২০১৯ নবেম্বর ৯দা পঞ্জাবকী গুরদাসপুরগী দেরা বাবা নানকতা কারতারপুর কোরিদোরদা প্রধান মন্ত্রী নরেন্দ্র মোদীনা ইন্তেগ্রেতেদ চেক পোস্ত হাংদোক্কনি ।
সুলতানপুর লোধিদা লৈবা বের সাহিব গুরুদৱারাদা প্রধান মন্ত্রী লাই খুরুমগনি । তুংদা প্রধান মন্ত্রীনা দেরা বাবা নানক্ত মীয়ামগী থৌরম অমা শরুক য়াগনি । আই সি পি হাংদোকপা অসিনা ভারতকী লাইখুরুম্বা মীওইশিং পাকিস্থানগী কারতারপুর সাহিবতা চৎপদা খুদোংচাহনগনি ।
দেরা বাবা নানক, মালেমগী ঙমখৈ, জিরো পোইন্তদা কারতারপুর সাহিব থবক হৌনবা ২০১৯গী ওক্তোবর ২৪দা ভারত অমসুং পাকিস্থান য়ানচে খুৎয়েক পীনখিবনি।
লৈবাক শীনবা থুংনা অমসুং মালেম শীনবা থুংনা শ্রী গুরু নানক দেব জিগী ৫৫০শুবা মপোক নুমিৎ পাংথোক্নবা ২০১৮গী নবেম্বর ২২দা কেন্দ্রগী মন্ত্রীমন্দলনা ৱারেপ লৌখিবনি ।
ভারত্তগী লাইখুরুম্বা মীওইশিং চহি চুপ্পা গুরদৱারা দারবার সাহিব কারতারপুরদা চৎপা য়ানবা মালেমগী ঙমখৈদগী দেরা বাবা নানক ফাওবা কারতারপুর সাহিব কোরিদোর শেমগৎনবা কেন্দ্রগী মন্ত্রীমন্দলনা অয়াবা পীখিবনি ।
লাইখুরুম্বা মীওইশিংগী খুদোংচাবশিং
অমৃতসর–গুরদাসপুর হায়ৱেজদগী দেরা বাবা নানক শম্নবা কিলোমিতর ৪.২ শাংবা লেন মরিগী হায়ৱেজ অসি লুপা ক্রোর ১২০ চংনা শেমগৎপনি। অনৌবা পেসেঞ্জর তরমিনেল বিল্দিং অসি লম একর ১৫দা শাবনি । এয়রপোর্ত মানবা মপুংফানা এয়রকন্দিসন ওইরবা বিল্দিং অসিদা ইম্মিগ্রেসন কাউন্তর ৫০ লৈদুনা নোংমদা লাইখুরুম্বা মীওই ৫০০০ খুদোংচাবা পীবা য়াগনি ।
বিল্দিং মনুংদা চা য়োনফম, তোইলেত, অঙাং লৈফম, ফাস্ত এইদ , লাই খুরুমফম য়াওরে । মসিদা সি সি তি ভি অমসুং অমসুং পব্লিক এদ্রেস সিস্তেমশিং লৈরি ।
মালেমগী ঙমখৈদা ফিত ৩০০ শাংবা লৈবাক্কী ফিরাল অমা চিংখৎলে ।
ওক্তোবর ২৪দা পাকিস্থানগা খুৎয়েক পীনখিবা অদুদা কারতারপুর সাহিব কোরিদোর থবক হৌনা ঙাক্লৌ অমা পীরি ।
য়ানখিবা অদুগী চাউরাকপা শক্তম :-
- লাইনিং খুদিংমক্কী ভারতমচাশিং অমসুং ভারত্তগী হৌখিবা মীওইশিং কোরিদোর অসি শীজিন্নবা য়াগনি ;
- ভিসা য়াওদ্রবসু চৎথোক-চৎশিন য়াগনি;
- লাইখুরুম্বা মীওইশিং চৎনরিবা পাসপোর্ত পুরক্কদবনি;
- ভারত্তগী হৌখিবা মীওইশিংনা ও সি আই কার্দ অদু মখোয়গী পাসপোর্তশিংগা লোয়ন্না পুরক্কনি;
- কোরিদোর অসি নোংঙানবদগী নুমিৎ তাবা ফাওবা হাংদোক্কনি । অয়ুক্তগী চৎখিবা মীওইশিং নুমিৎ অদুদা হল্লক্কদবনি;
- মাংজৌন্না খঙহল্লকপা নুমিৎশিং নত্তনা কোরিদোর অসি চহি চুপ্পা হাংগনি;
- লাইখুরুম্বা মীওইশিংনা মথন্ত নৎত্রগা কাংবু ওইনা চৎনবা অমসুং খোঙনা চৎনবা অপাম্বা খনগনি ;
- চৎকদবা তারিগকী নুমিৎ ১০গী মমাংদা ভারতনা পাকিস্থানদা লাইখুরুম্বা মীওইশিংগী মমিং পীগনি । চৎকদবা নুমিৎগী নুমিৎ ৪গী মমাংদা য়ারে হায়বগী ৱারোল লাইখুরুম্বা মীওইশিংদা থারক্কনি;
- লাঙ্গার অমসুং প্রাসাদ মরাংকাইনা পীগনি হায়না পাকিস্থানগী মাইকৈদগী ভারত্ত থাজবা পীরকখি ;
মিংচন্নবা পোরতেল
অপাম্বা নুমিৎ অমদা হেক্ত চৎনবা লাইখুরুম্বা মীওইশিংনা prakashpurb550.mha.gov.inদা রেজিস্তার তৌবা দরকার ওই । চৎকদবা নুমিৎগী নুমিৎ ৪গী মমাংদা য়ারে হায়বগী ৱারোল লাইখুরুম্বা মীওইশিংদা এস এম এস অমসুং ই-মেলগী খুৎথাংদা পাউ পীরক্কনি । ইলেকত্রোনিক ত্রাবেল ওথোরাইজেসন অমা পীগনি । লাইখুরুম্বা মীওইশিংনা পেসেঞ্জর তরমিনেল বিল্দং য়ৌবদা মখোয়গী পাসপোর্ত অমসুং ইলেকত্রোনিক ত্রাবেল ওথোরাইজেসন উৎকদবনি ।
