প্রধান মন্ত্রীগী প্রিন্সিপল সেক্রেতরী শ্রী পি.কে. মিশ্রানা আই.আই.তি. রুর্কীনা শিনবা অহানবা জয় কৃষ্ণ মেমোরিএল লেকচরদা ৱা ঙাংখ্রে। লেকচর অসি কোবিদ-১৯ অমসুং ভারতকী দিজাস্তর রিস্ক মেনেজমেন্তগী তুংদা ওইরক্কদবগী মতাংদা মিৎয়েং থমখি।
থৌরম অসিদা ৱা ঙাংলদুনা প্রিন্সিপল সেক্রেতরীনা হায়খি দিজাস্তর রিস্ক মেনেজমেন্তগী স্কোপ অসি হেনগৎলক্লি। মহাক্না মখা তারদুনা হায়খি মসিগী স্কোপ অসি চাউথোরক্লি অমসুং মসিদা সবজেক্ত কয়া অমগা পুনশিল্লি অমসুং মসি অকক্নবা অপীকপা লম অমা খক্তা ওইদ্রে।
মখা তারদুনা শ্রী মিশ্রানা তুংলমচৎতা লাইচৎনা ওইহল্লকপা ফীভমশিং লাকশিন্নবা লৌখৎকদবা মথৌ তাবা খোংথাংশিংগী মতাংদা ফোঙদোকখি। মহাক্না হায়খি কোবিদ-১৯ লাইচৎনা লৈবাক অসিনা তুংদা অফবা ওইনবা পোরম য়াৎনবা পরা অমা ওইনা তম্বীখি।
