QuoteOur government is working tirelessly to ensure no family remains without a LPG connection: PM Modi
QuoteThe growing number of women entrepreneurs is a blessing for our society: PM Modi in Aurangabad
QuoteOur government is committed to further encourage more women to become entrepreneurs and provide them all the support they need: PM Modi

ভারত ইমানা – য়াইফরে

ভারত ইমানা – য়াইফরে

ফম্বাকথক্তা লেংশিনবীরিবা শক্নাইরবশিং অমসুং থাপ্লবা মফমশিংদগী লেংবীরক্লিবা মশিং য়াম্লবা ইমাশিং, ইচল–ইচেশিং অমদি মরূপশিং। ফনা য়াম্না থাপ্লবা মফম ফাওবা ইচল–ইচেশিংনা লেপ্লিবা অদু ঐহাক্না উবা ফংলি, মখোয়দি করিগুম্বা অমা ফাওবা উরমদবসু য়ারি। মদু ওইরবা ফাওবা মশিং য়াম্না লেংবীরক্তুনা ঐখোয়বু থৌজাল পীনবীবগীদমক ঐহাক্না থম্মোয় শেংনা তৌবীমল খঙবা উৎচরি।

তিনবীরিবা ময়াম পুম্নমক লৈবাক অসিগী দিবেলপমেন্তা য়াম্না অচৌবা থৌদাং লৌবীরিবা ঙাক্তনি। সেল্ফ হেল্প গ্রুপশিংগী খুত্থাংদা লৈবাক অসিবু শক্তি লৈহনগদবা অনৌবা ভারত শেমগৎপদা থৌদাং লৌরিবা ময়াম পুম্নমকপু ঐহাক্না খুরুমজরি অমসুং ইচন পঙ্কজাবু অখন্ননা নুংঙাইবা ফোংদোকচরি।

মরূপশিং,

ঙসি ঔরঙ্গবাদকী দিবেলপমেন্তকা মরী লৈনবা মরুওইবা বিলদিং অমা ঙাইহাক্কী মমাংদা শঙ্গাখ্রে। ঔরঙ্গবাদ ইন্দস্ত্রীয়েল সিতীগী সিগ্নেচর বিলদিং হৌজিক্তি মথৌ তৌনবা থৌরাং তৌরে। মসি অনৌবা ঔরঙ্গবাদ শহরগী মরুওইবা বিলদিং ওইরগনি। বিলদিং অসিদগী ইন্দস্ত্রীয়েল শহর অসিগী সিস্তেম কয়া অমা ওপরেৎ তৌগনি।

|

মরূপশিং,

ঔরঙ্গবাদপু অনৌবা স্মার্ত সিতী ওইনা শেমগৎপগা লোয়ননা লৈবাক অসিগী ইন্দস্ত্রীয়েল এক্তিবিতীশিংগীসু অচৌবা সেন্তর ওইরগনি। দিল্লী–মুম্বাই ইন্দস্ত্রীয়েল কোরিদোরগীসু মসি মরুওইবা শরুক অমনি। মফম অসিদা অচৌবা কম্পেনী কয়া অমা থবক হৌখ্রে। লাক্কদৌরিবা মতম খরা অসিদা অতোপ্পা কম্পেনী কয়া অমসু মফম অসিদা লাক্লগনি। কম্পেনীশিং অসিনা মফম অসিগী নহা লাখ কয়াবু থবক ফংহল্লগনি।

মরূপশিং,

ঙসিদি ঔরঙ্গবাদ অতোপ্পা মতোল লোম্বা অমগী সাক্ষি ওইরনি। মতোল লোম্বা অসি অদোমগীনি, লৈবাক অসিগী ইচল–ইচে কোতি কয়াগীনি।

উজ্জ্বলা য়োজনাগী মখাদা লেম্না গ্যাস কনেক্সন কোতি ৮ পীনবা ঐখোয়না লৌখৎলিবা খোংথাং অদু ঙসি থৌরম অসিদা ইচল–ইচে লাখ কয়ানা শরু য়াদুনা মপুং ফানা পাংথোক্লি। মপুং ফানা পাংথোকপা খক্তা নত্তনা লেপ্নখিবা মতমদগী থা ৭ ঙনখৎনা পান্দম অদু ঐখোয়না ফংবা ঙম্লে।

