খুরুমজরি, কলিস্পেরা, সত শ্রী অকাল, জয় গুরুদেব, বোলো ধন গুরুদেব,
হরাউ নুংঙাইবগী মতাং অমা লাকপা মতমদা হরাউবা ফোঙদোকনীংবগী অপাম্বা থমোইদা ফাওই, অদুগা ঐহাক্না ঐহাক্কী ইমুং মনুংগী মনাক্তা অথুবা মতমদা চৎনীংই, ঐহাক্না হৌজিক্তি ঐহাক্কী ইমুং মনুংগী মরক্তা তিল্লরে। মসিগী সাৱনগী থা অসি ভগৱান শিবগী থা হাবরগসু খংনৈ অমসুং মসিগী শেংলবা থা অসিদা লৈবাক অসিনা অমুকসু অনৌবা মাইপাকপা অমা ফংবা ঙমখ্রে। ভারতনা থাগী খাথংবা পোলদা লৈবা অমম্বা জোন্দা লেন্দ তৌবা ঙম্বা মালেমগী অহানবা লৈবাক ওইখ্রে। থাগী লৈমাইদা ভারতকী মচু অহুমগী ফিরাল চিংখৎপা মতমদা ভারতনা ভারতকী তৌবা ঙম্বা অদু মালেম পুম্বা উৎখ্রবনি। মালেম পুম্বদগী থাগৎপগী মেসেজনা ৱাই চাইখ্রে, মীয়াম্না মখোয়গী থাগৎ ৱাহৈ কয়া থারক্লি অমসুং নখোয়দসু থাগৎপা ফোঙদোকপা মেসেজ লাক্লমগনি হায়না ঐহাক্না খল্লি চুম্বরা? ভারত মচা পুম্নমক্না মসি ফংলি। সোসিএল মেদিয়া খুদিংমক থাগৎপগী মেসেজনা ইচাউ থোকখ্রে। মাই পাকপা অসি য়াম্না চাউবা মতমদা মাই পাকপগী ইনোৎ অসিসু লেংদনা অদুমক লৈ। অদোমগী মাইথোংশিং অসিনসু তাক্লি মদুদি মালেমগী মফম অমাহেক্তদা নখোয়না লৈবা মতমদা অদোমগী থমোয়দা ভারতকী ইহুল হুল্লি। ভারতকী ইহুল হুল্লি, ভারতকী ইহুল হুল্লি, ভারতকী ইহুল হুল্লি। ঙসি ঐহাক্না গ্রীসতা নখোয়গী মরক্তা তিন্দুনা চন্দ্রয়ানগী মাইপাকপা অসিদা পুম্নমকপু থাগৎপা ফোঙদোকচরি, মসি অচৌবা মাই পাকপা অমনি।
মরুপশিং,
ঐখোয়না অঙাং ওইরিঙৈগী মতমদগী ঐখোয়গী লৈবাক্তা থা অসি চন্দা মামা হায়না কৌনদুনা লাক্লি। করি হায়না কৌবা? চন্দা মামা। অদোম্না উরম্লগনি মদুদি মীওই খরনা চন্দ্রয়ানগা মরী লৈননা পিকচরশিং শিয়র তৌবা। ঐখোয়গী মালেম ইমা অসিনা চন্দ্রয়ান অসি মহাক্কী মবুং/মৌপ্বা থাদা রাখি ওইনা থাখি অদুগা য়েংউ থানা মদুগী রাখি অদুবু কয়াগী মতিক ইকাই খুম্নবা উৎলিবা। রাখি হরাও কুহ্মৈসু নুমিৎ খরনি অসিদা লাক্লগনি। ঐহাক্না এদভান্স ওইনা নখোয় পুম্নমক্তা রক্ষাবন্ধনগী য়াইফ-মঙ্গোল পীজরি।
ঐগী নুংশিংজরবা ইমুং মনুংশিং,
