হিন্দুস্তান তাইম্স লীদরশিপ সমিত্তা পীখিবা প্রধান মন্ত্রীগী ৱারোল

মরূপশিং,

লৈবাক অসিগী হেন্না ফবা তুংলমচৎকীদমক চিন্তা তৌরম্মি, মরম অদুমক্না ঐখোয়না লৈবাক অসিদা স্বচ্ছ ভারত অভিয়ান হৌদোকখি অমসুং হৌজিক্না শক্তি অদুমক্তদা ঐখোয়না জলজীবন মিশন হৌদোক্লি। অসিগুম্বা পোৎশক অসি চহী ৫০ অসিদা ওইখিদ্রিবনা করিগী ওইদ্রিবনো হায়না কনানসু হংখিদ্রি অদুবু হৌজিক্তি ঐহাক্না হায়রবনিনা কদায় ফাওবা তৌরবগে হায়না হৌজিক্তি ইফমদা নুমিৎ খুদিংগী হংলগনি। অদুবু মসি তৌবা অসি দরকার ওইব্রা নত্রগা ওইদব্রা। ঐহাকসু লৈথোকখিবা য়ারম্বনি, ঐহাকসু নাথৈদুনা চৎখিবা য়াবনি অদুবু লম্বী অদু ঐহাক য়ানিংবা ফাওখিদে।

লাক্কদৌরিবা চহী খরা অসিদা চাওরাক্না য়ুম কোতি ১৫বু ঈশিংগী সপ্লাইগা শম্নহন্নবগীদমক ঐখোয়না থবক তৌরি।

মতৌ অসুম্না ঙসি ভারত পুম্বা আত্মবিশ্বাসকা লোয়ননা মশাগী শেল–থুমগী ফিভম ত্রিলিয়ন দোলর ৫গী ইকোনোমী ওইহন্নবগীদমক হোৎনরি।

পান্দম অসিনা শেল–থুমগী ফিভমগা লোয়ননা ভারত মচা কোতি ১৩০গী এভরেজ ইনকম, মখোয়গী ইজ ওফ লিভিং অমসুং মখোয়গী হেন্না ফবা হয়েংগা মরী লৈনরি।

পান্দম অসি ফংনবগীদমক ঐখোয়গী সরকারনা ইনেব্লর, ফেসিলিতেতর অমসুং প্রমোতরগী থৌদাং অদু মপুং ফানা থৌদাং লৌরি। ঐখোয়না রিফোর্ম অমসুং পরফোর্মগী ৱাখল্লোনগা লোয়ননা মাংলোমদা চংশিল্লি।

লৈবাক্কী ফিজিকেল অমসুং ফাইনান্সিয়েল ইনফ্রাস্ত্রকচর হেন্না ফগৎহন্নবদগী হৌরগা গ্লোবেল প্লেৎফোর্মদা ভারতকী ইন্দন্ত্রীবু পুক্নিং থৌগৎপা ফাওবা, লীরবা আইন লিশিং অমগা চামঙা মুত্থৎখিবদগী হৌরগা রুলস অমসুং প্রোসিদ্যুর লাইথোকহনবা ফাওবা, ঐখোয়না মায়কৈ খুদিংদা অমত্তা ওইনা থবক তৌরি।

মরূপশিং,

চাউখৎ থৌরাংগী খোংজেল হেঙ্গৎহন্নবগীদমক অয়াম্বা মতমদা হীরম মরিদা খন্ন–নৈনৈ।

তেক্স রেত হন্থবা,

ইজ ওফ দুয়িং বিজিনেস হেন্না ফগৎহনবা,

লেবর রিফোর্মস অমসুং দিসইনভেস্তমেন্ত।

হিরমশিং অসিদা সরকারমা লৌখৎলিবা খোংথাং অসি হেন্না ফবা তুংলমচৎকীদমক আশা চাওনা লৈহল্লগনি।

