ভারত ইমানা য়াইফরে, ভারত ইমানা য়াইফরে, ভারত ইমানা য়াইফরে, ঐহাক স্লোগান অমালাওজরক্কে ময়াম পুম্নমক্না ঐহাক্কা লোয়ননা হায়বিরক্কদবনি– ঐহাক্না মহারাজা সুহেলদেবহায়রকপদা.. ময়াম পুম্নমক্না খুৎ অনিমক থাংগৎতুনা হায়বিরক্কদবনি অমর রহে অমর রহে অনিরকখুম্বিরক্কদবনি, মহারাজা সুহেলদেব অমর রহে অমর রহে, মহারাজা সুহেলদেব অমর রহে অমর রহে, মহারাজা সুহেলদেব অমর রহে অমর রহে, মহারাজা সুহেলদেব অমর রহে অমর রহে।
মশিং য়াম্না লেংবিরক্লিবা ঐহাক্কী নুংশিজরবা ইচিল–ইনা অমসুং ইচল–ইচেশিং।
লৈবাক্কী সেক্যুরিতীগীদমক থৌনা ফরবা লান্মী পীনবিরিবা, থৌনা ফবা মচা পীনবিরিবা, লান্মীশিংপোকপীরিবা, অদুগুম্লবা লৈবাক লৈহাও মদুদা মুনি ক্ষিশিশিংনা খোংদারিবা অসিগুম্লবা গাজিপুরদাঅমুক হন্না লাকপা ফংজবা অসি ঐহাক্কীদমক লাইবক য়াম্না ফবনি।
ময়াম পুম্নমক্কী থৱায় য়াওবিবা অমসুং অকনবা পুক্নই ইহুলনা মতম পুম্নমক্তা ইফমদা ইনর্জীপীনবিরি। ঙসিসু মফম অসিদা মশিং য়াম্লবা মীয়াম লেংবিরক্লি অমসুং অসিগুম্লবা ইংখ্রবা তঞ্জাঅসিদা ঐহাকপু থৌজাল পীবিনবা লেংবিরক্লি। মসিগীদমক ময়াম পুম্নমকপু খুরুমজরি।
মরূপশিং, উত্তর প্রদেশতা ঙসি ঐহাক্কী খোংচৎ মনুং অসিদা ঙসি পুর্বাঞ্চলবু লৈবাক অসিগী অচৌবামেদিকেল হব অমা ওইহন্নবা, লৌউ–শিংউবগা মরী লৈনবা ইনফ্লেমেসনগী মরুওইবা সেন্তরশেমগৎনবা অমসুং উত্তর প্রদেশকী স্মোল স্কেল ইন্দস্ত্রীশিংবু হেন্না ফগৎহন্নবা মায়কৈদা তোঙানতোঙানবা মরুওইবা খোংথাংশিং থাংজিল্লগনি। ঙাইহাক্কী মমাংদা গাজিপুরদা শাগদৌরিবা অনৌবামেদিকেল কোলেজকী উরেপ উয়ুং তমখ্রে।
ঙসি মফম অসিদা পুর্বাঞ্চল অমসুং উত্তর প্রদেশ অপুনবগী মিংচৎ হেঙ্গৎহনগদবা তঞ্জানি। ভারত মচাপুম্নমক্না মশাগী লৈবাক, মশাগী সংস্কৃতি, মশাগী থৌনা অমুক হন্না নিংশিংনবা মশক নাইরবা থবকঅমা ঙসি মফম অসিদা পাংথোক্লি। মহারাজা সুহেলদেবগী থৌনা ফবা ৱারি লৈবাক্কীদমক মহাক্নালৌরম্বা থৌদাং অদুবু ইকায় খুম্নরদুনা ঙাইহাক্কী মমাংদা মহাকপু নিংশিংনিঙাই ওইরবা পোস্তেলস্তাম্প পুথোকখ্রে। লুপা মঙাগী মমল ওইবা পোস্তেল স্তাম্প লাখ কয়া অসি লৈবাক অসিগী পোস্তওফিসশিংগী খুত্থাংদা লৈবাক্কী য়ুমথোং খুদিংদা য়ৌরগনি। মহারাজা সুহেলদেববু মহাক্কী অথোইবাথবকশিং অদু হিন্দুস্তানগী কাচিন কোয়া খুদিংদা, য়ুমথোং খুদিংদা য়ৌহন্নবা পোস্তেল স্তাম্প অসিগীখুত্থাংদা হোৎনরগনি।
