Mahatma Gandhi always highlighted the importance of villages and spoke about 'Gram Swaraj': PM Modi
Urge people to focus on the education of their children: PM ModiOur efforts are towards self-reliance in the agriculture sector: PMJan Dhan, Van Dhan, Gobar Dhan trio aimed at empowering the tribal and farm communities: PM ModiA transformation of villages would ensure a transformation of India: PM Modiফম্বাকথক্তা লেংশিনবীরিবা মধ্য প্রদেশকী রাজ্যপাল শ্রীমতী আনন্দী বেন পতেল, রাজ্যগী মুখ্য মন্ত্রী শিবরাজ সিংহ, কেন্দ্রদা কাউন্সিল ওফ মিনিস্তর্সগী ঐহাক্কী মরূপ শ্রীমান নরেন্দ্র সিংহ জী তোমর, শ্রীমান পুরুশোত্তম রুপালা, রাজ্য সরকারগী মন্ত্রী গোপালজী, সঞ্জয়জী, পর্লিয়ামেন্তা ঐহাক্কী মরূপ ওইরিবা শ্রীমান ফগন সিংহ কুলস্তেজী, শ্রীমতী সমপতিয়া বি.কে. জী, হৌজিক ভারতীয় জনতা পার্তীগী লুচিংবা ওইরবা অমদি জবলপুরগী পর্লিয়ামেন্তকী মীহুৎ ওইবীরিবা; শ্রীমান রাকেশ সিংহজী, মন্দলা জিলা পঞ্চায়ৎকী অধ্যক্ষ শ্রীমতী সরস্বতী মরাবীজী অমসুং ঙসি য়াম্না চাউথোকচবগা লোয়ননা শক্তাকচনবগী তঞ্জা অদুসু লৌজরি- ঐখোয়গী ইরক্তা ফমফমলাংদা লেংশিনবীরিবা ত্রিপুরাগী উপ-মুখ্য মন্ত্রী। হৌখিবা মতম খরগী মমাংদা পাংথোকখিবা ত্রিপুরাগী মীখল অদু পুৱারী ওইরে। মফম অদুগী মীয়াম্না পুৱারী ওইরবা ৱারেপ লৌদুনা ভারতীয় জনতা পার্তীবু মশিং য়াম্না থাগৎপীদুনা সরকার শেম্লে।
ত্রিপুরাদা অয়াম্বনা ত্রাইবেল কম্যুনিতীশিং লৈরি। অদোমগী মফম অসিদা গোদকী ত্রেদিসনগী পুৱারী লৈরিবা অদুম্না ত্রীপুরাদা সব-কাস্তকী ওইবা, ত্রাইবেল কম্যুনিতীগী ওইবা, মফম অদুগী লৈঙাক পথাপকী শাংলবা পুৱারী অমা লৈরি। ঙসি ঐহাক নুংঙাইবা ফাওই মদুদি ঙসি ত্রিপুরাগী নৌনা খল্লবা উপ-মুখ্য মন্ত্রী শ্রীমান জিশ্নুদেব বর্মজীনা ঐখোয়গী ইরক্তা শরুক য়াবীরি।
ইচল-ইচে অমসুং ইচিল ইনাওশিং, ঙসিদি ঐখোয় পুম্নমক ইমা নর্মদাগী তম্পাকতা পুল্লরে। ঐহাক্না অহানবা মক্তদা চাউরাক্না কিলোমীতর ১৩০০ শাংনা চেন্থরিবা ইমা নর্মদা, মফম অসিদগী হৌরগা গুজরাতকী সমুদ্র তোর্বান ফাওবা চেল্লিবা ইমা নর্মদা, ঐখোয়গী মীয়াম কোতি কয়াগী পুন্সিবু নাওয়োক নাওকোনবীরিবা ইমা নর্মদা, ঐখোয়গী শা-ষন লোইবা ওইগেরা, ঐখোয়গী লৌউ-শিংউবা ওইগেরা, ঐখোয়গী খুঙ্গংগী পুন্সি ওইগেরা, চহি চা কয়াদগী ইমা নর্মদানা ঐখোয়দা অনৌবা পুন্সি পীনবীরি। অসিগুমলবা ইমা নর্মদাবু ঐহাক্না খুরুমজরি।