ঐহাক লৈবাক কয়ামরুমদা চৎখ্রে, অদুবু গ্রীসতা লাকপা, এথেন্সতা লাকপা অসি ঐহাক্কী ওইনদি য়াম্না মরুওই। অহানবদা, এথেন্সকী পুৱারী অসি চহি লিশিং কয়া শুরে। অনিশুবদা, মালেমগী হৌজিক লৈরিবা খ্বাইদগী লিরবা শহরশিংগী মরক্তা অমা ওইরিবা কাশিগী ঐহাক অসি এম.পি.নি। অহুমশুবদা অতো্পা ৱাফম অমা লৈরি, ঐহাক্না পোকখিবা গুজরাতকী মফম ভাদনগর অসি এথেন্সকুম্বা অঙকপনা থল্লবা সহর অমনি। চহি লিশিং কয়া শুরবা সিভিলাইজেসনগী অরেম্বা কয়া মফম অদুদা ফংলি। মরম অদুনা ঐহাক্না এথেন্সতা লাকপা অসিদা তোঙানবা ইথিল অমা ফাওই। অদুগা নখোনসু খংলে, গ্রীস সরকারানা গ্রীস খ্বাইদগী ৱাংবা সিভিলিয়না এৱার্দসু ঐঙোন্দা পীবীরে। নখোয় পুম্নমক মসিগী ইকাই খুম্নবা অসিদা শরুক য়ারিবনি, ভারতমচা করোর 140না মসিগী ইকাই খুম্নবা অসিদা শরুক য়ারিবনি। ঐহাক্না মসিগী ইকাই খুম্নবা অসি ভারত ইমাগী মচাশিংগী খুয়া খাদা কৎচরি।
মরুপশিং,
ঐহাক্না গ্রীসকী মীয়ামদা মখোয়গী অৱাবদা শরুক য়াজরি হায়না থমজরি। ঙাইহাক্কী মমাংদা উমংশিংদা মৈ চাকপা মতমদা অৱাবা কয়া মায়োক্নখি। মসিগী খুদোং থিবা অসিদা গ্রীস মীওই কয়ানা খংহৌদনা পুন্সি মাংবা য়াওখি। মসিগী অৱাবগী মতম অসিদা ভারতনা গ্রীসকীদমক খোংফম চেৎনা লেপ্লি।
মরুপশিং,
গ্রীস অমসুং ভারতকী মরী অসি চহিচা কয়াগী মমাংদগী লৈরক্লে। মসিগী মরীশিং অসি, সিভিলাইজেসনগী, চৎন-লোনচৎকী ওইবা মরীনি। গ্রীস অমসুং মৌরিয়া নিংথৌরেলগী মরক্তা মরুপ ওইবগী মরী অমা লৈরম্মি। নিংথৌরেল অশোকানা গ্রীসকা অফবা মরী লৈরম্মি। মতম অদুদা মালেমগী অচৌবা শরুক কয়াদা দিমোক্রেসীগী মতাংদা খন্নদ্রি। অদুবু ঐখোয়গী দিমোক্রেসী লৈরম্মি। এস্ত্রোনোমী, অঙ্ক, আর্তস, ললোল ইতিকতবু ওইরো, সিভিলাইজেসন অনিনা অমনা অমদগী য়াম্না তমখি অমসুং অমনা অমবু হায়না তাকপিখি।
ঐগী নুংশিংজরবা ইমুং মনুংশিং,
সিভিলাইজেসন অমসুং চৎন-লোনচৎ খুদিংমক অখন্নবা শক্লোন অমা পুই। ভারতকী সিভিলাইজেসনগী শক্লোন অসি মালেম অসিগা অমত্তা ওইনা চৎমিন্নবনি। ঐখোয়গী গুরুশিংনা মসিগী ৱাখল্লোন অসিগী থৌনা হাপ্পীরম্মি। ঐখোয়না “উদাসিস” (খোংচৎশিং) হায়রগা খংনবা গুরু নানক দেবজীগী মালেম পুম্বা চৎখিবা খোংচৎ অদুগী পান্দম করিনো? মসিগী খোংচৎশিং অসিগী পান্দমদি মীওই খুনাইবু অমত্তা ওইনা পুনশিনবা, মীওইবা খুনাইদা চাউখৎপা পুরকপনি। গুরু নানকজীনা গ্রীসকী মফম কয়াদা চৎখি। গুরু নানাকজীগী লমজিং লমতাক্কী মরুওইবশিং অদু “নানক নামচর্দি কালা, তেরেবানেসর্বত দা ভালা”দা য়াওরি- মীপুম খুদিংমক্না নুংঙাই য়াইফবা অমসুং নহাক্কী থৌজাল পীবীবা ওইরসনু। মসিগী মীপুম খুদিংমক্কী