“অপীকপা অহোংবা কয়া পুরকপগী মতম হেনখ্রে। ঐখোয়না মথৌ তারিবদি লোকেল, নেস্নেল অমসুং গ্লোবেল সীস্তেমদা অহোংবা পুরকপনি”
“ঐখোয়না ভারত্তা দিজাজতর রিস্ক রিদক্সন্দা ফাইনান্স তৌবগী মতৌদা মপুং ফানা অহোংবা পুরকখ্রে”“’মাইয়োক্নবা ঙম্নবা শেম শাবা’গুম্না, ঐখোয়না ‘রিকবরীগীদমক্তা শেম শাবা’ হায়বসিদা অহেনবা মিৎয়েং চঙফম থোকই”প্রধান মন্ত্রীগী প্রিন্সিপাল সেক্রেতরী, শ্রী প্রমোদ কুমার মিশ্রানা ঙসি চেন্নৈদা G20 দিজাজতর রিস্ক রিদক্সন ৱর্কিং গ্রুপকী অহুমশুবা মীফমদা ৱা ঙাঙখ্রে।
প্রধান মন্ত্রীগী প্রিন্সিপাল সেক্রেতরীনা হন্দক্কী চহিগী মার্চতা পাংথোকপা অহানবা মীফম্বু নীংশিংখি অমসুং মতমদুদগী হৌনা মমাংদা অমুক্তা থোকখিদ্রিবা অইং-অশা হোংবগা মরী লৈনবা অমাঙ অতা কয়াগী মতাংদা পনখি। অৱাংথংবা হেমিস্ফিয়র অপুনবদা থোকখিবা কা হেনবা হিত ৱেব, কনাদাদা থোকখিবা লাম্মৈ চাকপা অমসুং মসিনা মরম ওইরগা অৱাং অমেরিকাগী শরুক কয়াদা লৈবা শহরশিংদা মৈখুনা শোকহনখিবা অমসুং ভারতকী নোংপোক অমসুং নোংচুপথংবা সমুদ্র মপানশিংদা অকনবা সাইক্লোনগী থৌওং থোকখিবশিংগী খুদম কয়া মহাক্না পীখি। মহাক্না দিল্লীনা চহি 45দা থেংনখিবা খ্বাইদগী চাউবা ঈশিং ইচাউগী থৌদোক্কী মতাংদসু পনখি।
অইং-অশা হোংবগা মরী লৈনবা অমাঙ-অতা অসি মহৌশাগী ওইনা য়াম্না চাওই অমসুং অমগা অমগা মরী লৈনৈ, অমসুং মসিগুম্বা থৌদোকশিং অসি ঐখোয়গী মফমদা থোকপা হৌরবনি হায়না প্রিন্সিপাল সেক্রেতরীনা হায়খি। মালেম্না থেংনরিবা শিংনবা অমসুং অইং-অশা হোংবগী শাফুনা গ্রহ শিনবা থুংবদা নংহল্লিবা অৱাবা কয়াগী মতাংদা পল্লদুনা, মহাক্না G20 দিজাজতর রিস্ক রিদক্সন ৱর্কিং গ্রুপকী মরু ওইবদা মীয়ামগী পুক্নিং চীংশিনখি। গ্রুপ অসিনা মায় পাকপা কয়া য়াম্না ফংলবসু, মালেম্না থেংনরিবা শিংনবশিংগী চাংগা মান্ননা চৎপগী মরু ওইবা লৈরি হায়না মহাক্না মখা তাখি। অপীকপা অহোংবা কয়া পুরকপগী মতম হেনখ্রে, অমসুং অনৌবা অমাঙ অতা অমুক থোক্লকপা থিংনবা অমসুং হৌজিক থেংনরিবশিংবু নীংথিনা মাইয়োক্নবা ঙম্নবা লোকেল, নেস্নেল অমসুং গ্লোবেল সীস্তেমদা অহোংবা পুরক্নবা ফম্বাক অমা শেম্লবনি হায়না মহাক্না মরু ওইনা ফোংদোকখি।
মরী লৈনবা থবকশিংগী শাফু হেনগৎহন্নবা লৈবাক অমসুং মালেমগী লৈরিবা তোঙান-তোঙানবা থৌওংশিং পুন্সিন্নবগী মথৌ তারিবা অসিদা মহাক্না মিৎয়েং চঙলদুনা, শিংনবশিংগী ৱারোইশিন পুরকপগী থৌওং ওইনা শিজিন্নবগী মথৌ তারে হায়না প্রিন্সিপাল সেক্রেতরীনা হায়খি। মহাক্না UN সেক্রেতরী জেনেরেলগী ‘আর্লী ৱার্নিং ফোর ওল’ খোঙথাংবু থাগৎপা ফোংদোক্লদুনা G20না ‘আর্লী ৱার্নিং অমসুং আর্লী এক্সন’ অসিবু প্রাইওরিতী মঙাগী মনুংদা অমা ওইনা শকখঙলে অমসুং মসিদা অহেনবা মিৎয়েং চঙলি হায়না পাউদমখি।
