শোত্থরিবা জিলাশিং শেমগৎ শাগৎপগী মীফমদা পিখিবা প্রধানমন্ত্রীগী ৱারোল (০৫ জনুৱারি, ২০১৮)

Once the people of India decide to do something, nothing is impossible: PM Modi

Banks were nationalised but that did not give the poor access to these banks. We changed that through Jan Dhan Yojana: PM

All round and inclusive development is essential. Even in the states with strong development indicators there would be areas which would need greater push for development: PM

Serving in less developed districts may not be glamorous but it will give an important platform to make a positive difference: PM Modi

মরূপশিং, ইং ২০১৮ হৌরক্লে । ঐহাক্না ময়াম পুম্নমকপু য়াইফ পাওজেল পিজরি । ভবন অসিদশু মসিনা অখন্নবা অহানবা থৌরম্নি । দিসেম্বর ৭ তা মসি শঙ্গাখিবনি, অদুবু অখন্নবা থৌরমদি ঙসিনা অহানবনি । অদুবু ঐহাক্না নুঙাইরিবা ৱাফমদি অফাওবা মীওই অদুগী মমিংদা ভবন অসি লৈরি, ভবন অসিদা পাংথোক্লিবা থৌরম অসিগী মগুন হেঙ্গৎহল্লি মরমদি বাবা সাহেবনা মপুন্সি চুপ্পা সমাজকী য়াইফনবা লান্থেংনখি ।

 ঐখোয়গী সংবিধান অসিনশু অদুগুম্লবা অৱাৎপশিং অদু মেন্সিন্নবা ফ্রেমৱার্ক অমা পিরি । হৌজিক্তি সমাজকী ওইবা আইন অসি সমাজকী ওইবা এদমিনিস্ত্রেসন খক্তদা লোইশিনবনা য়াররোই । চাওখৎপা ৱাৎপশু মখল অমগী আই লৈতবগা মান্নৈ । খুঙ্গং অমনা চাওখৎপা ৱাৎপা মতমদা মফম অদুদা লৈরিবা মীওইশিং, মখোয়না ফংগদবা খুদোংচাবশিং, মখোয়গী হক, মখোয়গী তঞ্জা, মসি পুম্নমক অসিদা মখোয় ফংফম থোকপা অদু ফংদ্রবনি । মরম অদুনা জিলা ১১৫, মখোয়বু চাওখৎহনবা, অদুগুম্লবা বাবা সাহেব অম্বেদকরগী সমাজিক ন্যায়গী চাওরবা সিস্তেমেতিক সোলুসন অমা ফংনবা হোৎনবগী শরুক ওইগনি । অমসুং মদুগী অর্থ অদুদা মসিগী ভবন অসিদা অহানবা থৌরম অমদি হিরম অসিদা থৌরমপাংথোক্লিবা, ঐহাক্না খনবদা মসি মশা মথন্নতা অফবা খুদম অমনি ।

ময়াম্না নুমীৎ নিনিদগী খন্ন নৈনরি । থেংনজরকপগী মতুং ইন্না ঐহাক্না হাইজবা ঙমজরি মদুদি ঐখোয়গী লৈবাক অসিদা করিগুম্বা ঐখোয়না তৌগে হায়না ফিরেপ অমুক্তং লৌখিবা মতমদা ওইথোক্তবা লৈতে । বেঙ্ক নেস্নেলাইজ ওইরবা ফাওবা মীওই কোতি ৩০ না মশিগা শম্নদনা লৈরবা । অদুবু লৈবাক অসিনা অমুক্তং খনখিবদা, জন-ধন একাউন্ত অসি মীয়ামগী খোংজং অমা ওইদুনা লৈবাক অসিগী অরোইবা কাচিন অমদা ফম্লিবা মীওই অদু ফাওবা মশামক্না ইকোনোমিগী মেন স্ত্রিমগী শরুক ওইনা খঞ্জহনবা, মসিমক লৈবাক অসিমক্কী, সরকার অসিগী ওফিসিএলশিংনা, বেঙ্ককী মীওইশিংনা অকক্নবা মতমগী মনুংদা পাংথোক্তুনা উৎলরে ।

