ব্রিক্স বিজিনেস ফোরমদা পীখিবা প্রধান মন্ত্রীগী ৱারোল

Intra-BRICS trade and investment targets should be more ambitious: PM

India is the world's most open and investment friendly economy due to political stability, predictable policy and business friendly reforms: PM

Prime Minister Shri Narendra Modi addresses BRICS Business Forum

ইকাখুম্নরবশিং,

ব্রিক্স বিজিনেস ফোরমদা শরুক য়ারিবা শক্নাইরবশিং,

খুরুমজরি,

ব্রিক্স বিজিনেস ফোরমদা শরুক য়াবদা ঐ হরাওজৈ। মসিগী ফোরম অসিদগী ১১শুবা ব্রিক্স মীফমগী থৌরম হৌদোকখি। মসিগী ফোরম অসি শীনবীবগীদমক ঐনা ব্রাজিলগী প্রসিদেন্ত অমসুং শরুক য়ারিবশিংনা ললোন–ইতিক অসি মরুওইনা লৌবীবগীদমক ঐনা থাগৎলি।

|

মরূপশিং,

মালেমগী শেন–থুমগী ফিভম ফগৎলকপদা ব্রিক্স লৈবাকশিংনা চাদা ৫০ মতেং পাংলি। মালেমগী ওইনা ফিভম ফৎত্রবসু, ব্রিক্স লৈবাকশিংগী শেন–থুমগী ফিভম ফগৎলি অমসুং মীওই কয়া লায়রবা কোকহল্লে অমসুং তেক্নোলোজী অমসুং ইন্নোবেসনগী অনৌবা কয়া পুথোক্লে। ব্রিক্স লিংখৎপা চহি ১০গী মতুংদা মসিগী ফোরম অসি তুংদা ঐখোয়গী থবকশিংগী মাইকৈ লেপ্নবা অফবা মফম অমা ওইরে।

|

মরূপশিং,

ব্রিক্স মশেলগী মরক্তা ললোন–ইতিক লাইহনবনা ললোন–ইতিক অমসুং ইনভেস্তমেন্ত হেনগৎহনগনি। ঐখোয়গী মরক্তা তেক্স অমসুং কস্তমকী থবকশিং লাইহনবনা লৈবাক মঙা অসি হেন্না খুদোংচাহল্লে। এন্তিলেকচুএল প্রোপরতী রাইৎস অমসুং বেঙ্কশিংগী মরক্তা মতেং পাংনবনা ললোন-ইতিক্কী থবক লাইহল্লে। মসিগী খুদোংচাবশিং অসি মপুং ফানা লৌনবা ললোন-ইতিক্কী মথৌ তাবা থবকশিং থিজিন্নবা ঐনা ব্রিক্স বিজিনেস ফোরমদা হায়জরি।

ব্রিক্স মশেনগী ললোন-ইতিক অমসুং ইনভেস্তমেন্তগী পান্দমশিং লৈগদবনি। নখোয়না পীরকপা পাউতাকশিং অদুনা ঐখোয়গী মরক্তা ললোন-ইতিক পাংথোকপগী চাদিং হন্থগনি।

মথং চহি ১০গী ঐখোয়গী মরক্তা মরুওইনা লৌগদবা ললোন-ইতিক্কী শরুকশিং মশক খঙদোক্নবা ঐনা হায়জরি অমসুং মখোয়দা য়ুম্ফম ওইরগা ব্রিক্স মশেন মতেং পীননবা ব্লু প্রিন্ত অমা শেমগদবনি।

|

মরূপশিং, ঐখোয়গী কৈথেল, খেন্নবশিং অমসুং মতেং পীনবা অসিনা অমনা অমদা কান্নবা পীনরি। খুদম ওইনা, ব্রিক্স লৈবাক অমদা তেক্নোলোজী অমা লৈবা মতমদা, অতোপ্পা লৈবাক অমদা মরী লৈনবা রো মেতরিয়েলশিং নৎত্রগা য়োনফম লৈরি। অসিগুম্বা খুদোংচাবশিং অসি ইলেকত্রিক্কী গারীশিং, দিজিতেল তেক্নোলোজী, হার, লৌউ-শিংউগী পোৎথোকশিং, ফুদ প্রোসেসিংদা কান্নগনি। লৈবাক মঙা অসিদা অসিগুম্বা খুদোংচাবশিং খঙদোক্নবা মেপ অমা পুথোক্নবা ঐনা ফোরমদা তকশিল্লি। ঐখোয়গী মরক্তা অপুনবা ভেঞ্চর অমা পায়খৎনবা মথংগী ব্রিক্স মীফমদা অসিগুম্বা হিরম মঙা মশক খঙদোক্নবা ঐনা ৱাফম অসি পুথোকপা পাম্মি।

মরূপশিং,

মখোয়গী মীয়াম থবক কনবা, হৈশিংবা অমসুং লৌশিং লৈবগীদমক ব্রিক্স লৈবাকশিং অসি মীয়াম্না খঙনরি। হয়েংগী মীফমদা ব্রিক্স নেতৱার্ক অমসুং ব্রিক্স ইন্সতিত্যুসনগী মতাংদা খন্নগনি। হুমেন রিসোর্স শেমগৎনবগী থবকশিংদা প্রাইবেত সেক্তরদা শরুক য়ানবা ঐনা হায়জরি। হায়রিবা থবকশিং অসিদা নহা ওইরিবা ইন্ত্রপ্রিনরশিংনা শরুক য়াবনা ললোন-ইতিক অমসুং ইন্নোবেসনদা অহেনবা থৌনা হাপকনি।

|

মরূপশিং,

ঐখোয়গী লৈবাকশিংগী মরক্তা তুরিজম, ললোন-ইতিক অমসুং থবক ফংহনবগী খুদোংচাবা কয়া লৈরি। ভারতমচাশিং ভিসা য়াওদনা চংবা য়াহন্নবা ৱারেপ লৌবগীদমক ঐনা ব্রাজিলগী প্রসিদেন্তপু থাগৎচরি। ঐখোয় লৈবাক মঙা অসি সোসিয়েল সেক্যুরিতী এগ্রিমেন্তগী মতাংদা খন্নগদবনি।

মরূপশিং,

ললোন-ইতিক লাইবা, পোৎ পুথোক-পুশিন অমসুং মালেমগী ওইবা ইন্নোবেসনগী লমদা ভারতকী ফিভম ফগৎলক্লিবা অসি অদোম্নানা খঙলে। রাজনিতীগী লৈতাবা, তম্বা ঙম্বা থৌশিল অমসুং ললোন-ইতিক নুংঙাইবা অওনবশিংনা মরম ওইদুনা মালেমদা ভারতকী ইকোনোমী অসি খ্বাইদগী মনীংতম্বা অমসুং ইনভেস্তমেন্ত নুংঙাইবা অমা ওইরে। ২০২৪দা ভারতকী দোল্লর ত্রিল্লিয়ন ৫গী ইকোনোমী অমা লৈহনবা ঐখোয়না পাম্মি। ইনফ্রাস্ত্রকচর খক্তদা দোল্লর ত্রিল্লিয়ন ১.৫কী ইনভেস্তমেন্ত মথৌ তারি।

ভারতত্তা খুদোংচাবা কয়া মশিং থিঙমদনা লৈরি। মখোয়গী খুদোংচাবা লৌনবা, ভারত্তা মখোয়গী ললোন-ইতিক পায়খৎনবা ঐনা ব্রিক্স লৈবাকশিংদা হায়জরি।

পুম্নমকপু থাগৎচরি।