ঙসি প্রধান মন্ত্রী নরেন্দ্র মোদীনা সুলতানপুর লোধীদা লৈবা গুরুদৱারা বের সাহিবতা খুরুমখ্রে। প্রধান মন্ত্রীগা লোয়ন্না কেন্দ্রগী ফুদ প্রোসেসিং ইন্দস্ত্রী মিনিস্তর শ্রীমতী হরসিমরত কৌর বাদল, পঞ্জাবকী রাজ্যপাল ভি পি সিংহ বাদনোর অমসুং পঞ্জাবকী চীফ মিনিস্তর কেপ্তেন অমারিনদর সিংহ থৌরম শরুক য়াখি।
গুরুদৱারাগী মনুংদা প্রধান মন্ত্রীনা লাইখুরুমখি অমসুং অমাইবশিংনা ইনফি অমা খুদোল তমখি। তুংদা পি এম মোদীনা মফম অদু য়েংখি অমসুং শ্রী গুরু নানক দেব জিনা চহি ১৪ ধ্যান তৌখিবা বের উপাম্বী মহাক্না য়েংখি।
খোঙচৎ অদু লোইরবা মতুংদা দেরা বাবা নানক্ত চৎনবা প্রধান মন্ত্রী মফম অদু থাদোকখি , মহাক্না পেসেঞ্জর তরমিনেল বিল্দিং হাংদোক্কনি অমসুং কারতারপুরদা চৎকদবা অহানবা লাইখুরুম্বা মীওইশিং লমথাগনি।
