প্রধান মন্ত্রী সেরিং তোবগেনা প্রধান মন্ত্রীগী মীৎয়েং শানবা লুচিংবা থাগৎপা ফোঙদোকখ্রে
ভুতানগা লৈবাক অসিগা লৈনরিবা তমজনফম ওইরবা মরীদা প্রধান মন্ত্রী মোদীনা ভারতকী অচেৎপা ফিরেপ অমুক হন্না থমখ্রেঙসি ভুতানগী প্রধান মন্ত্রী দাসো সেরিং তোবগেনা প্রধান মন্ত্রীগা ৱারি শানখ্রে অমসুং ১৮শুবা লোক সভা মীখলদা এন.দি.এনা মাইপাকপদা মহাক্না থাগৎপা ফোঙদোকখ্রে। হৌখিবা চহি ১০দা লৈখিবা প্রধান মন্ত্রী মোদীগী তুংগী উবা ঙম্বা লুচিংবগী থবক প্রধান মন্ত্রী তোবগেনা থাগৎপা ফোঙদোকখি অমসুং মহাক্কী অহুমশুবা তার্ম মাইপাকপগীদমক মহাক্কী য়াইফ-পাউজেল পীখি।
তরাম্না ওকপগীদমক প্রধান মন্ত্রী মোদীনা প্রধান মন্ত্রী তোবগে থাগৎপা ফোঙদোকখি। লৈবাক অসিনা ভুতানগা লৈনরিবা তমজনফম ওইরবা মরী অসি ভারতনা খ্বাইদগী লুম্না লৌরি হায়না প্রধান মন্ত্রীনা ফোঙদোকখি। ভারত অমসুং ভুতানগী মরক্তা লৈনরিবা মরুপ-মপাং অমসুং মতেং পাংনবগী তোপ-তোপ্পা মরীশিং মখা তানা মপাঙ্গল কনখৎহন্নবা ভারত সরকারগী অচেৎপা ফিরেপ অদু প্রধান মন্ত্রীনা অমুক হন্না থমখি।
ভারত-ভুতানগী মরী অসি থাজনবা, অফবা থবক অমসুং থাক খুদিংমক্তা অমনা অমবু মশক খঙবনা ওইরি অমসুং মীগা মীগা অচেৎপা মরী লৈনবা অমসুং শেন-থুম অমসুং চাউখৎ-থৌরাংগী অচেৎপা মরীনা হেন্না মপাঙ্গল হাপ্লে।
Glad to speak with my friend PM @tsheringtobgay. Bharat and Bhutan ties are exemplary, unique and an important pillar of our Neighbourhood First policy. I look forward to taking this special partnership to newer heights.
— Narendra Modi (@narendramodi) June 6, 2024