চহী অসিদা পর্সনেল তেক্সতা ঐখোয়না চাওরবা ৱারেপ লৌরে অমদি লুপা লাখ মঙা ফাওবগী ইনকমবু তেক্স ফ্রী ওইহল্লে।

মসিনা থা খুদিংগী লুপা লিশিং ৪০ ফাওবা ইনকম লাকপা য়াম্না চাওবা সেক্সন্দা দাইরেক্ত বেনিফিৎ ফংহল্লে, অমদি সেবিংদা য়েংলুরগসু থাগী লুপা লিশিং ৭০ ফাওবা ইনকম লাকপশিংদা য়াম্না চাওনা রিলিফ ফংহল্লে। মসিদগী সেবিংশিং অসিনা ইমুংশিং অসিগী হেন্না ফবা হয়েংদা চাওনা মতেং ওইরগনি।

মতৌ অসুম্না কোর্পোরেৎ তেক্সতা পুৱারী ওইরবা মওংদা ককথখিবনা ভারত মালেমগী তেক্স য়াম্না লৌদবা ইকোনোমী ওইবগা লোয়ননা ইনভেস্তমেন্ত অমসুং মেনুফেকচরিং প্রমোৎ তৌবদসু ঐখোয়গী ফিভম হান্নদগী হেন্না ফগৎলে।

তেক্স সিস্তেমবু ফগৎহন্নবগীদমক, বিজিনেসমেন অমসুং সিতিজনগা লোয়ননা হরাসমেন্তকী ওইথোকপা য়াবা পুম্নমক মুত্থৎনবগীদমক হন্দক্তা ই–এসেসমেন্ত স্কিম হৌদোকখ্রে।

হৌজিক্তি করম্বা ওফিসারগী মনাক্না অদোমগী ফাই চৎকনি হায়বদু অদোম খঙবা ঙম্লরোই অমদি ফাইল অসি কনাগীনো হায়বদু ওফিসারশিংনা খঙবা ঙম্লরোই।

মসিদসু নত্তে, মরমদি কনাগী এসেসমেন্ত তৌগদবনো হায়বদু ওফিসার অদুনা খঙবা ঙমলরোই, মরম অদুনা ত্রান্সফর পোস্তিংদা চত্থরম্বা তুকৎচনিঙাই ওইরবা থৌওং অদুসুং লেপখ্রগনি।

ইজ ওফ দুয়িং বিজিনেসতা ঐখোয় চহী অসিদসু মকোক থোংবা বেস্ত পর্ফোমর ১০গী মনুংদা অমা ওইরি। হৌখিবা চহী ৫দা ঐখোয়না রেঙ্ক ৭৯ ফগৎহল্লে।

লেবর রিফোর্মগী ৱাফমগী ওইনদি চহী কয়া লীরবা আইন কয়াবু আইন ৪দা কোদিফাই তৌবগী থবক চত্থরে, মসিনা এমপ্লোই অমসুং এমপ্লোয়র অনিমক্তা য়াম্না চাওনা কান্নহল্লগনি।

দিসইনভেস্তমেন্তকী ৱাফম পল্লগদি হন্দক্তা লৌখিবা ৱারেপশিংনা ময়েক শেংনা তাক্লে মদুদি মায়কৈ অদোমদসু ঐখোয়না খোংজেল য়াংনা মাংলোমদা চংশিল্লি।

ইচিল–ইনাও অমসুং ইচল–ইচেশিং,

ঙসি মফম অসিদা হোল অসিদা তিনবীরিবা মীওই কয়া অমদি দিল্লী–এন.সি.আর.দা লৈবীরি। ব্লেকমনিগী  মচা খায়দবা ইচেলনা রিএল ইস্তেত সেক্তরগী করি ফিভম ওইহনখিবগে হায়বদু ময়াম পুম্নমক খঙবিরবনি। ঙসিসু মীওই লিশিং কয়া অমদি চহী কয়াদগী ই.এম.আই. থিরিবনি, ভরাগী য়ুমদা লৈরিবনি অমদি মশাগী মংলানগী য়ুম ঙায়দুনা লৈরিবনি।

