কেন্দ্রগী মন্ত্রীমন্দলদা ঐহাক্কী মরূপ হরদীপ সিংহ পুরীজী, ভাগবত কারাদজী, দিল্লীগী লেফতেনেন্ত গবর্নর, ভি কে সক্সিনাজী, মফম অসিদা লৈরিবা অতৈ অথোইবা মীহুৎশিং অমসুং ঙসিগী থৌরম অসিগী অখন্নবা ৱাফমদি ভিদিও কনফরেন্সকী খুত্থাংদা লৈবাক অসিগী সহর কয়াদা লৈরিবা ঐখোয়গী ইচিল-ইনাওশিংগা ঐখোয়গা কন্নেক্ত তৌরি। ঐহাক্না মখোয় পুম্নমকপু তরাম্না ওকচরি।
ঙসিগী পি.এম. স্বনিধি মহোৎসব অসি ঐখোয়গী অকোয়বদা লৈবা মীওইশিং অমসুং মখোয় য়াওদনা ঐখোয়গী নুমিৎ খুদিংগী পুন্সি ওইথোকপা ঙমদবা মীওইশিং অদুদা কত্থোকচরি। অমসুং কোবিদকী মতম অসিদা মীপুম খুদিংমক্না স্ত্রীত ভেন্দরশিংগী পাঙ্গল অদু উবা ফংখি। ঙসিগী থৌরম অসিদা ঐখোয়গী লম্বীদা চত্তুনা পোৎচৈ য়োনবা, লম্বীগী নাকলদা দুকান হাংলিবা ঐখোয়গী মরূপ খুদিংমকপু ঐহাক্না থম্মোয় শেংনা নুংঙাইবা ফোংদোকচরি। ঙসি লৈবাক অসিগী মফম কয়াদা লৈরিবা মরুপশিং অসিসু পি.এম. স্বনিধিগী অখন্নবা কান্নবা অমা ফংলি। ঙসি মীওই লাখ অমদা পি.এম. স্বনিধি স্কিমগী মখাদা মখোয়গী বেঙ্ক একাউন্তশিংদা শেল হকথেংননা ত্রান্সফর তৌখ্রে। ঙসি, দিল্লী মেত্রোগী লাজপত নগরদগী সাকেতজী ব্লোক অমসুং ইন্দ্রপ্রস্থতগী ইন্দ্রলোক ফাওবগী মেত্রো প্রোজেক্তকী শঙ্গাবগী থৌরমসু পাংথোকখ্রে। মসি দিল্লীগী মীয়ামগীদমক অনিরকশুবা খুদোলনি। ঐহাক্না ময়াম পুম্নমকপু হন্না-হন্না থাগৎচরি।।
মরুপশিং,
ঐখোয়গী লৈবাক শিনবা থুংনা লৈরিবা শহরশিংদা ফুতপাথ, লম্বী অমসুং থেল্লা গারীদা স্ত্রী ভেন্দর লাক্ষ কয়াগী মরূপ-মপাংশিংনা থবক তৌরি। মখোয়শিং অসি ঙসি মফম অসিদা লৈরিবা মরুপশিং অসিনি। মখোয়গী ইমুং মনুংগীদমক শিংথানীংঙাই ওইবা মওংদা থবক তৌরি। মখোয়গী থবকশিং, মখোয়গী দুকানশিং অদু পীক্লবসু, মখোয়গী মঙলানশিং অদু পীক্তে, মখোয়গী মঙলানশিং অদুসু চাউই। মমাংগী সরকারশিংনা মরুপশিং অসিবু য়েংশিনবীরমখিদে। মখোয়না ইকাই খুম্নবা ফংদবা, খুদোংচাদবা কয়া মায়োক্ননবা তাখি। লম্বীদা পোৎচৈ য়োল্লিবশিংনা পোৎ য়োন্নবা হোৎনবদা শেল চঙলম্মি, মরম অদুনা শেল পুবা তারমখি, মদুসু শেন্দোইগী চাং ৱাংনা পুবা তারমখি। অদুগা করিগুম্বা শেল অদু শীংগৎপদা নুমিৎ খরনি, নৎত্রগা পুং খরনি থংখিদ্রবদি, ইকাইবা নংবগা লোয়ননা শেল হেন্না শীংবা তারমখি। অমসুং বেঙ্কতা একাউন্ত অমত্তা লৈরমদে, বেঙ্কতা চঙবা ঙমদে, মরম অদুনা লোন ফংনবগী পাম্বৈ লৈরমদে। একাউন্ত অমা হাংদোক্নবা কনাগুম্বা অমনা অয়াবা লৌরবসু, মহাক্না গেরেন্তী অমা পীবা মথৌ তাই। অদুগা বেঙ্কতগী লোন লৌবা হায়বসিসু ওইথোক্লোইদবা অমনি। বেঙ্ক