মরূপশিং, মহারাজা সুহেলদেব লৈবাক অসিগী অদুগুম্লবা থৌনাফবশিংগী মনুং চল্লি। মখোয় অদুনাভারত ইমাগী ইকায় খুম্নবগীদমক লানথেংনখিবা। মহারাজা সুহেলদেবগুম্বা অথৌবদগী মীপুমখুদিংমক্না ইন্সপায়র ওইরি। মহাকপু নৌহৌনা নিংশিংবনসু সবকা সাথ সবকা বিকাসকী মন্ত্রদাঅনৌবা শক্তি অমা পীরি। মহারাজা সুহেলদেবগী লৈঙাক মতমদা প্রজাশিংনা ময়ুমদা শো লোনবামথৌ তারমদে হায়না হায়নৈ। মহাক্কী শাসন মুংদা মহাক্না প্রজাগী পুন্সিবু লাইথোকহন্নবা, লাইরবাকোকহন্নবা তোঙান তোঙানবা থবক পায়খৎলম্মি। মহাক্না লম্বী থোংশিং শেম্লম্মি, লৈকোলশিংশেমগৎলম্মি, মহৈ তমফমশংশিং হাংদোকহল্লম্মি, মন্দিরশিং লিংখৎলম্মি অমসুং মহাক্কী রাজ্য অদুয়াম্না ফজহল্লম্মি। মীরৈবাক্কী লান্দারকপশিংনা ভারত লৈবাক্তা মমীৎনা য়েংলকপা মতম অদুদা থৌনাফনা মায়োক্নদুনা য়েক্নবশিংবু মায়থিবা পীখিবা অথৌবশিংগী মরক্তা মহারাজা সুহেলদেবসু অমনি।মহাক্না মনাক নকপদা লৈবা অতোপ্পা নিংথৌশিং পুন্সিন্দুনা অদুগুম্লবা অপুনবা শক্তি শাগৎখি, মদুনামরম ওইরগা য়েক্নবশিং মখোয়গা মায়োক্নবা ঙমখিদে। মহাক্না পুম্নমক্কা লোয়ননা চৎলম্মি। মহারাজাসুহেলদেব মীপুম খুদিংমক্কী ওইরম্মি।
ইচিল–ইনাও অমসুং ইচল–ইচেশিং লৈবাক অসিগী অসিগুম্লবা অথৌবশিং, মখোয় অদুবু মমাংদাপাল্লমবা সরকারশিংনা কাওথোকপীরম্লবা, ইকায় খুম্নবিরমদ্রবা, মখোয়বু ইকায় খুম্নজবা অসিঐখোয়গী সরকারনা ইশাগী ইথৌদাংনি খঞ্জৈ। ঐখোয়না ঐখোয়গী তৌফম থোকপা অদু খংই।
ইচিল–ইনাও অমসুং ইচল–ইচেশিং উত্তর প্রদেশকী বহরাইচ জনপদগী চিতোরা, ঐখোয়না মহারাজাসুহেলদেববু নিংশিংলকপা মতম খুদিংদা বহরাইচ জনপদগী চিতোরাবু কৈদৌনুংদা কাওবা ঙমদে।মফম অদুগী লৈবাক লৈহাও অদুমক্তদা মহারাজানা লান্দারকখিবশিংবু মায়থিবা পীখি। যোগী জীগীসরকারনা মহারাজা সুহেলদেবনা মায় পাকখিবা মফম অদুদা অমদি চহি লিশিং অমা কাওরুরবাঅদুগুম্লবা শক্নাইরবা অদুগী মোনুমেন্তদা মায়পাকপা অদু নিংশিংনবা মশক নাইবা মোনুমেন্ত অমাশানবা ঙসি উত্তর প্রদেশ সরকারনা ৱারেপ লৌরে।
