ঐগী নুংশিরবা লৈবাক মীয়ামশিং,
খুরুমজরি !
ঙসিগী নুমিৎ অসি লৈবাক পুম্বনা খৌরাংনা ঙাইরকপা নুমিত্তুনি। থা কয়াদগী লৈবাক্কী য়ুম-য়ুম খুদিংদা অঙাঙ-অহল-নহা খুদিংমক্কী চীন্দা – কোরোনাগী তিকা করম্বা মতমদা লাক্কনি? – হায়বসি হংনদুনা লাকখিবনি। হৌজিক্তি কোরোনাগী তিকা লাক্লে, তেল্লবা মতমসিদা লাক্লে। হৌজিক্তি মিনত খরগী মতুংদা মালেমগী খ্বাইদগী চাউবা তিকা থাবগী থবক ভারত্তা হৌরগনি। মসিগীদমক ঐনা লৈবাক মীয়াম পুম্বদা নুংঙাইবা ফোঙদোকচরি। ঙসি অসি হৌখিবা থা কয়াসিদা কোরোনাগী লান্থেং অসিদা শরুক য়াদুনা ভেক্সিন অসি পুথোক্নবা অহিং নুংথিল নাইদনা হোৎনখিবা মখোয়শিংদু থাগৎপগী মতিক চারবা নুমিৎনি। মখোয়না কুমহৈ হরাও য়াওখিদে, মখোয়না নুমিৎ মশক উখিদে মখোয়না নুমিদাংগী থাবলসু উখিদে। ভেক্সিন অমা পুথোকপদা চাংচত্তা চহী কয়া চঙই। অদুবু তেনখ্রবা মতমসিদা অমখক নত্তনা ভারত্তা শাবা ভেক্সিন অনি পুথোক্লি। মসিদসু নত্তনা অতৈ ভেক্সিনশিংগীসু থবক খুমাঙ চাউশিন্না চঙশিল্লি। মসি ভারতকী মতিং, ভারতকী সাইন্সকী মতিক, ভারতকী হৈ শিংবগী লেঙদ্রবা খুদম্নি। অসিগুম্বা মচাকশিং অসিগীমদমক লৈবাক্কী শৈরেংবা রামধারি সিংহ দিনকরনা– মীওইবনা হোৎনরবদি নুংসু ঈশিং ওল্লকই !! হায়না হায়বিরম্মি।
ইচিল ইনাউশিং,
ভারতকী তিকা থাবগী থৌরাং অসি য়াম্না মরম চাবা অমদি মরুওইবা পরিংদা য়ুম্ফম ওইদুনা পায়খৎপনি। খ্বাইদগী হেন্না মথৌ তাবা মীওইশিংদা ইহান হান্না তিকা থাদোক্কনি। কোরোনানা শোকহনবগী খুদোংথিবা খ্বাইদগী ৱাংবা মীওইশিংদা তিকা হান্না থাদোক্কনি। ঐখোয়গী লৈরিবা দোক্তরশিং, নর্সশিং, অনা লায়েংশঙদা লৈরিবা শিৎ-শেংবগী শিন্মীশিং, মেদিকেল – পেরা মেদিকেল স্তাফশিং মখোয়না ইহান হান্না কোরোনাগী তিকা ফংফম থোকই। লৈঙাক্কী নৎত্রগা লনাইগী অনা লায়েংশঙশিংগী ওইরবসু পুম্নমক্তা অহানবা খুদোংচাবা পীগনি। মদুগী মতুংদা লৈবাক্কী থৌগল অমসুং ঙাকশেলগী থবক্তা থৌদাং লৌরিবা মীওইশিংদা ফংহনগনি। ঐখোয়গী ঙাকশেল লান্মীশিং, পুলিসকী মীওইশিং, ফাইয়র ব্রিগেদকী মীয়াম, শিৎ-শেংবগী শিন্মীশিং মখোয় পুম্নমক্তসু অহানবা খুদোংচাবা পীগনি। অদুগা ঐনা মমাঙদা হায়খিবগুম – মখোয়গী মশিং অসি চাউরাক্না করোর অহুমলোম্নি। মখোয়গী তিকা থাদোকপগী শেন্ফম ভারত লৈঙাক্না পুগনি।
মরূপশিং,