নুংঙাই য়াইফনা লৈনবা ৱাখল্লোন অসি মতম শাংনা লৈরক্লি অমসুং ভারতকী ৱাকল্লোন অসিগী মতুং ইন্দুনা ভারত অসি মাংলোমদা চংশিল্লি। করোরনা লাইচৎকী মনুংদা ভারতনা করম্না হীদাক লাংথক্কী সপ্লাই চেন শেমদুনা থমখিবগে আববদু নখোয়না খংলম্লগনি। মদুদা অপনবা থোকহনখি। ‘মেদ ইন ইন্দিয়া’ কোভিদ ভেক্সিন্না মালেম পুম্বগী মীওই কয়াগী পুন্সি কনখি। লাইচৎ মনুংদা ঐখোয়গী গুরুদ্বারশিং (শিখ লাইশঙশিং)দা লেঙ্গর (মীয়ামগী চাকলেনশিং) পীজখি, লাইশঙশিংনা চাকলেন পীজখি অমসুং শিখ নহারোলশিংনা মীওইবা খুনাইদগী ফীদমনীংঙাই ওইখি। লৈবাক অমা ওইনা, সমাজ অমা ওইনা, মসিগী থৌওংশিং অসিনা ভারতকী ভেল্যুশিংগী মরুওইবা অদু উৎখি।
মরুপশিং,
ঙসিদি মালেম অসিনা অনৌবা অনৌবা মালেম অমগী ওর্দরদা চংশিল্লি। মসিগা লোয়ননা ভারতকী তৌবা ঙম্বশিং, মালেমগী ফম্বাক্তা মসিনা লৌরিবা থৌদাং অসিসু লেপ্পা লৈতনা হেনগৎলক্লি। ঐহাক্না খা অফ্রিকাদা BRICS শরুক য়ারুরবা মতুংদা মফম অসিদা লাকপনি। নুমিৎ খরগী মতুংদা G-20 সম্মিৎ অসি ভারত্তা পাংথোক্লগনি। G-20 সম্মিৎকী য়ুম্বু ওইনা ভারতনা লৌখৎখিবা থীম অসি মালেমগী মচিন মনাও ওইবগী ৱাখল্লোন অদু য়াওরি। মসিগী থীম অদুদি “ভসুধৈবকুতম্বকম”, ৱান আর্থ, ৱান ফেমিলী, ৱান ফ্যুচর”নি মসিনা তাক্লি মদুদি মালেমগী তুংলমচৎ অসি অমগা অমগা শিয়র তৌনৈ অমসুং মরী লৈনৈ। মরম অদুনা ঐখোয়গী ৱারেপশিং অমসুং থৌদাংশিং অসি মদুগী মাইকৈদা পুদুনা চৎলি।
মরুপশিং,
ঐখোয় ভারতমচাশিংগী তোপ-তোপ্পা মগুন অমা লৈ, ঐখোয়না লৈবা মফম খুদিংমক্তা ঐখোয়না মফমদুনা চুশিন্নৈ অমসুং চিনিগা শঙ্গোমগা য়ানশিন্নবগুম য়ানশিন্নৈ, ঈশিংদা চিনি তুম্বগুম পুনশিনখি। অদোম্না গ্রীসকী শেন্মীৎলোন্দা অখন্ননা খুঙ্গংগী শেন্মিৎলোন্দা অফবা মহাও অমা হাপ্লি। অদোম্না গ্রীসকী চাউখৎ থৌরাং পুরকপদা শীংথানীংঙাই ওইনা থৌদাং লৌরি। মসিগা মান্ননা ভারত্তা লৈরিবা অদোমগী ইমুং মনুংগী মীওইশিংনা লৈবাক অসিগী চাউখৎ থৌরাংদা হকথেংননা থৌদাং লৌরি। অদোমগী ইমুং মনুংগী মীওইশিংনা ভারত অসি মালেমগী শঙ্গোম খ্বাইদগী পুথোকপা লৈবাক অমা ওইহল্লি। অদোমগী ইমুং মনুংগী মীওইশিংনা চেং, গেহু, চু, উহৈ ৱাহৈ অমসুং মনা মশিং পুথোকপদা মালেমগী থাক্তা অনিশুবা ওইহল্লি। ঙসিদি ভারত অসিনা ঙসিদগী চহি 10-15গী মমাংদা ওইথোক্তবনি হায়না খনবা মওং অমদা থবক পাইখৎলি। ভারত