মুদ্রা য়োজনা অসি অকক্নবা কাঙলুপ খরখক্তগী নত্তে নহাশিংবু মখোয় মশানা লেপচবা ঙম্নবা মপাঙ্গল হাপ্নবা পান্দম থম্বনি: প্রধান মন্ত্রী
মুদ্রা য়োজনানা ওন্ত্রপ্রিন্যুরসিপ অমসুং মরোমদোম লেপচবা পুরকপদা অওনবা পুরক্কদবা মওংদা ইথিল পীরি: প্রধান মন্ত্রীমুদ্রা য়োজনানা ওন্ত্রপ্রিন্যুরসিপকী মরমদা খুন্নাইদা লৈরিবা ৱাখল্লোন্দা অহোংবা পুরক্তুনা লোন্না য়াওল অমা পুরক্লে: প্রধান মন্ত্রীনুপীশিংনা মুদ্রা স্কীমগী খ্বায়দগী হেন্না কান্নবা ফংলি: প্রধান মন্ত্রীস্কীম অসিগী মখাদা লোন করোর ৫২ থাদোকখ্রে, মালেমদা চাংদম্নিংঙাই লৈতবা অচৌবা মায় পাকপা অমনি: প্রধান মন্ত্রীপ্রধান মন্ত্রী শ্রী নরেন্দ্র মোদীনা ঙসি নই দিল্লীগী ৭, লোক কলয়ান মার্গতা প্রধান মন্ত্রী মুদ্রা য়োজনানা চহি ১০ ফারকপগী থৌরমদা মুদ্রা য়োজনাগী বেনিফিসরীশিংগা ৱারী ৱাতায় শানখ্রে। মীথুংশিংবু তরাম্না ওকপগী মরুওইবা অমদি মখোয়না লেঙশিল্লকপনা য়ুম অমদা পীরিবা শেংলবা ইথিলগী মরমদা ৱা ঙাংলদুনা মহাক্না শরুক য়ারিবা পুম্নমক্কী মফমদা থাগৎপা ফোঙদোকখি। মহাক্না শরুক য়ারিবশিংগী মফমদা মখোয়না থেংনরকপশিং পাউদম্নবা হায়খি। শ্রী মোদীনা, হুই হৌদোংগী সপ্লাই, হিদাক লাংথময়, অমদি সর্ভিসেস ওন্ত্রপ্রিন্যুর ওইরকখ্রবা বেনিফিসরী অমগা ৱারী শারদুনা, শিংনবনা থল্লবা মতমদা মীওই অমগী মতিংদা থাজবা থম্লিবা মীওইশিংগী মফমদা তৌবিমল খঙবা ফোঙদোকপগী মরুওইবা ৱাফম থমখি। মহাক্না বেনিফিসরী অদুদা মহাক্কী লোন অয়াবা পীরকখিবা বেঙ্ক ওফিসিএল অদুবু কৌদুনা লোন অদুনা মরম ওইরগা লৈরিবা মহাক্কী খোঙজেল অদু উৎনবা ৱাফম থমখি। অসুম্না তৌবনা মখোয়না থম্লকখিবা থাজবা অদু শকখঙবখক্তা নত্তনা অচৌবা মঙলান মঙলিবা মীওইশিংদা ঙাক্লৌ পীনবা মখোয়না লৌরিবা ফিরেপ অদুদা থাজবা পোকহনগনি হায়না শ্রী মোদীনা ফোঙদোকখি। মখোয়না পীরকখিবা ঙাক্লৌ অদুগী মহৈ উৎপনা মখোয়না চাওখৎনবা অমদি মায় পাক্নবা লৌখিবা থৌদাংগীদমক মখোয় মশাদা চিংনবা লৈতনা চাউথোকচবা পোকহনগনি হায়না মহাক্না মখা তাখি।