কনেক্সন কোতি ৮ অসিদগী চাউরাক্না কনেক্সন লাখ ৪৪দি মহারাস্ত্রা খক্তদা পীরি। মসিগীদমক ঐহাক্না ময়াম পুম্নমকপু, মৈখুদগী নান্থোকপা ঙম্লবা লৈবাক অসিগী ইচল–ইচে খুদিংমকপু হন্না–হন্না নুংঙাইবা ফোংদোকচরি, য়াইফ পাউজেল পীজরি। স্কিম অসিবু মহৈ য়ালহনবদা অচৌবা থৌদাং লৌখিবা অমসুং মতেং পাংখিবা মখোয় পুম্নমকপুসু ঐহাক্না খুরুমজরি।

মরূপশিং,

মৈখু মরক্তা ওন্ন–থোইনা খালিবা ঐখোয়গী লায়রবা ইচল–ইচেশিংগী মতেং পাংনবগীদমক অহানবদা গ্যাস কনেক্সন কোতি ৫ লেম্না পীনবা পান্দম থমখি। মমাং চহীগী মার্চ থাদা পান্দম অসি হেঙ্গৎহন্দুনা কোতি নিপাল ওইহনখি। মীখলগী মতমদা ঐহাক্না ময়ামগী মরক্তা লাকচখিবা মতমদা পান্দম অসি ফংনবগী ৱাফম পনখি। সরকার অসি শেমখিবা মতুং নুমিৎ ১০০গী মনুংদা থবক অসি মপুং ফানা পাংথোকপা ঙমখিবদা ঐহাক নুংঙাইবা ফাওই।

মরূপশিং,

হৌজিক ঐখোয়না হোৎনরিবদি লৈবাক অসিদা এল.পি.জি. কনেক্সন ফংদবা ইমুং অমত্তা লৈহন্দবা অদুনি। মসিগা লোয়ননা স্কিম অসি হেন্না মহৈ য়ালহন্নবগীদমক কিলো ৫গী সিলিন্দরদসু পুক্নিং থৌগৎলি। লৈবাক অসিগী মফম কয়াদা পাইপ শিজিন্নদুনা গ্যাস য়ৌহনবগী থবকসু খুমাং চাউশিন্না চত্থরি।

ইচিল–ইনাও অমসুং ইচল–ইচেশিং,

হৌজিক য়াম্না চাউবা মিশন অমা পুরদুনা ঐখোয় চংশিল্লি, মদু নখোয় পুম্নমক্কসু মরী লৈনৈ, লৈবাক অসিগী ইচল–ইচে কোতি কয়াগা মরী লৈনরি। ইচল–ইচে নখোয় কয়ানা ঈশিংগীদমক অৱাবা কয়া অমা মায়োক্নবগে হায়বদু ঐহাক খঙই। লৈবাক অসিগী ইচল–ইচে খুদিংমকপু খুদোংচাদবা অসিদগী নান্থোকহন্নবগীদমক্তা জল জীবন মিশন হৌদোক্লে। মিশন অসিগী মখাদা, ঈশিং মাংহন্দনবগীদমক, য়ুম–য়ুমদা ঈশিং য়ৌহন্নবগীদমক লৈবাক পুম্বনা চপ চানা লেপলে। লাক্কদৌরিবা চহী মঙা অসিদা ঈশিংগী খোংজং অসিদা চাউরাক্না লুপা কোতি লাখ ৩ চাদিং তৌরগনি।

মরূপশিং,

লৌমীশিংদা ইথৈ–লৌখোংগী খুদোংচাবা ফংহনবদগী হৌরগা খোংথাং কয়া অমা কেন্দ্র অমসুং রাজ্য সরকারশিংনা পায়খৎলি। লৌমী খুদিংমক্কী বেঙ্ক একাউন্তদা তেংবাং, চহী ৬০গী মতুং লৌমীশিবু পেন্সনগী খুদোংচাবা, শা–শনবু মশা মউ ফনা থম্নবগীদমক তিকা থাবগী থোংজং, অসিগুম্বা কয়া অমা হোৎনরি।

