খুরুমজরি!
ভারত মাতা কী জয়!
গুজরাতকী রাজ্যপাল আচার্য় দেবব্রতজী, মমিং লৈরবা রাজ্য অসিগী মুখ্য মন্ত্রী ভুপেন্দ্র পতেলজী, ঐহাক্কী পার্লিয়ামেন্ততা থবক তৌমিন্নরিবা মরুপ অমসুং ভারতীয় জনতা পার্তীগী স্তেৎ প্রসিদেন্ত সি.আর. পতিলজী, গুজরাত সরকারদা স্পোর্তসকী মন্ত্রী ওইরিবা শহরী হর্শ সানঘবিজী, ঐহাক্কী পার্লিয়ামেন্ততা থবক তৌমিন্নরিবা মরুপ শ্রী হসমুখ ভাই পতেল, শ্রী নরহরি অমিন অমসুং অহমদাবাদকী মেয়র মিস্তর কিরিৎ কুমার পরমারজী, অতোপ্পা দিগ্নিতরীশিং অমসুং গুজরাতকী কাচিন-কোয়া খুদিংমক্তগী লেংবীরক্লিবা ঐহাক্কী নহা ওইরিবা মরুপশিং!
ঐহাক্কী মাংদা লৈরিবা নহারোল কয়ানা থৱায় য়াওবা, মসিগী ইথিল অসিনা গুজরাতকী নহারোমশিংনা পন্দোল লোম্বা ঙম্নবা মপুং ফানা শেম শারে হায়বা ময়েক শেংনা তাক্লি। মসি স্পোর্তসকী মহাকুম্ভ খক্তা নত্তনা গুজরাতকী নহারোলগী শখ্তিগী মহাকুম্ভনি। ঐহাক্না ময়ামদা ১১শুবা খেল মহাকুম্ভগীদমক য়াইফ মঙ্গোল পীজরি। ঐহাক্না গুজরাতী রাজ্যপাল মরু ওইনা মুখ্য মন্ত্রী শ্রী ভুপেন্দ্র ভাই পতেলবু অচৌবা থৌরম অসিগীদমক থাগৎপা ফোঙদোকচরি। কোরোনানা মরম ওইরগা খেল মহাকুম্ভ অসি চহি অনি লেপলুরে। অদুবু ভুপেন্দ্র ভাইনা থৌরম অসিবু চাউনা শিনখিবা অসিনা নহা ওইরিবা শান্নরোয়শিংদা মখোয়গী ইথিল অদু নৌহৌনা পোকহনখি।
মরুপশিং,
ঐহাক্না হৌজিকসু নীংশিংলি, ২০১০দা চহি ১২গী মমাংদা ঐহাক্না গুজরাতকী মুখ্য মন্ত্রী ওইরিঙৈ মতমদা খেল মহাকুম্ভ অসি হৌখি। অমসুং ঙসি ঐহাক্না হুল্লম্বা মঙলানগী মরু অদু ঙসিদা মপুং মরৈ ফাবা খোঙনাং অমা ওইরে। ঙসি ঐহাক্না হুনখিবা মরু অদুনা অচৌবা খোঙনাই অমগী শকলোন লৌরি। ২০১০দা পাঙথোকখিবা অহানবা খেল মহাকুম্ভদা গুজরাতনা মশান্না ১৬তা শান্নরোয় লাখ ১৩না শরুক য়াদুনা হৌখি। ২০১৯দা পাঙথোকপা খেল মহাকুম্ভ অসিদা শরুক য়াবগী মশিং অসি নহারোল লাখ ১৩দগী লাখ ৪০ য়ৌখি হায়না ভুপেন্দ্র ভাইনা ঐঙোন্দা তাকপীরি – মশান্না ৩৬ অমসুং পেরা-স্পোর্তস ২৬তা শান্নরোয় লাখ ৪০! কবদ্দী, খো-খো অমসুং তগ ওফ ৱারদগী য়োগাসন অমসুং