মরূপশিং, মহারাজা সুহেলদেব থৌনা ফবা ওইবগী মথক্তা মীনুংশি খংবা অমসুং পুকচেল চাওবশুওইরম্মি। কেন্দ্র অমসুং উত্তর প্রদেশ সরকারনা পুকচেল শেংনা লাইরবা, শোত্থরবা, তোল্ল–তারবা, কনা লৈজদ্রবা পুম্নমকপু মখোয়গী ফংফম থোকপা হক অদু ফংহন্নবা হোৎনরি। মংলান অসিগালোয়ননা ঐখোয় থবক তৌরি। মখোয়গী খোঞ্জেল অদু সিস্তেম ফাওবা অরাইবা মওংদা য়ৌহন্নবাহোৎনরি।
মরূপশিং, সমাজকী অরোইবা মতোন্দা লেপ্লিবা মীওই অদু চিং লেম্বা পুন্সি ফংহন্নবা অসিগুম্লবাকেম্পেন অসি স্তার্ত অপতা লৈরি। হৌজিক অচেৎপা য়ুমফম অমা শেমগৎপদা সরকার অসি মায়পাক্লি। য়ুমফম অসিদা অচেৎপা য়ুম অমা শাবগী থবক হৌজিক ৱাৎলি। পুর্বাঞ্চলদা হেল্থ সর্বিসশিংপাকথোক চাওথোকহল্লিবা অসি মায়কৈ অসোমদা চংশিল্লিবা খোংথাং অমনি। হকশেলগী মীৎয়েংদালৈবাক অসিগী খ্বাইদগী চাওখৎতবা লমদমশিংগী মনুংদা পুর্বাঞ্চলবু মেদিকেল হব শেমগৎনবগীমায়কৈদা লেপ্পা নাইদনা খুমাং চাওশিল্লি।
ইচিল–ইনাও অমসুং ইচল–ইচেশিং ঙাইহাক্কী মমাংদা উরেপ উয়ুং তমখিবা মেদিকেল কোলেজ অদুনালমদম অসিবু মোদর্ন মেদিকেলগী খুদোংচাবদি ফংহল্লগনি। গাজিপুরদা অনৌবা অমসুং হৈথোইশিংথোইরবা দাক্তশিং থৌরাং তৌরগনি। মফম অসিগী নহাশিংগী দাক্তর ওইনিংবগী মংলান অদুমরমদমদা মপুং ফাহন্নবা তঞ্জা ফংলগনি। চাওরাক্না লুপা কোতি চানি য়াঙ্খৈ চংনা কোলোজ অসিশাবা লোইদুনা থৌরাং তৌরবা মতুংদা গাজিপুরগী দিস্ত্রিক্ত হোস্পিতাল ফমুং ৩০০ লৈবা হোস্পিতালওইরগনি। হোস্পিতাল অসিনা গাজিপুরগা লোইন–লোইননা মনাক নকপদা লৈবা অতোপ্পাজিলাশিংগী মীয়ামদসু কানবা ফংহল্লগনি। অথুবা মতমদা হোস্পিতাল অসি ময়াম পুম্নমক্কীদমককত্থোক্লগনি। মসিদসু নত্তনা গাজিপুরদা ফমুং ১০০ লৈবা মেতরনিতী হোস্পিতালগী খুদোংচাবসুলৈহল্লে। দিস্ত্রিক্ত হোস্পিতালদা অনৌবা থাক্কী এম্বুলেন্সকী খুদোংচাবসু ফংহল্লে। লাক্কদৌরিবা মতমখরা অসিদা খুদোংচাবশিং অসি হেন্না পাকথোক চাওথোকহল্লগনি।
