম.পি. খরনা চহি 5গীদমক লাকখি, এম.পি. খরনা চহি 10গী খুদোংচাবা ফংখি। অদুবু মখোয়গী লমগী মরমদা ৱা ঙাংবগী খুদোংচাবা ফংদ্রিবা, মখোয়গী ৱাখল্লোনগা লোয়ননা পার্লিয়ামেন্তপু মপাঙ্গল কনখৎহনবগী খুদোংচাবা ফংদ্রিবা এম.পি. কয়া অমা লৈখি, মরমদি পার্তী খরগী নেগেতিব পোলিসীনা পার্লিয়ামেন্তকী মরুওইবা মতম অসি মখোয়গী পোলিতিকেল ফীভমশিং অদু কুপশিনবগীদমক শীজিন্নখি। ঐনা পার্তী পুম্নমক্তা হায়জরি মদুদি য়ামদ্রবদা হন্দক্তা হাউস অসিদা লাকখিবা মীওইশিংদা খুদোংচাবা অমা পীবীয়ু, পার্তী পুম্নমক্তা অসিগুম্বা ইকাই খুম্নরবা এম.পি.শিং মশিং য়াম্না লৈ, মখোয়দা খন্ন-নৈনবদা মখোয়গী ৱাখল্লোন ফোঙদোক্নবগী খুদোংচাবা পীবীয়ু। য়ারিবমখৈ মীওই কয়াদা মাংলোমদা চংশিন্নবা খুদোংচাবা পীবা। অমসুং অনৌবা পার্লিয়ামেন্ত শেম্লবা মতুংদা পার্লিয়ামেন্তকী অহানবা মীফমদা লৈবাক অসিগী মীওই করোর 140গী মেজোরিতীনা শেবা তৌনবা ওর্দর তৌখিবা সরকারগী ভোইস অদু অনদেমোক্রেতিক ওইবা মওংদা নমথদনবা হোৎনবা অমা অদোম্না উবা ফংলমগনি। দেমোক্রেসিগী চৎনবীদা লৈবাক অসিগী প্রধান মন্ত্রীবু পুং অনি মখায় মহাক্কী ৱা ঙাংবদা অথিংবা থম্বা, মহাক্কী ৱা ঙাংবদা অথিংবা থম্বগী মফম লৈতে। অমসুং মসিদা অৱাবা অমত্তা লৈতে, থম্মোয়দা অৱাবা অমত্তা লৈতে।
ঙসি ঐহাক্না হায়জনীংবদি, লৈবাক মীয়াম্না ঐখোয়বু পার্তীগীদমক্তা নত্তনা লৈবাক অসিগীদমক্তা মফম অসিদা থারকখি। হাউস অসিনা পার্তীগীদমক নত্তে, হাউস অসি লৈবাক অসিগীদমক্তনি। হায়রিবা হাউস অসি এম.পি.শিং খক্তগী নত্তে, মসি লৈবাক অসিগী মীওই করোর 140গীনি। ঐহাক্না থাজৈ মদুদি ঐখোয়গী ইকাই খুম্নরবা এম.পি. পুম্নমক্না খন্ন-নৈনবদা মপুং ফানা শেম-শাদুনা মতেং পাংগনি। খেন্নবা ৱাখল্লোন কয়া লৈরবসু, খেন্নবা ৱাখল্লোনশিং অসি ফত্তে, নেগেতিব ওইবা ৱাখল্লোনশিং অসি ফত্তে। ৱাখল্লোনগী ঙমখৈ লোইশিল্লকপা মতমদা, লৈবাক অসিনা নেগেতিবিতীগী মথৌ তাদে। লৈবাক অসিনা ৱাখল্লোন অমগা লোয়ননা মাংলোমদা চংশিনবা তাই। ভারতকী মীপুম খুদিংমক্কী আশা অমসুং অপাম্বশিং মপুং ফাহন্নবগীদমক ঐখোয়না দেমোক্রেসীগী লাইশং অসি অফবা মওংদা শীজিন্নগনি হায়না ঐহাক্না থাজবা থম্লি।
হন্না-হন্না থাগৎচরি মরুপশিং।
