গীতানা ঐখোয়বু ৱাখল খলহল্লি, ঐখোয়দা ৱাহং হাংনিংবা পোকহল্লি, খন্ন-নৈনবদা পুক্নিং থৌগৎলি অমসুং ঐখোয়বু অচুম-অরান খঙহল্লি: পি.এম.

প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সকী খুত্থাংদা স্বামী চিদভাবানন্দজীগী ভগবদ গীতাকী কিন্দল ভর্জন ফোঙখ্রে।

স্বাম চিদভাবানন্দজীগী ভগবদ গীতাগী ই-বুক ভর্জন ফোঙলদুনা প্রধান মন্ত্রীনা ই-বুক ভর্জন অসি ফোঙনবা হোৎনখিবা অসিবু থাগৎখি মরমদি মসিনা গীতাগী অফবা ৱাখল্লোনশিংগা নহারোল কয়াগা মরী লৈনহনবা ঙমহল্লগনি। প্রধান মন্ত্রীনা হায় চৎনবী অমসুং তেক্নোজোজী অসি পুনশিনখ্রে। মহাক্না হায় ই-বুক অসিনা হোংবা নাইদ্রবা গীতা অমসুং ফজরবা তামিলগী কলচরগী মরক্তা মরী চেৎশিলহল্লগনি। ই-বুক অসিনা মালেম শিনবা থুংবদা লৈরিবা তামিল দাইস্পোরানা মসিবু লায়না পাবা ফংহল্লগনি। মহাক্না তামিল দাইস্পোরানা সেক্তর কয়াদা অনৌবা পন্দোম লোম্বা ঙম্বগী অমসুং মখোয়না চৎপা মফম খুদিংদা তামিলগী ফজরবা কলচরবু মশক তাকখিবগীদমক থাগৎখি।

স্বামী চিদভাবানন্দজীবু ইকাই খুম্নবা উৎলদুনা প্রধান মন্ত্রীনা হায় স্বামী চিদভাবানন্দজীগী ৱাখল, হকচাং, থম্মোয় অমসুং থৱায় পুম্নমক ভারতবু অমুক হন্না শেমগৎনবা কত্থোকখি। মহাক্না হায় স্বামী বিবেকানন্দনা মাদ্রাস্তা ৱা ঙাংখিবা অদুনা স্বামী চিদভাবানন্দজীবু ইথিল পীদুনা মহাক্না পুম্নমক্তগী লৈবাক অসিবুনা হেন্না লুম্না লৌদুনা মীয়ামগী থৌগল তৌখি। মহাক্না মখা তারদুনা হায় অমরোমদা স্বামী বিবেকানন্দনা স্বামী চিদভাবানন্দজীবু ইথিল পীখি অদুগা নাকল অমরোমদনা মহাক্না তৌখিবা অফবা থবকশিংনা মালেমদা ইথিল পীখি। শ্রী রামাকৃষ্ণ মিসন্না মীয়ামগী থৌগল, হেল্থকিয়র, এজুকেসনদা শীংথানিংঙাই ওইবা থবক তৌখিবা অমদি স্বামী চিদভাবানন্দজীনা তৌরম্বা অফবা থবকশিং মাংলোমদা পুখৎলিবা অসিগীদমক মহাক্না থাগৎখি।

প্রধান মন্ত্রীনা হায় গীতাগী নীংথিজবা অসি মাগী মনুং হঞ্জিনবা, মখল-মথেল শুরবা অমসুং হোংদোক-হোংজিন য়াবা মওং মতৌ অসিদা উবা ফংলি। মহাক্না হায় আচার্য় ৱিনোবা ভাবেনা গীতাবু করিগুম্বা মহাক্না খুদী থিবদা মতমপাক্তা পমখৎপীবা মমা অমনি হায়না ফোঙদোকখি। মহাত্মা গান্ধী, লোকমন্যা তিলক, মহাকবি সুব্রমনিয়া ভারত্তিগুম্বা অথোইবা লুচিংবশিংবু গীতানা ইথিল পীখি। মহাক্না হায় গীতানা ঐখোয়বু ৱাখল খলহল্লি, ঐখোয়দা ৱাহং হংনিংবা পোকহল্লি, খন্ন-নৈনবদা পুক্নিং থৌগৎলি অমসুং ঐখোয়বু অচুম-অরান খঙহল্লি। মহাক্না মখা তারদুনা হায় গীতানা ইথিল পীবা মীওই খুদিংনা মহৌশানা মীনুংশিং চাউগনি অমসুং লমচৎ-শাজৎতা মী খুদিংমক্তা মান্নবা মীৎয়েং য়েংগনি।

