প্রধান মন্ত্রী শ্রী নরেন্দ্র মোদী ঙসি জলপাইগুরিদা চৎখ্রে। মফম অদুদা মহাক্না এন.ঐচ. ৩১ দিগী ফালাকাতা-সালসালাবরি সেক্সনগী লেন মরিগীদমক উরেপ উয়ুং তমখি অমসুং অনৌবা হাই কোর্ত বেঞ্চ শঙ্গাখি।
কিলোমীতর ৪১.৭ শাংবা ফালাকাতা-সালসালাবরি স্ত্রেতস অসি নেস্নেল হাইৱেজ দিবেলপমেন্ত প্রোজেক্ত (এন.ঐচ.দি.পি.) ফেজ IIগী মখাদা পায়খৎপা ইস্ত-ৱেস্ত কোরিদোরগী শরুক অমনি অমসুং অৱাং নোংপোক্তা কনেক্তিবিতীগীদমক মরুওইবা লিঙ্ক অমনি। প্রোজেক্ত অসি বুইল্দ-ওপরেৎ-ত্রান্সফর (বি.ও.তি.) (তোল) মোদ ওফ দেলিবরিদা দিজাইন, বুইল্দ, ফাইনান্স, ওপরেৎ এন্দ ত্রান্সফর (দি.বি.এফ.ও.তি.) বেসিসতা চহী ২.৫দা মপুং ফানা লোইশিনগনি। প্রোজেক্ত অসিনা সলসালাবরি অমসুং অলিপুরদ্বারদগী সিলিগুরি ফাওবগী অরাপ্পা চাওরাক্না কিলোমীতর ৫০ হন্থরগনি।
জলপাইগুরিদা লৈরিবা কলকত্তা হাই কোর্তকী সর্ক্যুইৎ বেঞ্চ অসিনা নোর্থ বেঙ্গোলগী দার্জলিং, কলিমপোং, জলপাইগুরি অমসুং কুচ বিহারগী মীয়ামদা খোংজেল য়াংনা জস্তিজ ফংহল্লগনি। জিলা মরি অসিদা লৈরিবা মীওইশিংনা কলকত্তা হাই কোর্ত্তা কিলোমীতর ৬০০ চৎপগী মহুৎ কিলোমীতর ১০০ য়ৌদনা বেঞ্চ অসিদা লাক্তুনা থবক চত্থবা য়ারগনি।
