India takes pride in using remote sensing and space technology for multiple applications, including land restoration: PM Modi
We are working with a motto of per drop more crop. At the same time, we are also focusing on Zero budget natural farming: PM ModiGoing forward, India would be happy to propose initiatives for greater South-South cooperation in addressing issues of climate change, biodiversity and land degradation: PM Modiলৈকংলা পাকথোক্লকপা থিংনবা ১৪শুবা কনফরেন্স ওফ পার্তিস ওফ য়ু এন কনভেন্সনদা শরুক য়ারিবা নখোয় ময়াম ভারত্তা লাকপদা ঐনা তরাম্না ওকচরি। মসিগী মীফম অসি ভারত্তা পুরকপগীদমক ঐনা এগজিক্যুতিব সেক্রেতরী ইব্রাহিম জিও ঐনা থাগৎচরি। রেকোর্দ ওইনা শরুক য়ারিবা মসিগী মীফম অসিনা লম মাংশিল্লকপা থিংনবা থবক পায়খৎনবা মালেমগী ওইনা হোৎনরিবা অদু মমি তারি।
ঐখোয়না চহি অনিগী তার্ম অমদা কো–প্রসিদেন্সী ওইদুনা থবক অসিদা মপুং ফানা মতেং পাংনবা ভারতসু থাজবা থম্লি।
মরূপশিং, চহি কয়াগী মমাংদগী ঐখোয়গী ভারত্তা মতম চুপ্পদা লম অসি মরুওইনা লৌরি। ভারতকী চৎনবীদা মালেম অসি অশেংবা ওইনা থাজনরি। অমসুং মমা অমা ওইনা লৌনরি।
অয়ুক্তা য়াহৌরকপা মতমদা ঐখোয়না ঐখোয়গী খোঙনা অয়ুক্তা শোকপা মতমদা মালেম ইমাদা ঙাকপীনবা হায়রি;
সমুদ্রা–ভসানে দেবী পরভাতা–স্তনা–মান্দে।
বিষ্ণু–পাতনি নামাস–তুবয়াম পারা–স্পার্সন সামাসভা–মে
মরূপশিং,
অইং–অশা অমসুং অকোয়বগী ফিবম্না থৱায় পানবশিং অমসুং অয়ুক্তা অকাইবা থোকহল্লি। মালেম অসি অইং–অশা হোংলকপগী ফত্তবশিং মায়োক্নরি হায়বা মীয়াম্না য়ানরে। মসিদা লম মাংশিল্লকপা অমসুং পাম্বীশিং অমসুং শা–উচেকশিং মুৎশিল্লকপগী খুদোংথিবা মায়োক্নরে। অইং–অশা হোংলকপা অসিনা মখল কয়াগী লৈবাক–লৈহাও মাংশিল্লকপা থোকহল্লি ,মসিনা মরম ওইদুনা সমুদ্রগী ইমাই ৱাংখৎলকপা, নোং চুবগী ফিবম কাইরকপা অমসুং শাবদগী লৈঙোইগী নোংলৈ থোকপা থেংনরি।
মরূপশিং, সি.ও.পি.গী খুৎথাংদা ভারতনা মালেমগী মীফম অহুম য়ুম্বু ওইরি। মসিনা রিও মীফমগী মরুওইবা ৱাফম অহুম থবক ওইনা পাংথোক্নবা ঐখোয়না থাজবা পীরি।