অসি স্মার্তফোন দেতাশিং শিজিন্নবদা মালেমদা অহানবা লৈবাক ওইর, ভারত অসি ইন্তরনেত শিজিন্নবদা মালেমগী অনিশুবা রেঙ্কতা লৈরি, ভারত অসি মালেমদা মোবাইল ফোন পুথোকপদা অনিশুবা লৈবাক ওইরি, ভারত অসি মালেমগী ওইনা স্তার্ত-অপ ইকোসিস্তেম লৈবা অহুমশুবা লৈবাক ওইরি, ভারত অসি খ্বাইদগী ওতো মার্কেত লৈবা মালেমগী অহুমশুবা লৈবাক ওইরি, অমসুং ভারত অসি খ্বাইদগী য়াম্না সিভিল এভিএসন মার্কেত লৈবা মালেমগী অহুমশুবা লৈবাক ওইরি।
মরুপশিং,
ঙসিদি, IMF অমসুং ৱর্ল্দ বেঙ্ককুম্বা ওর্গনাইজেসনশিংনা ভারতকী মপাঙ্গল লৈবা শেন্মীৎলোন অসিবু থাগৎপদা চোকথবা লৈত্রি। মালেম পুম্বদা লৈরিবা অচৌবা মল্তিনেস্নেল কম্পনীশিংনা ভারত্তা ইনবেস্ত তৌনবা খৌরাংনা ঙাইরি। হৌজিক ভারত অসি মালেমগী খ্বাইদগী চাউবা মঙাশুবা ইকনোমিক পাৱর ওইরি অমসুং লাক্কদোরিবা চহি খরা অসিদা ভারত অসি মালেমগী খ্বাইদগী চাউবা ইকনোমীগী অহুমশুবা মফমদা লৈরগনি হায়না অখং অহৈশিংনা পানরি।
মরুপশিং,
শেন্মিৎলোন্না লেপ্পা লৈতনা চাউখৎলকপা মতমদা লৈবাক অমনা খোংজেল য়াংনা লাইরবা কোকপা ঙম্মি। চহি মঙাখক অসিদা ভারত্তা মীওই করোর 13.5না লাইরবগী পনখৈদগী কোকপা ঙমখ্রে। ভারতকী শেন্মিৎলোন অসিনা চাউথোরক্লিবা মখৈ ভারতমচা খুদিংমক অমসুং ইমুং খুদিংমক্কী ইনকম হেনগৎলক্তুনা মীয়াম্বু হেন্না শেল তানহনবা অমসুং ইনভেস্ত তৌবা ঙমহল্লি। ঙসিদগী চহি তরাগী মমাংদা ভারতমচাশিংনা মুচ্যুল ফন্দশিংদা লুপা লাখ করোর নিপানলোম ইনভেস্ত তৌখি। ঙসিদি ভারতমচাশিংনা মুচ্যুল ফন্দশিংদা লুপা করোর লাখ 40 হেন্না ইনভেস্ত তোখ্রে। মসিগী অহোনবা অসি পুরকপগী মরমদি, ভারতমচা খুদিংমক্না মশানা মশাবু থাজবা থম্বা অমসুং ভারত অসিনা লৈবাক অমা ওইনা থাজবা পীবননি।
মরুপশিং,
ঙসি ভারতনা মাগী সাইন্স, তেক্নোলোজী অমসুং ইন্নোবেসনগা লোয়ননা মালেমগী ফম্পাক্তা মফম অমা কল্লি। 2014দগী হৌনা ভারতনা ওপতিকেল ফাইবর কিলোমিতর লাখ 25 তিংবা ঙমখ্রে।, মসিগী মশিং অসি য়াম্না য়াম্বা মালমগনি। ওপতিকেল ফাইবরগী কিলোমিতর লাখ কুন-মঙা অসি পৃথিবী অমসুং থাগী মরক্তা লৈরিবা অরাপ্পগী শরুক তরুক্নি। ভারত অসি অতেনবা মতমগী মনুংদা জিলা 700 হেনবদা 5G সর্ভিসশিং ফংহনবা ঙম্বগী শীংথানীংঙাই ওইবা মাইপাকপা পুরকপা ঙমখি। অমসুং 5G তেক্নোলোজী অসি ৱাইরকপা অমসুং ইম্পোর্ত তৌরকপা নত্তে মসিদি “মেক ইন