মল্লখম্ব; স্কেতিং অমসুং তেন্নিসতগী ফেন্সিং ফাওবা ঐখোয়গী নহারোলনা ঙসিদি মশান্না খুদিংমক্তা শীংথানীংঙাই ওইনা শরুক য়ারি অমসুং হৌজিক মসিগী মশিং অসি লাখ ৪০দগী লাখ ৫৫ য়ৌরে। সরকারনা ‘শক্তিদুৎ’ গুম্বা প্রোগ্রামশিং পাইখৎপগী খুত্থাংদা খেল মহাকুম্ভগী শান্নরোয়শিং শৌগৎনবা থৌদাংসু লৌরি। কন্না হোৎনখিবনা শান্নরোয়শিংগী খুমাং চাউশিনহনবা ঙম্বনি। মসিগী চোকথবা লৈতনা হোৎনখিবশিং, শান্নরোয়শিংনা কন্না হোৎনবা; গুজরাতকী মীয়াম্না লৌখিবা ফিরেপ; পুম্নমক অসি হৌজিক্তি মালেমগী শান্নবুংদা মহৈ য়াল্লি।
ঐহাক্কী নহা ওইরিবা মরুপশিং
অদোম্না গুজরাতকী নহারোলশিং অসিগীদমক চাউথোকচবা পোক্তব্রা? গুজরাতকী শান্নরোয়শিংনা শীংথানীংঙাই ওইনা খুমাং চাউশিনবা অসিদা অদোম্না চাউথোকচবা পোক্তব্রা? খেল মহাকুম্ভদগী হৌদুনা ঙসি লৈবাক অসিগী গুজরাতকী নহারোলশিংনা য়ুথ ওলিম্পিক্স, কম্মনৱেল্থ গেম্স অমসুং এসিয়ন গেম্স য়াওনা মালেমগী মশান্না কয়াদা মখোয়গী তেলেন্ত উৎথোক্লি। মসিগা মান্নবা তেলেন্তশিংনা মহা কুম্ভদগী থোরক্লি। মসিনা নহা ওইরিবা শান্নরোয়শিংবু শেম্বীরি। অসিগুম্বা তেলেন্তশিং অসি শান্নবুংদগী থোরক্লি অমসুং ভারতকী মীচং মালেম শিনবা থুংনা শন্দোক্লি।
মরুপশিং,
মতম অমদা মালেমগী স্পোর্তস্তা ভারতনা মশান্না অমা নত্ত্রগা অনিদা খক্তা মশক তাক্লম্মি। মসিনা মরম ওইরগা স্পোর্তসকা মরী লৈনবা লৈবাক অসিগী মীংচৎ অমসুং শক্তাক অদু কাউথোকখি। অদুনা স্পোর্তসকা অমসুং স্পোর্তস ইনফ্রাস্ত্রকচর মোদর্নাইজ তৌবগা মরী লৈনবা রিসোর্সশিং হেনগৎহন্নবা মীৎয়েং চংফম থোকপা অদু চংদনা লৈরকখি। মসি খক্তা নত্তনা, রাজনিতীদা নেপোতিজম তৌরকপা অদুগুম্না স্পোর্তসকী লমদা শান্নরোয়শিং খনবদা ত্রান্সপরেন্সী লৈরক্তবা অসিনা অচৌবা মরম অমসু ওইরক্লি। শান্নরোয়শিংগী তেলেন্ত পুম্নমক সমস্যাশিং অসি থেংনবদা মাংহনখি। মসিগী ইরৈ অসিদগী থোরকপদা ভারতকী নহারোলনা ঙসিদা অতিয়া পক্না ৱাংবা ঙম্লে। গোল্দ অমসুং সিলভর মেদলশিংগী মঙাল অসিনা লৈবাক অসিগী আত্মনির্ভরদা শাহৌ পীবা খক্তা নত্তনা অফবা