ইচিল–ইনাও অমসুং ইচল–ইচেশিং,

খুঙ্গংগী শেল থুমগী ফিভমবু হেন্না ফগৎহনবদা নখোয় ময়ামগী থৌদাং অদু য়াম্না মরু ওই। সেল্ফ হেল্প গ্রুপ, ৱুমেন্স সেভিংস কর্বসকী মওংদা নখোয়না তৌরিবা থবক অদুনা নখোয়গী শেল থুমগী ফিভম ফগৎহনবগা লোয়ননা ইমুং মনুংগী ফিভমসু ফগৎলক্লি। ইমুং মনুংগী শেল থুমগী ফিভম ফগৎলকপা মতমদা লৈবাক্কী শক্তিসু মশা মথন্তা হেঙ্গৎলকই।

মরূপশিং,

লৈবাক অসিগী দিবেলপমেন্তদা নখোয়গী অসিগুম্লবা থৌদাং অসি য়েংলগা হৌখিবা চহী মঙাদা আন্দলোন অসি হেন্না পাকথোক চাউথোকহন্নবা অখন্ননা হোৎনখি। দীন দয়াল উপাধ্যয় গ্রামিন আজীবিকা মিশনগী খুত্থাংদা নুপীশিংগীদমক ইন্তর্প্রিনরশিপকী অনৌবা খুদোংচাবা পীরি। অনৌবা ভারত্তা ঐখোয়না নুপীশিংবু য়াইফহনবদগী হেন্দোক্তুনা লুপীশিংনা লুচিংবা লৈবাক্কী ৱাখল্লোনগা লোয়ননা মাংলোমদা চংশিল্লি।

|

চহী অসিগী বজেৎতা সেল্ফ হেল্প গ্রুপশিংগীদমক মরুওইবা ৱাফম লাওথোকখিবা অদু মরম অসিননি। ৱুমেন সেল্ফ হেল্প গ্রুপশিংনা শেন্দোয়দা ফংলিবা সবসিদী অদু হৌজিক্তি লৈবাক পুম্বদা চৎনহনবা হৌরে। মতৌ অসুম্না গ্রুপকী মীহুৎশিংগী নাক্তা জন–ধন বেঙ্ক একাউন্ত লৈবশিংনা লুপা লিশিং ৫ ফাওবগী ওভর দ্রাফকী অহেনবা খুদোংচাবা ফংলগনি। হৌজিক্তি শেন্দোয় চাবশিংদগী শেন্দোয় য়াম্না পীদুনা পৈশা লৌবা মথৌ তাররোই। হায়বদি করিগুম্বা অদোমগী একাউন্তদা পৈশা অমা ফাওবা সেভিং তৌদ্রগসু অদোম্না অদোমগী দরকার লৈবগী মতুং ইন্না মদুদগী লুপা লিশিং ৫ লৌবা য়ারগনি। মসি মখল অমগী অরাইবা মওংগী লোন্নি, মদুগী খুদোংচাবা অদু জন–ধন একাউন্তা অদোম্না ফংগনি।

মতৌ অসুম্না মুদ্রা য়োজনাগী মখাদসু সেল্ফ হেল্প গ্রুপ খুদিংমক্কী নুপী মেম্বর অমমম্না লুপা লাখ অমা ফাওবগী শেন্থং ফংগনি। মসিনা অদোম্বু অদোমগী করোবার হৌদোকপা নত্ত্রগাগা মদুবু চাউথোকহনবদা মতেং ওইরগনি।

