“ম্যুজিক অসি ঐখোয়বু ঐখোয়গী তাইবংগী শিন্থাবু মশক খঙহল্লিবা পাম্বৈ অমনি অমসুং মসিনা ঐখোয়বু তাংবংপান অসিগা লৈনরিবা মরীশিং অসিদগী অহেনবা অমা তানবদা মতেং পাংঙি”
“য়োগাগী নুমিত্তা থেংনরকখিবা অদুনা তাক্লি মদুদি মালেম অসিনা ইন্দিয়ন হেরিতেজতগী কান্নবা ফংখি অমসুং ইন্দিয়ন ম্যুজিক অসিদসু মীওইবগী ৱাখলগী নুংদা ফাওরিবা অদুবুসু হোংহনবগী কেপাসিতী লৈ”“মালেম অসিদা লৈরিবা মীপুম খদিংমক্না ইন্দিয়ন ম্যিুজিক্কী মতাংদা খঙবা , তম্বা অমসুং কান্নবা লৌবগী হক লৈ। মসিবু য়েংশিনবা হায়বসি ঐখোয়গী ইথৌদাংনি”“তেক্নোলোজীগী ইনফ্লুয়েন্সনা মাইকৈ খুদিংমক্তা থল্লবা হৌজিক্কী মতম অসিদা, ম্যুজিক্কী লম অসিদসু তেক্নোলোজী অমসুং আই.তি.গী অহোংবা অমা পুরক্কদবনি”“ঙসিদি ঐখোয়না কাশিগুম্বা ঐখোয়গী আর্ত অমসুং কলচরগী সেন্তর অমা অমুক হন্না শেমগৎলি”খুরুমজরি!
অখন্নবা থৌরম অসিদা শরুক য়াবীরিবা দুর্গা জসরাজজী, সারঙ্গদেব পন্দিৎজী, পন্দিৎ জসরাজ কলচরেল ফাউন্দেসনগী কো-ফাউন্দর নীরজ জেতলীজী, লৈবাক্কী অমদি মালেমগী ম্যুজিসিয়ণ অমসুং কলাকার পুম্নমক, মীয়াম!
ঐখোয়গী লমদম অসিদা ঈশৈ, সুর অমসুং স্বর অসি অমর ওই হায়না লৌনৈ। স্বরগী শক্তি অসিসু অমর ওই হায়নসু হায়নৈ, মসিগী ইথিল অদুসু অমর ওই। অসুম্না, মহাক্কী ঈশৈ অদু লেংলি পাল্লিবা পুম্নমক্তা খোন্থাং নাইনা নিলহৌরিবা ঈশৈবু পামজরম্বা অথৌইবা আত্মা অদু মহাক্না হকচাং থাদোক্তুনা চৎখ্রবা মতুংদা ফাওবা মালেমগী ইনর্জী অমদি ৱাখলদা অমর ওইনা লৈহৌই।
ঙসিগী থৌরম অসিদা ম্যুজিসিয়ন, কলাকারশিংনা উৎখিবা পর্ফোর্মেন্সশিং, পন্দিৎ জসরাজজীগী সুর, মহাক্কী ঈশৈনা ঐখোয়গী ইরক্তা খোন্থাং য়ৈবগী মওংদা, মসিগী ঈশৈগী পোক্লিবা ৱাখল্লোন অসিদা পন্দিৎ জসরাজজীনা ঐখোয়গী ইরক্তা তিনবগুম্না, মহাক্না মাগী ঈশৈ শকপগুম্না ফাওহল্লি
নখোয় পুম্নমক্না মহাক্কী ক্লাসিকেল লেগেসী অসি মাংদা পুখৎলিবা, মীরোন কয়া অমদি তুংদা লাক্কদৌরিবা চহিচাশিংগীদমক মহাক্কী লেগেসী অসিবু য়োকখৎলিবা মতৌ অসি উবদা ঐহাক্না নুংঙাইবা পোকই। ঙসি অসি পন্দিৎ জসরাজজীগী য়াইফরবা মপোক কুমওনসু তারি। ঙসিগী নুমিৎ অসিদা পন্দিৎ জসরাজ কলচরেল ফাউন্দেসন লিংখৎপগী অনৌবা থবক হৌবা অসিদা নুংঙাইবা ফোঙদোকচরি। অখন্ননা ঐহাক্না দুর্গা জসরাজজী অমসুং পন্দিৎ সারঙ্গদেবজীদা য়াইফ-পাউজেল পীজরি। অদোম্না অদোমগী ইপানা পীরম্বা ইথিল, মহাক্কী তপস্যা অদুবু মালেম পুম্বদা কত্থোক্নবা থৌরাং পাইখৎলি। ঐহাকসু পন্দিৎ জসরাজজীবু কয়ারক তাবা অমদি উনবা ফংজখি।
