Manipur is rapidly moving ahead on the path of development on every scale: Prime Minister Modi
Whenever there is discussion about electrifying India’s villages, the name of Leisang village in Manipur will also come: PM ModiNorth East, which Netaji described as the gateway of India's independence, is now being transformed as the gateway of New India's development story: Prime Ministerঐহাক্কী নুংশিজরবা ইচিল–ইনাও অমসুং ইচল–ইচেশিং,
মসি মতাং চানরুবগী ৱাফম্নি মদুদি মমাং চহীগী জনুৱারী হৌরকপদা ঐহাক সাইন্স কংগ্রেসকীদমকঅদোম ময়ামগী মরক্তা লাকচখি অমদি ঙরাংশু ঐহাক্না পঞ্জাবতা সাইন্স কংগ্রেস হৌদোকলম্লগাঙসি মফম অসিদা লাকচরি। অদোম ময়ামগী মরক্তা লাকচবা অসি মতম পুম্নমক্তা নুঙাইবাএক্সপরিয়েন্স অমা ওইরি। মসি লৈবাক অসিগী অদুগুম্লবা শরুক অদুনি মফম অসিদা দাইবর্সিতীঅমসুং য়ুনিতী মফম পুম্নমক্তা লৈরি। মফম অসিগী নুপীশিংনা নিংতম্বগী অন্দলোনবু থৌনা অমসুংমায়কৈ পীখি। ঙসি ঐহাক্না মনিপুরগী ইচল–ইচেশিং নিংতম অন্দলোনদা থৱায় থাখিবা মনিপুরগীলান্মীশিংবু ইকোক নোন্দুনা খুরুমজরি।
মরূপশিং, লমদম অসিগী মোইরাংদা ভারতপু শরুক অনি থোক্না থুগায়দ্রিঙৈ মমাংগী অহানবা মরক্কী ওইবাসরকার ইস্তাব্লিস তৌখি। অৱাং ভারতকী ঐখোয়গী মরূপশিংনা মতম অদুদা আজাদ হিন্দ ফৌজপু মতিক চানামতেং পাংখি। মতম অদুদা ৱাফম অমা পাক শন্না হায়নরম্মি, নোংপোক থোং হাংগনি হায়বদি নিংতম্বগী লম্বীঅসি নুংপোক থংবা থোংদগী হাংগনি। আজাদ হিন্দ ফৌজনা থোং অসি অমুক হাংখিবা মতুংদগী য়েক্নবশিংনামসিবু অমুক হন্না থিংবা ঙমখিদে।
মরূপশিং, নেতাজিনা ভারতকী নিংতম্বগী গেৎৱে ওইহনখিবা অদুগুম্লবা মনিপুরবু, অদুগুম্লবা অৱাং নোংপোকঅদুবু হৌজিক ন্যু ইন্দিয়াগী দিবেলপমেন্তকী ৱিরিগী শরু ওইহন্নবা ঐখোয়না হোৎনরি। লৈবাক অসিনা নিংতম্বগী মঙাল উবা ফংখিবা মফম অসিদগী অনৌবা ভারতকী অচেৎপা শক্তম ময়াম পুম্নমক্কী মীৎতা ময়েকশেংনা উবা ফংলে।
