জম্মুদা পকল দুল পাৱর প্রোজেক্ত উরেপ উয়ুং তম্বা অমদি তোঙান তোঙানবা প্রোজেক্তশিং হৌদোকপগী থৌরমদা পীখিবা প্রধান মন্ত্রীগী ৱারোল

ঐহাক্কী নুংশিজরবা ইচল–ইচে অমদি ইচিল–ইনাওশিং।

ঐখোয়গী চমনলালজীগুম্বা য়াম্না লিরবা মাইথোং কয়া ঐহাক উবা ফংলি। জম্মু–কশ্মীরগীদমক্তাঙসিগী নুমিৎ অসি য়াম্না মরুওইবা নুমিৎনি। ঙসিগী ওইনা রাজ্য অসিদা মসিনা ঐহাক্কী মরিসুবাথৌরম্নি। ঙসি অয়ুক্তগী লেহ–লদাখকী ৱাংলবা চিংদোলশিংদগী, কশ্মীরগী ভেলীশিং ফাওরগাহৌজিক জম্মুগী অনেম্বা লমদম ফাওবা চেন্থরক্লিবা দিবেলপমেন্তকী ইচেল অসি ঐহাক্না উবা ফংলি।অমদি থৌরম অসিগীদমক ঐহাক্না মতম চানা য়ৌরকপা ঙমখিদবা অদুগীদমক ময়ামগী মফমদাঙাকপীনবা হায়জরি।

লেহবু ভারতকী অতৈ মফমশিংগা শম্নহনগদৌরিবা জোজিলা তনেল ওইগেরা, বান্দিপোরাগীকিষনগঙ্গা প্রোজেক্ত ওইগেরা মদু নত্রগা কিশতবারগী চিনাব তুরেলদা শাগদৌরিবা হাইদ্রো পাৱরপ্রোজেক্ত ওইগেরা, জম্মু–কশ্মীরগী প্রোসপেরিতীগী অনৌবা থোং অমা হাংলে। জম্মু–কশ্মীরগীইশিংগী ইচেলশিং অসিনা লাক্কদৌরিবা মতম খরা অসিদা মফম অসিগী দিবেলপমেন্তকী ইচেলহেঙ্গৎহল্লগনি।

হাইদ্রো পাৱর প্রোজেক্ত অমা জাতিদা কত্থোকপা মতমদা অতোপ্পা অমগী উরেপ উয়ুং তম্বা; ঙসিগীনুমিৎ অসি অঙকপা অমসুং নীংশিংবনা থল্লবা নুমিৎ অমা ওইরে। ঙৈহাক্কী মমাংদা ঐহাক্না জম্মুগীইনফ্রাস্ত্রকচরগা মরি লৈনবা অচৌবা প্রোজেক্ত মরি উরেপ উয়ুং তম্বা অমদি শঙ্গাবগী খুদোংচাবাফংজখি। মসিগী মনুংদা অনি অমদি ইমা বৈস্নো দেবীগী মফমদা কত্থোকচরি। হৌজিক মফমঅসিদা পকল দুল প্রোজেক্তকীসু উরেপ উয়ুং তমখ্রে। মসিনা কয়া য়াম্না কান্নবা ফংগদৌরিবনোহায়বদা, ঙসি ঙসিমক জম্মু–কশ্মীরদা পুথোক্লিবা মৈগী শরুক অদুগী অহুম থোকপগী অমদি পাৱরপ্রোজেক্ত অসিনা পুথোক্কনি।

প্রোজেক্ত অসি প্রধান মন্ত্রী বিকাস য়োজনাগী মখাদা শেমগৎপনি। মেগাৱাৎ লিশিং অমগী প্রোজেক্তঅসি খোংজেল য়াংনা মাংলোমদা চংশিন্নবা মপুং ফানা থৌরাং তৌরে। লুপা কোতি লিশিং ৮গীপ্রোজেক্ত অসিনা থবক পীনবা তঞ্জা কয়া অমা ফংহল্লগনি। চাউরাক্না মীওই লিশিং অনিগা চামঙাদিথবক ফংলগনি।