মরুপশিং,
ঈশৈ অসি য়াম্না মনুং হঞ্জিনবা হীরম অমনি। মসিগী মতাংদা ঐঙোন্দা লৌশিং য়াম্না লৈতে অদুবু ঐখোয়গী গুরুশিংনা স্বর অমসুং নাদকী মতাংদা তাকপীরম্বা অচৌবা লৌশিং অসিদি অঙকপনি থল্লি। ঐখোয়গী সংস্কৃতকী লাইরিকশিংদা অসুম্না ইরমখি -
নাদ রুপ স্মৃতো ব্রহ্মা, নাদ রুপো জনার্দন।
নাদ রু পারা শক্তি, নাদ রুপো মহেশ্বর।।
হায়বদি, মালেমপু শেমখিবা শক্তি, মসিদু ঙাকশেল্লিবা অমসুং খল মান্ননা থম্লিবা অসি খোন্থোক্কী মওং-মতৌশিংননি। মসিগী ইনর্জীগী ইচেল অসিদা খোন্থোকপু খঙবা, ঈশৈবু উবা ফংহল্লিবা শক্তি অসিনা ভারতকী ক্লাসিকেল ম্যুজিকবু থোইদোক-হেন্দোকপা ওইহল্লি। ম্যুজিক অসি ঐখোয়বু ঐখোয়গী তাইবংগী শিন্থাবু মশক খঙহল্লিবা পাম্বৈ অমনি অমসুং মসিনা ঐখোয়বু তাইবংপান অসিগা লৈনরিবা মরীশিং অসিদগী অহেনবা অমা তানবদা মতেং পাংই। ঈশৈগী অখন্নবা মগুন অদুদি মসিবু ঐখোয়না থেংবা ফংজদ্রবসু মসিনা পনখৈ লৈতনা খোন্থাং য়ৈহনবা ঙম্মি।
পন্দিৎ জসরাজ কলচরেল ফাউন্দেসনগী মপুং ওইবা পান্দম অসি ভারতকী জাতিগী লন, কলা অমসুং নাৎপু ঙাকশেনবা, চাউখৎহনবা অমসুং থৌগৎপনি হায়না ঐঙোন্দা তাকপীরি। ফাউন্দেসন অসিনা হৌগৎলক্লিনা কলাকারশিংবু শেমগৎনি অমসুং কলাকারশিং অসিবু শেল-থুমদা মীপাল তাংদবা ওইহন্নবা হোৎনগনি হায়বা খঙজবদা ঐহাক্না নুংঙাইবা পোকই। নখোয়না ফাউন্দেসন অসিগী খুত্থাংদা ঈশৈ-নোংমাইগী লমদা মহৈ তম্বা অমসুং রিসর্চ তৌবগী থবক অসি মাংদা পুখৎনবা ৱাখল্লোনসু চেল্লি। অদোম্না পন্দিৎ জসরাজজীগুম্বা অথোইবা মীশক অমগীদমক শেম্লিবা এক্সন প্লান, রোদমেপ অসিমক অচৌবা ইকাই খুম্নবা উৎপনি হায়না ঐহাক্না থাজৈ। অমসুং মসি অমরোমদা মহাক্কী তুং ইল্লিবশিংনা মঙোন্দা গুরুদক্ষিনা পীনবা মতমসু ওইরি হায়না ঐহাক্না হায়জনীংই।
মরুপশিং,
ঙসি ঈশৈ-নোংমাইগী লমদা তেক্নোলোজীনা চাউনা পেনিত্রে তৌরিবা মতম অসিদা ঐখোয়না উনরি। ঐহাক্না কলচরেল ফাউন্দেসন অসিদা হীরম অসিদা মীৎয়েং থম্নবা হায়জরি। ঐখোয়না গ্লোবেলাইজেসনগী মতাংদা তারে অদুবু গ্লোবেলাইজেসনগী লৈরিবা ৱাহন্থোক, অমসুং কোইথোক্তুনা হায়বা ৱাফমশিং অদুনা পীরিবা ৱাহন্থোক অদুনা শেন্মীৎলোনগী হীরমতমক য়ৌশিল্লি। ঙসিগী গ্লোবেলাইজেসনগী চহিচা অসিদা ইন্দিয়ন ম্যুজিক্না মাগী মালেমগী ওইবা মশক অমা শেম্বা তাই, মালেমদা মাগী ওইবা শাফু পীবা তাই, মসি ঐখোয় পুম্নমক্কী থৌদাংনি।
