“Budget this year has come with a new confidence of development amidst the once-in-a-century calamity”
“This Budget will create new opportunities for the common people along with providing strength to the economy”“Budget is full of opportunities for more Infrastructure, more Investment, more growth, and more jobs.”“Welfare of the poor is one of the most important aspect of this budget”“Budget’s provisions aim to make agriculture lucrative and full of new opportunities”মসিগী বজেৎ অসিনা চহি ১০০গী মনুংদা থোকপা খুদোংচাদবা কয়াগী মরক্তা চাউখৎ-থৌরাংগী অনৌবা থাজবা অমা পুদুনা লাক্লি। মসিগী বজেৎ অসিনা শেন্মিৎলোনবু মপাঙ্গল হাপ্পগা লোয়ননা মীচম মীয়ামদসু অনৌবা খুদোংচাবা কয়া পীরগনি। মসিগী বজেৎ অসিদা অহেনবা ইনফ্রাস্ত্রকচর, অহেনবা ইনভেস্তমেন্ত, অহেনবা শাহৌ অমসুং অহেনবা থবক কয়া পীবগী খুদোংচাবা কয়ানা থল্লি। অনৌবা সেক্তর অমগসু হাংদোক্লে। মদুদি গ্রীন জোবকী সেক্তরনি। বজেৎ অসিনা হৌজিক্কী মতমগী তঙাই ফদবশিংদসু মিৎয়েং চঙদুনা লৈবাক্কী হয়েংবুসু য়াইফহল্লগনি।
বজেৎ অসিবু সেক্তর খুদিংনা তরাম্না ওকপগী থৌওংবু ঐহাক্না মমাঙগী পুঙ খরসিদা উরি। মীচম মীয়ামগী মাইকৈদগী মসিবু পাম্নরিবা অসিনা ঐখোয়না মীয়ামগী সেবা তৌনীংবগী চাং অমুক্কা হেন্না হেনগৎহল্লে।
কিসান দ্রোন, বন্দে ভারত ত্রেন, দিজিতেল করেন্সী, বেঙ্কিংগী সেক্তরদা দিজিতেল য়ুনিৎ লৈরকপা, ৫জি. সর্বিস হৌবা, নেস্নেল হেল্থকীদমক্তা দিজিতেল ইকোসীস্তেম লৈবগুম্বা থৌওংগা লোয়ননা পুন্সিগী হীরম খুদিংদা মতমগা চুনরকপা, তেক্নোলোজী লৈরকপনা ঐখোয়গী নহারোল, মিদ্দল ক্লাস অমসুং দলিৎ-শোত্থরবা মীওইশিংদা কান্নবা ফংহনগনি।
মসিগী বজেৎ অসিগী য়াম্না মরু ওইবা ৱাফম অমগা লৈ- লাইরবশিংগী নুংঙাই য়াইফবা। লাইরবা খুদিংগী পক্কা য়ুম লৈবা, তোতিদগী ঈশিং লাকপা, অমাংশঙ লৈবা, গ্যাসকী খুদোংচাবা লৈবা; মসিগুম্বা হীরমশিং অসিদা ঐখোয়না অহেনবা মিৎয়েং চঙখি। মসিগা লোয়ননা মতমগা চুনবা ইন্তর্নেত কন্নেক্তিবিতীদসু ঐখোয়না মান্নবা মিৎয়েং চঙলি।
ভারতকী চিংগী লমদমশিং, হিমালয়গী অপুনবা পরিং, মফমশিং অসিগী পুন্সি মহিং লায়হন্নবা, মফমশিং অসিদগী মীয়াম্না চেন্নদনবা ঐখোয়না নীংথিনা খন্নরবা তুংদা অনৌবা ৱারেপ কয়া লৌখ্রে। হিমাচল, উত্তরাখন্দ, জম্মু অমসুং কশ্মির, অৱাং নোংপোক্কুম্বা লমদমশিং অসিগীদমক্তা লৈবাক অসিদা অহানবা ওইনা চিংগী লমদমগী স্কিম অমা হৌদোকখ্রে। মসিগী স্কিম অসিনা চিংগী লমদমশিংদা ত্রান্সপোর্তেসন অমসুং কন্নেক্তিবিতীগী মতমগা চুনবা খুদোংচাবা কয়া লৈহল্লগনি। মসিনা মরম ওইরগা, লৈবাক্কী ঙাক-শেলগী হীরমগা মরী লৈননা ভাইব্রেন্ত ওইবগী তঙাই ফদবা লৈরিবা ঐখোয়গী লৈবাক্কী ঙমখৈদা লৈবা খুঙ্গংশিংগী মপাঙ্গল য়াম্না হাপ্লগনি।