তিকা থাবগী থবক অসিগীদমক স্তেত লৈঙাকশিংগী মতেঙগা লোয়ননা লৈবাক্কী কাচিন কোয়া য়ৌনা ত্রাইএল পাঙথোকখি, দ্রাই রন পাঙথোকখি। অখন্ননা শেম্লিবা কো-ৱিন দিজিতেল ফম্পাক অসিদা তিকা থাবগী রেজিস্ত্রেসন্দগী হৌরগা ত্রেকিং ফাওবগী থৌরাং লৌখৎলি। অদোম্না অহান্বা দোজকী তিকা থাখ্রবা মতুংদা অনিসুবা দোজ করম্বা মতমদা কাপকনি হায়বা ৱাফমসু ফোন্দা পীরক্কনি। অদুগা ঐনা লৈবাক মীয়াম পুম্বদা কোরোনা ভেক্সিনগী দোজ অনি কাপ্পা মরুওই হায়বা ৱাফমসি অমুক্কা হন্না নীংশিংবা পাম্মি। দোজ অমা কাপ্লগা কাউথোকখিবগী থৌওং তৌবিগনু। এক্সপর্তশিংনা হায়বগী মতুং ইন্না অহানবা অমসুং অনিসুবা দোজগী মরক্তা চাউরাক্না থা অমগী মতম কান্নগনি। অদোম্না নীংশিংবিগদবা ৱাফম অমদি অনিসুবা দোজ কাপ্লবা মতুং চয়োল অনিগী মতুংদগী অদোমগী হকচাঙদা কোরোনাগা থেংনবা ঙম্নবা পাঙ্গল লাক্কদৌরিবনি। মরম অসিনা তিকা হেক থাবগা চেকশিনবা হন্থবা, মাস্ক উপ্তবা ফীত তরুক্কী অরাপ্পা থমদবনচিংবা থৌওংশিং তৌবিগনু। অদুগা ৱাফম অমসু ঐনা অদোমগী মফমদা চেকশিন্না হায়নিংই। অদোম্না কোরোনাগা থেংনবদা খাঙবা কনবগী মতৌ উৎখিবগুম তিকা থাবগী মতমসিদসু খাংবা কনবা তাই।
মরূপশিং,
মাঙলমচত্তা অসিগুম্বা মখলগী অমদি পাক চাউবা থাক্কী তিকা থাবগী থৌরাং অমত্তা পায়খৎখিদ্রি। তিকা থাবগী থবক অসি কয়ামুক য়াম্না চাউবগে হায়বসি অদোম্না অহানবা তাঙ্কক অসিদগী ৱাখলনা শাগৎচবা য়ারে। মালেমগী লৈবাক ১০০ হেনবগী মীশিং করোর ৩গী মখাদা লৈরিবনি। অদুগা ভারতনা অহানবা তাঙ্কক্তা মীওই করোর ৩দা তিকা থাগদৌরি। অনিসুবা তাঙ্কক্তা মীওই করোর ৩০দা তিকা থাগনি। অহলশিং, অরুবা অনাবা লৈবা মীওইশিং মথংগী তাঙ্কক্তা তিকা থাগনি। অদোমসু খন্দুনা য়েংবিয়ু, মীশিং করোর ৩০ হেন্না লৈবা মালেমগী লৈবাকশিংদি ভারত, চাইনা অমসুং অমেরিকাখক্তনি। মসিদগী হেন্না মীশিং য়াম্বা লৈবাক অতৈ অমত্তা লৈতে। মরম অসিনা ভারতকী তিকা থাবগী থৌরাং অসি য়াম্না চাউবা থৌরাংনি। মরম অসিনা থৌরাং অসিনা ভারতকী মপাঙ্গল উৎলি। অদুগা লৈবাক মীয়ামদা ৱাফম অমগসু হায়নিংই। ঐখোয়গী সাইন্তিস্তশিং, ঐখোয়গী এক্সপর্তশিংনা ভারত্তা শাবা ভেক্সিন অসি অসিগী শাফবা অমদি মতিক্কী মরমদা নীংথিনা নৈনরবা মতুংদা অথু অকায়গী ওইনা শীজিন্ননবা অয়াবা পীরকখিবনি। মরম অসিনা মখল খুদিংমক্কী প্রোপেগেন্দা, তোকঙা অমদি অরানবা ৱাফমশিংদগী নাথৈদুনা লৈবিয়ু।
মরূপশিং,
ভারতকী ভেক্সিনগী কাঙলোন, ঐখোয়গী মেদিকেল সিস্তেম, ভারতকী স্তেন্দর্দ মালেম পুম্বনা হান্নদগী হৌনা থাজবা থম্লি। ঐখোয়না থাজবা অসি ঐখোয়গী ত্রেক রেকোর্দনা ফংলকপনি।
ঐগী নুংশিরবা লৈবাক মীয়ামশিং,