কেরলাদগী ওন্ত্রপ্রিন্যুর অমা ওইরিবা শ্রী গোপী কৃষ্ণগা ৱারী শারদুনা, য়ুমগী অমদি ওফিসকী রিনিউএবল ইনর্জীগী পাম্বৈ পুথোকপদা মীৎয়েঙ থমদুনা অমদি থবক কয়া পীদুনা মায় পাকপা ওন্ত্রপ্রিন্যুর অমা ওইবা ঙমহল্লিবা প্রধান মন্ত্রী মুদ্রা য়োজনাগী অওনবা পুরক্লিবা ইথিলবু প্রধান মন্ত্রীনা পুথোক্তুনা থমখি। বেনিফিসরী অদুনা মুদ্রা লোনগী মরমদা তাবদগী দুবাইদা মহাক্না থবক তৌরম্বা কম্পেনীদগী থবক তোকথোক্লগা চঙশিল্লকখিবা মহাক্কী খোঙচৎপু প্রধান মন্ত্রীনা শিংথাখি। পি.এম. সুর্য়া ঘর থৌশিলগী মখাদা সোলার ইন্সতোলেসন তৌবা নুমিৎ নিনিগী মনুংদা লোইশিনখি। মহাক্না পি.এম. সুর্য়া ঘর থৌশিলগী বেনিফিসরীশিংগী রিএক্সনশিংগী মরমদসু তারদুনা হৌজিক্তি কেরলাদা লৈরিবা ইমুংশিংনা নোং কন্না চুরবসু অমদি উ কুংনা হৌরবসু মৈ লেম্না শীজিন্নরি হায়বা ৱাফম থমখি। শ্রী কৃষ্ণনা মমাঙদা মৈগী বিল লুপা ৩,০০০ লোম তারম্বদগী হৌজিক্তি লুপা ২৪০-২৫০ দা হন্থরে, অদুগা মহাক্কী থাগী শেন্থোক্না লুপা লাখ ২.৫ হেল্লে হায়না ফোঙদোকখি।
প্রধান মন্ত্রীনা য়ুমদা চাকখুম পানরম্বদগী মায় পাক্লবা কেফে বিজিনেস অমা ওইরকপগী পুক্নিং থৌগৎনিংঙাই ওইরবা খোঙচৎকী মরমদা পাউদম্লকখিবা ছত্তিসগরগী রাইপুরদগী হাউস ওফ পুচকাগী ফাউন্দর অমসুং ওন্ত্রপ্রিন্যুর নুপী অমগা মখা তানা ৱারী শানখি। মহাক্না ওন্ত্রপ্রিন্যুর অমা ওইনা মায় পাক্লকপদা প্রোফিত মার্জিন অমদি চীঞ্জাক্কী শেঞ্জং শিন লাংবগী লমদা মহাক্না থিজিনখিবদুনা মরুওইবা থৌদাং অমা য়াখি হায়খি। নহাশিংগী পুক্নিংদা অকিবা অমা লৈরি হায়রদুনা, মখোয়না খুদোংথিবা মায়োক্নবগী মহুত্তা থবক অমা তৌরগা লেনখিবনা হেন্না পাম্মি হায়না মখা তানা ফোঙদোকখি। মদুগী পাউখুম ওইনা প্রধান মন্ত্রীনা খুদোংথিবা মায়োক্নবগী মতিং লৈবগী মরুওইবা ৱাফমশিং ফোঙদোকখি অমদি হাউস ওফ পুচকা হৌদোক্লকখিবী অসিনা চহি ২৩ শুরকপদা, মহাক্কী খুদোংথিবা মায়োক্নবগী মতিং অমসুং মতম নীংথিনা শিন্দোকপগী হৈ-শিংববু মহাক্কী বিজিনেস শেমগৎলকপদা শীজিন্নখি হায়না ফোঙদোকখি। বেনিফিসরী অদুনা রাইপুরদগী মহাক্কী মরুপশিং, কোর্পোরেত কাঙবু, অমদি মহৈরোয়শিংগী মরক্তা খন্নবা ৱাফমশিং পুথোক্লদুনা, মখোয়দা ওন্ত্রপ্রিন্যুরসিপকী মরমদা লৈরিবা খঙনিংবা অমদি ৱাহংশিংগী মরমদা পাউদমখি। মহাক্না নহাশিংগী মরক্তা কোলেতরেল মথৌ তাদনা শেন্থং পীরিবা লৈঙাক্কী স্কীমশিংগী মরমদা খঙবা ৱাৎলি হায়না ৱাফম থমখি। মুদ্রা লোন অমদি পি.এম.ই.জি.পি.গুম্না স্কীমশিংনা মতিং লৈবা মীওইশিংদা খুদোংচাবা কয়া পীবগীমক থাগৎপা ফোঙদোকখি অমদি নহাশিংগী মফমদা হায়রিবা স্কীমশিং অদুগী মরমদা থিজিন্নবা অমদি থৌনা লৈনা খোঙ থাংজিন্নবা হায়রদুনা খুমাঙ চাওশিনবা অমদি মায় পাকপা পাম্বা মীওইশিংগীদমক্তদি অতিয়াগী ঙমখৈ লৈতে হায়খি।