মরূপশিং,

মুদ্রা য়োজনানা ইচল–ইচেশিংবু ইন্ত্রপ্রিনর ওইহনবদা মরুওইবা থৌদাং লৌরি। য়োজনা অসিগী মখাদা হৌজিক ফাওবদা লৈবাক পুম্বদা চাউরাক্না লোন কোতি ২০ য়েন্থোকখ্রে। মদুগী মনুংদা চাউরাক্না লোন কোতি ১৪দি ঐখোয়গী ইচল–ইচেশিংগী মখুৎতা চৎখ্রি। মহারাস্ত্রদসু মুদ্রা য়োজনাগী বেনিফিসরী কোতি অমা মখায়গী মনুংদা বেনিফিসরী কোতি অমগা লাখ কুনমঙাদি ঐখোয়গী ইমাশিং অমসুং ইচল ইচেশিংনি।

মরূপশিং,

চন্দ্রয়ান্দা ওইখিবা ফিভম অদু ময়াম পুম্নমক খঙবীরম্লগনি। ঐখোয়গী বিজ্ঞানিকশিংনা য়াম্না চাউবা য়াম্না চাউবা পান্দম অমা ফংনবা হোৎনখিবনি, অদুবু মদুদা খুদোংচাদবা অমা লাকখি। মিশন অসিগীদমক বিজ্ঞানিকশিংনা মতম কয়াদগী হোৎনদুনা লাকখিবনি।

|

ইচিল–ইনাও অমসুং ইচল–ইচেশিং,

ঐহাক ঙরাং নুমিদাং অমসুং ঙসি অয়ুক মখোয়গী মরক্তা লৈজরুই। মখোয় মথুম মরাং হৌরম্মি, অদুবু থোকখিবা থৌদোক অদুদগী তমশিন্দুনা মাংলোমদা চংশিন্নবা হৌজিক্তি হান্নদগী হেন্না কন্না থবক শুবা তাই হায়বগী থৌনা অদুসু উবা ফংখি। ইসরোগুম্বা কমিৎমেন্তকা লোয়ননা লৈবাক অসি মাংলোমদা চংশিনবা ঙমগনি, মীয়ামগী পুন্সিবু লায়থোকহনবা ঙমগনি।

মরূশিং,

তোঙান তোঙানবা লমশিংদা অসিগুম্লবা হোৎনবা কনবা মীওইশিংগী কমিৎমেন্তকা লোয়ননা লৈবাক অসিগী খুঙ্গং খুদিংদা মৈ ফংহনবা, ইমুং কোতি ৮দা গ্যাস কনেক্সন ফংহনবা, অসিগুম্বা থবক কয়া অমা লেপখিবা মতমগী মাংওইননা পাংথোকপা ঙমখ্রে। হৌজিক অথুবা মতমদা লৈবাক পুম্বা মপান্দা খোংহাম খুৎহাম চোয়দ্রে হায়না লাউথোক্নবগী মায়কৈদা চংশিল্লি। ২০২২দা ঐখোয়না নীংতম্বগী ৭৫শুবা চহী পাংথোক্কদৌরিবা অসি ফাওবদা পান্দম অসি ফংলগনি হায়না ঐহাক্না থাজবা থম্লি।

ইচিল–ইনাও অমসুং ইচল–ইচেশিং,

২০২২ ফাওবদা লায়রবা খুদিংমকপু পক্কাগী য়ুম ফংহন্নবা পান্দম অদুগী মায়কৈদা ঐখোয় খুমাং চাউশিন্না চংশিল্লি। হৌজিক ফাওবদা লৈবাক অসিগী খুঙ্গংশিং অমসুং শহরশিংদা চাউরাক্না য়ুম কোতি ১গা লাখ ৮০ শাখ্রে। বেনিফিসরিশিংনা মদুনা লৈননবা চৎখ্রে। মীওই কয়া অমনা ঐখোয়দা হংলক্লি মদুদি লায়রবশিংগী য়ুমগী স্কিমদি হান্নদগীসু চত্থদুনা লাক্লি, হান্নদগী ফন্দসু লৈরি, অদুবু অদোম্না মসিদা করি অওনবা পুরক্লবগে?