ফলশিংসু পুরক্লি। মালেমদা নহারোলশিংগী মশিং খ্বাইদগী য়াম্বা লৈবাক অসিনা সপোর্তসকী লমদা অচৌবা ফোর্স অমা ওইরক্লি। ঐখোয়গী শান্নরোয়শিংনা মসি তোকিও ওলিম্পিক্স অমসুং পেরালিম্পিক্সতা উৎখি। ভারতনা অহানবা ওইনা তোকিও ওলিম্পিক্সতা মেদল ৭ লৌখি। চপ মান্নবা রেকোর্দ অসি তোকিও পেরালিম্পিক্সতা ভারতকী মচানুপা অমসুং মচানুপীনা থম্বা ঙমখি। ভারতনা গ্লোবেল কম্পিতিসন অসিদা মেদল ১৯ লৌখি। অদুবু মরুপশিং মসি শুপ্নগী অহৌবনি। ঐহাক্না ঐহাক্কী লৈবাক্কী নহাশিংগী শক্তিদা থাজবা থম্মি, ঐহাক্কী লৈবাক্কী নহা ওইরিবা শান্নরোয়শিংগী খাংবা কনবদা থাজৈ। ঐহাক্না ঐহাক্কী লৈবাক্কী নহা ওইরিবা শান্নরোয়শিংগী মঙলানশিং, ফিরেপ অমসুং কত্থোকপদা থাজবা থম্মি। অদুনা ঙসি ঐহাক্না নহা লাখ কয়াগী মমাংদা ভারতকী নহাশিংগী শক্তিনা লৈবাক অসিবু মাংদা পুগনি হায়না চাউথোক্না হায়জগে। ঙসি তোঙান-তোঙানবা মশান্নশিংদা গোল্দ মেদল লৌবা লৈবাক কয়ামরুমগী মরক্তা ভারতকী মচু অহুমগী ফিরাল অসিনা পাইবা উবা ফংগদবা নুমিৎ অদু কুইদ্রে।
মরুপশিং,
হন্দক্তি য়ুক্রেন্দগী হল্লকখিবা নহাশিং অদু লানফমদগী হল্লকপনি। খোয়না বোম্বা অমসুং নোংমৈদগী নান্থোক্তুনা লাকই। অদুবু মখোয়না মফম অসিদা য়ৌরক্লগা করি হায়খি? মখোয়না হায়, “ঙসি ঐখোয়না মচু অহুমগী ফিরালগী মগুন অদু খঙলে। ঐখোয়না মসি য়ুক্রেন্দা খঙবা ঙমখি”। অদুবু মরুপশিং ঐহাক্না নখোয়দা ৱাফম অমা থমজনীংই। ঐখোয়গী শান্নরোয়শিংনা মেদলশিং লৌরবা মতুংদা পোদিয়মদা লেপ্পা মতমদা অমসুং মচু অহুমগী ফিরালনা পাইবা মতমদা, ভারতকী জাতিগী ইশৈ শকই; অদোম্না মসি তি.ভি.দসু উবীরম্লগনি; ঐখোয়গী শান্নরোবশিংগী মমিৎতগী অহাওবগী পীতাই। মসিবুনি লৈবাকনীংবা হায়রিবা অদু।
মরুপশিং,
ভারতকুম্বা নৌরিবা লৈবাক অমা লমজিংবদা নহারোল পুম্নমক্কী থৌদাং চাউই। নহারোলশিং খক্তা তুংলমচৎ শেম্বা ঙমগনি, অমসুং মসিগীদমক ফিরেপ লৌবা অমসুং মসি শেম্নবা অচেৎপা ফিরেপ অমসুং কত্থোক্লগা শরুক য়াবশিং খক্তনা ঙমগনি। ঙসি মসিগী খেল মহালুম্ভা অসিদা নখোয়গুম্বা গুজরাতকী