কাস্মিরগী বরামুল্লাদা লৈবা বেক মাই কেক্কী মপু শ্রী মুদাসির নক্সবন্দি কৌবা অতোপ্পা বেনিফিসরী অমনা থবক থিরম্বা মীওই অমা ওইরম্বদগী থবক পীবা অমা ওইরকপগী মহাক্কী খোঙচৎকী ৱারী পাউদমখি অমদি মহাক্না বরামুল্লাগী মনুং হঞ্জিনবা মফমশিংদগী মীওই ৪২ হৌজিক থবক পীরি হায়খি। প্রধান মন্ত্রীনা মুদ্রা লোন ফংদ্রিঙৈদা মহাক্কী শেন্থোক্কী মরমদা হংখি, মদুগী পাউখুমদা মুদ্দাসিরনা মহাক্কী শেন্থোক লিশিংগী খুজিংদা লাক্লম্বনি, অদুবু হৌজিক্তি মহাক্কী ওন্ত্রপ্রিন্যুর অমা ওইবগী খোঙচৎ অসি থাক ৱাংখৎলক্লে অমদি লুপা লাখ অমদি কোরগী খুজিংদা তানবা ঙম্লে হায়খি। প্রধান মন্ত্রীনা মুদাসিরগী বিজিনেস চলাইবদা য়ু.পি.আই. নীংথিনা শীজিন্নববু শিংথাখি। মহাক্কী ত্রাঞ্জেক্সনগী ৯০% দি য়ু.পি.আই.দা তৌবনি, মদুনা ১০% খক্তমক খুত্তা শেল ওইনা লাকই হায়বা ৱাফমবু মহাক্না শিংথাখি।
প্রধান মন্ত্রীনা বাপিদা থবক অমা তৌরম্বদগী সিলবাসিদা মায় পাক্লবা ওন্ত্রপ্রিন্যুর অমা ওইরকখিবা শ্রী সুরেসকী পুক্নিং থৌগৎনিংঙাই ওইরবা খোঙচৎকী মরমদা তাখি। সুরেসনা হায়বদা, ২০২২ দা, মহাক্না থবক অমা তৌবখক্তনা কোন্নররোই খঙলক্তুনা মহাক মশাগী বিজিনেস অমা হৌনবা ফিরেপ লৌখি। ঐনা মায় পাকপগা লোয়ননা, ঐগী মরূপ খরসু মখোয় মশাগী ভেঞ্চর হৌদোক্নবা মুদ্রা লোন থানবা খন্নরি হায়না মহাক্না মখা তাখি।
রাই বরেলীদগী নুপী ওন্ত্রপ্রিন্যুর অমনা মহাক্না লুচিংবা এম.এস.এম.ই.দা শেলগী ঙাক্লৌ পীবিবগীদমক তৌবিমল খঙবা উৎখি। লাইসেন্স অমসুং শেন্থং লৌবগী মওঙ হান্নদি শিংনবনা থল্লম্মি হায়খি অমদি চাওখৎপা ভারত অমা শেম্বদা থৌদাং য়াগনি হায়খি। প্রধান মন্ত্রীনা মহাক্কী পুক্নিং নুংশিনিংঙাই ওইবা ৱাফমশিং লৌশিনখি, অমদি থাদা লুপা লাখ ২.৫ দগী ৩ ফাওবা লাকপা বেকরীগী বিজিনেস অমা চলাইদুনা মীওই তরেৎ নিপান থবক পীদুনা মহাক্না মায় পাকপবু শিংথাখি।