দিজাজতর রিস্ক রিদক্সনগীদমক্তা ফাইনান্স তৌবগী হীরমগী মতাংদা, প্রিন্সিপাল সেক্রেতরীনা দিজাজতর রিস্ক রিদক্সনগী থাক খুদিংগী ওইনা মওং-মরিল নাইবা থৌওং অমা ইনবগী মথৌ তাই হায়না ফোংদোকখি। মমাংগী চহি খরদা, ভারত্তা দিজাজতর রিস্ক রিদক্সন্দা ফাইনান্স তৌবগী মতৌদা মপুং ফানা অহোংবা পুরকখ্রে, অমাঙ অতা থোকপা মতমদা মরী লৈনবা থবক পায়খৎপদগী হেন্দোক্তুনা অমাঙ অতাগী চাং হন্থহনবা, মাইয়োক্নবা ঙম্নবা শেম শাবা অমসুং মসিদগী মায় পাক্না থোক্লকপা ঙম্নবা পাংথোকপা থৌওংশিংগীদমক্তা ফাইনান্স তৌনবা প্রেদিক্তেবল ওইবা মেকানিজম অমসু হৌজিক লৈরে হায়না মহাক্না মখা তাখি। “ঐখোয়না মসিগুম্বা থৌওং অমা ঐখোয়না মালেমগী থাক্তা লৈহনবা য়াগদরা?”, প্রিন্সিপাল সেক্রেতরীনা হংখি। দিজাজতর রিস্ক রিদক্সনগী মতাংদা লৈরিবা ফাইনান্সিংগী মখল কয়াগী থৌওংশিং অসিবু পুন্সিনবগী তঙাই ফদবা লৈবসিদা মহাক্না মীয়ামগী পুক্নিং চীংশিনখি। ক্লাইমেত ফাইনান্স হায়বসি দিজাজতর রিস্ক রিদক্সনগী ফাইনান্সিংগী মরু ওইবা শরুক অমা ওইফম থোকই হায়না মহাক্না হায়খি। দিজাজতর রিস্ক রিদক্সনগী তঙাই ফদবশিংগীদমক্তা প্রাইভেত ফাইনান্স পাংথোকপদা থেংনরিবা শিংনবশিংগা মাইয়োক্নবগী মথৌ তাবসিদা মহাক্না মরু ওইবা পীখি। “দিজাজতর রিস্ক রিদক্সনগী হীরমদা প্রাইভেত ফাইনান্সকী পুক্নিং চিংশিন্নবা সরকারনা করম্বা মখলগী ইনভাইরনমেন্ত শেম্বগী মথৌ তাগনি? G20না হীরম অসিদা করম্না খোঙদাগনি অমসুং দিজাজতর রিস্ক রিদক্সন্দা তৌরকপা প্রাইভেত ইনভেস্তমেন্ত অসিবু কোর্পোরেত সোসিএল রেস্পোন্সিবিলিতী ওইবখক নত্তনা থৌওং অসিনা ফর্মশিংগী কোর ব্যুজিনেসকী শরুক অমা মতৌ করম্না ওইহনগনি?”, মহাক্না মখা তাখি।
G20 লৈবাক কয়া অমা, UN অমসুং অতোপ্পা কয়াগা খুৎশম্নদুনা চহি খরগী মমাংদা শেমখিবা কোলেসন ফোর দিজাজতর রেজিলিএন্ত ইনফ্রাস্ত্রকচরগী কান্নবশিংবু প্রিন্সিপাল সেক্রেতরীনা পাউদমখি। কোলিএসন থবক অসিগী মতাংদা প্রিন্সিপাল সেক্রতরীনা হায়বদা, মসিনা চাউখৎলক্লিবা অপীকপা ইথৎকী লৈবাকশিং য়াওনা লৈবা কয়াদা রিস্ক এসেসমেন্ত অমসুং মসিগী হীরম কয়াবু হেন্না নীংথিনা পাংথোক্নবা ৱাফম খঙহনবগা লোয়ননা ইনফ্রাস্ত্রকচর শেমগৎ শাগৎপদা রিস্ক খঙনা ইনভেস্তমেন্ত পাংথোকপদা মখোয়গী স্তেন্দর্দ হেন্না ৱাংখৎহনবদসু তেংবাংই হায়না মহাক্না ফোংদোকখি।