প্রধান মন্ত্রীনা হায় শ্রীমদ ভগবদ গীতা অসি য়েৎনবা অমসুং অৱাবা মতমদা পোকখি অমসুং হৌজিক মীওইবা জাতিনা চপ মান্নবা য়েৎনবশিং অমসুং শীংনবশিং অদুমক থেংনরি। মহাক্না মখা তারদুনা হায় ভগবদ গীতা অসি অৱাবদগী মাই পাকপা ঙমখিবা ফাওবগী খোচৎকী ৱাখল্লোনশিং অদুগী লনগী পুকৈ অমনি। মহাক্না হায় শ্রীমদ ভগবদ গীতানা তাকপীরিবা লম্বেল অসি মালেম্না অমুক্তা থোকখিদ্রিবা লাইচৎ অমগী মায়োক্তা অকনবা লান শোক্নরিবা অমসুং শেন্মীৎলোন অমসুং খুন্নাইদা পীরিবা শাফু অসি থেংননবা হোৎনরিবা মতম অসিগা য়াম্না চুন্নৈ। মহাক্না হায় শ্রীমদ ভগবদ গীতানা মীওইবা জাতিনা থেংনরিবা শীংনবশিং অসিদগী অমুক হন্না মাই পাকপা ঙম্নবা পাঙ্গল অমসুং মাইকৈ তাকপা ঙমগনি। মহাক্না য়ুনিভর্সিতী ওফ ওক্সফোর্দনা ফোঙবা কার্দিওলোজীগী পিয়র রিভিয়ু জর্নেল অমদা কোবিদ লাইচৎ মনুংগাগীতাগা লৈনরিবা মরী অদুগী মতাংদা শাংনা ফোঙখি হায়না থমখি।

প্রধান মন্ত্রীনা হায় শ্রীমদ ভগবদ গীতাগী মপুং ওইবা পাউজেলদি থবক পাঙথোকপনি মরমদি মসি তুমিন্না লৈথোকপদগী য়াম্না হেন্না ফৈ। মহাক্না মখা তারদুনা হায় মসিগা মান্ননা আত্মনির্ভর ভারতকী মপুং ওইবা ৱাখল্লোন অদুদি ঐখোয় ইশা খক্তগী নত্তনা অপুনবা মীওইবা জাতিগীদমক লন অমসুং ভেল্যু শেমগৎপনি। আত্মনির্ভর ভারত অসি মালেমগীদমক অফবা অমনি হায়না ঐখোয়না থাজৈ। গীতাগী ৱাখল্লোন অদুগা লোইননা ঐখোয়গী সাইন্তিস্তশিংনা মীওইবা জাতি লায়েংনবা অমসুং মতেং পাংনবা কোবিদকী বেক্সিনশিং করম্না খোঙজেল য়াংনা পুথোকখি হায়বা অদু নীংশিংখি।

প্রধান মন্ত্রীনা মীয়াম, মরু ওইনা নহারোলশিংদা তশেংনা ওইথোকপা য়াবা অমসুং য়াম্না চুনবা ওইরিবা শ্রীমদ ভগবদ গীতানা তাকপী-তম্বীরিবা অসি য়েংশিলহৌনবা অপাম্বা ফোঙদোকখি। মহাক্না হায় গীতানা য়াম্না খোঙজেল য়াংনা চংশিল্লিবা পুন্সিগী তাঙ্কক অসিদা ইংচিকপা অমসুং শান্তিগী মফম অমা পীগনি। মসিনা ঐখোয়গী ৱাখলদগী মাইথিবা নংগনি হায়বগী অকিবা অদু মুত্থৎকনি অমসুং ঐখোয়গী থৌদাংদা মীৎয়েং চংহনগনি। মহাক্না হায় পন্দুপ খুদিংমক্তা ৱাখলদা অফবা ৱাখল্লোন পোকহন্নবা করিগুম্বা খরা অদুমক য়াওরি।

 

 

 

 

 

 

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
PLI, Make in India schemes attracting foreign investors to India: CII

Media Coverage

PLI, Make in India schemes attracting foreign investors to India: CII
NM on the go

Nm on the go

Always be the first to hear from the PM. Get the App Now!
...
PM Modi congratulates hockey team for winning Women's Asian Champions Trophy
November 21, 2024

The Prime Minister Shri Narendra Modi today congratulated the Indian Hockey team on winning the Women's Asian Champions Trophy.

Shri Modi said that their win will motivate upcoming athletes.

The Prime Minister posted on X:

"A phenomenal accomplishment!

Congratulations to our hockey team on winning the Women's Asian Champions Trophy. They played exceptionally well through the tournament. Their success will motivate many upcoming athletes."