তোইলেৎ লৈগদবনি হায়না ঐখোয়না হায়খিবা অদুনি, প্রোগ্রামশিং পাংথোকখি, বজেত শেমখি, পাওদমশু পিখি, প্রোগ্রেসশু লৈখি । ঐখোয়না মরম অদু খংদোক্নবা লম্বী অদুশু অরাইবা মওংদা থিদোক্লম্মী । অমসুং সমস্যাশিং অদু মতম পুম্নমক্তা মাংদা তাদুনা লৈরম্মী । নুপীমচাশিংনা মপুং ফানা মহৈ তমদ্রিবা করিগিনো হায়বদা তোইলেৎ লৈতে, সেনিতরিগী সমস্যা করিগী লৈরিবনো, তোইলেৎ লৈতে । অদুবু মসিগী সমস্যা অসি লোইশিল্লগে হায়না অমুক্তং খনখিবদা স্কুল লাখ মরি হেনবদা তোইলেৎ শেম্বা মপুং ফানা লোইশিল্লে অমসুং রিএল তাইম মোনিতরিং তৌরে । মীওই কয়ানা ফোতো নম্দুনা অপলোদ তৌরক্লি অমসুং মদু মীওই খুদুংমক্না উবা ঙমলম্মী । লৈবাক অসিনা, লৈবাক অসিগী সরকার অসিমক্কী থৌশিলনা মসি পাংথোক্তুনা উৎলে ।

খুঙ্গং লিশিং ১৮বু নুমীৎ লিশিং অমদা মৈ ফংহনগদবা । করিগুম্বা ইচম চম্বা থাক অমদা হংলুবা মতমদা ওফিসারশিং অদুদগী ফংগদৌরিবা পাওখুম অদুদি সাহব অশুক য়াম্বা থবক অসি পাংথোকপদা চহি ৫-৭ চংগনি অসিনি । অদুবু পাংথোক্তবা য়াদবা মথৌ ওইনা নুমীৎ ১০০০ দা খুঙ্গং লিশিং ১৮ দা চৎতুনা মৈ ফংহনবা তারকপদা, সিস্তেম অসিমক্না, অচুম্বা চৎন পথাপ, ফাইল অসিমক, পরমপরা অসিমক, তেক্নিক অসিমক, মওং মতৌ অসিমক, তিম অসিমক্না খুঙ্গং লিশিং ১৮দা অকক্নবা মতমদা মৈ ফংহন্নবা থবক অদু মায় পাক্না পাংথোক্লে ।

লৈবাক লৈহাও চাংয়েং তৌবা অসি অনৌবা হিরম অমা ওইরম্মী । লৌমীশিংনা মদু মমুৎ তানা খংলমদে । মসিনা কান্নবা ফংগনি হায়বা খংলমদে । অদুবু ইচিল ইনাওশা লৈপাক লৈহাও চাংয়েং তৌগদবনি, সোইল হেল্থ কার্দ শেমগদবনি, মদুবু এনালাইজ তৌগদবনি হায়না অমুক্তং হায়খি । সিস্তেম অসিমক্না, অচুম্বা তিম, মীওইশিং অসিমক্না পাংথোক্না মপুক্নিংদা চপ য়ুংনা লেপখি । তার্গেত তৌখবা মতম অদুদগী ঙনখৎনা মপুং ফানা পাংথোক্লগনি হায়না ঐঙোন্দা পাওদমবিরকই ।

|

ঐহাক্না মসিগী খুদমশিং পিরিবগী মরমদি ঐখোদা পাক চাওনা তৌবা ঙম্বগী থৌনা লৈ । পাক চাওনা ওইথোকপা য়াবা য়ুগ অসিদা ঐহাক্না সিস্তেম অসিবা লুচিংলি অমসুং ঐখোয়না লোইবা নাইদবা খুদোংচাবাশিংগী পিন্নহৈবা ওইদুনা খ্বাইদগী অফবা পিন্নহৈবা ওইবা য়াই । মসি ঐহাক্না ময়ামগী মরক্তা লোইনজবা অদুদা খংজবা ঙমজবনি, তমজরিবনি অমসুং ঐহাক্না চেৎনা থাজবা থমজরি । থাজবা অদুগা লোইননা ইজ ওফ দুইং বিজিনেসকীদমক করি অৱাৎপা লৈরি হায়বা অদু খন্দোক্লে । অপিকপা ৱার্কশোপ্না লম্বী শেম্বা য়াগদ্রা । সিস্তেম নাইনা অহানবা খোংথাং, অনিশুবা খোংথাং, অহুমশুবা খোংথাং । মুখ্যমন্ত্রী পুম্নমকপু কৌখৎতুনা মখোয়বু সেনসিতাইজ তৌরে । চিফ এক্সেক্যুতিব পুম্নমকপু কৌখৎতুনা মখোয়বু সেনিতাইজ তৌরে । দিপার্তমেন্তা ৱে অউতকী লম্বী থিদোক্লে । হোমৱার্ক কয়া অমা পাংথোক্লে অমদি মদুবু রোলআউত তৌরে । অমদি মদুগী মহৈ ওইনা ঐখোয়না ফংলিবা অসুম্না মালেমদা লৈবাক অমত্তনা চহি অমদা অশুক য়াম্না শন্না চোংবগী খুদোংচাবা ফংলমখিরোই, হিন্দুস্থান্না ফংলে অমদি ইং ২০১৪ দা ঐখোয়না ১৪২ শুবা মফমদগী খোংচৎ হৌখিবনি, ইং ২০১৭ তা ১০০ শুবা মফমদা লৈরে । মশিং ৪২ মাংলোমদা চংশিনবা, মসি কনানা তৌখিবগে? মসি পুম্নমক অসি ময়ামগী হোৎনজমন অদুনা ফংবনি, ময়াম হায়বদি ইরৈবাক অসিগী তিম অমনি ।