মরূপশিং, ঐখোয়গী সরকার অসিনা লৈবাক অসিগী দিবেলপমেন্তকীদমক অনৌবা এপ্রোচকা লোয়ননা থবক তৌরি। এপ্রোচ অদুদি আইসোলেসন তু ইন্তিগ্রেসনি। হায়বদি মরিগুম্বা খরনা মরম ওইদুনা তোঙান্না তারিবা মফমশিং, চাউখৎপগী মমি তাবা ফংদ্রিবা মফমশিং অদুদা প্রায়োরিতী পীরি। মদুনা মরম ওইরগা অৱাং নোংপোক ওইগেরা নত্রগা জম্মু-কশ্মীর ওইগেরা, য়ারিবা মখৈ মফম অদুদা য়ৌশিন্নবা হোৎনরি, ঐহাক ইশামকসু য়ৌশিন্নবা হৌৎনৈ। প্রধান মন্ত্রী ওইনা জম্মু-কশ্মীরদা তরানিথোইলক্তগী তাদনা লাকখ্রে।

কনেক্তিবিতীদগী দিবেলপমেন্তকী মরি অদুদা ঐখোয়না থবক তৌরি। কনেক্তিবিতী অদু লম্বীগী ওইগেরা নত্রগা থমোয়গী ওইগেরা, অৱাৎপা অমত্তা লৈহন্দরে। জম্মু-কশ্মীরগী দিবেলপমেন্তকীদমকসু খোংথাং পুম্নমক পায়খৎলি মদুনা রাজ্য অসি অনৌবা ভারতকী রাইজিং স্তার ওইহন্নবা পাঙ্গল অদু লৈরে।

ইচল–ইচে অমদি ইচিল–ইনাওশিং, মিশন অসিগা লোয়ননা কেন্দ্র সরকারনা রাজ্য সরকারগালোয়ননা থবকশিং অসি খুমাং চাউশিলহন্নবা হোৎনরি। ঙৈহাক্কী মমাংদা জম্মু শহরদা থোক্লিবা জামঅদু হন্থহন্নবা, মফম অসিগী ত্রাফিক্কী সমস্যা অদু কোকহন্নবা রিং রোদকীদমক উরেপ উয়ুং তমখ্রে।মথংগী চহি অহুমগী মনুংদা রিং রোদকী থবক অসি মপুং ফানা লোইশিন্নবা হোৎনগনি।

মরূপশিং, অদোমগী জম্মু শহর অসি স্মার্ত সিতী মিশনগী মখাদা খনগৎলে। মফম অসিগী ত্রাফিক্তগী হৌরগা সিৱেজ ফাওবগী স্মার্ত সিস্তেমশিং থৌরাং তৌরি। রাজ্যগী সরকারনা থবক অসিদা পুক্নিং চংলি। থবক অসিগীদমক কেন্দ্রদগী শেলসু থাদোকখ্রে।

ইচল–ইচে অমদি ইচিল–ইনাওশিং, দিবেলপমেন্তকীদমক ঐখোয়না ইনফ্রাস্ত্রকচরদা মীৎয়েং থম্লি– হাইৱে ওইগেরা, রেলৱে ওইগেরা, আই–ৱেজ ওইগেরা, রোদৱেজ ওইগেরা, পুম্নমক অসি ২১সুবাচহিচা অসিদা চংদবা য়াদ্রবশিংনি।

জম্মু-কশ্মীর ওইগেরা, নোংচুপ ভারত ওইগেরা মদু নত্রগা নোর্থ ইস্ত ওইগেরা, লৈবাক অসিবু হাইৱেশিংনা শম্নহন্নবা প্রোজেক্তনি। চহি অসিগী বজেৎতা প্রোজেক্ত অসিগী মখাদা শেমগৎকদবা চাউরাক্না কিলোমিতর লিশিং ৩৫ শাংবা লম্বীগীদমক লুপা কোতি লিশিং মঙা হেনবা শেনফম কায়থোক্লে। প্রোজেক্ত অসিগী মখাদা জম্মু-কশ্মীরদসু চাউরাক্না লুপা কোতি লিশিং ২৭০০ চাদিং তৌগনি।

