India has entered the third decade of the 21st century with new energy and enthusiasm: PM Modi
This third decade of 21st century has started with a strong foundation of expectations and aspirations: PM ModiCongress and its allies taking out rallies against those persecuted in Pakistan: PMইকায়খুম্নরবা শ্রী সিধালিঙ্গেশ্বারা শ্বামিজী, করনাতাকাগী চীফ মিনিস্তর বি এস য়েদিউরাপ্পা, ঐগী মন্ত্রীমন্দলগী মরূপ দি ভি সাদান্দা গৌরাজী, প্রালহাদ জোসিজী, করনাতাকা সরকারগী মন্ত্রীশিং, সান্ত সমাজগী ভক্তশিং, মফম অসিদা তিল্লিবা পুম্নমক! খুদিংমক তরাম্না ওকচরি! দোক্তর সিবকুমার শ্বামিজিগী তুমকুরুদা লৈবা সিধাগঙ্গা মুত্ত অসিদা ঐ লাকপদা হরাওবা ফাওই। অহানবদা, ময়াম পুম্নমক অনৌবা চহিগী য়াইফ-পাউজেল পীজরি।
ময়াম পুম্নমক ২০২০গী য়াইফ-পাউজেল পীজরি!
শেংলবা তুমকুরুদা নখোয় ময়ামগা লোয়ন্না চহি ২০২০ হৌবা অসি ঐগী ওইনা লাইবক ফবনি। মসিগী শেংলবা সিধাগঙ্গা মুত্ত অসিগী শক্তিনা নাগরিক খুদিংমক নুংঙাইবা ওইরসনু হায়না ঐনা পাউজেল পীজরি।
মরূপশিং,
চহি কয়াগী মতুংদা মফম অসিদা লাকপদা ঐ হরাওই। মফম অসিদা পুজয়া শ্বামি শ্রী শ্রী সিবকুমারজী লৈবগুম ফাওরি। ঐনা খঙবা মতুংইন্না, কনাগুম্বা অমগী পুন্সি অসি মহাক্কী মনাক্ত চৎপা মতমদা মপুং ফাবগুম তৌই। মহাক্কী অসিগুম্বা মগুন অসিনা মসিগী শেংলবা মফম অসিনা চহি কয়া খুন্নাইগী লম্বী তাকখি। মরুওইনা, মফম অসিদগী লাইরিক-লাইশু হৈরবা অমসুং চাউখৎলবা খুন্নাই কয়া হৌরকখি। শ্বামিজিনা মহাক্কী পুন্সিদা মীওই কয়া ইথিল পীখি।
শ্রী শ্রী সিবকুমারজী নিংশিংবা ওইনা মফম অসিদা মিউজম অমা শানবা উরেপ-উয়ুং তম্বা অসি ঐগী ওইনা লাইবক ফবনি। মসিগী মিউজম অসিনা মীওই কয়া ইথিল পীবতা নত্তনা খুন্নাই অমসুং লৈবাক্কী থাক্ত ঐখোয়গী মাইকৈ তাক্কনি। ঐনা অমুক হন্না পুজয়া শ্বামিজিগী খুয়াদা ইকায়খুম্নবা উৎচরি।
মরূপশিং,
অতোপ্পা অচৌবা মুনি অমনা করনাতাকা থাদোকখিবা মতমদা ঐ মফম অসিদা লাক্লি। পেজাভর মুত্তগী লুচিংবা বিবেশ তিরথা শ্বামি লৈখিদবা অসি ভারতকী খুন্নাইগী ওইনা অচৌবা মাংজবা অমনি। অসিগীগুম্বা য়ুম্বী অমা লৈখিদবা অসি খুন্নাইগী ওইনা অচৌবা অহোবা অমা লৈহৌরগনি। মসিগী লম্বী অসি ঐখোয়না থিংবা ঙম্লোই, অদুবু হায়রিবা মুনিশিং অসিনা মীওইবা খুন্নাইগী অমসুং ইমা ভারতকী তৌরম্লিবা থবকশিং অসি ঐখোয়না মপাঙ্গল হাপকদবনি।