ইন্দিয়া”নি। দিজিতেল ত্রাঞ্জেক্সনশিং অসি খুঙ্গং খুদিংদা অমসুং ভারতকী লৈরক খুদিংমক্তা তৌরি। অমৃতসরদগী আইজোল ফাওবা লুপা তরাগী পোৎ লৈয়দা দিজিতেল পেমেন্তশিংগী খুত্থাংদা তৌরি। করিগুম্বা অদোমনা ভারত্তা হন্দক্তা চৎলুবা তারবদি মসি শোইদনা থেংনবীরমগনি। থেংনরকপ্রা? ফুরিৎ খাওদা শেল হাপতুনা পুবগী মথৌ তাদে মোবাইল ফোনশিংনা ত্রাঞ্জেক্সনশিং তৌবা য়ারে।
মরুপশিং,
ঙসি ভারতনা খুমাং চাউশিনবগী খোঙজেল অমসুং স্কেল অসিনা নখোয় য়াওনা ভারত মচা খুদিংমক্কী থমোয়দা অপেনবা পোকহল্লি। মালেমগী খ্বাইদগী ৱাংবা রেল ব্রিদজ ভারত্তা লৈ তাবদা নখোয়না চাউথোকচবা পোক্কনি। মালেমগী খ্বাইদগী ৱাংবা মোতোরেবল রোদ ভারত্তা লৈ। মালেমগী খ্বাইদগী চাউবা ক্রিকেত স্তেদিয়ম ভারত্তা লৈ। মালেমগী খ্বাইদগী ৱাংবা মীতম ভারত্তা লৈ। মালেমগী খ্বাইদগী চাউবা সোলর ৱিন্দ পার্কসু ভারত্তা শরি। থাগী মতাংদদি হৌজিক হৌজিক ফোঙ-ফোঙ শারিবা তোপিক ওইরিবা থাগী মরমদা নখোবদা খুদম অমা পীজগে। হৌখিবা চহি 9দা ভারতনা মাগী খুঙ্গংশিংদা লম্বী কয়া শেমখ্রে অমসুং ঐহাক্না হায়রিবা অসি খুঙ্গংশিংগী লম্বী খক্তা পুনশিনবদা পৃথিবী অমসুং থাগী মরক্তা লৈরিবা অরাপ্পা অসি কবর তৌরগনি। খুঙ্গং অসিগী লম্বীশিং অসি চহি 9 দা শেমখি। হৌখিবা চহি 9দা ভারত্তা শেমখিবা রেলৱে লাইনশিংগী অশাংবা অসি কিলোমিতর লিশিং 25 হেল্লে। ঐহাক্না কিলোমিতর লিশিং 25 হায়রিবা অসি মশিং খক্তা মালেমগনি। অদুবু হৌখিবা চহি 9 অসিদা ভারতনা শেমখিবা রেলৱে লাইনশিং অসিনা ইতালী, খা অফ্রিকা, য়ুক্রেন, পোলেন্দ অমসুং ব্রিতেনগুম্বা লৈবাকশিংগী রেলৱে লাইনগী নেৎৱার্ক্তগী হেল্লি। ভারতনা ঙসি ইনফ্রাস্ত্রকচরদা থাদরিবা ইনভেস্তমেন্ত লেবেল অসি মমাংদা অমুক্তা ওইখিদ্রি।
মরুপশিং,
ঙসি ভারতনা জয় জৱান, জয় কিসান, জয় বিজ্ঞানগী মন্ত্রগা লোয়ননা মাংদা চংশিল্লি, সেক্তর খুদিংমক মপাঙ্গল কনখৎহল্লি। গ্রীসতা পঞ্জাবতগী ঐখোয়গী মরুপ কয়ানা লাকই অমসুং মখোয় অয়াম্বা লৌউ-শিংউগী থবকশিং তৌই। ভারত্তা ঐখোয়না লৌমীশিংগীদমক স্কিম অমা হৌদোকখি মসিদা সরকারনা মখোয়গী লৌউ-শিংউগী চাদিংশিংগীদমক মখোয়গী বেঙ্ক একাউন্তশিংদা হকথেংননা শেল ত্রান্সফর তৌখি। পি.