মালেম পুম্বগী অঙাঙ মশিংগী চাদা ৬০দা থারিবা পুন্সি কন্নবা তিকা অসি ভারত্তা শাবনি, ভারতকী চেকশিল্লবা স্তেন্দর্দ ঙাক্না শাবনি হায়বসি ভারত মচা খুদিংমক্না চাউথোকচনিংঙাইনি। ভারতকী সাইন্তিস্তশিংদা অমদি ভেক্সিনগা মরী লৈনবা ঐখোয়গী হৈ শিংবা অসিদা লৈরিবা মালেমগী থাজবা অসি ভারত্তা পুথোকপা কোরোনাগী ভেক্সিন অসিনা অমুক্কা হন্না চেৎশিনহল্লগনি। মসিগী মরুওইবা ৱাফম খরসু লৈরি অমদি মদুবু ঐনা ঙসি লৈবাক মীয়ামদা শোয়দনা তম্বা পাম্মি। ভারতকী ভেক্সিন অসিচ মপান লৈবাক্কী ভেক্সিনশিংগা য়েংনবদা য়াম্না হোঙই অমদি শীজিন্নবদসু য়াম্না লায়। মপান লৈবাকশিংগী ভেক্সিন খরদি দোজ অমদা লুপা লিশিং মঙারোম য়ৌই অমদি মাইনস ৭০ দিগ্রীগী অইংবদা থমদবা য়াদে। অদুগা ভারতকী ভেক্সিনদি ভারত্তা নীংথিনা চাংয়েং তৌরবা মওংদা শাবনি। ভেক্সিন অসি স্তোরেজতগী হৌরগা পুথোক পুশিন ফাওবদা ভারতকী ফীভম অমদি ওইরকপা য়াবা ফীভমগা চাননবা পুথোকপনি। ভেক্সিন অসিনা হৌজিক্তি ভারতপু কোরোনাগী লান্থেংদা মায় পাকহল্লগনি।
মরূপশিং,
ঐখোয়না কোরোনা থেংনরিবা অসি ইশাদা থাজবা অমদি ইরোমদোম লেপচবগী য়ুম্ফমদনি। লুরবা লান্ফম অসি থেংননবগীদমক ঐখোয়গী ইশাদা থাজবগী চাং কৈদৌনুংদসু হন্থহল্লোই হায়না ভারত মচা খুদিংমক্কী ফিরেপ লৈ। লাংফম অসিনা ফনা লুরবসু লৈবাক মীয়াম্না কৈদৌনুংদা মশাদা থাজবা মাঙখিদে। ভারত্তা কোরোনা য়ৌরকপা মতমদা লৈবাকসিদা কোরোনা তেস্ত তৌনবা লেব অমখক্তমক লৈখি। ঐখোয়না ঐখোয়গী থৌনাদা থাজবা থমখি অমদি ঙসি লেব ২৩০০ হেনবগী নেতৱর্ক লৈরে। হৌরকপা মতমদদি ঐখোয় মাস্ক, পি.পি.ই. কিত, তেস্তিং কিত, ভেন্তিলেতরনচিংবা মরুওইবা মচাকশিংগীদমক মপান লৈবাকশিংদা তাংদুনা লৈরম্মি। অদুবু ঙসিদি হায়রিবা মচাকশিংসিদা ইরোমদোম লেপ্পা ঙমজরে অমদি মখোয়শিংসু মপান্দসু থাদোক্লি। ইশাদা থাজবা অমদি ইরোমদোম লেপচবগী থৌনা অসি ঐখোয়না তিকা থাবগী থৌরাং অসিদসু উৎপা মথৌ তাই।
মরূপশিং,
মমীং লৈরবা তেলুগি শৈরেংবা শ্রী গুরাজাদা অপ্পরাওনা হায়রম্মি – সৌন্ত লাম্ভ কৌন্ত মানুকি, পৌরুগুৱাদিকি তোরু পদ্বোয় দেশমন্তে মত্তি কাদোয়ি, দেশমন্তে মনুসুলোয় ! হায়বদি ঐখোয়না মীগী মতেং পাংবা ঙম্নবা ৱাখল্লোন ঐখোয়দা লৈবা মথৌ তাই। লৈবাক অমা হায়বসি শুপ্নতগী লৈখোম, ঈশিং, নুংচাক, নুংনা শেম্বা নত্তে, লৈবাক অমগী ৱাহন্থোক্তি ঐখোয়গী মীয়াম হায়বনি। কোরোনাগী মায়োক্তা লৈবাক শিন্বা থুংনা ৱাখল্লোন অসিগা লোয়ননা লান্থেংনখি। ঙসি হৌখিবা চহী অসি হঙ্গৎনা য়েংলুবদা মী অমা ওইনা, ইমুং অমা ওইনা, লৈবাক অমা ওইনা ঐখোয়না ৱাফম কয়া তমহৌখি, কয়া অমা উখি, কয়া অমা খঙখি।
ঙসি ভারতনা তিকা থাবগী থবক হৌরকপসিদা ঐনা হৌখিবা নুমিৎশিংসু নীংশিংলক্লি। কোরোনাগী লাংফম মতমদুদা মীপুম খুদিংমক্না করিগুম্বা খরদি তৌবা পাম্লগা লম্বীদি কয়া লৈখিদে। অনাবা অমা য়াওরকপদা ইমুং অমগী মীপুম খুদিংমক অনাবা অদুবু শেন্নবদা পুক্নিং লুপ্নৈ। অদুবু লায়না অসিনদি নারিবা মীওই অদুবু তোখায়না থম্লি। মফম কয়াদা পীক্লিবা অঙাঙ অনাবা কয়া অমা মমাদগী লাপ্না থমবা