মরূপশিং, ৱাখল্লোন অসিগী মখাদা হৌজিক ঙাইহাক্কী মমাংদা মফম অসিদা চাওরাক্না লুপা কোতি ১৫০০হেনবগী প্রোজেক্ত তরানিথোই হেন্না শঙ্গাবা অমদি উরেপ উয়ুং তমখ্রে অমদি মসিগীদমক মনিপুরগী ইচিল–ইনাও অমসুং ইচল–ইচে পুম্নমকপু হায়নিঙাই লৈতনা নুঙাইবা ফোংদোকচরি। প্রজেক্তশিং অসিনা অদোমগীপুন্সিবু হেন্না লাইথোকহল্লগনি। মসিনা অদোমগী অঙাংশিংগী লাইরিক লাইশু তম্বা, নহাশিংগী শেন্দাল লম্বী, অহলশিংবু হিদাক লাংথক অমসুং লৌমীশিংবু ইথৈ লৌখোংগী খুদোংচাবা হেন্না ফংহল্লগনি।
মরূপশিং, হৌখিবা চহী তরা কুন অসিদা মমাংদা লৈরম্বা সরকারশিংনা মনিপুর অমসুং অৱাং নোংপোক্তা করিতৌরম্বগে হায়বদু অদোম ময়াম পুম্নমক্না সাক্ষি ওইরি। মখোয়গী মওং মতৌনা দিল্লীবু অদোমগী মফমদগী হেন্নালাপথোকহনখি। অহানবা ওইনা অতলজিগী সরকারগী মতমদা লৈবাক অসিগী অসিগুম্লবা মরুওইবা মফমশিংঅসিবু দিবেলপমেন্তকী লম্বীদা পুরক্নবা ৱাফম হৌদোকখি। ঙসি মহাক্কী অদুগুম্লবা ইনিসিয়েতিব অদু কেন্দ্রসরকারনা চেকশিন্না মাংলোমদা পুদুনা চৎলি। ঐখোয়না দিল্লীবু অদোমগী থোংদিন ফাওবা পুদুনা লাক্লি।হৌজিক্তি মমাংঙৈগী মতৌগুম্না কেন্দ্রগী মন্ত্রী অমসুং ওফিসরশিং রিবন খক্তমক ককলগা নুমীৎ অদুমক্তদাদিল্লীদা হনবা তৌদ্রে। হৌজিক্তি মখোয় লাক্তুনা মফম অসিদা লেক চাররে। অদোমগী মরক্তা লৈদুনা অদোমগীৱাফম তারে, অদোমগী সজেসনশিং তারে, অদোমগী খুদোংচাদবশিং অদু খংলে।
ঐহাক ইশামক হৌখিবা চহী মরি মখায় অসিদা অৱাং–নোংপোক্তা চাওরাক্না ৩০রক লাকখ্রে। ময়ামগা উনরি, ৱারি শান্নরি, মসিনা তোপ তোপ্পা মখলগী নুঙাইবা অমা ফংই, এক্সপরিয়েন্স অমা ফংই। ঐহাক্না ওফিসারশিংদগীরিপোর্ত লৌবগী মথৌ তাদ্রে। ময়ামগা হকথেংননা উনরে। মসিগী খেৎনবা অসিনি মমাংগী সরকার অমসুং ঙসিলৈরিবা সরকার অসিদা।
ঙসি হোৎনরিবশিং অসিনা মরম ওইদুনা অৱাং নোংপোক অপুম্বদা অহোংবা পুরক্লে। চহী ৩০–৩০,৪০–৪০দগীপন্দুনা লৈরক্লবা প্রোজেক্তশিং মপুং ফানা পায়খৎলি। অদোমগী পুন্সিবু হেন্না লাইথোকহন্নবা লেপ্পা লৈতনাহোৎনরি। করিগুম্বা ঐহাক্না মনিপুরদগী খুদম অমা পীবা তারগদি মফম অসিগী খুঙ্গংগী মমিং ভারতকীদিবেলপমেন্তকী খোংচৎতা মরুওইবা শরুক অমা ওইহল্লি। মদুনা মরুওইবা শক্তম অমা ফংলি।
মরূপশিং, লৈবাক অসিগী খুঙ্গং লিশিং ১৮বু রেকোর্দ ওইবা মতমগী মনুংদা অমম্বা কোকহনখিবশিং অদুগীমনুংদা খ্বাইদগী ইকোন কোনবা খুঙ্গং অদু কাংপোকপি জিলাগী লাইশংনি। খুঙ্গং পুম্নমক্তা মৈ ফংহনবগীকেম্পেনগী ৱাফম পুখৎলকপা মতম খুদিংদা লাইশং অমসুং মনিপুরগী মমিংসু শোইদনা লাক্লগনি।