ইচল–ইচে অমদি ইচিল–ইনাওশিং, জম্মু-কশ্মীরদা, মফম অসিদসু হাইৱেগী মশিং য়াম্লবা প্রোজেক্তশিং পায়খৎলি। জম্মুবু শ্রীনগরগা অমদি লৈবাক অসিগী অতোপ্পা মফমশিংগা শম্নহনগদবা কোতি লিশিং কয়াগী প্রোজেক্ত কয়া মপুং ফানা পায়খৎপা লোইরে, অমদি খরা অমদনা খুমাং য়াংনা থবক পায়খৎলি। ঙসিদি জম্মু-পুঞ্চ, উধমপুর-রামবন, রামবন-বনিহাল, শ্রীনগর-বনিহাল অমদি কাজীগুন্দ-বনিহালগুম্বা মশিং য়াম্লবা হাইৱে প্রোজেক্তশিং অসিদা থবক চত্থরি অমদি লাক্কদৌরিবা মতম খরা অসিদা লমদমশিং অসিগী লাইফ-লাইন ওইরগনি। লম্বীশিং অসিদা চাউরাক্না লুপা কোতি লিশিং ১৫ চাদিং তৌগদৌরি। মসিগী মথক্তা খুঙ্গংশিংবু প্রধান মন্ত্রী গ্রামিন সরক য়োজনানা শম্নহনবগী থবক চত্থরি। হৌখিবা চহি অনি অসিদা য়োজনা অসিগী মখাদা খুঙ্গংগী লম্বী চাউরাক্না কিলোমীতর লাখ অমা হেন্না শেমখ্রে। জম্মু-কশ্মীরগী খুঙ্গংশিংদসু হৌখিবা চহি অনি অসিদা কিলোমীতর লিশিং অহুমগা চামঙা হেন্না শাংবা লম্বী শেমখ্রে।

মরূপশিং, তুরিজম অসি জম্মু-কশ্মীরগী ওইনা অচৌবা শেন্দানফম অমনি। বাবা বর্ফানী ওইগেরা নত্রগা মাতা রানীগী দরবার ওইগেরা, ইরমদম অমসুং মীরমদমদগী ভক্ত লাখ কয়া মফম অসিদা তিল্লরি।

ঙসিদি কতরাদা লৈরিবা ইমাগী দরবার ফাওবা রেল য়ৌরে। প্রধান মন্ত্রী হেক ওইবগা রেল রুৎ অসি হৌদোকপগী তঞ্জা অদু ঐহাক্না ফংজখি। রেল রুৎ অসিনা ইমাগী ভক্তশিংবু কান্নবা কয়া অমা ফংহল্লে। মসি খক্তদা ঐখোয়না অকক্নবা থম্বা পাম্দবনা মরম ওইদুনা ঙসিদি অচৌবা প্রোজেক্ত অনি হৌদোক্লে। প্রোজেক্ত অমনা ইমা বৈশ্নো দেবীগী দর্শনগীদমক তারাকোতে মার্গ অতোপ্পা অমনা ইমাগী থোংজিন ফাওবা পোৎ চৈ য়ৌহন্নবা রোপৱেনি।

ইচল–ইচে অমদি ইচিল–ইনাওশিং, জম্মু–কশ্মীরদা ইনফ্রাস্ত্রকচরনা মরম ওইরগা তুরিজমহেঙ্গৎহল্লগনি অমসুং তুরিজম্না এমপ্লোইমেন্ত হেঙ্গৎহল্লগনি। অদুবু এমপ্লোইমেন্তকীদমক মহৈ মশিংঅমসুং স্কিল দিবেলপমেন্ত মথৌ তাই। কেন্দ্র সরকারনা রাজ্য অসিদা মহৈ মশিংগা মরি লৈনবাঅচৌবা সংস্থানশিং লিংখৎপদা অয়াবা পীখ্রে। জম্মুদা শেমগৎকদৌরিবা আই আই এম ওইগেরানত্রগা আই আই তি ওইগেরা, সংস্থান অসি রাজ্য অসিগী মাইল স্তোন ওইরগনি। মসিদসু নত্তনা জম্মু–কশ্মীরগী মহৈরোই লিশিং ১৬ হেনববু লৈবাক অসিগী মমিং চৎলবা য়ুনিবর্সিতীশিং অমসুংকোলেজশিংদা তম্নবগীদমক স্কোলরশিপ পীরি।