ইচিল–ইনাও অমসুং ইচল–ইচেশিং, গাজিপুরগী অনৌবা মেদিকেল কোলেজ ওইগেরা, গোরখপুরগীএম্স ওইগেরা, বরানাসিদা শেমগৎলিবা তোঙান তোঙানবা মোদর্ন হোস্পিতাল ওইগেরা, অরিবাহোস্পিতালশিং পাকথোক চাওথোকপা ওইগেরা, পুর্বাঞ্চলদা লিশিং কোতি কয়াগী হকশেলগীখুদোংচাবশিং থৌরাং তৌরি।
মরূপশিং, লাইরবা অমসুং মিদল ক্লাসকী হকশেলদা নিংতম্বা ফংলবা মতুংগী পুৱারিদা অহানবা ওইনাঅসুক য়াম্না প্রায়োরিতী পীরি। আয়ুশ্মান ভারত য়োজনা, পি.এম.জে.এ.ৱাই. ময়াম্না মসিবুমোদীকেয়রসু হায়নৈ। মসিগী পি.এম.জে.এ.ৱাই. আয়ুশ্মান ভারতকী কানবা অসি প্রজা অয়াম্বদায়ৌহন্নবা হোৎনরি। স্কিম অসিনা কেন্সরগুম্বা মশিং য়াম্লবা অরুবা লৈনাশিংগী ফিভমদা লুপা লাখমঙা ফাওবা লেম্না লায়েংনবা য়াহল্লে। শুপ্নগী নুমীৎ ১০০গী মনুংদা লৈবাক পুম্বগী চাওরাক্না লাইরবাইচিল–ইনাও–ইচল–ইচে লাখ তরুক মখায়বু লেম্না লায়েংখ্রে নত্রগা হৌজিক হোস্পিতালশিংদালায়েংলি। মসিদা ঐখোয়গী উত্তর প্রদেশকীশু ইচিল–ইনাও–ইচল–ইচে লিশিং ১৪ হেন্না মসিগী কান্নবাফংলি। অমদি মখোয়শিং চহি অনি–অনি, মরি–মরি, মঙা–মঙাদগী অরুবা লৈনাগা লোয়ননা শিবাঙাইরম্লিবা অদুগুম্লবা মীওইশিংনি। করিগুম্বা লায়েংলগদি ইমুং পুম্বা শেন্দোলনা খ্বাং কোয়রনিখন্দুনা অকিবা ফাওরম্মি। মখোয় হিদাক চারমদে, অৱা চৈনা খাংলম্মি, আয়ুশ্মান ভারত য়োজনানাঅসিগুম্লবা মীয়াম্বু পাঙ্গল পীরি, থৌনা পীরি, হৌজিক মখোয় হোস্পিতালদা লাক্লে, মখোয়গীওপরেসন তৌরি অমসুং হরাও তয়াম্না ময়ুমদা হল্লি। মসিদসু নত্তনা সরকার অসিনা লৈবাক্কী ইমুংখুদিংমকপু প্রধান মন্ত্রী জীবন জ্যোতি অমসুং সুরক্সা বীমাগুম্বা স্কিমশিংনা শম্নহন্নবশু হোৎনরি।অৱাবা তারকপা মতমদা লুপা লাখ অনি ফাওবগী মতেং ফংবা ঙমহন্নবা নোংমগী শুপ্নগী পৈশা ৯০অমসুং থাগী লুপা ১গী অপিকপা প্রিমিয়মদা স্কিম অসি চত্থরি। স্কিম অনি অসিনা লৈবাক পুম্বদা প্রজাকোতি ২০ হেন্না শম্নহল্লে, মসিদা চাওরাক্না প্রজা কোতি অমগা লাখ হুম্ফুতরামঙাদি ঐখোয়গী উত্তরপ্রদেশতগীনি, মদুগী মখাদা লুপা কোতি লিশিং ৩ হেন্না দরকার লৈবা ইমুং মনুংফাওবা শেনফম অসিয়ৌহনখ্রে অমদি মদুদগী চাওরাক্না লুপা কোতি চামরিগী ক্লেম উত্তর প্রদেশকী অদুগুম্লবা ইমুং মনুংদায়ৌহনখ্রে।