এম. কিসান সম্মান নিধিগী মখাদা লৌমীশিংগী বেঙ্ক একাউন্তশিংদা হকথেংননা লুপা করোর লাখ 2.5 হেন্না ত্রান্সফর তৌখি। নুমিৎ খরনিগী মমাংদা ঐহাক্না লাল কিলাদগী ৱাফম অমা লাউথোকখি অমসুং ঐহাক্না মফম অসিদা অমুক হন্না ফোঙচোকচগে মদুদি ভারতনা ঐখোয়গী খুঙ্গংশিংদগী ইচে-ইচলশিংবু দ্রোন পাইলোৎশিং ওইনা ত্রেন তৌনবা অচৌবা কেম্পেন অমা হৌদোক্লি। ঐখোয়গী খুঙ্গংগী ইচানুপীশিংনা দ্রোন পাইলোৎশিং ওইদুনা মোদর্ন ফার্মিংদা মতেং পাংলগনি। দ্রোনশিংগী মতেংগা লোয়ননা মখোয়না লৌবুক্তা তীল হীদাক চাইবা ঙম্লগনি অমসুং মফম অমদগী মফম অমদা তঙাই ফদবা পোৎলমশিং য়ৌহনবা ঙম্লগনি।
মরুপশিং,
ভারত্তা ঐখোয়না লৌমীশিংদা সোইল হেল্থ কার্দ করোর 20 হেন্না পীখ্রে। হৌজিক মখোয়না মখোয়গী লৌবুক্ধা করম্বা মখলগী হার শীজিন্নগনি, হার কয়া য়াম্না মথৌ তাই অমসুং করম্বা মহৈ মরোং অসি মহাক্কী লৈহাওগা চান্নবগে খঙবা ঙম্লে। মসিনা মরম ওইরগা মখোয়না অকক্নবা মফমদগী পোত্থোক য়াম্না পুথোকপা ঙম্লে। ঐখোয়গী লৌমী ইচিল-ইনাওশিংনা হৌজিক ভারত্তা পাক চাউনা মহৌশাগী লৌউ পথাপ শীজিন্নবা হৌখ্রে। সরকারনা লৌমীশিংদা চাউনা কান্নবা পীনবা অতোপ্পা স্কিম অমগা লোঞ্চ তৌখি। মসি “ৱান দিস্ত্রিক্ত, ৱান প্রদক্ত” স্কিমনি। নখোয়না খঙই মদুদি জিলা খুদিংমক মখোয়গী মশাগী অখন্নবা অমা লৈজৈ। খুদম ওইনা কর্নাতকাগী কোদাগু অসি কোফীগীদমক খঙনৈ, অমৃতসরনা অচার অমসুং মসি শেম্বগী, ভিলৱারানা চুজাক্কী পোত্থোকশিংগী, ফতেগরন সাহিব, হোশিয়রপুর অমসুং গুরদাসপুরনা চিনি মতুমগী, নিজমাবাদনা য়াইঙংগীদমক খঙনৈ। জিলা অমমমগী অখন্নবা অদুদা মীৎয়েং চংদুনা ঐখোয়না মখোয়গী এক্সপোর্ত হেনগৎহল্লি। অনৌবা পান্দমশিংগীদমক অনৌবা পাম্বৈশিংগা লোয়ননা থবক তৌরিবা মসি অনৌবা ভারতনি।
মরুপশিং,
গ্রীস অসি ওলিম্পিক্স হৌদোকখিবা মফমনি। ভারতকী নহারোলশিংগী মরক্তসু স্পোর্তস পাম্বগী ইথিল লেপ্পা লৈতনা পোক্নরি। ভারতকী অপীকপা সহরশিংদগী শান্নরোয়শিংনা ওলিম্পিক্সতগী হৌরগা য়ুনিভর্সিতী গেমশিংদা মাইপাক্লি। নীরজ চোপ্রানা ওলিম্পিক্সতা মেদল অমা লৌবদা মীপুম খুদিংমক্না চাউথোকচবা পোকখি। নুমিৎ খরনিগী মমাংদা ভারতকী নহারোলশিংনা ৱর্ল্দ চেম্পিয়নশিপ গেম্সতা শীংথানীংঙাই ওইনা পরফোর্ম তৌখি। হেক হৌখিবদগী হৌণা কম্পিতিসন অসিগী পুৱারদীদা ভারতনা মমাংগী ইদিসনশিং পুনশিল্লগা পুরকখিবা অপুনবা মেদলশিংদগী হন্দক লৌরকপা ঙমখিবা মেদলশিংনা হেন্না য়ামখি।
মরুপশিং,