হৌজিক্তি মালেম অসি অহোংবা কয়ানা থল্লে । ঙসিদি এস্পিরেসনশিং অহোংবা লাক্লে, ৱাখল্লোনদা অহোংবা লাক্লে, এদমিনিষ্ট্রেসনদা অহোংবা লাক্লে । মদু পুম্নমক ময়াম্না খংলিবা ঙাক্তনি মরমদি ময়াম্না অদুগুম্লবা ফিভমশিং অদু থেংনদুনা লাক্লবনি, করিদি তৌরুনি? ঙসিদি মসি খ্বাইদগী চাওবা খুদোংচাবা অমা লৈরে মদুদি ময়াম্না করি খল্লিবা? ময়ামগী এক্সপরিয়েন্সনা করি হায়রিবা? রোদমেপ শেম্বা মতমদা ময়ামগী ওইবা এক্সপরিয়েন্স, অহানবদা করি ওইগনি? অমসুং ময়ামগী প্রজেন্তেসন অদু ঐহাক্না য়েংলুবা মতমদা মদুগী মমি তারিবা অদু ঐহাক্না উবা ফংলি । ঐঙোন্দা ফাওরি মদুদি মখোয়না চপ চানা খংবা ঙম্লে, অদুবু সমস্যা অদু মফম অসিদা লৈরে । সমস্যা অসিগী ৱারোইশিন কনাগুম্বা অমনা পুরক্লগদি লম্বী লৈরগনি ।

ঙসি ঐহাক্না উবা ফংলে মদুদি অদোমগী প্রজেন্তেসন অদুদা ক্লেরিতী ওফ থোত্স হায়নবা অদু ফিল তৌরি । ঐহাক্না অদোমগী প্রজেন্তেসন অদুদা ফেইত ইন কনভিক্সনশু ফিল তৌরে, অদোম্না কনভিক্সন অদুগা লোইননা হায়খিবা অদুদা অদোমগী পুক্নিংগী থাজবা অদু উবা ফংলে । অমদি ঐহাক্না পল্লিবা অসি খক্তা উখিবা নত্তে । ঐহাক্না স্লাইদশিং অদুশু য়েংলে, অমদি স্লাইদ অদুদা লেপলিবা মীওইশিং অদুবুশু উরে । মীওই খুদিংমক্কী মায়থোংদা মঙাল অমা উবা ফংলি । মদুদা ঐহাক্না অনৌবা ভারত উবা ফংলম্মী ।

মরম অদুনা অসিগুম্বা অপুনবগী ৱাখল্লোন অসিদা, হৌজিক অমত্তা ওইনা পুন্সিন্দুনা মাংলোমদা চংশিল্লবদি । হৌজিক্তি মীওইবগী হৌনশানি, ঐহাক্না অঙনবা মতমদগী থবক তৌদুনা লাক্লে । ওর্গনাইজেসনগী থৌরমদা ঐহাক্কী পুন্সিগী মতম কয়া অমা হৌখ্রে । অরাইবা থবক হান্না তৌবা অসি মীওইবা জিতিগী হৌনশানি ।