ইচল–ইচে অমদি ইচিল–ইনাওশিং, নুপীদা শক্তি শিন্নবা অসি সরকার অসিগী অহানবা খোংথাং ওইরি।হৌখিবা চহি মরি অসিদা নুপীশিংগী ফিভম ফগৎহন্নবা স্কিম কয়া পায়খৎলি। প্রধান মন্ত্রী মুদ্রায়োজনাগী মখাদা লৈবাক পুম্বদা চাউরাক্না নুপী ইন্ত্রপ্রিনর কোতি ৯না করবার মচা মচা তৌনবগীদমকগরেন্তী য়াওদনা লোন ফংখি। মসিদা জম্মু–কশ্মীরগী নুপী লাখ ৫০ হেন্না য়াওরি।

উজ্জ্বলা য়োজনাগী মখাদা সরকার অসিনা লৈবাক অসিগী লাইরবা ইমা অমসুং ইচে ইচলশিংবু মৈখুচেন্দবা চাকখুম ফংহন্নবা হোৎনরি। লৈবাক পুম্বদা এল পি জি কনেক্সন চাউরাক্না কোতি ৪ লেম্নাপীথখ্রে, মদুগী মনুংদা জম্মু–কশ্মীরগী ইমা–ইচল ইচে লাখ ৪ মখায় হেন্না য়াওরি।

মরূপশিং, স্বচ্ছ ভারত অভিয়ানগী মখাদা লৈবাক্কী মফম পুম্নমক্তা লমহাং তুমহাংদা খোংহাম-খুৎহাম তৌদনবা খোংজং চংশিল্লি। মসি লু নানবা খক্তগী ৱাফম নত্তে, মসি নুপীশিংবু ইকায় খুম্নবগী ৱাফম্নি। জম্মু-কশ্মীরগী ইমাশিং-ইচল ইচেশিংনা খোংজং অসিদা কয়া য়াম্না থৱায় য়াওবগে হায়বা অদু মালেম পুম্বদা খঙহনখ্রে।

মরূপশিং, জম্মু কশ্মীরগী নুপীশিংগী স্কিল দিবেলপমেন্তকীদমকসু মখল মখা য়াম্লবা থৌরাংশিং পায়খৎলি। চাউরাক্না নুপী লিশিং ৫ হেনবদা হেন্দিক্রাফ, তেলরিং, এগ্রীকলচর অমসুং মরি লৈনবা হিরমশিংদা ত্রেনিং পীখ্রে।

প্রধান মন্ত্রী জনধন য়োজনাগী মখাদা রাজ্য অসিদা চাউরাক্না মীওই লাখ ২০না বেঙ্ক একাউন্ত হাংদোক্লে। ঙসিগী নুমিৎ অসিদা একাউন্তশিং অসিদা চাউরাক্না লুপা কোতি ৮০০ হেন্না দিপোজিৎ তৌরি, মসি জম্মু-কশ্মীর খক্তগীনি। অন-ওর্গনাইজ সেক্তরদা থবক তৌরিবা ইচিল ইনাও-ইচল ইচেশিংগীদমক শেমখিবা অতল পেন্সন য়োজনাদা মফম অসিগী মীওই লিশিং ৪০ হেন্না য়াওরি।

মরূপশিং, মফম অসিগী নহাশিংবু মতম পুম্নমক্তা লান্মীদা লৌশিন্নবা থবক পায়খৎলি। আর্মী, সেন্ত্রেল আর্ম্দ ফোর্সেস, পুলিস ফোর্সেস, ইন্দিয়ন রিজর্ব বতালিয়নগী খুত্থাংদা চত্থবা অখন্নবা রিক্রুইতমেন্ত দ্রাইবশিংদা মীওই লিশিং ২০ হেন্না থবক ফংহনখ্রে।
মরূপশিং, মফম অসি দোগরীশিংগী লমদম্নি, অথৌবশিংগী লমদম্নি। মফম অসিদা থৌনাসু লৈরি, অখাং কনবসু। মফম অসিগী লৌবুক্তগী বাসমাতীগী নুংশিরবা মনমসু লাক্লি। ইমা বৈশ্নোগী থৌজাল অমসুং ময়াম পুম্নমক্কী হোৎনজমন অদুনা রাজ্য অসি দিবেলপমেন্তকী অৱাংবা থাক অমদা য়ৌহনগনি, য়াম্না থুনসু ফংবা ঙমগনি হায়বা ঐহাক্না থাজবা থম্লি।

থাগৎচরি।