তাখি। মমা ওইবীশিংনা পুক্নিং ৱাখি, মমা কয়ানা কপখি, ফনা পাম্লবসু করিমত্তা তৌবা ঙমখিদে, মচাবু মথাদা পমবা ঙমখিদে। অহল ওইরবা মপা কয়া অমনা লায়েংশঙদা মথন্তা মশাগী অনাবা থেংনবা তাখি। মচাশিংনা পাম্লবসু মখোয়গী মনাক্তা চঙবা য়াখিদে। ঐখোয়বু থাদোক্তুনা চৎখ্রবশিংবুসু চৎনবীগী মতুং ইন্না কায়নবগী মঙম ফংনখিদে। অদুগুম্বা মতমদুগী মরমদা ঐখোয়না হেক খল্লিবমখৈ পুক্নিং নৌথোরকই, ৱাখল লুমথরকই।
অদুবু মরূপশিং,
লাংফমগী মতমদুদা নীংবা কায়বগী ফীভমদুদা কনাগুম্বা খরদি থাজবগী পাউজেল শন্দোকখি, ঐখোয়গী পুন্সি কন্নবগীদমক মখোয়গী থৱায় খুবাক্তা হাপ্তুনা হোৎনখি। ঐখোয়গী দোক্তর, নর্স, পেরামেদিকেল স্তাফশিং, এম্বুলেন্স দ্রাইভর, আশা ৱর্কর, শিৎ-শেংলিবা শিন্মীশিং, পুলিসকী মরুপ মপাঙশিং অমদি অতৈ মাঙজিন থাবা থৌমীশিংনা ইমুং মনুংদগী লাপ্না লৈখি, নুমিৎ কয়ানি ময়ুমদা হঞ্জিনখিদে। ময়ুমদা অদুমক হঞ্জিনবা ঙমদনা পুন্সি কয়া কন্নবগীদমক মপুন্সি লোমখিবা মীওই চা কয়াসু য়াওখি। মরম অসিনা ঙসি কোরোনাগী অহানবা তিকা অসি হকশেলগী লম্বা থবক তৌরিবা মীওইশিংদা ফংহন্দুনা মওং অমদা খুন্নাই অসিনা মখোয়গী লমন শিংলিবনি। তিকা অসি অদুগুম্লবা মরূপ কয়াদুগী মফমদা লৈবাক অসিনা কৎচবা খুদোলনি।
ইচিন ইনাউশিং,
মীওইবগী পুৱারীদা লাংফম কয়া লাকখ্রে, লাইচৎ কয়া থেংনখ্রে, তমথিরবা লান্ফম থোকখ্রে অদুবু কোরোনাগুম্বা শিংনবা অমা লাক্কনি হায়বা কনানসু খন্নরুদে। লাইচৎ অসি সাইন্সনসু থাজরুদবা অমদি খুন্নাই অসিনসু খন্নরুদবা লাইচৎ অমনি। লৈবাক কয়াদগী লাকখিবা শক্তমশিং, পাউশিং মালেম পুম্বগা লোয়ননা ভারত মচা খুদিংমকপুসু নুংশা থিহনখি। ফীভমদুদা মালেমগী খঙ-হৈরবা মীওই কয়ানা ভারতকী ফীভমগী মতাঙদা চিংনবা কয়া ফোঙদোক্নখি।
অদুবু মরূপশিং,
ভারতকী য়াম্লবা মীশিং অসিবু ঐখোয়গী অশোন্বনি হায়খিবা অদুবু ঐখোয়না ঐখোয়গী থৌনা ওন্থোকখি। ভারতকী অরুবা ফীভম অমদি খুদোংথিনিংঙাই ওইবা ৱাফমবু লান্ফম অসিগী য়ুম্ফম ওইহনখি। ভারতনা পুং ২৪ চুপ্না মীকুপ নাহুম শিংনা লৈদুনা থোকখিবা থৌদোক খুদিংমক্তা মীৎয়েঙ চঙদুনা মতম চানা অচুম্বা ফিরেপ লৌখি। জনুৱারী ৩০দা ভারত্তা অহানবা কোরোনা কেস থেংনখি, অদুবু মদুগী চয়োল অনিগী মমাঙদা ভারতনা অৱাংবা থাক্কী কম্মিতী অমা শেমখি। মমাঙগী চহীগী ঙসিগী নুমিৎ অসিমক্তদনি ঐখোয়না সর্ভিলেন্স হৌখিবদু। জনুৱারী ১৭, ২০২০দা ভারতকী অহানবা পাউতাক ৱারোল থোকখি। এয়রপোর্ত্তা পেসেঞ্জরশিং স্ক্রীনিং তৌবা হৌখিবা অহানবা লৈবাকশিংগী মরক্তা ভারতসু অমা ওইখি।
মরূপশিং,
