জমাইকাগী প্রধান মন্ত্রী খ্বাইদগী ইকাই খুম্নজরিবা এন্দ্রিয়ু মাইকেল হোলনেস ও.এন., এম.পি.না প্রধান মন্ত্রী শ্রী নরেন্দ্র মোদীগা লোইননা ফোন্দা ৱারী শানখ্রে অমদি মহাক্কী পার্তীনা পুৱারী ওইবা মওংদা মাই পাক্লকপদা নুংঙাইবা ফোংদোকখ্রে।
প্রধান মন্ত্রী মোদীনা শ্রী হোলনেসপু মহাক্কী য়াইফ পাওজেল অমদি মমাংদা ইরীকখিবা নুংঙইবা ফোংদোকপগী চিথী অদুগীদমকসু থাগৎপা ফোংদোকখি। ভারতনা জমাইকা অমসুং কেরিবিয়ান রিজন অপুনবগা লোইননা মরী থম্বগী অপাম্বা অদু মহাক্না ফোংদোকখি। মহাক্না হায়খি মদুদি চহী অসিগী হৌরকপদা কেরিকোম দিবেলপমেন্ত ফন্দগী ইন্তর্নেস্নেল দিবেলপমেন্ত পার্তনর অমা ওইনবা ভারতকী ৱারেপ অদু রিজন অসিগা লোইননা হেন্না চেৎপা শেল-থুমগী তেংবাংগীদমক অচেৎপা অপাম্বা অদুনা লমজিংলি।
প্রধান মন্ত্রী হোলনেসনা জমাইকা অমসুং কেরিবিয়ানগা লোইননা লৈরিবা মরীদা ভারতকী মিৎয়েং অদু তরাম্না ওকখি। মহাক্না ক্লাইমেৎ চেঞ্জনা থোকহল্লিবা মায়োক্নরিবশিং মতিক চানা থেংনবা য়াওনা নাকল অনিগী ইন্তরেস্তকী লম পুম্নমক্তা মরীশিং অসি হেন্না চেৎশিলহন্নবগীদমক প্রধান মন্ত্রী মোদীগা লোয়ননা থবক তৌমিন্ননবা মহাক্কী অচেৎপা অপাম্বা অদু অমুক হন্না ফোংদোকখি।