মরূপশিং,
ভারতনা ২১শুবা চহিচাগী অহুমসুবা দিকেত্তা চংলকপা অসি য়াম্না মরুওইবা অমনি। মমাংগী দেকেত কমদৌনা হৌখিবগে হায়না নহাক্না নিংশিংলি। ২১শুবা চহিচাগী অহুমসুবা দিকেত অসি থাজবা অমসুং অনিংবশিংনা অকনবা য়ুমফম থোনখি।
মসিগী থাজবা অসি অনৌবা ভারতকী ওইরি। মসিগী থাজবা অসি নহারোলশিংগী মঙলান ওইরি । মসিগী থাজবা অসি লৈবাক অসিগী ইচলশিং অমসুং ইচানুপীশিংগী ওইরি । মসিগী থাজবা অসি লৈবাক অসিগী লায়রবশিং, নৈহৎপীরবশিং, তোল্লবশিং অমসুং ত্রাইবেলশিংগী ওইরি। থাজবা অসি করিনো? থাজবা অসি নুংঙাইবা, শক্তি লৈবা অমসুং মালেমগী শক্তি লৈবা ভারত অমা শেমগৎপা অদুনি। মসিগী থাজবা অসি মালেমগী মেপতা ভারতনা মশাগী মফম অমা কনবা উবা অদুনি।
মরূপশিং,
মসিগী অনিংবশিং অসি থুংনবা, লৈবাক অসিগী মীয়াম্না লৈবাক অমদা পুরক্কদবা অচৌবা অহোংবশিংদা পুক্নিং চংগদবনি। ঐখোয়না চহি কয়াগী মমাংদগী লোয়ন্নরক্লবা ৱাথোকশিং লোইশিনবা অসি হৌজিক ভারতমচা খুদিংমক্কী ৱাখলদা লৈরে। মসিগী পাউজেল অসিমক খুন্নাই অসিদগী থৌরক্লে। মসিনা মরম ওইদুনা ২০১৪দগী হৌদুনা মমাংদা অমুক্ত ওইখিদ্রিবা মওংদা ভারতকী মীচম মীয়ামগী পুন্সিদা অহোংবা পুরক্নবা থবক পায়খৎলে।
ঐখোয়গী খুন্নাই , লৈবাক অৱাংবা থাক অমদা থাংগৎনবা হৌখিবা চহিশিংদা থবক কয়া ঐখোয়না পায়খৎলে। লৈবাক অসি লমহাংদা খোঙহামদনবা ৱারেপ অদু থবক ওইনা পাংথোক্লে। লৈবাক্কী ইচলশিং মৈখুদগী মনিংতম্নবা ৱাশক অদু ঙাক্লে। লৈবাক অসিগী লৌমীগী ইমুং খুদিংমক দাইরেক্ত বেনিফিত ত্রান্সফরগা শম্ননবা অমসুং লৌমীশিং, শিন্মীশিং অমসুং অপীকপা ললোন-ইতিক তৌবা মীওইশিং পেন্সন পীবগী ৱাশক অদু ঙাক্লে।
তেরোরিজম থেংননবা ভারতকী থৌশিল হোংদোক্নবা ৱাশক অদু ঙাক্লে। জে অমসুং কেদগী আর্তিকল ৩৭০ লৌথোকপদগী অকিবা লৈত্রে অমসুং মীয়ামগী পুন্সিদা তম্বা ঙমদবা ফিবম লৈরম্বা অদু কোক্লে। তোঙান-তোঙানবা লাইনিংশিংনা মরম ওইদুনা য়ুম্লোন্নরিবা লৈবাকশিংদগী তান্থোরক্লবা মীওইশিং চংজফম পীনবা লৈবাক অসিনা থবক পায়খৎলে। পুম্নমক অসিগী মরক্ত, শান্তি ওইনা ভাগবান রামগী পোক্নফমদা অচৌবা লাইশঙ অমা শানবা থবক পায়খৎলে।