একাউন্ত লৈবা মীওইশিংনা ত্রেদকী রেকোর্দ অমত্তা লৈতে। খুদোংচাদবা কয়া অসিগী মরক্তা কনাগুম্বা অমনা করম্না মাংদা চংশিন্নবা ৱাখল খনবা ঙমগনি? ঐনা হায়রিবা অসিগুম্বা খুদোংচাদবশিং অসি অদোম্না থেংনখিবরা? মীপুম খুদিংমক্কী ওইরমগদ্রা? মমাংগী সরকারনা অদোমগী অৱাবাশিং অসি তাখিদে, খঙখিদে, অমসুং খুদোংচাদবশিং অসি কোকহন্নবা খোঙথাং অমত্তা লৌখৎখিদে। অদোমগী সেবা তৌরিবা মীওই অসি লাইরবদগী থোরকখিবনি। ঐহাক্না লাইরবগী পুন্সিদা হিংলকখি। মরম অদুনা কনাগুম্বা অমত্তনা হংখিদবশিংদু মোদীনা হংখি অমসুং মোদীনা পূজা তৌখি। গেরেন্তী পীনবা করিসু লৈতবশিংদা, মোদীনা বেঙ্কশিংদসু অমসুং স্ত্রীত ভেন্দর, ঐগী ইচিল-ইনাওশিংদসু হায়খি মদুদি করিগুম্বা অদোম্না গেরেন্তী পীনবা করিসু লৈত্রবদি ৱাখল ৱাগনু, মোদীনা অদোমগী গেরেন্তী ওইগনি, অমসুং ঐনা অদোমগী গেরেন্তী ওইরি। ঙসি ঐহাক্না চাউথোকচবা ফাওই মদুদি ঐহাক্না অচৌবা মীওইশিংগী পুকচেল শেংদবা অমসুং অপীকপা মীওইশিংগী পুকচেল শেংবা উবা ফংলে। পি.এম. স্বনিধি যোজনা অসি মোদীগী অসিগুম্বা গেরেন্তী অমনি, মসি ঙসি স্ত্রীত ভেন্দরশিং, থেল্লা গারী ইনবশিং অসিগুম্বা অপীকপা থবক তৌরিবা ইমুং লাখ কয়াগী শক্তি ওইরে। মোদীনা মখোয়বু বেঙ্কশিংদগী শেল চংদবা লোন ফংহন্নবা অমসুং মোদীগী গেরেন্তীদা লোন ফংহন্নবা ৱারেপ লৌখি। পি.এম. স্বনিধিগী মখাদা অহানবা ওইনা লোন লৌবদা অদোমদা লুপা 10,000 পীগনি। করিগুম্বা নহাক্না মদু মতম চানা শীংগৎলবদি বেঙ্কনা অদোমদা লুপা 20,000 পীগনি। অমসুং শেল অসি মতম চানা শীংগৎলবা অমসুং দিজিতেল ত্রাঞ্জেক্সন তৌবদা বেঙ্কশিংনা লুপা 50,000 ফাওবগী মতেং পাংগনি। ঙসি অদোম্না উখিবা মীওই খরনা 50,000গী ইন্সতোলমেন্ত ফংখি। পি.এম. স্বনিধি স্কিমনা অপীকপা ললোন-ইতিক চাউথোকহনবদা অচৌবা মতেং পাংলি। হৌজিক ফাওবদা, লৈবাক অসিগী কান্নবা ফংলবা মীওই লাখ 62 হেনবদা চাউরাক্না লুপা করোর 11,000 ফংখ্রে। মোদীনা মখোয়গী খুৎতা লুপা করোর 11,000 পীদুনা মখোয়গী মপান্দা লৈবা ইচিল-ইনাওশিং অমসুং ইচিল-ইনাওশিংদা থাজবা থম্লি। অমসুং হৌজিক ফাওবদা ঐহাক্না থেংনরিবা অসিদি, মখোয়না শেল অদু মতম চানা পীরি। অমসুং ঐহাক্না হরাওজৈ মদুদি পি.এম. স্বনিধিগী কান্নবা ফংলবশিংগী তংখাইদগী হেন্না ঐখোয়গী ইমা অমসুং ইচিল-ইনাওশিংনি।
মরুপশিং,