ঙসি অসি ঐহাক্কী লাইবক ফবনি, মমাংদসু লমদম অসোমদা লাকচবগী তঞ্জা ফংজখ্রে। রিনী দুর্গাবতী, অথৌবশিংগী ৱারীশিং, কত্থোকপগী ৱারীশিং অদুনা ঐখোয় পুম্নমকপু পুক্নীং থৌগৎতুনা লাক্লি। অমদি মসিনা ঐখোয়গী খুন্নাইগী থোইদোকপা মগুন অমা ওইদুনা লাক্লি, রানী দুর্গাবতী ওইগেরা নত্রগা রানী অবন্তীবাই ওইগেরা, খুন্নাইগীদমক লেপতনা লানথেংনবা, কৈদৌনুংদা মীরমদা কোক নোনখিদবা অদুগুম্লবা লৈবাক লৈহাওদা ঐখোয়গী সব-কাস্তকী চিং লেম্লবা থৌরম অমা হৌদোক্লি।
মদুগা লোইননা ঙসি অসি পঞ্চায়ৎ নুমিৎনি। শেংলবা বাপুগী মংলান অদু মংফাওহন্নবা মরূওইবা তঞ্জা অমনি। মহাত্মা গান্ধীনা গ্রাম স্বরাজকী মংলান পীবীরম্মি। মহাত্মা গান্ধীনা গ্রামোদয়দগী রাষ্ট্রোদয়, লম্বী অসি ঐখোয়বু পুক্নীং থৌগৎপীনবা পীবীরম্বনি। অমসুং ঙসি পঞ্চায়ৎ নুমীৎ অসিদা লৈবাক অসিগী পঞ্চায়ৎ চাউরাক্না লাখ অনিগা লিশিং নিফু, পঞ্চায়ৎশিং অসিদা লৈরিবা ভারত মচা কোতি-কোতিশিং, পঞ্চায়ৎশিং অসিদা মীয়ামগী মীহুৎ ওইনা ফম্লিবা মীহুৎ লাখ ৩০ হেনবা অমদি মদুগী মনুংদা শরুক অহুম থোকপগী অমদি ঐখোয়গী ইমাশিং-ইচল ইচেশিং ওইরিবা পুম্নমকপু ঙসি পঞ্চায়ৎ নুমীৎ অসিদা খুরুমজরি, য়াইফ-পাউজেল পীজরি। অমদি ঐহাক্না মখোয়গী মফমদা থাজবা পীবা পামজৈ মদুদি অদোম অদোমগী খুঙ্গং অদু চাউখৎহন্নবা, অদোমগী খুঙ্গংগী মীয়ামদা শক্তি শিন্ননবা, অদোমগী খুঙ্গংবু সমস্যাশিংদগী ঙাকথোক্নবা ঐখোয়সু, ভারত সরকারসু অদোমগা লোয়ননা লেং মান্নদুনা চৎমিন্নগনি। হৌজিক্তি লোকতন্ত্র লৈরে, অকক্নবা মতম অমগীদমক খুঙ্গংগী মীয়ামশিংনা ঐখোয়দা থৌদাং শিন্নবীরি, খুঙ্গংগী মীয়ামশিংনা ঐখোয়দা থাজবা থম্বীরি। মশানা ওফিস পায়রিঙৈ মতমদা অফবা থবক মঙা তরা তৌনীংদবা পঞ্চায়ৎকী প্রধান নত্রগা মীহুৎ অমত্তা লৈরমলোয়।