মরূপশিং,
চয়োল খরগী মমাংদা ঐখোয়গী সংসদনা পুৱারি ওইরবা সিতিজনসিপ এমেন্দমেন্ত এক্ত পাস তৌরে। অদুবু কংগ্রেস অমসুং মসিগী চৎমিন্নরিবশিংনা ভারতকী সংসদকী মায়োক্ত লৈরি। মখোয়না ঐখোয়দা নুংশিদবা অদু হৌজিক ভারতকী সংসদতা ওইনা উৎলে। হায়রিবা মীওইশিং অসিনা ভারতকী সংসদকী মায়োক্ত থবক তৌরি। হায়রিবা মীওইশিং অসি পাকিস্থানদগী তান্থোরক্লবা দলিতশিং অমসুং ওৎপীরবা মীওইশিংগী মায়োক্ত লৈরি।
মরূপশিং,
লাইনিংদা য়ুমফম ওইরগা পাকিস্থান শেমখিবনি। লাইনিংদা য়ুমফম ওইরগা লৈবাক অসি খাইদোকলে। পারতিসনগী মতমদা, পাকিস্থানদা অতোপ্পা লাইনিংগী মীওইশিং ওৎখি। মতম খরগী মতুংদা, পাকিস্থানদা হিন্দুশিং, সিখশিং, জেনশিং অমসুং খৃস্তিয়ানশিং ওৎপা হেনগৎলকখি। হায়রিবা মীওই লিশিং কয়া মখোয়গী য়ুমশিং থাদোক্তুনা ভারত্তা রিফুজি ওইনা লাকখি।
পাকিস্থান্না হিন্দুশিং, সিখশিং, জেনশিং অমসুং খৃস্তিয়ানশিং ওৎলি, অদুগা কংগ্রেসনা পাকিস্থানগী মায়োক্ত ৱা ঙাংদে। মখোয়গী মচানুপীশিং রেপিস্তশিংদগী কন্নবা অমসুং মখোয়গী পুন্সি কন্নবা মখোয়না পাকিস্থানদগী চেল্লকপা মতমদা করিগী মখোয়গী মায়োক্ত রেল্লিশিং চৎকদৌরিবনো হায়না ঙসিদি লৈবাক মীয়াম্না ৱাহং অমা হংলি। পাকিস্থানদগী লাকপা রিফুজিশিং মতেং পাংবা অসি ঐখোয়গী থৌদাংনি। পাকিস্থানদগী লাকপা হিন্দুশিং, সিখশিং, জেনশিং অমসুং খৃস্তিয়ানশিং হুন্দোক্তুনা থম্বা অসি ঐখোয়গী থৌদাং নত্তে।
মরূপশিং,
লাইনিংদা য়ুমফম ওইরগা পাকিস্থান শেমখিবনি। লাইনিংদা য়ুমফম ওইরগা লৈবাক অসি খাইদোকলে। পারতিসনগী মতমদা, পাকিস্থানদা অতোপ্পা লাইনিংগী মীওইশিং ওৎখি। মতম খরগী মতুংদা, পাকিস্থানদা হিন্দুশিং, সিখশিং, জেনশিং অমসুং খৃস্তিয়ানশিং ওৎপা হেনগৎলকখি। হায়রিবা মীওই লিশিং কয়া মখোয়গী য়ুমশিং থাদোক্তুনা ভারত্তা রিফুজি ওইনা লাকখি।
পাকিস্থান্না হিন্দুশিং, সিখশিং, জেনশিং অমসুং খৃস্তিয়ানশিং ওৎলি, অদুগা কংগ্রেসনা পাকিস্থানগী মায়োক্ত ৱা ঙাংদে। মখোয়গী মচানুপীশিং রেপিস্তশিংদগী কন্নবা অমসুং মখোয়গী পুন্সি কন্নবা মখোয়না পাকিস্থানদগী চেল্লকপা মতমদা করিগী মখোয়গী মায়োক্ত রেল্লিশিং চৎকদৌরিবনো হায়না ঙসিদি লৈবাক মীয়াম্না ৱাহং অমা হংলি। পাকিস্থানদগী লাকপা রিফুজিশিং মতেং পাংবা অসি ঐখোয়গী থৌদাংনি। পাকিস্থানদগী লাকপা হিন্দুশিং, সিখশিং, জেনশিং অমসুং খৃস্তিয়ানশিং হুন্দোক্তুনা থম্বা অসি ঐখোয়গী থৌদাং নত্তে।