কোরোনাগী মতম অসিদা সরকারনা পি.এম. স্বনিধি যোজনা হৌদোকখিবা মতমদা, মসি কয়া য়াম্না চাউবা স্কিম অমা ওইগদৌরি হায়বসি কনা অমত্তনা খল্লমদে। মতম অদুদা, মীওই খরনা হায়রম্মি মদুদি স্কিম অসিনা কান্নবা অমত্তা পীবা ঙম্লোই। অদুবু পি.এম. স্বনিধি যোজনাগী মতাংদা নৌনা থোকখিবা স্তদীনা অসিগুম্বা মীওইশিংবু মীকপ থোকহনখি। স্বনিধি স্কিমনা মরম ওইদুনা স্ত্রীত ভেন্দর, ফুতপাথতা ফম্মিবা মীওইশিংগী শেন্দোং হেনগৎলক্লি। পোৎ-চৈ য়োনবগী দিজিতেল রেকোর্দ লৈবনা মরম ওইদুনা হৌজিক বেঙ্কশিংদগী মতেং লৌবা অসিসু য়াম্না লায়থোক্লে। মসি খক্তা নত্তে, দিজিতেল ত্রাঞ্জেক্সন তৌবদা মরুপশিং অসিনা চহি অমদা লুপা 1200 ফাওবগী কেশবেক ফংগনি। অদোম্না শেলগী মনা অমা ফংলগনি, শেলগী মনা অমা ফংলগনি।
মরুপশিং,
অদোমগুম্বা লম্বীদা থবক তৌরিবা স্ত্রীত ভেন্দর লাখ কয়ানা সহরশিংদা অৱা.বা ফিভমদা হিংদুনা লাক্লি। অদোম অয়াম্বনা খুঙ্গংদগী সহরশিংদা থবক তৌনবা লাক্লি। পি.এম. স্বনিধি যোজনা অসি বেঙ্কশিংগা শম্নহনবগী থৌরাং খক্তমক নত্তে। মসিগী কান্নবা ফংলবশিংনা সরকারগী অতোপ্পা স্কিমশিংগীসু হকথেংননা কান্নবা ফংলি। নখোয়গুম্বা মরূপ পুম্নমক্না লেম্না রেশন, লেম্না লায়েং অমসুং লেম্না গ্যাস কনেক্সন ফংলি। সহরশিংদা অনৌবা রেশন কার্দ অমা শাবা অসি শিন্মী মরূপশিংগীদমক য়াম্না চাউবা শিংনবনি হায়বসি অদোম্না খংই। অদোমগী খুদোংচাদবশিং অসি কোকহন্নবা মোদীনা য়াম্না মরু ওইবা খোংথাং অমা লৌখৎলে। মরম অদুনা, ৱান নেসন ৱান রেশন কার্দ স্কিম শেম্লে। হৌজিক্তি লৈবাক অসিগী মফম অমহেক্তদা রেশন কার্দ অমখক্তনা য়ারে।
মরুপশিং,
স্ত্রীত ভেন্দর অয়াম্বা স্লমশিংদা লৈ। মোদীনা মসিগীদমক্তসু ৱাই। লৈয়াক অসিদা শাখিবা য়ুম করোর মরি হেনবগী মনুংদা য়ুম করোর অমদা সহরগী লায়রবশিংদা পীখি। লৈবাক্কী তোঙান-তোঙানবা সহরশিংদা লায়রবশিংনা চাউনা কান্নবশিং ফংলি। ভারত সরকারনা কোংনুং দিল্লীগী স্লমগী মফমশিংদা পর্মিনেন্ত ওইবা য়ুমশিং পীনবা অচৌবা কেম্পেন অমা চত্থরি। দিল্লীদা য়ুম লিশিং অহুম শাখ্রে অমসুং অথুবদা য়ুম লিশিং অহুম মখাই শাবা লোইরগনি। ওথোরাইজ তৌদবা কোলোনীশিং খোঙজেল য়াংনা রিগ্যুলরাইজেসন তৌরি অমসুং লুপা 75,000গী এল্লোকেসনগা লোয়ননা পি.এম. সর্য়ঘর মুফ বিজলি য়োজনা হৌদোকখি। স্কিম অসিগী মখাদা কেন্দ্র সরকারনা য়ুমথক্তা সোলর পেনে ইনস্তোল তৌনবা মপুং ফানা তেংবাং পীখি। মসিনা লেম্না মৈ য়ুনিৎ 300 ফংহনগনি। লেমহৌরিবা মৈ অদু সরকারদা য়োন্দুনা শেল তানবা ফংহনগনি। সরকারনা স্কিম অসিদা লুপা করোর লিশিং 75 চাদিং তৌরি।
মরুপশিং,