করি করিগুম্বা মতমদা খুঙ্গংগী চাউখৎ-থৌরাংগী ৱাফম লাকপদা মীওই অয়াম্বনা বজেৎকী ৱাফম পুথোরকই। মতম অমদা বজেৎনা মরম ওইদুনা অৱাবা মায়োক্নরম্বা য়াই, অদদুবু ঙসিদি বজেৎকী অৱাবা হন্থরে। ঙসি ৱারিবা মরমদি মতৌ করম্না নিয়ম চুম্না শেল শিজিন্নগনি, অচুম্বা মতমদা শিজিন্নবা, অচুম্বা থবক্তা শিজিন্নবা, অচুম্বা মীয়ামগীদমক শিজিন্নবা, পুম্নমক অদু পুকচেল শেংনা মনুং মপাল ফাওনা খুঙ্গংগী মীয়াম পুম্নমক্তা খঙহনবা অদুনি। ময়াম্না ইফমদা হায়বীয়ু, খুঙ্গংদা স্কুল লৈরে, স্কুলগী অফবা শঙ লৈরে, খুঙ্গংগী ওজা হাপ্লে, ওজাশিংবু চাং নাইনা তলব ফংহল্লে, স্কুল মতমদা স্কুল হাংদুনা থম্লে, মদু ওইরবা ফাওবা ঐহাক্কী খুঙ্গংগী অঙাং মঙা তরাদি স্কুল চৎতে, লৌবুক্তা চৎতুনা লোৎলুগনি, উথক্তা কাদুনা ফমলুগনি, মতৌ অসুম্না ঐহাক্কী খুঙ্গংদা অঙাং মঙা তরাদি লাইরিক ময়েক চৎতবা ওইদুনা লৈহৌই। লাইরিক ময়েক চৎহৌদবা অঙাং মঙা তরা অসি বজেৎকী সমস্যা ওইগদৌরিব্রা হায়বিয়ু। ওজাগী সমস্যা ওইদৌরিব্রা, নত্তে। ঐহাক্না খুঙ্গংগী মীয়ামশিংদা খঙহনজনীংবদি, স্কুল লৈরে, ওজা লৈরে, সরকারনা ফী পীরি, সরকারনা য়ুনিফোর্ম পীরি, সরকারনা মিদ দে মিল পীরি। খুঙ্গংগী অঙাং অমত্তা স্কুলদগী চিত্থদনবা হোৎনরসি। ঐখোয়গী খুঙ্গংগী অঙাং অমত্তা লাইরিক ময়েক চৎতবা ওইহল্লগুমসি হায়বা ৱারেপ অসি ঐখোয় লৌবা ঙমলোয়দ্রা?
মরম অদুনা ঐহাক্কী নুংশিজরবা মীহুৎ পুম্নমকপু, পঞ্চায়ৎ রাজ নুমীৎ অসি ঐখোয়গী ৱারেপ লৌবগী নুমীৎ ওইহল্লসি। ময়াম হায়বীয়ু, ঙসিগী মতম অসিদা হকশেলগী লমদা অসুক য়াম্না ফজবা মোদিফিকেসন তৌখিবা লৈব্রা। করিগুম্বা পোলিয়োগী হিদাক মতম চানা অঙাংশিংদা পীথকপা তারগদি ঐখোয়গী খুঙ্গংদা অঙাংশিং পোলিয়োনা নাররোই। অদুবু মসিগী ঐখোয়গী ইথৌ নত্তে, মসিদি সরকারগী অচৌ অশাংশিংগী মথৌনি হায়না করি করিগুম্বা মতমদা মীহুৎশিংনা খনবা য়াওরি। মদু নত্তে, ঐহাক্কী নুংশিজরবা ইচল-ইচে অমসুং ইচিল ইনাওশিং, ঐখোয় সরকারগীদমক থবক তৌবা নত্তে মীয়ামগীদমক থবক তৌরিবা মীওঈশিংনি। ঐখোয়না মীহুৎ ওইরিবা অসি মীয়ামগী য়াইফনবনি, মরম অদুনা ঐখোয়গী পাঙ্গল, ঐখোয়গী মতম অদু অসিগুম্লবা থবক্তা শিজিন্নবা তারগদি ঐখোয়গী খুঙ্গংশিংগী পুন্সি মহিংদা অহোংবা পুরকপা ঙমগনি।