কোরোনাগী মায়োক্তা ভারতনা মাগী মতিং, মথৌনা উৎখিবা, মতিক-ময়াই তাকখিবা পুম্নমক অদুনা লাক্কদৌরিবা মীরোল কয়াগী পুক্নিং থৌগত্তুনা লৈরগনি। নীংশিংবিয়ু, জনতা কর্ফিয়ু তৌখিবদু লৈবাকসিগী মীয়ামগী লমচৎ অমসুং থৌদাংগী চাংয়েং অমা ওইখিবনি অমদি মদুদা ঐখোয়না মায় পাকখি। জনতা কর্ফিয়ুনা লৈবাক মীয়ামগী পুক্নিং ৱাখলবু লোকদাউনগীদমক শেন শাহনখি। ঐখোয়না তালি-থালি অমদি মৈরা থানবনচিংবা থৌওংশিংনা লৈবাকসিগী পুক্নিং ৱাখল ৱাংনা থমখি।
মরূপশিং,
কোরোনাগুম্বা মশক খঙদবা য়েক্নবা অসিগা থেংনবদা চাউর-চাউরবা লৈবাক কয়ানা লেপ্পা ঙমখিদবসিদা মসিনা শোকহনবা থিংনবগীদমক খ্বাইদগী ফবা পাম্বৈদি মশা মশানা লৈরিবা মফমদুদা লেঙদনা লৈবনা ওইখি। মরম অসিনা লৈবাকসিদা লোকদাউন চত্থনবা ফিরেপ লৌখি। ফিরেপ অসি অরায়বদি ওইখিদে। য়ামখ্রবা মীয়াম অসিবু য়ুম মনুংদা লেঙদনা লৈহনবা হায়বসি ওইথোক্লোইদবা ৱাফম অমনি হায়বা ঐখোয়দা ফাউখি। অদুগা অমরোমদা লৈবাক শিনবা থুংনা থবক থৌওং খুদিংমক পুম্লেপ লেপ্পা তাখি, লোকদাউন চত্থবা তারকখি। মদুনা মীয়ামগী চরা তানবদা করি চৈথেং পীগদগে, শেন্মিৎলোনগী ফীভমদা করি চৈথেং পীগনি হায়বা ৱাফমসু মাঙদা তাদুনা লৈখি। অদুবু লৈবাক অসিনা ‘পুন্সি লৈরবদি মালেমসু লৈগনি’ ঐহায়বা লাইৱা অসিগী পরিংদা চত্তুনা ভারত মচা খুদিংমক্কী পুন্সি কনবদা অহেনবা মীৎয়েঙ থমখি। অদুগা ঐখোয় খুদিংমক্না থেংনখিবা ৱাফম অমদি কমদৌনা লৈবাক পুম্বনা তেল্লবা মতমদুদা অমত্তা ওইনা ৱাখল পরিং অসিদা লেপমিন্নখিবগে হায়বসিনি। কয়ারক হন্না মরু ওইবা ৱাফম মচা মচা কয়া লৈবাক মীয়ামদা খঙহন্নবগীদমক মশিং য়াম্লবা লৈবাক মীয়ামগা হকথেংননা ৱারী ৱাতায় শানখি। নাকল অমদা লায়রবা মীওইশিংদা লেম্না চাক পীজনবা থৌরাং লৌখৎখিবগা লোয়ননা শঙ্গোম, মনা মশিং, চেং হৱাই, গ্যাস, হিদাক লাংথক্নচিংবা পোৎলমশিং লেপ্তনা ফংহন্নবা হোৎনখি। লৈবাক্কী ফীভম চুম্না চৎহন্নবগীদমক গৃহ মন্ত্রালয়না পুং ২৪ চুপ্না মথৌ তৌবা কন্ত্রোল রুম হৌদোকখি, মদুদগী কোল লিশিং কয়াগী পাউখুম পীখি, মীয়ামদা কান্নবা পীখি।
মরূপশিং,
কোরোনাগী মায়োক্তা থেংনরিবা লান্থেং অসিদা খোঙথাঙ খুদিংদা মালেমগী মাঙদা খুদম ওইনা উৎখি। মতম অসিদা লৈবাক খরনা মখোয়গী মীওইশিং চাইনাদা হেনগৎলক্লিবা কোরোনাগী মরক্তা নাথৈদুনা থম্নখিবা মতমদা ভারতনা চাইনাদা পন্দুনা লৈরিবা ভারত মচাশিং পুরকখি। ভারত মচাখক্তা নত্তনা ঐখোয়না অতোপ্পা লৈবাক্কী মীওইশিংসু পুরকখি। কোরোনাগী মতমদা বন্দে ভারত মিসনগী মখাদা মপান লৈবাকশিংদগী ভারত মচা লাখ ৪৫ হেনববু ভারত্তা পুরকখি। লৈবাক অমদা ভারত মচাশিং তেস্ত তৌনবগী মেচিন ৱাৎলক্লবদা ভারতনা তেস্তিং লেপ অমা মফমদুদা থাদুনা মফমদুদগী ভারত মচাশিং তেস্ত তৌবা য়ানবা লিংখৎখিবা ঐ নীংশিংলি।