মরূপশিং, লুপা কোতি চামরি পৈশা ৯০গী ইন্সুরেন্সনা ইমুংশিং অদু ফাওবা য়ৌহল্লে, মখোয়গী ইমুংঅদুনা পাঙ্গল কয়াদা থোকলমগদবা।
মরূপশিং, কাশীগী রাইস রিসর্স ইন্সতিত্যুৎ ওইগেরা, বারানাসি অমসুং গাজিপুরদা শেমগৎলিবাকার্গো সেন্তর ওইগেরা, গোরখপুরদা শাগৎলিবা ফর্তিলাইজরগী ফেক্তরি ওইগেরা, বানসাগরগুম্বাইরিগেসন প্রোজেক্তশিং ওইগেরা, মরুদগী বজার ফাওবগী তোঙান তোঙানবা সিস্তেমশিং লৈবাকপুম্বদা থৌরাং তৌরি। ইফমদা খংহনবিরে মদুদি গাজিপুরদা শাগৎলিবা পেরিশেবল কার্গো সেন্তরদামফম অসিগী মোরোক অতেকপা অমসুং হৱাই মরু অশংবা… ঐখোয়গী মনোজ জীনা তাকপিবদাদুবাইগী কৈথেলদা য়োল্লি তাকপিরি। লৌমীশিংনা মমাংঙৈগা য়েংনরুবদা হৌজিক মতিক চাবা মমলফংলে।
ঙসি পাইখৎলিবা থবক পুম্নমক পুকচেল শেংনা লৌমীশিংগী শেন্থোক শরুক অনি ওইহন্নবাপায়খৎলিবনি। শেল য়াম্না চংদনা লৌমীশিংদা কান্নবা য়াম্না ফংহন্নবগী মায়কৈদা পুক্নিং চংনা থবকতৌরি।
ইচিল–ইনাও অমসুং ইচল–ইচেশিং, ভোৎ ফংনবগীদমক মী ফানবা উপায়শিংবু পেলহল্লি মদুমধ্যপ্রদেশ অমসুং রাজস্থানদা উবা ফংলি। সরকার হেক হোংবগা হৌজিক মফম অদুদা হারগীদমক, য়ুরিয়াগীদমক পরেং লেপ্পা হৌরে, চৈ থাংবা হৌরে। কালা বাজার তৌবশিং লম্পাক্তা থোরক্লে।কর্নাতকাদা লৌমী লাখ কয়াগী লোন কোকপীগনি হায়না ৱাশকখি।
ইচিল–ইনাও অমসুং ইচল–ইচেশিং, অচুম্বা অদু খংবিয়ু, কর্নাতকাদা হৌজিক হৌজিক কংগ্রেসনামনিংথোংদগী সরকার শেমলে অমসুং লোন কোকপীগনি হায়না লৌমীশিংদা ৱাশকখি। লোলিপোপপায়হনবনি। লৌমী লাখ কয়াগী লোন কোকপীগদবনি অদুবু কয়াগী লোন কোকপীখিবগা হায়বদুহাইয়ুরা… লৌমী কয়ানা কানবা ফংখিবগে হাইয়ুরা… অদোম অঙকপা ফাওগনি। লৌমী লাখ কয়াগীলোন কোকপীগনি হায়না ৱাশকখি, ভোৎ হুরানখি। মনিং থোংদগী অরোনবা লম্বীদগী সরকার শেমখিঅমদি শুপ্নতগী মীওই ৮০০গী লোন কোকপীখি।
মরূপশিং, ঙাইহাক্কী ওইবা রাজনীতিগী কান্ননবগীদমক ৱাশকখিবা অদুনা, লৌখিবা ৱারেপ অদুনালৈবাক্কী সমস্যাশিংগী লেংদ্রবা সোলুসন ওইবা য়ারোই।
