প্রধান মন্ত্রী, শ্রী নরেদ্র মোদীনা ২০২২গী এপ্রিল ১৫গী অয়ুক্কী পুং ১১ তাবা মতমদা ভীদিও কফরেন্সিংগী খুত্থাংদা গুজরাতকী ভুজদা কে.কে. পতেল সুপর স্পেসিয়েলিতী হোসপিতাল লৈবাক মীয়ামদা কৎথোক্লগনি। মসিগী হোসপিতল অসি ভুজগী শ্রী কচ্ছি লেৱা পতেল সমাজনা শাখিবনি।
মসিনা কচ্ছতা খ্বাইদগী অহানবা চেরিতেবল সুপর স্পেসিয়েলিতী হোসপিতলনি। মসি ফমুং ২০০ লৈবা হোসপিতলনি। মসিনা সুপর স্পেসিয়েলিতী সার্বিসশিং খুদম ওইনা ইন্তর্ভেন্সন কার্দিয়োলোজী (কেথলেব), কার্দিয়োথোরাসিক সর্জরী, রেদিয়েশন ওনকোলোজী, মেদিকেল ওনকোলোজী, সর্জিকেল ওনকোলোজী, নেফ্রোলোজী, য়ুরোলোজী, ন্যুক্লিয়র মেদিসিন, ন্যুরো সর্জরী, জোইন্ত রিপ্লেসমেন্ত অমসুং অতোপ্পা সপোর্তিব ওইবা সার্বিসশিং খুদম ওইনা লেবোরেতরী, রেদিয়োলোজী অসিনচিংবশিং অসি পীরি। হোসপিতল অসিনা মেদিকেল সুপর স্পেসিয়েলিতী সার্বিসশিং অসি য়াম্না হোংবা মমলদা লমদম অসিগী মীয়ামগীদমক্তা য়াম্না লাইনা ফংহল্লি।