ঐখোয়গী খুঙ্গংগী লৌমীশিং অসি ঐখোয়না খঙলিবা অদুনি- মশাগী মবুক অমদি খুন্নাইগী মবুক থাক্লিবা লৌবুক অদুগী লৈবাক লৈহাওগী ফিভম ফত্তবা তারগদি করিগুম্বা মতমদা মালেম ইমানা ৱারৌখিগদ্রা ৱারৌখিরোইদ্রা? মালেম ইমানা ঙসি পীরিবা মহৈ মরোংশিং অসি পীবা লেপখিরোইদ্রা? ঐহাকসু চরা হেন্দুনা শিগনি অতৈসু চরা হেন্দুনা শিগনি। ঐখোয়না অথুবা মতমদা পোত্থোক য়াম্না পুথোক্নবা য়ুরিয়াগী চাং ৱাংনা শিজিন্নরি। থংনরিবা অদুনা বেগ অমা হাপখিবা মতমদা ঐহাকসু বেগ অমা হাপচিল্লি। মাংদা লৈরিবা অদুনা অঙাংবা কৌতাগী হিদাক শিজিন্নবা মতমদা ঐহাকসু অঙাংবা কৌতাগী হিদাক হপচিল্লি। মদুনা মরম ওইরগা ঐহাক্না ঐহাক্কী লৈবাক লৈহাও মাং তাকহল্লি। খুঙ্গংগী মীয়ামশিংনা অমত্তা ওইনা পুন্দুনা ৱারেপ লৌবা তাই মদুদি করিগুম্বা মমাংদা ঐখোয়না খুঙ্গং পুম্বদা য়ুরিয়া বেগ ৫০ শিজিন্নরম্বা তারগদি, হন্দকতগী বেগ ৪০ খক্তা শিজিন্নরসি। বেগ ১০গী শেনফম লেমগদ্রা লেমলোয়দ্রা? খুঙ্গং মনুংদা য়ুরিয়ানা মরম ওইদুনা ঐখোয়গী লৈপাক লৈহাও মাংহল্লিবা অদু কনবদা ঐখোয়না থৌদাং খরা লৌফম থোকপরা থোক্তবরা? শেলসু লেম্লগনি, তপ্না তপ্না মহৈ মরোংসু ফরক্লগনি। মালেম ইমানা ঐখোয়বু পেনবীরদুনা আশির্বাদ পীনবীরগনি। ঐহাক্কী আদিবাশী ইচিল ইনাওশিংদা হংনীংলি, ঐহাক্না ত্রাইবেল ইচিল ইনাওশিংদা হংনীংলি মদুদি থবক অসি ঐখোয় পাংথোকপা ঙমগদ্রা নত্রগা ঙম্লোয়দ্রা?
হৌজিক্তি সরকারনা য়াম্না কান্নবা আইন অমা শেমলে। ঙসি ঐহাক মন্দলাগী উমং মরক্তা লেপ্লি। মফম অসিদা ৱা মরাং কায়না ফংই। মতম অমদদি ৱা অসি উগী কাংলুপ্তা চিংলম্মি। মদুনা মরম ওইদুনা উমংদা লৈরিবা ঐখোয়গী ত্রাইবেল ইচিল ইনাওশিংনা ৱা য়ানবা য়ারমদে, ৱা য়োনবা য়ারমদে। খুদোং চাদবা কয়া অমা থোক্লম্মি। সরকারনা য়াম্না মরু ওইবা ৱারেপ অমা লৌদুনা ৱাবু উগী কাংলুপ্তগী লৌথোক্তুনা নাপ্পীগী কাংলুপ্তা থম্লে। মদুনা মরম ওইরগা লৌমীশিংনা মখোয়গী লৌবুক্কী অকোয়বদা ৱা থাবা য়ারগনি, ৱা য়োনবা য়ারগনি, ৱাগী পোত্থোক কয়া পুথোক্তুনা কৈথেলদা য়োনবা ঙমহল্লগনি, খুঙ্গং মনুংদা নৌনা শু-নোম্বা ঙমহল্লগনি।
হৌজিক ঐখোয়না খোইহিগী কেমপেন চত্থরি। হয়িংখোই লোইবগী। লৌমী অমনা মশাগী লৌবুক্তা য়ামদ্রবদা খোই উপু ৫০ থম্বা ঙম্লগদি চহি অমদা লুপা লাখ অমা মখায় অনিগী খোইহি য়োনবা ঙমহল্লি, করিগুম্বা য়োনবা ঙমহৌদ্রবসু চাবদা হকচাংদা কান্নবা ফংহল্লি।