ভোপাল, মধ্য প্রদেশতগী শ্রী লবকুশ মেহরানা ইং ২০২১দা অহানবগী ওইনা লুপা লাখ ৫ গী লোন লৌদুনা মহাক্কী ফার্মাসিউতিকেল বিজিনেস হৌদোরকখি। হৌরকপদা চিংনবা খরা লৈরম্লবসু, মহাক্না মাগী লোন লুপা লাখ ৯.৫ য়ৌহনখি অমদি অহান্বা চহিদা লুপা লাখ ১২ লাক্লম্বদগী হৌজিক লুপা লাখ ৫০ ফাওবা লাকপা ঙম্লে। প্রধান মন্ত্রীনা মুদ্রা য়োজনা অসি অকক্নবা কাঙলুপ খরখক্তগী নত্তে, মসিনা নহাশিংবু মরোমদোম লেপচবা ঙমহন্নবা মপাঙ্গল হাপ্নবা পান্দম থম্লিবনি হায়খি। লমকুশনা হন্দক্তা লুপা লাখ ৩৪ গী য়ুম অমা লৈখিবা অমদি থাদা লুপা লাখ ১.৫ হেন্না লাক্তুনা মায় পাক্লক্লিবা অদুবু মহাক্না মমাঙদা মহাক্না লুপা ৬০,০০০ দগী ৭০,০০০ ফাওবা তাল্লম্বা থবক অদুদগী চাউনা হেনগৎলকপা অমনি হায়না শিংথাখি। প্রধান মন্ত্রীনা মহাকপু থাগৎখি অমদি মায় পাকপদা হোৎনবা কনবগী মরুওইবা ৱাফমশিং ফোঙদোকখি। মহাক্না বেনিফিসরীশিংগী মফমদা মুদ্রা লোন অমদি মসিগী কান্নবশিংগী মরমদা মীয়ামদা শন্দোক্নবা ৱাফম থমখি।
প্রধান মন্ত্রীনা মশাগী চহি ২১ শুবদা অদিত্য লেপ হৌদোকখিবা গুজরাতকী ভাবনগরদগী নহা ওইরিবা ওন্ত্রপ্রিন্যুর অমগী পুক্নিং থৌগৎনিংঙাই ওইরবা খোঙচৎকী মরমদা তাখি। মেকাত্রোনিক্স অরোয়বা চহি তম্লিবা মহৈরোয় অমসু ওইরিবা ওন্ত্রপ্রিন্যুর অদুনা ৩দি প্রিন্তিং, রিভর্স ইঞ্জিনিয়রিং, রেপিদ প্রোতোতাইপিং, অমদি রোবোতিক্সকী বিজিনেস অমা হৌদোক্নবা কিসোর কাঙলুপকী মখাদা লুপা লাখ ২ গী মুদ্রা লোনবু মায় পাক্না শীজিন্নখি। প্রধান মন্ত্রীনা ওন্ত্রপ্রিন্যুর অদুনা পুক্নিং লুপ্পা, চয়োলগী নুমিৎশিংদা কলেজ চৎলগা চয়োল মমৈদনা বিজিনেস চলাদুনা রিমোত ওইনা থবক তৌদুনা থাদা লুপা ৩০,০০০ দগী ৩৫,০০০ ফাওবা তান্দুনা ইমুং মনুংদা মতেং পাংলিবা মতৌবু শিংথাখি।
মনালীদগী নুপী ওন্ত্রপ্রিন্যুর অমনা মনা মশিং য়োনবা কৈথেল অমদা থবক শুবা য়াওরম্বদগী মায় পাক্না বিজিনেস তৌরকপগী মহাক্কী ৱারী পাউদমখি। মহাক্না ইং ২০১৫-১৫ দা লুপা লাখ ২.৫ গী মুদ্রা লোন অমা লৌখি, মদু মহাক্না চহি অনি মখায়গী মনুংদা শিংদোকখি। মতুং তারকপদা লুপা লাখ ৫, লাখ ১০, অমদি লাখ ১৫গী লোন লৌদুনা, মহাক্না মনা মশিং য়োল্লম্বদগী রাসন দুকান অমা হাংদোক্তুনা মহাক্কী বিজিনেস পাকথোক চাউথোকহল্লক্তুনা লুপা লাখ ১০ দগী ১৫ ফাওবা তানবা ঙম্লি। প্রধান মন্ত্রীনা মখোয়গী অচেৎপা খোঙফম অমদি লৈবাক থুংনা ওন্ত্রপ্রিন্যুরশিং মপাঙ্গল হাপ্পদা মুদ্রা য়োজনানা পীরিবা অফবা ইথিলবু শিংথাখি।
