লৈবাক অসিগী অহানবা নুপী শেল-থুম মন্ত্রী নির্মলা সীতারমন অমসুং মহাক্কী তীম্বু ঐহাক্না অসিগুম্লবা সিতিজেন ফ্রেন্দলী, দিবেলপমেন্ত ফ্রেন্দলী অমদি ফ্যুচর ওরিয়েন্তেদ বজেৎকিদমক্তা হন্না-হন্না নুংঙাইবা ফোংদোকচরি।
মসি লৈবাক অসিবু চাউখৎহনগদবা অমদি মীপুম খুদিংমক্না পুবা থাংবা ঙমগদবা বজেৎনি। বজেৎ অসিনা লাইরবশিংদা থৌনা হাপ্লগনি, নহারোলশিংনা হেন্না ফবা তুংলমচৎ অমা ফংলগনি।
বজেৎ অসিগী থোংদা মিদল ক্লাসশিং খুমাং চাউশিলহল্লগনি, চাউখৎ থৌরাংগী খোংচৎ হেঙ্গৎহল্লগনি।
বজেৎ অসিনা তেক্সকী মওং মতৌ লাইথোকহল্লগনি, ইনফ্রাস্ত্রকচর মোদর্নাইজ তৌরগনি।
বজেৎ অসিনা ইন্তর্প্রাইজশিং অমসুং ইন্ত্রপ্রিনরশিং মপাঙ্গল কনখৎহল্লগনি, লৈবাক্কী চাউখৎ থৌরাংদা নুপীশিংনা শরুক য়াবা হেঙ্গৎহল্লগনি।
বজেৎ অসিনা এজুকেসন ফগৎহল্লগনি। আর্তিফিসিয়েল ইন্তিলিজেন্স অমসুং স্পেস রিসর্সকী কান্নবা অদু মীয়ামদা য়ৌহল্লগনি।
বজেৎ অসিদা ইকোনোমিক ৱার্ল্দগী রিফোর্মসু য়াওরি, মীচম মীয়ামগীদমক ইজ ওফ লিভিংসু য়াওরি অমদি মদুগা লোইননা খুঙ্গং অমসুং লাইরবগী য়াইফনবসু য়াওরি।
বজেৎ অসি গ্রীন বজেৎ অমনি মসিদা এনভাইরনমেন্ত, ইলেক্ত্রিক মোবিলিতী, সোলর সেক্তরদা অখন্নবা মিৎয়েং থম্লি।
হৌখিবা চহী মঙাদা লৈবাক অসিনা নীংবা কায়বগী ফিভম অদু তুংওইনরম্লে, ফিভম অদুদগী মপান থোরক্লে অমদি লৈবাক অসি অনৌবা আশানা থল্লরে। আত্মাবিশ্বাসনা থল্লরে।
ইলেক্ত্রিসিতী, গ্যাস, লম্বী-থোং, অমোৎ-অকায়, শেঞ্জা-থুমজা, ভি.আই.পি. কলচর, খুদোংচাদবা কয়া অমা, মীচম মীয়াম্না মখোয়গী হক্কীদমক কন্না হোৎনরিবা, হায়বদি অমরোমদা মখোয় মশানা থেংনবা তারম্মি। মদু হন্থহন্নবগীদমক ঐখোয়না লেপ্পা লৈতনা হোৎনরি। মাই পাকপসু ফংলি।
বজেৎ অসি আশা, থাজবা অমসুং এস্পিরেসনগী বজেৎনি। বজেৎ অসি ২১শুবা চহীচাগী ভারতকী অনীবা অপাম্বা মপুং ফাহনগদবা অমদি অনৌবা ভারত শেমগৎপদা মরুওইবা অমা ওইরগনি।
বজেৎ অসি চহী ২০২২ হায়বদি নীংতম্বগী ৭৫শুবা চহীগা মরী লৈনবা ৱারেপশিং অদু মপুং ফাহনবদা লম্বী য়াৎলগনি।
