প্রধান মন্ত্রী শ্রী নরেন্দ্র মোদীনা ঙসি ওস্ত্রেলিয়াগী প্রধান মন্ত্রী শ্রী স্কোত মোরিসনগা লোয়ননা তেলেফোন্দা ৱারী শানখ্রে।
প্রধান মন্ত্রী মোদীনা ওস্ত্রেলিয়াদা য়াম্না শাথিবা মওংদা মতম কয়াগী মমাংদগী নারক মোংশোংদা মৈ চাকপনা মরম ওইদুনা পুন্সী অমসুং লন-থুম কয়া মাং তাকখিবা অদুদা ভারত মচা পুম্নমক্কী মায়কৈদগী অমসুং মহাক্কী মায়কৈদগী থম্মোয় শোক্না নুঙাইতবা ফোংদোকখি। মসিগী মমাংদা অমুক্তা থোকখিদ্রিবা নেচরেল কেলামিতী অসিবু থৌনা ফনা মায়োক্নরিবা ওস্ত্রেলিয়া অমসুং ওস্ত্রেলিয়াগী প্রজাশিংদা ভারতকী মায়কৈদগী অঙম্বা তেংবাং পীগনি হায়নসু মহাক্না খংহনখি।
হৌখিবা চহী খরা অসিদা নাকল অনিগী মরীদা খুমাং চাউশিল্লিবা অসিদা মহাক্কী ওইবা অপেনবা ফোংদোক্লদুনা প্রধান মন্ত্রী মোদীনা ওস্ত্রেলিয়াগা লোয়ননা মসিগী স্ত্রেতেজিক পার্তনরশিপ মপাঙ্গল কনখৎহন্নবা ভারতকী ৱাশক অদু অমুক হন্না ফোংদোকখি।
প্রধান মন্ত্রী মোরিসন অমসুং ওস্ত্রেলিয়াগী প্রজাশিংবু চহী ২০২০গীদমক প্রধান মন্ত্রীনা মহাক্কী ওইবা য়াইফ পাউজেল পীখি।
