প্রধান মন্ত্রী, শ্রী নরেন্দ্র মোদীনা ঙসি মহাক্কা ফম মানবা জর্মনগী ফেদরেল চান্সেলর দাঃ এঞ্জেলা মর্কেলগা ফোন্দা ৱারী শানখ্রে।
লুচিংবশিংনা অফগানিস্তান্দা ওইরিবা সেক্যুরিতীগী ফিভম অমসুং মফমসিগী অমসুং মালেমগী অতৈ মফমশিংদা ওইরক্লিবা অসিগী মতাংদা খন্ন-নৈনখি। মখোয়না উপায় লৈতনা ময়ুমদা হল্লকখ্রবশিংদা অথুবা মতমদা খুদোংচাবা পীবগা লোয়ননা শান্তি থম্বা অমসুং সেক্যুরিতীগী মরুওইবদা লুম্না লৌখি।
লুচিংবা অনি অসিনা কোবিদ-১৯ ভেক্সিনশিং, অইং-অশা অমসুং ইনর্জীদা মিৎয়েং চংদুনা চাউখৎ থৌরাংদা মতেং পীনবা অমসুং ললোল-ইতিক চাউখৎনবা পুক্নিং থৌগৎপা অমসুং ইকোনোমীগী ওইবা মরী থম্বা য়াওনা নাকন অনিগী এজেন্দাদসু খন্ন-নৈনখি। মখোয়না লাক্কদৌরিবা সি.ও.পি.-২৬ মীফম অমসুং য়ুনাইতেৎ নেসন্স সেক্যুরিতী কাউন্সিলদা মেরিতাইম সেক্যুরিতীগী মতাংদা ৱারী শানগদৌরিবা অসিদসু মিৎয়েং থমখি। মখোয়না ইন্দো-পেসিফিক্কী মফমদা নাকন অনিগী ওইবা চপ মান্নবা মিৎয়েং থম্নবা মরুওইনা লৌখি।