রিএল ইস্তেত সেক্তরবু ফিভম অসিদগী লৌথোক্নবগীদমক, লোইশিন্দ্রিবা অমসুং পন্দুনা লৈরিবা প্রোজেক্তশিংবু মপুং ফাহন্নবগীদমক সরকারনা হন্দক্তা স্পিসিয়েল ৱিন্দো অমা শেমখ্রে। মসিগী মখাদা লুপা কোতি লিশিং ২৫ হেঙ্গৎহল্লে। মিদল ফেমিলিগী য়াম্না চাওরবা শরুক অমদি মশাগী ময়ুমগী মংলান অদু মংফাওনরগনি হায়না ঐহাক্না আশা তৌরি।   

ইচিল–ইনাও অমসুং ইচল–ইচেশিং,

হেন্না ফবা হয়েংগী ওইবা ঐখোয়গী মংলান্দা পোৎশক অমসু য়াম্না মরু ওইরি। মদুদি ভারত্তা ৱার্ল্দ ক্লাস ইনফ্রাস্ত্রকচর। লাক্কদৌরিবা চহী খরা অসিদা মংলান অসি মংফাওনহন্নবগীদমক্তা সরকারনা লুপা কোতি লাখ ১০০গী প্রোজেক্তশিং হৌদোক্কদৌরে।

মসিগা লোয়ননা ঐখোয়না হোৎনরিবা অসি ইনফ্রাস্ত্রকচরগী লমদা প্রাইভেৎ ইনভেস্তমেন্তসু পুক্নিং থৌগৎপনি। ইনফ্রাস্ত্রকচর অমসুং ইন্দস্ত্রীবু ক্রিদিৎ ফ্লোদা মখল অমত্তগী অৱাবা মায়োক্নদবা অদুনি সরকারনা মীৎয়েং থম্লিবসু।

মরূপশিং,

ঙসি সরকার অসিনা রেল কনেক্তিবিতীদা, রোদ কনেক্তিবিতীদা, এয়ার কনেক্তিবিতীদা ইনভেস্ত তৌরিবা অসি য়ৌনা মমাংদা অমুক্তা তৌখিদ্রি।

মসিগী এনভাইরনমেন্তদা, ইজ ওফ লিভিংদা তারিবা মমি অদু অদোম্না হেন্না খঙলিবা অদুনি।

অদুবু অতোপ্পা সেক্তর অমদা কনেক্তিবিতী ফগৎহনবা অসি চাওনা থেংনরিবা অমনি।

সেক্তর অদুদি তুরিজম্নি।

মরূপশিং,

সরকারনা কন্না হোৎনবনা মরম ওইদুনা ঙসিদি ভারত ৱার্ল্দ ইকোনোমিক ফোরমগী ত্রাভেল অমসুং তুরিজম কম্পিতিতিবনেস ইন্দেক্সতা ৩৪শুবা মফমদা লৈরে। মসি চহী ২০০৯দগী ২০১৩ ফাওবগী মনুংদা ঐখোয় ৬২দগী ৬৫শুবা মফমগী মরক্তা লৈরমখি।

ঐহাক্না ময়ামদা মসিসু নিংশিংজরি মদুদি, তুরিজম হেঙ্গৎহনবনা খ্বাইদগী চাওনা কান্নরিবা অসি লাইরবশিংনি। লাইরবদগী লাইরবশিংনা থবক ফংবা ঙমই, শেল ইচং চংদনা থবক তৌবা য়াই। তুরিজম হেঙ্গৎলক্লগদি মীরমগী লম কোইবসু লাকই, অদু ওইরবদি মখোয়না মফম অসিদা চাদিংসু তৌই। চহী ২০১৪দা ভারতকী মীয়াম্না তুরিজম সেক্তরদগী মীরমগী শেল ওইনা লুপা কোতি লাখ ১ লিশিং ২০ তানবা ঙমখি। মদুমক হৌখিবা চহীদা মসিগী মীরমগী শেল অসি চাওরাক্না লুপা কোতি লাখ ২ য়ৌখি।