তোঙান-তোঙানবা মফমশিংদগী, তোঙান-তোঙানবা খুঙ্গংশিং, শহরশিং অমসুং তাউনশিংদগী নহারোল লাখ কয়ানা পুন্না মফম অসিদা কন্নেক্ত তৌরি। নখোয়না নখোয়গী মঙলান মঙফাওনবা ঙম্নবা অয়ুক নুমিদাং খাইদনা হোৎনরি। ঐহাক্না নখোয়গী মঙলানশিংদা নখোয়গী রিজনগী তুংলমচৎ উবা ফংই। ঐহাক্না নখোয়গী জিলাগী তুংলমচৎ উবা ফংই। ঐহাক্না গুজরাত পুম্বগী অমসুং লৈবাক অসিগী তুংলমচৎ নখোয়গী মঙলানশিংদা উবা ফংই। মরম অসিনা ঙসি স্তার্তঅপ ইন্দিয়াদগী স্তেন্দ অপ ইন্দিয়া; মেক ইন ইন্দিয়াদগী আত্মনির্ভর ভারত অমসুং ‘ভোকেল ফোর লোকেল’; অসিদা ভারতকী নহাশিংনা অনৌবা ভারতকী কেম্পেন খুদিংমক্তা থৌদাং লৌরি। ঐখোয়গী নহারোলনা ভারতনা তৌবা ঙম্বা অদু উৎলি!
ঐহাক্কী নহা ওইরিবা মরুপশিং,
ঙসি সোফৱেয়রদগী স্পেস পাৱর, দিফেন্সতগী আর্তিফিসিএল ইন্তেলিজেন্স ফাওবদা ভারতনা লম খুদিংমক্তা খুদুম চনবা ঙম্লি। মালেম্না ভারত অসি অচৌবা পাৱর ওইনা উরু। ‘স্পোর্তস স্পিরিৎ’ না ভারতকী শক্তি শরুক কয়া থোক্না হেনগৎহনবা ঙমগনি। মসি নখোয়গী মাইপাক্নবগী মন্ত্রনি। অমসুং ঐহাক্না মতম চুপ্পদা হায়রি ‘শান্নবা খুদিংমক্না মাইপাকইঙ’ ঐহাক্না নহা পুম্নমক্তা পাউতাক পীরি – কৈদৌনুংদা মাইপাক্নবগী অতেনবা লম্বী থীগনু! অদোম্না রেলৱে প্লেৎফোর্মশিংদা মীওই খরনা থোং লানবগী মহুৎ ত্রেক ওইনা লাল্লি। অদুনা রেলৱে ওফিসিএলশিংনা মেসেজ অমা ইখি – ‘শোর্তকতনা অদোমবুসু তেনশিনহনগনি’। শোর্তকৎকী লম্বী অসি পুন্সি শাংগনদে।
মরুপশিং,
মাইপাক্নবগী মন্ত্র অমা খক্তা লৈ – ‘লোং তর্ম প্লান্নিং অমসুং কন্তিন্যুয়া কম্মিতমেন্ত’। অমুক্তং মাইপাকপা নত্ত্রগা অমুক্তং মাইথিবনা ঐখোয়গী লাস্ত স্তোপ ওইবা য়ারোই! ঐখোয় পুম্নমক্কী ওইনা, ঐখোয়গী বেদনা অসুম্না হায়খি – ‘চরৈবেরি-চরৈবেতি’। ঙসি লৈবাক অসিনা শীংনবা কয়াগী মরক্তা, লেপ্পা লৈরনা, চোকথবা তৌদনা অমসুং হনবা লৈতনা মাংদা চংশিল্লি। ঐখোয়না লেপ্পা লৈতনা কন্না হোৎন্দুনা মাংদা চংশিল্লি।
মরুপশিং,