ইচিল–ইনাও অমসুং ইচল–ইচেশিং,
ঙসি মনিপুরনা লুপা কোতি চামগা কুনমঙা হেন্না চংনা শারিবা ইন্তিগ্রেতেদ চেক পোস্তকী খুদোলশু ফংলে। মসিশুপ্নগী চেক পোস্ত অমা খক্তা নত্তে, খুদোংচাবা কয়াগী সেন্তর অমসুনি। ভারত ম্যানমারগী ঙমখৈদা লৈরিবাচেকপোস্ত অসিনা চত্থোক চৎশিন অমসুং ললোন ইতিক্কী খুদোংচাবা ফংহল্লগনি। মসিগা লোয়ন–লোয়ননাকস্তম্স ক্লিয়ারেন্স, ফোরেন করেন্সী একচেঞ্জ, ইম্মিগ্রেসন ক্লিয়ারেন্স, এ.তি.এম., রেস্ত রুম অসিনচিংবাসর্বিসশিং মফম অসিদা ফংহল্লগনি।
মরূপশিং, ঙসি মফম অসিদা শঙ্গাখিবা প্রোজেক্তশিং অদুনা দিবেলপমেন্তকীদমক ঐখোয়গী সরকারনাৱাশকখিবা অদু উৎলরে, মমাংগী সরকারশিংগী থবক থৌরমগী মওং মতৌশিং অদুসু অদোমগী মাংদা প্রমানওইনা উৎলে।
ইচিল–ইনাও অমসুং ইচল–ইচেশিং,
দোলাইথাবী বেরেজকী ফাইল ১৯৮৭তা লানখৎখি। অদোম্না ৱাফমশিং অসিবু নিংশিংবিয়ু, ১৯৮৭তা ফাইললানখৎখি, কন্সত্রক্সনগী থবক ১৯৯২দা লুপা কোতি ১৯গী মমলদগী হৌখি। মদুগী মতুং পন্দুনা লৈখি। ২০০৪দামসিবু স্পেসিয়েল ইকোনোমিক পেকেজকী শরুক ওইহনখি অদুবু চহী তরা ফাওবা অমুক হন্না পন্দুনা লৈখি।
২০১৪দা ঐখোয়না লাক্লবা মতুং লৈবাক পুম্বগী অসিগুম্বা চাওরাক্না প্রোজেক্ত চামগী রিভ্যু তৌখি। মদুগী মতুংপ্রোজেক্ত অসিদা থবক হৌখি অমদি লুপা কোতি ১৯গী প্রোজেক্ত অসি লুপা কোতি ৫০০ চাদিং তৌরবা মতুংদাহৌজিক লোইশিন্দুনা থৌরাং তৌদুনা লৈরে। করিগুম্বা মতম অদুদা লোইশিল্লমলগদি কোতি ১৯–২০দায়ারমগদবনি অদুবু মখোয়গী ক্রিমিনেল নেগ্লিজেন্স অদুনা মরম ওইদুনা কোতি ১৯–২০গী প্রোজেক্ত অদুকোতি ৫০০ ফাওবা য়ৌখি। মসিগী শেনফমশিং অসি হিন্দুস্তানগী প্রজাশিংগীনি, মসি অদোমগী শেনফম্নি।মখোয়না অরেম্বদা মাংহনখি।
মরূপশিং, করিগুম্বা প্রোজেক্ত অসি মমাংদা মপুংফানা লোইশিল্লম্বা তারগদি লমদম অসিগী লৌমী লিশিংকয়ানা ঈশিং ইরিক অমমমগীদমক খৌরাংনা ঙাইরমলোই। মতৌ অসুম্না লমদম অসিগী নহাশিংবু থবকপীগদবা থঙ্গাল সুরুং ইকো–তুরিজম কমপ্লেক্সশু চহী ২০১১দা হৌখি। মসিগী থবক অসিদা ঐখোয়গী রাজ্যসরকারনা খুমাং চাওশিলহনখি অমসুং ঙসিদি মসি অদোমগী সেবাগীদমক থৌরাং তৌরে। তুপুলগী ইন্তিগ্রেতেদতুরিস্ত দেস্তিনেসন প্রোজেক্তকী ফিভমশু কমোবেশগুম্না লৈরম্মি। চহী ২০০৯দা মসিদা থবক হৌখিরম্মি, ঐখোয়গী সরকারনা মসিদা থবক য়াংশিনহনখি অমদি ঙসি মনিপুরগী তুরিজমদা অনৌবা খুদোংচাবা অসিঅদোমগী মফমদা শিন্নজরে।