শেল অসি কনানা তানখিবনো। ভারতকী হোতেল ইন্দস্ত্রীগা মরী লৈনবা মীওইশিং, তুরিস্ত গাইদশিং, তেক্সি থৌবশিং, অপিক–অপিকপা ধাবাশিং, হেন্দিক্রাফ য়োনবশিংনা তানবা ঙমখি।

মরূপশিং,

ঐখোয়না সরকারদা এমপ্লোইমেন্তকী নিয়ম হোংদোক্লে, এপোইন্তমেন্তকী নিয়ম হোংদোক্লে। অচৌবা ফমশিংদা এপোইন্তমেন্তগীদমক ৱানোম্বা, হৌজিক্তি হৌখ্রবা মতমগী ৱাফম ওইরে। বেঙ্কশিংগী ত্রান্সপরেন্সী এপোইন্তমেন্তগীদমক ঐখোয়না বেঙ্কিং বোর্দসু হৌদোক্লে।

মরূপশিং,

লৈবাক অসিগী লৈরিবা মকোকথোংবা দিসিজন মেকরশিং, পোলিসী মেকরশিং, মখোয়গা লোয়ননা গোবর্নান্সপু পুরদুনা ঐখোয়না লেপ্পা লৈতনা ব্রেন স্তোর্মিং সেসনশিং চত্থরি অমসুং মসিবু সিস্তেমগী শরুক ওইহল্লে।

ঐহাক ইশামক তোঙান তোঙানবা সেক্তরশিংগী ব্রেন স্তোর্মিং সেসন্দা চৎলি, মদু রেলৱে ওইগেরা, বেঙ্কিং ওইগেরা নত্রগা নীতি আয়োগকী তোঙান তোঙানবা লেকচরশিং ওইগেরা।

ঐখোয়না লীরবা অমসুং ফোর্মেল ওইবা সিস্তেমশিংবু আউতকম বেজ ওইহল্লি। দরকার ওইবা মফমশিং অদুদা মীরমগী অমসুং ইন্দস্ত্রীগী এক্সপার্তশিংবু কৌদুনা ঐখোয়না ব্যুরোক্রেসীবু ত্রেন তৌহল্লি।

মরূপশিং,

প্রিভিলেজকী মহুৎ ঐখোয়না প্রোফেসিয়োনেলিজম প্রমোৎ তৌবদা পুক্নিং থৌগৎলি।

ঐখোয়না শুপ্নতংগী চহী ৫ নত্রগা ১০ খক ওফিস পায়বগীদমক থৌবক তৌদ্রি মদুগী মহুৎ ঐখোয়না হেন্না ফবা হয়েংগীদমক অনৌবা ভারতকীদমক পর্মনেন্ত অমসুং পর্ফোমেন্স ওরিয়েন্তেদ সিস্তেম ওইহন্নবা হোৎনরি।

ভারত মচা কোতি ১৩০গী হেন্না ফবা তুংলমচৎকীদমক অচুম্বা ইন্তেন্সন, হেন্না ফবা তেক্নোলোজী অমসুং ইফেক্তিব ওইবা ইমপ্লিমেন্তেসন, মসিমক ঐখোয়গী রোদমেপনি।

ঐহাক্না থাজবা থম্লি মদুদি সমিৎ অসিদা তরোৎ–খদাননা ৱারী শান্নগদৌরিবা অসিদা, ভারতকী য়াইফনবগা মরী লৈনবা ৱাফম কয়া অমা মাংদা লাক্কদৌরিবা অসি হেন্না ফবা হয়েংগী গরেন্তি পুরদুনা লাক্কনি।

ময়াম পুম্নমকপু মগুন লৈবা খন্ন–নৈনবগীদমক হন্না–হন্না য়াইফ পাওজেল পীজবগা লোয়ননা হন্না–হন্না থাগৎচরি।