মরূপশিং,
ভারতনা লাইচৎ অসি থেংনখিবা মতৌ অসি ঙসি মালেম অসিনা য়ারি। কেন্দ্র অমসুং স্তেত লৈঙাক্না, লোকেল গভর্নমেন্তশিং, লৈঙাক্কী লূপশিং, খুন্নাইগী লূপশিং অমত্তা ওইনা পুনশিন্দুনা কমদৌনা হেন্না নীংথিনা থবক তৌবা য়াবগে হায়বগী খুদম ভারতনা মালেমসিদা উৎখি। আই.এস.আর.ও., দি.আর.দি.ও., লান্মীশিংদগী হৌরগা লৌমী অমদি লংফৈদা লৈবা শিন্মী খুদিংমক্না ফিরেপ অমগা লোয়ননা কমদৌনা থবক তৌবা ঙম্বগে হায়বদু ভারতনা উৎখি। ‘মিতর অনিগী অরাপ্পা অমদি মাস্ককী মরুওইবা’ হায়বসিদা মাঙজিল থানা অহেনবা মীৎয়েং চঙখিবা লৈবাকশিংগী মরক্তা ভারত অমা ওইখি।
ইচিন ইনাওশিং,
ঙসিদি হায়রিবা থৌরাং কয়া অসিগী মহৈনা ভারত্তা কোরোনানা শিহনবগী অকিবা হন্থরক্লি অমদি ফগৎলকপগী চাং ৱাংলি। কোরোনানা মরম ওইরগা মী অমত্তা শিখিদবা লৈবাকসিগী দিস্ত্রিক্ত কয়া অমা লৈ। হায়রিবা দিস্ত্রিক্তশিং অসিদা মীওই খুদিংমক কোরোনাদগী ফদুনা ময়ুমদা হনখি। হৌখিবা চয়োল অনিসিদা কোরোনাগী কেস অমত্তা লৈখিদবা দিস্ত্রিক্ত কয়া অমসু লৈরি। লোকদাউন্না শোকহনখিবা শেন্মিৎলোনগী ফীভমদগী ফগৎলকপগী চাংদসু ভারতনা মালেমগী মাঙ থাদুনা চৎলি। খুদোংথিবা কয়া মায়োক্নজরবসু মালেমগী লৈবাক ১৫০ হেনবদা মথৌ তাবা হিদাক লাংথক অমসুং মেদিকেলগী মতেং পাংখিবা লৈবাক খরগী মনুংদা ভারতসু অমা ওইখি। পেরাসিতামোল ওইরবসু, হাইদ্রোক্সিক্লোরোকুইন ওইরবসু, তেস্তিংগা মরী লৈনবা পোৎলমশিং ওইরবসু ভারতনা অতোপ্পা লৈবাক্কী মীয়ামবুসু কন্ননবা তৌবা য়াবা কয়া তৌখি। ঙসি ঐখোয়না ভেক্সিন পুথোক্লবসিদসু ভারত্তা মালেম অসিনা থাজবগা লোয়ননা মীৎয়েঙ থম্লক্লি। ঐখোয়গী তিকা থাবগী থবক অসুম অসুম খুমাঙ চাউশিল্লিবমখৈ মালেমগী লৈবাক কয়ানা ঐখোয়গী তৌবা ঙম্বা মতিংগী কান্নবা ফংগদৌরিবনি। ভারতকী ভেক্সিন, ঐখোয়গী পুথোকপা ঙম্বগী মতিং, মীওইবা খুন্নাই পুম্বগী কান্নবা ওইহনবা হায়বসিনা ঐখোয়গী পান্দম্নি।
ইচিন ইনাউশিং,
তিকা থাবগী থবক অসি মতম কুইনা চঙগনি। ঐখোয় মীয়ামগী পুন্সি কনবদা থৌদাং য়ানবগী তাঞ্জা ফংলি। মরম অসিনা থৌরাং অসিগা মরী লৈনবা থৌওং অসি অসিদা মতেং পাংননবা ভোলুন্তিয়র কয়া মাঙদো থোরক্লি। ঐনা মখোয়বু তরাম্না ওক্লি, অতৈ ভোলুন্তিয়রশিংসু মখোয়গী মতম কায়থোক্তুনা থৌরাং অসিদা শরুক য়ানবা ৱাফম থমজরি। ঐনা মমাঙদা হায়খিবগুম মাস্ক, মিতর অনিগী অরাপ্পা অমদি লুনা-নান্না লৈবা হায়রিবশিং অসি তিকা থারিঙৈ মনুংসিদা ঙাক্না চৎপা মথৌ তাই। তিকা থাখ্রবদি কোরোনাদগী ঙাকথোক্নবা পাম্বৈ পুম্বা তোকপা য়ারে হায়বা নত্তে। হৌজিক্তি ঐখোয় হিদাকসু, চেকশিনবসু হায়বা অনৌবা ৱাশক অমা ঐখোয়না লৌবা মথৌ তারে। অদোম খুদিংমক মশা মউ ফনা