স্পোর্তসতা ঐখোয়না মাইপাক্নবা ২৩০ দিগ্রী পাঙথোকপা অমসুং অপুনবা তীমনা খ্বাইদগী ফজবা পর্ফোরমেন্ উৎপা মথৌ তাই। মসিদা অফবা শান্নরোয়শিং লৈ। হায়য়ুনে, ক্রিকেৎ তীম অমনা বেত্তিং খক্তা হৈরগা চোলিং হৈতনা নীংথিনা শান্নবা য়াগদ্রা? মখোয়না থোইবা ঙমগদ্রা? তীম অমগী শান্নরোয় অমা খক্তনা নীংথিনা শান্নরগা, অতোপ্পশিং অদুনা শান্নবা হৈত্রবদি কাগদ্রা? মাইপাক্নবগীদমক অপুনবা তীমনা লম খুদিংদা – বেত্তিং, বোলিং অমসুং ফিল্দিংদা নীংথিনা শান্নবা মথৌ তাই।
ইচিল-ইনাওশিং,
ভারতনা স্পোর্তসতা মাইপাকপগী পন্দোল লোম্বা ঙম্নবা লৈবাক অসি ঙসি চপ মান্নবা মওংদা ৩৬০ দিগ্রী থবক তৌবা মথৌ তাই। মরম অসিনা লৈবাক অসিনা হোলিস্তিক এপ্রোচ অমগা লোয়ননা থবক তৌরি। খেলো ইন্দিয়া প্রোগ্রাম অসি মসিগী অচৌবা খুদম অমনি। মমাংদা ঐখোয়গী নহা ওইরিবা তেলেন্ত অসি নমথদুনা থম্লমখি। মখোয়না খুদোংচাবা অমতা ফংখিদে। ঐখোয়না লৈবাক অসিগী তেলেন্তশিং মশক খঙবা অমসুং মখোয়দা মথৌ তাবা মতেং পীবা হৌখি। তেলেন্ত লৈরবসু ঐখোয়গী নহারোকশিংনা ত্রেনিং ৱাৎপনা মাংদা চংশিনবা ঙমখিদে। ঙসি শান্নরোয়শিংদা হেন্না অফবা ত্রেনিং ফেসিলিতীশিং ফংহল্লি। লৈবাক অসিনা শান্নরোয়শিংগীদমক রিসোর্সশিং লৈহন্নদনবা হোৎনরি। হৌখিবা চহি ৭-৮ অসিদা স্পোর্তসকী বজেৎ অসি চাদা ৭০রোম হেনগৎহনখি। তুংগী শান্নরোয়শিংগী মতাংদা চাউনা নুংনাংবা পোকলমখি। খুনদুনা য়েংবীয়ু করিগুম্বা শান্নরোয় অমনা মহাক্কী তুংলমচৎ অদু তম্বা ঙমদ্রবদি শান্নরোয় অদুনা গেম অদুদা ১০০% কত্থোকপা ঙমগদ্রা? মরম অসিনা ঐখোয়না শান্নরোয়শিংদা থৌগৎপা অমসুং এৱার্দশিং পীবা চাদা ৬০ হেন্না হেনগৎহনখি। হৌজিক কোচ খুদিংমক্তা মেদল ফংলকপা শান্নরোয়শিং ত্রেন তৌখিবদা পীবা তোঙান-তোঙানবা স্কিমশিংগী খুত্থাংদা এৱার্দ পীখি। মসিনা মরম ওইরগা ঙসিদি খুঙ্গংগী মফমশিং, শোত্থরবা কাংলুপশিং লোয়ননা লৈবাক অসিগী ত্রাইবেল সোসাইতীদগী তেলেন্ত কয়ামরুম পুথোকপা ঙমহল্লি।
মরুপশিং,