ইন্দিয়ন ম্যুজিক অসিদসু মীওইবগী ৱাখলগী নুংদা ফাওরিবা অদুবুসু হোংহনবগী শক্তি চেল্লি। মসিগা ইরোইননা মসিনা মহৌশা অমসুং দিভাইনবু অমত্তা ওইবগী এক্সপরিয়েন্স অদুদা মীৎয়েং থমখি। মসিগা মান্ননা মালেমগী য়োগগী নুমিৎতা য়োগ অসি মালেম পুম্বদা স্পোন্তনিয়স একজিস্তেন্স মখল অমা উবা ফংখি। মসি মীওইবা জাতি পুম্নমক্না পাঙথোকনৈ, ভারতকী হেরিতেজ অসিদগী মালেম পুম্বনা কান্নবা ফংলি। মালেম অসিদা লৈরিবা মীপুম খদিংমক্না ইন্দিয়ন ম্যিুজিক্কী মতাংদা খঙবা , তম্বা অমসুং কান্নবা লৌবগী হক লৈ। মদুবু য়েংশিনবা হায়বসি ঐখোয়গী ইথৌদাংনি।
ঐহাক্কী অনিশুবা সজেসন অদুদি পুন্সিগী হীরম খুদিংমক্তা তেক্নোলোজীনা শাফু পীরিবা মতম অসিদা ম্যুজিক্কী লমদসু তেক্নোলোজী অমদি আই.তি.গী রিভোল্যুসন অমা লাকহনগদবনি। ম্যুজিক, ইন্সত্রুমেন্তশিং অমসুং চৎনবীশিংদা য়ুমফম ওইবা ম্যুজিক খক্কীদমক্তা মপুং ফানা কত্থোক্লবা স্তার্তঅপশিং ভারত্তা লৈহনগদবনি। মোদর্ন তেক্নোলোজীগা লোয়ননা গঙ্গাগুম্বা ইন্দিয়ন ম্যুজিক্কী শেংলবা স্ত্রীমবু করম্না ইক্বিপ তৌগনি হায়বা অসিদা মথৌ তাবা কয়া অমা লৈরি। ‘গুরু-শিশ্য’গী চৎনবী অদু ঙাক্তুনা থম্বগা লোয়ননা গ্লোবেল পাৱর ওইনবা হোৎনবা তাই অমসুং তেক্নোলোজীগী খুত্থাংদা ভেল্যূ এদিসন তৌবা তাই।
মরুপশিং,
ভারতকী লৌশিং অমসুং ফিলোসোফী অসিগী নুংদা ঐখোয়গী ৱাখল্লোন, চৎনবী, নাৎ অমসুং ম্যুজিক্না ঐখোয় পুম্নমক্তা য়াওরিবা ৱাখল অসিবু চহিচা কয়া পাঙ্গল হাপতুনি মীওইবা খুন্নাইগীদমক শেবা তৌনবা থৌনা চেলহনখি। মালেম পুম্বগী য়াইফবা পাম্বা অসি মসিদা ময়েক শেংনা য়াওরি। মরম অসিনা ভারত অমসুং মাগী চৎনবী অমদি শক্তাকপু হেন্না প্রমোৎ তৌরিবা মখৈ ঐখোয়না মীওইবা খুন্নাইবু শেবা তৌনবা খুদোংচাবশিং হেন্না ফংগনি। মসি ঙসি ভারতকী অপাম্বা অমদি মন্ত্রনি।
ঙসি ঐখোয়না কাশীগুম্বা আর্ত অমসুং কলচরগী সেন্তরশিং হিংগৎহল্লি। ঐখোয়না অকোইববু ঙাকশেনবা অমসুং মহৌশাবু নুংশিবদা থম্লিবা থাজবা অসিনা মালেমদা সেক্যুর ওইবা তুংলমচৎ অমগী লম্বী উৎলি। চাউখৎ-থৌরাংগা লোয়ননা হেরিতেজ ঙাকশেনবগী মন্ত্র অসিগা ভারতনা চংশিল্লিবা খোঙচৎ অসিদা ‘সবকা প্রয়াস’ য়াওহনগদবনি।
পন্দিৎ জসরাজ কলচরেল ফাউন্দেসননা নখোয় পুম্নমক্না থৱায় য়াওনা শরুক তম্বগা লোয়ননা মাইপাকপগী অনৌবা পনখৈশিং য়ৌবা ঙমগনি হায়না ঐহাক্না থাজবা থম্মি। ফাউন্দেসন অসিনা ম্যুজিক অমসুং ‘সাধনা’গী মাইকৈদা শেবা তৌনবা অমসুং লৈবাক অসিগী লৈরিবা ঐখোয়গী ফিরেপশিং অসি থুংহন্নবা মরু ওইবা পাম্বৈ অমা ওইগনি।
থাজবা অসিগা লোয়ননা ঐহাক্না ময়ামবু হন্না-হন্না থাগৎপা ফোঙদোকচরি অমসুং অনৌবা খোঙথাং অসিগীদমক য়াইফ-মঙ্গোল পীজরি!
থাগৎচরি!