ঐহাক্না মুখ্যমন্ত্রী ওইবা মতমদুদা, অহানবদা ঐঙোন্দা কান্নবা করিশু ফংখিদে । প্লানিং কম্মিসন পাংথোকপা মতমদা ঐহাক্কী মশিং অদু অরোইবদা লৈরম্মী । অদুবু ঐহাক্না মদুগী তেক্নিক অদু তমদুনা লাক্লবনিনা ঐহাক্না জনুৱারি থাদগী মপুং ফানা মীৎয়েং থম্দুনা করম্বা তারিখতা শেল চাদিং তৌদবগে য়েংশিনখি । চাদিং তৌদবা অদু ঐহাক্না থিদোক্তুনা পুথোক্লম্মী । অহাংবা মফমশিং অদুদা ওফিসারশিং থাদুনা য়েংশিলহল্লমী । হৌরকপদা ফংলমদবা অদু লোইশিল্লকপদা চাং ৱাংনা ফংলম্মী । অথুম্বা চা অদুদা চিনি চমছ অনি অমগা হাপচিনবদা অহোংবা কয়া লৈরোই অদুবু । চিনি অদু কঞ্জুম তৌখিগনি । অদুদু চিনি য়াওদবা চা অদুদা হাপলগদি মখোয়শু খোয়থুম্নরবা অয়ুক অমদি ফংবা ঙমগনি ।

মরম অদুনা জিলা ১৫০ অসিদা মীৎয়েং চিংশিল্লক্লিবা অসিনি, মদুগী মনুংদা রাজ্য খুদিংমক্তগী য়ামদ্রবদা জিলা অমদি য়াওহন্নবা হোৎনরি । ফনা য়াম্না চাওখৎপা রাজ্য ওইরবশু, মপুং মরৈ ফারবা রাজ্য ওইরবশু মফম খরদদি শোথরি । মফম অদুদা ওফিসারশিংনা সাইকোলোজিকেল ওইনা মনিংলোমদা হন্থখিদুনা মখোয়গী মকোক অদু কঙাওনখি । ওফিসারশিংশু লৈররোই, ওজাশিংশু লৈজরবশু পন্থররোই । সরকারশু করিমত্তা হায়ররোই, মমিংগী ওইনা লৈরবদি য়ারে হায়রনি । মসিদা মতৌ করম্না দন্দি পিগনি, কদায়দগী এক্সন লৌখৎলুগনি? মসিদদি ফরে মতম হৌখ্রগা লোয়রে হায়দুনা মফম অদুদা লৈরগনি ।

অনিশুবদা, দিবলপমেন্তকী সাইন্সপু খংবা মীওই, মসিমদি অফবা ওইরি মদুদি মখোয় চাওখৎপরোমদা চংশিল্লি । অদুবু অকক্নবা মফম অমগী মতুংদা চাওখৎপা লেপখিবদা, মদুনা চিংথনবা হোৎনরি । অমসুং ফিভম অদু লাকশিন্নবা হোৎনবদা চহি মঙা তরেৎ চংহল্লি । অসিগুম্বা সেচুরেসন পোইন্ত অসি কৈদৌনুংদা লাকহল্লোয়দবনি । অসিগুম্বা ফিভম অসি অহোংবা পুরক্নবা মতৌ অদুদি ঐখোয়না সমস্যাশিংদগী খরা লৈথোকপা য়াগদ্রা? হৌজিক্তি অদোম্না স্ত্রেতেজি কয়া অমা শেম্লে । জিলা খুদিংমক্না মায়োক্নরিবা খুদোংচাদবা অসি মান্নদে । ভারত অসি তোপ তোপ্পা কয়ানা থল্লি । অমমমগী তোঙান তোঙানবা খুদোংচাদবা লৈরি । মীপুম খুদিংমক্কী মশা মশাগী খুদোংচাবশু লৈরি । অদুবু মফম অসিদা করিগুম্বা ঐখোয়না অসিগুম্বা পেরামিতর মঙা নত্রগা তরুক লৌবা তারগদি নেম্না পানবা উহৈশিং অদুদা ময়াম পুন্না মীৎয়েং থম্দুনা অমুক্তং ওইরবসু মদু এচিব তৌবা ঙমগদ্রা?

মসি মরুওইরিবগী মরমদি, মফমশিং অসিদা পাক চাওনা থবক তৌবগী এক্সপরিয়েন্স অদু অদোম্নশু ফংলমগনি । অদোম্না কয়া অমবু পুক্নিং থৌগৎলবশু, কয়া য়াম্না কম্মিত তৌদুনশু, ফনা য়াম্না কৎথোক্তুনশু, অদোমগী ওফিস্তা মীওই মঙা তরাদি থেংনগনি, মখোয় অদুনা হায়রক্কদৌরিবা অদুদি সহেবনা মফম অসিদা লাক্লিবা অসি করিমত্তা লৈতবনি, অদোম্না লাক্লিবা অসি অরেম্বনি হায়না অখং অহৈ শাদুনা ৱা ঙাংলনি । মসিগী সাইকি অসি অহোংবা পুরক্নবা মায় পাকপগী ৱারি অমা লৈবা মথৌ তাই । মসিগী মায়পাকপগী ৱারি অসিনা মখোয়গী খাজবগী থাক অদু শেমগৎলি । অফবা মরুপ অমা ওইবা য়াই ।