অহানবা মক্তদা ঐহাক্না হায়য়জনীংবদি ঐখোয়না পাম্লিবসি ইচম চম্বা য়ুমদু নত্তে মপুং ফাবা য়ুম শাবদুনি। ফক্লাং মরিনা কোয়শিনবা য়ুমদু নত্তে, অদোমগী মংলানগী য়ুম শাবনি। খুদোংচাবা পুম্নমক লৈবা য়ুমদুনি ঐখোয়না শাবা পাম্লিবা। হায়বদি য়ুমগী মিংদা ফক্লাং মরি য়ুংখৎপগী মওং মতৌ অদুদগী তোঙানবা হেন্না ফবা মওং মতৌ পাংথোকপগী দরকার ওইবা অদুনি।

মরূপশিং,

ঐখোয়গী সরকারনা শাহল্লিবা য়ুম অদুদা ফিক্স ওইবা ফোর্মুলা অমত্তা থমখিদে। মদুগী মহুৎ ঐখোয়না লমদম অদুগী মীয়ামগী দরকার ওইবশিং অমসুং মফম অদুগী অপাম্বশিং অদুদা মিৎয়েং থম্দুনা য়ুম শানবা স্কিম হৌদোকখি। য়ুম অদুদা মখল খুদিংমক্কী চংদবা য়াদবশিং ফংহন্নবা ঐখোয়না সরকারগী তোঙান তোঙানবা স্কিমশিংবু অমত্তা ওইনা পুন্সিল্লে। মদুনা য়ুমশিং অদুদা ইলেক্ত্রিসিতী, গ্যাস কনেক্সন, লেত্রিন অমদি অসিগুম্লবা ফেসিলিতী কয়া অমসু ফংহল্লে।

|

মরূপশিং,

হৌখিবা চহী মঙাদা লু নানবদগী হৌরগা বেঙ্ককী পীথোক পীশিন ফাওবা, খুন্নাইগী চৎন–লোনচৎতা অহোংবা পুরক্নবা চত্থখিবা মীয়ামগী খোংজং খুদিংদা নখোয় ময়াম্না অচৌবা থৌদাংশিং লৌখি। মদুনা মরম ওইরগা লাক্কদৌরিবা চহী মঙাগীদমক লৌখিবা ৱারেপ পুম্নমক অদু পাংথোকপদা ঐহাক্না নখোয় পুম্নমক্কী মফমদা চাউনা থাজবা থম্লি। থাজবা অসি লেপ্পা লৈতনা হেঙ্গৎলকখিগনি হায়বগী থাজবা অসিগা লোয়ননা অদোম্বু তৌবীমল খঙবা উৎচরি।

থাগৎচরি অমদি কুমহৈগী নুমিৎ অসিদা অসুক য়াম্লবা ইমাশিং অমসুং ইচল–ইচেশিংনা ঐখোয়বু থৌজাল পীবিনবা লাকপীরিবা অসিমক ঐখোয়গীদমক শক্তিগী খুদম অমনি। শক্তি অসিবু খুরুমজদুনা ঐহাক্কী ৱাফম অসি মতাং অসিৱাইবা লোয়শিঞ্জরগে। খুৎ অনিমক থাংগৎলদুনা ঐহাক্কা লোয়ননা লাউমিন্নরসি–

ভারত ইমানা – য়াইফরে

ভারত ইমানা – য়াইফরে

ভারত ইমানা – য়াইফরে

হন্না–হন্না থাগৎচরি।                

  • Nandu Rajpurohit bhandara December 19, 2023

    भारत माता की – जय भारत माता की – जय भारत माता की – जय बहुत-बहुत धन्‍यवाद
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
Indian toy industry on a strong growthtrajectory; exports rise 40%, imports drop 79% in 5 years: Report

Media Coverage

Indian toy industry on a strong growthtrajectory; exports rise 40%, imports drop 79% in 5 years: Report
NM on the go

Nm on the go

Always be the first to hear from the PM. Get the App Now!
...
PM Modi greets everyone on occasion of National Science Day
February 28, 2025

The Prime Minister Shri Narendra Modi greeted everyone today on the occasion of National Science Day. He wrote in a post on X:

“Greetings on National Science Day to those passionate about science, particularly our young innovators. Let’s keep popularising science and innovation and leveraging science to build a Viksit Bharat.

During this month’s #MannKiBaat, had talked about ‘One Day as a Scientist’…where the youth take part in some or the other scientific activity.”