মরূপশিং, ২০১৪দা প্রধান মন্ত্রী ওইরবা মতুংদা য়াম্না চাওবা চেলেঞ্জ ঐহাক্কী মাংদা লাকখি। মদুদি চহী কয়াদগীপন্দুনা, লমুক্নদুনা লৈরবা প্রোজেক্তশিং অসিবু মপুং ফানা লোইশিনবনি। মমাংগী সরকারনা খোংথাং তপ্না থবকতৌরম্মি। মখোয়না তৌরম্লিবদি মফম অমদা নুং য়ুংশিল্লগা ভোৎ কাবা…, মফম অমদা রিবন কক্লগা ভোৎকাবা…, মফম অমদা প্রেস নোৎ পীরগা ভোৎ কাবা… প্লে অসি চত্থদুনা লাকখি।
অদোম্না তাবদা অঙকপা ফাওগনি মদুদি…কোতি চামগী প্রোজেক্ত অদু লুপা কোতি ২০০, ২৫০ চাদিং তৌদুনাপায়খৎলম্মি। শেলবু অসুম্না মাংহনবা, রিসোর্সশিংবু অসুম্না মাংহনবা অসিবু ঐহাক্না মতৌ করম্না খাংদুনালৈগনি। ঐহাক য়েংবা ঙম্লমদে, ঐঙোন্দা অৱাবা ওইরম্মি, লৈবাক অসিগী শেল অরেম্বদা মাংলম্মি, মসিনাঐহাকপু লৈফম চাফম খংহল্লমদে। করিগুম্বা প্রোজেক্তশিং অসি মতম চানা লোইরম্লগদি মফম অদুগীপ্রজাশিংদা কয়া য়াম্না কানহল্লমগনি হায়বা ঐহাক্না উবা ফংলম্মি, মরম অদুনা ঐহাক্না প্রধান মন্ত্রীগী ওফিসতাসিস্তেম অমা দিবেলপ তৌখি, মদুদা তেক্নোলোজী মতিক চানা শিজিন্নখি অমদি মদুগী মমিং ঐহাক্না প্রগতিহায়না থোনখি।
প্রগতিগী মীফমদা ঐহাক্না কেন্দ্র সরকারগী ওফিসারশিং, রাজ্য সরকারগী ওফিসারশিংগা লোয়ননা ভীদিওকনফরেন্সকী থোংদা শম্নরি। প্রোজেক্ত অমমমদা ঐহাক ইশামক্না ৱাহং পাওহং চত্থৈ। কদায়দা খুদোংচাদবালৈবগে হায়বদু খংদোক্নবা হোৎনৈ অদুদগী মদুবু ঐখোয় ময়াম পু্ন্না ফম্মিন্নদুনা ভীদিও কেমেরাগী মমাং মক্তদাখুদোং চাদবা অদু লোইশিন্নবা হোৎনৈ। ঐহাক্না ওফিসারশিংগী পুক্নিংশু থৌগৎলি, মখোয়গী ৱারোলশু তাই, মখোয়দা মতেং পুম্নমক পীগনি হায়বগী থাজবসু পী।
মরূপশিং, মতৌ অসুম্না লেপ্পা লৈতনা মীফম পাংথোক্লি, মীফম কয়াদা হৌজিক ফাওবদা লুপা কোতি লাখ ১২গীপ্রোজেক্তশিংদা ঐখোয়না খন্ন–নৈনখি অমদি ফাইলশিংদা নম্দুনা লৈরুরবা লুপা কোতি লাখ ১২গীপ্রোজেক্তশিং অসি থিদোক থিদোক্তুনা ঙসিদি মখোয়বু মথৌ তৌহন্নবগী মায়কৈদা থবক তৌরি।