তিল্লিবা ময়ামগী অহানবা স্ত্রেতেজী অদু মসি ওইগদবনি মদুদি অসিগুম্বা নিংবা কায়দুনা লুপ্লবা এদমিনিস্ত্রেসন অদু অফবা এদমিনিস্ত্রেসনদা মতৌ করম্না ওনবা য়াগদগে । অমসুং মদুগী মওং মতৌনা করি ওইবা য়াবগে । মতৌ অমদি ঐহাক্না হায়খিবা অদুনি লো হেঙ্গিং ফ্রুত অদুবু এচিব তৌদুনা উৎপা অদুনি ।

অনিশুবা ৱাফম অমশু লাক্লি অদুবু মদু য়াম্না লাইবদি ওইদে । মীয়ামগী ইহৌনি, মীয়ামগী ইহৌ হায়রগা মীয়ামগী ইহৌ হেক্তা ওইদে । বাই এণ্ড লার্জ নেগতিভিতীদা মীয়ামগী ইহৌগী ওইথোকপা য়াবা অসি স্পার্কিং পোইন্ত য়াম্না থম্মী । অদুবু পোজিতিবকীদমক্তা অদোম্না অহানবদা কোর তিম অদুবু মহৈ তম্বিবা মথৌ তাই । মীতিং ওফ মাইন্দ মসি য়াম্না মরু ওই । তপ্না তপ্না অহানবা কুরোল, অনিশুবা কুরোল, মঙাশুবা কুরোল, তরেৎশুবা কুরোল, অদোম্না খল্লিবা অদুমক মখোয়নশু খনবা ওইবা, অসিগুম্বা এদমিনিস্ত্রেসনগী মখাদা তিম শেম্বা, অরোইবদা মসিগী নুমীৎ নিনিগী ৱার্কশোপ অসি করিনো? মদু মসিনি মদুদি ভারত সরকারদী ফম্লিবা মীয়ামগী তিমগী পুক্নিংদা ৱাহং অমা লাক্লি, মদুগী ৱাখল্লোন অমসুং অদোমগী ৱাখল্লোন অনিগী মরক্তা খেৎনবা লৈতবা অদুনি । খোংকাপ অনিদি মহাক হন্দোকপা তাই, খোংকাপ অনিদি অদোম্না থাংজিনবা তাই । অমদি মফম অমদদি মীতিং ওফ পোইন্ত অদু লেপথোকপা তাবনি । মীতিং ওফ মাইন্দ শেম্বা তাবনি । মতম অদুদা ক্লিক তৌবা য়াগনি ।

মসিগী নুমীৎ নিনিগী এক্সরসাইজ অসি অদোমবু গ্যান পিনবা পাংথোকপা নত্তে । অদোম করিশু খংদে অমদি মফং অসিদা ফমলিবা মহাক অসি পুম্নমক খংলবা মীওইনি, মহাক্না অদোমবু তম্বিগনি, অসিগুম্বা নত্তে । অদোমগী নাক্তা লৈরিবা এক্সপরিয়েন্স, ইনৌ নৌবা ফিভম, মখোয়শিং অদু মথক্তা লৈরিবা মীওইশিং অসিনশু খংবা অমসুং চৎন লোনচৎ শেম্বা মতংদা মখোয়বু মতেং পাংবা অদুনি ।

মীয়াম্না শরুক য়াবা অসি মীয়াম্না শরুক য়াবনা য়াদে । অদোম্না মীয়াম্বু শম্নহন্নবা সিস্তেমেতিক স্কিম শেমদ্রিফাওবদি । স্বচ্ছ ভারত অভিয়ান- মীদিয়ানা অচৌবা থৌদাং অমা লৌখি, মদুগী মহৈ অমনি । মথক্তগী মখা ফাওবগী তিম্না ফিজিকেল্লি মদুদা শরুক য়ানবা হোৎনখি । মসিগী নেচরেল ইম্পেক্ত অনা লাকখি । অমসুং মীপুম খুদিংমক্না লু নানবগী মনুং চন্না করিগুম্বা খরদি কন্ত্রিব্যুত তৌরি অমসুং চাওথোকচবা পোক্লি । অমসুং অদোম্না উবিরম্লগনি মদুদি লু নানবগী খোংজংদা মায় পাক্না চিংশিনবদা খ্বাইদগী খুকন পাঙ্গলনা উখিবশি অপিক অপিকপা অঙাংশিংনি । মখোয়না মখল অমদা মদুগী এম্বাসেদর ওইখি ।