হৌখিবা চহী মঙাদা ঐখোয়গী সরকারনা লাইরবা, লৌমী, সেদ্যুল কাস্ত, তুহৎপীরবশিংদা শক্তি শিন্ননবা তোঙান তোঙানবা খোংথাংশিং লৌখৎখি। হৌজিক মথংগী চহী মঙাদা শক্তি শিন্নবা অসিনা মখোয়বু লৈবাক অসিগী চাউখৎ থৌরাংগী পাৱরহাউস শেম্লগনি।
দোল্লর ত্রিলিয়ন ৫গী ইকোনোমী হায়বদি দোলর কোতি লাখ মঙাগী ইকোমোনীগী মংলানশিং অদু মপুং ফাহন্নবা ইনর্জী অদু লৈবাক অসিনা পাৱরহাউস অসিদগী ফংগনি।
বজেৎ অসিদা লৌউ-শিংউবগী লমদা স্ত্রকচরেল রিফোর্মগীদমক অনৌবা স্কিমশিং লাওথোকখ্রে। প্রধান মন্ত্রী কিসান সম্মান নীধিগী থোংদা লৌমীশিংদা চাউরাক্না লুপা কোতি লিশিং ৮৭ দাইরেক্ত ত্রান্সফর তৌবা নত্ত্রগা ফার্মর প্রদ্যুসর ওর্গনাইজেসন (এফ.পি.ও.) লিশিং ১০ হেনবগী ৱারেপ, ঙামীশিংগীদমক প্রধান মন্ত্রী মৎস্য সম্পদা য়োজনা ওইগেরা নত্ত্রগা নেস্নেল ৱেয়রহাউজিং গ্রীদ লিংখৎপা; স্কিমশিং অসি ২০২২ ফাওবদা লৌমীশিংগী শেন্থোক শরুক অনি ওইহনবদা মরুওইবা থৌদাং লৌরগনি। রুরেল ইকোনোমীদা ইনভেস্তমেন্ত হেঙ্গৎহনবনা খুঙ্গংদা থবক ফংহন্নবা খুদোংচাবসু হেঙ্গৎহল্লগনি।
মেনপাৱর য়াওদনা নোংগী ঈশিং য়োক্তুনা থম্বা ওইথোক্লোই। নোংগী ঈশিং য়োক্তুনা থম্বা অসি মীয়াম হুপ্না খোংজং চংশিনবগী ইহুল অদু খক্তনা ওইথোকপা পুরক্কনি। বজেৎ অসিদা হৌজিক্কী খক্তা নত্তনা তুংগী মীরোলগী চিন্তা অদুসু ময়েক শেংনা উবা ফংই। স্বচ্ছ ভারত মিশনগী মখাদা ইমুং খুদিংদা ঈশিংগী কেম্পেন্না লৈবাক অসিবু ঈশিংগী অৱাবদগী মপুং ফানা মায়োক্নবা ঙমহনগনি।
বজেৎতা লৌরিবা ৱারেপ অসিনা মথংগী চহী তরাগী য়ুমফম অদু চেৎশিলহনবগা লোয়ননা নহারোলশিংগীদমক ওইথোকপা য়াবা থোং হাংলগনি।
বজেৎ অসি অদোমগী থাজবশিং, অদোমগী মংলানশিং, অদোমগী রিজোলুসনশিংগী ভারত অদু শেম্নবা মায়কৈদা পুৱারী ওইরবা খোংথাং অমনি।
ঐহাক হয়েং কাশীদা হিরম অসিদা পাক শন্না ৱারী শান্নরগনি। অদুবু ঙসি ঐহাক্না অমুক হন্না শেল-থুম মন্ত্রী অমসুং মহাক্কী অপুনবা তীম্বু হন্না-হন্না নুংঙাইবা ফোংদোকচরি অমদি ভারতকী মীওই খুদিংমকপু মশেক মঙাল নাইবা তুংগীদমক হায়নীংঙাই লৈতনা য়াইফ-পাওজেল পীজরি।
হন্না-হন্না থাগৎচরি।