অইং-অশা খল কাইরকপা, থৱায় পানবা অমসুং লৈবাক-লৈহাও মাংশিল্লকপা অসি থিংনবা খা-খা মতেং পীনবা হেনগৎহন্নবা থৌরাং কয়া পুখৎপদা ভারতনা হরাওবা পোক্কনি।
মরূপশিং, মরুভুমী পাকথোক্লকপনা মালেমগী লৈবাক ২৩ হেন্না শোকহল্লে হায়বা খঙবদা নখোয় অঙকপা পোক্কনি। মসিনা লম মাংশিল্লকপগা ইরোইননা মালেম অসিনা ঈশিং ফংদবগী অৱাবা থেংনরি। মরম অদুনা ঐখোয়না লৈহাও চেন্দ্রবা লমগী ৱাফম পুখৎলকপদা ঐখোয়না ঈশিং ফংদবগী ৱাফমশু পুখৎলিবা।
ঈশিং ফংবা হেনগৎহনবা, ঈশিং চেন্থখিবা তপথহনবা অমসুং অয়ুক্তা ঈশিং তুংদুনা লৈবা হেনগৎহনবা অসি লম অমসুং ঈশিং ফগৎহন্নবগী অচুম্বা থৌরাংনি। লম মাংশিল্লকপা অমসুং থিংনবা লাল্লোংদা য়ুমফম ওইবা মালেমগী ওইবা ঈশিংগী থবক পায়খৎনবা য়ু.এন.সি.সি.দি.গী লুচিংবশিংদা ঐনা তকশিল্লি।
মরূপশিং, তুংকোইনা চাউখৎনবা লমগী লৈবাক-লৈহাও অমুক হন্না ফগৎহনবা অসি য়াম্না মরুওইবা অমনি। য়ু এন সি সি সিদা পেরিস সি.ও.পি.দা ভারতকী পীফম থোকপা পাউদমশিং পীখ্রে হায়না ঙসি ঐনা নীংশিংলি।
লম, ঈশিং, নুংশিৎ, উ অমসুং থৱায় পানবশিংগী মরক্তা অফবা মরি অমা থম্লিবা ভারতকী চৎনবীশিং লৈরি। মরূপশিং, ভারতকী উমংগী শরুক হেনগৎলকপা অসিদা নখোয় হরাওগনি। ২০১৫ অমসুং ২০১৭কী মরক্তা ভারতকী উ অমসুং উমং অসি হেক্তর মিল্লিয়ন ০.৮ হেনগৎলে।
ভারত্তা চাউখৎ-থৌরাংগীদমক উমংগী লম শীজিন্নখিবদা মদুগা পাকপা-চাউবা মান্নবা লমগী উমং শেমগৎনবা পীগনি। হায়রিবা লম অদুদগী ফংগদবা উগী পোৎথোক্কী শেনফম পীবা দরকার ওই।
উমংগী লম কয়া শেমগৎনবা হৌখিবা চয়োলদা রাজ্য সরকারশিংদা চাউরাক্না য়ু.এস. দোল্লর বিল্লিয়ন ৬ হায়বদি লুপা ক্রোর ৫০,০০০ থাদোকখ্রে।
তোঙান-তোঙানবা পাম্বৈশিং শীজিন্নদুনা পোৎথোক হেনগৎহন্দুনা লৌমীশিংগী শেন্থোক শরুক অনিদা হেনগৎহন্নবা ঐগী সরকারনা থৌরাং অমা পায়খৎলে। মসিদা লম শেমগৎপা অমসুং মাইক্রো ইরিগেসন য়াওরি। ঈশিং মরি অমনা মহৈ-মরোং হেন্না পুথোকপা হায়বা পান্দম অসিদা ঐখোয়না থবক পায়খৎলি। লৌমীশিংদা সোইল হেল্থ কার্দশিং য়েন্থোক্তুনা লৈবাক-লৈহাওগী মগুন লেপ্নবগী স্কিম অমা ঐখোয়না হৌদোক্লে। মসিনা চপ চাবা মহৈ-মরোংশিং, হার মখলশিং অমসুং ঈশিং চাং চানা লৌমীশিংনা শীজিন্নবা ঙম্লগনি। হৌজিক ফাওবদা সোইল হেল্থ কার্দ মিল্লিয়ন ২১৭ য়েন্থোকখ্রে। ঐখোয় বাইও ফর্তিলাইজর শীজিন্নবা হেনগৎলে অমসুং তিলহাৎ হিদাক অমসুং খুৎশেমগী হার শীজিন্নবা হন্থরে।