য়ুমদশু মপু লৈরমগনি, করিগুম্বা খরা তৌবা মতমদা হায়রমগনি ইপু মসি তৌগনু, মোদীজীনা তৌগনু হায় । মসিগী পাওজেল পিবগী শক্তি অসিনা অহোংবা পুরক্লি । ঐখোয়না বেকৱার্দ দিস্ত্রিক্ত হায়গেরা এস্পিরেসন দিস্ত্রিক হায়গেরা? সাইকোলোজিকেল্লি য়াম্না খেৎনবা লৈ ।

ঐখোয়না ঐখোয়গী ৱাহৈ পরেং অদুবু চান্নবা মওংদা শেমবা মথৌ তাই । মদুনা ঐখোয়দা মপুং ফানা পোজিতিব ওইবা ৱাখল্লোনগী মরম ওইরকই । করিগুম্বা মদু ঐখোয়না তৌরগদি অদোম য়েংবিয়ু, অদৌগী নাক য়েত্তা মদুগী মমি তাবা উবা ফংগনি । ঐহাক্না নিংশিংলি মদুদি ঐহাক্কী মরূপ অমা মুম্বাইদা লৈরম্মী । মহাক্কী মওং মতৌ অমা লৈজরম্মী, চহিদা ঐঙোন্দগী হল্লমী । গুজরাতকী মীওইশিং অমসুং লৈবাক অসিদা লৈরিবা মীওইশিং উন্নবা মতমদা কমদৌরি নুঙাইরিব্রা হংবা অসি হৌনশানি । করিগুম্বা মঙোন্দা হকচাংগী ফিভম কমদৌরি হায়না হংলুরগদি অহানবগী মিনিত তরাদি তুমনিংবা ফাওদে হায়রক্কনি, হায়বদি মঙোন্দা হংলুবদা নুঙাইবা ফাওরম্মী । মহাক্কা শকখং মায়খংনবা ঐখোয় খরনা মহাক্কা উন্নবা মতমদা করি ৱাহৈনা হান্না হৌরগা ৱারি শান্নগদগে হায়না খন্নরম্মী । ঐখোয়না ৱারেপ লৌরে, প্রেক্তিকেল ওইবা ৱারেপ লৌরে । অদুদগী হেক উন্নবগা, বাহ! সাহেব য়াম্না মওং তানা উরি, হকচাং য়াম্না নুঙাইরমগদবা মাল্লি । মাইথোংদা মকা লাম্বা অমা উবা ফংলম্মী ।

|

ঐহাক্না অপিকপা প্রোজেক্ত অমা হৌদোকখিবনি ময়াম্না খংলম্বশু য়াই । য়ুনিবর্সিতী অমা হেক্তনা কনভোকেসনগীদমক ঐহাকপু কৌরকপা মতমদা ঐহাক্না মখোয়দা থম্লিবা ৱাফমদি ঐহাক কনভোকেসন্দা লাক্কনি অদুবু ঐহাক্কী অখন্নবা অতিথী ৫০ লোয়নরক্কনি । মখোয়শিংবু নখোয়না মমাংগী রোদা ফমহনগদবনি । প্রধানমন্ত্রীনা হায়বদবু কনানা য়াদবা তৌগনি অমদি মখোয়না খল্লিবদি বিজেপিগী মীওইশিং কৌরক্কদবা ওইরমগনি অসিনি । অদুবু ঐহাক্না হায়রিবদি লায়রবা অঙাংশিং তম্বা সরকারগী স্কুলদগী অঙাং ৫০ পুরক্তুনা কনভোকেসন অদুদা শরুক য়াহল্লু অমসুং কনভোকেসনগী মতুং মখোয়গা উন্নদুনা ৱারি শান্নগে । ঐহাক্না উবা ফংই মদুদি অঙাংশিং অদুশু কনাগুম্বা অমনা গাউন শেত্তুনা লাকপা অদু, তোপী উপতুনা লাকপা অমসুং সর্তিফিকেত লৌবা অদুদা অঙাংশিং অদুগী পুক্নিংদা করিগুম্বা মতমদা মফম অসিদা ঐহাকশু লৌবা লাকপা য়াইনা হায়বা খল্লকই । অশাংবা লেকচর অমনা তৌবা ঙমদবা থবক অদু অঙাং অদুগী পুক্নিংদা এস্পিরেসন অমা লাকই । এস্পিরেস্নেল দিস্ত্রিক্তশিংগীদমক মসি য়াম্না মথৌ তাই মদুদি মফম অদুগী মীচম মীয়ামগী পুন্সিদা এস্পিরেসন লৈরি, মদুগী এস্পিরেসন অদু ঐখোয়না মশক খংদোক্কনি । অনৌবা এস্পিরেসন পোকহন্নবা হায়বা নত্তে, লৈরিবা অদু চেনেলাইজ তৌবনি । ঐখোয়না মতৌ অশুম্না মীয়াম্না শরুক য়াহনবগী থবকশিং পাংথোকপা য়াই ।