গ্রীসতা মখোয়গী কলচর অমসুং অরিবা হেরিতেজ করম্না য়োকখৎপগে নখোয়না উবা ফংলি। ঙসি ভারতনা মাগী হেরিতেজকীদমক চাউথোকচবা পোক্লি অমরোমদা মসিবু দিবেলপমেন্তগা পুনশিল্লি। মালেমগী খ্বাইদগী চাউবা ম্যুজিয়ম, য়ুগয়ুগীনভারত অসি দিল্লীদা শারি। নখোয় তারব্রা? হন্দক্তা ঐহাক্না মধ্য প্রদেশকী সাগরদা সন্ত রবিদাস স্মারাক্কী উরেপ উয়ুং তম্বগী থৌরমদা শরুক য়াবগী খুদোংচাবা ফংজখি। সন্ত রবিদাসনা তাকপীরম্বশিংনা ইথিল পীখিবা মফম অসি খুঙ্গং 50,000দগী লৈপাক লৌদুনা অমসুং তুরেল 300দগী পুরকপা ক্লে পুনশিন্দুনা শাগনি। কেম্পেন অসি কয়াম চাউরমগনি হন্থদুনা য়েংবীয়ু। সন্ত রবিদাস অসি কাশীদা পোকখি। মহাক্কী পোক্নফম ওইরিবা কাশীদা ফেসিলিতী কয়ামরুম লৈরকপা উবা ফংজবা অসি ঐহাক্কী লাইবক ফবনি। হৌখিবা চহি মাপনদা ঐখোয়গী গুরুশিংগী শেংলবা মফমশিং অসিগী কন্নেক্তিবিতী ফগৎহন্নবা কন্না হোৎনখি। করতারপুর সাহিব অসি মতম অমদা বাইনোক্যুলর থাদুনা লাপ্না য়েংনরমখি। ঐখোয়গী সরকারনা করতারপুর সাহিব ফাওবগী লম্বী অসি নুংঙাইহনখি। গুরু নানক দেবজীগী 550শুবা প্রকাশপর্ব, গুরু তেগ বহাদুরগী 400শুবা প্রকাশপর্ব অমসুং গুরু গোবিন্দ সিংহজীগী 350শুবা প্রকাশপর্বতা ঐখোয়গৌ সরকারনা য়েংলবা নুমিৎশিং অসি মালেম শিনবা থুংবদা পাঙথোক্নবা থবক পাইখৎখি। ঐখোয়না ভারত্তা সহাবজাদাসপু নীংশিংদুনা চহি খুদিংগী দিসেম্বর 26 অসি ‘বীর বাল দিবস’ হায়না হৌজিক পালন তৌরি।
মরুপশিং,
ফিজিকেল, দিজিতেল অমসুং কলচরেল কন্নেক্তিবিতীগী ‘অমৃতকাল’ ভারত্তা হৌখ্রে। ভারত য়াওনা মালেম শিনবা থুংবদগী মীয়াম্না গ্রীসতা মাগী হেরিতেজ য়েংবা লাকপা অদুগা চপ মান্ননা য়ুরোপকী মরু ওইনা গ্রীসকী মীয়াম্না ভারত্তা হেন্না হেন্না লাক্লগনি হায়না ঐহাক্না থাজৈ। নখোয়গী তেনর মনুংদা নুমিৎ অসু উবা ফংগনি। অদুবু মফম অসিদা ভারতকী মরমদা ঐহাক্না নখোয়না শিয়র তৌবা অসিগুম্না নখোয়নসু গ্রীক মরুপশিংদা ভারতকী ৱারী শিয়র তৌবা মথৌ তাগনি। নখোয়না মখোয়দা হায়গদ্রা? নখোয় কাউগদ্রা? মসি ইমা ভারতকীদমক অচৌবা শেবা তৌবা ওইগদৌরিবনি।
মরুপশিং,