২০০৯গী মীখলগী মমাংদা করি ওইখিবগে হায়বদু ময়াম পুম্নমক্না মদুগী সাক্ষীনি, ২০০৯গী মীখলগীমমাংদসু অসিগুম্লবা লোলিপোপ পীরিবা মখোয়না লোন কোকপীনবা ৱাশকখি। লৈবাক পুম্বগীলৌমীশিংগী লোন কোকপীগনি হায়না ৱাশকখি। ঐহাক্না মফম অসিদা লৈরিবা লৌমীশিংদাহংজনিংলিবদি চহি ১০গী মমাং ২০০৯দা অদোমগী লোন অদু কোকপীখিবা লৈখিব্রা, অদোমগীএকাউন্তদা পৈশা চংলকখিব্রা, অদোম্না করিগুম্বা মখল অমত্তগী মতেং ফংখিব্রা। ৱাশক অদুপাংথোকখিব্রা পাংথোকখিদব্রা। সরকার শেমখিব্রা শেমখিদব্রা অমদি অদোমবু কাওথোকখিব্রাকোওথোকখিদব্রা। অদুগুম্লবা মীওইশিং অদুদা থাজবা থমগদ্রা… অসিগুম্লবা লোলিপোপ কম্পেনিদাথাজবা থমগদ্রা… অসিগুম্বা ওইদবা ঙাংবশিং অসিদা থাজবা থমগদ্রা… অসিগুম্লবা প্রজাদা নমথাকতৌবশিং অসিবু থাজবা থমগদ্রা…
মরূশিং, অসিগুম্বা মখলগী লোন কোকপীবা অসিগী কানবা কনানা ফংখি, লৌমীশিংদি কানবাফংখিদে। মরম অদুনা ঐহাক্না হায়জরি মদুদি কংগ্রেসকী অসিগুম্লবা মীনম্বা অমসুং পুকচেল শেংদবাঅসিদগী চেকশিনবিয়ু। কংগ্রেসকী সরকারনদি স্বামিনাথন আয়োগকী রিকমেন্দেসন ফাওবাচৎনহনখিদে হায়বদু নিংশিংবিয়ু। করিগুম্বা কংগ্রেসনা মখোয়গী মতমদা ঙসিদগী চহি ১১গী মমাংদাস্বামিনাথন কমিশনবু লৌরমলগদি, চৎনহল্লমলগদি ঙসি ঐহাক্কী লৌমীশিং লোন তোল্লমলোই, মখোয়দা লোন মথৌ তারমলোই। অদুবু অদোমগী পাপতি, অদোম্না ফাইল অদু নমশিন্দুনা থমলম্মি, লৌমীশিংদা মমল পীখিদে, এম.এস.পি. পীখিদে, লৌমীশিং মাং তাকখি, শেন্দোলনা খ্বাং কোয়খি।মসি অদোমগী পাপশিং অদুগী মহৈনি। ফাইল অসি বি.জে.পি. সরকারনা মপান্দা পুথোক্লে অমসুংমমলগা লোয়ননা মহৈ–মরোং ২২গী এম.এস.পি. মমলগী শরুক অমা মখায় হেন্না লেপ্পে।
ইচিল–ইনাও অমসুং ইচল–ইচেশিং, অসিগুম্লবা থবক কয়া অমা হৌখিবা চহি মরিদগী পাংথোক্লি।অপিকপা লৌমীশিং অদুসু ঐখোয়গী সরকার অসিনা বেঙ্কশিংগা শম্নহল্লে। কৈথেলশিংদা অনৌবাইনফ্রাস্ত্রকচর অনৌবা খুদোংচাবশিং হৌজিক থৌরাং তৌরে। অনৌবা কোল্দ স্তোরেজ, মেগা ফুদপার্ক মদুগী চেনশু হৌজিক থৌরাং তৌরি।