হৌজিক্তি মনরেগাগী শেল লাক্লে, মীয়ামদা ভারত সরকারনা শেল পীথরি। থবক শুবগীদমক শেল পীরি। হৌজিক ঐখোয় লাক্কদৌরিবা থা অহুম এপ্রিল, মে, জুন্দা শুগদৌরিবা মনরেগাগী থবক অসি খুঙ্গংশিংদা ঈশিং য়োক্তুনা থম্নবা করি করি থবক পায়খৎপা য়াবগে হায়বা খন্নরসি। পুখ্রি লুথহনবগী থবক ওইগেরা, চেক দাম মচা-মচা শাবা ওইগেরা, ঈশিং থিংনবা থৌরাং লৌখৎকদবনি। স্কিম লৈতবা নত্তে, শেলগী অৱাৎপা লৈবা নত্তে। ঐহাক্না খুঙ্গংগী মীহুৎশিংদা হায়জনীংবদি, মহৈ মশিংগী ৱাফম ওইগেরা, হকশেলগী ৱাফম ওইগেরা, ঈশিং য়োক্তুনা থম্বগী ৱাফম ওইগেরা, লৌউ-শিংউবদা অহোংবা পুরকপগী ৱাফম ওইগেরা, অনৌবা বজেৎ য়াওদ্রবসু খুঙ্গংগী মীয়াম্না থবকশিং অসি মাংলোমদা পুখৎপা য়াই।
ৱাফম অমসু ঐহাক হায়জগে- জনধন য়োজনা হায়বা বেঙ্ক একাউন্ত হাংবগী স্কিম অমা ঐখোয়না হৌদোকখি। অনিশুবা স্কিম অমনা পৈশা ৯০দা ইন্সুরেন্সকী স্কিম। লাইরবদগী লাইরবা ফাওবা পৈশা ৯০ পুথোকপা ঙমগনি হায়বা ঐহাক থাজবা থম্মি। করিগুম্বা মহাক অদুনা বীরি থকপগী হৈনবী লৈরম্লগদি নোংমগী য়ামদ্রবদা লুপা ২গী বীরিদি থক্লমগনি। পৈশা ৯০দি মহাক পুথোকপা ঙমগনি।
মফম অসিদা ত্রাইবেল কম্যুনিতীগী ইমা অমদা লুপা লাখ অনি খুৎশিন্নবগী তঞ্জা ফংজখিবা অদু ময়াম্না উবীরম্লগনি। মসিগী লুপা লাখ অনি অসি কদায়দগীনো। মহাক্না পৈশা ৯০গী ইন্সুরেন্স য়াওখিবা অমদি মহাক্কী ইমুংদা অৱা অনা তারকপা, ইমুংগী মকোকথোংবা অদু লৈখিদবনি। অদুগুম্লবা পৈশা ৯০ অদুগী মতেংনা ঙসিদি মহাক্না লুপা লাখ অনিগী ইন্সুরেন্স ফংলে।
ইচল-ইচে অমসুং ইচিল-ইনাওশিং, পোৎশক অহুমদা ঐহাক্না অদোমগী পুক্নীং চিংশিনবা পাম্লি। মখোয় অদুদি অহানবদা জনধন, অনিসুবদা বনধন অমসুং অহুমসুবদা গোবরধন্নি। পোৎশক অহুম অসিনা ঐখোয়না খুঙ্গংগী শেল-থুমগী ফিভমদা চাউনা অহোংবা পুরকপা ঙমগনি। জনধন য়োজনানা শেল-থুমগী মরু ওইবা ইচেলদা ঐখোয়গী ইমুং মনুংবু, মীয়াম খুদিংমকপু পুরকপা ঙমগনি। বনধন- ঐখোয়গী লমদমদা লৈরিবা উমংশিং, মহৌশাগী পোত্থোকশিংগী ভেল্যু খঙবনি। করিগুম্বা খুঙ্গং মনুংদা নীম পাম্বী হৌরবা অমদি নীমগী মহৈ অদু মখাদা তাদুনা লৈবা তারগদি, নুপী মঙা তরানা অদুগুম্লবা নীম মহৈশিং অদু তাশিন-খোমজিনবা য়াই। মদুদগী থাও শুংই অমদি য়ুরিয়াগী নীম কোতিং তৌই, খুঙ্গংগী নুপীশিংসু শেল থোক্লগনি।
