প্রধান মন্ত্রী শ্রী নরেন্দ্র মোদী, ২০১৯গী ফেব্রুৱরী ১৬তা মহারাস্ত্রগী য়াবৎমাল অমসুং ধুলেদা চৎকনি। রাজ্য অসিদা মহাক্না প্রোজেক্ত কয়া মায়খুম হাংদোক্কনি।
য়াবৎমাল
প্রধান মন্ত্রীনা নন্দেদতা একলব্যা মোদেল রেসিদেন্সিয়েল স্কুল বত্তন নম্দুনা শঙ্গাগনি। স্কুল অসি মহৈরোই ৪২০গী অপুনবা কেপাসিতীগা লোয়ননা খুদোংবা পুম্নমক লৈগনি। মসিনা ত্রাইবেল মহৈরোইশিংগী মরক্তা এজুকেসনগী ক্বালিতী ফগৎহনবদা মতেং ওইগনি অমসুং মখোয়গী ওভরওল গ্রোথ অমসুং পর্সোনেল দিবেলপমেন্তকীদমক লম্বী অমা পীরগনি।
প্রধান মন্ত্রী অৱাস য়োজনা (পি.এম.এ.ৱাই.)গী মখাদা শাখিবা য়ুমশিংগী ই-গৃহ প্রবেশকীদমক খনগৎলবা বেনেফিসরীশিংদা প্রধান মন্ত্রীনা শোজৈশিং শিন্নগনি।
ভীদিও লিঙ্ককী থোংদা প্রধান মন্ত্রীনা অজনি (নাগপুর)- পুনে ত্রেন লমথাগনি। ত্রেন অসিদা থ্রী তায়র এয়র কন্দিসন কোচশিং য়াওগনি অমসুং অহিং অমদা নাগপুর অমসুং পুনেগী মরক্তা সর্বিস তৌগনি। সেন্ত্রেল রোদ ফন্দ (সি.আর.এফ.)গী মখাদা বতন নমদুনা লম্বীশিংগী উরেপ উয়ুং তমগনি।
প্রধান মন্ত্রীনা মহারাস্ত্র স্তেত রুরেল লাইবলিহুদ মিসনগী মখাদা নুপী সেলফ হেল্প গ্রুপশিংদা সর্তিফিকেৎশিং/ চেকশিংসু য়েন্থোক্কনি।
ধুলে:
তুংদা প্রধান মন্ত্রী মহারাস্ত্রগী ধুলেদা চৎকনি। মফমদুদা মহাক্না পি.এম.কে.এস.ৱাই.গী মখাদা লাৱর পানাজরা মেদিয়ম প্রোজেক্ত শঙ্গাগনি। প্রোজেক্ত অসি ২০১৬-১৭তা প্রধান মন্ত্রী কৃশি সিঞ্চাই য়োজনা (পি.এম.কে.এস.ৱাই.)গী মনুং চহহনখি। মসিনা অপুনবা ১০৯.৩১ মীতর ক্যুবিক মীতরগী ৱাতর স্তোরেজ কেপাসিতীগা লোয়ননা হেক্তর ৭৫৮৫দা ইরিগেসন ফংহন্দুনা ধুলে জিলাগী খুঙ্গং ২১দা কানহল্লগনি।
প্রধান মন্ত্রীনা সুলৱাদে জম্ফাল কানোলি লিফ ইরিগেসন স্কিমগী উরেপ উয়ুং তমগনি। স্কিম অসিগী মখাদা নুমীৎ ১২৪গী নোংজুথাদা তাপি তুরেলদগী ইচাউগী ঈশিং ৯.২৪ তি.এম.সি. চিথোকখিবা ঙমহল্লগনি। মসিনা ধুলে জিলাগী চাউরাক্না খুঙ্গং ১০০গী হেক্তর ৩৩৩৬৭গী এরিয়াদা ইরিগেসন ফংহন্নবা পানরি।
প্রধান মন্ত্রীনা অমরুৎকী মখাদা ধুলে সিতী ৱাতর সপ্লাই স্কিমগী উরেপ উয়ুং তমগনি। মসিনা ইন্দস্ত্রীয়েল অমসুং কমর্সিয়েল গ্রোথতা ইনোৎ পীনবা ঈশিং ফংহল্লগনি।
মহাক্না ধুলে-নার্দানা রেলৱে লাইন অমসুং জলগাও- মনমাদা ৩শুবা রেলৱে লাইনগী উরেপ উয়ুং তমগনি। ভীদিও লিঙ্ককী থোংদা প্রধান মন্ত্রীনা ভুসাবল-বান্দ্রা খানদেশ এক্সপ্রেস ত্রেন লমথাগনি। মসি অহিংদা চেনগদবা ত্রেন অমনি অমসুং মুম্বাই অমসুং ভুসাবলগী মরক্তা দাইরেক্ত কনেক্তিবিতী ফংহল্লগনি। ত্রেন অসি হপ্তা অমদা অহুমলক চেনগনি।
মহাক্না জলগাও-উধানা দবলিং অমসুং ইলেক্ত্রিফিকেসন রেল প্রোজেক্ত শঙ্গাগনি। প্রোজেক্ত অসিনা পেসেঞ্জর অমদি পোৎ চৈশিং পুথোক পুশিন তৌবগী চাং হেঙ্গৎহল্লগনি। মসিনা সেক্সন অসিদা নান্দুরবার, বায়ারা, ধারনগাও অমসুং অতোপ্পা মফমশিং চাউখৎহন্নবা মচাক অমা ওইরগনি।