ঐখোয়গী লৈবাক্তা লৈরিবা শান্নরোয়শিংনা অতোপ্পা অঙকপা সমস্যা অমা মায়োক্নরি। মমাংদা করিগুম্বা অদোম্না কনাগুম্বদা – “ঐহাক শান্নরোয় অমনি” হায়না হায়রবদি মীয়াম্না – “ফরেনে অদোম শান্নরোয় অমা ওইরবদি; অঙাং খুদিংমক্না শান্নৈ। অদুবু অদোম্না তশেংনা তৌরিবা অসি করিনো?” হায়বদি মফম অসিদা ঐখোয়না স্পোর্তস হায়বা অসি লায়না তরাম্না ওক্তে।
মরুপশিং,
নুংঙাইতবা তৌগনু। সমস্যা অসি নখোয় খক্তনা মায়োক্নবা নত্তে। ঐখোয়গী লৈবাক্কী অচৌবা শান্নরোয়শিংনসু মসি থেংনৈ।
ঐহাক্কী নহা ওইরিবা মরুপশিং,
ঐখোয়গী শান্নরোয়শিংগী মাইপাকপা অসিনা খুন্নাইদা লৈরিবা ৱাখল্লোন অসিদা অহোংবা পুরকপা হৌরক্লি। হৌজিক মীয়াম্না স্পোর্তসতা কেরিয়র অমা শেম্বা হায়বা অসি মালেমগী নম্বর ৱান ওইবা খক্তা নত্তে খঙলক্লে। নহারোলশিংনা স্পোর্তসকা মরী লৈনবা লমশিংদা কেরিয়র শেম্বা য়াদে। কনাগুম্বনা কোচ ওইবা য়াই। কনাগুম্বনা স্পোর্তস সোফৱেয়র পুথোকপা য়াই। স্পোর্তস মেনেজমেন্ত অসিসু স্পোর্তসকা মরী লৈনবা অচৌবা ফিল্দ অমনি। নহারোল কয়ানা স্পোর্তস রাইতিংদা অচৌবা কেরিয়র শেম্লি। মসিগা মান্নবা মওংদা স্পোর্তসকী মথক্তা ত্রেনর, ফিজিওথেরাপিস্ত অমসুং দাইতিসিয়ন অমগী খুদোংচাবশিংসু থোরক্লি। নহারোলশিংনা ফিল্দ পুম্নমক অসি মখোয় মশাগী কেরিয়র ওপ্সন অমা ওইনা লৌবা য়াই অমসুং মাংদা চাংশিনগদবনি। মসিগীদমক লৈবাক অসিনা প্রোফেস্নেল ইন্সতিত্যুসনশিং হাংলি। খুদম ওইনা ২০১৮দা লৈবাক অসিগী অহানবা নেস্নেল স্পোর্তস য়ুনিভর্সিতী মনিপুরদা হাংখি। স্পোর্তসতা হায়র এজুকেসন তমথনবা য়ু.পি.দা মেজর ধ্যান চান্দ স্পোর্তস য়ুনিভর্সিতীসু লিংখৎলগনি। আই.আই.এম. রোহতাকনা স্পোর্তস মেনেজমেন্তদা পি.জি. দিপ্লোমা হৌখ্রে। গুজরাতকী ‘স্বর্নিম গুজরাত স্পোর্তস য়ুনিভর্সিতী’ অসিসু হায়রিবা অসিগী অচৌবা খুদম অমনি। ‘স্বর্নিম গুজরাত স্পোর্তস য়ুনিভর্সিতী’না মফম অসিদা স্পোর্তস ইকোসিস্তেম দিবেলপ তৌবদা অচৌবা থৌদাং অমা লৌখি। গুজরাত সরকারনা স্পোর্তস ইকোসিস্তেম অমসুং ইনফ্রাস্ত্রকচর পাকথোক চাউথোক্নবা তলুকা অমসুং দিস্ত্রিক্ত লেবেলদা স্পোর্তস কম্প্লেক্সশিংসু শারি হায়না ঐঙোন্দা তাকপীরি। খোঙথাং পুম্নমক অসিনা গুজরাত অমসুং ভারতনা স্পোর্তসকী লমদা