প্রধান মন্ত্রীনা মখা তানা য়ুম কোইদুনা লৈরম্বদগী জুতকী খাউ শাবগী বিজিনেস অমা মায় পাক্না চলাইরিবা অন্ধ্র প্রদেশদগী নুপী ওন্ত্রপ্রিন্যুর অমগী পুক্নিং থৌগৎনিংঙাই ওইরবা খোঙচৎকী ৱারী তাখি। মহাক্না ফোঙদোরকপদা, ২০১৯দা রুরেল সেল্ফ এমপ্লোইমেন্ত ত্রেনিং ইন্সতিত্যুত্তগী ত্রেনিং ফংলবা মতুংদা, মহাক্না কনারা বেঙ্কতগী কোলেতরেল অমত্তা য়াওদনা লুপা লাখ ২গী মুদ্রা লোন ফংখি। মহাক্না লোন নীংথিনা শিংবনা মরম ওইরগা মহাক্কী মফমদা ২০২২ দা লুপা লাখ ৯.৫ গী অহেনবা লোন অমা পীথদুনা, স্কীম অসিনা স্কেলিবিলিতী উৎখি অমদি মহাক্না খুমাঙ চাওশিনবদা ঙাক্লৌ পীখি। প্রধান মন্ত্রীনা মহাক্না খোঙফম চেৎনা লেপ্লিবা অমদি বেঙ্কনা মহাক্কী মতিংদা থাজবা থমখিববু শিংথাখি অমদি মহাক্কী জুত ফেকল্তী মেম্বর অমদি ওন্ত্রপ্রিন্যুর অমা ওইবগী থৌদাং অনিবু শিংথারদুনা থবক পীবা অমদি স্কিল দিভেলপমেন্তকী খুত্থাঙদা খুঙ্গংগী নুপীশিং মপাঙ্গল হাপ্নবা মহাক্না হোৎনরিববু থাগৎখি। প্রধান মন্ত্রীনা ওন্ত্রপ্রিন্যুরসিপ অমসুং মরোমদোম লেপচনবা মতেঙ পাংবদা মুদ্রা য়োজনানা পীরিবা অওনবা পুরকপগী ইথিলবু শিংথাখি।
মুদ্রা য়োজনাগী মতেঙগা লোয়ননা শেলথুম য়াম্না ৱারম্বদগী মায় পাকপা ওন্ত্রপ্রিন্যুর অমা ওইরকখিবা বীহারদগী শ্রীমতি পুনম কুমারীনা মহাক্কী ৱারী পাউদমখি। লৌমীগী ইমুংগী মীওই অমা ওইনা, মহাক্না বিজিনেস অমা হৌনবা ফিরেপ মহাক্কী মপুরোইবগা তানরগা লৌখি হায়খি। মহাক্না চে চাং য়াম্না মথৌ তাদনা মুদ্রা য়োজনাগী মখাদা লুপা লাখ ৮ গী লোন অমা ফংখি। মসিগী মতেংগা লোয়ননা, মহাক্না ২০২৪ দা মহাক্কী বিজিনেস হৌদোক্তুনা মহাক্না মরু পুথোকপদা মীৎয়েঙ চঙখি অদুগা মহাক্কী মপুরোইবনা য়োনবগী থবক তৌখি।
শ্রী মোদীনা পুনম কুমারীগী থাগী শেন্থোক লুপা ৬০,০০০ য়ৌরক্তুনা মরোমদম লেপচবা ঙম্লকখিবা অমদি মহাক্কী ইমুংনা মাগী মফমদা থাজরকখিবা মহাক্কী শেল-থুমগী খোঙজেলবু শিংথাখি। মহাক্না লোন মতম চানা শিংনবা খোঙফম লৌদুনা হেন্না মায় পাকপা ঙম্নবা লেপখিববু থাগৎখি। স্কীম অসিবু মখোয়গী পুন্সিগী ফীভম ফগৎহন্নবা অমদি খুন্নাইদা থৌদাং য়ানবা শীজিন্নরিবা পুনম কুমারীগুম্বা মীওইশিংগী মফমদা মুদ্রা য়োজনাগী অওনবা পুরকপা ঙম্বা ইথিলবু প্রধান মন্ত্রীনা শিংথাখি।