কেন্দ্রদা লৈরিবা BJP সরকারনা দিল্লীদা লৈরিবা লায়রবা অমসুং মিদ্দল ক্লাসকী হিংবদা লাইহন্নবা অয়ুক নুমিদাং হোৎনরি। নাকল অমরোমদা মিদ্দল ক্লাস লোয়ননা সহরগী লায়রবগীদমক পক্কা য়ুম শাখি। য়ুমশিং অসি শানবা লৈবাক শিনবা থুংবদা মিদ্দল ক্লাসকী ইমুং লাখ 20রোমদা লুপা করোর 50,000গী সবসিদী অমা পীখি। সহর কয়াদা মেত্রো সর্ভিসকী থবক খোঙজেল য়াংনা পাইখৎপা অমসুং পোলুসন অমদি ত্রাফিক কঞ্জেসনগী সমস্যাশিং লাকশিন্নবা ইলক্ত্রিক বসশিং চেলহল্লি। দিল্লী মেত্রো নেৎৱার্ক অসি হৌখিবা চহি 10দা শরুক অনি এক্সপান্দ তৌখ্রে। দিল্লীগী মেত্রোগী অচৌবা নেৎৱার্ক অসি মালেমগী সহর খরা খক্তগী মনুং চল্লি। দিল্লী NCR রিজনগীদমক নমো ভারত রেপিদ রেল কন্নেক্তিতী চেলহল্লি। কেন্দ্র সরকারনা সহর অসিদা পোলুসন লাকশিন্নবা দিল্লীদা ইলেক্ত্রিক বস 1000 হেন্না চেলহল্লি। পোলুসন হন্থহন্নবা অমসুং ত্রাফিক কঞ্জেসন লৈতনবা দিল্লীগী অকোইবদা এক্সপ্রেসৱে কয়ামরুম শাখি অসমুং চয়োল অসিদা দ্বারকা এক্সপ্রেসৱে শঙ্গাখি। মসিনা দিল্লীগী য়াম্লবা মীশিং অসিগীদমক পুন্সি লাইথোকহল্লগনি।
মরুপশিং,
নহারোলগী মরক্তা স্পোর্তস থৌগৎনবা BJP সরকারনা লেপ্পা লৈতনা খোঙথাংশিং পাইখৎতুনা লাকখি। মসিগীদমক ঐখোয়না হৌখিবা চহি তরা অসিদা থাক খুদিংমক্তা এনভাইর্নমেন্ত শেমখি। খেলো ইন্দিয়া স্কিমগী খুত্থাংদা অচম্বা ইমুংশিংদগী নহারোলদা অমুক্তা ফংখিদ্রিবা খুদোংচাবশিং পীরি অমদি ফেসিলিতীশিং লৈরকপগা লোয়ননা শান্নরোয়শিং অসিগীদমক ক্বালিতী ত্রেনিং পীবদা মতেং পাংলি। মরম অসিনা লায়রবা ইমুংদগী শান্নরোয়শিং থোরক্তুনা তিরঙ্গাবু চাউথোকপা পোকহল্লি।
মরুপশিং,
মোদীনা লায়রবা অমসুং মিদ্দল ক্লাসশিংগী পুন্সি ফগৎহন্নবা চোকথবা লৈতনা হোৎনরি। নাকল অমরোমদা দিল্লীদা শেমখিবা ইন্দি এল্লাইন্সনা মোদীবু মরাল শিন্নবা অয়ুক নুমিদাং হোৎনরি। ইন্দি এল্লাইন্সকী ৱাখল্লোন অসি করিনো?মখোয়গী ৱাখল্লোন অসি মিসগভর্নান্স, শেঞ্জা-থুমজা অমসুং এন্তি-নেস্নেল এজেন্দা প্রমোৎ তৌবনি। অমসুং মোদীগী ৱাখল্লোন অসি ‘মীয়ামগী য়াইফবা পুরক্তুনা লৈবাক্কী য়াইফবা পুরকপনি’, মখোঙদগী হৌনা শেঞ্জা-থুমজা অমসুং এপীজমেন্ত মুথৎপা অমসুং ভারতপু মালেমগী অহুমশুবা খ্বাইদগী চাউবা ইকনোমী ওইহনবা অসিনি। মখোয়না হায় মোদীগী ইমুং মনুং লৈতে। মোদীগীদমক লৈবাক্কী ইমুং খুদিংমক মহাক্কী ইমুং মনুংনি। অমসুং ঙসি মসিনা মরম ওইরগা লৈবাক পুম্বনা হায়রি – ঐহাক মোদীগী ইমুংনি!
মরুপশিং,
লৈবাক্কী মীচম মীয়ামগী মঙলানশিং অমসুং মোদীগী ফিরেপ, মসিগী পার্তনরশিপ অসিনা অফবা তুংলমচৎকী গরেন্তী অমনি। অমুক হন্না ঐহাক্না দিল্লীগী মীয়াম অমসুং লৈবাক শিনবা থুংবদা লৈরিবা স্বনিধি বেনিফিসরীশিংদা নুংঙাইবা ফোঙদোকচরি। য়াইফ-মঙ্গোল পীজরি, থাগৎচরি।