মরূপশিং,
ভারতকী সংসদকী মায়োক্ত লৈরিবা মীওইশিংদা ঐনা হায়বা পাম্মি মদুদি হৌজিক অসি পাকিস্থানগী থবকশিং মালেমদা খঙহনবা মতম ওইরে। করিগুম্বা নখোয়না ইরাং হৌবা পাম্লবদি, হৌখিবা চহি ৭০ অসিদা পাকিস্থান্না চৎথখিবা মীওৎ-মীনৈশিংগী মায়োক্ত নখোয়না লাউগদবনি।
করিগুম্বা নখোয়না রেল্লিশিং পাংথোকপা পামলবদি মদু পাকিস্থানদগী চেল্লকপা হিন্দুশিং, সিখশিং, জেনশিং অমসুং খৃস্তিয়ানশিং শৌগৎপগী রেল্লিশিং ওইগদবনি। করিগুম্বা নখোয়না য়ানিংদবা ফোংদোকপা পামলবদি মদু পাকিস্থানগী মায়োক্ত ওইগদবনি।
মরূপশিং,
লৈবাক অসিনা চহি কয়া মায়োক্নদুনা লাক্লিবা খুদোংচাদবশিং কোকহন্নবা ঐখোয়গী সরকারনা অহিং-নুংথিল চুপ্পা থবক পায়খৎলি। লৈবাক অসিগী মীয়াম হিংবদা লাইহনবা অসি ঐখোয়গী পান্দম্নি। লৈবাক অসিদা লৈরিবা লায়রবা খুদিংমক য়ুম অমা লৈহনবা, গ্যাস ফংহনবা, তোতি ঈশিং ফংহনবা, হকশেলগী খুদোংচাবশিং ফংহনবা, ইন্সুরেন্স ফংহনবা অমসুং খুঙ্গং খুদিংমক ব্রোদবেন্দ য়ৌহনবা অসি ঐখোয়গী পান্দম্নি।
২০১৪দা ঐনা নখোয়দা শ্বাছ ভারত অভিয়ান শরুক য়ানবা হায়বা মতমদা নখোয় ময়াম্না শৌগৎখি। নখোয়গুম্বা ক্রোর কয়ানা মতেং পাংবদগী, মহাত্মা গান্ধীগী ১৫০সুবা মপোক নুমিৎতা, ভারত অসি লমহাংদা খোঙহামদবা লৈবাক অমা ওইরে।
ঙসি ঐনা ৱারেপ অহুমগী মতাংদা সান্ত সমাজদগী মতেং নিরি। অহানবা ৱারেপতা ঐখোয়গী থৌদাং পাংথোকপগী ঐখোয়গী লিরবা কলচর মরুওইনা লৌবা অমসুং মসিগী মতাংদা মীয়াম ৱাখল তাহনবা,অনিশুবদা, অকোয়বগী ফিবম ঙাকপা। অহুমসুবদা ঈশিং তুংশিন্নবা থবকশিং পায়খৎনবা মীয়াম ৱাখল তাহনবনি।
মরূপশিং, ভারতনা অসি মুনিশিং অমসুং গুরুশিং অসি অচুম্বা লম্বীগী হৌরকফম্নি হায়না উরি। অনৌবা ভারত অসিদসু, লৈবাক অসিগী লুচিংবা খুদিংমক্না সিধাগঙ্গা মথ অসিদা থাজবা থম্বা য়াম্না মরুওইরি।
নখোয় ময়ামগী বরশিংগা লোয়ন্না ঐখোয়গী অনিংবশিং থুংবা ওইরসনু। মসিগী লোয়ন্না ঐগী ৱারোল লোইশিঞ্জরে।
নখোয় ময়াম কয়ারক থাগৎচরি!
ভারত ইমানা য়াইফরে!