মনিপুরগী ফুদ সেক্যুরিতীগীদমক মরুওইবা সওম্বুংগী এফ.সি.অই. গোদাউন ঙসি শঙ্গাখ্রে। ২০১৬কী দিসেম্বরথাদা মসিদা থবক হৌখি অমদি ঐখোয়না থবক অসি মপুংফানা পাংথোক্তুনা উৎলে অমদি ঙসি শঙ্গারে।মতম চানা লোইশিনবনা ঐখোয়না চাদিং হেন্না তৌবদগীশু কনবা ঙম্লে অমসুং মনিপুরগী দরকার ওইবা চেংহৱাই স্তোর তৌনবগীদমক মেত্রিক তন লিশিং ১০গী অহেনবা সিস্তেমগী বিলদিংশু লৈরে। মনিপুরদা স্তোরেজকেপাসিতীবু শরুক অনি ওইহন্নবগীদমক তোঙান তোঙানবা প্রোজেক্তশিংদা থবক তৌরি। মখোয়শিং অদুশুঅথুবা মতমদা লোইশিল্লগনি।
মতৌ অসুম্না উখ্রুল অমদি মনাক নকপদা লৈবা ইমুং লিশিং কয়াগী ঈশিংগী দরকার ওইবা অদু য়েংদুনাবফ্ফর ৱাতর রিজার্বরগী থবক ২০১৫গী নবেম্বরদগী হৌখি। মসি মথৌ তৌবশু হৌরে অমসুং ঙসি মসিগীশঙ্গাবসু পাংথোকখি। প্রোজেক্ত অসিনা ২০৩৫ ফাওবগী দরকার ওইবশিং অদু ফংহল্লগনি।
চুরাচান্দপুরগী জোন–থ্রী প্রোজেক্তকী থবকশু ২০১৪দা হৌখি অমদি চহী মরিগী মতুং ঙসি মদুশু শঙ্গারে।মসিনা ২০৩০–৩১ ফাওবা মফম অসিগী প্রজা চাওরাক্না লাখ অমগী থক্নবা ঈশিংগী দরকার ওইবা অদুপোকহল্লগনি। লম্বুইদা স্কুলগী অঙাংশিং অমসুং মনাক নকপদা লৈবা ইমুং লিশিং কয়া ইখৌ লাংবাকোকহনগদবা স্কিম অসি ২০১৫দা থবক হৌখি অমদি চহী অহুমগী মতুং ঙসি মসিশু শঙ্গাখ্রে।
ইচিল–ইনাও অমসুং ইচল–ইচেশিং, অৱাং–নোংপোক্তা অসিগুম্বা মখলগী প্রোজেক্ত কয়া অমা ঐখোয়গীসরকারনা লেপখিবা মতমদগী ঙংখৎনা লোইশিল্লি। ঐখোয়গী সরকার অসিনা অরিবা সিস্তেমশিংদা অহোংবাপুরক্নবগীদমক ওইথোকপা য়াবা পুম্নমক্কা লোয়ননা থবক তৌরি। লাক্কদৌরিবা মতম খরা অসিদা লমদম অসিদাখাবম লমখাইদগী হন্নাচাং হৈঙাংগী মরক্তা রোদ প্রোজেক্ত, ইম্ফালদা ইনফেক্সিয়স দিজিজ সেন্তর, অনৌবাকম্যুনিতী সেন্তর, অমদি মিনী স্পোর্তস কমপ্লেক্সকী থবকশু হৌরগনি।
মরূপশিং, কেন্দ্র সরকারগী ওইগেরা নত্রগা মনিপুর সরকারদা বিরেন সিংহগী সরকার ওইগেরা, ঐখোয়গীভিজন্দি সবকা সাথ… সবকা বিকাসনি। দিবেলপমেন্তদগী কনাগুম্বা অমত্তা চিত্থহৌদনবা, করিগুম্বা লমদমঅমত্তা চিত্থহৌদনবা কন্না হোৎনরি। গো তু হিল্স নত্রগা গো তু ভিলেজগুম্বা প্রোগ্রামগী মখাদা লমদম অসিগীরাজ্য সরকারনা অথাপ্পা মনুং হুঞ্জিনবা মফমশিং ফাওবা য়ৌশিল্লি। মরম অদুমক্ননি ঙসি মনিপুর বন্দ অমদিব্লোকেদকী খোংজংদগী মপান থোরক্তুনা আশা অমসুং এস্পিরেসন অদু মপুং ফাহন্নবা হোৎনরি। লৈবাকঅসিনা মদুগী সেক্ষিনি।