নখোয়গী গ্রীক মরুপশিংগীদমক পুৱারী ওইরবা মফমশিংশিংগী মথক্তা অতোপ্পা কয়া লৈ। মফম অসিদা লৈরিবা মীওইশিং অসি লমলক্কী শা-উচেক পামজবা অমসুং অকোইবগী ফীভম ঙাকশেন্নবা খোঙফম চেৎনা লেপ্পী। এরিয়া ৱাইস ওইনা য়েংবদা ভারতনা মালেমগী লমগী 2.5% খক্তা ওইজরবসু মালেমগী বাইওদাইভর্সিতী 8% হেন্না লৈ। ভারত অসি মালেমগী কৈগী মশিংগী 75% হেন্না লৈ। কৈশিং, এসিয়াতিক ইলিফেন্ত, অমসুং মচি অমা পানবা সমুগন্ধাগী মশিং খ্বাইদগী ৱাংনা ভারত্তা লৈ। এসিয়াতিক লায়ন অসি মালেমগী ওইনা ভারত্তা খক্তা লৈ। ঙসি ভারত্তা কম্ম্যুনিতী রিজর্ব 100 অমসুং নেস্নেল পার্ক অমদি ৱাইল্দলাইফ সেঙ্কচুরি 400 হেন্না লৈরে।
ঐগী নুংশিজরবা ইমুং-মনুংশিং,
ঙসিগী ভারতনা ইমা ভারতকী মচা অমত্তগী মীচং চংদবা লৈতে। মালেমগী মফম অমা হেক্তদা ভারত মচা অমা হেক্তনা অৱাবা মায়োক্নবা মতমদা মাগী মীয়ামদা কৈদৌনুংদা হুন্দোক্তুনা থমখিদে। মসিনা মরম ওইরগা ঐহাক্না নখোয়বু ইমুং মনুংনি হায়রিবনি। নখোয়না উবা ফংখ্রে য়ুক্রেন্দা লান থোকপা মতমদা ঐখোয়গী অঙাং লিশিং কয়া শাফনা হোন্দোকখি। অফঘানিস্তান্দা হিংসা থোরকপা মতমদা ভারতনা মাগী প্রজাশিং, সিখ ইচিল-ইনাওশিং য়াওনাব শাফনা য়ুমদা হোন্দোরকপা ঙমখি। মসি খক্তা নত্তনা ঐখোয়না ভারত্তা অফঘানিস্তান্দগী গুরু গ্রন্থ শাহিবকী ‘স্বরুপ’ ইকাই খুম্নবগা লোয়ননা পুরকখি। মালেম শিনবা থুংবদা শন্দোক্লিবা ইন্দিয়ন মিসনশিং অসি হৌজি সরকারগী ওফিসশিংগা মরী লৈনবা খক্তা নত্তনা নখোয়গী য়ুমশিংগী এক্সতেন্সনগা মান্নরক্লি। গ্রীসতসু ইন্দিয়ন মিসন্না 24/7 শেবা তৌনবা হোৎনরি। ভারত অমসুং গ্রীসকী মরক্তা লৈরিবা মরী হেন্না চেৎশিল্লকপগা লোয়ননা অমনা অমগী লৈবাকশিংদা চৎনরি অমসুং ললোন-ইতিক অসি হেন্না লাইথোকহল্লি অমসুং হেন্না খুদোংচারক্লি।ঐখোয়না লৈবাক অনিগী মরী হেন্না চেৎশিনহন্নবা খোঙথাং খুদিংমক পাইখৎপা তাউ।
মরুপশিং,
ময়াম্না মফম অসিদা মশিং য়াম্না তিনবীরিবা অসিনা ভারত মচা খুদিংমক্কী থমোয়দা অপেনবা পোকহল্লি। অমুক হন্না ঐহাক্না মফম অসিগী হোৎনবা কনবা মরুপশিংদা থমোয় শেংনা নুংঙাইবা ফোঙদোকচরি। ঐঙোন্দা উৎপীরিবা মীনুংশিং অসিগীদমক্তসু তৌবীমল খঙবা উৎচরি অমসুং খুৎ অনিমক থাংগৎতুনা পুন্না হৌনা হায়বীয়ু “ভারত মাতা কী –জয়”। ভারত য়ৌনবা লাউরসি – ভারত মাতা কী – জয়, ভারত মাতা কী – জয়া, ভারত মাতা কী – জয়, ভন্দে—মাতারম, ভন্দে – মাতারম, ভন্দে—মাতারম, ভন্দে—মাতারম। হন্না-হন্না থাগৎচরি।
Best wishes to the athletes participating in the Khelo India Youth Games being held in Bihar, May this platform bring out your best: PM