মরূপশিং, লৌমীশিংগী পোত্থোক্তগী হৌরগা ইন্দস্ত্রীশিংগীদমক দরকার ওইবা অনৌবা ইনফ্রাস্ত্রকচরসুসরকার অসিনা থৌরাং তৌরি। পুর্বাঞ্চলগী হেন্না ফবা কনেক্তিবিতীগীদমক হৌখিবা চহি মরি মখায়অসিদা তোঙান তোঙানবা থবক কয়া মপুং ফানা পাংথোকখ্রে অমদি তোঙান তোঙানবা প্রোজেক্তকয়া অমা লাক্কদৌরিবা নুমীৎ খরা অসিদা মপুং ফানা লোইশিল্লগনি। পুর্বাঞ্চল এক্সপ্রেসৱেদাখোংজেল য়াংনা থবক চত্থরি।
মমাংদা ঐহাক্না গাজিপুরদা লাকখিবা মতম অদুদা তারিঘাৎ গাজিপুর রেল রোদ থোংগী উরেপ উয়ুংতমখি। অথুবা মতমদা মসি মথৌ তৌরগনি হায়না ইফমদা খংহনবিরে। মসিনা পুর্বাঞ্চলগী মীয়াম্বুদিল্লী অমসুং হাওরা চৎনবা অতেনবা লম্বী অমা ফংলগনি।
মরূশিং, প্রধান মন্ত্রী আৱাস য়োজনা ওইগেরা, স্বচ্ছ ভারত অভিয়ান ওইগেরা, উজ্জ্বলা য়োজনাওইগেরা, আয়ুশ্মান ভারত য়োজনা ওইগেরা, মুদ্রা য়োজনা ওইগেরা, সৌভাগ্য য়োজনা ওইগেরা, মসিশুপ্নতগী স্কিমশিং খক্তমক নত্তে, মসি এমপৱারমেন্তকী মেদিয়মনি। চাওখৎ থৌরাংগী মরুওইবা ইচেলমঙা ওইরিবা অঙাংশিংগী মহৈ–মশিং, নহাশিংগী শেন্থোক লম্বী, অহলশিংগী হিদাক লাংথক, লৌমীশিংগী ইথৈ–লৌখোং অমসুং মীপুম খুদিংমক্কী হিয়ারিংগীদমক মসি অচেৎপা থৌদাংনি।
ইচিল–ইনাও অমসুং ইচল–ইচেশিং, লাক্কদৌরিবা মতম অসি অদোমগীনি, অদোমগী ইচাশিংগীনি, ইনখৎলক্লিবা নহাশিংগীনি। অদোমগী তুংগী য়াইফনবগীদমক, অদোমগী ইচাশিংগী তুংগী পুন্সিশেম্নবগীদমক অদোমগী চৌকিদার ওইরিবা ঐহাক্না য়াম্না পুকচেল শেংনা য়াম্না কন্না হোৎনবগালোয়ননা অয়ুক নুমিদাং থবক তৌরি।
অমুক হন্না অদোম্বু অনৌবা মেদিকেল কোলেজকীদমক হন্না হন্না নুঙাইবা ফোংদোকপগা লোইননাঅমুক হন্না মহারাজা সুহেলদেবগী অথোইবা মথৌনা অদুবু ইকায় খুম্নজদুনা, ঐহাক্কী ৱাফম অসিলোইশিনজরগে। নুমীৎ নিনিগী মতুংদা ২০১৯গী চহী হৌরগনি মসিগী অনৌবা চহি অসিগীদমকসুঐহাক্না অদোমবু হন্না হন্না নুঙাইবা ফোংদোকচরি।
ভারত ইমানা য়াইফরে…… ভারত ইমানা য়াইফরে
Prime Minister expresses satisfaction at the successful conclusion of the India-UK Free Trade Agreement and Double Contribution Convention
