ভিদিও কনফরেন্সকী খুৎথাংদা ২শুবা খেলো ইন্দিয়া নেসনেল ৱিন্তর গেমসতা প্রধান মন্ত্রী শ্রী নরেন্দ্র মোদীনা হৌদোকপগী ৱারোল পীখ্রে।
থৌরম অদুদা মহাক্না হায়খি ঙসিদগী খেলো ইন্দিয়া ৱিন্তর গেমসকী অনিশুবা ইদিসন হৌরে। মসি জম্মু অমসুং কাস্মির ভারতকী ৱিন্তর গেমশিংগী মরুওইবা মফম অমা ওইনা শেমগৎনবা অচৌবা খোঙথাং অমনি। জম্মু অমসুং কাস্মিরগী শান্নরোইশিং অমসুং লৈবাক্কী মফম কয়াদগী লাকপা শান্নরোইশিংদা মহাক্না য়াইফ-পাউজেল পীখি। মহাক্না হায়খি ৱিন্তর গেমশিংদা থৱায় য়াওবা হেনগৎলত্তুনা পাংথোক্লিবা ৱিন্তর গেমস অসিদা তোঙান-তোঙানবা রাজ্যশিংদগী শরুক য়াবা শান্নরোই মশিং শরুক অনি হেনগৎলে।
মহাক্না হায়খি মসিগী ৱিন্তর গেমস অসিদগী ফংলকপা লৌশিং অদু শান্নরোইশিংনা ৱিন্তর ওলেম্পিক্স শরুক য়াবদা মতেং পাংগনি। জম্মু অমসুং কাস্মিরগী ৱিন্তর গেমস অসিনা শান্ন-খোৎনবগী অনৌবা ফিবম অমা শেমগৎপদা মতেং পাংগনি। মসিগী থৌরম অসিনা জম্মু অমসুং কাস্মিরদা তুরিজমগী লমদা অনৌবা থৌনা অমসুং হরাও-তয়াম্বা অমা পীরগনি। শান্ন-খোৎনবা অসি মালেমগী লৈবাকশিংনা মখোয়গী সোফ পৱার উৎথোক্নবগী মফম অমা ওইরক্লে।
প্রধান মন্ত্রীনা হায়খি শান্ন-খোৎনবদা মালেমগী ওইবা শক্তম অমা লৈজরি অমসুং মসিগী পান্দম অসিনা শান্নবগী লমদা অওনবশিং পুরক্লে। খেলো ইন্দিয়া কেম্পেন্দগী হৌরগা ওলেম্পিক পোদিয়ম স্তদিয়ম ফাওবগী অচুম্বা পান্দম অমা লৈরি। শান্নরোইশিং খ্বাইদগী ৱাংবা মালেমগী ফম্বাক ফাওবা পুখৎনবা মখোঙদগী হৌনা হৈথোই-শিংথোইবা মশক খঙদুনা শান্নরোইশিং মতেং পাংলি। হৈশিংবা মশক খঙদোকপগী হৌরগা তিম খনবা ফাওবদা, অরোন-অথুপ লৈহন্দনবা সরকারনা মরুওইবা মিৎয়েং চঙলে। শান্নরোইশিং ইকায়খুম্নবা উৎপা অমসুং মখোয়না পাংথোকখিবা থবকশিং শকখঙনবা সরকারনা মতিক চাবা থবক পায়খৎলি।
প্রধান মন্ত্রীনা হায়খি নেসনেল ইজুকেসন পোলিসিদা শান্ন-খোৎনবগী চাউথোকচনিংঙাই ওইবা মফম অমা পীরে। মমাঙদা শান্ন-খোৎনবা অসি অহেনবা ওইনা খন্নরম্বা অদু হৌজিক করিকুলমগী শরুক অমা ওইনা লৌরে অমসুং অঙাংশিং লাইরিক তম্বদা শান্ন-খোৎনবা অসি গ্রেদ পীরগনি। শান্নবগীদমক অৱাংবা থাক্কী মহৈলোয়শঙশিং অমসুং স্পোর্তস য়ুনিভর্সিতিশিং লিংখৎলে। নহারোলশিংগী শীনফম অমা ওইনবা অমসুং শান্ন-খোৎনবগী ইকোনোমিদা ভারতকী মফম অমা কনবা হেনগৎনবা স্কুল থাক্তা স্পোর্তস সাইন্স অমসুং স্পোর্তস মেনেজমেন্ত য়াওহনবা দরকার ওইরে।
মখোয় অত্মানির্ভর ভারতকী ব্রান্দ এম্বেসেদরশিংনি হায়না নিংশিংনবা নহা ওইরিবা শান্নরোইশিংদা শ্রী মোদীনা তকশিনখি। শান্ন-খোৎনবগী লমদা শান্নরোইশিংগী পর্ফোমেন্স য়েংলগা মালেম্না ভারতকী মগুন য়েংলি হায়না প্রধান মন্ত্রীনা মহাক্কী ৱারোল লোইশিনখি।
आज से खेलो इंडिया- Winter Games का दूसरा संस्करण शुरु हो रहा है।
— PMO India (@PMOIndia) February 26, 2021
ये Winter Games में भारत की प्रभावी उपस्थिति के साथ ही जम्मू कश्मीर को इसका एक बड़ा हब बनाने की तरफ बड़ा कदम है।
मैं जम्मू कश्मीर को और देशभर से आए सभी खिलाड़ियों को बहुत-बहुत शुभकामनाएं देता हूं: PM @narendramodi
नई राष्ट्रीय शिक्षा नीति है, उसमें भी स्पोर्ट्स को बहुत ज्यादा महत्व दिया गया है।
— PMO India (@PMOIndia) February 26, 2021
पहले स्पोर्ट्स को सिर्फ Extra Curricular एक्टिविटी माना जाता था, अब स्पोर्ट्स Curriculum का हिस्सा होगा।
Sports की grading भी बच्चों की शिक्षा में काउंट होगी: PM @narendramodi
युवा साथियों,
— PMO India (@PMOIndia) February 26, 2021
जब आप खेलो इंडिया- Winter Games में अपनी प्रतिभा दिखाएं, तो ये भी याद रखिएगा कि आप सिर्फ एक खेल का ही हिस्सा नहीं हैं, बल्कि आप आत्मनिर्भर भारत के ब्रांड एंबेसेडर भी हैं।
आप जो मैदान में कमाल करते हैं, उससे दुनिया भारत का मूल्यांकन करती है: PM @narendramodi