প্রধান মন্ত্রীনা মীয়ামবু, মরুওইনা নুপীশিংবু মপাঙ্গল হাপ্পদা, অমদি ভারত পুম্বদা ওন্ত্রপ্রিন্যুরসিপ মখোঙ শোম্বদা মুদ্রা য়োজনানা পুরক্লিবা অওনবশিং থমখি। স্কীম অসিনা শোত্থহৌরবা অমদি শেল-থুমগী ফীভম চাদ্রবা মীওইশিংদা শেলগী তেংবাং পীদুনা মখোয়বু গরেন্তী নৎত্রগা চে চাং ইচঙ চঙহন্দনা মখোয় মশাগী বিজিনেস হৌদোকপা ঙমহল্লিবাবু পুথোক্তুনা থমখি। খুন্নাইনা ওন্ত্রপ্রিন্যুরসিপকী মায়কৈদা য়েংলিবা মীৎয়েঙ হোংলকপবু শিংথারদুনা, মুদ্রা য়োজনানা পুরক্লিবা মখোল থোক্তবা য়াওলবু শ্রী মোদীনা শিংথাখি। স্কীম অসিনা শেলথুমগী তেংবাং পীবতা নত্তনা মখোয়গী বিজিনেস হৌদোক্তুনা চাওখৎনবা খুদোংচাবা পীদুনা নুপীশিংবু মপাঙ্গল হাপ্লি হায়না মহাক্না ফোঙদোকখি। লোন থাবদা, ফংবদা, অমদি থুনা শিঙ্গৎপদা মাঙজিল থাদুনা নুপী বেনিফিসরীশিংনা স্কীম অসিগী খ্বায়দগী য়াম্বা ওইরি হায়নসু মহাক্না ফোঙদোকখি।
প্রধান মন্ত্রী শ্রী নরেন্দ্র মোদীনা মুদ্রা লোন মওং মরিল নাইনা শীজিন্নদুনা মীওই কয়াদা পরম চুম্বা শাজৎ লীজৎ পুরকপবুসু ফোঙদোকখি। স্কীম অসিনা ফন্দ লান্না শীজিন্নবা অমদি কান্নদবা থৌওং তৌনিংবা ফাওহন্দবদা নত্তনা পুন্সি অমদি করিয়র শেমগৎনবা খুদোংচাবশিং পীরি হায়না মহাক্না ফোঙদোকখি। মুদ্রা য়োজনাগী মখাদা গরেন্তীগী মথৌ তাদনা ভারতকী মীওইশিংদা লুপা করোর লাখ ৩৩ গী শেন্থেং পীথখ্রে হায়না প্রধান মন্ত্রীনা ফোঙদোকখি। শেনফম অসি হান্না পারুদবা শেনফম্নি অমদি ইনাক খুনবা মীওইশিংদা পিথখিবা অপুনবা শেন্থংদগী হেল্লে হায়খি। মহাক্না থবক পীননবা অমদি শেন্মিৎলোন ফগৎহন্নবা ফন্দ অসিবু মতিং লৈনা শীজিন্নরিবা হৈথোই শিংথোইরবা লৈবাকসিগী নহাশিংদা মহাক্না থাজবা ফোঙদোকখি।
শ্রী মোদীনা মুদ্রা য়োজনাগী খুত্থাঙদা থবক পীবনা শেন্মিৎলোন চাওখৎহনবদা থৌদাং চাউনা য়ারি হায়না মহাক্না ফোঙদোকখি। মীচম মীয়ামগী শেন্থোক হেনগৎলে, মসিনা মখোয়গী পুন্সি মহিং ফগৎহনবা ঙম্লে অমদি মখোয়গী অঙাংশিংগী মহৈ মশিংদা শেল থাদবা ঙমহল্লে হায়না মহাক্না ফোঙদোকখি। মহাক্না স্কীম অসিনা খুন্নাইদা পীরিবা কান্নবশিংবুসু শিংথাখি।
লৈঙাক্কী খোঙফম ফোঙদোক্লদুনা, প্রধান মন্ত্রীনা হান্নদগী চৎনরকপা মতৌগী তাইওন্নবদা, মহাক্কী লৈঙাক্না স্কীম অসি পায়খৎখিবা চহি ১০গী মতুংদা মসিগী ফীদবেক কন্না খোমগৎলি হায়খি। লৈবাক পুম্বদগী বেনিফিসরীশিং অমদি কাঙলুপশিং কানদুনা স্কীম অসিগী খোঙজেল য়েনশিনবা, হেন্না ফগৎহন্নবা খুদোংচাবা মশক খঙদোকপা, অমদি মখা তানা মায় পাক্নবা মথৌ তাবা রিফোর্ম পায়খৎপগী মরুওইবা ৱাফমশিং মহাক্না থমখি।