লৈবিয়ু হায়বা ৱাফমসিগা লোয়ননা তিকা থাবগী থবক অসিগীদমক লৈবাক পুম্বগী মফমদা নুংঙাইবা ফোঙদোকচরি। লৈবাক্কী সাইন্তিস্তশিং, রিছর্চরশিং, লেবতা চহী চুপ্পা মুনিগুম মপুন্সি লেন্দুনা লৈবাক্কী অমদি মীওইবা খুন্নাইগী মফমদা ভেক্সিন পীননবা থৌদাং লৌবিখিবা মখোয় পুম্নমক্কী মফমদা অখন্ননা থাগৎচবা ফোঙদোকচরি, মখোয়গী তৌবিমল খঙবা উৎচরি। ঐনা অদোম খুদিংমক্কী মফমদা য়াইফ-পাউজেল পীজরি। অদোম অথুবা মতমদা মসিগী কান্নবা লৌবিয়ু। অদোমসু মশা মউ ফনা লৈবিয়ু, অদোমগী ইমুং মনুংসু মশা মউ ফনা লৈবিয়ু। মীওইবা খুন্নাই পুম্বা অসিগুম্বা লাংফমগী পুংফম অসিদগী লান্থোরক্তুনা ঐখোয় খুদিংমক মশা মউ ফনা লৈহনবিবা ওইরসু হায়বা থৌনি অসিগা লোয়ননা ঐনা অদোম খুদিংমকপু হন্না হন্না থাগৎচরি।
आज वो वैज्ञानिक, वैक्सीन रिसर्च से जुड़े अनेकों लोग विशेष प्रशंसा के हकदार हैं, जो बीते कई महीनों से कोरोना के खिलाफ वैक्सीन बनाने में जुटे थे।
— PMO India (@PMOIndia) January 16, 2021
आमतौर पर एक वैक्सीन बनाने में बरसों लग जाते हैं।
लेकिन इतने कम समय में एक नहीं, दो मेड इन इंडिया वैक्सीन तैयार हुई हैं: PM
मैं ये बात फिर याद दिलाना चाहता हूं कि कोरोना वैक्सीन की 2 डोज लगनी बहुत जरूरी है।
— PMO India (@PMOIndia) January 16, 2021
पहली और दूसरी डोज के बीच, लगभग एक महीने का अंतराल भी रखा जाएगा।
दूसरी डोज़ लगने के 2 हफ्ते बाद ही आपके शरीर में कोरोना के विरुद्ध ज़रूरी शक्ति विकसित हो पाएगी: PM#LargestVaccineDrive
इतिहास में इस प्रकार का और इतने बड़े स्तर का टीकाकरण अभियान पहले कभी नहीं चलाया गया है।
— PMO India (@PMOIndia) January 16, 2021
दुनिया के 100 से भी ज्यादा ऐसे देश हैं जिनकी जनसंख्या 3 करोड़ से कम है।
और भारत वैक्सीनेशन के अपने पहले चरण में ही 3 करोड़ लोगों का टीकाकरण कर रहा है: PM#LargestVaccineDrive
दूसरे चरण में हमें इसको 30 करोड़ की संख्या तक ले जाना है।
— PMO India (@PMOIndia) January 16, 2021
जो बुजुर्ग हैं, जो गंभीर बीमारी से ग्रस्त हैं, उन्हें इस चरण में टीका लगेगा।
आप कल्पना कर सकते हैं, 30 करोड़ की आबादी से ऊपर के दुनिया के सिर्फ तीन ही देश हैं- खुद भारत, चीन और अमेरिका: PM#LargestVaccineDrive
भारत के वैक्सीन वैज्ञानिक, हमारा मेडिकल सिस्टम, भारत की प्रक्रिया की पूरे विश्व में बहुत विश्वसनीयता है।
— PMO India (@PMOIndia) January 16, 2021
हमने ये विश्वास अपने ट्रैक रिकॉर्ड से हासिल किया है: PM#LargestVaccineDrive
कोरोना से हमारी लड़ाई आत्मविश्वास और आत्मनिर्भरता की रही है।