ঈশিং ফংদবগী মরুওইবা ৱাথোকশিং য়েংশিন্নবা জল শক্তি মিনিস্ত্রী শেম্লে। ঈশিংগী মরুওইবা খঙদুনা ইন্দস্ত্রীগী থবকশিংদগী মহি অমত্তা ঈশিংদা থাদহন্দ্রে। প্লাস্তিক্কী অমোৎপশিং অসি লম মাংহন্নবগী অচৌবা মরম অমা ওইরে। মসিনা হকচাং শোকহনবদা নত্তনা লম মাংহল্লে অমসুং লৌউ-শিংউবদা অকায়বা পীরে।
লাক্লিবা চহিশিংদা ভারত্তা অমুক খক শীজিন্নবা প্লাস্তিক্কী অমোৎপা লৈহল্লরোই হায়না ঐগী সরকারনা লাউথোক্লে। মতমগী মতুংইন্না অমুক খক শীজিন্নবা প্লাস্তিক অসি মালেমগী ওইনা শীজিন্নবা তোক্কনি হায়না ঐ থাজৈ।
মীওইবনা নুংঙাইবা হায়বসি ঈশিং ফংলিবা অকোয়বগী ফিবমগা য়াম্না নক্না মরি লৈনৈ নত্ত্রগা অমুক খক শীজিন্নবা প্লাস্তিক শীজিন্নবা তোকপগা মরি লৈনৈ। মসিগী মতাংদা ঐখোয়না ঙাক্লৌ কয়া পুথোক্কনি অদুবু তশেংনা অহোংবা পুরকপদি থবক তৌরিবা মীওইশিংনা ঙমগনি। শীনফম খুদিংমক্কী মীওইশিংনা শরুক য়াবদগী স্বচ্ছ ভারত মিসনগী মখাদা সেনিতেসনগী খুদোংচাবা ফংবা অসি ২০১৪দা চাদা ৩৮ ওইরম্বদগী ঙসিদি চাদা ৯৯ ওইরে।
মরূপশিং, ভারত্তা মাইপাক্লবা এল দি এন (লেন্দ দিগ্রেদেসন ন্যুত্রেলিতী) লৈবাকশিংনা খঙনবা হোৎনবা অমসুং শীজিন্নবদা ভারতনা মতেং পাংগনি। হৌজিক অমসুং ২০৩০গী মরক্তা ভারতনা অপুনবা লম হেক্তর মিল্লিয়ন ২১ লৈবাক লৈহাও চেন্দবা ফিবমদগী লৈহাও লৈহন্নবা থৌরাং অদু লম হেক্তর মিল্লিয়ন ২৬দা হেনগৎহন্নবা ভারতনা পানদম থম্লি হায়না ঐনা লাউথোক্লি।
মসিনা ভারতনা উমংগী খুৎথাংদা অহেনবা কার্বোন সিন.এম.তি.বি.এন. ২.৫দগী এম.তি.বি.এন. ৩দা হেনগৎহনবা ভারতকী পানদমদা মতেং পাংগনি। লম শেমগৎপদা ভারতনা রিমোত সেন্সিং অমসুং স্পেস তেক্নোলোজীগী মতেং লৌরি। মমল হোংবা সেতিলাইত অমসুং স্পেস তেক্নোলোজীগী খুৎথাংদা মরূপ-মপাং ওইনরিবা লৈবাকশিংগী লম শেমগৎপদা ভারতনা মতেং পাংবদা হরাওগনি।