ঐহাক্না হায়খিবা অহুমসুবা অদুনা-গোবর্ধন্নি। খুঙ্গংদা শা-ষন লৈরি। মখোগী মথি ময়ুং অদু সাইন্তিফিক ওইবা মওংদা শিজিন্নদে। করিগুম্বা খুঙ্গংদা ফংলিবা ষনথি ষনয়ুং, খুঙ্গগী ফত্তা হাওদি অসিবু লন থুম অমগুম খল্লবা, মদুদগী গ্যাস শুংবা য়াই, মদুদগী মৈ শুংবা য়াই, মদুদগী খ্বাইদগী ফবা মখলগী হার শেম্বা য়াই। য়ুরিয়া য়াওদনা খ্বাইদগী ফবা হার শিজিন্নদুনা খুঙ্গংগী লৌ উবা য়াই। খুঙ্গংদা অনা অয়েক চংবা ঙম্লরোই। থবক অসিসু শেল চংদনা তৌবা য়াই। সরকারগী স্কিমশিংগী কান্নবা লৌদুনা পাংথোকপসু য়াই। মরম অদুনা ইচল-ইচে অমসুং ইচিল-ইনাওশিং, ঙসি ঐহাক্না ইমা নর্মদাগী লৈবাক লৈহাওদগী, মন্দলাগী লৈবাক লৈহাওদগী, ইমা দুর্গাবতীগী আশীর্বাদকা লোয়ননা লৈবাক পুম্বগী পঞ্চায়ৎশিংগী মীহুৎশিং অমদি খুঙ্গং লাখ অনি লিশিং নিফুগী মফমদা হায়জরি- লাকপীরো ঐখোয় ৱারেপ লৌরশি- ২০২২, নীং তম্বা ফংখিবগী ৭৫শুবা চহি পালন পাংথোক্কদৌরিবা, অমদি চহি অসিগী ওক্তোবর ২, মহাত্মা গান্ধীগী ১৫০শুবা জয়েন্তি হৌগদৌরিবা অসিদা গান্ধীনা মঙবিরম্বা মংলানগী খুঙ্গং ওইহন্নবা তঞ্জা অদু ঐখোয়গী ইফমদা লাক্লে। ঐখোয় অমত্তা ওইদুনা খুঙ্গংদা শেল নীংথিজনা শিজিন্নরশি। ঙসি হৌজিক ঐহাক্না প্রোগ্রাম অমা হৌদোকখ্রে, মদুগী মখাদা তেক্নোলোজী শিজিন্নদুনা সরকারদগী শেল কয়া য়াম্না লাক্লে, করি থবক্কী লাক্লিবনো, থবক অদু পাংথোকপা লোইখ্রবরা লোইদ্রিবরা, মফম চানা পাংথোকপ্রা পাংথোক্তব্রা, ৱাফম পুম্নমক অসি হৌজিক্তি ইশাগী মোবাইলদা য়েংবা য়ারগনি।
ঙসি ঐহাক্না মফম অসিদা এল পি জি প্লান্ত অমা উরেপ উয়ুং তম্বগী তঞ্জা ফংজরে। ঙসি উরেপ উয়ুং তম্লিবা এল পি জি প্লান্ত অসি লুপা কোতি ১২০ চংনা শেমগৎকনি। গ্যাস সিলিন্দর হানবগী মথৌ তৌগনি অমদি মনাক নকপা জিলাশিং, পন্না ওইগেরা, সতনা ওইগেরা, রীবা ওইগেরা, সিংগরৌলী ওইগেরা, শহদোল ওইগেরা, উমরিয়া ওইগেরা, দিন্দোরী ওইগেরা, অনুপুর ওইগেরা, মন্দলা ওইগেরা, সীবন ওইগেরা, বালাঘাত ওইগেরা, জবলপুর ওইগেরা, কতনী ওইগেরা, দমোহা ওইগেরা, মফমশিং অসিদা গ্যাস সিলিন্দর য়ৌহনবদা লায়থোকহল্লগনি। লমদম অসোমগী মীওইশিংদা থবক পীরগনি। লাক্কদৌরিবা এপ্রিলগী তাং ৩০দা আয়ুশ্মান ভারতকী লোক-জাগরন পাংথোক্লগনি। মে অনিদা লৌমীশিংগীদমক ৱার্কশোপশিং পাংথোক্কনি। খুঙ্গংগী পুন্সিগা মরি লৈনবা ৱাফমশিং পুন্সিল্লগনি। ময়াম পুম্নমক থৱায় য়াওনা শরুক য়ামিন্নরসি।
থাজবা অসিগা লোয়ননা য়াইফ-পাউজেল পীজরি, ময়াম্বু থাগৎচরি।