মরূশিং, দিবেলপমেন্তকীদমক শান্তি অমসুং হেন্না ফবা আইনগী সিস্তেমগী মথৌ তাবা অদুম্না কনেক্তিবিতীশুদরকার ওই, মরম অদুনা ঐখোয়না ত্রান্সফোর্মেসন বাই ত্রান্সপোর্তেসন, ভিজন অসিদা থবক তৌরি। হৌখিবাচহী মরি মখায় অসিদা অৱাং নোংপোক অপুম্বদা চাওরাক্না কিলোমীতর লিশিং অনি মখায়গী নেস্নেল হাইৱেহাপচিল্লে। মনিপুরদসু ২০১৪গী মতুংদা কিলোমীতর চাহুম হেনবগী নেস্নেল হাইৱে হাপচিল্লে।
রাজ্য সরকারগা পুল্লগা চাওরাক্না লুপা কোতি লিশিং ২গী থোংশিং শেমগৎপা হৌরে। অৱাং নোংপোক্কী রাজ্যপুম্নমক্কী কোনুংশিংবু রেলৱেনা শম্নহন্নবগী থবক পায়খৎলি। চাওরাক্না লুপা কোতি লিশিং ৫০ চংনা অনৌবা রেললাইন ১৫দা থবক চত্থরি। মনিপুরদসু জিরিবামদগী তুপুল–ইম্ফালগী মরক্তা অনৌবা রেল লম্বী তিংলি। লৈবাকঅসিগী ইঞ্জিনীয়ারিং স্কিলগী খুদম অদু জিরিবাম–ইম্ফাল রেল ব্রীজশু অৱাং নোংপোক রাজ্যগীদিবেলপমেন্তকী য়াম্না চাওবা খুদম ওইরগনি।
মরূপশিং, হাইৱে অমসুং রেলৱেগা লোয়ননা লমদম অসিগী এয়ার কনেক্তিবিতীবু ফগৎহনবগী থবক চৎথরি।ইম্ফালবু জিরিবাম, তমেংলোং অমদি মোরেগুম্বা রিমোৎ এরিয়াশিংবু হেলিকোপতর সর্বিসনা শম্নহনবগী থবকচত্থরি। উরান য়োজনাগী মখাদা হেলিপেদ মঙা শেমগৎলি মদুনা ইম্ফাগী এয়ারপোর্তকা শম্নহনগনি। ইম্ফালইন্তরনেস্নেল এয়ারপোর্ত পাকথোক চাওথোকপগী থবক চত্থরি অমদি লাক্কদৌরিবা মতম খরা অসিদা মফমঅসিদা এয়ার কার্গো তর্মিনেলসু হৌদোক্লগনি। মনিপুরদা হেইৱে, রেলৱে, এয়ারৱেগা লোয়ননা আইৱে ওইহন্নবাহোৎনরি, ইনফোর্মেশন ৱে, অথুবা মতমদা মনিপুরগী পঞ্চায়ৎ অমদি জিলা পুম্নমকদিজিতেল ব্রোদবেন্দ আই–ৱেনা শম্নহল্লগনি। মসিগীদমক লুপা কোতি কয়াসু চাদিং তৌরি।
ইচিল–ইনাও অমসুং ইচল–ইচেশিং,
কনেক্তিবিতীগা লোয়ন–লোয়ননা মফম অসিগী ইলেক্ত্রিক সিস্তেমসু ফগৎহল্লে। ঙসিমক ৪০০ কে.ভি.গীসিলচর ইম্ফাল লাইনজাতিদা খুৎশিন্নখ্রে। লুপা কোতি চাতরেৎ হেন্না চংনা শেমখিবা লাইন অসিনা পৱার কৎকীসমস্যা কোকহল্লগনি।