ঐখোয়গী লৈরিবা স্কিমশিং অদুদা, স্কুলগী মনুংদা অয়ুক্কী এসেমব্লী পাংথোকই, স্কুল খুদিংমক্তা পাংথোকই । হায়বিয়ু ঐখোয়গী ২০২২ গী তার্গেত অদুদা কনানা ঙাংগনি, হকশেলদা কনানা ঙাংগনি ন্যুত্রিসনদা কনানা ঙাংগনি । নুমীৎ খুদিংগী মিনিৎ তরা তরাদি অঙাং অমা হেক্তনা সবজেক্ত অমা হেক্তদা ঙাংগনি । হিরমশিং অদু নুংশীৎতা শন্দোকখিগনি । ঐহাক্না হায়নিংলিবদি পোৎশকশিং অসি ঐখোয়না মীচম মীয়ামগা শম্নহন্দ্রিবা মখৈ, ঐখোয় মহৈ ফংবা ঙম্লোয় ।

হৌজিক ইনফ্রাস্ত্রকচরগী হিরম অমা লৈরি । লম্বী শেম্মু, লম্বী শেম্মু হায়না ঙংদুনা লৈবসি অচুম্বনি । করিগুম্বা মতমদা বজেতকী কন্সত্রেন ওইবা য়াওই অদুবু করিগুম্বা অদোম্না মখোয়দা থৌদাং শিন্নরবা মদুদি ইচিল ইনাওশিং লম্বীদি শেম্লনি অদুবু লাইনিং শেম্দুনা নাকল অনিমক্তা উ থাগদবনি । উ অদুনা ফিত মঙা ৱাংলবা মতমদা অদোমগী লম্বী অদু শোয়দনা শেম্লগনি । অদোম্না য়েংবিয়ু অদুগুম্লবা খুঙ্গংগী মীওইসিং অদুনা থৌদাং অদু লৌখিগনি । লম্বীগী নাকলদা হৌজিক্তগী হৌনা উ থাবা হৌখ্রগনি অমসুং তুংদা অদোম্না লম্বী শেম্বগী থবক হৌগে হায়রবশু মনরেগাদগী থবক হৌবা য়ারনি, কন্ত্রেক্তর লাক্লগনি । মখোয়গী এস্পিরেসন অমশুং সরকারগী প্রোজেক্ত, অনি অসিগী থেংনফম অদু মখোয় শরুক য়াগদবনি । শরুক য়াবা হেল্লিবা মখৈ লাইবশু হেল্লক্কনি । অমসুং সমস্যা অমদি লৈরি । ঐখোয়গী ওফিসার অমা অনিদি য়াম্না ক্রিয়েতিব ওই, য়াম্না দাইনামিক ওই অমসুং মতম খুদিংদা অনৌ অনৌবা থবকশিং পাংথোকই অদুবু থবকশিং অদু মহাক্কা লোয়ননা চৎখিবা অদু মহাক্কী অপাম্বনি, অমসুং অয়াম্বা জিলাশিংদা লাইবক থিবনা । অমরোমদা স্তেবিলিতী মথৌ তাই, মদু কুইদে, করিগুম্বা কান্দা চহি অমগী মনুংদা ত্রান্সফর তৌখি করিগুম্বা মতমদা চহি অমা মখায়দা ত্রান্সফর তৌখি মদুনা অৱাবগী হিরম অমা ওইরি । ফরে রিজল্ত হেক ফংবগা মদুগীশু লম্বী অমা থিরগনি অদুবু করিগুম্বা ঐখোয়না তিম শেম্বা তারবা । ঐখোয়গী মরক্তা লিচিংবিনবা য়াওদ্রবশু, অমা হেক্তা লাক্লবশু তিম অসি অফবা ওইগনি, দিভিজন ওফ ৱার্ক লৈগনি, রোদ মেপ ক্লিয়ার ওইরগনি, মোনিতর তৌনবা সিস্তেম লৈরগনি, তাইমফ্রেমদা থবক ৱার্কঅউত তৌরগনি, অদোমেনা মশা মথন্নতা মহৈ ফংবা য়ারগনি অমসুং মহৈশিং অসি ফংনবা লম্বীদা ঐখোয়না হোৎনগদবনি হায়না ঐহাক্না লৌই । সমাজকী মথক্তা পোৎলুম ওইদুনা লৈরম্বা জিলা ১১৫ অদু মকোক থিন্দোক্তুনা মপাল থোকখিবদগী লেপ্পা নাইদনা চৎখ্রগনি ।