ৱর্কিং গ্রুপ অসিনা হোৎনরিবা প্রাইওরিতী মঙামক্তা মশক থোকপা মায় পাকপা ফংবসিদা মহাক্না নুংঙাইবা ফোংদোকখি। মথংগী নুমিৎ খরনিসিদা খন্নগদৌরিবা কম্ম্যুনিক অসিগী জিরো দ্রাফকী মতাংদা হায়রদুনা, শ্রী মিশ্রানা মসিনা G20 লৈবাকশিংগী দিজাজতর রিস্ক রিদক্সনগা মরী লৈনবা ময়েক শেংবা অমসুং স্ত্রেতজিক ওইবা এজেন্দা অমা থম্লি হায়খি। মমাংগী থা মরিদা পাংথোক্তুনা লাক্লিবা ৱর্কিং গ্রুপ অসিগী খন্ন-নৈনবদগী থোকলকখিবা পুন্সিনবা, য়ানবা পুরকপা অমসুং শেমগৎমিন্নবগী ইথিলশিং অসি মথংগী নুমিৎ হুম্নি অমসুং মখা তারকপা মতমশিংদসু অদুমক লৈখিগনি হায়না মহাক্না ফোংদোকখি।
প্রিন্সিপাল সেক্রেতরীনা খোঙথাং অসিগী মনুংদা লৌশিংগী পার্ত্নরশিংদগী লেপ্তনা ফংখিবা তেংবাং, মরু ওইনা, গ্রুপ অসিগী থবক থৌরমশিংদা UN সেক্রেতরী জেনেরেলগী অখন্নবা মীহুৎ, শুকুমারী মামি মিজুতোরীনা মশামক য়াওনা হোৎনখিববু থাগৎপা ফোংদোকখি। ৱর্কিং গ্রুপ অসিগী এজেন্দা শেম্বদা TROIKAগা তেংবাংমিন্নবা অসিদা নুংঙাইবসু ফোংদোকখি। ইন্দোনেসিয়া, জাপান অমসুং মেক্সিকো য়াওনা মমাংগী প্রসিদেন্সীশিংনা শেম্লম্বা ফম্বাক্তা য়ুম্ফম ওইদুনা ভারতনা এজেন্দা অসিবু খুমাং চাউশিলহনখিবা অসিদা মহাক্না মিৎয়েং চঙলদুনা ব্রাজিলনা মসিবু হেন্না খুমাং চাউশিলহনগনি হায়না মহাক্না থাজবা ফোংদোকখি। প্রিন্সিপাল সেক্রেতরীনা ব্রাজিলগী সেক্রেতরী ৱোলনৈবু মীফম অসিদা তরাম্না ওকখি অমসুং তুংলমচত্তা খোঙদাবদা ভারতনা অঙম্বা মতেং পাংগনি হায়বগী থাজবসু পীখি।
ভারতকী প্রসিদেন্সীগী অকোনবা থা নিপানগী মনুংদা লৈবাক পুম্বনা মরী লৈনবা থবক থৌরমশিংনা থৱাই য়াওনা শরুক য়াখি অমসুং হৌজিক ফাওবদা লৈবাক শিনবা থুংবগী মফম 56তা পুন্না মীফম 77 পাংথোকখি হায়না প্রিন্সিপাল সেক্রেতরীনা হায়খি। খন্ন-নৈনবশিংদা দেলিগেতশিংনা থৱাই য়াওনা শরুক য়াখিবগা লোয়ননা মখোয়না ভারতকী খুন্নাই, চৎনবী অমসুং মহৌশাগী ওইবা মখল-মখা কয়াসু উবা ফংখিবগী ৱাফম্বু মহাক্না মীয়ামদা ফোংদোকখি। “G20 এজেন্দাগী মরু ওইবা হীরম কয়াদা মশক থোক্না মায় পাকখি। থা অমা মখায়গী মনুংদা পাংথোক্কদৌরিবা সম্মিত মীফম অসিদি মশক থোকপা থৌরম অমা ওইগনি হায়বগী ঐহাক্না থাজৈ। পুম্নমক অসিগী মহৈ পুরকপদা অদোম পুম্নমক্না য়াগদৌরিবা থৌদাং অসি য়াম্না চাউগনি”, প্রিন্সিপাল সেক্রেতরীনা হায়খি।
UN সেক্রেতরী জেনেরেলগী অখন্নবা মীহুৎ, শুকুমারী মামি মিজুতোরী; ভারতকী G20 শের্পা, শ্রী অমিতাব কান্ত; G20গা লোয়ননা অতোপ্পা মীথুংলেন লৈবাক্কী মেম্বর; মালেমগী লুপশিংগী ওফিসিএল; ৱর্কিং গ্রুপ অসিগী লুচিংবা, শ্রী কমল কিশোর; নেস্নেল দিজাজতর মেনেজমেন্ত ওথোরিতী, নেস্নেল দিজাজতর মেনেজমেন্ত ইন্সতিত্যুত অমসুং গৃহ মন্ত্রালয়গী ওফিসিএলশিংসু থৌরম অসিদা শরুক য়াখি।