লৈহাও চেন্দ্রবা লমশিং শেমগৎনবা থবকশিংদা তেক্নোলোজী অমসুং সাইন্তিফিক ওইবা থবকশিং লৌখৎনবা ইন্দিয়ন কাউন্সিল ফোর ফোরেস্ত রিসর্স এন্দ ইজুকেসনদা সেন্তর ফোর এক্সিলেন্স অমা হাংদোক্নবা ঐখোয়না ৱারেপ লৌরে। মসিনা লম লৈহাও চেল্লক্তবগী ৱাথোকশিং য়েংশিনবদা মতেং পাংগনি।
মরূপশিং, থাজবা য়াম্না লৈবা নই দিল্লী দিক্লারেসন অমা লৈগনি হায়না ঐনা খঙই। এল.দি.এন.গী মখাদা ২০৩০দা স্তেনেবল দিবেলপমেন্ত গোলশিং ফংগনি হায়বা ঐখোয়না খঙলে।
ঐখোয়গী খ্বাইদগী লিরবা লাইরিক অমদগী মমিং চৎলবা লাইশোন অমা হায়দুনা ঐ লোইশিনগে:
ওমদ্যৌ: শান্তি: অন্তরিক্ষম শান্তি:
শান্তি হায়রিবা ৱাহৈ অসি ইং-তপ্পগা মরি লৈনবদা নত্তনা নত্ত্রগা অহিংশাগী হিদাক্নি। মফম অসিদা পল্লিবা অসি নুংঙাইবনি। খুদিংমক চৎনবী অমা লৈ, শীজিন্নফম অমা অমসুং খুদিংমক্না মদু মপুংফাহনগদবনি।
ওম দ্যৌ: শান্তি: অন্তরিক্ষম শান্তি:
পৃথিবী শান্তি:,
আপ: শান্তি:,
ওষধিয়: শান্তি, বনস্পতয়: শান্তি: বিস্বেদেবা: শান্তি:
ব্রহ্ম শান্তি:
মালেম ইমা নুংঙাই-য়াইফবা ওইরসনু
মসিদা ঐখোয়গী মালেমদা ঐখোয়গা হিংমিন্নরিবা পাম্বী অমসুং শা-উচেক য়াওরি
মখোয় নুংঙাইরসনু
ঈশিং মরিক খুদিংমক নুংঙাইরসনু
ঈশ্বর নুংঙাই-য়াইফবা ওইরসনু।
সর্বং শান্তি:,
শান্তিরেব শান্তি:,
সা মে শান্তিরেধি॥
খুদিংমক নুংঙাই-য়াইফবা ওইরসনু
ঐসু নুংঙাই-য়াইফবা ওইরসনু
ওম শান্তি: শান্তি: শান্তি॥
ঔম নুংঙাই-য়াইফবা ওইরসনু
ঐখোয়গী অহল-লমনশিংগী ফিলোসোফী অমসুং ৱাখল্লোন অসি অচৌবা ৱাখলনা পীক থল্লি। ঐ অমসুং ঐখোয়গী মরক্তা লৈনরিবা অশেংবা মরি অদু মখোয়না খঙই। ঐখোয় নুংঙাইরগা ঐ নুংঙাইগনি হায়বা মখোয়না খঙই।
ঐখোয়গী অহল-লমনশিংনা হায়রিবা অসি মখোয়গী ইমুং-মনুং নত্ত্রগা লৈকাই অমা নত্ত্রগা মীওইবা নত্তে। মসিদা অতিয়া, ঈশিং, উ পাম্বীশিং, খুদিংমক য়াওরি।
ঐখোয় হিংহল্লিবা অতিয়া, মালেম, ঈশিং, পাম্বীশিং অসি মখোয়না খুরুম্মি। মসি ঐখোয়না অকোয়বগী ফিবম হায়না কৌই। হায়রিবশিং অসি মরাং কাইরবদি, ঐ নুংঙাইগনি- মসি মখোয়গী লাইৱানি। ঙসি ফাওবা মসি য়াম্না মরি লৈনরি।
মসিগী ৱাখল্লোন অসিগা লোয়ন্না মসিগী মীফম অসিদা শরুক য়াবগীদমক ঐনা অদোম অমুক হন্না থাগৎচরি।
অদোম্বু থাগৎচরি।
অদোম্বু হন্না হন্না থাগৎচরি।