ঙসি ঐখোয়না জনুৱারিদা ৱারি শান্নরি । বাবা সাহেবকী ভবন অসিদা খন্ন-নৈনরি । এপ্রিল ১৪ অসি বাবা সাহেব অম্বেদকরগী মপোক নুমীৎ পাংথোকই । ঐখোয়না এপ্রিল ১৪ ফাওবগী তাইম তেবল অমা শেম্বা ঙমগদ্রা? এপ্রিল ১৪ ফাওবগী থা ৩ গী মোনিতরিং অমসুং জিলা ১১৫ অসিদা কনানা কদায় য়ৌখ্রবগে হায়বদু ঐখোয়না য়েংগনি অমসুং ঐহাক্কী অপাম্বদি মদুগী রিজল্ত অদুগী মতুং ইন্না ঐহাক্না জিলা ১১৫ অসিদা অফবা অমদা চৎপনি । এপ্রিল থাদা জিলা অদিদা চৎতুনা তিম অদুগা লোয়ননা পুং খরা লৈমিন্নবা, মখোয়না মতৌ করম্না এচিব তৌখিবগে, মদু ঐহাক ইশামক্না খংবা পাম্মী । মদু ঐহাক্না তম্নবা হোৎনগনি । মসিদা অনৌবা পাঙ্গল অমা পিগনি, অনৌবা মঙাল অমা পিগনি, মীয়াম পুন্না শরুক য়াহনগনি, অনৌবা এক্সপরিমেন্ত তৌগনি অমসুং ঐহাক্না পামবদি মদু মতুং মসিদা রুতিন অমা ঐহাক্কী ওফিসকী শরুক ওইহনবা অদুনি ।

লৈবাক অসিনা ঐঙোন্দা থাজবা কয়া অমা থম্লি । লৈবাক অসিদা ফৎতবা অমা থোকপদা ঙসিশু ইশ্বরগী অপাম্বনি হায়নরি । অসিগুম্বা লায়বক ফবা অসি মালেমদা কনাগুম্বা সরকার অমত্তনা মহাক্কী প্রজাশিংদগী ফংলমখিরোই ঐখোয়না ফংলিবা অশুম্না মদুদি ঙসিশু মখোয়না মশাগী লাইবক্তা তাইনৈ, ইশ্বরদা তাইনৈ, ঐখোয়গী মায়কৈরোমদা কৈদৌনুংদা ওনশিল্লক্তে । মসিদগী হেন্বা মীয়াগী মতেং অদু করিবু ওইগনি মসিদগী চাওবা মীয়ামগী ইহুল অদু করি ওইগনি । করিগুম্বা ঐখোয়না মসিবু শকখংবা ঙমদ্রবা, মসিবু ঐখোয়না তাইশিনবা ঙমদ্রবা অমসুং ঐহাক ইশাগী পুন্সি অসি মখোয়গীদমক কায়থোকত্রবদি করিগুম্বা মতমদা ইশা ইথন্তা পাওখুম পিবা ঙমলক্লোই অমসুং মদুনা মরম ওইরগা মরূপশিং দিস্ত্রিক ১১৫ অসি লৈবাক্কী লাইবক্তা অহোংবা পুরক্নবা মরম ওইবা য়াই । অনৌবা ভারতকী মংলানগী অচেৎপা য়ুম্বী মদুদগী লেপ্পা ঙম্বা অমসুং থবক অদু মরূপশিংগী মফমদা লৈরি । ঐহাক্না ময়াম্বু নুঙাইবা ফোংদোকচরি । হায়নিঙায় লৈতনা থাগৎচরি ।