ভিদিও কনফরেন্সকী খুৎথাংদা প্রধান মন্ত্রী শ্রী নরেন্দ্র মোদীনা জনুৱারি ২২, ২০২১গী অয়ুক পুং ১০:৩০ তাবদা তেজপুর য়ুনিভর্সিতিগী ১৮শুবা কনভোকেসন্দা ৱা ঙাংগনি। থৌরম অদুদা অসামগী রাজ্যপাল প্রোফেসার জগদিস মুখি, য়ুনিয়ন ইজুকেসন মিনিস্তর দোক্তর রমেস পোখ্রিয়াল ‘নিশঙ্ক’ অমসুং অসামগী চীফ মিনিস্তর শ্রী সরবানন্দা সোনোৱালশু শরুক য়াগনি।
থৌরম অদুদা ২০২০দা পাস তৌরবা মহৈরোয় ১২১৮তা দিগ্রি অমসুং দিপ্লোমাশিং পীগনি। দিগ্রি ফংলবশিংগী মনুংদা, তোঙান-তোঙানবা অন্দরগ্রেজুয়েত অমসুং পোস্তগ্রেজুয়েত প্রোগ্রামশিংদা মকোক তারবশিংদা সনাগী তকমানশিং পীগনি।
কোবিদ-১৯গী চৎন-পথাপশিং ঙাকপা ওইনা কনভোকেসন অসি য়ানশিন্নবা মওংদা পাংথোক্কনি। পিঐচ.দি স্কোলারশিং অমসুং সনাগী তকমান ফংলবশিংনা মখোয়গী দিগ্রিশিং অমসুং সনাগী তকমানশিং মশানা লৌগনি অমসুং অতৈ লেমহৌরিবশিংনা ভর্চুএল ওইনা দিগ্রিশিং অমসুং দিপ্লোমাশিং পীগনি।