লৈরিবা প্রোসেস্নেল প্রজেন্স অসি মপাঙ্গল কনখৎহনবা ঙম্লগনি। গুজরাত্রা কোস্তেল রিসোর্সেস চাউনা লৈ। ঐখোয়দা অশাংবা কোস্তলাইন অমা লৈ। হৌজিক ঐখোয়না ঐখোয়গী কোস্তেল রিজন অসিগা মরী লৈনবা স্পোর্তসকী মাইকৈদা চংশিনবা তাই। ঐখোয়না মফম অসিদা ফজরবা বীচশিং লৈ। খেল মহাকুম্ভদা বীচ স্পোর্তসকী ওইথোকপা য়াবশিং অদু খন্নবা য়াই।
মরুপশিং,
অদোম্না শান্নবদা, হকচাং ফনা লৈয়ু, মদুতদা নখোয়না লৈবাক অসিগী পোতেন্সিএলগা কন্নেক্ত তৌবা ঙমগনি। মদুতদা নখোয়না লৈবাক অসিগী শক্তিদা ভেল্যু এদিসনগী মাস্তর ওইবা ঙমগনি। অমসুং মদুতদা অদোম্না লৈবাক শেম্বগী মাইকৈদা শরুক তম্বা ঙমগনি। ঐহাক্না নখোয় গুম্বা স্তার পুম্নমক খেল মহাকুম্বদা নখোয়গী নশাগী লমশিংদা মাইপাকপা ঙমগনি অমসুং অনৌবা ভারতকী মঙলানশিং মঙফাওনবা ঙমহনগনি। ঐখোয়না ঙসি নহারোলশিং অসিগী ইমুং মনুংগী মীওইশিংদসু রিক্বেস্ত অমা তৌজনীংই। মতম অসি য়াম্না হোংলে। করিগুম্বা অদোমগী ইচা অমনা, ইচানুপা নত্ত্রগা ইচানুপীনা স্পোর্তস শান্নবা পাম্লবদি তেলেন্ত অদু খঙদোকউ অমসুং অঙাং অদুবু পুক্নিং থৌগৎপীয়ু। অঙাং অদুদা মাংদা চংশিন্নবা থৌনা হাপ্পীয়ু। মখোয়বু লাইরিক্কী য়েংলগা পুক্নিং হন্থহনবা তৌগনু। চপ মান্নবা মওংদা খেল মহাকুম্ভগী অহানবা নুমিৎমক্তদা ঐহাক্না হায়খ্রে মদুদি খেল মহাকুম্ভ পাঙথোক্লিবা খুঙ্গং অদুদা খুঙ্গং পুম্বনা শরুক য়াগদবনি। খুপাক খুবা অমসুং পুক্নিং থৌগৎপনা শান্নরোয়শিংদা থৌনা হাপক্কনি। গুজরাতকী প্রজা খুদিংমক্না হকথেংননা খেল মহাকুম্ভদা শরুক য়াবীগদবনি। য়েংবীয়ু, গুজরাতনা মাগী ফিরেল অসি স্পোর্তসকী লমদা পাইহনবা ঙমগনি। গুজরাতকী শান্নরোয়শিংনা ভারত শান্নরোয়শিংগী মরক্তা অথুবদা য়াও ঙম্লগনি। মসিগী থাজবা অসিগা লোয়ননা ঐহাক্না ভুপেন্দ্র ভাই অমসুং মহাক্কী তীম পুম্ববু অমুক্কা হন্না থাগৎপা ফোঙদোকচরি। ঐহাক্না নহারোলশিংদা য়াইফ-মঙ্গোল পীজরি। ঐহাক্কা লোয়ননা হৌনা হায়বীয়ু, ভারত মাতা কী জয়!
ভারত মাতা কী জয়!
ভারত মাতা কী জয়!
ভারত মাতা কী জয়!
হন্না-হন্না থাগৎচরি!