— PMO India (@PMOIndia) January 16, 2021
इस मुश्किल लड़ाई से लड़ने के लिए हम अपने आत्मविश्वास को कमजोर नहीं पड़ने देंगे, ये प्रण हर भारतीय में दिखा: PM#LargestVaccineDrive
संकट के उसी समय में, निराशा के उसी वातावरण में, कोई आशा का भी संचार कर रहा था, हमें बचाने के लिए अपने प्राणों को संकट में डाल रहा था।
— PMO India (@PMOIndia) January 16, 2021
हमारे डॉक्टर, नर्स, पैरामेडिकल स्टाफ, एंबुलेंस ड्राइवर, आशा वर्कर, सफाई कर्मचारी, पुलिस और दूसरे Frontline Workers: PM#LargestVaccineDrive
भारत ने 24 घंटे सतर्क रहते हुए, हर घटनाक्रम पर नजर रखते हुए, सही समय पर सही फैसले लिए।
— PMO India (@PMOIndia) January 16, 2021
30 जनवरी को भारत में कोरोना का पहला मामला मिला, लेकिन इसके दो सप्ताह से भी पहले भारत एक हाई लेवल कमेटी बना चुका था।
पिछले साल आज का ही दिन था जब हमने बाकायदा सर्विलांस शुरु कर दिया था: PM
17 जनवरी, 2020 वो तारीख थी, जब भारत ने अपनी पहली एडवायजरी जारी कर दी थी।
— PMO India (@PMOIndia) January 16, 2021
भारत दुनिया के उन पहले देशों में से था जिसने अपने एयरपोर्ट्स पर यात्रियों की स्क्रीनिंग शुरू कर दी थी: PM#LargestVaccineDrive
जनता कर्फ्यू, कोरोना के विरुद्ध हमारे समाज के संयम और अनुशासन का भी परीक्षण था, जिसमें हर देशवासी सफल हुआ।
— PMO India (@PMOIndia) January 16, 2021
जनता कर्फ्यू ने देश को मनोवैज्ञानिक रूप से लॉकडाउन के लिए तैयार किया।
हमने ताली-थाली और दीए जलाकर, देश के आत्मविश्वास को ऊंचा रखा: PM#LargestVaccineDrive
ऐसे समय में जब कुछ देशों ने अपने नागरिकों को चीन में बढ़ते कोरोना के बीच छोड़ दिया था, तब भारत, चीन में फंसे हर भारतीय को वापस लेकर आया।
— PMO India (@PMOIndia) January 16, 2021
और सिर्फ भारत के ही नहीं, हम कई दूसरे देशों के नागरिकों को भी वहां से वापस निकालकर लाए: PM#LargestVaccineDrive
मुझे याद है, एक देश में जब भारतीयों को टेस्ट करने के लिए मशीनें कम पड़ रहीं थीं तो भारत ने पूरी लैब भेज दी थी ताकि वहां से भारत आ रहे लोगों को टेस्टिंग की दिक्कत ना हो: PM#LargestVaccineDrive
— PMO India (@PMOIndia) January 16, 2021
भारत ने इस महामारी से जिस प्रकार से मुकाबला किया उसका लोहा आज पूरी दुनिया मान रही है।
— PMO India (@PMOIndia) January 16, 2021
केंद्र और राज्य सरकारें, स्थानीय निकाय, हर सरकारी संस्थान, सामाजिक संस्थाएं, कैसे एकजुट होकर बेहतर काम कर सकते हैं, ये उदाहरण भी भारत ने दुनिया के सामने रखा: PM#LargestVaccineDrive