হৌরকপদা লুপা ৫০,০০০ দগী লুপা লাখ ৫ ফাওবখক্তং ওইরম্বা মুদ্রা লোনগী স্কোপ পাকথোক চাউথোকহন্দুনা হৌজিক লুপা লাখ ২০ ফাওবা য়ৌরকপসিদা লৈঙাক্না উৎলিবা শিংথানিংঙাই ওইরবা থাজবা অসিবু ফোঙদোক্লদুনা, পাকথোক চাউথোকহল্লিবা অসিদা, স্কীম অসিবু মায় পাক্না পায়খত্তুনা মপাঙ্গল কনখৎহল্লিবা ওন্ত্রপ্রিন্যুরগী ৱাখল্লোন অমদি ভারতকী মীয়ামগী মতিংদা থাম্লিবা থাজবগী মমি তারি হায়না শ্রী মোদীনা ফোঙদোকখি।
অতোপ্পা মীওইশিংদসু মুদ্রা য়োজনা শীজিন্ননবা অমদি মখোয় মশাগী ভেঞ্চরশিং হৌদোক্নবা পুক্নিং থৌগৎপগী মরুওইবা ৱাফম থম্লদুনা, শ্রী মোদীনা মীয়ামগী মফমদা য়ামদ্রবদা মীওই মঙাদগী তরা ফাওবা পুক্নিং থৌগত্তুনা অমদি ঙাক্লৌ পীদুনা মখোয় মশাদা থাজবা পোকহন্নবা অমদি মরোমদোম লেপচবা ঙমহন্নবা হোৎননবা ৱাফম থমখি। স্কীম অসিগী মখাদা লোন করোর ৫২ পীথদুনা, মালেমগী ওইনা চাংদম্নিংঙাই লৈত্রবা অচৌবা মায় পাকপা অমা ওইরি হায়না মহাক্না ফোঙদোকখি।
গুজরাত্তা মহাক্না লৈঙাক পায়রম্বা মতম নীংশিংলদুনা, শ্রী মোদীনা পুক্নিং থৌগৎনিংঙাই ওইরবা লম্বীগী লীলাশিংনা মীয়ামদা লায়রবা কোকহহন্নবা পুক্নিং থৌগৎখিবা ‘গরিব কলয়ান মেলা’গী মরমদা পনখি। শেল-থুমগী লমদা মনিং তম্বা ফংলবা মতুংদা লৈঙাক্কী খুদোংচাবশিং থাদোকখিবা মীওইশিংগী পুক্নিং থৌগৎনিংঙাই ওইরবা ৱারীশিং মহাক্না তম্লদুনা মখোয়দা লাকখিবা অওনববু উৎখি। নাৎকী ঈশৈ নোংমাই তৌরম্বদগী অপীকপা লোন অমগী মতেংনা প্রোফেস্নেল বেন্দ অমা ওল্লকখিবা গুজরাতকী ত্রাইবেল কাঙলুপ অমগী পুক্নিং থৌগৎনিংঙাই ওইরবা ৱারী মহাক্না লীখি। থৌশিল অসিনা মখোয়গী শেল-থুমগী ফীভম ফগৎহন্বতা নত্তনা মচা মচা হোৎনবনা চাউনা অওনবা কমদৌনা পুরকপগে হায়ববুসু উৎলি। অসিগুম্বা অওনবা পুরকপগী ৱারীশিংনা মহাকপু পুক্নিং থৌগৎলি অমদি লৈবাক শেম্বদা পুন্না হোৎনমিন্নবগী মতিং উবা ঙমহল্লি হায়না মহাক্না ফোঙদোকখি।
শ্রী মোদীনা মুদ্রা য়োজনাবু মীয়ামগী অনিংবা অপাম্বা খঙদোক্নবা, ফংহন্নবা অমদি খুদোংচাদবশিং কোকহন্নবা খুৎলায় অমনি হায়না থাজবা ফোঙদোকখি। স্কীম অসিগী মায় পাকপদা মহাক্না থাজবা ফোঙদোকখি অমদি বেনিফিসরীশিংগী মফমদা খুন্নাইগী থৌদাং য়াবদা ফংলিবা নুংঙাইবা মহাওগী মরমদা তম্লদুনা খুন্নাইদা কান্নবা খরা তৌরম্নবা ৱাফমসু থমখি।
শেল-থুমগী কেন্দ্রগী রাজ্য মন্ত্রী, শ্রী পঙ্কজ চৌধরীসু ৱারী ৱাতায় শানবা অদুদা শরুক য়াখি।