ভারতকী মীওই করোর কয়াগী নিংজবা, ইমা গঙ্গা শেংবগী থৌওংগা লোয়ননা লৌমীশিংগী য়াইফনবা মশক থোকপা খোঙথাং অমসু ঐখোয়না পায়খৎখ্রে। উত্তরাখন্দ, উত্তর প্রদেশ, বিহার, ঝার্খন্দ, নোংচুপ বেঙ্গোলগুম্বা রাজ্যশিং অসিদা গঙ্গাগী তোর্বান্দা নেচরেল ফার্মিং পাংথোকহন্নবা পুক্নিং থৌগৎখ্রে। মসিনা ইমা গঙ্গা শেংবগী চঙশিল্লিবা খোঙথাং অসিদা ইমা গঙ্গাবু কেমিকেলশিংদগী মনীং তমহনবদসু য়াম্না তেংবাংগনি।
লৌউ-শিংউববু শেন্দোং হেন্না লৈহনবা অমসুং মসিদা অতোপ্পা অনৌবা খুদোংচাবা কয়া শোইদনা লৈহল্লকপা হায়বসি বজেৎ অসিগী থৌওংশিংদা য়াওরি। অনৌবা এগ্রিকলচরেল স্তার্ত-অপশিংবু পুক্নিং থৌগৎনবগীদমক্তা অখন্নবা ফন্দ লৈহনবা, নত্ত্রগা ফুদ প্রোসেসিং ইন্দস্ত্রীগী অনৌবা পেকেজ লৈহনবগুম্বা খোঙথাংশিং অসিদগী লৌমীশিংগী শেন্থোক হেনগৎহনবদা য়াম্না তেংবাংগনি। এম.এস.পি.দা পোত্থোক লৈবগী খুত্থাংদগী লৌমীশিংগী বেঙ্ক একাউন্ততা লুপা করোর লাখ ২.৫ হেনবগী শেনফমশিংসু হৌজিক হকথেংননা পীরিবনি।
কোরোনাগী মতমসিদা এম.এস.এম.ই., হায়বদি ঐখোয়গী অপীকপা ইন্দস্ত্রীশিংগী তেংবাং অমসুং মখোয়বু ঙাক-শেন্নবগীদমক্তা লৈবাক্না লেপ্তনা হোৎনখি, ৱারেপ কয়া লৌখি। তোঙানবা তেংবাং কয়াসু ফংহনখি। মসিগী বজেৎ অসিদা ক্রেদিৎ গেরেন্তীদা হান্না তৌখিদবগুম্না য়াম্না হেনগৎহনবগা লোয়ননা অতোপ্পা স্কিম কয়া অমসু লাউথোকখ্রে। দিফেন্সকী কেপিতেল বজেৎকী ৬৮%বু লৈবাক্কী ইন্দস্ত্রীগীদমক্তা খাকপগী চাউরবা কান্নবা অমা ঐখোয়গী এম.এস.এম.ই.শিংনা ফংগনি। মসিদি মরোমদোম লেপচবা ঙম্নবা হোৎনবগী মাইকৈদা পায়খৎপা মরু ওইবা খোঙথাং অমনি। লুপা করোর লাখ ৭ মখায়গী পব্লিক ইনভেস্তমেন্ততগী শেন্মিৎলোন্দা অনৌবা পাঙ্গল হাপ্পগা লোয়ননা অপীকপা অমসুং অতোপ্পা ইন্দস্ত্রীশিংদসু অনৌবা খুদোংচাবা কয়া ফংগনি।
ঐহাক্না শেল থুম মন্ত্রী, নির্মলা জী অমসুং মহাক্কী কাঙবু পুম্নমকপু অসিগুম্লবা মীয়ামগীদমক্তা খনবা অমসুং চাউখৎপা পুরকপা য়াবা বজেৎকীদমক্তা হন্না হন্না থাগৎলি।
হয়েং অসি ভারতিয় জনতা পার্তীনা অয়ুক্কী পুং ১১দা বজেৎ অমসুং আত্মানির্ভর ভারতকী হীরমদা ৱা খরা ঙাংনবা পাউজেল পীরক্লি। ঐহাক্না হয়েং পুং ১১ তাবা মতমদা হীরম অসিগী মতাংদা শন্দোক্না তাক্কনি। ঙসিগীদি, মসিনা লোইরে। অমুক্কা হন্না থাগৎচরি।