মরূপশিং, ঙসিদি মনিপুর হিরম খুদিংদা দিবেলপমেন্তকী লম্বীদা চংশিল্লি। স্বচ্ছ ভারত অভিয়ান্দসু মনিপুরনামপালদা খোংহাম খুৎহাম্বদগী নানথোকপা ঙমলে। লৈবাক অসিগী শোত্থরবা জিলা চামা হেনবগী মনুং চল্লিবাচান্দেল জিলাসু পেরামীতর কয়াদা ফিভম য়াম্না ফগৎলে।
ইচিল–ইনাও অমসুং ইচল–ইচেশিং, মনিপুরগী নহা ওইরিবা মরূপশিংবু অৱাংবা থাক্কী মহৈ মশিং অমদিপ্রোফেস্নেল এজুকেসনগীদমক লৈবাক অসিগী তোঙান তোঙানবা মফমশিংদা চৎপগী মথৌ তাদনবা মশিংয়াম্লবা প্রোজেক্তশিংদা থবক চত্থরি। ঙসি এজুকেসন, স্কিল অমদি স্পোর্তসকা মরী লৈনবা প্রোজেক্তকী উরেপউয়ুং তমখি। ধনমঞ্জুরী য়ুনিবর্সিতীদা ইনফ্রাস্ত্রকচরগা মরী লৈনবা প্রোজেক্ত ওইগেরা, লৈবাক্কী ইঞ্জিনীয়রিংকোলেজকা মরী লৈনবা প্রোজেক্তশিং ওইগেরা, মসি পুম্নমক অসিনা নহা ওইরিবা মরূপ পুম্নমকপু কানবাফংহল্লগনি।
মরূপশিং, নুপীদা শক্তি শিন্নবদশু মনিপুর মাং থংলি। মনিপুরগী ইচল–ইচেশিংগী শেল থুমগী ফিভম হেন্নাফগৎহন্নবগীদমক অথুবা মতমদা ঐখোয়গী সরকার অসিনা অনৌবা ইমা কৈথেল অহুমগী থবকশু হৌরগনি।মফম অসিগী চাওরাক্না ইচল–ইচে লাখ অমবু উজ্জ্বলা য়োজনাগী খুত্থাংদা লেম্না এল.পি.জি. গ্যাস কনেক্সনশুপীখ্রে।
মরূপশিং, য়ুথ আইকোন অমদি লৈবাক অসিদা নুপীগী শক্তিগী অচৌবা খুদম অঅমা ওইরিবা মেরি কোমগীপোক্নফম লমদম অমদি কর্মভুমী অসি স্পোর্তসকী ওইথোকপা য়াবশিংনা পিক থল্লি। ভারতপু স্পোর্তিং সুপরপৱার ওইহনবদা অৱাং নোংপোক্কী য়াম্না চাওবা থৌদাং লৈরগনি। হৌখিবা চহি ৩–৪ অসিদা পাংথোকখিবাইনন্তরনেস্নেল তুর্নামেন্তশংদা লৈবাক অসিনা অৱাং নোংপোক্কী শান্নরোইশিংগী থৌনানা পুক্নিং থৌগৎনিঙাইওইবশিং উৎখি। ঙসি উরেপ উয়ুং তমখিবা প্রোজেক্তশিং অদুদা হোক্কী স্তেদিয়মদা ফ্লদ লাইত অমসুং ফুতবোলস্তেদিয়মদা এস্ত্রোতর্ফ থাবগী স্কিম য়াওরি।
দিবেলপমেন্তনা থনবা, শেঞ্জা–থুমজা লৈতবা অনৌবা ভারতকী রিজোলুসনগীদমক অদোমগী থৌজাল অদুঐখোয়না মতম পুম্নমক্তা ফংদুনা লাক্লি, ফংদুনা লৈখিগনি। অমুক হন্না ঐহাক্না ময়াম পুম্নমকপু ঙসিগীপ্রোজেক্তশিং শঙ্গাখিবা অমদি উরেপ উয়ুং তমখিবগীদমক নুঙাইবা ফোংদোকচরি। “পুম্নমকপু অমুক্কা হন্নাখুরুমজরী।”
ভারত ইমানা য়াইফরে…, ভারত ইমানা য়াইফরে…, ভারত ইমানা য়াইফরে…
হন্না হন্না থাগৎচরি।
